Ռուբեն Սաֆրաստյան

Էրդողանը կօգտագործի Հայոց ցեղասպանության ճանաչման փաստը` ԱՄՆ-ից ինչ–որ բան կորզելու համար

493
(Թարմացված է 16:31 30.04.2021)
ՀՀ ԳԱԱ արևելագիտության ինստիտուտի գիտական ղեկավարի պաշտոնակատար, ակադեմիկոս Ռուբեն Սաֆրաստյանը Sputnik Արմենիայի եթերում անդրադարձել է հարցին, թե տարածաշրջանային զարգացումների ներկա փուլում Թուրքիան ԱՄՆ–ի՞, թե՞ Ռուսաստանի գործընկերն է։
Սաֆրաստյան. «Այո՛, Թուրքիան ԱՄՆ–ի ընկերն է»

Ռուբեն Սաֆրաստյանի համոզմամբ` Թուրքիան ԱՄՆ–ի ընկերն է, և քանի որ այդ ընկերության առթիվ առաջացել են որոշակի կասկածներ, Թուրքիան ձգտում է դրանք հաղթահարել ՆԱՏՕ–ի հուլիսյան գագաթնաժողովից առաջ, որտեղ կայանալու է Էրդողանի հանդիպումը Ջո Բայդենի հետ։ Ըստ նրա` Էրդողանը պետք է օգտագործի հնարավորությունը` հավաստիացնելու ամերիկյան կողմին, որ իրենք շարունակում են մնալ հավատարիմ ընկերներ։ 

«Թուրքիան Ռուսաստանի հետ համագործակցում է ոչ թե Արևմուտքի կամ մասնավորապես ԱՄՆ–ի դեմ, այլ պարզապես Ռուսաստանի հետ ունի տնտեսական ընդհանուր շահեր։ Վերջինս էլ իր հերթին ունի աշխարհաքաղաքական բնույթի որոշ ծրագրեր, որոնք ցանկանում է իրագործել Թուրքիայի հետ»,– նշեց ակադեմիկոսը։

Սաֆրաստյանի դիտարկմամբ` Էրդողանն իր էությամբ արկածախնդիր մարդ է, և իր կառավարման վերջին շրջանում Թուրքիան իրականացնում է նույնպիսի քաղաքականություն։ Նրա խոսքով` թեև պետք է խոստովանել, որ Էրդողանն այդուհանդերձ նաև պրագմատիկ գործիչ է, շատ լավ հասկանում է այն կարմիր գծերը, որոնք չի կարելի անցնել ԱՄՆ–ի հետ հարաբերություններում։ 

«Ռուսական «Ս-400» զենիթահրթիռային համակարգերի գնմամբ Թուրքիան մի փոքր հատեց կարմիր գիծը, բայց հաշվարկել էր, որ ի վերջո դրանից շատ կորուստներ չի ունենա և հենց այդպես էլ եղավ։ Դա Թուրքիային հնարավորություն է տալիս ԱՄՆ–ի հետ որոշակի առևտրի մեջ մտնել, հետևաբար պրագմատիկ Էրդողանը կօգտագործի նաև Բայդենի կողմից Հայոց ցեղասպանության ճանաչման հանգամանքը` ամերիկյան կողմից ինչ–որ բան կորզելու նկատառությամբ»,– նշեց ակադեմիկոսը։

Սաֆրաստյանն այդուհանդերձ չի կարծում, որ ամերիկացիները Թուրքիային այնքան կվստահեն, որ նրան համարեն իրենց ներկայացուցիչը Մերձավոր Արևելքում, քանի որ ԱՄՆ–ի ներկայիս աշխարհաքաղաքական ռազմավարությունն այդ տարածաշրջանին այնպիսի մեծ տեղ չի տալիս, որքան նախկինում։ Հիմա ամերիկյան արտաքին քաղաքականության կիզակետը տեղափոխվում է Արևելք, որտեղ հիմնական ախոյանը Չինաստանն է։  

