Փայլակ Թադևոսյան

Ինչու է հարկային նոր գործիք ներդրվում, եթե դրա արդյունքը նվազագույն է կամ չնչին. Թադևոսյան

55
(Թարմացված է 23:42 26.04.2021)
«Հարկ վճարողների պաշտպանություն» ՀԿ ղեկավար Փայլակ Թադևոսյանը Sputnik Արմենիայի եթերում անդրադարձել է ՊԵԿ–ի կողմից մշակված «ՀՀ հարկային օրենքներում փոփոխություններ և լրացումներ կատարելու մասին» ՀՀ օրենքի նախագծի որոշ դրույթներին։
Թադևոսյան. «Ինչո՞ւ է հարկային նոր գործիք ներդրվում, եթե դրա արդյունքը նվազագույն է կամ չնչին»

Խոսելով բոլոր ոլորտներում շրջանառության հարկի վերացման և ընդհանուր հարկման դաշտ անցնելու հետ մեկտեղ հարկային համակարգում ԱԱՀ տարբերակված հարկային դրույթներ կիրառելու մասին` Փայլակ Թադևոսյանն ընդգծեց, որ մենք ընդհանրապես խնդիր ունենք, քանի որ արտոնյալ ռեժիմները մի կողմից լավ են նրանց համար, ովքեր զբաղվում են արտադրությամբ, սակայն մյուս կողմից էլ արտոնյալ ռեժիմները բերել են նրան, որ ծառայությունների ոլորտում կա մի մեծ խումբ, որը տեղավորվել է միկրոձեռնակատիրության ռեժիմի ներքո։

«Նախկինում նորմալ կերպով հարկ էին վճարում, հիմա այդ մարդիկ տեղավորվել են օրենքով ընձեռված հնարավորությունների շրջանակում միկրոձեռնարկատիրության տակ, հետևաբար ստացվում է այնպես, որ հարկ վճարողների մի մեծ խումբ ըստ էության հարկ չի վճարելու, ինչը բնականաբար լավ չէ, որովհետև ցանկացած արտոնություն պետք է ունենա նպատակ, թիրախային կոնկրետ ոլորտներ, որոնք պետք է խրախուսել, ինչպես նաև ժամկետներ, որով պետությունն այդ ոլորտների համար ստեղծում է զարգացման նախադրյալներ»,– Sputnik Արմենիային ասաց «Հարկ վճարողների պաշտպանություն» ՀԿ ղեկավարը։

Թադևոսյանն անդրադարձավ նաև նախագծով առաջարկվող հարկային մարմնի գործիքակազմին «Թեմատիկ ուսումնասիրության» տեսակն ավելացնելու հարցին և նշեց, որ մինչ այժմ գոյություն ունեցող ուսումնասիրությունների տեսակներն ունեն կոնկրետ նպատակներ, և եթե ասում են, որ «Թեմատիկ ուսումնասիրությունը» նոր տեսակ է, ապա նկատի ունեն այն, որ դա վերաբերում է ՊԵԿ–ի վերլուծությունների արդյունքում անհամապատասխանությունների հետ կապված ուսումնասիրություններին։

Կենտրոնական բանկը միջամտեց, դրամը փոքր–ինչ արժևորվեց. իսկ ի՞նչ սպասել ապագայում

«Եթե, օրինակ, նախկինում ավելացված արժեքի վերադարձման հետ կապված իրականացվում էր ուսումնասիրություն, ապա դա ուներ կոնկրետ նպատակային ուղղվածություն։ Ուսումնասիրության այս տեսակն ավելանում է, և իրականում դա մեծ հաշվով թեմատիկ ստուգման նման մի բան է, որովհետև նախագծով առնվազն նախատեսվում է նաև այդ ուսումնասիրության շրջանակներում հարկային պարտավորություններ առաջադրել հարկ վճարողին, այսինքն` զուտ բովանդակային առումով ստուգման տեսակ է»,– նշեց «Հարկ վճարողների պաշտպանություն» ՀԿ ղեկավարը։

Թադևոսյանի կարծիքով` ցանկացած նոր գործիքի ներդրման պարագայում պետք է հաշվի առնել այն ռեսուրսները կամ հնարավորությունները, որոնք առկա են այդ պահին, ուստի հարց է առաջանում`ինչու է հարկային նոր գործիք ներդրվում, եթե դրա արդյունավետությունը կամ արդյունքը մեզ համար նվազագույն է կամ չնչին։

