Հրանտ Մելիք–Շահնազարյան

Արցախյան հարցն ավելի կխճճվի, կամ վերջին կարևոր զարգացումը Լավրովի երևանյան այցն էր

126
(Թարմացված է 21:02 07.05.2021)
«Ոսկանապատ» վերլուծական կենտրոնի ղեկավար, քաղաքագետ Հրանտ Մելիք–Շահնազարյանը Sputnik Արմենիայի եթերում անդրադարձել է արցախյան հիմնախնդրի կարգավորման գործընթացին և դրա շուրջ ընթացող տարածաշրջանային ու աշխարհաքաղաքական զարգացումներին։
Մելիք–Շահնազարյան. Գերտերությունների մրցակցության բովում արցախյան հարցն էլ ավելի կխճճվի

Արցախը հայտնվել է գլոբալ տարածաշրջանային իրադարձությունների կենտրոնում, և քանի դեռ կա լուրջ մրցակցություն գերտերությունների միջև, արցախյան հարցն էլ ավելի կխճճվի։ Sputnik Արմենիայի հետ զրույցում նման կարծիք հայտնեց Հրանտ Մելիք–Շահնազարյանը։ Ըստ նրա` եթե խոսենք զուտ Արցախի մասին, ապա վերջին կարևոր զարգացումը կապված է ՌԴ արտգործնախարար Սերգեյ Լավրովի երևանյան այցի հետ։

«Ռուսաստանն իր բոլոր դիտարկումների կամ մոտեցումների հիմքում դնում է հաղորդակցության ուղիների ապաշրջափակումն ու տնտեսական կապերի վերահաստատումը տարածաշրջանում։ Ռուսաստանի համար այս պահի դրությամբ դա առաջնահերթություն է, և մնացած խնդիրները պաշտոնական Մոսկվան ծառայեցնում է հենց այդ առաջնահերթության կիրարկմանը, որովհետև Ռուսաստանը ցանկանում է Հարավային Կովկասում ունենալ իր համար հասկանալի ու կանխատեսելի իրավիճակ»,– նշեց քաղաքագետը։

Մելիք–Շահնազարյանի կարծիքով`ամենացավալին այն է, որ Հայաստանն այս պահին մասնակից չէ տարածաշրջանային հարցերի շուրջ կարևոր քննարկումներին։ Անգամ այն ծրագրերի կապակցությամբ, որոնք նախատեսված են ՀՀ տարածքով իրականացնելու համար, պաշտոնական Երևանի կարծիքը շատ քիչ է հաշվի առնվում, ինչը պայմանավորված է այն փաստով, որ գործող իշխանությունն ըստ էության նույնիսկ չի բարձրաձայնել հարցերը, որոնք կարող են ոչ միայն տնտեսական առումով մտահոգիչ լինել մեզ համար, այլև կարող են անվտանգային ռիսկեր պարունակել։

«Գործող իշխանությունը բացառապես կենտրոնացել է ներքաղաքական զարգացումների վրա` որևէ ուշադրություն չդարձնելով Հայաստանի շուրջ ընթացող իրադարձություններին, հետևաբար բաց են թողնում ապագայում այս տարածաշրջանի մեջ լուրջ դերակատարություն ստանձնելու հնարավորությունները ոչ միայն այլ երկրներին, այլև հենց թուրք–ադրբեջանական դաշինքին»,– նշեց «Ոսկանապատ» վերլուծական կենտրոնի ղեկավարը։

Ինչ վերաբերում է կոնկրետ արցախյան խնդրի կարգավորման գործընթացին, ապա քաղաքագետի գնահատմամբ` վերջին օրերին ակտիվություն նկատվեց համանախագահներից հատկապես Ֆրանսիայի ու ԱՄՆ–ի վարքագծում, որոնք բավարարված չեն արցախյան 44-օրյա պատերազմի արդյունքներով, հետևաբար փորձելու են ինչ–որ կերպ փոխել ստեղծված իրավիճակը` առաջ բերելով նոր գործոններ։ Քաղաքագետը հիշեցրեց, որ ԵԱՀԿ Մինսկի խմբի համանախագահների միջև առկա հակասությունների մասին խոսեց նաև Սերգեյ Լավրովը երևանյան այցի ընթացքում` հորդորելով զերծ մնալ Ղարաբաղի խնդրի խաղաղ կարգավորման գործընթացը շահարկելուց։

