Председатель Конфедерации Профсоюзов Армении Эдуард Тумасян

Համավարակն ու արցախյան պատերազմը մեր աշխատաշուկային հասցրին աներևակայելի վնասներ

47
(Թարմացված է 16:39 01.05.2021)
Հայաստանի արհմիությունների կոնֆեդերացիայի նախագահ Էդուարդ Թումասյանը Sputnik Արմենիայի եթերում Աշխատողների համերաշխության միջազգային օրվա առթիվ անդրադարձել է ՀՀ–ում աշխատավորների խնդիրներին և աշխատաշուկայում առկա իրավիճակին։
Թումասյան. «Համավարակն ու արցախյան պատերազմը մեր աշխատաշուկային հասցրին աներևակայելի վնասներ»

Էդուարդ Թումասյանի դիտարկմամբ` կորոնավիրուսային համավարակն ու արցախյան 44-օրյա պատերազմը աներևակայելի վնասներ են հասցրել աշխատաշուկային, քանի որ շատերը կորցրին աշխատանքը, նվազեցին եկամուտները, հատկապես տուժեցին միջին խավը, ցածր օրավարձով վարձատրվող աշխատողները։ 

«Մյուս կողմից` պետք է նշել նաև, որ որոշ աշխատատեղեր պահպանվեցին շնորհիվ այն գործատուների, որ պանդեմիայի ընթացքում գերադասեցին չզրկվել աշխատուժից ու պահպանեցին մարդկանց աշխատավարձերը։ Մեր հիմնական գործունեությունը ծավալվեց համավարակի դեմ պայքարի միջոցառումները կազմակերպելու ուղղությամբ։ Պատրաստեցինք մեծածավալ մեթոդական նյութեր` աշխատատեղերում աշխատողների անվտանգությունն ապահովելու նկատառությամբ»,– նշեց Հայաստանի արհմիությունների կոնֆեդերացիայի նախագահը։

Թումասյանի տեղեկացմամբ` ամբողջ աշխարհում մոտ 40 միլիոն աշխատատեղ է կրճատվել համավարակի պատճառով ու թեև մեզ մոտ թվերն ավելի փոքր են, բայցևայնպես, աշխատաշուկայում հետևանքներն անխուսափելիորեն զգացվում են, մինչդեռ, ըստ Թումասյանի, առանց պատշաճ աշխատանքի չի կարող լինել արժանապատիվ կյանք, իսկ երկրի համար` կայուն տնտեսական աճ։

Ըստ նրա` սոցիալական գործընկերության շրջանակներում Գործատուների հանարապետական միության և կառավարության միջև ստարագրվել է համաձայնագիր` աշխատավորների իրավական, սոցիալական կարգավիճակն ավելի լավացնելու և այդ ուղղությամբ համատեղ գործունեությունն ակտիվացնելու նկատառությամբ։   

«Բոլորիս մոտ առաջացել է դեպրեսիվ իրավիճակ, որ պանդեմիայի պատճառով նույնիսկ չենք կարողանում տոնական տրամադրություն ստեղծել աշխատավորների համար։ Չնայած դժվարություններին` մենք շարունակում ենք ակտիվ գործել աշխատավորների իրավունքների պաշտպանության, սոցիալ–տնտեսական խնդիրների լուծման ուղղությամբ` տալով նաև անվճար խորհրդատվություն, իրավաբանական աջակցություն»,– ասաց Հայաստանի արհմիությունների կոնֆեդերացիայի նախագահը։

Թումասյանի խոսքով` տեղերում կան ուժեղ գործող արհմիություններ, որոնք կատարում են մեծածավալ աշխատանք և անհրաժեշտ օգնություն են ցուցաբերում իրենց անդամներին։ Այդպիսիք են, օրինակ, լեռնամետալուրգիական արդյունաբերության ոլորտում գործող արհմիությունները։ Այդուհանդերձ, շուկայական հարաբերություններն, ըստ Թումասյանի, բերեցին որոշ արհմիությունների անդամների թվաքանակի կրճատման և հիմա չկա այն բանակը, որը կար խորհրդային ժամանակաշրջանում։ 