Տեղեկացնենք, որ ապրիլի 22-ին տեղի է ունեցել հանդիպում, որին մասնակցել են ՀՀ փոխվարչապետ Տիգրան Ավինյանին կից գործող ՓՄՁ զարգացման խորհրդում անդամ հանդիսացող մասնավոր հատվածի, Գործարարության աջակցման գրասենյակի և այլ շահագրգիռ կառույցների ներկայացուցիչներ։ Էկոնոմիկայի նախարար Վահան Քերոբյանի հանձնարարությամբ` Գործարարության աջակցման գրասենյակը հավաքագրել է հանդիպման ընթացքում վերհանված խնդիրներն ու առաջարկները, որոնք կներկայացվեն ՓՄՁ զարգացման խորհրդին`2021 թվականի մայիսին կայանալիք հերթական նիստի օրակարգում ներառելու նպատակով։

Հաղթահարել ենք վատագույնը, բայց դեռ չենք կարող խոսել ամբողջական վերականգնման մասին. Քթոյան

55
թեգերը:
Փայլակ Թադևոսյան, Հայաստան
Ըստ թեմայի
Թուրքիայից ներմուծվող ապրանքների արգելքը կերկարաձգվի. փոխվարչապետ
 «Թուրքիայի սահմանը բացելու դեպքում տնտեսական բումը լեգենդ է»․ Սարո Սարոյան
ՊՆ–ն Հայաստանի երկրորդ խոշոր հարկատուն է. ՀՀ հարկային մուտքերն աճել են 15 միլիարդով
Վարդան Այվազյան

Պետք է պարզել` ռազմական դրությամբ ընտրությունների չեղարկումն արդյո՞ք բեմականացում չէ

100
(Թարմացված է 17:46 14.05.2021)
Երևանի պետական համալսարանի իրավագիտության ֆակուլտետի սահմանադրական իրավունքի ամբիոնի վարիչ Վարդան Այվազյանը Sputnik Արմենիայի եթերում անդրադարձել է ռազմական դրության հաստատման և արտահերթ ընտրությունների չեղարկման դեպքում գործընթացի սահմանադրական կարգավորման հարցին։

 

Այվազյան. «Պետք է պարզել` արտակարգ դրությամբ ընտրությունների չեղարկումը արդյո՞ք բեմականացում չէ»

Վարդան Այվազյանի խոսքով` Սահմանադրությամբ արգելված չէ ռազմական դրության սահմանումը նույնիսկ այն դեպքում, երբ կառավարության անդամները ժամանակավոր պաշտոնակատարներ են, որովհետև ռազմական դրությունը նույն արտակարգ իրավիճակն է, նույն պայմաններն են, որոնք կախված չեն պետական իշխանություններից կամ ժողովրդից, և ռազմական դրությունն, ըստ էության, ֆորսմաժորային իրավիճակ է։

 

«Ուղղակի անհրաժեշտ է այլ տեսակետից քննարկել խնդիրը, թե արդյո՞ք գործող իշխանությունն այս դրսևորումներն արհեստական կերպով չի բեմականացնում որպես թատերական ներկայացում, որպեսզի հիմք ստեղծի ռազմական դրություն հայտարարելու և ընտրությունները չեղարկելու, անորոշ ժամանակով հետաձգելու համար։ Ավելի ճիշտ կլինի խնդրին նայել այս տեսանկյունից, քան իրավականության դիրքից, իսկ ռազմական դրության սահմանման համար առհասարակ որևէ ակտով սահմանափակում չկա»,– նշեց իրավագետը։

Այվազյանի փոխանցմամբ` ռազմական դրություն հայտարարում է կառավարությունը, իսկ հետո իրավունքի ուժով Ազգային ժողովն անհապաղ 24 ժամվա ընթացքում հրավիրում է արտահերթ նիստ, որտեղ կա՛մ հաստատում, կա՛մ վերացնում է ռազմական դրության ռեժիմը։

Ըստ նրա`թեև ԱԺ–ն լուծարված է, այդուհանդերձ, շարունակում է կատարել իր պարտականությունները մինչև նորընտիր Ազգային ժողովի անդրանիկ նստաշրջանի առաջին նիստի օրը։ 

