Ահարոն Վարդանյան

«Իրանն Ադրբեջանի վրա ազդելու մեծ լծակներ ունի». Վարդանյանը` Զարիֆի այցի մասին

105
Իրանագետ Ահարոն Վարդանյանը Sputnik Արմենիայի եթերում անդրադարձել է Իրանի Իսլամական Հանրապետության արտգործնախարար Մոհամմադ Ջավադ Զարիֆի երևանյան այցին ու դրա շրջանակներում կայացած կարևոր հանդիպումներին։

 

«Զարիֆի հայտարարություններից հետո Ադրբեջանը հենց այնպես դուրս չի գա ՀՀ տարածքից». Վարդանյան

Ահարոն Վարդանյանի խոսքով` չափազանց կարևոր է հատկապես այն հանգամանքը, որ Իրանի արտգործնախարարը շեշտեց երկաթուղային հանգույցի շահագործումն ու Սյունիքի մարզի նշանակությունը։ Ըստ նրա` Հայաստանի տարածքային ամբողջականությանն առնչվող հայտարարությունը նույնպես կարևոր է, բայց հատկապես Սյունիքի մարզի նշանակության ընդգծումն արդեն իսկ փաստում է տարածքային անքակտելիության սկզբունքը, որին իրանական կողմը վերաբերվում է ամենայն լրջությամբ ու բծախնդրությամբ։

«Պատահական չէ, որ Զարիֆն այդ հայտարարությունն անում է այն ժամանակ, երբ թշնամին ներխուժել է մեր տարածք, հետևաբար իրանական կողմը շատ է կարևորում Հայաստանի հետ ռազմավարական բնույթի հարաբերությունները, որոնց առնչվող 3 սկզբունքները հնչեցրել է նաև Իրանի հոգևոր առաջնորդն արցախյան 44-օրյա պատերազմից հետո»,– նշեց իրանագետը։

Վարդանյանի կարծիքով` նոր իրողությունների պայմաններում Իրանի արտաքին քաղաքականությունը Հարավային Կովկասում ձևավորվել է հիշյալ երեք սկզբունքների համատեքստում, որոնցից գլխավորը երկրների տարածքային ամբողջականության պահպանումն է, ինչն էլ իրանական դիվանագիտության համար ունի կարմիր գծերի նշանակություն և ևս մեկ անգամ ամրագրվեց Երևանում։   

«Իրանն Ադրբեջանի վրա ազդելու մեծ լծակներ ունի և այնտեղ կարող է հարցեր լուծել, պարզապես խնդիրը պետք է դիտարկել ոչ թե Իրան–Ադրբեջան հարաբերությունների համատեքստում, այլ դրան մոտենալ ավելի մեծ, աշխարհաքաղաքական կտրվածքով։ Քանի որ մեր սահմաններին, հատկապես Սյունիքում տեղի ունեցող իրադարձությունները մեծ խաղի բաղկացուցիչ մաս են կազմում, հետևաբար խնդիրները ճիշտ չի լինի դիտարկել լոկ երկկողմ, եռակողմ հարաբերությունների տեսանկյունից»,– նշեց իրանագետը։

Իրանը հարգում է երկրների տարածքային ամբողջականությունը. Զարիֆ

Վարդանյանի համոզմամբ`  Զարիֆի երևանյան հայտարարություններից հետո Ադրբեջանը հենց այնպես դուրս չի գա ՀՀ տարածքից, որովհետև Բաքվի բռնապետը ինչ-որ բան ուզում է և պահանջում է, ուստի այստեղ անհրաժեշտ են ավելի լուրջ միջոցներ ու քայլեր, ինչպես դա արեց Իրանը արցախյան առաջին պատերազմում հրադադարի հասնելու գործում` դրսևորելով ակտիվ միջնորդական առաքելություն։  

Նշենք, որ Իրանի արտգործնախարար Մոհամմադ Զարիֆը Հայաստան է ժամանել այսօր։ Նա հանդիպել է ՀՀ ԱԳ նախարարի պաշտոնակատար Արա Այվազյանի,   ՀՀ նախագահ Արմեն Սարգսյանի և վարչապետի պաշտոնակատար Նիկոլ Փաշինյանի հետ։

Իրանի արտգործնախարարը վերջին անգամ Հայաստան էր այցելել այս տարվա հունվարին, իսկ այս անգամ Հայաստան այցելելուց առաջ երեկ` մայիսի 25–ին, եղել է Ադրբեջանում։

105
թեգերը:
Ադրբեջան, Սահման, Սյունիք, Մոհամմադ Ջավադ Զարիֆ, Հայաստան, Իրանի Իսլամական Հանրապետություն
Ատոմ Մարգարյան

Ո՞ր դեպքում ֆինանսական-տնտեսական ցնցումներ կլինեն. Մարգարյանը` դրամի կայունության մասին

31
Տնտեսագետ Ատոմ Մարգարյանը Sputnik Արմենիայի եթերում անդրադարձել է դրամի փոխարժեքի կայունացմանը և նշել, թե որ դեպքում կարող են ցնցումներ գրանցվել։
«Հնարավոր են որոշակի ֆինանսական-տնտեսական ցնցումներ». Մարգարյան

