Ալեն Ղևոնդյան

Լինելու են ՀՀ պատմության մեջ ամենավատ ընտրությունները. տեղամասերում կլինեն բախումներ

97
(Թարմացված է 16:53 27.04.2021)
Քաղաքագետ Ալեն Ղևոնդյանը Sputnik Արմենիայի եթերում խոսել է հունիսի 20–ին սպասվող ընտրությունների, այդ ընտրությունների ֆավորիտների ու ՀՀ վարչապետի ԺՊ Նիկոլ Փաշինյանի գործելակերպի մասին։

 

«Ընտրություններում հնարավոր չի լինի խուսափել Փաշինյանի առաջ քաշած «նախկին-ներկա» թեզից». Ղևոնդյան

Այս ընտրությունները լինելու են Հայաստանի պատմության մեջ ամենավատ ընտրությունները, տեղամասերում կլինեն բախումներ, և դա հետևանք է այն ատելության մթնոլորտի, որն անդադար սերմանվում է կոնկրետ մեկ անձի կողմից։ Sputnik Արմենիայի հետ զրույցում նման կարծիք հայտնեց քաղաքագետ Ալեն Ղևոնդյանը։ 

 

Նրա խոսքով` հիմնական մրցակցությունը լինելու է ՀՀ երկրորդ նախագահ Ռոբերտ Քոչարյանի և ՀՀ վարչապետ Նիկոլ Փաշինյանի միջև, կլինեն նաև երրորդ ուժի, երրորդ կողմնորոշման կուսակցություններ, խմբավորումներ, դաշինքներ, որոնք կփորձեն որոշակի քվեներ ստանալ։

Ղևոնդյանի կարծիքով` այս ընտրություններում ևս հնարավոր չի լինի խուսափել Նիկոլ Փաշինյանի առաջ քաշած «նախկին-ներկա» թեզից։

«Դա պարտադրված խաղ էր, որ դաշտ է մտցրել գործող վարչապետը նախկինների շուրջ, այդ թվում նաև արհեստական ատելության ֆոնի ներքո ստանալու լեգիտիմության  ավելի բարձր աստիճան։ Ցավալիորեն մինչև հիմա այդ ատելության դոզայի տակ երկիրը փաստացի կոլապսի մեջ է հայտնվել»,- ասաց նա։ 

Մարդ-կուսակցությունները, ըստ փորձագետի, քաղաքական առումով էական դերակատարում չեն ունենալու, քանի որ դրանց մեծ մասը 5 տոկոսի շեմը չի հաղթահարելու, բայց նրանց մասնակցությունը ձայների մխսման առումով կարող է լուրջ գործոն լինել։

Որ դեպքում ընտրությունները կարող են չեղարկվել, կամ Փաշինյանի սյունիքյան այցի արդյունքները

Հիշեցնենք՝ ապրիլի 25-ին Նիկոլ Փաշինյանը հայտարարեց իր հրաժարականի մասին։ Ըստ Սահմանադրության՝ ԱԺ-ն երկու անգամ պետք է վարչապետ չընտրի, ինչից հետո խորհրդարանը կլուծարվի։

Հունիսի 20-ին նախատեսվում է արտահերթ խորհրդարանական ընտրություններ անցկացնել։ Փաշինյանը հայտարարեց, որ մինչ ընտրություններն ինքը կկատարի վարչապետի պարտականություններն ամբողջ ծավալով։ Նա նաև տեղեկացրեց, որ «Քաղաքացիական պայմանագիր» կուսակցությունը կմասնակցի ընտրություններին․ վարչապետի թեկնածուն ինքն է։

ՀՀ ԱԺ նախագահ Արարատ Միրզոյանն ապրիլի 26-ին հայտարարություն է տարածել, որում նշվում է` համաձայն «Ազգային ժողովի կանոնակարգ» սահմանադրական օրենքի 140-րդ հոդվածի 3-րդ մասի` վարչապետի ընտրության հարցը կքննարկվի մայիսի 3-ին` ժամը 12:00-ին, իրավունքի ուժով գումարվող Ազգային ժողովի հատուկ նիստում: 

