Վիգեն Հակոբյան

Դա քաղաքական բլեֆ է. քաղտեխնոլոգը խոսել է Փաշինյանի ելույթի և ընտրությունների մասին

145
(Թարմացված է 22:11 03.05.2021)
Քաղտեխնոլոգ Վիգեն Հակոբյանի հետ Sputnik Արմենիայի եթերում անդրադարձել է վարչապետի պաշտոնակատարի` Հայաստանում իշխանությունը չի կարող փոխվել հայտարարությանը։
Ընդդիմադիր ուժերն ավելի մեծ շանս ունեն իշխանություն ձևավորելու, քան Փաշինյանի թիմը. Հակոբյան

ՀՀ վարչապետի պաշտոնակատար Նիկոլ Փաշինյանի` Հայաստանում իշխանության փոփոխության մասին հայտարարությունը մարտակոչ էր, որով նա փորձում է ոգևորել իր թիմին և իր ընտրազանգվածին` ցույց տալով, որ ինքը մինչև վերջ պայքարելու է և բոլոր ռեսուրսները օգտագործելու է,  որ իր քաղաքական թիմը ընտրություններում հաղթի։ Sputnik Արմենիայի հետ զրույցում նման կարծիք հայտնեց քաղտեխնոլոգ Վիգեն Հակոբյանը։

Նշենք, որ ՀՀ վարչապետի պաշտոնակատար Նիկոլ Փաշինյանն այսօր ԱԺ-ում հայտարարեց, որ Հայաստանում իշխանությունը չի կարող փոխվել, «հանկարծ մտքներովդ չանցնի»։

«Կարծում եմ` դա քաղաքական բլեֆ է, որովհետև դեռևս չի երևում որևէ քաղաքական ուժ, որը կկարողանա խորհրդարանի մեծամասնությունը վերցնել»,- ասաց նա։

Քաղտեխնոլոգի խոսքով` դժվար է ասել, թե առաջիկա ընտրություններում որքան քվե կստանա Փաշինյանի թիմը, բայց մի բան ակնհայտ է` քվեների քանակը շատ հեռու է լինելու 50 տոկոսից, իսկ հաջորդ իշխանությունը, ամենայն հավանականությամբ, կոալիցիոն կլինի։

«Նիկոլ Փաշինյանին ամեն դեպքում, ինչպես և խորհրդարան անցած մնացած ընդդիմադիր խմբակցություններին և ԲՀԿ-ին, որը միայնակ է գնում, պետք են լինելու կոալիցիոն գործընկերներ, այսինքն` բանակցություններ պետք է լինեն»,- նշեց Հակոբյանը։

Այս դեպքում մի քանի շարասյունով գնացող ընդդիմադիր ուժերը, ըստ քաղտեխնոլոգի, ավելի մեծ շանսեր ունեն կոալիցիա, իսկ հետագայում նաև իշխանություն ձևավորելու։

Հիշեցնենք, որ ՀՀ Ազգային ժողովն այսօր արտահերթ նիստում չընտրեց ՀՀ վարչապետի պաշտոնում առաջադրված միակ թեկնածու, ՀՀ վարչապետի պաշտոնակատար Նիկոլ Փաշինյանին։

Ընտրողները 2 հոգու են տեսնում վարչապետի պաշտոնում. քաղտեխնոլոգը` ընտրությունների մասին

Մարտի 18-ին վարչապետ Նիկոլ Փաշինյանը հայտարարել էր, որ հունիսի 20-ին Հայաստանում ԱԺ արտահերթ ընտրություններ կկայանան: Ավելի ուշ Ազգային ժողովը հաստատել էր Ընտրական օրենսգրքի փոփոխությունների նախագիծը, ըստ որի՝ խորհրդարանական ընտրությունները տեղի կունենան միայն համամասնական ընտրակարգով։

