ԱՄՆ, Չինաստան, բանակցություններ, Թեհրան, Վաշինգտոն, միջուկային պայմանագիր, Վիեննա, Vienna, Chinastan, novosti armenii, Banakcutyunner, Tehran, Vashington, mijukayin paymanagir
Ցենտրիֆուգներ`Թեհրանից հարավ գտնվող Նատանզի ուրանի հարստացման գործարանի միջանցքում

Միջուկային գործարքի շուրջ բանակցություններում ԱՄՆ-ն ժամանակ է ձգում, իսկ Իրանը շտապում է

19
(Թարմացված է 20:24 07.05.2021)
«Իրականում» հաղորդման հեղինակ Արման Վանեսքեհյանն անդրադարձել է Վիեննայում` ԱՄՆ-ին իրանական միջուկային գործարքի շրջանակ վերադարձնելու բանակցություններին: Հեղինակի պնդմամբ`կողմերը դիմում են դիվանագիտական հնարքների` Վաշինգտոնը ժամանակ է ձգում, մինչդեռ Թեհրանը շտապում է։
Միջուկային գործարքի շուրջ Վիենայի բանակցություններում ԱՄՆ-ն ժամանակ է ձգում, իսկ Իրանը շտապում է

Իրականում մի պահ այնպիսի տպավորություն ստեղծվեց, որ Վիեննայում իրանական միջուկային գործարքի հետ կապված առաջխաղացում արձանագրելը իրականությանը մոտ էր թվում։ Հանգստյան օրերին Ավստրիայի մայրաքաղաքում բանակցություններ էին ընթանում ԱՄՆ-ին միջուկային գործարքի շրջանակ վերադարձնելու շուրջ։

Կարծես  թե կողմերը շփման եզրեր էին գտել, կոնկրետ ցուցակներ ու հերթականություն կազմել…

Միջազգային քաղաքական հարթակներն արդեն որերրորդ օրն է` խոսում են այն մասին, որ ամերիկյան դիվանագիտությունը կարծես թե այս անգամ շատ ավելի կոնստրուկտիվ մոտեցում է ցուցաբերում։

Իսրայելն ԱՄՆ–ին ակնարկում է, որ Իրանի հարցում կարող է գնալ արկածախնդրության. Պողոսյան

Բավականին լուրջ փորձագետների կարծիքով` Միացյալ Նահանգները հատուկ ուզում է Իրանի հետ տարաձայնությունները հարթել, որ ձեռքերն ազատի ու իր` թե՛ դիվանագիտական, թե՛ տնտեսական, թե՛ ռազմական սևեռի նախ` Ռուսաստանի արևմտյան սահմանին կից տարածքների ուղղությամբ, ապա Ասիա – խաղաղօվկիանոսյան տարածաշրջան Չինաստանի հետ լուրջ առճակատվելու համար։

Զենքի արտադրության տեխնոլոգիաներ ունեցող երկրները շատ ավելի մեծ միջազգային կշիռ ունեն

Այդ լուրերը անհանգստացնում են տարածաշրջանային մի շարք երկրների։ Մյուս մասին հակառակը, ապագայի նկատմամբ լավատեսությամբ զինվելու առիթ են։

Նույն Թեհրանը մի պահ կարծես թե իսկապես մտածում է, որ պատժամիջոցները կհանվեն ու երկիրը վերջապես կկարողանա գոնե իր տնտեսական ու սոցիալական խնդիրները լուծել։

19
թեգերը:
Չինաստան, Ավստրիա, Վիեննա, Միջուկային պայմանագիր, Վաշինգտոն, Թեհրան, բանակցություն, ԱՄՆ
թեմա:
Իրականում / Օրացույց (700)
Ըստ թեմայի
ԱՄՆ-ն սթափվել է, Իրանը պատրաստ է վերադառնալ միջուկային գործարքի պարտավորություններին
Ռուսաստանի և Իրանի նախագահները Երևանում կքննարկեն «միջուկային գործարքը»
Եվրոպացիները փորձելու են միջուկային գործարքի ծրագրում Իրանի ու ԱՄՆ-ի դիրքերը համաձայնեցնել
Իրանը մտադիր է ավելի շատ կրճատել «միջուկային գործարքի» պարտավորությունները. Ռոհանի
Թաթուլ Մանասերյան

Հետընտրական շոու, կամ ինչի մասին է խոսում Հայաստանում Ադրբեջանի դրոշով ապրանքի հայտնվելը

