Վարդան Ոսկանյան

«Զանգեզուրի միջանցքը» կխաթարի Հայաստան–Իրան հաղորդակցությունը. Ոսկանյան

167
(Թարմացված է 22:01 26.04.2021)
Իրանագետ, ԵՊՀ արևելագիտության ամբիոնի վարիչ Վարդան Ոսկանյանը Sputnik Արմենիայի եթերում անդրադարձել է իրանական մամուլի արձագանքներին, որոնք վերաբերում են Իլհամ Ալիևի` այսպես կոչված «Զանգեզուրի միջանցքի» վերաբերյալ հայտարարություններին։
«Հայաստանի տարածքային ամբողջականության դեմ ոտնձգությունն Իրանի համար կարմիր գիծ է». Վարդան Ոսկանյանը` «Զանգեզուրի միջանցքի» մասին

Վարդան Ոսկանյանի դիտարկմամբ` «Զանգեզուրի միջանցք» կոչեցյալ, թշնամական եզրույթով բնութագրվող երևույթն ըստ էության դեմ է Իրանի կենսական շահերին, հետևաբար իրանական կողմից ակնկալել այլ արձագանքներ, տեղին չի լինի։

Միջազգային իրավունքի հարցերով փորձագետ Ահմադ Քազեմին «Fars» լրատվական գործակալությանը տված հարցազրույցում շեշտել է, որ Ալիևն արդեն մի քանի անգամ բացահայտորեն սպառնում է Հայաստանի տարածքային ամբողջականությանը, որին Երևանն արձագանքել է ԱԳՆ խոսնակի մակարդակով։ Իսկ «Mehr» լրատվական գործակալության կայքում հրապարակված հոդվածում ընդգծվել է, որ պատմության մեջ «Զանգեզուրի միջանցք» անունով անցակետ կամ միջանցք գոյություն չի ունեցել և դա պատմության խեղաթյուրում է։

Ըստ Ոսկանյանի` նման արձագանքներ հաճախ լինում են թե՛ իրանական փորձագիտական շրջանակների, թե՛ պաշտոնատար անձանց կողմից, ովքեր թեև ավելի դիվանագիտական ձևակերպմամբ, բայցևայնպես նույն միտքը հասցնում են մի քանի լսարանների, հետևաբար առաջին լսարանը թուրք–ադրբեջանական դաշինքն է, երկրորդ լսարանը` ներհայաստանյան դաշտը։

«Եթե նույնիսկ Հայաստանի ներսում լինեն որոշ խմբեր, որոնք կարող են գաղտնի կամ բացահայտ կերպով նման միջանցքի գաղափարին կողմ լինել, ապա իրանական կողմը հստակորեն դրան դեմ է։ Դա ունի մի քանի պատճառ, նախ` ենթադրվում է, որ միջանցքը պետք է լինի Մեղրիի հատվածով, այսինքն` իրանական սահմանին զուգահեռ, ինչը չի բխում Իրանի շահերից` հաշվի առնելով այն հանգամանքը, որ նման «միջանցքի» գոյությունը կարող է խաթարել Հայաստան–Իրան ուղղակի հաղորդակցությունը, այսինքն`ՀՀ սուվերեն տարածքի մի մասը կարող է դուրս լինել հայկական վերահսկողությունից»,– Sputnik Արմենիային ասաց իրանագետը։

Ոսկանյանի կարծիքով` իրանցիները շատ լավ պատկերացնում են, որ արցախյան վերջին պատերազմից հետո մեզ համար տխրահռչակ հետևանքները չեն բխում նաև Իրանի կենսական շահերից, որովհետև իրանցիներն իրենց հյուսիսում ստացել են մերձարաքսյան գոտու մի տարածք, որտեղ կա հսկայական թուրքական և իսրայելական ազդեցություն, կարող է ընդհանրապես լինել ՆԱՏՕ–ական ազդեցություն և որտեղ ահաբեկիչներն էին, հետևաբար նշված հարցերի առթիվ իրանցիների դիրքորոշումները շատ հստակ են։

«Ցավալի է, որ բանը հասել է Հայաստանի սուվերենությունը քննարկելուն, ինչն Իրանի համար կարմիր գիծ է, ինչի մասին հայտարարել է Իրանի արտգործնախարարը պատերազմի վերջին շրջանում, և գրեթե նույնանման հայտարարություն հնչել է Իրանի հոգևոր առաջնորդի շուրթերից, ինչը հարևան երկրում ամենաբարձր կարծիքն է, որ կարող է գոյություն ունենալ ընդհանրապես»,– նշեց իրանագետը։

Ոսկանյանի գնահատմամբ` «Fars» և «Mehr» լրատվական գործակալություններն անուղղակի կերպով ասոցացվում են Իրանի իսլամական հեղափոխության պահապանների կորպուսի տեսակետների հետ, հետևաբար նշված լրատվամիջոցներում տեղ գտած փորձագիտական վերլուծությունն ըստ էության արտահայտում է Իրանի պետության և Իրանի ռազմական ուժի ամենանշանակալի հատվածի տեսակետները։ Ըստ փորձագետի` հրապարակումներում շեշտվել է այն միտքը, որ վերոհիշյալ միջանցքին առնչվող ծրագրի տապալման գործում կարող է էական դեր խաղալ Ռուսաստան–Իրան–Չինաստան համագործակցությունը, քանզի այդ երկրները բնականաբար դեմ են այդ պանթուրքիստական ծրագրի իրականացմանը։