Աշխատելն անհրաժեշտություն է հատկապես ամենաբարդ իրավիճակներում. Արմեն Սարգսյան

Անդրադառնալով կառավարության սոցիալական աջակցության ծրագրերին` Թումասյանն ընդգծեց, որ գնաճի ու սոցիալ–տնտեսական ճգնաժամի պայմաններում դրանք ցանկալի ազդեցություն չունեցան և այնպիսի տպավորություն է, որ այդ սուղ գումարներն ուղղակի փոշիացան, մինչդեռ կառավարությունը, նրա համոզմամբ, պետք է ձեռնարկեր ավելի լուրջ բան, քանզի հատկացված գումարների չափն ուղղակի ծիծաղելի է մեր նման երկրների համեմատության համատեքստում։   

Հայաստանի արհմիությունների կոնֆեդերացիայի նախագահը մասնագիտական օրվա առթիվ ցանկություն հայտնեց, որ աշխատավորներն ունենան արժանապատիվ աշխատանք, արդար աշխատավարձ և կայուն զարգացում։ 

Նշենք, որ աշխատավորների համերաշխության միջազգային օրը աշխարհի բազմաթիվ երկրներում և տարածքներում նշվում է մայիսի 1-ին։

Աշխատանքին և աշխատավորներին նվիրված օրեր կան աշխարհի 142 երկրներում։ 

Մայիսի 1-ն իր ժամանակակից ձևով առաջացել է 19-րդ դարի կեսերին ի հայտ եկած աշխատանքային շարժման մեջ, որի առաջ քաշած հիմնական պահանջներից մեկը 8-ժամյա աշխատանքային օրվան անցնելն էր։ 

«Եկամտահարկի վերադարձի չեղարկումը շուկայի վրա կունենա շոկային ազդեցություն». Ապրիյան

47
թեգերը:
Հայաստան, Շուկա, Արցախյան պատերազմ, համավարակ
Ըստ թեմայի
Որքա՞ն է գնահատվում մեկ ժամվա աշխատանքը ԵՄ երկրներում
Նիկոլ Փաշինյանը որոշել է ավելացնել ՀՀ աշխատանքի և սոցիալական հարցերի փոխնախարարների թիվը
Թումասյան. «Անհրաժեշտ է, որ գործատուները ցուցաբերեն սոցիալական պատասխանատվություն»
Վիգեն Հակոբյան

Այս պահին չկա ուժ, որը կհավաքի այնքան ձայն, որ միանձնյա ձևավորի կառավարություն. Հակոբյան

93
(Թարմացված է 08:08 06.05.2021)
Քաղտեխնոլոգ Վիգեն Հակոբյանը Sputnik Արմենիայի եթերում անդրադարձել է հունիսի 20-ին նախանշված ընտրություններից առաջ քաղաքական ուժերի հնարավորություններին։ 
Հակոբյան. «Ընդդիմության առումով դեռ կա ամբողջովին չբացահայտված կամ չօգտագործված ներուժ»

Վիգեն Հակոբյանի դիտարկմամբ` նախընտրական քարոզարշավը դեռ չի սկսվել, որը բավականին լուրջ կարգավորումներ է մտցնում գործընթացի մեջ` նախևառաջ փոխելով մթնոլորտը երկրում, առավել ևս այնպիսի երկրում, ինչպիսին Հայաստանն է, որտեղ ընտրազանգվածի 40 տոկոսը կողմնորոշված չէ։ Ըստ նրա` ընդդիմությունը շատ ավելի լուրջ հենարան ունի հասարակության մեջ, որին վերջին վեց ամիսների ընթացքում լիովին չէր կարողանում արթնացնել, հետևաբար այդ առումով դեռ կա ամբողջովին չբացահայտված կամ չօգտագործված ներուժ։