48
(Թարմացված է 18:43 24.06.2021)
«Այլընտրանք» հետազոտական կենտրոնի ղեկավար, տնտեսագիտության դոկտոր Թաթուլ Մանասերյանը Sputnik Արմենիայի եթերում անդրադարձել է ՀՀ կառավարության որոշմանը, որով ևս վեց ամիս ժամկետով երկարաձգվել է թուրքական ապրանքների ներմուծման արգելքը։
Մանասերյան. «Թուրքական ապրանքներն արգելելու որոշումն ավելի շատ հետընտրական շոուի է նման»

Թուրքական ապրանքների արգելանքը երկարաձգելու` կառավարության որոշումն ավելի շատ նման է հետընտրական շոուի, որովհետև լուրջ կառավարությունը պետք է որոշումն ընդունելիս նաև ցույց տա հայրենակիցներին, գործարար աշխարհի ներկայացուցիչներին, թե կոնկրետ ինչ քայլեր է արել, որպեսզի այն մարդիկ, որոնք ներմուծում էին, անգործ չմնան, ցույց տար դիվերսիֆիկացման ուղիները` քաջալերելով մարդկանց, որպեսզի ապրանքներ ներկրեն այլ երկրներից։ Sputnik Արմենիայի հետ զրույցում նման տեսակետ հայտնեց «Այլընտրանք» հետազոտական կենտրոնի ղեկավար, տնտեսագիտության դոկտոր Թաթուլ Մանասերյանը։

«Կառավարությունը պետք է նշեր, թե կոնկրետ ինչ գործողություններ է պլանավորել տեղական արտադրության զարգացումը խթանելու ուղղությամբ։ Պարտադիր չէ, որ ներմուծվող բոլոր ապրանքները փոխարինվեն, սակայն անհրաժեշտ է գոնե ներկայացնել, թե, օրինակ, 800 ներմուծվող ապրանքներից քանիսն է փոխարինվել տեղական ապրանքներով»,– նշեց տնտեսագետը։ 

Մանասերյանի գնահատմամբ` կառավարությունում զգացվում է արհեստավարժ մասնագետների բացակայություն, հետևաբար նա մեծ ակնկալիքներ չունի գործադիր մարմնի գործունեությունից։ Ըստ նրա` անհրաժեշտ է մշակել հստակ մեխանիզմներ, որոնք անպայման պետք է աշխատեն, կառավարությունն ինքը պետք է գնա ձեռնարկատիրությամբ զբաղվողների մոտ, տեսնի, թե նրանք արտադրության ինչ միջոցների, կապիտալ ներդրումների կամ շրջանառու ինչ միջոցների կարիք ունեն, նրանց արտոնյալ պայմաններով վարկեր տրամադրի կամ իրականացնի համաֆինանսավորում։ 

Տնտեսագետը հիշեցրեց, որ Հայաստանում թուրքական ապրանքների դեմ էմբարգո կիրառելու նախաձեռնողներից մեկն էլ եղել է ինքը և շեշտեց, որ մեր կառավարությունը տարիներ առաջ խորությամբ չէր գիտակցում, որ թուրքերից ինչ–որ բան գնելու պարագայում այդ գումարը գնում էր հարևան երկրի պետական բյուջե` դառնալով հավելյալ եկամուտ և ուղղվելով նաև զենքի արտադրությանը։ 

«Ես կողմնակից եմ պրոակտիվ քաղաքականությանը, այլ ոչ թե միայն ռեակտիվ քաղաքականությանը։ Այո, պետք է արգելել, ընդհանրապես պետք է զգոն լինել թուրքերի հետ առևտրից։ Եթե Հայաստանում հայտնվում է որևէ ապրանք Ադրբեջանի դրոշով, ապա դա խոսում է պետության չգոյության մասին, մաքսային մարմինների անգործության մասին»,– նշեց տնհտեսագետը։

ՀՀ–ն չի ֆինանսավորի Թուրքիայի գանձարանը. թուրքական ապրանքների արգելքը երկարաձգվեց 6 ամսով

Նշենք, որ ՀՀ կառավարությունն այսօրվա նիստում վեց ամիս ժամկետով երկարաձգեց թուրքական ապրանքների ներմուծման արգելքը։

Էկոնոմիկայի նախարարի պաշտոնակատար Վահան Քերոբյանն ասել է, որ նախորդ որոշման վեցամսյա ժամկետը լրանում է հուլիսի մեկին, ինչը նշանակում է, որ կա անհրաժեշտություն նոր որոշման, որով կնախատեսի ևս վեց ամսով երկարաձգել թուրքական ծագում ունեցող վերջնական սպառում ունեցող ապրանքների ներմուծումը ՀՀ։

