Գրիգոր Բալասանյան

Իրանի դեմ պատժամիջոցների չեղարկումը կհանգեցնի լոգիստիկ գլոբալ ծրագրերի իրականացմանը

200
Փորձագետ, ԵՊՀ միջազգային հարաբերությունների և դիվանագիտության ամբիոնի դոցենտ Գրիգոր Բալասանյանը Sputnik Արմենիայի եթերում անդրադարձել է Վիեննայում իրանական միջուկային ծրագրի շուրջ տեղի ունեցած բանակցություններին։ 
Իրանի դեմ պատժամիջոցների չեղարկումը կհանգեցնի լոգիստիկ գլոբալ ծրագրերի իրականացման. Բալասանյան

Գրիգոր Բալասանյանի դիտարկմամբ` Իսրայելը Մերձավոր Արևելքում պաղեստինցիների հետ հարաբերությունները սրելով` հույս ուներ, որ Իրանը կմիջամտի ու դրանով իսկ իչիք կդառնա Իրանի դեմ արևմտյան երկրների կողմից պատժամիջոցները վերացնելու կամ մեղմացնելու հարցը, սակայն այդ հակամարտությունում Իրանը դրսևորեց ընդգծված արևելյան խորամանկություն և կարողացավ հասնել նրան, որ, ըստ էության, Իսրայելի ջանքերը ցանկալի արդյունք չտվեցին։

«Կարծում եմ, որ իրանական սառեցված հաշիվների ու իրանական ապրանքների վերաբերյալ սահմանափակումները կհանվեն, ինչպես նաև կչեղարկվեն ինքնաթիռաշինության ու ինքնաթիռների տեխնիկական սպասարկման հետ կապված արգելքները, իսկ ահա նավթի արտահանման ծավալներին առնչվող որոշակի սահմանափակումները դեռ կմնան, որովհետև դրանով շահագրգռված են նաև անմիջական հարևան Իրաքն ու այլ արաբական երկրները, որոնք նույնպես օգտվում են նավթային նույն ավազանից»,– նշեց փորձագետը։ 

Բալասանյանի կարծիքով` միջազգային գործընթացները փոխկապակցված են, ու եթե ԱՄՆ–ն համաձայնի պատժամիջոցների չեղարկմանը, դրանից կօգտվեն նաև տարածաշրջանային երկրները, որոնք լոգիստիկ հաղորդակցությունների առումով Իրանի հետ կարող են իրականացնել փոխշահավետ ծրագրեր։ Արդյունքում կլինի իրական այլընտրանք, օրինակ, Սուեզի ջրանցքին, առավել ևս, որ Հյուսիս–հարավ գլոբալ նախագծով խիստ հետաքրքրված են նաև Հնդկաստանն ու Չինաստանը։  

Նշենք, որ Վիեննայում իրանական միջուկային ծրագրի շուրջ բանակցություններում Արևմուտքի ներկայացուցիչները համաձայնվել են չեղյալ հայտարարել Իրանի դեմ հիմնական պատժամիջոցները: Մայիսի 20-ին այդ մասին հայտարարել է Իրանի նախագահ Հասան Ռոհանին, տեղեկացնում է Fars գործակալությունը։ 

Հիշեցնենք, որ Վիեննայում ապրիլի սկզբից ընթանում են Իրանի համատեղ հանձնաժողովի և միջազգային հնգյակի (Ռուսաստան, Մեծ Բրիտանիա, Գերմանիա, Չինաստան և Ֆրանսիա) նիստերը։ Աշխատանքներ են տարվում նաև Գործողությունների համատեղ համապարփակ պլանի իրականացումը վերսկսելու նպատակով, այն է՝ Թեհրանի նկատմամբ Վաշինգտոնի պատժամիջոցների չեղարկում և Իրանի միջուկային պարտավորությունների կատարում: Համաձայնագրի անդամ երկրների ներկայացուցիչները խորհրդակցություններ են անցկացնում նաև ԱՄՆ-ի պատվիրակության հետ: 