«Շնորհակալություն, տիկին խոսնակ». Արմեն Սարգսյանը նամակ է հղել Նենսի Փելոսիին

Ակադեմիկոսի կանխատեսմամբ` ԱՄՆ–ն Մերձավոր Արևելքում հետայսու իրականացնելու է մի քաղաքականություն, ըստ որի` տարածաշրջանում Թուրքիան չի լինելու միակ վստահելի ուժը, որը կներկայացնի ու կպաշտպանի ամերիկյան շահերը, այսինքն` լինելու է բազմազան պատկեր և վերահսկողությունն իրականացվելու է մի քանի կենտրոնների միջոցով։ 

Հիշեցնենք, որ ռուսական նորագույն Ս-400 ՀՕՊ համակարգերի մատակարարումները, որոնք Թուրքիայի և ԱՄՆ-ի հարաբերություններում ճգնաժամ են առաջացրել, սկսվել են 2019 թվականի հուլիսի կեսերին:

Հայոց ցեղասպանության մասին հայտարարությամբ Բլինկենն ավելի է զայրացրել թուրքերին. Սոլովյով

Վաշինգտոնը պահանջել է հրաժարվել գործարքից և փոխարենը ձեռք բերել ամերիկյան Patriot համալիրները՝ սպառնալով չեղարկել նորագույն F-35 կործանիչների վաճառքը Թուրքիային, ինչպես նաև պատժամիջոցներ սահմանել: Անկարան հրաժարվել է զիջումների գնալ և շարունակել է լրացուցիչ Ս-400–ներ ձեռք բերելու շուրջ բանակցությունները։

493
թեգերը:
տարածաշրջան, Ռուսաստան, Ռեջեփ Թայիփ Էրդողան, Ջո Բայդեն, Հայոց ցեղասպանություն, Թուրքիա, Հայաստան
Ըստ թեմայի
Բայդենը չի փորձել մեղքը բարդել Թուրքիայի վրա, երբ ճանաչել է Ցեղասպանությունը. Բլինկեն
ԱՄՆ-ի կողմից Հայոց ցեղասպանության ճանաչումը մտրակի և քաղցրաբլիթի խաղի դրսևորում է. Պեսկով
Ինչո՞ւ է ԱՄՆ դեսպանը արժեզրկում Բայդենի կողմից Հայոց ցեղասպանության ճանաչումը
Վիգեն Հակոբյան

Այս պահին չկա ուժ, որը կհավաքի այնքան ձայն, որ միանձնյա ձևավորի կառավարություն. Հակոբյան

93
(Թարմացված է 08:08 06.05.2021)
Քաղտեխնոլոգ Վիգեն Հակոբյանը Sputnik Արմենիայի եթերում անդրադարձել է հունիսի 20-ին նախանշված ընտրություններից առաջ քաղաքական ուժերի հնարավորություններին։ 
Հակոբյան. «Ընդդիմության առումով դեռ կա ամբողջովին չբացահայտված կամ չօգտագործված ներուժ»

Վիգեն Հակոբյանի դիտարկմամբ` նախընտրական քարոզարշավը դեռ չի սկսվել, որը բավականին լուրջ կարգավորումներ է մտցնում գործընթացի մեջ` նախևառաջ փոխելով մթնոլորտը երկրում, առավել ևս այնպիսի երկրում, ինչպիսին Հայաստանն է, որտեղ ընտրազանգվածի 40 տոկոսը կողմնորոշված չէ։ Ըստ նրա` ընդդիմությունը շատ ավելի լուրջ հենարան ունի հասարակության մեջ, որին վերջին վեց ամիսների ընթացքում լիովին չէր կարողանում արթնացնել, հետևաբար այդ առումով դեռ կա ամբողջովին չբացահայտված կամ չօգտագործված ներուժ։

«Այս պահի դրությամբ խորհրդարան անցնելու հնարավորություն ունեն Քոչարյանի գլխավորած դաշինքը, Փաշինյանի քաղաքական ուժը, «Հայրենիք»–ՀՀԿ դաշինքը, ԲՀԿ–ն։ Հետաքրքիր հնարավորություններ կունենա նաև ՀԱԿ–ը, եթե մասնակցի ընտրություններին»,– նշեց քաղտեխնոլոգը։ 

