Վիգեն Հակոբյան

Ինչո՞ւ են Ավինյանն ու Միքայելյանը դուրս մնացել ՔՊ ցուցակից. պարզաբանում է քաղտեխնոլոգը

270
(Թարմացված է 16:29 26.05.2021)
Քաղտեխնոլոգ Վիգեն Հակոբյանը Sputnik Արմենիայի հետ զրույցում անդրադարձել է Քաղաքացիական պայմանագրի համամասնական ցուցակի առաջին 15 տեղը զբաղեցրած անձանց և այն ֆիգուրներին, որոնք դուրս են մնացել այդ ցուցակից։
Ինչո՞ւ են ՔՊ ցուցակից դուրս մնացել Ավինյանն ու Միքայելյանը, և ինչ խնդիր են լուծելու Սուքիասյանն ու Արսենյանը. մեկնաբանում է քաղտեխնոլոգը

Ընտրություններում հաջողության հասնելու դեպքում «Քաղաքացիական պայմանագիր» կուսակցության քաղաքական թիմը ՀՀ փոխվարչապետի պաշտոնակատար Տիգրան Ավինյանին գործադիրում չի տեսնում, թերևս դա է պատճառը, որ Ավինյանը ընդգրկված չէ իշխանական թիմի ներկայացրած համամասնական ցուցակի առաջին 15 թեկնածուների շարքերում։ Sputnik Արմենիայի հետ զրույցում նման կարծիք հայտնեց քաղտեխնոլոգ Վիգեն Հակոբյանը։

«Փոխարենը Ավինյանը կարող է պաշտոն ստանալ մեկ այլ ոլորտում, օրինակ` մայրաքաղաքային իշխանության առումով»,- ասաց նա։

Մամուլում շրջանառվող վարկածներից մեկի համաձայն`չի բացառվում, որ Ավինյանին դեսպան նշանակեն, բայց դա չէր կարող պատճառ լինել, որ նրան ցուցակում չներառեն, չէ՞ որ Լիլիթ Մակունցն էլ արդեն հաստատել է, որ ԱՄՆ-ից դեսպան նշանակվելու հաստատումն արդեն ստացել է, բայց նախընտրական ցուցակում 3-րդ տեղն է զբաղեցնում։

Ինչ վերաբերում է ՔՊ ցուցակում Խաչատուր Սուքիասյանին և Գուրգեն Արսենյանին ներառելուն, ապա այդկերպ, ըստ քաղտեխնոլոգի, Նիկոլ Փաշինյանի թիմը ոչ այնքան ռեբրենդինգի, որքան ֆինանսական, կազմակերպչական և տարաբնույթ ռեսուրսների խնդիր է լուծում։

«Երկու գործիչներն էլ բավականին փորձված են ընտրական գործընթացների առումով, տիրապետում են նախընտրական պայքարի որոշակի տեխնոլոգիաներին, նաև Փաշինյանը շատ լավ հասկանում է, որ Երևանում իր դիրքերը բավականին թույլ են և այս գործարարները զբաղվելու են մայրաքաղաքում նախընտրական քարոզարշավի կազմակերպումը և ռեսուրսների ներգրավումը կոորդինացնելով»,- նշեց Հակոբյանը։

Քաղտեխնոլոգի խոսքով` Սասուն Միքայելյանը ՔՊ-ականների ցուցակից ամենայն հավանականությամբ բացակայում է իր իսկ ցանկությամբ։ Հակոբյանի կարծիքով` Միքայելյանը նման որոշում է կայացրել վերջին շրջանում իշխանականների հետ ունեցած մանր-մունր տարաձայնությունների հետևանքով, սակայն դա դեռ չի նշանակում, որ նա պատրաստվում է հեռանալ իր քաղաքական թիմից։

«Ինքը շատ երկար ճանապարհ է անցել այս թիմի հետ, և կարծում եմ` հիմա մի փոքր ուշացրել է այդ քայլը, ինձ մոտ հիմա տպավորությունն այն է, որ Սասուն Միքայելյանն ինքն է որոշել դուրս գալ։ Չեմ բացառում, որ նաև մանր-մունր կոնֆլիկտներ են եղել, որոնք կուտակվել են, հիմա այդ առիթն օգտագործել է Միքայելյանը, որ դուռը շրխկացնելով դուրս գա»,- հավելեց Հակոբյանը։

Նշենք, որ Հայաստանում արտահերթ խորհրդարանական ընտրություններ են նախանշված հունիսի 20–ին։ «Քաղաքացիական պայմանագիր» կուսակցությունն այսօր հրապարակեց ընտրական ցուցակի առաջին երեսուն համարները։