Հիշեցնենք` ՌԴ արտգործնախարարը Հայաստան էր ժամանել մայիսի 5-ին։ Նրան ընդունել է ՀՀ արտգործնախարարի պաշտոնակատար Արա Այվազյանը։ Դիվանագետները հուշագիր են ստորագրել։ Հանդիպումից հետո նախարարները հանդես են եկել համատեղ մամուլի ասուլիսով և ներկայացրել հարցերի այն շրջանակը, որ քննարկել են հանդիպման ընթացքում։

Սերգեյ Լավրոնին աշխատանքային երկօրյա այցի շրջանակում ընդունել էր նաև ՀՀ վարչապետի պաշտոնակատար Նիկոլ Փաշինյանը։

126
թեգերը:
Հրանտ Մելիք–Շահնազարյան, Հայաստան
Ըստ թեմայի
ՌԴ-ն հավատարիմ է իր դաշնակից Հայաստանի անվտանգության ապահովման հանձնառությանը. Լավրով
«Ես վստահ եմ՝ գերիների վերադարձի հարցն առաջիկայում կլուծվի»․ Սերգեյ Լավրով
Լավրովի կողմից Զանգեզուրի միջանցքին անդրադարձը մեսիջ է Ադրբեջանին և Թուրքիային. Դանիելյան
Ներսես Զեյնալվանդյան

Եվրամիությունը մեզ հետ համագործակցության կանաչ լույս է վառել. ՀԵԿ փոխնախագահ

35
(Թարմացված է 23:55 15.06.2021)
Հայաստանի Եվրոպական կուսակցության փոխնախագահ, կուսակցության նախընտրական շտաբի ղեկավար Ներսես Զեյնալվանդյանը Sputnik Արմենիայի եթերում անդրադարձել է արտահերթ խորհրդարանական ընտրությունների քարոզարշավին և այդ համատեքստում իրենց կուսակցության ծրագրային դրույթներին։
Զեյնալվանդյան. «Եվրամիությունն արդեն մեզ հետ համագործակցության կանաչ լույս է վառել»

Ներսես Զեյնալվանդյանի փոխանցմամբ` Եվրոպայի հետ սերտ համագործակցությունն իրենց կուսակցության առաջնահերթություններից է, որի հիմքում ԵՄ–ի հետ համապարփակ տնտեսական համագործակցության պայմանագիրն է, ինչը կարող է նախանշել անցումը դեպի լիարժեք ասոցացման պայմանագրի, որից հետո պետք է լինեն բանակցություններ Եվրամիությանն անդամագրվելու համար։

«Մեր տնտեսական ծրագրի հիմնական մասը կազմում է ԵՄ–ի հետ համագործակցության ծրագիրը, որն արդեն իսկ մինչև մարտի մեկը վավերացվել է եվրոպական 28 երկրների կողմից։ Հիմա գնդակը ՀՀ իշխանությունների դաշտում է, որոնք պետք է արձագանքեն 580 էջանոց ծրագրին, որի մեջ ներառված է նաև վիզաների ազատականացման հարցը։ Այդ հարցի լուծման պարագայում մեր քաղաքացիներն անարգել կարող են այցելել եվրոպական երկրներ։ Եթե մեր կառավարությունը տեղից շարժվի և վարի բանակցություններ, ապա հարցը շատ արագ կլուծվի»,– նշեց Հայաստանի եվրոպական կուսակցության փոխնախագահը։