Հակոբյանի համոզմամբ` այդուհանդերձ այսօր դեռ չի ուրվագծվել որևէ քաղաքական ուժ, որն ի զորու է հավաքել այնքան ձայն, որպեսզի կարողանա միանձնյա կառավարություն ձևավորել։ Ըստ նրա` չի կարելի բացառել նաև այնպիսի հեռանկարը, երբ նախընտրական քարոզարշավի ժամանակ մթնոլորտը երկրում փոխվի, և ամեն ինչ լինի շատ ավելի արմատական, և ձայները դառնան ավելի բևեռացված։ 

Քաղտեխնոլոգի կարծիքով` եթե իշխանության պարագայում հասկանալի է, թե ով է ընտրություններին մասնակցելու որպես լիդեր, ապա ընդդիմադիր դաշտում ձայները կարող են կոնսոլիդացվել այն անձի շուրջ, որն այդ պահին ընդհանուր ընդդիմադիր էլեկտորատի պատկերացմամբ կլինի առաջնորդ։ 

Դա քաղաքական բլեֆ է. քաղտեխնոլոգը խոսել է Փաշինյանի ելույթի և ընտրությունների մասին

Հիշեցնենք՝ ապրիլի 25-ին Նիկոլ Փաշինյանը հայտարարեց իր հրաժարականի մասին։ Ըստ Սահմանադրության՝ ԱԺ-ն երկու անգամ պետք է վարչապետ չընտրի, ինչից հետո խորհրդարանը կլուծարվի։ Առաջին փորձն արդեն կայացել է մայիսի 3-ին։

Վարչապետի ընտրության հարցը երկրորդ անգամ ԱԺ-ում կքննարկվի մայիսի 10-ին։

93
թեգերը:
Հայաստան, Ընտրություններ, Վիգեն Հակոբյան
Ըստ թեմայի
Առաջիկա ընտրությունները հեշտ չեն լինելու. Ռոբերտ Քոչարյանը` փողոցային պայքարի մասին
Ընտրողները 2 հոգու են տեսնում վարչապետի պաշտոնում. քաղտեխնոլոգը` ընտրությունների մասին
Այսօրվա ընտրությունն օրենքից բխող ձևական գործընթաց է. Մարուքյան
Վլադիմիր Պուտինն ու Ջո Բայդենը

«Պատվաստանյութերի պատերազմն» ու Մոսկվայի դիմադրությունը. ինչ է կատարվում իրականում

59
(Թարմացված է 21:02 05.05.2021)
«Իրականում» հաղորդման հեղինակ Արման Վանեսքեհյանն անդրադարձել է  ՌԴ-ԱՄՆ, ՌԴ-ԵՄ առճակատմանը` օրինակ բերելով թե՛ պատժամիջոցներին համարժեք պատասխան տալու Մոսկվայի տրամադրվածությունը, թե՛ Եվրոպայի կողմից հրահրած «պատվաստանյութերի պատերազմը»։
«Իրականում». «Պատվաստանյութերի պատերազմն» ու Մոսկվայի դիմադրությունը. ինչ է կատարվում իրականում

Իրականում ստիպված ենք արձանագրել ու համաձայնվել այն հանգամանքի հետ, որ Ռուսաստանի Դաշնություն-ԱՄՆ և Ռուսաստանի Դաշնություն- Եվրամիություն հարաբերությունները լավագույն ժամանակները չեն ապրում: Դրա մասին նույնիսկ խոսելն է ավելորդ, քանի որ Միացյալ նահանգների նախագահն իսկզբանե հայտարարել է, որ իր երկրի թիվ մեկ թշնամին Ռուսաստանն է:

Չինական հրթիռը շարքից դուրս է եկել և առաջիկա օրերին կարող է ընկնել Երկրի վրա

Նա հիշատակել է նաև Չինաստանի մասին, սակայն այստեղ երևի թե անհրաժեշտ է  մեկ փաստարկ հիշատակել. եթե Վաշինգտոնում Պեկինին որպես տնտեսական հակառակորդ են ընկալում, ապա Մոսկվան նրանց համար գաղափարական թշնամի է…