Ապրիլի 25-ին Նիկոլ Փաշինյանը հայտարարեց հրաժարական տալու մասին։ ՀՀ նախագահը ընդունեց վարչապետի և կառավարության հրաժարականը։

145
թեգերը:
Վարչապետ, ընդդիմություն, Նիկոլ Փաշինյան, Ընտրություններ, Հայաստան
թեմա:
ԱԺ արտահերթ ընտրություններ 2021 (44)
Ըստ թեմայի
Կարևոր է, որ Հայաստանում ընտրությունները լինեն ազատ և օրինական. Փաշինյան
Առաջիկա ընտրությունները հեշտ չեն լինելու. Ռոբերտ Քոչարյանը` փողոցային պայքարի մասին
Այսօրվա ընտրությունն օրենքից բխող ձևական գործընթաց է. Մարուքյան
Արմեն Բադալյան

«Պատիվ ունեմ» դաշինքի անունը պատահական չէ. քաղտեխնոլոգը` ՀՀԿ–ի և Վանեցյանի միության մասին

35
(Թարմացված է 13:48 16.05.2021)
Քաղտեխնոլոգ Արմեն Բադալյանը Sputnik Արմենիայի եթերում անդրադարձել է Հայաստանի Հանրապետական և «Հայրենիք» կուսակցությունների միջև ընտրական դաշինք ձևավորելուն և այդ համատեքստում սպասվելիք գործընթացներին։
Բադալյան. «ՀՀԿ–ի միացումը «Հայրենիքին» անշուշտ կազդի ընտրությունների կոնֆիգուրացիայի վրա»

Արմեն Բադալյանի դիտարկմամբ` նշված դաշինքի ձևավորման մասին խոսակցությունները մեկնարկել էին վաղուց և դե յուրե տեղի ունեցավ այն, ինչի մասին ասվում էր տևական ժամանակ։ Ըստ նրա` այդ դաշինքի ձևավորմամբ առաջիկա ընտրություններին մասնակցող հիմնական ուժերի ցանկն ավարտվեց և այս պահի դրությամբ ԱԺ անցնելու իրական հնարավորություն ունեն Քոչարյանի, Փաշինյանի, Վանեցյանի ու Ծառուկյանի գլխավորած քաղաքական ուժերը։ 

«ՀՀԿ–ն ունի բավարար չափով ֆինանսական, մարդկային և կազմակերպչական ռեսուրսներ, ուստի նրա միացումը ցանկացած ուժի կարող է ազդել ԱԺ ապագա ընտրությունների կոնֆիգուրացիայի վրա։ Նորաստեղծ դաշինքը կունենա այնքան ձայն, որքան կստանա գրագետ քարոզարշավ իրականացնելու արդյունքում և կդառնա ավելի ազդեցիկ ուժ»,– նշեց քաղտեխնոլոգը։

Բադալյանի կարծիքով` դաշինքի անվանումը պատահական չի ընտրված և կապված է այն արտահայտության հետ, որն արեց ԱԱԾ նախկին տնօրեն Վանեցյանը, երբ 2019 թվականին ներկայացրեց հրաժարականի դիմում ու հեռացավ իշխող քաղաքական թիմից։ Նա վերջում գրել էր. «Պատիվ ունեմ», ինչը սպայի ազնվությանը հատուկ արտահայտություն է և ցույց է տալիս, որ դաշինքի մեջ մտած ուժերը նպատակ ունեն լինել ազնիվ, կարգախոսին հարիր։

Անդրադառնալով այն հարցին, որ Սերժ Սարգսյանի անունը թեև չկա դաշինքի ցուցակում, այդուհանդերձ այն չի՞ ասոցացվում հենց երրորդ նախագահի հետ և այդ հանգամանքն արդյո՞ք բացասաբար չի ազդի դաշինքի հեղինակության վրա` Բադալյանն ընդգծեց, որ այդ հանգամանքը կունենա շատ քիչ ազդեցություն, տոկոսային առումով ոչ էական նշանակություն, որովհետև նախկինների թեման աշխատում էր 2018-19 թվականներին, սակայն կորոնավիրուսի դեմ ձախողված պայքարը, սոցիալ–տնտեսական ճգնաժամն ու Արցախյան պատերազմում կրած ծանր պարտությունն ուղղակի զրոյացրին նախկինների թեման։     