Զեյնալվանդյանի տեղեկացմամբ` ԵՄ–ի հետ համապարփակ տնտեսական համագործակցության պայմանագրի մեջ մեծ տեղ է հատկացված կոնկրետ ծրագրերին, և եթե մեր կառավարությունն աշխուժություն ցուցաբերի, ապա կակտիվանա նաև ապրանքաշրջանառությունը եվրոպական երկրների հետ, այսինքն` Եվրամիությունն արդեն մեզ հետ համագործակցության կանաչ լույս է վառել, բայց խանգարող հանգամանքը մեր իշխանություններն են, որոնք այդ ուղղությամբ չեն աշխատում։ Ըստ նրա` մարտի մեկից հետո տևական ժամանակ է, ինչ ՀՀ կառավարությունը որևէ կերպ չի արձագանքել, ոչինչ նկատելի չէ, դրա մասին նույնիսկ տեղեկացված չէ մեր հանրության մեծամասնությունը։ 

Հայաստանի եվրոպական կուսակցության փոխնախագահի հավաստմամբ` ԵՄ–ի հետ ասսոցացման պայմանագրի հիմնարար դրույթները տեղ են գտել նաև կուսակցության նախընտրական ծրագրի հիմքում։ Ըստ նրա` եթե հայ տնտեսվարողները ստանան համարժեք խթան և խորհրդատվական, ֆինանսական աջակցություն և հաշվի առնվի եվրոպական հսկայական շուկայի ծավալներն ու գնողունակությունը, ապա շատ արագ մեր գործարարները կարող են ինտեգրվել այդ եվրոպական շուկային, և հայկական ապրանքներն ավելի մեծ քանակներով կհայտնվեն այնտեղ։ 

Նշենք, որ Հայաստանում հունիսի 7-ից պաշտոնապես մեկնարկել է խորհրդարանական ընտրությունների նախընտրական քարոզարշավը:

Ռոբերտ Քոչարյանն ու Կարեն Կարապետյանը հանդիպել են կենտրոնական շտաբում․ լուսանկարներ

Արտահերթ խորհրդարանական ընտրություններին կմասնակցեն 21 կուսակցություն և 4 դաշինք, որոնք պայքարում են Հայաստանի ընտրողների ռեգիստրում ընդգրկված 2 581 093 ընտրողների ձայների համար։

Հիշեցնենք, որ խորհրդարանական արտահերթ ընտրությունները կայանալու են հունիսի 20-ին։ 

35
թեգերը:
Եվրամիություն, Ընտրություններ, Ներսես Զեյնալվանդյան
Ըստ թեմայի
Պետք է դագանակ ունենանք, որ ով մուրճով գա՝ դագանակով գլխին տանք. Սերժ Սարգսյան
Քոչարյանը պատրաստ է նախկին վարչապետ Կարեն Կարապետյանին պաշտոն առաջարկել
ԿԸՀ-ն մերժեց․ Փաշինյանն ու «Քաղաքացիական պայմանագիրը» կմասնակցեն ընտրություններին
Վահե Գասպարյան

Պետք է Ռուսաստանին զուգահեռ զարգացնել հարաբերությունները նաև Արևմուտքի հետ. Գասպարյան

18
«Ազգային–ժողովրդավարական բևեռ» համահայկական կուսակցության խորհրդի անդամ, վարչապետի թեկնածու Վահե Գասպարյանը Sputnik Արմենիայի եթերում անդրադարձել է արտահերթ խորհրդարանական ընտրությունների քարոզարշավին և այդ համատեքստում իրենց կուսակցության ծրագրային դրույթներին։
Գասպարյան. «Առաջարկում ենք դիվերսիֆիկացնել մեր արտաքին և անվտանգության քաղաքականությունը»

Վահե Գասպարյանի դիտարկմամբ`քանի որ արցախյան 44-օրյա պատերազմից հետո ժողովրդի համար առաջին պլան են մղվել անվտանգությանն ու արտաքին քաղաքականությանն առնչվող հարցերը, ուստի դրանք գտնվում են նաև կուսակցության ուշադրության կենտրոնում, թեև մյուս ոլորոտների վերաբերյալ այն նույնպես մշակել է իր մոտեցումներն ու ծրագրային դրույթները։