Հիշեցնենք, որ ՀՀ կառավարությունն իր 2020 թվականի հոկտեմբերի 20-ի թիվ 1708-Ն որոշմամբ ժամանակավոր արգելք է դրել թուրքական ծագում ունեցող վերջնական սպառման ապրանքների ներմուծման վրա: Արգելքն ուժի մեջ է մտել 2020 թվականի դեկտեմբերի 31-ից:

Վրաստանի սահմանի բացումը չի նշանակում թուրքական ապրանքների ներկրում. ՊԵԿ նախագահ

48
թեգերը:
ՀՀ կառավարություն, Թաթուլ Մանասերյան, ներմուծում, Թուրքիա
Ըստ թեմայի
Ինչպես կարելի է դուրս գալ այս իրավիճակից. Թաթուլ Մանասերյանը «դեղատոմս» է առաջարկում
Մանասերյան. «ՀՀ–ն շատ ցուցանիշներով ամենաշատն է օգտվել ԵԱՏՄ ընձեռած հնարավորություններից»
Տնտեսական իրողությունները վերանայելու` Կենտրոնական բանկի մոտեցումը տեղին է. Մանասերյան
Հասմիկ Աբովյան

Ինչպես օրգանիզմը պաշտպանել ամառային շոգից. խորհուրդ է տալիս մասնագետը

166
Սննդաբան, էնդոկրինոլոգ Հասմիկ Աբովյանը Sputnik Արմենիայի եթերում նշել է, որ հատկապես սրտանոթային, շնչառական խնդիրներ և շաքարային դիաբետ ունեցողները, ճիշտ սնվելուց բացի, պետք է նաև որոշակի կանոնների հետևեն։ 
Ինչ անել, եթե օրվա մեծ մասն անցկացնում եք արևի ուղիղ ճառագայթների տակ. խորհուրդներ մասնագետից

Ամռանը ջերմաստիճանի բարձրացմանը զուգահեռ ավելանում է նաև մարդու օրգանիզմի ջերմակարգավորող համակարգի ծանրաբեռնվածությունը, և մի շարք օրգան-համակարգեր, հատկապես սրտանոթային և շնչառական, սկսում են ավելի ինտենսիվ աշխատել, որի հետևանքով առաջանում են օրգանիզմի կենսագործունեության խանգարումներ: Sputnik Արմենիայի հետ զրույցում նման կարծիք հայտնեց սննդաբան, էնդոկրինոլոգ Հասմիկ Աբովյանը։ 

«Շոգ եղանակին անոթների լայնացում է տեղի ունենում, արյունը կարող է մեծամասամբ կուտակվել ոտքերի շրջանում, անգամ կարող է լինել ուշաթափություն, անոթների, սրտի հետ կապված բազմաթիվ խնդիրներ»,- ասաց նա։

Թիրախային խմբում են գտնվում հատկապես բացօթյա վաճառակետերում աշխատող կամ արևի ուղիղ ճառագայթների տակ ֆիզիկական ծանր աշխատանք կատարող մարդիկ, քանի որ հենց նրանց մոտ կարող են առաջանալ սրտանոթային համակարգի աշխատանքի սուր խանգարումներ:

«Որքան հնարավոր է պետք է պաշտպանվել արևի ուղիղ ճառագայթներից, տնից դուրս գալիս անձրևանոցներ ունենալ, անընդհատ կում-կում ջուր խմել և աշխատելիս պասիվ չմնալ, գոնե ոտքերը շարժել կամ փոքրիկ քայլերով այս ու այն կողմ գնալ-գալ, որ անոթները չլայնանան»,- նշեց Աբովյանը։

Հիշեցնենք` ԱԻՆ–ն ավելի վաղ հայտնել էր, որ արաբական անապատներից արևադարձային տաք օդային հոսանքների ներթափանցմամբ պայմանավորված ` մինչև հունիսի 27-ը Հայաստանի ամբողջ տարածքում սպասվում է խիստ բարձր ջերմային ֆոն։ Արարատյան դաշտում, Արագածոտնի և Վայոց Ձորի նախալեռներում, ինչպես նաև Երևանում կանխատեսվում է +40, իսկ առանձին ցածրադիր հատվածներում՝ մինչև +41 աստիճան։

Սննդաբանը խոսել է շոգ եղանակին տաք թեյ խմելու օգտակարության ու վնասի մասին

166
թեգերը:
խորհուրդ, շոգ, ամառ, օրգանիզմ
Ըստ թեմայի
Ինչպես կարելի է ազատվել առավոտյան այտուցվածությունից. կոսմետոլոգի խորհուրդները
Առաջիկա օրերին Հայաստանում խիստ բարձր ջերմային ֆոն է լինելու. եղանակի տեսություն
Շեֆ-խոհարարը պատմել է շոգ ամառվա համար կատարյալ կերակրատեսակի մասին
Մայր Աթոռ Սուրբ Էջմիածին

