Արմեն Բադալյան

Քաղաքական բարքերն ազդեցություն կունենա՞ն առաջիկա ընտրություններում. Բադալյանի տեսակետը

68
(Թարմացված է 21:41 27.04.2021)
Քաղտեխնոլոգ Արմեն Բադալյանը Sputnik Արմենիայի եթերում անդրադարձել է այն հարցին, թե գործող իշխանությունն ինչպիսի հասարակություն է քաղաքականապես դաստիարակել վերջին տարիներին և պոտենցիալ ինչպիսի ընտրողներ կմասնակցեն գալիք ընտրություններին։
Բադալյան. «Քաղաքական բարքերն ազդեցություն չեն ունենա այս կամ այն ուժին ընտրելու շարժառիթի վրա»

Արմեն Բադալյանի դիտարկմամբ` հասարակությանը «դաստիարակել» են ոչ միայն վերջին տարիներին, այլև նախորդ երեք տասնամյակների ընթացքում, երբ սկսած 1995 թվականի սահմանադրական հանրաքվեից, ինչպես նաև դրանց հաջորդած բոլոր ընտրություններից հետո, բացի 2019 թվականից, արդյունքները կեղծվեցին։

«Նախորդ տասնամյակներին ցանկացած իշխանություն փորձել է «դաստիարակել» հասարակությանը, ինչն արտահայտվել է մարդկանց ամեն գնով իշխանությանը ենթարկեցնելու մեջ։ Չենթարկվելու դեպքում քաղաքացիների նկատմամբ կիրառվում էին ֆինանսական ու քաղաքական բնույթի ռեպրեսիաներ, ընդհուպ մինչև բռնությունների ու ֆիզիկական հաշվեհարդարների կիրառում»,– Sputnik Արմենիայի հետ զրույցում ասաց քաղտեխնոլոգը։

Բադալյանի կարծիքով` վերջին տարիներին մեթոդաբանությունը փոխվեց, այսինքն` դաստիարակում էին ոչ թե ամբողջ հասարակությանը, այլ միայն այլախոհներին, ընդ որում` կիրառելով ոչ թե բիրտ ուժ, այլ հայհոյաբանություն` այդ գործում ներգրավելով այսպես կոչված ֆեյքերի ֆաբրիկայի ներկայացուցիչներին։

Այսինքն` նպատակ էր դրվում զուտ բարոյահոգեբանական տեսանկյունից ազդել մարդկանց վրա, ինչը սկզբում հաջողվում էր, բայց հետո դարձավ անօգուտ, և իշխանությունները կրկին վերադարձան հին մեթոդներին։

«Դա երևաց հատկապես այն պահից սկսած, երբ վարչապետը Սյունիքի մարզպետարանում ուժային կառույցների ղեկավարներին հանձնարարեց անմիջականորեն զբաղվել իրեն հայհոյած կամ իր դեմ ինչ–ինչ գործողություններ կատարած անձանցով։ Դաստիարակության մեթոդոլոգիան կրկին խարսխվեց բիրտ ու անհամաչափ ուժի կիրառման վրա, որովհետև բարոյահոգեբանական ճնշման մեթոդն արդեն դարձել է անարդյունավետ»,– նշեց քաղտեխենոլոգը։

Բադալյանի գնահատմամբ` հասարակության վերջին երեք տարիների «դաստիարակությունը» հանգեցրեց նրան, որ թեև հասարակության մեջ որոշ տաբուներ վերացան, բայցևայնպես որոշ ժամանակ անց լյունպեն զանգվածը, որը նախապես որոշակի դերակատարում ուներ ներքաղաքական կյանքում և կազմված էր կրթադաստիարակչական ու իրավաքաղաքական ցածր մակարդակ ունեցող մարդկանցից, հետզհետե սկսեց փոքրանալ։

Քաղտեխնոլոգի համոզմամբ` գալիք ընտրություններում Փաշինյանն ու Քոչարյանը, ինչպես նաև երկրորդ էշելոնի քաղաքական ուժերն ունեն որոշակի ընտրազանգված, ուստի քաղաքական բարքերն ազդեցություն չեն ունենա այս կամ այն ուժին ընտրելու շարժառիթի վրա։