Նախկինների մասնակցությունն ընտրություններին ուժեղացնում է Փաշինյանին. ԼՀԿ

97
թեգերը:
Ռոբերտ Քոչարյան, Նիկոլ Փաշինյան, Ընտրություններ, Ալեն Ղևոնդյան
Ըստ թեմայի
Ինչ սպասել Վիտալի Բալասանյանի աղմկոտ հայտարարություններից. սցենարները տարբեր են
Ղևոնդյան. «Ուժայինների պաշտոնանկությունը իշխանության համար մտածելու օրակարգ է սահմանում»
Ղևոնդյան. «Փաշինյանի պատասխանն Ալիևին բավականին փաստարկված էր, թիրախային ու կոռեկտ»
Դավիթ Ափոյան

ԵՊՀ-ի գիտխորհուրդը դժգոհ է Դումանյանի հետ հանդիպումից. ինչո՞ւ էր նախարարը բուհ այցելել

41
(Թարմացված է 17:25 10.05.2021)
ԵՊՀ ուսխորհրդի նախագահ Դավիթ Ափոյանը Sputnik Արմենիայի եթերում անդրադարձել է ԿԳՄՍ նախարար Վահրամ Դումանյանի և ԵՊՀ գիտխորհրդի կազմի հանդիպմանը։
ԵՊՀ-ի գիտխորհրդը դժգոհ է Դումանյանի հետ հանդիպումից. ինչո՞ւ էր նախարարը բուհ այցելել

ԵՊՀ գիտխորհրդի կազմը դժգոհ է ԿԳՄՍ նախարար Վահրամ Դումանյանի հետ հանդիպումից. սպասելիքները չեն արդարացել։ Sputnik Արմենիայի հետ զրույցում ասաց ԵՊՀ ուսխորհրդի նախագահ Դավիթ Ափոյանը։

«Հանդիպումը ոչ բավարար եմ գնահատում։ Կարծում եմ` նախարարը եկել էր համալսարան զուտ լարվածությունը թուլացնելու նպատակով, ոչ թե խնդիրը լուծելու, բայց իրականում լարվածությունը չթուլացավ, կարող եմ ասել, որ այն ավելի աճեց»,- ասաց նա։

Ըստ Ափոյանի՝ մոտ մեկուկես ժամ տևած հանդիպման ընթացքում նախարարը որևէ բովանդակային առաջարկ և հիմնավորում չներկայացրեց։

«Չհիմնավորվեց, թե ինչ հիմքով պետք է համամասնությունները փոխվեն, խորհրդի կազմը լուծարվի, նոր խորհուրդ ձևավորվի, որևէ բավարար պատասխան չհնչեց, որևէ իրավական հիմնավորում չտրվեց, թե ինչ հիմքով հոգաբարձուների խորհրդի այս անդամների լիազորությունները պետք է դադարեցվեն, և նոր անդամներ նշանակվեն նախարարության կողմից»,- նշեց Ափոյանը։

Մինչդեռ, ըստ նրա, գիտխորհուրդն ակնկալում էր, որ նախարարը կլսի բուհերի կառավարման խորհուրդների կազմի փոփոխության վերաբերյալ նոր որոշման և «Բարձրագույն կրթության և գիտության մասին» օրենքի շուրջ եղած բոլոր քննադատությունները, գնահատի բացասական ռիսկերը, համադրի կառավարության այժմյան վարքագծի և մինչև այս տված խոստումների միջև սկզբունքային հակասությունները և օրեցօր խորացող ճգնաժամից դուրս գալու օպտիմալ լուծումներ առաջարկի։

ԵՊՀ-ն այս պահին շատ ավելի վատ վիճակում է, քան մինչև հեղափոխությունը. Սերոբ Խաչատրյան

«Առկա հակաօրենսդրական, հակաիրավական, հակասահմանադրական երևույթները պետք է ստիպեին նախարարին, որ կառավարության նախաձեռնած ենթադրյալ հակասահմանադրական որոշումը կյանքի չկոչվի և բուհերը տոտալ վերահսկողության չենթարկվեն, ինչպես տեսանք` նախարարն եկավ, ամբողջությամբ կամայական, կենացների մակարդակով ինչ-որ հայտարարություններ արեց, գնաց»,- հավելեց ԵՊՀ ուսխորհրդի նախագահը։