Մայր Աթոռը հորդորում է անհապաղ ազատ արձակել Արմեն Չարչյանին

0
(Թարմացված է 18:47 24.06.2021)
Մայր Աթոռից շեշտում են, որ ստեղծված իրավիճակում բժշկի նկատմամբ իրականացված գործողությունները առերևույթ դժվար է բնութագրել այլ կերպ, քան հալածանք և անհիմն հետապնդում

ԵՐԵՎԱՆ, 24 հունիսի - Sputnik. Մայր Աթոռից հայտնում են, որ խորը մտահոգությամբ տեղեկացել են Մայր Աթոռ Սուրբ Էջմիածնի «Իզմիրլյան» բժշկական կենտրոնի տնօրեն, պրոֆեսոր Արմեն Չարչյանի կալանավորման մասին ու նշում, որ անվանի բժշկին առաջադրված մեղադրանքները մեծապես տարակուսելի են, կալանավորման կայացված որոշումը՝ խիստ անհամաչափ, ինչի մասին փաստում են բազմաթիվ հեղինակավոր իրավագետներ։

«Ստեղծված իրավիճակում բժշկի նկատմամբ իրականացված գործողությունները առերևույթ դժվար է բնութագրել այլ կերպ, քան հալածանք և անհիմն հետապնդում, ինչը միանշանակորեն դատապարտելի է։

Պատկան կառույցներին հորդորում ենք անհապաղ ազատ արձակել պրոֆեսոր Արմեն Չարչյանին՝ նկատի ունենալով նրա առողջական ոչ բարվոք վիճակը և նրա խնամքի տակ գտնվող անչափահաս երեխայի հանգամանքը»,-նշված է հաղորդագության մեջ։

Վաստակաշատ բժիշկ Արմեն Չարչյանը ամենածանր և դժվարին իրավիճակներում փրկել է հազարավոր կյանքեր և այսօր էլ, գլխավորելով Մայր Աթոռի «Իզմիրլյան» բժշկական կենտրոնը, շարունակում է իր անմնացորդ ծառայությունը բերել մեր ժողովրդին և հայրենիքին։ Այժմ, կալանքի ծայրահեղ միջոցի կիրառմամբ, վտանգված է նրա առողջությունը, ինչպես նաև բացառվել է նրա օժանդակությունը մարդկանց կյանքի և առողջության պաշտպանության հարցերում։

«Վստահ ենք, որ քրեական գործով նախաքննությունը կարելի է անցկացնել առանց բժիշկ Արմեն Չարչյանին հասարակությունից մեկուսացնելու»,-շեշտում են Մայր Աթոռից:

Հավելենք, որ քիչ առաջ Գլխավոր դատախազության մոտ ավարտվեց «Հայաստան» դաշինքի» բողոքի ակցիան՝ ի պաշտպանություն Արմեն Չարչյանի։

Հիշեցնենք՝ հունիսի 18-ին համացանցում հրապարակվեց մի ձայնագրություն, որում Չարչյանն իր աշխատակիցներին ասում էր, որ տնօրինությունը շատ կոշտ վերաբերմունք է ցուցաբերելու նրանց նկատմամբ, ովքեր ընտրություններին չեն մասնակցի։

Նույն օրը հայտնի դարձավ, որ Չարչյանը ձերբակալվել է իր ղեկավարած կենտրոնի աշխատակիցներին ԱԺ արտահերթ ընտրություններին մասնակցելուն առերևույթ հարկադրելու դեպքի առթիվ ՀՀ ՀՔԾ-ում քննվող քրեական գործի շրջանակում։

Սա քաղաքական տեռոր է․ Արմեն Չարչյանը՝ իր դեմ հարուցված քրեական գործի մասին

Հունիսի 20-ի գիշերը Երևան քաղաքի Ավան և Նոր Նորք վարչական շրջանների ընդհանուր իրավասության դատարանի դատավոր Շահվերդյանը բավարարեց պաշտպանների բողոքը, ու Արմեն Չարչյանն առավոտյան դուրս եկավ «Շենգավիթ» ԲԿ-ից, ուր տեղափոխվել էր գիշերը՝ առողջական խնդիրների պատճառով։

Չարչյանն այսօր նույնպես չէր ներկայացել դատարան. պաշտպանը հայտնել էր, որ նա առողջական խնդիրների պատճառով հիվանդանոցում է։

0