Արա Գալոյան

Առաջին անհրաժեշտության ապրանքների նվազումը լրացուցիչ խթան է գնաճի համար. տնտեսագետ

37
Տնտեսագետ, «Պոլիտէկոնոմիա» հետազոտական կենտրոնի տնտեսական մեկնաբան Արա Գալոյանը Sputnik Արմենիայի եթերում անդրադարձել է ՀՀ ԿԲ նախագահ Մարտին Գալստյանի հայտարարությանը, ըստ որի` համաշխարհային շուկայում նորից գնաճ է նկատվում, և Հայաստանն անմասն մնալ չի կարող։ 
Գալոյան. «Պետությունը գնաճը զսպելու համար բավարար քայլեր չի ձեռնարկել, պատշաճ չի օգնել մասնավոր բիզնեսին»

Արա Գալոյանի դիտարկմամբ` միջազգային շուկայում գնաճի մասին ՄԱԿ–ի պարենի միջազգային ծրագրի ղեկավարը հայտարարեց դեռ նախորդ տարվա ապրիլին` կանխագուշակելով նույնիսկ հնարավոր սովի մասին, դրանից հետո նա նույն հայտարարությամբ հանդես եկավ 2020 թվականի օգոստոսին, իսկ երրորդ անգամ բոլորովին վերջերս` այս տարվա հունվարին և նշեց պարենի պաշարների անբավարար լինելու, ինչպես նաև գնաճի տեմպերի մասին։ 

«Այս համատեքստում հետաքրքիր է, թե ինչպես են արձագանքում պետությունները և ինչպես է արձագանքում Հայաստանը։ Վրաստանը, օրինակ, սպասվող գնաճի պարագայում այս տարի 45 տոկոսով ցորեն ավելի է ներկրել, քան անցյալ տարի, այսինքն` քանի դեռ շատ չի թանկացել, անհրաժեշտ է հնարավորինս շատ պաշարներ ներկրել։ Պետությունն ուղղորդում և օգնում է գործարարներին, իսկ Հայաստանում այս տարվա առաջին երկու ամիսների կտրվածքով հակառակ պատկերն է, այսինքն` մեր երկիրը նախորդ տարի ներկրել էր 23723 տոննա, իսկ այս տարի ներկրել է 19907 տոննա»,– նշեց տնտեսագետը։

Գալոյանի գնահատմամբ` եթե պարենը պակաս է ներմուծվում, գնաճն ավելի բուռն է դրսևորվում։ Ըստ նրա` նույն օրինաչափությունը գործում է նաև մի շարք այլ ներկրվող առաջին անհրաժեշտության ապրանքների դեպքում, հետևաբար ապրանքի նվազումը լրացուցիչ խթան է գնաճի համար և ավելի ազդող գործոն է, քան միջազգային շուկայում առկա միտումները։ 

«Պետությունը պետք է կարողանար մասնավորից արագ կողմնորոշվել, օգներ մասնավորին, մինչդեռ պետությունն այդ առումով բավարար քայլեր չի ձեռնարկել և բավարարվում է իրավիճակն արձանագրելով ու հետևելով միջազգային շուկայում առկա զարգացումներին»,– ասաց տնտեսագետը։

Գալոյանի կարծիքով` ոչ ոք չի ասում, որ պետք է դրսից թանկ ներմուծել ու ներսում էժան վաճառել, բայց պետությունն էլ պետք է արագ կողմնորոշվի և գլխի ընկնի, թե ինչ պետք է անի գնաճը զսպելու և քաղաքացիներին պաշտպանելու համար։ Ըստ նրա` իհարկե կան ապրանքներ, որոնց պարագայում միջազգային շուկայի միտումներից խուսանավելն ուղղակի անհնար է, բայց ինչ վերաբերում է տեղական արտադրության ապրանքներին, ապա այստեղ անհրաժեշտ է իրականացնել կազմակերպչական ճիշտ աշխատանք, մինչդեռ գյուղնախարարություն չկա, որպեսզի կատարվեն տարրական հաշվարկներ և ի մի բերվեն ցավոտ խնդիրները։ Տնտեսագետն արձանագրեց, որ չկա տնտեսական քաղաքականություն ո՛չ ներքին արտադրության ընդլայնման, ո՛չ էլ աջակցության առումով։ 