Ընտրությունները ՀՀ պետականության անփառունակ վախճանի նոր էջ կբացեն․ Աշոտյան

Հիշեցնենք՝ ապրիլի 25-ին Նիկոլ Փաշինյանը հայտարարեց իր հրաժարականի մասին։ Ըստ Սահմանադրության՝ ԱԺ-ն երկու անգամ պետք է վարչապետ չընտրի, ինչից հետո խորհրդարանը կլուծարվի։

Հունիսի 20-ին նախատեսվում է արտահերթ խորհրդարանական ընտրություններ անցկացնել։ Փաշինյանը հայտարարեց, որ մինչ ընտրություններն ինքը կկատարի վարչապետի պարտականություններն ամբողջ ծավալով։ Նա նաև տեղեկացրեց, որ «Քաղաքացիական պայմանագիր» կուսակցությունը կմասնակցի ընտրություններին․ վարչապետի թեկնածուն ինքն է։

ԲՀԿ-ն ընտրությունների գնալու է միայնակ ու հաղթելու է. Միքայել Մելքումյան

68
թեգերը:
Ընտրություններ, Արմեն Բադալյան, Հայաստան
Ըստ թեմայի
Ռուսաստանում ակնկալում են, որ Հայաստանում արդար ընտրություններ կլինեն. Մատվիենկո
«Ում չկարողացանք դատել, ընտրություններին դուք ձեր քվեարկությամբ դատեք». Նիկոլ Փաշինյան
Դաշնակցությունը կմասնակցի արտահերթ խորհրդարանական ընտրություններին․ ՀՅԴ Գերագույն ժողով
Աշոտ Գասպարյան

Լենինի երբեմնի արձանի տեղում պետք է կանգնեցվի Հաղթական կամար. Գասպարյան

50
«Հաղթական կամար» պատմամշակութային հիմնադրամի նախագահ Աշոտ Գասպարյանը Sputnik Արմենիայի եթերում անդրադարձել է Երևանի Հանրապետության հրապարակում Լենինի արձանից հետո թափուր մնացած տեղը նոր կոթողով համալրելու խնդրին։ 
«Լենինի արձանի երբեմնի տեղում պետք է կանգնեցվի Հաղթական կամար». Գասպարյան

Աշոտ Գասպարյանի դիտարկմամբ`տևական ժամանակ կար այդ գաղափարը, որի իրագործման նպատակով էլ ստեղծվել է նշված հիմնադրամը, ուստի ֆինանսական միջոցների առկայության դեպքում կլինի համապատասխան պատվեր հայ քանդակագործներին ու նկարիչներին, իսկ վերջում, երբ արդեն հիմնադրամը կունենա պատրաստի արտադրանք` ի դեմս կոթողի կամ հուշարձանի, քաղաքապետարանին կարվի համապատասխան մրցույթ կազմակերպելու առաջարկ։

«Եթե ուշադրություն դարձրել եք, Հանրապետության հրապարակի բոլոր շենքերը կամարաձև են, դրա համար նույնիսկ Թամանյանին ճարտարապետների նոր դպրոցի ներկայացուցիչները մեղադրում էին, որ զբաղվում է եկեղեցաշինությամբ, սակայն այդ ոճն ընդհանուր առմամբ բնորոշ է հայկական ճարտարապետությանը։ Որպեսզի այսօր հրապարակի պատկերը դառնա ամբողջական, ապա Լենինի երբեմնի արձանի տեղում պետք է կանգնեցվի Հաղթական կամար»,– նշեց պատմամշակութային հիմնադրամի նախագահը։ 

Գասպարյանի կարծիքով` Հանրապետության հրապարակը քաղաքի խորհրդանիշն ու այցեքարտն է, այն կառուցվել է Փարիզի տարբերակով, այսինքն` սիրտը հրապարակն է, որից սկսվում և աստղի թևերի պես տարածվում են փողոցները։ Ըստ նրա` հաղթական կամարը պետք է խորհրդանշի մեր պատմական հաղթանակները` սկսած վաղնջագույն ժամանակներից, և իր մեջ կամփոփի ոչ միայն հաղթական անցյալը, այլև միտված կլինի հաղթական ապագային։ 