Սերժ Սարգսյանի և Քոչարյանի շահերից է բխում, որ ՀԱԿ-ը մասնակցի ընտրություններին․ «Հրապարակ»

Նշենք, որ մայիսի 15-ին Հայաստանի Հանրապետական և «Հայրենիք» կուսակցությունների միջև ընտրական դաշինք ստեղծելու հուշագիր ստորագրվեց, որն ունի «Պատիվ ունեմ» անվանումը։ Դաշինքի առաջին համարն առաջիկա ընտրություններում կլինի «Հայրենիք» կուսակցության ղեկավար Արթուր Վանեցյանը։ ՀՀ երրորդ նախագահ Սերժ Սարգսյանը ցուցակում չկա։

Հիշեցնենք, որ հունիսի 20-ին Հայաստանում նախատեսված են արտահերթ խորհրդարանական ընտրություններ։

 

35
թեգերը:
«Պատիվ ունեմ» դաշինք, Արթուր Վանեցյան, Սերժ Սարգսյան, Հայաստանի Հանրապետական կուսակցություն (ՀՀԿ), Ազգային ժողովի ընտրություններ, Հայաստան
Ըստ թեմայի
Ընտրությունների հետ կապված դատախազությունում ձևավորվել է աշխատանքային խումբ
Չեմ բացառում, որ ռազմական դրություն հայտարարվի, ընտրությունը չեղարկվի. Նաիրա Զոհրաբյան
Պետք է պարզել` ռազմական դրությամբ ընտրությունների չեղարկումն արդյո՞ք բեմականացում չէ
Գրիգորի Բալասանյան

Կճանաչի՞ Իսրայելը Հայոց ցեղասպանությունը. փորձագետը վերլուծում է թուրք–իսրայելական լարումը

63
(Թարմացված է 12:03 16.05.2021)
Փորձագետ, ԵՊՀ միջազգային հարաբերությունների և դիվանագիտության ամբիոնի դոցենտ Գրիգոր Բալասանյանը Sputnik Արմենիայի եթերում անդրադարձել է Իսրայելի` Հայոց ցեղասպանության թեման Թուրքիայի կառավարության վրա որպես ճնշման գործիք կրկին օգտագործելու փորձերին։
Բալասանյան. «Իսրայելը չի ճանաչի Հայոց ցեղասպանությունը, դա շանտաժ է, ուղղված Թուրքիային»

Գրիգոր Բալասանյանի դիտարկմամբ` թեև իրադրությունը Մերձավոր Արևելքում շարունակում է մնալ լարված և պաղեստինաիսրայելական հակամարտությունն ունի վաղեմի պատմություն, այդուհանդերձ Թուրքիայի ու Իսրայելի միջև վերջին առճակատման ֆոնին դժվար է հավատալ, թե Իսրայելը կճանաչի Հայոց ցեղասպանությունը։ 

«Այստեղ, ցավոք սրտի, հերթական անգամ գործ ունենք Հայոց ցեղասպանությունը մանիպուլացնելու և սեփական շահերին ծառայեցնելու մեծ պետությունների քաղաքականության հետ։ Սա հերթական օրինակն է, ինչն ուղղակի շանտաժ է Իսրայելի կողմից ուղղված Թուրքիային, որովհետև Թուրքիան, ի դեմս Էրդողանի, ըստ էության փորձում է հանդես գալ որպես համայն մահմեդականների պաշտպան։ Թուրքիայի նախագահը ձգտում է Մերձավոր Արևելքում նոր սուլթանի կարգավիճակի»,– նշեց փորձագետը։