Նշենք, որ այսօր ԿԳՄՍ նախարար Վահրամ Դումանյանը այցելել էր ԵՊՀ։ Բուհի գիտխորհրդի կազմի հետ հանդիպման ժամանակ Դումանյանը նշել էր, որ իր համար կարևոր է, որ օր առաջ հոգաբարձուների նոր խորհուրդ ձևավորվի և ԵՊՀ ռեկտորի ԺՊ նշանակվի՝ մինչև ՍԴ-ն «Բարձրագույն կրթության և գիտության մասին» օրենքի մասին որոշում կայացնի։

ԵՊՀ–ի հատուկ կարգավիճակը պետական գաղտնի՞ք է. ԿԳՄՍՆ–ն խուսափում է հստակ տեղեկություն տալուց

Հիշեցնենք, որ ապրիլի 23-ին ԵՊՀ ռեկտորի ժամանակավոր պաշտոնակատար Գեղամ Գևորգյանը հրաժարականի դիմում էր գրել։ ԵՊՀ նախկին ռեկտոր Արամ Սիմոնյանը հրաժարական էր տվել 2019-ի մայիսի 23–ին։ Բացի այդ, արդեն որերորդ անգամ է՝ տապալվում են բուհի հոգաբարձուների խորհրդի նիստերի անցկացումը, քանի որ նախ խորհրդի անդամների բացակայության պատճառով քվորում չէր լինում, իսկ հետո անդամներից 15-ը դուրս եկան խորհրդից։

41
թեգերը:
Վահրամ Դումանյան, Դավիթ Ափոյան, Երևանի պետական համալսարան (ԵՊՀ)
Ըստ թեմայի
Երկու տարի է` ԵՊՀ–ն ռեկտոր չունի. Վահրամ Դումանյանը հայտնեց, թե երբ ընտրություն կանցկացնեն
Պարզ ստախոսություն. Էմին–Տերյանը` ԵՊՀ հոգաբարձուների խորհրդի անդամների գործելաոճի մասին
ԵՊՀ ռեկտորի ժամանակավոր պաշտոնակատար Գեղամ Գևորգյանը հրաժարվել է պաշտոնից
Արմեն Պետրոսյան

Ռուսաստանն ակտիվանում է Մերձավոր Արևելքում. ի՞նչ է փոխվել տարածաշրջանում

118
(Թարմացված է 17:00 10.05.2021)
Տարածաշրջանային զարգացումներում ԱՄՆ և Ռուսաստանի դերակատարման շուրջ Sputnik Արմենիայի եթերում զրուցել ենք արաբագետ Արմեն Պետրոսյանի հետ։
Արմեն Պետրոսյան. Ռուսաստանն ակտիվանում է Մերձավոր Արևելքում. ի՞նչ է փոխվել տարածաշրջանում

Մերձավոր Արևելքում անվտանգային նոր սպառնալիք է ձևավորվել, և տարածաշրջանի դերակատարները լավ գիտակցում են դրանից բխող մարտահրավերները։ Sputnik Արմենիայի հետ զրույցում նման կարծիք հայտնեց արաբագետ Արմեն Պետրոսյանը։

«Դրա գագաթնակետը դարձավ 44-օրյա պատերազմի հետևանքով թուրք-ադրբեջանական դաշինքի արձանագրած հաջողությունը և Թուրքիայի նախաձեռնած թյուրքական աշխարհի միավորման գործընթացը»,- ասաց նա։

Նրա խոսքով` այսօր փորձ է արվում տարբեր խողովակներով կարգավորել կամ ստեղծել համագործակցության մեխանիզմներ այն բոլոր դերակատարների միջև, որոնք թյուրքական գործոնի ակտիվացումը դիտարկում են անվտանգային սպառնալիք՝ ուղղված իրենց ազգային շահերին։

Ու քանի որ Վաշինգտոնի ու Թել Ավիվի հարաբերություններն աստիճանաբար «սառում են», ՌԴ-ն փորձում է օգտագործել իրավիճակն ու հաղթաթուղթ ստանալ։