Ինչո՞ւ Ջո Բայդենը որոշեց Ադրբեջանին ռազմական օգնություն ցուցաբերել

Ինչ վերաբերում է Եվրամիությանը, ապա այստեղ միայն մեկ բան կասեմ` եվրոպական երկրներն իրենց` ԱՄՆ արբանյակ լինելու կարգավիճակից չեն հրաժարվում: Իսկ դա նշանակում է, որ եվրոպական մայրաքաղաքները Մոսկվայի հետ իրենց հարաբերությունները կառուցելու են`  ելնելով օվկիանոսի հակառակ կողմից եկած հրահանգներից:

59
թեգերը:
պատժամիջոցներ, պատվաստանյութ, Մոսկվա, ԱՄՆ, Ռուսաստան
թեմա:
Իրականում / Օրացույց
Ըստ թեմայի
ԱՄՆ նախագահը թույլատրել է Ադրբեջանին ռազմական օգնություն ցուցաբերել
ԱՄՆ-ի «կտրող-ծակող» փաստարկները, կամ ինչ է թաքնված Հայոց ցեղասպանության ճանաչման հետևում
ԱՄՆ դատարանները կարող են վերսկսել Ցեղասպանության մասով Թուրքիայի դեմ հայցերի քննարկումը
ԱՄՆ–ի կողմնակիցները սկսել են խոսել ռուսական «Սպուտնիկ V» գնելու մասին
Пресс-конференция Сергея Лаврова и Ара Айвазяна (6 мая 2021). Еревaн

Լավրովը Երևանում անդրադարձել է «Զանգեզուրի միջանցքին»

0
(Թարմացված է 14:13 06.05.2021)
Ալիևը հայտարարել էր, որ Ադրբեջանը իրականացնելու է Զանգեզուրի միջանցք բացելու առաջադրանքը, անկախ նրանից` ուզում է դա Հայաստանը, թե ոչ, ու սպառնացել էր հարցը լուծել ուժային ճանապարհով:

ԵՐԵՎԱՆ, 6 մայիսի - Sputnik. ՌԴ ԱԳ նախարար Սերգեյ Լավրովն այսօր Երևանում կայացած մամուլի ասուլիսում մեկնաբանել է Ադրբեջանի ղեկավարի հայտարարությունները «Զանգեզուրի միջանցքի» վերաբերյալ:

Պատասխանելով լրագրողի հարցին, թե արդյո՞ք Ալիևի այդ հայտարարությունները քննարկվել են Երևանում կայացած հանդիպումների ընթացքում, ՌԴ նախարարը պատասխանեց, որ իր հայ գործընկերոջ հետ քննարկվել են հետկոնֆլիկտային շրջանում կարգավորման բոլոր խնդիրները՝ տնտեսական, հումանիտար, և շատ այլ հարցեր:

Ըստ նրա, երեք երկրների ղեկավարների տորագրած եռակողմ հայտարարության հիման վրա մշակված հաղորդակցությունների ապաշրջափակման մեխանիզմը նախատեսում է իրականացման բացառապես կամավոր սկզբունք `փոխշահավետ հիմունքներով:

«Այս մեխանիզմը ոչ մի կերպ չի ենթադրում որևէ այլ բան, քան տարածաշրջանի տրանսպորտային ու տնտեսական կապերի ամբողջական ապաշրջափակմանն ուղղված դիվանագիտական համաձայնություն և որոշումներ։ Ցանկացած այլ հարց, որը կհակասի երեք ղեկավարների այս պայմանավրվածությանը, իհարկե, չի կարող դիտարկվել որպես այլընտրանք այն ամենին, ինչ պայմանավորվել է», - ասաց Լավրովը։

Հիշեցնենք` ապրիլին Իլհամ Ալիևը Ադրբեջանի պետական հեռուստատեսությանը և ռադիոյին տված հարցազրույցում ասել էր, որ Բաքուն «կիրականացնի Զանգեզուրի միջանցքի իրագործման առաջադրանքը, անկախ նրանից` ուզում է դա Հայաստանը, թե ոչ»:

Ադրբեջանի նախագահը նաև սպառնացել էր հարցը լուծել ուժային ճանապարհով:

0