Անդրադառնալով Թել Ավիվից հնչող հայտարարություններին` Բալասանյանն ընդգծեց, որ նախ Իսրայելը պետք է անշահախնդրորեն ճանաչի Հայոց ցեղասպանությունը, նոր հետո Թուրքիային մեղադրի ցեղասպանությունն ուրանալու կամ ժխտելու համար։ Ըստ նրա` իսրայելական փորձագիտական շրջանակներում պտտվում է մի միտք, որի համաձայն` ճանաչելով Հայոց ցեղասպանությունը` հրեա ժողովուրդը կդադարի լինել պաշտոնապես ճանաչված միակ ցեղասպանված ազգը, ուստի հարցը, փորձագետի կարծիքով, հասցնում են բրենդի մակարդակի։

Բալասանյանի գնահատմամբ` եթե թուրք–իսրայելական առճակատումը վերածվի զինված բախման, Թուրքիան դրանով լրջորեն կհակադրվի ամերիկաբրիտանական շահերին։ Փորձագետի պնդմամբ` պաշտոնական Երևանն իր հերթին պետք է ցանկացած երկրի կողմից Հայոց ցեղասպանության որևէ մանիպուլացում դիտարկի որպես անհանդուրժելի վարքագիծ և այդ կապակցությամբ հանդես գա կոշտ քննադատական հայտարարությամբ։         

Ինչո՞վ են տարբեր հայերն ու հրեաները. ՀՀ–ի անհաջողության և Իսրայելի հաջողության գրավականը

Հիշեցնենք, որ Իսրայելի և Թուրքիայի միջև հերթական սրված առճակատման պատճառը Երուսաղեմում տեղի ունեցած բախումներն են և դրանց հաջորդած հրթիռակոծությունները։ Անկարան, ինչպես միշտ, սատարում է պաղեստինցիներին։

Նշենք, որ Իսրայելի վարչապետի ավագ որդին` 30-ամյա Յաիր Նեթանյահուն, բանավեճի մեջ մտնելով Twitter–ի թուրք օգտատերերի հետ, հասկացրել է, որ Անկարայի դեմ պայքարի մեթոդների զինանոցում կա նաև Հայոց ցեղասպանության ճանաչումը։

63
թեգերը:
Ռեջեփ Թայիփ Էրդողան, Թուրքիա, Պաղեստին, Իսրայել, Հայոց ցեղասպանություն
Ըստ թեմայի
Թուրքիան Հարավային Կովկաս է եկել, բայց մեկ է` խաղի կանոնները Ռուսաստանն է թելադրում
Թուրքիան կաջակցի պաղեստինցիներին այնպես, ինչպես Ղարաբաղում սատարեց Բաքվին. Էրդողան
Ավստրիայի կանցլերին Թուրքիայում անվանել են իսլամի և Էրդողանի դեմ թշնամության խորհրդանիշ
Լևոն Տեր–Պետրոսյան. արխիվային լուսանկար

Ո՞րն է Արցախյան պատերազմում կրած պարտության իրական պատճառը. Լևոն Տեր–Պետրոսյանի վարկածը

0
(Թարմացված է 15:33 16.05.2021)
ՀԱԿ համագումարի ժամանակ ՀՀ առաջին նախագահ Լևոն Տեր-Պետրոսյանը ինքն իրեն հարցն ուղղեց, թե որն է Արցախյան պատերազմում կրած պարտության իրական պատճառը և այդ հարցին պատասխանեց։

ԵՐԵՎԱՆ, 16 մայիսի -Sputnik. ՀՀ առաջին նախագահ Լևոն Տեր-Պետրոսյանի համոզմամբ` 23 տարի շարունակ Հայաստանի իշխանությունները դրսևորել են խաղամոլի վարքագիծ՝ ավելին շահելու ձգտումով նոր խաղադրույքներ են կատարել`այդ պատճառով կորցնելով արդեն իսկ շահածը։