«Անվտանգության ու արտաքին քաղաքականության բնագավառներն առաջնահերթություն են, որովհետև դրանցից է կախված պետության գոյությունը, հետևաբար մենք առաջարկում ենք դիվերսիֆիկացնել անվտանգության քաղաքականությունը, այսինքն` մենք չենք ասում հրաժարվել Ռուսաստանի հետ համագործակցությունից, այլ պազապես շեշտում ենք, որ պետք է Ռուսաստանի հետ զուգահեռ զարգացնել հարաբերություններն արևմտյան դաշնակիցների հետ»,– նշեց «Ազգային–ժողովրդավարական բևեռի» խորհրդի անդամը։

Անդրադառնալով ՀՀ արտաքին քաղաքական վեկտորին` Գասպարյանն այստեղ նույնպես կարևորեց դիվերսիֆիկացիան` ընդգծելով, որ պետք չէ անվտանգությանն առնչվող բոլոր հարցերը զետեղել մեկ զամբյուղի մեջ։ Ըստ նրա` մեր տարածաշրջանում «Մեծ յոթյակի» երկրների կողմից պաշտոնապես հայտարարվել է մեգածրագրի իրականացման մասին, որը կոչվում է Հյուսիս–Հարավ նախագիծ և նպատակ ունի Հնդկական ու Պարսից ծոցերի տարածաշրջաններն Իրանի, Հայաստանի ու Վրաստանի միջոցով կապել Եվրոպայի հետ, հետևաբար Հայաստանը դառնալով նշված ծրագրի բաղկացուցիչ մաս` նախ ձեռք կբերի անվտանգության երաշխիքներ, ապա և կստանա բազմամիլիարդանոց ներդրումների հնարավորություն, ինչի շնորհիվ կզարգանան տեխնոլոգիաներն ու ենթակառուցվածքները։

Հայաստանին պետք է պրոֆեսիոնալ բանակ և շվեյցարական մոդել․ «Միասնական հայրենիքի» առաջնորդ

«Սոցիալ–տնտեսական բլոկում հստակ նշել ենք, որ մենք կարող ենք ապահովել թռիչքային աճ բոլոր ոլորտներում։ Դա հնարավոր է, որովհետև մեր ժողովուրդն այդ ներուժն ունի և մենք արդեն իսկ ապրում ենք չորրորդ արդյունաբերական հեղափոխության դարաշրջանում, ուստի աշխարհին պետք է ներկայանանք որպես նորարար ազգ, ստարտափ պետություն։ Մեր տնտեսական, գիտակրթական ոլորտները պետք է համապատասխանեցնենք 21-րդ դարի պահանջներին` շեշտը դնելով կանաչ տնտեսության խթանման ու IT բնագավառի, բիո և նանո տեխնոլոգիաների զարգացման վրա»,– նշեց Գասպարյանը։

Նրա պնդմամբ` վերոհիշյալ ծրագրերն իրականացնելու համար անհրաժեշտ կլինի հայկական սփյուռքի ամբողջական ներգրավումը, այսինքն` նոր Սահմանադրության ընդունմամբ սփյուռքը պետք է ունենա իրավունքներ, մեր հայրենակիցները պետք է ստանան ՀՀ քաղաքացիություն, պաշտոններ, ընտրելու և ընտրվելու, այստեղ բիզնեսներ հիմնելու իրական հնարավորություն։ Կուսակցությունն առաջարկում է նաև օգտագործել հայ ժողովրդի ցանցային կառուցվածքը և հարթակներ ստեղծել տարբեր ոլորտների հետագա զարգացման համար։     

Ընտրությունների հաջորդ օրվանից սկսած Փաշինյանը 4 օրով ամրագրել է Հանրապետության հրապարակը

Նշենք, որ Հայաստանում հունիսի 7-ից պաշտոնապես մեկնարկել է խորհրդարանական ընտրությունների նախընտրական քարոզարշավը:

Արտահերթ խորհրդարանական ընտրություններին կմասնակցեն 21 կուսակցություն և 4 դաշինք, որոնք պայքարում են  Հայաստանի ընտրողների ռեգիստրում ընդգրկված 2 581 093 ընտրողների ձայների համար։

Հիշեցնենք, որ խորհրդարանական արտահերթ ընտրությունները կայանալու են հունիսի 20-ին։ 

18
թեգերը:
Ընտրություններ, Վահե Գասպարյան
Ըստ թեմայի
Պետք է կարգի գցել այս մեքենան․ Ռոբերտ Քոչարյանը՝ ճգնաժամի, պատերազմի և անելիքների մասին
Ադրբեջանցիները հետ կքաշվե՞ն. Կութում խոստացել են խնդիրը լուծել մինչև ընտրությունները
Ո՞ւմ օգտին կքվեարկեիք, եթե ընտրությունը տեղի ունենար այս պահին. Gallup–ի հարցման արդյունքը
Ֆուտբոլ

Հայաստանը ներկայացնող 2 լրագրող հավատարմագրվել են Եվրո-2020-ը լուսաբանելու համար

35
(Թարմացված է 00:05 16.06.2021)
Ըստ Կարեն Ռաֆայելյանի` ՀՖՖ-ն է եղել միակ կառույցը, որ պաշտոնական դիմում է ներկայացրել ՈՒԵՖԱ` հարցի կարգավորման համար։

ԵՐԵՎԱՆ, 15 հունիսի - Sputnik. Հայաստանը ներկայացնող 2 լրագրողներ հավատարմագրվել են Եվրո-2020-ը լուսաբանելու համար: Լրագրող Կարեն Ռաֆայելյանը ֆեյսբուքյան իր էջում գրառում է արել` հայտնելով, որ իր գործընկեր Դավիթ Եղիազարյանը նույնպես ստացել է նոր հավատարմագիր։

Ավելի վաղ հայտնել էինք, որ 2 մարզական լրագրողները մերժում են ստացել Եվրո-2020-ի հավատարմագրման համար։ Այսօր առավոտյան հայտնի դարձավ, որ Կարեն Ռաֆայելյանը նոր հավատարմագիր է ստացել։

«Ադրբեջանի կապիկությունները` կապված Եվրո-2020-ում հայ լրագրողներիս հավատարմագրումից զրկելու հետ, 2 օր էլ չտևեցին: Շնորհակալություն Հայաստանի ֆուտբոլի ֆեդերացիային արագ և ազդեցիկ արձագանքի համար: Բացի մեր անձնական նամակներից, հենց ՀՖՖ-ն է եղել միակ կառույցը, որ պաշտոնական դիմում է ներկայացրել ՈՒԵՖԱ` հարցի կարգավորման համար»,–ֆեյսբուքի իր էջում գրել է Ռաֆայելյանը:

Հիշեցնենք, որ լրագրողները դեռևս 2020 թվականի հունվարին էին հայտ ներկայացրել և համաձայնեցրել ՈւԵՖԱ–ի մամուլի ծառայության հետ այն քաղաքներն ու խաղերը, որոնք կցանկանային այցելել։ Այդ ցանկում, բնականաբար, Բաքուն չի եղել։

«Դուք տղամարդ չեք». մարզական մեկնաբանի հարցը հունից հանել է Օլգա Բուզովային

Հավատարմագրումը ստացվել է մայիսին, բայց մեկ վերապահումով, որ այն կարող են չեղարկել, եթե մասնակից երկրներից որևէ մեկի իրավապահ մարմինները որոշեն, որ լրագրողներն առնչություն ունեն հանցագործության հետ։

Բնականաբար, հասկանալի է, թե որ երկիրը և ինչո՞ւ էր մերժել լրագրողներին։

35
թեգերը:
ֆուտբոլ, Ադրբեջան, Լրագրող, հայ, Հայաստան