Ստեփան Դանիելյան

Փաշինյանի առաջարկն ինչ–որ առումով շանտաժ է` ուղղված Ռուսաստանի դեմ. քաղաքագետ

206
(Թարմացված է 16:40 28.05.2021)
Քաղաքագետ Ստեփան Դանիելյանը Sputnik Արմենիայի եթերում անդրադարձել է Հայաստանի և Ադրբեջանի միջև պետական սահմանին միջազգային դիտորդներ տեղակայելու առաջարկին և այդ ֆոնին ՀՀ արտգործնախարար Արա Այվազյանի հրաժարականին։  
Դանիելյան. Փաշինյանի առաջարկն ինչ–որ առումով նաև շանտաժ է` ուղղված Ռուսաստանի դեմ

Ստեփան Դանիելյանի դիտարկմամբ` եթե նույնիսկ Նիկոլ Փաշինյանի առաջարկն իրականություն դառնա, ապա միջնորդների կազմը չի սահմանափակվի միայն ԵԱՀԿ Մինսկի խմբի համանախագահներով, որովհետև Թուրքիան և Իրանը մի կողմ քաշված չեն մնա. խնդիրն անմիջականորեն վերաբերում է նաև նրանց, գուցե ավելի շատ, քան ՀՀ գործող իշխանությանը։

«Կարծում եմ, որ Փաշինյանի առաջարկն ինչ–որ առումով նաև շանտաժ է` ուղղված Ռուսաստանի դեմ, առանց հաշվի առնելու այն հանգամանքը, թե ինչ հետևանքներ կարող է ունենալ այդ շանտաժը։ Վարչապետի պաշտոնակատարը հայտնվել է շատ վատ վիճակում ու թեև փորձում է ինչ–որ քայլեր անել, բայցևայնպես, պետք է արձանագրենք, որ այստեղ ոչ թե քաղաքականություն կա, այլ անլուրջ մարդու չկշռադատված մտքեր»,–նշեց քաղաքագետը։

Անդրադառնալով ՀՀ արտգործնախարարի պաշտոնակատար Արա Այվազյանի հրաժարականին` Դանիելյանն ընդգծեց, որ դեռ հայտնի չէ, թե Փաշինյանն ինչ բանավոր խոստումներ է տվել ադրբեջանական կողմին, ուստի հնարավոր է, որ նույնիսկ եթե գաղտնի նոր փաստաթուղթ էլ չլինի, միևնույնն է, Արա Այվազյանը վստահ չէ Փաշինյանի հաջորդ քայլերի առթիվ։

Ես այդ թուղթը ստորագրելու եմ. Փաշինյանը` Միքայել Մինասյանի հրապարակած փաստաթղթի մասին

Վարչապետի պաշտոնակատարը կարող է նոր քայլեր անել և նախկինի պես ԱԳՆ–ին չտեղեկացնել այդ մասին, հետևաբար Արա Այվազյանն, ըստ քաղաքագետի, չի ցանկացել անկանխատեսելի մարդու քայլերի պատասխանատվությունը կիսել։      

Հիշեցնենք, որ Նիկոլ Փաշինյանը մայիսի 27-ին ԱԽ նիստում առաջարկել է սահմանային հատվածում միջազգային դիտորդներ տեղակայել։

ՀՀ վարչապետի պաշտոնակատարը կարծում է, որ շատ արագ երկու կողմերի ԶՈւ ստորաբաժանումները պետք է հայելային եղանակով հեռանան սահմանագծից և նրանց փոխարեն սահմանագծի երկայնքով տեղակայվեն միջազգային դիտորդներ՝ Ռուսաստանը կամ ԵԱՀԿ Մինսկի խմբի համանախագահությունը ներկայացնող։

Հավելենք նաև, որ դեռ փետրվարից մամուլում լուրեր էին շրջանառվում Արա Այվազյանի հրաժարականի մասին։ Մոտ 1 շաբաթ առաջ լուրերն ակտիվացան։ Նշվում էր, որ հրաժարականի պատճառը Նիկոլ Փաշինյանի հետ ունեցած հակասություններն են։ Երեկ` մայիսի 27–ին, Արա Այվազյանը հրաժարական տվեց։ 

206
թեգերը:
շանտաժ, Ռուսաստան, Սահման, Հայաստան, Նիկոլ Փաշինյան
Ըստ թեմայի
Սյունիքի սահմանին առկա լարվածությունը մեծ կծիկի մի կետն է միայն. քաղաքագետ
Լավրովի կողմից Զանգեզուրի միջանցքին անդրադարձը մեսիջ է Ադրբեջանին և Թուրքիային. Դանիելյան
Ի՞նչ խնդիր է լուծում Ալիևը Հայաստան ներխուժելով. Դանիելյանը 4 վարկած է առանձնացնում
Միքայել Նահապետյան