Հշեցնենք, որ Լենինի հուշարձանը հանելու մասին որոշում Երևանի քաղաքային խորհրդի նիստում կայացվել է 1991 թվականի մարտի 28-ին, իսկ պատվանդանն ապամոնտաժվել է 1996 թվականին։

Մահաթմա Գանդիի արձանը պղծած տղամարդը հայտնաբերվել է

Արձանի մարմինը գտնվում է Հայաստանի ազգային պատկերասրահի բակում, գլուխը` պահեստում։ Պատվանդանի մնացորդները պահվում են Երևանի քաղաքապետարանի պահեստում` Չարբախում։ 

50
թեգերը:
արձան, Հանրապետության հրապարակ, հաղթանակ
Ըստ թեմայի
Երևանում գողացել են նավակով տղայի բրոնզե արձանը
Ոստիկանները հայտնաբերել են Լրագրողի արձանը գողացողներին
Մոսկվայում բացվեց Կարո Հալաբյանի արձանը. տեսանյութ
Արմեն Բաղդասարյան

Ո՞ր դեպքում Ռոբերտ Քոչարյանը չէր մտածի քաղաքականություն վերադառնալու մասին

109
(Թարմացված է 21:44 08.05.2021)
Քաղաքագետ Արմեն Բաղդասարյանը Sputnik Արմենիայի հետ զրույցում անդրադարձել է մայիսի 9-ին Ռոբերտ Քոչարյանի նախաձեռնած հանրահավաքին և քաղաքական պայքարի դուրս գալու որոշմանը։
Արմեն Բաղդասարյան. Ո՞ր դեպքում Քոչարյանը չէր մտածի քաղաքականություն վերադառնալու մասին

Մայիսի 9-ին նախատեսված հանրահավաքի ժամանակ Ռոբերտ Քոչարյանի ելույթից պարզ կդառնա, թե ինչպիսի ճանապարհային քարտեզ է առաջարկում ՀՀ երկրորդ նախագահը գալիք ընտրություններում։ Sputnik Արմենիայի հետ զրույցում նման կարծիք հայտնեց քաղաքագետ Արմեն Բաղդասարյանը։

«Ես ավելի շատ ակնկալում եմ ծրագրային ելույթ և հստակ ճանապարհային քարտեզ։ Կարծում եմ, որ այդ հանրահավաքի մասնակիցները, անկախ նրանից, թե որքան կլինի նրանց թիվը, շատ ուշադիր կլսեն այդ ծրագիրը և կփորձեն հասկանալ` դա իրատեսական է, թե ընդամենը կենացների, ցանկությունների շարք»,- ասաց նա։

Նրա խոսքով` Հայաստանում այնպիսի իրավիճակ է ստեղծվել, որ ցանկացած գործիչ կարող է քաղաքականություն վերադառնալ, ինչու ոչ` նաև հաղթել։

«Նիկոլ Փաշինյանի փոխարեն ցանկացած այլ իշխանություն լիներ` Ռոբերտ Քոչարյանը չէր էլ կարող մտածել, որ կարող է վերադառնալու փորձ անել, բայց այս իշխանություններն այնքան ձախողումներ են ունեցել, այնքան կործանարար քաղաքականություն են վարել, որ նույնիսկ Քոչարյանն իր այդ բացասական ընկալմամբ գտնում է, որ շանս ունի հաղթելու և մասնակցում է ընտրություններին»,- նշեց քաղաքագետը։

Նշենք, որ վաղը` մայիսի 9-ին, ժամը 16։00-ին Երևանի Ազատության հրապարակում նախատեսված հանրահավաքում Ռոբերտ Քոչարյանը հանդես կգա ելույթով։

Ավելի վաղ ՀՀ երկրորդ նախագահը հայտնել էր, որ մասնակցելու է արտահերթ խորհրդարանական ընտրություններին։