Համաշխարհային շուկայում նորից գնաճ է նկատվում. Հայաստանն անմասն մնալ չի կարող. ԿԲ նախագահ

Հիշեցնենք, որ 2021 թվականին Կենտրոնական բանկը 60% հավանականությամբ ակնկալում է, որ գնաճը չի գերազանցի 5.5%-ը։ Կենտրոնական բանկի նախագահը հավելել է, որ պետք է այնպես անեն, որ զսպելով գնաճը՝ տնտեսական անկում չունենանք։

37
Ըստ թեմայի
Գնաճի ֆոնին աշխատավարձերը նվազում են, տնտեսությունը` աճում. ի՞նչ է կատարվում Հայաստանում
Գնաճը Հայաստանում կվերադառնա կանխատեսված միջակայք. Մարգարյան
Գնաճն է պատճառը. տնտեսագետը բացատրել է, թե ինչի հաշվին են աճել հարկային մուտքերը
Արմեն Բաղդասարյան

Ինչո՞ւ են Հայաստանի սահմանային հարցերը քննարկում ՀԱՊԿ-ը և Ադրբեջանը

128
(Թարմացված է 23:45 17.05.2021)
Քաղաքագետ Արմեն Բսղդասարյանը Sputnik Արմենիայի եթերում անդրադարձել է հայ-ադրբեջանական սահմանային լարվածությանն ու այդ լարվածության թուլացման գործում ՌԴ ներգրավվածությանը։
«Հայաստանի իշխանությունները վախենում են պատերազմի վտանգից». Արմեն Բաղդասարյան

Հայաստանի իշխանություններն այնպիսի իրավիճակում են, որ հայ-ադրբեջանական սահմանային լարվածությունը թուլացնելու գործում որևէ բան չեն կարող անել։ Sputnik Արմենիայի հետ զրույցում նման կարծիք հայտնեց  քաղաքագետ Արմեն Բաղդասարյանը։

«Հայաստանի իշխանությունները վախենում են պատերազմի վտանգից, բացի այդ`իրենք ոչինչ չեն կարող անել, իրենց վիճակն այնպիսին է, որ որևէ քայլ չեն կարող անել»,- ասաց նա։

Նրա խոսքով`այս ամբողջ պատմության մեջ ամենավատն այն է, որ հայ-ադրբեջանական սահմանային հարցերը որոշում են ոչ թե Հայաստանն ու Ադրբեջանը, այլ ՀԱՊԿ-ը և Ադրբեջանը։ Պատճառը Հայաստանում տիրող անիշխանությունն է։

«Այսօր Հայաստանը չունի իշխանություն, դրա համար էլ Ռուսաստանը` ի դեմս Լավրովի, կգա և կառաջարկի իր ծառայությունները, Ադրբեջանը մեծ հաճույքով կգնա Ռուսաստանի հետ կբանակցի։ Խնդիրն այն է, որ մենք էլ պետք է լինենք այդտեղ, և մենք չկանք, իսկ եթե մենք այդտեղ չկանք` բոլոր պայմանավորվածությունները ձեռք են բերվելու ի հաշիվ մեզ»,- նշեց Բաղդասարյանը։

Նշենք, որ Ռուսաստանի արտաքին գործերի նախարար Սերգեյ Լավրովը հայտարարել է, որ Սյունիքի մարզի իրավիճակի վերաբերյալ պայմանավորվածություն է ձեռք բերվել: Նա նշել է, որ Մոսկվան պատրաստ է քարտեզագրական նյութեր տրամադրել և խորհրդատվական ծառայություններ մատուցել սահմանազատման ու սահմանագծման համար։

Հիշեցնենք` մայիսի 12-ի առավոտյան ադրբեջանական զինուժը «սահմանների ճշգրտման» հիմնավորմամբ փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

Ինչ ախորժակ են գրգռում Սև լճի քաղցր ջրերը. լճից բաժին էր պահանջում նաև Հեյդար Ալիևը

Նույն օրը ՀՀ վարչապետի պաշտոնակատար Նիկոլ Փաշինյանն անվտանգության խորհրդի նիստում հայտարարեց, որ սա Ադրբեջանի կողմից դիվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

Մայիսի 14–ին  Փաշինյանը հայտարարեց, որ կեսօրին պաշտոնապես դիմել են ՀԱՊԿ և ռազմական աջակցության հարցով դիմել ՌԴ նախագահ Վլադիմիր Պուտինին։