167
թեգերը:
Ադրբեջան, Զանգեզուր, Իրանի Իսլամական Հանրապետություն, Վարդան Ոսկանյան, Հայաստան
Ըստ թեմայի
Որպեսզի Բաքուն երազանքների գիրկը չընկնի, պետք է ուշադիր լսի նախագահ Պուտինի ուղերձը. Եվսեև
ՀՀ–ն ամեն ինչ կանի Արցախի տարածքները վերադարձնելու համար. Արմեն Գրիգորյանի հարցազրույցը
«Զանգեզուրով` Ադրբեջանի պատմական տարածքով» անցնող միջանցք չկա. ԱԳՆ-ն պատասխանել է Ալիևին
Վահագն Հովակիմյան

Արտահերթ ընտրություններն անցկացվելու են այս պահին գործող օրենքով. Հովակիմյան

32
ԱԺ «Իմ քայլը» խմբակցության պատգամավոր Վահագն Հովակիմյանը Sputnik Արմենիայի եթերում անդրադարձել է Ընտրական օրենսգրքի փոփոխություններին` նշելով, թե ինչն է կիրառվելու արդեն հունիսի 20-ին նախանշված ընտրությունների ժամանակ։
«Արտահերթ ընտրությունները անցկացվելու են այս պահին գործող օրենքով». Հովակիմյան

Վահագն Հովակիմյանի փոխանցմամբ` դեռ նախագիծն ԱԺ ամբիոնից ներկայացնելիս ինքն ասել էր, որ հունիսի 20-ի արտահերթ խորհրդարանական ընտրություններն անցկացվելու են բացառապես այս պահին գործող օրենքով։ 

«Մեր նախագծով առաջարկվող փոփոխություններից որևէ մեկն ուժի մեջ չի մտնելու մինչև ԱԺ ընտրությունների մեկնարկը կամ դրանից ժամանակ։ ՏԻՄ մասով կարգավորումներն ուժի մեջ կմտնեն պաշտոնական հրապարակումից հետո` 30-րդ օրը, իսկ խորհրդարանական ընտրություններին վերաբերող փոփոխությունների մի մասը ուժի մեջ է մտնելու 2022 թվականի հունվարի 1-ից, իսկ մյուս մասն ավելի ուշ ժամկետում»,– նշեց ԱԺ «Իմ քայլը» խմբակցության պատգամավորը։

Անդրադառնալով ռեյտինգային ընտրակարգի հետ կապված փոփոխությանը` Հովակիմյանն ընդգծեց, որ տարածքային ցուցակները հանելու փոփոխությունն ուժի մեջ է մտնել դեռ ապրիլի 27-ից, այսինքն` գալիք արտահերթ խորհրդարանական ընտրությունները կայանալու են միայն պարզ համամասնական ընտրակարգով, իսկ մնացած բոլոր փոփոխությունները, որոնք առաջարկվում են մեծ փաթեթով, ուժի մեջ կմտնեն հունվարի 1-ից։ 

Պատգամավորի խոսքով`  կոնկրետ դաշինքների ու կուսակցությունների համար նախատեսված ընտրական շեմի, կոալիցիա ձևավորելու, մանդատների բաշխման հետ կապված փոփոխություններն ուժի մեջ են մտնելու հաջորդ Ազգային ժողովի, այսինքն` 8-րդ գումարման խորհրդարանի ընտրությունների նշանակման պահից։       

Հիշեցնենք՝ ապրիլի 25-ին Նիկոլ Փաշինյանը հայտարարեց իր հրաժարականի մասին։ Ըստ Սահմանադրության՝ ԱԺ-ն երկու անգամ պետք է վարչապետ չընտրի, ինչից հետո խորհրդարանը կլուծարվի։

Հունիսի 20-ին նախատեսվում է արտահերթ խորհրդարանական ընտրություններ անցկացնել։

Ընտրությունների նոուհաուն. կարճաժամկետ աշխատատեղեր կբացվեն՝ քվեների դիմաց. «Հրապարակ»

 ԱԺ-ն արտահերթ նիստում ընդունեց «ՀՀ ընտրական օրենսգիրք սահմանադրական օրենքում փոփոխություններ և լրացումներ կատարելու մասին» օրենքի նախագիծը։ Ընդդիմադիր խմբակցությունները չմասնակցեցին քվեարկությանը։

Հիշեցնենք, որ 2021-ի մարտի 18–ին ՀՀ վարչապետ Նիկոլ Փաշինյանը հայտարարեց, որ համաձայնության է եկել «Բարգավաճ Հայաստան» և «Լուսավոր Հայաստան» կուսակցությունների հետ հունիսի 20-ին արտահերթ խորհրդարանական ընտրությունների անցկացման վերաբերյալ։