«Այս պահի դրությամբ խորհրդարան անցնելու հնարավորություն ունեն Քոչարյանի գլխավորած դաշինքը, Փաշինյանի քաղաքական ուժը, «Հայրենիք»–ՀՀԿ դաշինքը, ԲՀԿ–ն։ Հետաքրքիր հնարավորություններ կունենա նաև ՀԱԿ–ը, եթե մասնակցի ընտրություններին»,– նշեց քաղտեխնոլոգը։ 

Հակոբյանի համոզմամբ` այդուհանդերձ այսօր դեռ չի ուրվագծվել որևէ քաղաքական ուժ, որն ի զորու է հավաքել այնքան ձայն, որպեսզի կարողանա միանձնյա կառավարություն ձևավորել։ Ըստ նրա` չի կարելի բացառել նաև այնպիսի հեռանկարը, երբ նախընտրական քարոզարշավի ժամանակ մթնոլորտը երկրում փոխվի, և ամեն ինչ լինի շատ ավելի արմատական, և ձայները դառնան ավելի բևեռացված։ 

Քաղտեխնոլոգի կարծիքով` եթե իշխանության պարագայում հասկանալի է, թե ով է ընտրություններին մասնակցելու որպես լիդեր, ապա ընդդիմադիր դաշտում ձայները կարող են կոնսոլիդացվել այն անձի շուրջ, որն այդ պահին ընդհանուր ընդդիմադիր էլեկտորատի պատկերացմամբ կլինի առաջնորդ։ 

Դա քաղաքական բլեֆ է. քաղտեխնոլոգը խոսել է Փաշինյանի ելույթի և ընտրությունների մասին

Հիշեցնենք՝ ապրիլի 25-ին Նիկոլ Փաշինյանը հայտարարեց իր հրաժարականի մասին։ Ըստ Սահմանադրության՝ ԱԺ-ն երկու անգամ պետք է վարչապետ չընտրի, ինչից հետո խորհրդարանը կլուծարվի։ Առաջին փորձն արդեն կայացել է մայիսի 3-ին։

Վարչապետի ընտրության հարցը երկրորդ անգամ ԱԺ-ում կքննարկվի մայիսի 10-ին։

93
թեգերը:
Հայաստան, Ընտրություններ, Վիգեն Հակոբյան
Ըստ թեմայի
Առաջիկա ընտրությունները հեշտ չեն լինելու. Ռոբերտ Քոչարյանը` փողոցային պայքարի մասին
Ընտրողները 2 հոգու են տեսնում վարչապետի պաշտոնում. քաղտեխնոլոգը` ընտրությունների մասին
Այսօրվա ընտրությունն օրենքից բխող ձևական գործընթաց է. Մարուքյան
Վլադիմիր Պուտինն ու Ջո Բայդենը

«Պատվաստանյութերի պատերազմն» ու Մոսկվայի դիմադրությունը. ինչ է կատարվում իրականում

59
(Թարմացված է 21:02 05.05.2021)
«Իրականում» հաղորդման հեղինակ Արման Վանեսքեհյանն անդրադարձել է  ՌԴ-ԱՄՆ, ՌԴ-ԵՄ առճակատմանը` օրինակ բերելով թե՛ պատժամիջոցներին համարժեք պատասխան տալու Մոսկվայի տրամադրվածությունը, թե՛ Եվրոպայի կողմից հրահրած «պատվաստանյութերի պատերազմը»։
«Իրականում». «Պատվաստանյութերի պատերազմն» ու Մոսկվայի դիմադրությունը. ինչ է կատարվում իրականում

Իրականում ստիպված ենք արձանագրել ու համաձայնվել այն հանգամանքի հետ, որ Ռուսաստանի Դաշնություն-ԱՄՆ և Ռուսաստանի Դաշնություն- Եվրամիություն հարաբերությունները լավագույն ժամանակները չեն ապրում: Դրա մասին նույնիսկ խոսելն է ավելորդ, քանի որ Միացյալ նահանգների նախագահն իսկզբանե հայտարարել է, որ իր երկրի թիվ մեկ թշնամին Ռուսաստանն է:

Չինական հրթիռը շարքից դուրս է եկել և առաջիկա օրերին կարող է ընկնել Երկրի վրա

Նա հիշատակել է նաև Չինաստանի մասին, սակայն այստեղ երևի թե անհրաժեշտ է  մեկ փաստարկ հիշատակել. եթե Վաշինգտոնում Պեկինին որպես տնտեսական հակառակորդ են ընկալում, ապա Մոսկվան նրանց համար գաղափարական թշնամի է…

Ինչո՞ւ Ջո Բայդենը որոշեց Ադրբեջանին ռազմական օգնություն ցուցաբերել

Ինչ վերաբերում է Եվրամիությանը, ապա այստեղ միայն մեկ բան կասեմ` եվրոպական երկրներն իրենց` ԱՄՆ արբանյակ լինելու կարգավիճակից չեն հրաժարվում: Իսկ դա նշանակում է, որ եվրոպական մայրաքաղաքները Մոսկվայի հետ իրենց հարաբերությունները կառուցելու են`  ելնելով օվկիանոսի հակառակ կողմից եկած հրահանգներից:

59
թեգերը:
պատժամիջոցներ, պատվաստանյութ, Մոսկվա, ԱՄՆ, Ռուսաստան
թեմա:
Իրականում / Օրացույց
Ըստ թեմայի
ԱՄՆ նախագահը թույլատրել է Ադրբեջանին ռազմական օգնություն ցուցաբերել
ԱՄՆ-ի «կտրող-ծակող» փաստարկները, կամ ինչ է թաքնված Հայոց ցեղասպանության ճանաչման հետևում
ԱՄՆ դատարանները կարող են վերսկսել Ցեղասպանության մասով Թուրքիայի դեմ հայցերի քննարկումը
ԱՄՆ–ի կողմնակիցները սկսել են խոսել ռուսական «Սպուտնիկ V» գնելու մասին
Լաբորատորիա

Ի՞նչ է նախատեսում կենսաբանական անվտանգության մասին հայ-ռուսական հուշագիրը. մանրամասներ

0
(Թարմացված է 14:42 06.05.2021)
Հուշագրով չի նախատեսվում որևէ կողմի համար միակողմ վերահսկողություն իրականացնելու իրավունքի երաշխավորումը:

ԵՐԵՎԱՆ, 6 մայիսի - Sputnik. ՀՀ և ՌԴ միջև «Կենսաբանական անվտանգության ապահովման հարցերով» փոխըմբռնման հուշագիրը անդրադառնում է կողմերի կենսաբանական անվտանգության ապահովման հետ կապված խնդիրների լայն շրջանակի: Հուշագրի մասին մանրամասներ են հայտնի դարձել Sputnik Արմենիային։

Այսօր ստորագրված հուշագրով նախատեսվում են գործակցության մեխանիզմներ, տեղեկատվության փոխանակում, մասնագետների վերապատրաստման դասընթացների կազմակերպում:

Հուշագիրը կարգավորում է կենսաբանական անվտանգության ապահովման ասպարեզում Հայաստանի և Ռուսաստանի՝ երկու ինքնիշխան պետության համագործակցությունը: Հուշագրով չի նախատեսվում որևէ կողմի համար լաբորատորիաների աշխատանքային տարածքներ մուտքի կամ որևէ այլ միակողմ վերահսկողություն իրականացնելու իրավունքի երաշխավորումը:

Ինչպես արդեն հայտնել ենք, Հայաստանում աշխատանքային այցով գտնվող ՌԴ արտգործնախարար Սերգեյ Լավրովը հայտարարել է, որ այսօր միջկառավարական հուշագիր են ստորագրել` կենսաբանական անվտանգության ապահովման վերաբերյալ։ Նա նշել է, որ դրա իրականացումը թույլ կտա շոշափելի արդյունքի հասնել այդ զգայուն ու ակտուալ ոլորտում հետագա համագործակցության մեջ, ինչպես նաև ամրապնդել կենսաբանական անվտանգության ընդհանուր միջավայրը։

0
թեգերը:
կենսալաբորատորիա, Ռուսաստան, Հայաստան, Արա Այվազյան, Սերգեյ Լավրով