Իրանի հայտարարություններն Ադրբեջանին և նրան սատարող պետություններին հղված կոչ են. Միսակյան

200
թեգերը:
Գրիգոր Բալասանյան, Հայաստան, Իրանի Իսլամական Հանրապետություն
Ըստ թեմայի
Փոխհրաձգություն իրանա–ադրբեջանական սահմանին. 2 ադրբեջանցի են սպանվել
Հայաստանը կարող է դառնալ բավականին հետաքրքիր հարթակ ռուս–իրանական համագործակցության համար
Հայաստանն ակնկալում է Իրանի աջակցությունը Ադրբեջանի սադրիչ քայլերին վերջ դնելու հարցում
Ահարոն Վարդանյան

Իրանի ազդեցությունը մեր տարածաշրջանում միանշանակ մեծանալու է. ի՞նչ պետք է անի Հայաստանը

30
(Թարմացված է 23:47 02.08.2021)
Իրանագետ Ահարոն Վարդանյանը Sputnik Արմենիայի եթերում անդրադարձել է այն հարցին, թե ինչպես կզարգանան հայ–իրանական հարաբերությունները նորընտիր նախագահ Էբրահիմ Ռայիսիի պաշտոնավարման ընթացքում։
«Իրանի ազդեցությունը մեր տարածաշրջանում միանշանակ մեծանալու է ի հակակշիռ Թուրքիայի». Ահարոն Վարդանյան

Եթե անգամ փոխվի Իրանի արտաքին քաղաքաքական վեկտորը Հարավային Կովկասում, ապա դա կլինի մեր օգտին, քանի որ Էբրահիմ Ռայիսին փորձելու է իրականացնել այնպիսի քաղաքականություն, որ մեր տարածաշրջանում մեծանա իրանական ներկայությունն ու ազդեցությունեը: Sputnik Արմենիայի հետ զրույցում նման կարծիք հայտնեց իրանագետ Ահարոն Վարդանյանը։

«Իրանի ազդեցությունը մեր տարածաշրջանում միանշանակ մեծանալու է ի հակակշիռ Թուրքիայի և ճնշելու է վերջինիս։ Այս հարցում մենք կարող ենք համագործակցել Իրանի հետ, մանավանդ որ` Ռոհանիի կաբինետի արտգործնախարար Զարիֆը հայտարարել էր, թե Հայաստանի տարածքային ամբողջականությունը Իրանի համար կարմիր գծերից մեկն է, ինչը նշել էր նաև հարևան երկրի հոգևոր առաջնորդը»,– ասաց իրանագետը։

Վարդանյանի կարծիքով` քանի որ Ռայիսին իր կողմնակիցների հետ խիստ քննադատության էր ենթարկել Ռոհանիի քաղաքականությունը Հարավային Կովկասում, հետևաբար, նրանք պետք է փոփոխություններ մտցնեն դրանում` քաղաքականությունը դարձնելով ավելի ակտիվ ու դրական իմաստով ագրեսիվ, որպեսզի մեր տարածաշրջանում իրապես զգացվի Իրանի ներկայությունն ու աշխուժությունը, այլ ոչ թե այն պասիվ դիտորդական դերը, որն առկա էր արցախյան 44-օրյա պատերազմի ընթացքում։ 

«Մեզ համար նույնպես բացվում է մանևրելու մեծ դաշտ։ Ամեն ինչ կախված կլինի այն հանգամանքից, թե մենք ինչպես կդրսևորենք մեզ իրանցիների հետ հարաբերվելիս և ինչպես կօգտագործենք բացված պատուհանը։ Հատկապես տնտեսական առումով` կա մի նրբություն, որը նույնպես հօգուտ մեզ է։ Տարիներ շարունակ հայ–իրանական մեգածրագրերը չէին իրականացվում ամերիկյան պատժամիջոցների պատճառով, բայց այժմ Իրանի ու ԱՄՆ–ի հարաբերություններն այնպիսին են, որ դրանց ընթացքից կարող են շահել նաև հայ–իրանական կապերը, առավել ևս, որ խոսակցություններ են գնում մեր տարածաշրջանի հաղորդակցական ուղիների ու ենթակառուցվածքների ապաշրջափակման մասին»,– ասաց իրանագետը։ 