Մայիսի 13-ից ադրբեջանցիների հետ բանակցությունները են անցկացվում։

128
թեգերը:
Սահման, Ադրբեջան, Հայաստան, Արմեն Բաղդասարյան (քաղաքական մեկնաբան)
Ըստ թեմայի
Այսօր որոշ ադրբեջանցիներ հետ են գնացել. ՀԱՊԿ–ում կքննարկվի Սյունիքում ստեղծված իրավիճակը
ԱԳՆ-ն դեսպաններին ներկայացրել է սահմանային իրավիճակը
Ադրբեջանի պահանջները հիմնավորվածություն չունեն․ Գրիգորյանն ու Զասը մտքեր են փոխանակել
Հակոբ Ավետյան

Կութի ուղղությամբ ադրբեջանցիները ևս 200-300 մետր առաջ են եկել. համայնքապետ

361
(Թարմացված է 21:17 17.05.2021)
Գեղամասար խոշորացված համայնքի ղեկավար Հակոբ Ավետյանի հետ Sputnik Արմենիայի եթերում զրուցել ենք Կութի հատվածում ադրբեջանցիների առաջխաղացման մասին։
Սրա դեմը պետք է առնել. Կութում ադրբեջանցիները ևս 300 մետր առաջ են եկել. Ավետյան

Գեղարքունիքի մարզի Կութ գյուղի ուղղությամբ ադրբեջանական զորամիավորումները ևս 200-300 մետր առաջ են եկել, դիրքավորվում են։ Sputnik Արմենիայի հետ զրույցում տեղեկությունը հայտնեց Գեղամասար խոշորացված համայնքի ղեկավար Հակոբ Ավետյանը։

«Հետ չեն գնում, նույնիսկ ինչ-որ տեղեր էլ իրենց դիրքերն ավելի են հարմարեցնում։ Կութում մի 200-300 մետր էլի առաջացել են։ Եթե այսպես թողնենք, ուրեմն կգան ամեն տեղ էլ կհասնեն, սրա դեմը պետք է առնել»,- ասաց նա։

Նրա խոսքով`իշխանությունն ամեն ինչ պետք է անի խնդրի ռազմական լուծումը բացառելու համար։ Մյուս կողմից` պետք է արձանագրել, որ մինչև այս պահը բանակցությունները որևէ արդյունք չեն տվել։ 

«Մեր կողմից բոլոր զինվորները կանգնած են, բայց ամեն դեպքում պետք է շարունակել բանակցել։ Այսպես լարվածությունը մեծանում է, ինչը կարող է պայթունավտանգ լինել։ Կարծում եմ` կառավարությունը համապատասխան միջոցներ կձեռնարկի, բայց մինչև հիմա ոչ մի շարժ չկա, թե ով ինչքանով է մեղավոր` չեմ կարող ասել»,- նշեց Ավետյանը։

Գեղամասար համայնքի ղեկավարն ասում է` մի քանի օր է, ինչ Կութում գյուղացիներն անասուններին արոտավայրեր չեն տանում, սպասում են՝ տեսնեն՝ ինչ է լինելու։

«Նրանք մտածում են` սա ժամանակավոր բնույթ է կրում, հարցը կլուծվի։ Մի քանի օրը չի խանգարի անասնապահներին, բայց եթե հարցը չլուծվեց, կարող եմ ասել, որ այդ գյուղերում անասնապահությունը վերանալու է, որովհետև բացարձակ արոտավայր չեն ունենալու»,- հավելեց համայնքապետը։

Հայաստանի և Ռուսաստանի ԱԽ քարտուղարները քննարկել են սահմանին ստեղծված իրավիճակը

Հիշեցնենք` մայիսի 12-ի առավոտյան ադրբեջանական զինուժը «սահմանների ճշգրտման» հիմնավորմամբ փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

Նույն օրը ՀՀ վարչապետի պաշտոնակատար Նիկոլ Փաշինյանն անվտանգության խորհրդի նիստում հայտարարեց, որ սա Ադրբեջանի կողմից դիվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

Մայիսի 14–ին  Փաշինյանը հայտարարեց, որ կեսօրին պաշտոնապես դիմել են ՀԱՊԿ և ռազմական աջակցության հարցով դիմել ՌԴ նախագահ Վլադիմիր Պուտինին։