Նրա խոսքով` Հայաստանը  չի պարտվել Ադրբեջանին, այլ ինքն իրեն է պարտվել` վերջին 23 տարիների ընթացքում երկրի իշխանությունների վարած արկածախնդրական ու անպատասխանատու քաղաքականության հետևանքով։

«Պարտության հիմքը դրվել է 1998 թվականին՝ այդ իշխանությունների կողմից դրված ստատուս-քվոյի պահպանման և ոչ մի թիզ հող չզիջելու սին հավատամքի վրա։ Իսկ պարտության ավարտն ազդարարել է Փաշինյանի` Արցախը Հայաստան է և վերջ սադրիչ հայտարարությամբ, և ինչը եղավ Հայաստանի վերջը՝ Ղարաբաղի վերջը։ 23 տարի շարունակ մեր իշխանությունների կողմից հաշվի չեն առնվել իրատեսական քաղաքականության երեք կարևորագույն գործոնները՝ ուժերի հարաբերակցությունը, դաշնակիցների առկայության կամ բացակայության հանգամանքը և ամենագլխավորը՝ ժամանակի անշրջելիությունը։ Այսինքն` այն պարզ ճշմարտությունը, որ եթե մի բան հնարավոր է այսօր, պարտադիր չէ, որ հնարավոր լինի վաղը։ Շատ պարզ բան է, որը մեր իշխանությունները չեն հասկացել, սա պարզագույն քաղաքականության այբուբենն է»,–ասաց նա։

Տեր-Պետրոսյանն անդրադարձավ իր առաջարկին` երեք նախկին նախագահներով մեկ դաշինքով ընտրություններին մասնակցելուն: «Ես իմ առաջարկի հրապարակված տեքստերում տվել եմ անգամ այդ հանրույթի բանալին. այն է` մի կողմից խափանել Նիկոլ Փաշինյանի վերարտադրությունը, մյուս կողմից` բացառել Ռոբերտ Քոչարյանի վերահաստատումը պետության ղեկին, ինչը երաշխավորվում էր երեք նախագահների կողմից պետական որևէ պաշտոն չզբաղեցնելու իմ առաջարկած պայմանով: Լուծում էի երկու հարցն էլ», – ասաց առաջին նախագահը:

Հրանտ Բագրատյանը, Զարուհի Փոստանջյանը և Գառնիկ Իսագուլյանը առաջարկով են հանդես եկել

Հիշեցնենք, որ մայիսի 5–ին հայտնի դարձավ, որ Հայաստանի Հանրապետության առաջին նախագահ Լևոն Տեր-Պետրոսյանը մարտի 25–ի հանդիպման ժամանակ առաջարկել է ՀՀ 2–րդ նախագահ Ռոբերտ Քոչարյանին և ՀՀ 3–րդ նախագահ Սերժ Սարգսյանին արտահերթ խորհրդարանական ընտրություններին հանդես գալ միասնական դաշինքով։ Ռոբերտ Քոչարյանը տեղում մերժել է առաջարկը։

ՀՀ վարչապետի պաշտոնակատար Նիկոլ Փաշինյանն էլ Լևոն Տեր-Պետրոսյանի առաջարկը բնութագրել էր «ավազակապետական հեղափոխության փորձ»։

Հետո Լևոն Տեր–Պետրոսյանը հրապարակել էր, որ մայիսի 1–ին հանդիպել է Սերժ Սարգսյանի հետ և առաջարկել է նրան ընտրություններին մասնակցել ՀԱԿ-ՀՀԿ դաշինքով և հանդես գալ իր կողմից շարադրված հայտարարությամբ: Սակայն Սարգսյանը մերժել է Տեր–Պետրոսյանին։

0
թեգերը:
Նիկոլ Փաշինյան, Սերժ Սարգսյան, Ռոբերտ Քոչարյան, Արցախյան պատերազմ, Հայաստան, Լևոն Տեր–Պետրոսյան