«Քաղաքացու որոշում». Մենք խնդիր ենք ունենալու ոչ միայն Արցախը, այլև Հայաստանը պահելու հետ

45
«Քաղաքացու որոշում» կուսակցության գործադիր մարմնի անդամ Միքայել Նահապետյանը Sputnik Արմենիայի հետ զրույցում անդրադարձել է նախընտրական քարոզարշավի ընթացքին, նշել կուսակցության նախընտրական ծրագրում ներառված հիմնական թիրախները։
«Մենք խնդիր ենք ունենալու ոչ միայն Արցախը, այլև Հայաստանը պահելու հետ». Նահապետյան

Ընտրապայքարի մեջ մտած քաղաքական թիմերում կան մարդիկ, բևեռներ, որոնք ատելության մթնոլորտ են գեներացնում, բևեռացնում են հանրությանը, փորձում այս կամ այն կերպ ցույց տալ, թե ներկայիս իրավիճակի համար բոլորը մեղավոր են, բացի իրենցից։ Sputnik Արմենիայի հետ զրույցում նման կարծիք հայտնեց «Քաղաքացու որոշում» կուսակցության գործադիր մարմնի անդամ Միքայել Նահապետյանը։

«Հայաստանի նախորդ 4 կառավարությունները վարում են քարոզարշավ և ընտրություններին մասնակցում են մեկ նպատակով, որպեսզի պատմության մեջ, պատմության դասագրքերում  իրենց կառավարման ժամանակաշրջանը գրվի որպես ճիշտ քաղաքական կուրս, մյուսներինը` հնարավորինս անհաջող, որոնք փչացրին ամեն ինչ»,- ասաց նա։

Մինչդեռ, ըստ Նահապետյանի, իրականությունն այն է, որ Հայաստանն այս աղետալի վիճակում հայտնվել է 30 տարի անընդմեջ, մեկը մյուսին հաջորդող սխալ քաղաքականության հետևանքով, հետևաբար` ժամանակն է, որ ժողովուրդը հաշվի նստի այդ ամենի հետ և վերանայի քաղաքական կուրսը, ոչ թե անձերին։

«Մինչև մենք չստեղծենք պետություն, որտեղ քաղաքացու համար ապրելն արժանապատիվ է, հարմարավետ է, մենք խնդիր ենք ունենալու ոչ միայն Արցախը, այլև Հայաստանը պահելու հետ»,- նշեց նա։

Իշխանության գալու դեպքում «Քաղաքացու որոշումը» խոստանում է կարճ ժամկետներում ստեղծել ժամանակակից անվտանգության համակարգ, վերակառուցել երկիր, որտեղ որակյալ կրթությունը հասանելի կլինի բոլորին և որի քաղաքացիները չեն մահանա առողջապահական ծառայությունների դիմաց վճարելու գումար չունենալու պատճառով։

Պատգամավորի թեկնածուին մեղադրանք է առաջադրվել բնամթերքի գործով. նա կկալանավորվի՞

Հիշեցնենք` հունիսի 20-ին կայանալիք ԱԺ արտահերթ ընտրությունների քարոզարշավը մեկնարկել է հունիսի 7-ին: Ընտրություններին կմասնակցի 25 քաղաքական ուժ՝ 21 կուսակցություն և 4 դաշինք։

45
թեգերը:
Ընտրություններ, «Քաղաքացու որոշում» կուսակցություն
թեմա:
ԱԺ արտահերթ ընտրություններ 2021
Ըստ թեմայի
«Հայոց Արծիվներ, միասնական Հայաստան» կուսակցությունը չի մասնակցի ընտրություններին
Ո՞ւմ օգտին կքվեարկեիք, եթե ընտրությունը տեղի ունենար այս պահին. Gallup–ի հարցման արդյունքը
Ադրբեջանցիները հետ կքաշվե՞ն. Կութում խոստացել են խնդիրը լուծել մինչև ընտրությունները
Սիմա Չիտչյան

Ադրբեջանցիները հետ կքաշվե՞ն. Կութում խոստացել են խնդիրը լուծել մինչև ընտրությունները