270
թեգերը:
Ընտրություններ, Վիգեն Հակոբյան, «Քաղաքացիական պայմանագիր» կուսակցություն, Հայաստան
Ըստ թեմայի
«Մաշեցնելու ենք մինչև քոքը». Քոչարյանը` Նիկոլ Փաշինյանի վարկանիշի ու վերընտրվելու մասին
Ո՞ր դեպքում կլինեն հետընտրական գործընթացներ. պարզաբանում է Ռոբերտ Քոչարյանը
Ստյոպա Սաֆարյանն ազատման դիմում է ներկայացրել Փաշինյանին. ՀԺ
«Բոլորս էլ կտեսնենք՝ որ ցուցակում եմ». նախկին ԲՀԿ–ականը փոխում է ճամբարը. «Հրապարակ»
Արմեն Պատրոսյան

ԱՄՆ–ն ձգտում է վերադառնալ մեր տարածաշրջան, սակայն այլ ձևաչափով․ Պետրոսյան

52
(Թարմացված է 16:41 13.06.2021)
Արաբագետ Արմեն Պետրոսյանը Sputnik Արմենիայի եթերում անդրադարձել է կովկասյան տարածաշրջանում ԱՄՆ–ի և Ռուսաստանի շահերի բախման խնդրին և վարվող քաղաքականությանը։
Պետրոսյան. ԱՄՆ–ն ձգտում է վերադառնալ մեր տարածաշրջան, սակայն այլ ձևաչափով

Արմեն Պետրոսյանի դիտարկմամբ` նշված գերտերությունները բացի երկկողմ հարաբերություններից, որոնց բովանդակությունը որոշ հարցերի առնչությամբ բավականին խնդրահարույց է, այդուհանդերձ տարածաշրջանային հակամարտությունների համատեքստում հարաբերվում են միմյնաց հետ, ինչը դրսևորվում է կա՛մ փոխադարձ շահերը ճանաչելու, կա՛մ մրցակցելու տեսքով։ Ըստ նրա` նշված գործոնների առկայության պարագայում սպասվում է բավականին հետաքրքիր հանդիպում երկու երկրների նախագահների միջև, որը կկայանա մոտ օրերս։

«Առարկայական փոփոխություններ ակնկալելն այդքան էլ ճիշտ չի լինի ու նաև տեղին չէ գալիք հանդիպումը դասել ճանաչողականների շարքին, որովհետև երկու առաջնորդները նախկինում տարբեր կարգավիճակներով արդեն իսկ հանդիպել են, ծանոթ են միմայանց բանակցային հմտություններին, ընդհանուր քաղաքական մոտեցումներին, քանզի Բայդենի քաղաքականությունը մեծամասամբ լրացնում է Օբամայի ժամանակաշրջանում իրականացված քաղաքականությանը։ Հաշվի առնելով այդ հանգամանքը` կարծում եմ՝ գալիք հանդիպումից հետո կնշմարվեն նաև որոշ ընդհանրություններ»,– նշեց արաբագետը։

Պետրոսյանը չշտապեց կանխատեսել, թե ԱՄՆ–ն մշտապես փորձում է նախադրյալներ ստեղծել կովկասյան տարածաշրջանից հեռանալու համար, այլ հակառակը` այդ գերտերությունը ձգտում է վերադառնալ մեր տարածաշրջան, սակայն այլ ձևաչափով։ Եթե Թրամփի կառավարման շրջանում ամերիկյան քաղաքականությունն իրականացվում էր առնվազան Վաշինգտոնի համար տնտեսական շահերի ծիրում, ապա այժմ առաջ է մղվում նաև աշխարհաքաղաքական գործոնը։
«Թրամփի օրոք էականորեն մեծացել էր կախվածությունը տարածաշրջանային դաշնակիցներից, և ԱՄՆ–ն նույնիսկ չէր կարողանում զսպել նրանց քայլերը, մինչդեռ նոր վարչակազմը փորձում է քայլ առ քայլ կարգավորել հարաբերությունները տարբեր ուղղություններում»,– նշեց արաբագետը։

Պուտինն ասել է՝ որոնք են Բայդենի հետ հանդիպման գլխավոր նպատակները

Պետրոսյանի գնահատմամբ` ամերիկյան վարչակարգը հետայսու իր ստանձնած պարտավորությունների շրջանակում փորձելու է հնարավորինս հավասարակշռված կեցվածք դրսևորել։   

Չքնե՛ք Պուտինի հետ հանդիպման ընթացքում. Թրամփը` Բայդենին

Հիշեցնենք, որ ԱՄՆ–ի և ՌԴ–ի նախագահներ Ջո Բայդենի և Վլադիմիր Պուտինի հանդիպումը տեղի կունենա հունիսի 16-ին Ժնևում գտնվող «Լա–Գրանժ» առանձնատանը։
Շվեյցարական աղբյուրների համաձայն` արդեն մի քանի օր է, ինչ առանձնատան մերձակայքն արգելափակված է ոստիկանության կողմից։ Ակնկալվում է, որ նախանշված հանդիպումից առաջ Ժնևի այն շրջանում, որտեղ գտնվում է «Լա–Գրանժ» առանձնատունը, կտեղակայվեն հակաօդային պաշտպանության համակարգեր։

