Վիգեն Հակոբյան

Ի՞նչ ցույց տվեց Ռոբերտ Քոչարյանի, ՀՅԴ–ի ու «Վերածնվող Հայաստանի» հանրահավաքը

544
(Թարմացված է 18:02 10.05.2021)
Քաղտեխնոլոգ Վիգեն Հակոբյանը Sputnik Արմենիայի եթերում անդրադարձել է ընտրություններից առաջ «Հայաստան» դաշինքի ձևավորմանն ու մայիսի 9-ին կայացած հանրահավաքին։
Հակոբյան. «Ի դեմս «Հայաստանի»` արդեն կա մրցունակ դաշինք` շատ ուժեղ քաղաքական լիդերով»

Քանի որ արդեն հայտնի էր դաշինքի կազմը, և դրա մասին վաղուց կային խոսակցություններ, ուստի «Հայաստան» դաշինքի վավերացմամբ ազդարարվեց նախընտրական քարոզչության բավականին հաջող մեկնարկը: Sputnik Արմենայի հետ զրույցում նման կարծիք հայտնեց քաղտեխնոլոգ Վիգեն Հակոբյանը` նշելով, որ մտածված էր յուրաքանչյուր դետալը։

Ըստ նրա`ստորագրության արարողակարգն ինքնին հետաքրքիր էր մտածված և ցուցադրվում էր հրապարակում ուղիղ եթերի ռեժիմով, իսկ հանրահավաքի ամենակարևոր առանձնահատկությունն այն էր, որ Ազատության հրապարակում կար էներգետիկա։

«Հանրահավաքը ցույց տվեց, որ դաշինքի հետ կապված կանխատեսումները, որոնք առնչվում էին նրա մրցունակությանը, տեղին էին ու արդարացված։ Այժմ քաղաքական դաշտում կա կենսունակ դաշինք` շատ ուժեղ քաղաքական լիդերով, որը մտադրություն ունի դառնալ նախընտրական գործընթացի առաջնորդներից մեկը, եթե չասենք ամբողջ ընդդիմության լիդերը, և հաղթել Նիկոլ Փաշինյանին։ Ակնհայտ է, որ Ռոբերտ Քոչարյանն իր գլխավորած դաշինքով մայիսի 9-ին ցուցադրեց ուժ և այլընտրանք»,– ասաց քաղտեխնոլոգը։

Հակոբյանի կարծիքով` մայիսի 9-ը պատահականորեն չէր ընտրված, քանի որ հարթակում հաղթանակը կերտած ու այդ հաղթանակը կրող գործիչներ էին և հակադրվում էին կապիտուլյացիայի սիմվոլ հանդիսացող այսօրվա իշխանություններին, որոնք պարտվեցին արցախյան 44-օրյա պատերազմում և հանձնեցին Շուշին։

Քաղտեխնոլոգի գնահատմամբ` մայիսի 9-ի հանրահավաքով տրվեց նախընտրական բավականին արդյունավետ քարոզարշավի սկիզբ, մեծ աղմուկով և համոզիչ կերպով։ Ըստ նրա` յուրաքանչյուր գործիչ, ով ինչ–որ շրջանում եղել է իշխանության մեջ ու գլխավորել է երկիրը, զերծ չի եղել կոպիտ սխալներից, տարաբնույթ թերացումներից, հետևաբար ցանկացած գործիչ, որը տարբեր դրդապատճառներով վերադառնում է քաղաքական դաշտ` կրկին ցուցաբերելով ղեկավար դառնալու ցանկություն, ճիշտ է, եթե փորձում է վերլուծել անցյալն ու մատնանշել սեփական բացթողումները, քանի որ ընտրազանգվածի մոտ այդ դեպքում շատ հարցեր դուրս են գալիս օրակարգից։