101
(Թարմացված է 20:58 11.06.2021)
Սիմա Չիտչյանը Sputnik Արմենիայի հետ զրույցում պատմեց` կութեցիներին ասել են, որ շուտով բոլոր խնդիրները կլուծվեն, իրենք դարձյալ հանգիստ կապրեն։
Ադրբեջանցիները հետ կքաշվե՞ն հայկական տարածքներից. Կութում խոստացել են խնդիրը լուծել մինչև ընտրությունները

Կութ այցելած պաշտոնյանները համայնքի ղեկավար Սիմա Չիտչյանին հուսադրել են, թե մինչև ԱԺ արտահերթ ընտրությունները սահմանային միջադեպերին, հայերի ու ադրբեջանցիների բախումներին վերջ կտրվի։

«Շուտով սահմանազատում կլինի, մենք մեզ համար կապրենք այստեղ, իրենք իրենց տարածքները կգնան»,- Sputnik Արմենիայի հետ զրույցում ասաց նա։

Հարցին, թե այդ լուծումների մեջ մտնո՞ւմ է նաև ադրբեջանցիների հայկական տարածքներից հետ քաշվելու հարցը, Չիտչյանը կարճ պատասխանեց. «Ոչ թե հետ են քաշվելու, այլ գալու են, սահմանները ճշտեն»։

Հիշեցնենք` ադրբեջանցի զինվորականները մայիսի 12-ից Հայաստանի Սյունիքի մարզում գտնվող Սև լճի տարածքում են և փորձում են ամրապնդվել այնտեղ։ Նմանատիպ իրավիճակ է նաև Գեղարքունիքի մարզի Կութ, Վերին Շորժա և Նորաբակ գյուղերի հատվածում։

Ռուսական կողմի միջնորդությամբ բանակցությունների մի քանի փուլ է կայացել։ Հակառակորդն առայժմ հեռանալու մտադրություն դեռ չունի։ Հայաստանը դիմել է ՀԱՊԿ-ին և ռազմական օգնություն խնդրել Ռուսաստանից։

Ռազմաքաղաքական ղեկավարությունը հայտարարում է, որ ցանկանում է խնդիրը լուծել խաղաղ ճանապարհով, բայց չի բացառում նաև ուժի կիրառման տարբերակը, եթե բանակցությունները արդյունք չտան։

Բացի այդ, մայիսի 25-ին Գեղարքունիքի մարզի Վերին Շորժա գյուղի հատվածում հակառակորդի կողմից արձակված կրակոցներից մահացու վիրավորում է ստացել զինծառայող, կրտսեր սերժանտ Գևորգ Խուրշուդյանը:

Մայիսի 26–ի լույս 27–ի գիշերը ադրբեջանական կողմը Գեղարքունիքի սահմանային հատվածում 6 հայ զինծառայողի է գերեվարել։

ՀՀ վարչապետի պաշտոնակատար Նիկոլ Փաշինյանը մայիսի 27-ին ԱԽ նիստում առաջարկեց Ադրբեջանի հետ սահմանին տեղակայել միջազգային դիտորդների, որոնք կներկայացնեն Ռուսաստանը կամ Մինսկի խմբի համանախագահ մեկ այլ երկիր։

101
թեգերը:
գերի, Սահման, Կութ, Ադրբեջան, Հայաստան
Ըստ թեմայի
Գեղարքունիքում և Սյունիքում ադրբեջանցիները գողանում են հայերի կենդանիներին. ՄԻՊ–ի փաստերը
«Սյունիքում պահպանվում է իրադրության սրման վտանգը». ՀԱՊԿ գլխավոր քարտուղար
Գեղարքունիքից գերեվարված 6 հայ զինծառայողի հարցով ՄԻԵԴ–ը միջանկյալ միջոց կկիրառի
Ընտրական տեղամաս. արխիվային լուսանկար

Բադասյանն ընտրական 9 հանցագործություն է ներկայացրել, որոնք սահմանված են գործող օրենքով

0
Քրեական օրենսգրքի մի շարք հոդվածներ անդրադառնում են ընտրական հանցագործություններին` սահմանելով դրանք։

ԵՐԵՎԱՆ, 12 հունիսի - Sputnik. ՀՀ արդարադատության նախարարի պաշտոնակատար Ռուստամ Բադասյանը ներկայացրել է, թե ընտրական ո՞ր հանցագործություններն են սահմանված քրեական գործող օրենսգրքով։ Նա Facebook–ի իր էջում գրառում է արել` անդրադառնալով գործող օրենսգրքով կարգավորվող 9 ընտրական հանցագործություններին։