Իրավագետի պնդմամբ` ԱԺ կարգավիճակը հետ բերելու խնդիր չի լինի, ռազմական դրության ժամանակահատվածում էլ շարունակելու են մնալ պաշտոնակատար և անորոշ ժամանակով պաշտոնավարելու են մինչև ռազմական դրության վերացումը, որից հետո էլ միայն 60 օր անց թույլատրվում է անցկացնել ընտրություններ։    

Նշենք, որ Ազգային ժողովի «Բարգավաճ Հայաստան» խմբակցության պատգամավոր Նաիրա Զոհրաբյանը չի բացառել, որ հայտարարվի ռազմական դրություն, Ազգային ժողովի արտահերթ ընտրությունը չեղարկվի։

Նշենք, որ ԱԺ արտահերթ ընտրությունը նախատեսված է հունիսի 20-ին։

Արա Այվազյանը ՀԱՊԿ գլխավոր քարտուղարի հետ քննարկել է ստեղծված իրավիճակը

100
թեգերը:
ԱԺ, Ընտրություններ, ռազմական դրություն, Արտակարգ դրություն
Ըստ թեմայի
Սյունիքի հարցով Արմեն Գրիգորյանը խոսել է Նիկոլայ Պատրուշևի հետ
Ի՞նչ է կատարվում Սյունիքի մարզի Վերիշեն գյուղում
Սյունիքում վառոդի հոտ է ընկել. Կոտենոկն ու Արզանովը` սահմանին տիրող իրավիճակի մասին
Փաշինյանը Սյունիքի հարցով զանգել է Պուտինին
Ստեփան Դանիելյան

Սյունիքի սահմանին առկա լարվածությունը մեծ կծիկի մի կետն է միայն. քաղաքագետ

133
(Թարմացված է 20:19 14.05.2021)
Քաղաքագետ Ստեփան Դանիելյանը Sputnik Արմենիայի եթերում անդրադարձել է Սյունիքի մարզի սահմանային գոտում առաջացած լարվածությանն ու ադրբեջանական սադրանքի դրդապատճառներին։
Դանիելյան. «Ադրբեջանցիները հաշվել են Նիկոլ Փաշինյանի ատամները»

Ստեփան Դանիելյանի դիտարկմամբ` գնահատականները կարող են լինել տարբեր հարթություններում և հիմնվել տարաբնույթ ենթադրությունների վրա, մինչդեռ իրական պատկերը ստվերում է, քանզի հայտնի չէ, թե ինչ կոմբինացիաներ են կիրառվում։ Ըստ նրա` չի բացառվում, որ լարվածությունը պայմանավորված լինի Թուրքիայի վարքագծով, որն ուզում է Ռուսաստանին ներքաշել ինչ–որ գործընթացների մեջ։ 

«Հնարավոր է, որ բանակցություններ են ընթացել ճանապարհների ապաշրջափակման վերաբերյալ, և դա շանտաժ է, հնարավոր է, որ Բաքվում խնդիրներ են առաջացել Լավրովի այցից հետո, որովհետև վերջինս հայտարարեց Արցախի վիճահարույց տարածքների հարցում ճշգրտումներ կատարելու մասին։ Բայց բոլոր առումներով սա մեծ կծիկի մի կետն է միայն, որը կարող է առնչվել և՛ Ռուսաստանին, և՛ Իրանին, նույնիսկ կապ ունենալ Մերձավոր Արևելքում տեղի ունեցող գործընթացների հետ»,– նշեց քաղաքագետը։

Դանիելյանի կարծիքով` հնարավոր է նաև, որ ադրբեջանական կողմը նման քայլերի դիմելով` ձգտում է առավելագույն չափով տարածքներ վերցնել իր վերահսկողության տակ։ Քաղաքագետը հիշեցրեց արցախյան պատերազմի օրերին ՌԴ նախագահի հայտարարությունը, որ իրենք պաշտպանում են զուտ Հայաստանի անվտանգությունն ու սահմանները, հետևաբար եթե ՀԱՊԿ–ն չկարողանա արձագանքել այս իրավիճակին, ապա դա կհարվածի կառույցի հեղինակությանը։

Քաղաքագետն անդրադառնալով ՀՀ իշխանությունների գործելակերպին, հակընդդեմ քայլերին՝ տարակուսեց, թե քանի շենքի վրա է տարածվում պետության սուվերենությունը և կասկած հայտնեց, թե գործող կառավարությունը հայ–ադրբեջանական հարաբերությունների ու սահմանային լարվածության առթիվ արդյոք վարում է որևէ քաղաքականություն, ունի՞ արդյոք կամք և ուժ՝ որևե հարց լուծելու համար։ Նրա համոզմամբ` պատերազմը ցույց տվեց, որ մենք, ի դեմս ՀՀ կառավարության, գործ ունենք ոչ ադեկվատ մարդկանց հետ, և ադրբեջանցիներն իրենց հերթին «արդեն հաշվել են Նիկոլ Փաշինյանի ատամները»։ 

