Նարեկ Մինասյան

Ինչո՞ւ Ջո Բայդենը որոշեց Ադրբեջանին ռազմական օգնություն ցուցաբերել

355
Քաղաքագետ Նարեկ Մինասյանը Sputnik Արմենիայի հետ զրույցում անդրադարձել է ԱՄՆ նախագահի` Ադրբեջանին ռազմական օգնություն ցուցաբերելու որոշմանը և նշել դրա հիմնական պատճառները։
«ԱՄՆ–ի ռազմական օգնությունը Ադրբեջանին պայմանավորված ԱՄՆ շահերով». Նարեկ Մինասյան

2000-ականների սկզբից ի վեր Ադրբեջանը Ամերիկայի Միացյալ նահանգների համար դիտարկվում է որպես տրանզիտային կարևոր հարթակ դեպի Աֆղանստան զորքեր տեղափոխելու հարցում, և այդ նպատակով ՄՆ-ն խնդիր ունի սիրաշահել Ադրբեջանին։ Սա 907-րդ բանաձևի կասեցման կարևորագույն գործոններից մեկն էր, բայց ոչ միակը։ Sputnik Արմենիայի հետ զրույցում նման կարծիք հայտնեց քաղաքագետ Նարեկ Մինասյանը։

2002-ից սկսած` ՄՆ նախագահները պարբերաբար շրջանցել են 907-րդ բանաձևը և Ադրբեջանին ցուցաբերել են օգնություն, այդ թվում՝ ռազմական բնույթի։

Մինասյանը հիշեցնում է` Թրամփի նախագահության շրջանում ՀՀ-ը Միացյալ նահանգներից ստացել է 16 մլն, իսկ Ադրբեջանը մի քանի անգամ ավելի` 106 մլն դոլարի օգնություն։ Միայն Բարաք Օբամայի վարչակարգի օրոք է, որ և՛ Հայաստանը, և՛ Ադրբեջանը ստացել են գրեթե հավասարաչափ` 117 և 114 մլն-ի օգնություն։

Թրամփի գործելաոճն այժմ էլ Բայդենն է որոշել շարունակել և շրջանցելով 907-րդ բանաձևը՝ ռազմական օգնություն տրամադրել Ադրբեջանին, այն դեպքում, երբ դեռևս 2020-ի հոկտեմբերին Բայդենն ինքն էր դիմել նախագահ Թրամփին և նրա ադմինիստրացիային, որ պահպանեն 907-րդ բանաձևով առկա սահմանափակումները և որևէ ձևով օգնություն չտրամադրեն Ադրբեջանին։ Հիմա Բայդենը ճիշտ հակառակն է անում։

«Բնականաբար, դա պայմանավորված է ԱՄՆ շահերով։ Ադրբեջանը հատկապես պատերազմից հետո ոչ միայն պահպանում է ԱՄՆ համար իր կարևորությունը, այլև ձեռք է բերել տարածաշրջանային ավելի մեծ կարևորություն, ինչը տարբեր բևեռներ չեն կարող հաշվի չառնել իրենց քաղաքականությունը տարածաշրջանում մշակելիս և իրականացնելիս»,- ասաց Մինասյանը։

Թե որքան կկազմի այդ օգնությունը՝ դեռևս պարզ չէ, սակայն, Մինասյանի խոսքով, այստեղ հատկանշական է այն հանգամանքը, որ Ադրբեջանին տրամադրվող օժանդակության մեծ մասը նախատեսված է հակաահաբեկչական պայքարի նպատակով, ինչը ևս հակասում է Ադրբեջանի` արցախա-ադրբեջանական պատերազմում որդեգրած քաղաքականությանը։

«Պատերազմի ժամանակ մեկ անգամ չէ և մեկ ամերիկյան պաշտոնյա չէ, որ հայտարարել է, որ Ադրբեջանը ռազմական գործողություններում ներգրավում և օգտագործում է սիրիացի վարձկանների, ահաբեկիչների, և այժմ փաստացի ԱՄՆ-ն պատրաստվում է հակաահաբեկչական բնույթի աջակցություն տրամադրել ահաբեկչությունը ֆինանսավորող երկրի»,- նշեց Մինասյանը։