Առաջիկա ընտրությունները հեշտ չեն լինելու. Ռոբերտ Քոչարյանը` փողոցային պայքարի մասին

Մարտի 18-ին վարչապետ Նիկոլ Փաշինյանը հայտարարեց, որ հունիսի 20-ին Հայաստանում ԱԺ արտահերթ ընտրություններ կկայանան: Ավելի ուշ Ազգային ժողովը հաստատեց Ընտրական օրենսգրքի փոփոխությունների նախագիծը, ըստ որի՝ խորհրդարանական ընտրությունները տեղի կունենան միայն համամասնական ընտրակարգով։

Ապրիլի 25-ին Նիկոլ Փաշինյանը հայտարարեց հրաժարական տալու մասին։ ՀՀ նախագահը ընդունեց վարչապետի և կառավարության հրաժարականը։

Նիկոլ Փաշինյանը հայտնեց` ինչ կարգախոսով է «Իմ քայլը» մասնակցելու ընտրություններին

109
թեգերը:
Արմեն Բաղդասարյան (քաղաքական մեկնաբան), Նիկոլ Փաշինյան, Ռոբերտ Քոչարյան, Հայաստան
Ըստ թեմայի
Սերժ Սարգսյանը ասել է, թե ինչու է մերժել Լևոն Տեր–Պետրոսյանին
Չենք գնդակահարի. Շարմազանովը խոսել է Վանեցյանի հետ դաշինքի և երկրում տիրող իրավիճակի մասին
«Անտինիկոլ». Միքայել Մինասյանը նոր «ազատագրական շարժում» է սկսում
Քիմ Քարդաշյան

Նման է հայի, հիշեցնում է պապիկիս. Քարդաշյանը հրապարակել է 2 տարեկան որդու լուսանկարը

397
(Թարմացված է 00:09 10.05.2021)
Քիմ Քարդաշյանի խոսքով ՝ երկու տարեկան Փսալմը ընտանիքի սիրելին է, որն իրենց կյանքում խաղաղություն է բերել:

ԵՐԵՎԱՆ, 9 մայիսի - Sputnik. Աշխարհահռչակ հեռուստաաստղ Քիմ Քարդաշյանն Instagram-ում շնորհավորել է իր կրտսեր որդու ծննդյան օրը, ով մայիսի 9-ին դարձել է 2 տարեկան։

Посмотреть эту публикацию в Instagram

Публикация от Kim Kardashian West (@kimkardashian)

«Իմ փոքրիկին ես ամենաշատը հայի եմ նմանեցնում։ Նա ինձ չափից շատ հայ է թվում` պապիս պես, և հիշեցնում է հայրիկիս: Նա ամենաքաղցրիկ բալիկն է: Ես նույնիսկ չեմ կարող նկարագրել նրա ժպիտն ու քաղցրությունը»,– գրում է Քարդաշյանը։

Նա նաև նշում է, որ փոքրիկն իրենց ընտանիքին ու իրենց կյանքին հանգստություն և խաղաղություն է բերել:

«Քո բոլոր զարմիկները և եղբայրները շատ են սիրում քեզ: Դու իսկապես մեր ուրախությունն ես: Մայրիկը քեզ շատ է սիրում »,– գրում է նա։ 

«Ուզում եմ անձամբ ձեզ ասել». Քիմ Քարդաշյանն արտասվել է իր շոուի նկարահանման ժամանակ

Հայտնի ռեփեր Քանյե Ուեսթի հետ ամուսնությունից Քիմը 4 երեխա ունի։

Աստղային զույգը պաշտոնապես ամուսնալուծվել է այս տարվա սկզբին:

397
թեգերը:
երեխա, Քիմ Քարդաշյան
Ըստ թեմայի
Քիմ Քարդաշյանը սկսել է հանդիպել CNN-ի լրագրողի հետ. լուսանկար
Քիմ Քարդաշյանը պատասխանել է ՀՀ նախագահի նամակին
Քիմ Քարդաշյանը, Թանկյանը` հանուն հայ երեխաների կրթական հնարավորությունների ընդլայնման