Եթե ընտրություններն անցնեն անցնցում, և հետընտրական անցանկալի զարգացումներ չլինեն, դրամի փոխարժեքի կայունությունը կշարունակվի, և հնարավոր է` էլ ավելի ամրապնդի դիրքերը։ Sputnik Արմենիայի հետ զրույցում նման կարծիք հայտնեց տնտեսագետ Ատոմ Մարգարյանը։

«ԿԲ ռեզերվները, որոնք շուրջ 3 մլրդ դոլար են կազմում, թերևս գտնվում են պատմականորեն ամենաբարձր մակարդակի վրա, այնպես որ այս իմաստով խնդիր չի լինելու, եթե քաղաքական գործընթացներն ընթանան օրենսդրության շրջանակում, հակառակ պարագայում հնարավոր է ամեն ինչ, այդ թվում նաև որոշակի ֆինանսական-տնտեսական ցնցումներ»,- ասաց նա։

Նրա խոսքով` փոխարժեքի որոշակի կայունացումն արհեստական չէ. մեծ հաշվով մակրոտնտեսական ցուցանիշները հավասարակշռված են, սակայն գնաճային միջավայրն է որոշակի լարված, հատկապես արտաքին շուկաներից եկող ռիսկերի կամ ճնշումների համատեքստում։

Կենտրոնական բանկը խստացնում է վարկեր տրամադրելու կանոնները

«Հատկապես պարենային ապրանքների և վառելիքի թանկացումները միջազգային շուկայում ավելի շատ էկզոգեն գործոններ են, որոնք ազդում են հայաստանյան թե՛ սպառողական, թե՛ արտարժութային շուկայի զարգացումների վրա, արհեստականության տարր այստեղ չկա»,- նշեց Մարգարյանը։

Նշենք, որ վերջին օրերին դրամի փոխարժեքը դոլարի նկատմամբ որոշակի կայունություն է գրանցել։

Ինչպիսին կլինի ապագա իշխանությունը. ընտրության մասնակիցների կեսը տնտեսական ծրագիր չունի

31
թեգերը:
դրամ, Ատոմ Մարգարյան, Հայաստան
Ըստ թեմայի
Գնաճը զարգանում է. ԿԲ–ը դարձյալ բարձրացրել է վերաֆինանսավորման տոկոսադրույքը
Հայկական արժույթ` Եվրասիական բանկից․ ԵԱԶԲ-ն դրամով պարտատոմսեր կթողարկի
ԿԲ նախագահը կանխատեսում է՝ ընտրությունները չեն հանգեցնի գնաճի
Սուրեն Սուրենյանց

Ինչով առանձնացավ այս քարոզարշավը մյուսներից. ամփոփում է քաղաքագետը

66
(Թարմացված է 16:23 18.06.2021)
Քաղաքագետ Սուրեն Սուրենյանցը Sputnik Արմենիայի եթերում անդրադարձել է այն հարցին, թե ինչպիսին էր արտահերթ խորհրդարանական ընտրությունների քարոզարշավը։ 
Սուրենյանց. «Մենք այդպես էլ ականատես չեղանք քաղաքական, ծրագրային մրցակցության»

Սուրեն Սուրենյանցի դիտարկմամբ` մենք ըստ էության գործ ունեցանք ոչ թե քաղաքական, ծրագրային մրցակցության, այլ անտագոնիստական ռեժիմի հետ և ամենամեղմ բառերը, որ հակադիր երկու–երեք բևեռները միմյանց հասցեագրում էին, «կապիտուլյանտ» և «թալանչի» բառերն էին։

Ըստ նրա` կողմերից ընթացքում հնչեցին բառեր, որոնք ոչ նորմատիվային էին, ավելին` առաջին անգամ մեր պատմության մեջ ականատես եղանք, երբ պետության ղեկավարը հանդես եկավ բռնություն խորհրդանշող գործիքով` մուրճով, շրջեց մարզերով և սպառնաց մրցակիցներին` խոսելով քաղաքացիական վենդետաների մասին։

«Ցավոք սրտի, անտագոնիզմի աղբյուրն իշխանությունն է։ Հանրային հեռուստաընկերության կազմակերպած բանավեճերն ըստ էության չստացվեցին։ Բանավեճերից մեկին 13 քաղաքական ուժերի փոխարեն ներկա էին չորսը, այսինքն` մրցակցային միջավայր չձևավորվեց։ Երկրորդ առանձնահատկությունն այն է, որ այս ընտրություններին ուղղակի կամ անուղղակի կերպով մասնակցում են ՀՀ գործող և նախկին բոլոր ղեկավարները, ինչը նշանակում է, որ դիսկուրսը ոչ թե ապագայի շուրջ է, այլ անցյալի, ուստի այս ընտրությունները ցավոք սրտի զարգացման ռեսուրս չեն կարող պարունակել»,– նշեց քաղաքագետը։ 