Իրանը պատրաստ է միջնորդ դառնալ հայ-ադրբեջանական բանակցությունների համար. Սաիդ Խաթիբզադե

Վարդանյանի գնահատմամբ`պետք է հաշվի առնել աշխարհաքաղաքական իրողությունները և այն հանգամանքը, որ ԱՄՆ–ի ներկայիս վարչակարգը ցանկանում է տարածաշրջանային գործընթացներում Իրանին տալ որոշակի ազատություն, հետևաբար, նավթագազային ու էներգետիկ մեգածրագրերի իրականացման համար ի հայտ են գալիս նոր հնարավորություններ։   

Հիշեցնենք, որ Իրանում նախագահական ընտրություններն անցկացվել են հունիսի 18–ին։ Հաղթել է դատական իշխանության ղեկավար Էբրահիմ Ռայիսին։
Իրանի գործող նախագահ Հասան Ռոհանին չէր առաջադրվել, քանի որ լրանում էր նրա պաշտոնավարման երկրորդ ժամկետը:

Իրանն ընդլայնում է համագործակցությունը ԵԱՏՄ–ի հետ. ի՞նչ դեր է հատկացված Հայաստանին

30
թեգերը:
Հայաստան, իրանագետ, Էբրահիմ Ռայիսի, Իրանի Իսլամական Հանրապետություն, Նախագահ
Ըստ թեմայի
Իրանին «կուլ տալ» ոչ մի կերպ չի հաջողվի, և Վաշինգտոնում դա հասկանում են. Ահարոն Վարդանյան
Ահարոն Վարդանյան. Իրանում հիմնական պայքարը կընթանա երկու թեկնածուի միջև
Հայ-իրանական օրակարգն ամբողջովին պետք է վերանայել. Վարդանյան
Գարիկ Քեռյան

Խորհրդարանում կոնֆլիկտային մթնոլորտը նոր թափ է ստանալու. քաղաքագետը կանխատեսումներ է անում

80
(Թարմացված է 19:42 02.08.2021)
Քաղաքագետ Գարիկ Քեռյանը Sputnik Արմենիայի եթերում կանխատեսել է, որ նոր գումարման ԱԺ-ում կոնֆլիկտային իրավիճակների պակաս չի լինելու։
Քննարկումները լինելու մերժողական և բախումնային. ինչպես են աշխատելու ԱԺ քաղաքական ուժերը խորհրդարանում

8-րդ գումարման ԱԺ–ի երկու ընդդիմադիր ուժերը, ի տարբերություն նախորդ խորհրդարանի ընդդիմության, առավել ծայրահեղ ու անհաշտ քաղաքականություն են որդեգրել։ Sputnik Արմենիայի հետ զրույցում նման կարծիք հայտնեց քաղաքագետ Գարիկ Քեռյանը։

«Չկա մի ոլորտ, որ մենք կարող ենք ասել` երկու ընդդիմադիր ուժերը կարող են ինչ-որ մի տեղ կառուցողական լինել։ Նրանք մերժելու են ամեն ինչ»,- ասաց նա։

Քեռյանի խոսքով` «Հայաստան» և «Պատիվ ունեմ» դաշինքների պատգամավորներն ընդդիմադիր են թե՛ ՔՊ-ի իշխանությանը, թե՛ նրանց ստեղծած քաղաքական վարչակարգին, թե՛ նրանց ներքին, և թե՛ արտաքին քաղաքական կողմնորոշումներին և դիրքորոշումներին։

Իսկ ընդդիմության առաջնորդների բացահայտ հայտարարություններն այն մասին, որ շարունակելու են խորացնել քաղաքական ճգնաժամն այնքան ժամանակ, մինչև հասնեն իշխանափոխության, ևս փաստում են, որ խորհրդարանում կոնֆլիկտային մթնոլորտը նոր թափ է ստանալու։