ԵԽ պատգամավորները դիմել են ԵԽ նախագահին՝ հարկադրելու Ադրբեջանին ազատել հայ գերիներին

Հիշեցնենք` ԱՄՆ նախագահ Ջո Բայդենը թույլատրել է ռազմական օգնություն ցուցաբերել Ադրբեջանին։ Ինչպես հաղորդում է The Hill պարբերականը, Բայդենը Կոնգրեսին տեղեկացրել է, որ վարչակազմը երկարաձգում է «Ազատության աջակցության ակտի» 907-րդ ուղղման կասեցումը:

Ուղղումն ընդունվել է 1992 թվականին՝ հայկական լոբբիի ճնշման ներքո։ Փաստաթուղթը սահմանափակում է ԱՄՆ-ի կողմից Ադրբեջանին պետական մակարդակով օգնություն ցուցաբերելը։

Հավելենք, որ ԱՄՆ նախագահ Ջո Բայդենը ապրիլքսանչորսյան ամենամյա ուղերձում ճանաչել ու դատապարտել է Հայոց ցեղասպանությունը` օգտագործելով հենց «ցեղասպանություն» եզրույթը։

355
թեգերը:
Հայաստան, Ադրբեջան, ԱՄՆ
Ըստ թեմայի
ԱՄՆ-ի կողմից Հայոց ցեղասպանության ճանաչումը մտրակի և քաղցրաբլիթի խաղի դրսևորում է. Պեսկով
Էրդողանը կօգտագործի Հայոց ցեղասպանության ճանաչման փաստը` ԱՄՆ-ից ինչ–որ բան կորզելու համար
Նախագահը շնորհակալություն է հայտնել հայկական կաթողիկոսությունների ԱՄՆ թեմերի առաջնորդներին
Դավիթ Ափոյան

ԵՊՀ-ի գիտխորհուրդը դժգոհ է Դումանյանի հետ հանդիպումից. ինչո՞ւ էր նախարարը բուհ այցելել

46
(Թարմացված է 17:25 10.05.2021)
ԵՊՀ ուսխորհրդի նախագահ Դավիթ Ափոյանը Sputnik Արմենիայի եթերում անդրադարձել է ԿԳՄՍ նախարար Վահրամ Դումանյանի և ԵՊՀ գիտխորհրդի կազմի հանդիպմանը։
ԵՊՀ-ի գիտխորհրդը դժգոհ է Դումանյանի հետ հանդիպումից. ինչո՞ւ էր նախարարը բուհ այցելել

ԵՊՀ գիտխորհրդի կազմը դժգոհ է ԿԳՄՍ նախարար Վահրամ Դումանյանի հետ հանդիպումից. սպասելիքները չեն արդարացել։ Sputnik Արմենիայի հետ զրույցում ասաց ԵՊՀ ուսխորհրդի նախագահ Դավիթ Ափոյանը։

«Հանդիպումը ոչ բավարար եմ գնահատում։ Կարծում եմ` նախարարը եկել էր համալսարան զուտ լարվածությունը թուլացնելու նպատակով, ոչ թե խնդիրը լուծելու, բայց իրականում լարվածությունը չթուլացավ, կարող եմ ասել, որ այն ավելի աճեց»,- ասաց նա։

Ըստ Ափոյանի՝ մոտ մեկուկես ժամ տևած հանդիպման ընթացքում նախարարը որևէ բովանդակային առաջարկ և հիմնավորում չներկայացրեց։

«Չհիմնավորվեց, թե ինչ հիմքով պետք է համամասնությունները փոխվեն, խորհրդի կազմը լուծարվի, նոր խորհուրդ ձևավորվի, որևէ բավարար պատասխան չհնչեց, որևէ իրավական հիմնավորում չտրվեց, թե ինչ հիմքով հոգաբարձուների խորհրդի այս անդամների լիազորությունները պետք է դադարեցվեն, և նոր անդամներ նշանակվեն նախարարության կողմից»,- նշեց Ափոյանը։