Պեսկովը խոսել է Հայաստանում կայանալիք ընտրությունների մասին

Սուրենյանցի կարծիքով`երկրորդ կարևոր առանձնահատկությունն այն է, որ տոտալ կերպով կիրառվեց վարչական ռեսուրս, հետևաբար այս ընտրություններում, ըստ քաղաքագետի, նույնսիկ հունիսի 20-ին կլինեն վարչական ու ֆինանսական ռեսուրսների չարաշահման համատարած դեպքեր։      

Նշենք, որ Հայաստանում հունիսի 7-ից պաշտոնապես մեկնարկել է խորհրդարանական ընտրությունների նախընտրական քարոզարշավը:

Արտահերթ խորհրդարանական ընտրություններին կմասնակցեն 21 կուսակցություն և 4 դաշինք, որոնք պայքարում են Հայաստանի ընտրողների ռեգիստրում ընդգրկված 2 581 093 ընտրողների ձայների համար։

Հիշեցնենք, որ խորհրդարանական արտահերթ ընտրությունները կայանալու են հունիսի 20-ին։ 

Քարոզարշավի շրջանակում հասարակությանը բևեռացրին 2 ուժերի շուրջ. Սամվել Բաբայան

66
թեգերը:
Հայաստան, քարոզարշավ, արտահերթ նիստ, Սուրեն Սուրենյանց
Ըստ թեմայի
Ռազմագերիներով Ադրբեջանը լուծել է մի քանի խնդիր. Սուրենյանցը` քարտեզի և զորակոչի մասին
Ո՞ր թեկնածուներն են ձեռնտու Ռուսաստանին. քաղաքագետի կարծիքը
«Կոմպրոմատ չեմ համարի». քաղաքագետը` Սերժ Սարգսյանի ձայնագրության մասին
Պուգաչովայի և Գալկինի զավակները

«Սա հիթ է». Գարի և Լիզա Գալկինները հայրիկի ծննդյան օրն անակնկալ են մատուցել. տեսանյութ

31
(Թարմացված է 23:59 18.06.2021)
Ալլա Պուգաչովան երեխաների հետ երաժշտական համար է նախապատրաստել հայտնի շոումեն ամուսնու համար։

ԵՐԵՎԱՆ, 18 հունիսի – Sputnik. Մաքսիմ Գալկինի և Ալլա Պուգաչովայի երեխաները` Գարին և Լիզան, որոշել են ուրախացնել հայրիկին արտասովոր շնորհավորանքով։ Հայտնի երգիծաբան և հեռուստահաղորդավար Մաքսիմ Գալկինը հունիսի 18-ին 45 տարեկան դարձավ։

Մեկնաբանություններում օգտատերերը նշել են, որ Գալկինն ու Պուգաչովան հրաշալի ընտանիք ունեն, երեխաներն էլ շատ դաստիարակված են։ Նրանց տոնական երգը հավանության արժանացել շատերի կողմից։

Արտիստը շնորհավորանքներ է ստանում ընկերներից, գործընկերներից և երկրպագուներից։  Բայց նախևառաջ ընտանիքի անդամներից։ Գարի և Լիզա Գալկինները հոր համար ռեփ են կատարել։ Այդ երգով նրանք շնորհավորել են հայրիկի ծննդյան օրն ու նշել, որ «նա արժանի և խելացի, օրինակելի, հավատարիմ և ուժեղ տղամարդ է մեծացել»։

Գարին և Լիզան խոստովանել են, որ ուրախ են նրա երեխաները լինելու համար և ուզում են նրա պես լինել։

«Սա հիթ է», «Վաու։ Ինչ հիանալի շնորհավորանք է։ Երեխաները հրաշք են», «Որքան լավ է նման բան տեսնելն ու լսելը», «Բրավո ռեփի աստղերին», – այսպիսի մեկնաբանություններ են թողել Գալկինի երկրպագուները։

Ալլա Պուգաչովան և Մաքսիմ Գալկինն ամուսնացած են 2011 թվականից։ Ամուսինները երկու երեխա են դաստիարակում` երկվորյակներ Լիզային և Գարիին։ Հեռուստահաղորդավար և երգիծաբան Գալկինի  համար սա առաջին ամուսնությունն է, երգչուհու համար` հինգերորդը։ Պուգաչովայի ավագ դուստրը` հայտնի երգչուհի Կրիստինա Օրբակայտեն, 50 տարեկան է։

 

31
թեգերը:
ծնունդ, երեխա, Մաքսիմ Գալկին, Ալլա Պուգաչովա
Ըստ թեմայի
Գալկինը հիանում է կնոջով, իսկ հետևորդներն այդ տեսանյութը տհաճ ու տարօրինակ են համարում
Ինչպես է հաջողվում 9 տարի շարունակ ապրել միասին. Գալկինը փակագծեր է բացել
Ծիրանագույնից մինչև «Կիմ Չեն Քարդաշյան»․ Գարիկ Մարտիրոսյանը զվարճացրել է հետևորդներին