52
թեգերը:
Վլադիմիր Պուտին, Ջո Բայդեն, տարածաշրջան, Ռուսաստան, ԱՄՆ
Член правления партии Национальная повестка, кандидат в депутаты Вараздат Арутюнян

Մերժել կապիտուլյացիոն փաստաթուղթը, խափանել Արցախի հանձնումը․ «Ազգային օրակարգի» ծրագրերը

40
«Ազգային օրակարգ» կուսակցության խորհրդի անդամ, պատգամավորության թեկնածու Վարազդատ Հարությունյանը Sputnik Արմենիայի եթերում անդրադարձել է արտահերթ խորհրդարանական ընտրությունների քարոզարշավին և այդ համատեքստում իրենց կուսակցության ծրագրային դրույթներին։

Վարազդատ Հարությունյանի փոխանցմամբ`քանի որ արտահերթ ընտրությունների հիմնական առարկան արցախյան խնդիրն է և անվտանգությունը, ուստի նշված հիմնահարցը դրված է «Ազգային օրակարգ» կուսակցության ծրագրի հիմքում։ Հարությունյանի պնդմամբ` իրենք արցախյան հիմնախնդրի կապակցությամբ հանդես են գալիս հստակ և կտրուկ դիրքերից` մերժելով 2020 թվականի նոյեմբերի 9-ին ստորագրված կապիտուլյացիոն փաստաթուղթը, դրան հաջորդած գաղտնի ու գաղտնազերծված հավելվածները, ինչպես նաև վերջերս ի հայտ եկած դեմարկացիայի և դելիմիտացիայի գործընթացը, որով վերջակետ է դրվելու հիմնահարցին և Արցախի հանձնումը դրվելու է իրավաչափ հիմքերի վրա։

«Ամեն գնով փորձելու ենք խափանել Արցախը հանձնելու գործընթացը։ Հիմնական պատճառը, որ առանձին մտել ենք քարոզարշավային տրամաբանության մեջ, հենց այդ գաղափարն առաջ տանելն է և այս անբովանդակ քարոզարշավային պոլեմիկան ճեղքելու և ընտրական գործընթացի սեղանին հենց այս հարցը, որպես օրակարգային թիվ մեկ հարց, դնելն է»,–նշեց Հարությունյանւ։

Նրա կարծիքով` իրենք արցախյան հարցի հիմնական ու վերջնական լուծումը պատկերացնում են Արցախի տարածքային ամբողջականության վերականգնման մեջ, ընդ որում` այն տեսքով, ինչ եղել է 2020 թվականի սեպտեմբերի 26-ի դրությամբ։ Պատգամավորության թեկնածուի պնդմամբ`աշխարհակարգային փոփոխությունների համատեքստում 1994 թվականի բիշքեկյան արձանագրություններից սկսած արատավոր բանակցային բաղադրիչը, որ մեզ համար գծվել է կարմիր գծեր, պետք է բացառվի, քանի որ մեր թշնամին չունի այդ կարմիր գծերը։

Անվտանգության ոլորտում Ռուսաստանի հետ հարաբերությունների խորացումն առաջնահերթ է․Փաշինյան

«Այսինքն` թշնամին ոչ միայն չի սահմանափակվում ԼՂԻՄ–ի սահմաններով, այլև նոր նկրտումներով ներխուժել է Հայաստանի սուվերեն տարածք, ինչի մասին կոնֆլիկտի որևէ փուլում խոսք անգամ չի եղել։ Նման պայմաններում մենք կոնֆլիկտի տրամաբանության մեջ չենք կարող տեսնել Արցախի Հանրապետության տարածքային ամբողջականությունն անվելի նվազ կարգավիճակով, քան եղել է 2020 թվականի սեպտեմբերի 26-ին»,– նշեց «Ազգային օրակարգ» կուսակցության խորհրդի անդամը։


Հարությունյանը նշում է, որ պետք է անհապաղ դադարեցնել դեմարկացիայի և դելիմիտացիայի գործընթացը, որովհետև միջազգային իրավունքի տեսանկյունից այն ստեղծելու է ձևական իրավական հիմքեր հարցը վերջնականապես Ադրբեջանի օգտին լուծելու համար։ Երկրորդ փուլում անհրաժեշտ է իրավական հիմքերով վիճարկել 2020 թվականի նոյեմբերի 9-ին ստորագրված կապիտուլյացիոն հայտարարությունն ու դրան հաջորդած պայմանավորվածությունները, մասնավորապես Սյունիքի որոշ հատվածներում իրականացված ապօրինի սահմանազատումները։