Մինչդեռ, ըստ նրա, գիտխորհուրդն ակնկալում էր, որ նախարարը կլսի բուհերի կառավարման խորհուրդների կազմի փոփոխության վերաբերյալ նոր որոշման և «Բարձրագույն կրթության և գիտության մասին» օրենքի շուրջ եղած բոլոր քննադատությունները, գնահատի բացասական ռիսկերը, համադրի կառավարության այժմյան վարքագծի և մինչև այս տված խոստումների միջև սկզբունքային հակասությունները և օրեցօր խորացող ճգնաժամից դուրս գալու օպտիմալ լուծումներ առաջարկի։

ԵՊՀ-ն այս պահին շատ ավելի վատ վիճակում է, քան մինչև հեղափոխությունը. Սերոբ Խաչատրյան

«Առկա հակաօրենսդրական, հակաիրավական, հակասահմանադրական երևույթները պետք է ստիպեին նախարարին, որ կառավարության նախաձեռնած ենթադրյալ հակասահմանադրական որոշումը կյանքի չկոչվի և բուհերը տոտալ վերահսկողության չենթարկվեն, ինչպես տեսանք` նախարարն եկավ, ամբողջությամբ կամայական, կենացների մակարդակով ինչ-որ հայտարարություններ արեց, գնաց»,- հավելեց ԵՊՀ ուսխորհրդի նախագահը։

Նշենք, որ այսօր ԿԳՄՍ նախարար Վահրամ Դումանյանը այցելել էր ԵՊՀ։ Բուհի գիտխորհրդի կազմի հետ հանդիպման ժամանակ Դումանյանը նշել էր, որ իր համար կարևոր է, որ օր առաջ հոգաբարձուների նոր խորհուրդ ձևավորվի և ԵՊՀ ռեկտորի ԺՊ նշանակվի՝ մինչև ՍԴ-ն «Բարձրագույն կրթության և գիտության մասին» օրենքի մասին որոշում կայացնի։

ԵՊՀ–ի հատուկ կարգավիճակը պետական գաղտնի՞ք է. ԿԳՄՍՆ–ն խուսափում է հստակ տեղեկություն տալուց

Հիշեցնենք, որ ապրիլի 23-ին ԵՊՀ ռեկտորի ժամանակավոր պաշտոնակատար Գեղամ Գևորգյանը հրաժարականի դիմում էր գրել։ ԵՊՀ նախկին ռեկտոր Արամ Սիմոնյանը հրաժարական էր տվել 2019-ի մայիսի 23–ին։ Բացի այդ, արդեն որերորդ անգամ է՝ տապալվում են բուհի հոգաբարձուների խորհրդի նիստերի անցկացումը, քանի որ նախ խորհրդի անդամների բացակայության պատճառով քվորում չէր լինում, իսկ հետո անդամներից 15-ը դուրս եկան խորհրդից։

46
թեգերը:
Վահրամ Դումանյան, Դավիթ Ափոյան, Երևանի պետական համալսարան (ԵՊՀ)
Ըստ թեմայի
Երկու տարի է` ԵՊՀ–ն ռեկտոր չունի. Վահրամ Դումանյանը հայտնեց, թե երբ ընտրություն կանցկացնեն
Պարզ ստախոսություն. Էմին–Տերյանը` ԵՊՀ հոգաբարձուների խորհրդի անդամների գործելաոճի մասին
ԵՊՀ ռեկտորի ժամանակավոր պաշտոնակատար Գեղամ Գևորգյանը հրաժարվել է պաշտոնից
Արմեն Պետրոսյան

Ռուսաստանն ակտիվանում է Մերձավոր Արևելքում. ի՞նչ է փոխվել տարածաշրջանում

142
(Թարմացված է 17:00 10.05.2021)
Տարածաշրջանային զարգացումներում ԱՄՆ և Ռուսաստանի դերակատարման շուրջ Sputnik Արմենիայի եթերում զրուցել ենք արաբագետ Արմեն Պետրոսյանի հետ։
Արմեն Պետրոսյան. Ռուսաստանն ակտիվանում է Մերձավոր Արևելքում. ի՞նչ է փոխվել տարածաշրջանում