Մասնակցելո՞ւ եք ընտրություններին և ինչո՞ւ. հարցախույզ Երևանում

Դրանից հետո իշխող ուժը հայտարարեց, որ ցանկանում է խորհրդարանական արտահերթ ընտրություններն անցկացնել նոր ընտրական օրենսգրքով` համամասնական ընտրակարգով։

Նախագիծն ուղարկվեց  Վենետիկի հանձնաժողով, որն դրական եզրակացություն տվեց օրենքի նախագծին։։

32
թեգերը:
Ընտրական օրենսգիրք, Օրենք, Ազգային ժողովի ընտրություններ, Հայաստան
Հոգևորականը Դադիվանքի տարածքում. արխիվային լուսանկար

Ամեն ինչ նոր է սկսվում. ի՞նչ է սպասվում արցախյան հիմնահարցի կարգավորման գործընթացում

77
(Թարմացված է 23:05 06.05.2021)
«Իրականում» հաղորդման հեղինակ Արման Վանեսքեհյանն Արցախի կարգավիճակի հետ կապված մի շարք խնդիրներ է առաջ քաշում: Հեղինակը պնդում է, որ արտաքին աշխարհը լրջագույն ջանքեր է գործադրում, որպեսզի գործընթացը ոչ թե Ռուսաստանը ղեկավարի, այլ նատոյական Թուրքիան:
Ամեն ինչ նոր է սկսվում. ի՞նչ է սպասվում արցախյան հիմնահարցի կարգավորման գործընթացում

Իրականում, ինչպես և արդեն բազմիցս նշվել է, Արցախի կարգավիճակի հետ կապված հիմնական քննարկումները, բանակցություններն ու կարևոր որոշումները դեռ նոր են սկսվում:

Sputnik Արմենիայի մեկնաբանը հաղորդման նախորդ թողարկման ժամանակ նշել էր, որ Ադրբեջանի նախագահ Ալիևն ակնհայտորեն ստում էր, երբ հայտարարում էր, թե Արցախի հարցը լուծվել է ռազմական ճանապարհով, մինչդեռ ամենևին էլ այդպես չէ։

Արցախի կարգավիճակը կարգավորելու ժամանակն է. Բաքուն սադրանքներով է պատասխանում

...Այդ պատերազմը ցույց տվեց, թե որքան անիրական է ենթադրել, որ Արցախի հայ բնակչությունը կարող է թուրք-ադրբեջանցիների հետ համերաշխ ապրել: Իսկ հինգ հազար զոհի արյունը նույնիսկ տասնամյակների ընթացքում չի կարող մոռացվել…

Շուշիի Մայր տաճարը պետք է մնա Հայ Առաքելական եկեղեցու պաշտամունքի վայր. Արա Այվազյան

Հաջորդիվ հեղինակը վերլուծում է, թե ինչպես է միջազգային հանրությունը տրամադրված արցախյան խնդրի կարգավորման գործընթացում։

77
թեգերը:
Ռուսաստան, բանակցություն, ՆԱՏՕ, Արցախ, Հայաստան
թեմա:
Իրականում / Օրացույց
Ըստ թեմայի
Հայաստանը հետախուզում է հայտարարել Արցախի պատերազմին մասնակցած 40 ահաբեկչի նկատմամբ
Նժդեհի արձանն իր տեղում է. Արցախի նախագահի խոսնակը հերքում է լուրը
Մարդասիրության օրինակելի դրսևորում. Արցախի ԱԳՆ–ն` ԵԽ պատգամավորների նախաձեռնության մասին
Արցախյան պատերազմի վերաբերյալ հարուցվել է 1580 քրեական գործ. դատախազություն
Анна Акопян во время военных курсов по приобретению военных навыков (август 2020). Карабах

Քննությունը կպարզի` ինչպես է Աննա Հակոբյանը հայտնվել հրամանատարական կետում

0
Քննչական կոմիտեն մերժել է հավելյալ տեղեկություն տրամադրել` պատճառաբանելով նախաքննության գաղտնիությունը։

ԵՐԵՎԱՆ, 7 մայիսի – Sputnik. ՀՀ վարչապետի պաշտոնակատար Նիկոլ Փաշինյանի կնոջ՝ Աննա Հակոբյանի` հրամանատարական կետում հայտնվելու հանգամանքները պարզելու համար քննչական կոմիտեում քննություն է տարվում։ Այս մասին հայտնել է քննչական կոմիտեն «Փաստինֆոյի» գրավոր հարցմանն ի պատասխան` մերժելով տեղեկատվության տրամադրումը` պատճառաբանելով նախաքննության գաղտնիությունը։

Աննա Հակոբյանը, պատերազմի օրերին գտնվել է Արցախի Հանրապետության պաշտպանության բանակի հրամանատարական կետում և այնտեղից հետևել ռազմական գործողություններին, երբեմն նաև միջամտել։ Հակոբյանի՝ հրամանատարական կետում գտնվելը պաշտոնապես հաստատել է նաև Նիկոլ Փաշինյանը՝ ասելով, թե իր ընտանիքի անդամը բարոյահոգեբանական աջակցություն էր ցուցաբերում հրամանատարությանը։

 

0