Հիշեցնենք, որ ՀՀ երկրորդ նախագահ Ռոբերտ Քոչարյանը, ՀՅԴ Հայաստանի ԳՄ ներկայացուցիչ Իշխան Սաղաթելյանն ու «Վերածնվող Հայաստան» կուսակցության նախագահ Վահե Հակոբյանը մայիսի 9-ին համագործակցության հռչակագիր ստորագրեցին և հայտարարեցին, որ հունիսի 20-ին կայանալիք ընտրություններին մասնակցելու են «Հայաստան» դաշինքով։

Հռչակագրի ստորագրումից հետո դաշինքի անդամները ոտքով շարժվեցին Ազատության հրապարակ, որտեղ հանրահավաք էր կազմակերպվել։

Ինչպես դիմավորեցին Ռոբերտ Քոչարյանին Ազատության հրապարակում

544
թեգերը:
Վիգեն Հակոբյան, Հայ Յեղափոխական Դաշնակցություն (ՀՅԴ), Ռոբերտ Քոչարյան, Հայաստան
Ըստ թեմայի
4.5 տարի անց Ադրբեջանը կարող է հրաժարվել ռուսական խաղաղապահ զորքերից. Քոչարյան
Կոռեկտ չէ. Քոչարյանի գրասենյակի ղեկավարը պատասխանել է Լևոն Տեր–Պետրոսյանին
Փաշինյանի նշանակած կադրերից մեկը Ռոբերտ Քոչարյանի հետ է, մյուսը` Սերժ Սարգսյանի. Մարուքյան
Ներսես Զեյնալվանդյան

Եվրամիությունը մեզ հետ համագործակցության կանաչ լույս է վառել. ՀԵԿ փոխնախագահ

40
(Թարմացված է 23:55 15.06.2021)
Հայաստանի Եվրոպական կուսակցության փոխնախագահ, կուսակցության նախընտրական շտաբի ղեկավար Ներսես Զեյնալվանդյանը Sputnik Արմենիայի եթերում անդրադարձել է արտահերթ խորհրդարանական ընտրությունների քարոզարշավին և այդ համատեքստում իրենց կուսակցության ծրագրային դրույթներին։
Զեյնալվանդյան. «Եվրամիությունն արդեն մեզ հետ համագործակցության կանաչ լույս է վառել»

Ներսես Զեյնալվանդյանի փոխանցմամբ` Եվրոպայի հետ սերտ համագործակցությունն իրենց կուսակցության առաջնահերթություններից է, որի հիմքում ԵՄ–ի հետ համապարփակ տնտեսական համագործակցության պայմանագիրն է, ինչը կարող է նախանշել անցումը դեպի լիարժեք ասոցացման պայմանագրի, որից հետո պետք է լինեն բանակցություններ Եվրամիությանն անդամագրվելու համար։

«Մեր տնտեսական ծրագրի հիմնական մասը կազմում է ԵՄ–ի հետ համագործակցության ծրագիրը, որն արդեն իսկ մինչև մարտի մեկը վավերացվել է եվրոպական 28 երկրների կողմից։ Հիմա գնդակը ՀՀ իշխանությունների դաշտում է, որոնք պետք է արձագանքեն 580 էջանոց ծրագրին, որի մեջ ներառված է նաև վիզաների ազատականացման հարցը։ Այդ հարցի լուծման պարագայում մեր քաղաքացիներն անարգել կարող են այցելել եվրոպական երկրներ։ Եթե մեր կառավարությունը տեղից շարժվի և վարի բանակցություններ, ապա հարցը շատ արագ կլուծվի»,– նշեց Հայաստանի եվրոպական կուսակցության փոխնախագահը։