Մերձավոր Արևելքում անվտանգային նոր սպառնալիք է ձևավորվել, և տարածաշրջանի դերակատարները լավ գիտակցում են դրանից բխող մարտահրավերները։ Sputnik Արմենիայի հետ զրույցում նման կարծիք հայտնեց արաբագետ Արմեն Պետրոսյանը։

«Դրա գագաթնակետը դարձավ 44-օրյա պատերազմի հետևանքով թուրք-ադրբեջանական դաշինքի արձանագրած հաջողությունը և Թուրքիայի նախաձեռնած թյուրքական աշխարհի միավորման գործընթացը»,- ասաց նա։

Նրա խոսքով` այսօր փորձ է արվում տարբեր խողովակներով կարգավորել կամ ստեղծել համագործակցության մեխանիզմներ այն բոլոր դերակատարների միջև, որոնք թյուրքական գործոնի ակտիվացումը դիտարկում են անվտանգային սպառնալիք՝ ուղղված իրենց ազգային շահերին։

Ու քանի որ Վաշինգտոնի ու Թել Ավիվի հարաբերություններն աստիճանաբար «սառում են», ՌԴ-ն փորձում է օգտագործել իրավիճակն ու հաղթաթուղթ ստանալ։

«Ռուսաստանն ավելացնում է իր միջնորդական դերակատարումը իսրայելցիների և պաղեստինցիների միջև, և սա միակ փորձը չէ. մենք տեսնում ենք Ռուսաստանի կողմից ակտիվացում նաև Լիբանանում` արդեն մի քանի տարի շարունակվող ներքաղաքական ճգնաժամի ֆոնին»,- նշեց նա։

Նրա դիտարկմամբ` մի քանի ուղղություններով Ռուսաստանի ակտիվացման պատճառներից մեկն էլ այն է, որ ԱՄՆ-ն այլ ռազմավարություն և քաղաքականություն է որդեգրել տարածաշրջանային խնդիրներում։

Նամակը հաստատեց, որ մենք իրավացի ենք. Թուրքիան F-35-ի շուրջ երկխոսություն կսկսի ԱՄՆ-ի հետ

142
թեգերը:
Թուրքիա, Ռուսաստան, Մերձավոր Արևելք
Ըստ թեմայի
Թուրքիայի ընդդիմությունը քննադատել է Էրդողանին Բայդենի հայտարարության համար
Թուրքիայում 60-ից ավել մարդ է ձերբակալվել մայիսմեկյան ակցիա անելու փորձի համար
Լավրովի կողմից Զանգեզուրի միջանցքին անդրադարձը մեսիջ է Ադրբեջանին և Թուրքիային. Դանիելյան
«Նորք» ԲԿ

243 նոր դեպք, 7 մահ` մեկ օրում. կորոնավիրուսային հիվանդության ընթացքը Հայաստանում

32
(Թարմացված է 10:58 11.05.2021)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները:

ԵՐԵՎԱՆ, 11 մայիսի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 243–ով և դարձել  219596: Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 8620 մարդ (-243), կատարվել է 1019359 թեստավորում (+2678), առողջացել են վարակվածներից 205675-ը (+475): Գրանցվել է մահվան 4256 դեպք (+7)։ Կորոնավիրուսով վարակված, բայց այլ պատճառով մահացածների թիվը ավելացել է 4-ով ու դարձել 1045։

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

Կորոնավիրուսային համավարակի կարանտինի սահմանափակումներից մի քանիսը հանվեցին

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։

32
թեգերը:
Մահ, թեստ, Հայաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
«Արսեն Թորոսյանը ճիշտ էր». ԱԺ պատգամավորները պատվաստվեցին COVID-19-ի դեմ AstraZenaca–ով
Որքան գումար է ծախսել ՀՀ առողջապահության նախարարությունը Covid-19–ի դեմ պայքարի շրջանակում
Հայաստանում արդեն մոտ 11 հազար մարդ է պատվաստվել Covid-19-ի դեմ