Այդ ամենին զուգահեռ, ըստ Հարությունյանի, անհրաժեշտ է հնարավորինս շուտ վերականգնել մեր անվտանգության համակարգը, մինչդեռ յոթ ամիս է, ինչ առաջնագիծը կահավորված չէ, հետևաբար պետք է ամբողջ Արցախի ու Հայաստանի տարածքում իրականացվեն օպերատիվ կահավորման աշխատանքներ`ստեղծելով ամրակառույցներ, ռմբապաստարաններ, տարատեսակ հանգույցներ և այլընտրանքային մատակարարման հուսալի ճանապարհներ։       

Նշենք, որ Հայաստանում հունիսի 7-ից պաշտոնապես մեկնարկել է խորհրդարանական ընտրությունների նախընտրական քարոզարշավը:
Արտահերթ խորհրդարանական ընտրություններին կմասնակցեն 21 կուսակցություն և 4 դաշինք, որոնք պայքարում են Հայաստանի ընտրողների ռեգիստրում ընդգրկված 2 581 093 ընտրողների ձայների համար։
Հիշեցնենք, որ խորհրդարանական արտահերթ ընտրությունները կայանալու են հունիսի 20-ին։

40
թեգերը:
Եռակողմ հայտարարություն, Սահման, Արցախ, Ազգային ժողովի ընտրություններ, Հայաստան
Ըստ թեմայի
Պատերազմ չի սկսվի․ Յուրի Խաչատուրովն ասաց՝ ինչու
ԱՄՆ–ն փորձում է ակտիվանալ արցախյան բանակցային գործընթացում․ Սաֆրաստյան
ՄԻՊ ներկայացուցիչները զրուցել են Հայաստան վերադարձած 15 ռազմագերիների հետ
Նաֆթալի Բենեթը

Նեթանյահուի ժամանակն ավարտվեց․ Իսրայելը նոր վարչապետ

22
(Թարմացված է 22:25 13.06.2021)
Վերջին 12 տարիների ընթացքում առաջին անգամ Իսրայելի կառավարությունը չի ղեկավարի Բենյամին Նեթանյահուն։

ԵՐԵՎԱՆ, 13 հունիսի – Sputnik․ Իսրայելի նոր վարչապետ է դարձել Նաֆտալի Բենետը։ Տեղեկությունը հայտնում է The Jerusalem Post-ը։

Իցհակ Հերցոգը
© Sputnik / Виталий Белоусов

Իսրայելական Քնեսեթն այսօր կողմ է քվեարկել «փոփոխությունների կառավարությանը»։
Քվեարկության ընթացքում 60 պատգամավոր կողմ է քվեարկել կառավարության ձևավորմանը, 59-ը՝ դեմ։

Այսպիսով, վերջին 12 տարիների ընթացքում առաջին անգամ Իսրայելի կառավարությունը չի ղեկավարի Բենյամին Նեթանյահուն։

Նշենք, որ նոր սա հնարավոր դարձավ, որովհետև աջակողմյան «Յամինա» կուսակցության առաջնորդ Նաֆտալի Բենետն ու կենտրոնական «Եշ Ատիդ» կուսակցության ղեկավար Յաիր Լապիդը կոալիցիոն կառավարություն ձևավորելու համաձայնության եկան:

Խորհրդարանում ընդամենը 7 մանդատ ունեցողն էլ կարող է վարչապետ դառնալ. Իսրայելի օրինակը

Նրանք, այսպես ասած, հերթով են զբաղեցնելու Իսրայելի վարչապետի պաշտոնը։ Բենետն առաջիկա երկու տարիներին կլինի վարչապետ, իսկ Լապիդը կզբաղեցնի արտաքին գործերի նախարարի պաշտոնը: Հետո նրանք պաշտոնները կփոխանակեն մինչև հաջորդ ընտրությունները:

Նշենք, որ Բենյամին Նեթանյահուն Իսրայելի կառավարությունը ղեկավարում էր 2009 թվականից: Նա 72 տարեկան է։

22
թեգերը:
Բինյամին Նեթանյահու, Վարչապետ, Իսրայել
Ըստ թեմայի
Իսրայելը զորք կմտցներ Գազայի հատված, եթե անհրաժեշտություն լիներ. Նեթանյահու
Իսրայելում իշխանության են գալիս Հայոց ցեղասպանության ճանաչման կողմնակիցները
Նահանջի տեղ չկա, վտանգ ես զգում, պիտի առաջինը հարձակվես, կամ Իսրայելի հաղթանակի բանաձևը