«Ռուսաստանն ավելացնում է իր միջնորդական դերակատարումը իսրայելցիների և պաղեստինցիների միջև, և սա միակ փորձը չէ. մենք տեսնում ենք Ռուսաստանի կողմից ակտիվացում նաև Լիբանանում` արդեն մի քանի տարի շարունակվող ներքաղաքական ճգնաժամի ֆոնին»,- նշեց նա։

Նրա դիտարկմամբ` մի քանի ուղղություններով Ռուսաստանի ակտիվացման պատճառներից մեկն էլ այն է, որ ԱՄՆ-ն այլ ռազմավարություն և քաղաքականություն է որդեգրել տարածաշրջանային խնդիրներում։

Նամակը հաստատեց, որ մենք իրավացի ենք. Թուրքիան F-35-ի շուրջ երկխոսություն կսկսի ԱՄՆ-ի հետ

118
թեգերը:
Թուրքիա, Ռուսաստան, Մերձավոր Արևելք
Ըստ թեմայի
Թուրքիայի ընդդիմությունը քննադատել է Էրդողանին Բայդենի հայտարարության համար
Թուրքիայում 60-ից ավել մարդ է ձերբակալվել մայիսմեկյան ակցիա անելու փորձի համար
Լավրովի կողմից Զանգեզուրի միջանցքին անդրադարձը մեսիջ է Ադրբեջանին և Թուրքիային. Դանիելյան
Սերգեյ Լավրով

Տրանսպորտային հանգույցը կարող է բարելավել Երևանի ու Բաքվի հարաբերությունները. Լավրով

0
(Թարմացված է 00:37 11.05.2021)
ՌԴ արտաքին քաղաքական գերատեսչության ղեկավարը շեշտել է, որ Ռուսաստանը հետաքրքրված է Ադրբեջանի և Հայաստանի միջև հարաբերությունների կարգավորմամբ։

ԵՐԵՎԱՆ, 11 մայիսի – Sputnik․ Հարավային Կովկասում տրանսպորտային հանգույցի ստեղծման հարցերը կնպաստեն Հայաստանի և Ադրբեջանի հարաբերությունների բարելավմանը։ ՌԻԱ Նովոստիի փոխանցմամբ՝ հայտարարել է Ռուսաստանի արտգործնախարար Սերգեյ Լավրովը Բաքվում Ադրբեջանի նախագահի հետ հանդիպման ժամանակ։

«Մենք անկեղծորեն շահագրգռված ենք Ադրբեջանի և Հայաստանի միջև հարաբերությունների կարգավորմամբ։ Կարծում ենք, որ ձգձգված հակամարտությունից դուրս գալու տնտեսական կողմի վրա կենտրոնանալու համատեղ աշխատանքը դրա համար օպտիմալ միջավայր է ստեղծում», - ասել Է Լավրովը։

ՌԴ արտաքին քաղաքական գերատեսչության ղեկավարի խոսքով՝ մարդիկ պետք է զգան, որ իրական բարելավում է տեղի ունենում։

Նա ընդգծել է, որ Ռուսաստանի, Ադրբեջանի և Հայաստանի փոխվարչապետերը երեք երկրների ղեկավարների ստեղծած աշխատանքային խմբի շրջանակներում պարբերաբար հանդիպում են, քննարկում են Հարավային Կովկասում բոլոր տնտեսական և տրանսպորտային հաղորդակցությունների ապաշրջափակման պայմանավորվածության շուրջ առկա գործնական հարցերը:

Լավրովն ընդգծում է՝ դա պոտենցիալ շատ լուրջ տրանսպորտային հանգույց է, որի նշանակությունը դուրս է գալիս տարածաշրջանային շրջանակներից։

Բայց չէ՞ որ ամենակարևորը ինքդ քեզ չկորցնելն է. Սոլովյովը`Հայաստանի ապաշրջափակման մասին

0
թեգերը:
Ադրբեջան, Հայաստան, Սերգեյ Լավրով
Ըստ թեմայի
Ապաշրջափակումն առայժմ քննարկվում է միայն փորձագիտական մակարդակով. փոխվարչապետ
Ապաշրջափակման անվան տակ խորը շրջափակում է լինելու. Օհանյանը` ԱԽՔ–ի հայտարարության մասին
Ադրբեջանը խոչընդոտելու է տարածաշրջանի ապաշրջափակմանը. ՀՀ վարչապետի պաշտոնակատար