Զեյնալվանդյանի տեղեկացմամբ` ԵՄ–ի հետ համապարփակ տնտեսական համագործակցության պայմանագրի մեջ մեծ տեղ է հատկացված կոնկրետ ծրագրերին, և եթե մեր կառավարությունն աշխուժություն ցուցաբերի, ապա կակտիվանա նաև ապրանքաշրջանառությունը եվրոպական երկրների հետ, այսինքն` Եվրամիությունն արդեն մեզ հետ համագործակցության կանաչ լույս է վառել, բայց խանգարող հանգամանքը մեր իշխանություններն են, որոնք այդ ուղղությամբ չեն աշխատում։ Ըստ նրա` մարտի մեկից հետո տևական ժամանակ է, ինչ ՀՀ կառավարությունը որևէ կերպ չի արձագանքել, ոչինչ նկատելի չէ, դրա մասին նույնիսկ տեղեկացված չէ մեր հանրության մեծամասնությունը։ 

Հայաստանի եվրոպական կուսակցության փոխնախագահի հավաստմամբ` ԵՄ–ի հետ ասսոցացման պայմանագրի հիմնարար դրույթները տեղ են գտել նաև կուսակցության նախընտրական ծրագրի հիմքում։ Ըստ նրա` եթե հայ տնտեսվարողները ստանան համարժեք խթան և խորհրդատվական, ֆինանսական աջակցություն և հաշվի առնվի եվրոպական հսկայական շուկայի ծավալներն ու գնողունակությունը, ապա շատ արագ մեր գործարարները կարող են ինտեգրվել այդ եվրոպական շուկային, և հայկական ապրանքներն ավելի մեծ քանակներով կհայտնվեն այնտեղ։ 

Նշենք, որ Հայաստանում հունիսի 7-ից պաշտոնապես մեկնարկել է խորհրդարանական ընտրությունների նախընտրական քարոզարշավը:

Ռոբերտ Քոչարյանն ու Կարեն Կարապետյանը հանդիպել են կենտրոնական շտաբում․ լուսանկարներ

Արտահերթ խորհրդարանական ընտրություններին կմասնակցեն 21 կուսակցություն և 4 դաշինք, որոնք պայքարում են Հայաստանի ընտրողների ռեգիստրում ընդգրկված 2 581 093 ընտրողների ձայների համար։

Հիշեցնենք, որ խորհրդարանական արտահերթ ընտրությունները կայանալու են հունիսի 20-ին։ 

40
թեգերը:
Եվրամիություն, Ընտրություններ, Ներսես Զեյնալվանդյան
Ըստ թեմայի
Պետք է դագանակ ունենանք, որ ով մուրճով գա՝ դագանակով գլխին տանք. Սերժ Սարգսյան
Քոչարյանը պատրաստ է նախկին վարչապետ Կարեն Կարապետյանին պաշտոն առաջարկել
ԿԸՀ-ն մերժեց․ Փաշինյանն ու «Քաղաքացիական պայմանագիրը» կմասնակցեն ընտրություններին
Վահե Գասպարյան

Պետք է Ռուսաստանին զուգահեռ զարգացնել հարաբերությունները նաև Արևմուտքի հետ. Գասպարյան

21
«Ազգային–ժողովրդավարական բևեռ» համահայկական կուսակցության խորհրդի անդամ, վարչապետի թեկնածու Վահե Գասպարյանը Sputnik Արմենիայի եթերում անդրադարձել է արտահերթ խորհրդարանական ընտրությունների քարոզարշավին և այդ համատեքստում իրենց կուսակցության ծրագրային դրույթներին։
Գասպարյան. «Առաջարկում ենք դիվերսիֆիկացնել մեր արտաքին և անվտանգության քաղաքականությունը»

Վահե Գասպարյանի դիտարկմամբ`քանի որ արցախյան 44-օրյա պատերազմից հետո ժողովրդի համար առաջին պլան են մղվել անվտանգությանն ու արտաքին քաղաքականությանն առնչվող հարցերը, ուստի դրանք գտնվում են նաև կուսակցության ուշադրության կենտրոնում, թեև մյուս ոլորոտների վերաբերյալ այն նույնպես մշակել է իր մոտեցումներն ու ծրագրային դրույթները։