Ֆրանսիայի ԱԳՆ-ն Բաքվին կոչ է արել անհապաղ դուրս բերել իր զորքերը հայկական տարածքից

Մայիսի 13-ից ադրբեջանցիների հետ բանակցությունները են անցկացվում։

361
թեգերը:
ադրբեջանցի, Սյունիք, Կութ
Ըստ թեմայի
Վաղարշակ Հարությունյանը խոսել է Ռուսաստանի ԱԴԾ Սահմանապահ վարչության տնօրենի հետ
Այսօր որոշ ադրբեջանցիներ հետ են գնացել. ՀԱՊԿ–ում կքննարկվի Սյունիքում ստեղծված իրավիճակը
Սերգեյ Շոյգուն Վաղարշակ Հարությունյանի հետ քննարկել է արցախյան խնդիրը
Արայիկ Հարությունյան

ՊԲ-ն կա և մնալու է. Արցախի նախագահը բարձրագույն հրամկազմի հետ խորհրդակցություն է անցկացրել

0
(Թարմացված է 17:53 18.05.2021)
Արայիկ Հարությունյանն ասել է, որ Արցախը հանդես է գալիս արժանապատիվ ու կայուն խաղաղության օրակարգով։

ԵՐԵՎԱՆ, 18 մայիսի – Sputnik. Արցախի Հանրապետության նախագահ Արայիկ Հարությունյանը մայիսի 18-ին այցելել է պաշտպանության նախարարություն, որտեղ պաշտպանության բանակի բարձրագույն հրամկազմի հետ խորհրդակցություն է անցկացրել: Տեղեկությունը հայտնում է Արցախի նախագահի աշխատակազմը:

Քննարկվել են բանակաշինությանը, երկրի պաշտպանունակությանը, ինչպես նաև զինծառայողների սոցիալական պայմանների բարելավմանը վերաբերող հարցեր:

Նախագահը խորին երախտագիտություն է հայտնել ՊԲ բանակի ողջ անձնակազմին իր առաքելությունը անձնվիրաբար իրականացնելու ու ուժերի ներածին չափով թուրք-ադրբեջանական տանդեմի ագրեսիայից հայրենիքը պաշտպանելու համար:

«Մենք հանդես ենք գալիս արժանապատիվ ու կայուն խաղաղության օրակարգով, սակայն դրա համար անհրաժեշտ են նաև անվտանգային երաշխիքներ: Ուստի ՊԲ-ն կա, մնալու է և կդառնա ավելի մարտունակ: Նախատեսված բարեփոխումների արդյունքում ձևավորվելու է պրոֆեսիոնալ բանակ, որտեղ կարևոր դերակատարություն են ունենալու պայմանագրային զինծառայողները»,- ասել է երկրի ղեկավարը՝ հավելելով, որ առավելագույն ջանք է ներդրվելու Արցախի անվտանգային համակարգի հետևողական ու արագ բարելավման համար:

Խոսելով զինծառայողների սոցիալ-կենցաղային պայմանների բարելավման մասին՝ Հարությունյանն ընդգծել է, որ ՀՀ կառավարության գործուն աջակցությամբ մինչև 2023 թվականը ամբողջությամբ լուծվելու է գործող և թոշակառու սպաների բնակարանային ապահովման խնդիրը, ինչպես նաև լրացուցիչ աշխատանքներ են տարվելու զինծառայողներին սոցիալական երաշխիքների տրամադրման, զոհված, մահացած, հաշմանդամ դարձած զինծառայողների և նրանց ընտանիքների անդամների սոցիալական վիճակի բարելավման ուղղությամբ:

Արցախի ՄԻՊ-ը դիմել է ԵԽ մարդու իրավունքների հանձնակատարին

0
թեգերը:
Արցախի նախագահ Արայիկ Հարությունյան, Արցախ
Ըստ թեմայի
Ո՞րն է Արցախյան պատերազմում կրած պարտության իրական պատճառը. Լևոն Տեր–Պետրոսյանի վարկածը
Միրզոյանն ու Վոլոդինը Մոսկվայում քննարկել են Արցախի թեման ու երկկողմ հարաբերությունները
Սերգեյ Շոյգուն Վաղարշակ Հարությունյանի հետ քննարկել է արցախյան խնդիրը