Այսպիսով, ընտրական հանցագործություն է համարվում ընտրակաշառք տալը կամ ստանալը։ Արգելվում է ինչպես դրամական միջոցներ, այնպես էլ որևէ գույք կամ գույքի նկատմամբ իրավունք, արժեթղթեր և ցանկացած այլ առավելություն (ինչպես, օրինակ, աշխատանքի ընդունելը կամ որոշակի ծառայություններ մատուցելը) տրամադրելը, խոստանալը և առաջարկելը, ինչպես նաև դրանք ստանալը կամ պահանջելը։

Կաշառք ստացող անձն ազատվում է պատասխանատվությունից, եթե մինչև կաշառք ստանալու մասին իրավապահներին հայտնի դառնալը (բայց ոչ ուշ, քան եռօրյա ժամկետում) այդ մասին կամովին հայտնել է քրեական հետապնդման մարմիններին (154.2-րդ հոդվածի 1-ին և 2-րդ մասեր)։

Հանցագործություն է համարվում նաև ընտրակաշառքի միջնորդությունը. սա դրսևորվում է ընտրակաշառք տվողի և ընտրակաշառք ստացողի միջև ընտրակաշառքի շուրջ համաձայնության գալուն կամ արդեն կայացած համաձայնության իրականացմանը նպաստելով (154.9-րդ հոդված)։

Պատասխանը լինելու է կոշտ․ Փաշինյանը՝ ընտրակաշառք բաժանելու մասին

Ընտրական հանցագործություն է նաև նախընտրական քարոզարշավը բարեգործության հետ համատեղելը։ Արգելվում է թեկնածուի, կուսակցության անդամի կամ լիազորված անձի կողմից անձամբ կամ նրա անունից կամ որևէ այլ եղանակով կամ բարեգործության անվան տակ ընտրողներին անհատույց կամ արտոնյալ պայմաններով դրամ, սննդամթերք տալը կամ ծառայություններ մատուցելը (154.2-րդ հոդվածի 5-րդ մաս)։

Նախընտրական քարոզչությանը մասնակցելուն կամ մասնակցելուց հրաժարվելուն հարկադրելը կամ նախընտրական քարոզչությանը մասնակցելուն խոչընդոտելը նույնպես չի թույլատրվում (149.1-րդ հոդված): Բացի այդ, արգելվում է նաև ընտրողին հարկադրել, որ վերջինս կողմ կամ դեմ քվեարկի կուսակցություններից (դաշինքներից) որևէ մեկի օգտին, կամ մասնակցի/հրաժարվի մասնակցել ընտրություններին (154.2-րդ հոդվածի 3-րդ մաս)։

Ընտրական հանցագործություն է համարվում նաև քվեարկության գաղտնիությունը խախտելը, որը կարող է կատարվել ընտրողին քվեարկության արդյունքը հայտնելուն հարկադրելու, քվեարկության խցիկ մուտք գործելու միջոցով, ինչպես նաև ցանկացած այլ եղանակով։

Հանցանք են համարվում նաև ընտրողի կողմից երրորդ անձանց համար տեսանելի եղանակով քվեարկելը (154-րդ հոդված), ինչպես նաև քաղաքացու ընտրական իրավունքի ազատ իրականացմանը կամ ընտրական հանձնաժողովի աշխատանքին խոչընդոտելը (149-րդ հոդված)։

Մեկից ավելի անգամ կամ այլ անձի փոխարեն քվեարկել չի կարելի (153-րդ հոդված)։

Եվ, վերջապես, ընտրական հանցանք է համարվում ընտրությունների կամ քվեարկության արդյունքները կեղծելը (150-րդ հոդված):

Ոչ մեկի մտքով չպետք է անցնի իշխանության «տիրանալ» ընտրակաշառքով. Ռոմանոս Պետրոսյան

Նշենք, որ Հայաստանում հունիսի 7–ից մեկնարկել է պաշտոնական քարոզարշավը։

Արտահերթ խորհրդարանական ընտրությունները տեղի են ունենալու հունիսի 20–ին։ Դրանց մասնակցում է 21 կուսակցություն և 4 դաշինք։

0
թեգերը:
Ռուստամ Բադասյան, հանցագործություն, Ընտրություններ
Ըստ թեմայի
Քննությունը կպարզի ՔՊ-ի քարոզարշավին խոչընդոտելու դեպքի հանգամանքները
Ծեծկռտուք քարոզարշավի ժամանակ. մասնակիցների մեջ են եղել Հակոբ Արշակյանը և ՔՊ–ի 4 անդամներ
«Հանրապետության» համար քարոզարշավը լավ է ընթանում. կուսակցությունը նորամուծություն է արել