«Բավականին բարդ է լինելու 3 քաղաքական ուժերի համատեղ աշխատանքը, և քննարկումները լինելու են անհաշտ, մերժողական և բախումնային։ Այս ամենը կարող է ազդել ԱԺ որոշումների ընդունման գործընթացի վրա, որն էլ իր հերթին կազդի ԱԺ ընթացքի արդյունավետության վրա»,-նշեց Քեռյանը։ 

Հիշեցնենք, որ այսօր ԱԺ 8-րդ նստաշրջանի առաջին նիստը բավական լարված մթնոլորտում էր անցնում, քանի որ «Հայաստան» դաշինքի ներկայացուցիչները պահանջում էին, որ դատախազը ներկայանա ԱԺ և ազատ արձակի իրենց 2 պատգամավորներին (Արթուր Սարգսյանին և Մխիթար Զաքարյանին)։

«Հայաստան» դաշինքը պահանջում է, որ գլխավոր դատախազը ներկայանա ԱԺ

80
թեգերը:
խորհրդարան, ՀՀ Ազգային ժողով, Իշխանություն, ընդդիմություն
Ըստ թեմայի
«Ձեռնպահ մնալ խեղաթյուրման փորձերից». դատախազությունը պատասխանել է «Հայաստան» դաշինքին
«Հայաստան» դաշինքը ծափահարեց Սյունիքի կալանավորված համայնքապետների անունը կարդալիս
Ընդդիմադիր դաշինքները համաձայնության են եկել պաշտոնների հարցում. անուններ են հայտնի
«Հայաստան» ու «Պատիվ ունեմ» դաշինքները հանդես կգան ԱԺ փոխխոսնակի միասնական թեկնածուով
Արխիվային լուսանկար

«Անակոնդան Գրոզնիում». մարզադաշտում խաղի ժամանակ հայտնված օձը զվարճացրել է օգտատերերին

0
(Թարմացված է 00:02 03.08.2021)
Խաղի տեսանյութը հայտնվել է սոցիալական ցանցերում և զվարճացրել օգտատերերին։ Թե որքանով է օձն ազդել խաղի արդյունքների վրա, դժվար է ասել։

Ռուսաստանի Պրեմիեր լիգայի Ախմաթ–Սոչի հանդիպման ժամանակ ֆուտբոլային խաղը ստիպված ընդհատել են մի քանի րոպեով։ Բանն այն է, որ մարզադաշտում օձ էր հայտնվել։ Աշխատակիցների խումբը ստիպված է եղել ընկնել սողունի հետևից ու նրան դուրս բերել դաշտից:

«Հայրիկին է քաշել». Արաս Օզբիլիսի փոքրիկ տղան գոլ է խփում. զվարճալի տեսանյութ

Այս ամենի մասին տեսանյութը հայտնվել է համացանցում և ուրախացրել մարդկանց։

««Օձ չի, որդ ա», «Անակոնդան Գրոզնիում․ օրիգինալ ա», «Մեկի նախկին մարդն ա կամ կնիկը»»,– գրում են օգտատերերը մեկնաբանություններում։

Նշենք, որ չնայած օձին տեսնելուց առաջացած շոկին՝ ֆուտբոլիստները շարունակել են խաղը։

Զվարճալի դեպք Եվրո-2020-ում․ իտալացի ֆուտբոլիստին խաղադաշտ չէին թողնում․ տեսանյութ

0
թեգերը:
օձ, մարզադաշտ, զվարճալի տեսանյութ
Ըստ թեմայի
Միջերկրածովյան կրիաները ախորժակով դդմիկ, գազար ու կանաչի են ուտում. զվարճալի տեսանյութ
Ինչից են հուզվում փոքրիկ հրաշքները. զվարճալի տեսանյութ բազմաթիվ երեխաների մասնակցությամբ
Դպրոցում քնաթաթախ տղան պայուսակը շփոթում է աթոռի հետ. զվարճալի տեսանյութ