«Անվտանգության ու արտաքին քաղաքականության բնագավառներն առաջնահերթություն են, որովհետև դրանցից է կախված պետության գոյությունը, հետևաբար մենք առաջարկում ենք դիվերսիֆիկացնել անվտանգության քաղաքականությունը, այսինքն` մենք չենք ասում հրաժարվել Ռուսաստանի հետ համագործակցությունից, այլ պազապես շեշտում ենք, որ պետք է Ռուսաստանի հետ զուգահեռ զարգացնել հարաբերություններն արևմտյան դաշնակիցների հետ»,– նշեց «Ազգային–ժողովրդավարական բևեռի» խորհրդի անդամը։

Անդրադառնալով ՀՀ արտաքին քաղաքական վեկտորին` Գասպարյանն այստեղ նույնպես կարևորեց դիվերսիֆիկացիան` ընդգծելով, որ պետք չէ անվտանգությանն առնչվող բոլոր հարցերը զետեղել մեկ զամբյուղի մեջ։ Ըստ նրա` մեր տարածաշրջանում «Մեծ յոթյակի» երկրների կողմից պաշտոնապես հայտարարվել է մեգածրագրի իրականացման մասին, որը կոչվում է Հյուսիս–Հարավ նախագիծ և նպատակ ունի Հնդկական ու Պարսից ծոցերի տարածաշրջաններն Իրանի, Հայաստանի ու Վրաստանի միջոցով կապել Եվրոպայի հետ, հետևաբար Հայաստանը դառնալով նշված ծրագրի բաղկացուցիչ մաս` նախ ձեռք կբերի անվտանգության երաշխիքներ, ապա և կստանա բազմամիլիարդանոց ներդրումների հնարավորություն, ինչի շնորհիվ կզարգանան տեխնոլոգիաներն ու ենթակառուցվածքները։

Հայաստանին պետք է պրոֆեսիոնալ բանակ և շվեյցարական մոդել․ «Միասնական հայրենիքի» առաջնորդ

«Սոցիալ–տնտեսական բլոկում հստակ նշել ենք, որ մենք կարող ենք ապահովել թռիչքային աճ բոլոր ոլորտներում։ Դա հնարավոր է, որովհետև մեր ժողովուրդն այդ ներուժն ունի և մենք արդեն իսկ ապրում ենք չորրորդ արդյունաբերական հեղափոխության դարաշրջանում, ուստի աշխարհին պետք է ներկայանանք որպես նորարար ազգ, ստարտափ պետություն։ Մեր տնտեսական, գիտակրթական ոլորտները պետք է համապատասխանեցնենք 21-րդ դարի պահանջներին` շեշտը դնելով կանաչ տնտեսության խթանման ու IT բնագավառի, բիո և նանո տեխնոլոգիաների զարգացման վրա»,– նշեց Գասպարյանը։

Նրա պնդմամբ` վերոհիշյալ ծրագրերն իրականացնելու համար անհրաժեշտ կլինի հայկական սփյուռքի ամբողջական ներգրավումը, այսինքն` նոր Սահմանադրության ընդունմամբ սփյուռքը պետք է ունենա իրավունքներ, մեր հայրենակիցները պետք է ստանան ՀՀ քաղաքացիություն, պաշտոններ, ընտրելու և ընտրվելու, այստեղ բիզնեսներ հիմնելու իրական հնարավորություն։ Կուսակցությունն առաջարկում է նաև օգտագործել հայ ժողովրդի ցանցային կառուցվածքը և հարթակներ ստեղծել տարբեր ոլորտների հետագա զարգացման համար։     

Ընտրությունների հաջորդ օրվանից սկսած Փաշինյանը 4 օրով ամրագրել է Հանրապետության հրապարակը

Նշենք, որ Հայաստանում հունիսի 7-ից պաշտոնապես մեկնարկել է խորհրդարանական ընտրությունների նախընտրական քարոզարշավը:

Արտահերթ խորհրդարանական ընտրություններին կմասնակցեն 21 կուսակցություն և 4 դաշինք, որոնք պայքարում են  Հայաստանի ընտրողների ռեգիստրում ընդգրկված 2 581 093 ընտրողների ձայների համար։

Հիշեցնենք, որ խորհրդարանական արտահերթ ընտրությունները կայանալու են հունիսի 20-ին։ 

21
թեգերը:
Ընտրություններ, Վահե Գասպարյան
Ըստ թեմայի
Պետք է կարգի գցել այս մեքենան․ Ռոբերտ Քոչարյանը՝ ճգնաժամի, պատերազմի և անելիքների մասին
Ադրբեջանցիները հետ կքաշվե՞ն. Կութում խոստացել են խնդիրը լուծել մինչև ընտրությունները
Ո՞ւմ օգտին կքվեարկեիք, եթե ընտրությունը տեղի ունենար այս պահին. Gallup–ի հարցման արդյունքը
Ֆուտբոլ

Հայաստանը ներկայացնող 2 լրագրող հավատարմագրվել են Եվրո-2020-ը լուսաբանելու համար

41
(Թարմացված է 00:05 16.06.2021)
Ըստ Կարեն Ռաֆայելյանի` ՀՖՖ-ն է եղել միակ կառույցը, որ պաշտոնական դիմում է ներկայացրել ՈՒԵՖԱ` հարցի կարգավորման համար։

ԵՐԵՎԱՆ, 15 հունիսի - Sputnik. Հայաստանը ներկայացնող 2 լրագրողներ հավատարմագրվել են Եվրո-2020-ը լուսաբանելու համար: Լրագրող Կարեն Ռաֆայելյանը ֆեյսբուքյան իր էջում գրառում է արել` հայտնելով, որ իր գործընկեր Դավիթ Եղիազարյանը նույնպես ստացել է նոր հավատարմագիր։

Ավելի վաղ հայտնել էինք, որ 2 մարզական լրագրողները մերժում են ստացել Եվրո-2020-ի հավատարմագրման համար։ Այսօր առավոտյան հայտնի դարձավ, որ Կարեն Ռաֆայելյանը նոր հավատարմագիր է ստացել։

«Ադրբեջանի կապիկությունները` կապված Եվրո-2020-ում հայ լրագրողներիս հավատարմագրումից զրկելու հետ, 2 օր էլ չտևեցին: Շնորհակալություն Հայաստանի ֆուտբոլի ֆեդերացիային արագ և ազդեցիկ արձագանքի համար: Բացի մեր անձնական նամակներից, հենց ՀՖՖ-ն է եղել միակ կառույցը, որ պաշտոնական դիմում է ներկայացրել ՈՒԵՖԱ` հարցի կարգավորման համար»,–ֆեյսբուքի իր էջում գրել է Ռաֆայելյանը:

Հիշեցնենք, որ լրագրողները դեռևս 2020 թվականի հունվարին էին հայտ ներկայացրել և համաձայնեցրել ՈւԵՖԱ–ի մամուլի ծառայության հետ այն քաղաքներն ու խաղերը, որոնք կցանկանային այցելել։ Այդ ցանկում, բնականաբար, Բաքուն չի եղել։

«Դուք տղամարդ չեք». մարզական մեկնաբանի հարցը հունից հանել է Օլգա Բուզովային

Հավատարմագրումը ստացվել է մայիսին, բայց մեկ վերապահումով, որ այն կարող են չեղարկել, եթե մասնակից երկրներից որևէ մեկի իրավապահ մարմինները որոշեն, որ լրագրողներն առնչություն ունեն հանցագործության հետ։

Բնականաբար, հասկանալի է, թե որ երկիրը և ինչո՞ւ էր մերժել լրագրողներին։

41
թեգերը:
ֆուտբոլ, Ադրբեջան, Լրագրող, հայ, Հայաստան