Հիշեցնենք` ՀՀ ՊՆ մամուլի ծառայությունը հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

Գուցե հայկական կողմը չի՞ ուզել «իր ունեցած բոլոր փամփուշտները կրակել». Էդմոն Մարուքյան

Նույն օրը ՀՀ վարչապետի պաշտոնակատար Նիկոլ Փաշինյանն Անվտանգության խորհրդի նիստում հայտարարեց, որ սա Ադրբեջանի կողմից դիվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

ԱԽ նիստ կայացավ նաև մայիսի 13-ին։ Փաշինյանը հայտարարեց, որ հանձնարարել է ՀԱՊԿ պայմանագրով նախատեսված խորհրդակցություններ սկսել։

133
թեգերը:
Ստեփան Դանիելյան, Սահման, Սյունիք
թեմա:
Սահմանային խախտումներ. իրադրությունը Սյունիքում և Գեղարքունիքում
Давид Арутюнян

Կան մոտեցումներ, որոնք տարբերվում են. Հարությունյանը` Քոչարյանի հետ դաշինք կազմելու մասին

0
(Թարմացված է 14:28 15.05.2021)
Դավիթ Հարությունյանը վստահեցնում է, որ համագործակցում են Ռոբերտ Քոչարյանի հետ, քանի որ իրենց նպատակը նույնն է։ Նա չբացառեց նաև ՀԱԿ–ի հետ դաշինք կազմելը։

ԵՐԵՎԱՆ, 15 մայիսի- Sputnik. «Պատիվ ունեմ» դաշինքը չմիավորվեց ՀՀ երկրորդ նախագահ Ռոբերտ Քոչարյանի հետ, քանի որ կան որոշակի մոտեցումներ, որոնք տարբերվում են։ Այս մասին հայտնեց «Պատիվ ունեմ» նախընտրական շտաբի ներկայացուցիչ, արդարադատության նախկին նախարար Դավիթ Հարությունյանը` պատասխանելով հարցին, թե ինչո՞ւ դաշինք չկազմեցին Քոչարյանի հետ։

Նշենք, որ ՀՀԿ–ն և «Հայրենիք» կուսակցությունն այսօր դաշինք կազմավորելու մասին հուշագիր ստորագրեցին։ Նրանք ընտրություններին կմասնակցեն «Պատիվ ունեմ» դաշինքով:

«Մեր նպատակները նույնն են` ունենալ անվտանգ և զարգացող Հայաստան, հեռացնել գործող իշխանություններին։ Սակայն կան մոտեցումներ էլ, որ տարբեր են, բայց սա չի նշանակում, որ մենք չենք համագործակցում։ Մենք համագործակցում ենք, սակայն ընտրողներին նաև այլընտրանք են առաջարկել»,–ասաց Հարությունյանը։

Հարությունյանը հավելեց` այն, որ ընդդիմադիր ուժերը տարբեր ճակատներով են պայքարի գնում, ամենևին էլ չի նշանակում ուժերի փոշիացում։ Ավելին, իրենք կարծում են, որ այդպես ավելի ճիշտ և արդյունավետ է։

Մեկ այլ հարցի, թե հնարավո՞ր է, որ ՀԱԿ–ն էլ միանա իրենց դաշինքին` Հարությունյանը նշեց, որ ոչինչ չի բացառում և միայն իշխանության կողմից ստեղծված կեղծ ընդդիմադիր ուժերի հետ համագործակցությունն են բացառում։

Հիշեցնենք, որ հունիսի 20-ին Հայաստանում նախատեսված են արտահերթ խորհրդարանական ընտրություններ։

Վանեցյանը ժամանակին գիտակցեց շնագայլերի էությունը. Սերժ Սարգսյանը` դաշինք կազմելու մասին

0
թեգերը:
«Հայրենիք» կուսակցություն, Հայաստանի Հանրապետական կուսակցություն (ՀՀԿ), «Պատիվ ունեմ» դաշինք, Ռոբերտ Քոչարյան, Դավիթ Հարությունյան