Սերոբ Խաչատրյան

ԵՊՀ-ն այս պահին շատ ավելի վատ վիճակում է, քան մինչև հեղափոխությունը. Սերոբ Խաչատրյան

65
Կրթության փորձագետ Սերոբ Խաչատրյանը Sputnik Արմենիայի եթերում անդրադարձել է ԵՊՀ հոգաբարձուների խորհրդի 15 անդամների` խորհրդի կազմից դուրս գալու որոշմանը,  ԵՊՀ գիտխորհրդի և մայր բուհի շուրջ ստեղծված թնջուկին։
ԵՊՀ ռեկտորի պաշտոնի վրա աչք կար. Սերոբյանը` մայր բուհի շուրջ ձգվող կոնֆլիկտի մասին

15 անդամների դուրս գալն անհնարին դարձրեց ԵՊՀ հոգաբարձուների խորհրդի գործունեությունը. ներկայումս գործ ունենք բավականին սուր կոնֆլիկտի հետ, որի մի թևում ԿԳՄՍ նախարարությունն է, մյուսում` ԵՊՀ գիտխորհուրդը։ Sputnik Արմենիայի հետ զրույցում նման կարծիք հայտնեց կրթության փորձագետ Սերոբ Խաչատրյանը` մեկնաբանելով ԵՊՀ-ում ստեղծված իրավիճակը։

«Այս ամենի պատճառն այն է, որ 2018 թվականի հեղափոխությունից հետո բավական քաղաքականացված հարձակում եղավ ԵՊՀ-ի վրա. պահանջեցին Արամ Սիմոնյանի անհապաղ հրաժարականը, և որևէ տրամաբանության մեջ չի տեղավորվում այն թեզը, թե ինչու, օրինակ, միայն Արամ Սիմոնյանի, արդյո՞ք Հայաստանի կրթության ոլորտում չկային «նախկինների» այլ ներկայացուցիչներ»,- ասաց նա։

Փորձագետի կարծիքով` նախկին ռեկտորի նկատմամբ որոշակի անձնական ամբիցիաներ կային, կարճ ասած` իշխանությունը այդ պաշտոնի վրա աչք ուներ։ Ասում է` ԵՊՀ-ն այս պահին շատ ավելի վատ վիճակում է, քան մինչև հեղափոխությունը։

«Ցանկություն կար ռեկտորի պաշտոնը զբաղեցնել, բայց հետո ինչ-ինչ հանգամանքներով ձգվեց, գուցե թեկնածուները չէին համապատասխանում, այնուհետև իշխանության ներսում էլ տարաձայնություններ առաջացան, և այդպես ձգվեց, և ունեցանք այս իրավիճակը»,- նշեց նա։

Սերոբյանը տեղի ունեցածն անթույլատրելի է համարում։ Սխալ կառավարման ու անհարկի միջամտությունների հետևանքով բուհը 3 տարի ցնցումների մեջ է, իսկ պառակտումը գիտխորհրդի ներսում էլ ավելի խորացրեց կոնֆլիկտը։

«Կոնֆլիկտը շատ սուր է, շատ։ Ակնհայտ է, որ ԵՊՀ կառավարումը բարդ աշխատանք է, և հիմա այդ բարդ աշխատանքին այս լարվածությունն էլ ավելացնելը ոչ ոքի համար ձեռնտու չէ»,- հավելեց Խաչատրյանը։ 

Փարձագետը չի բացառում, որ բուհի ռեկտորի ընտրության ժամանակ որոշակի ցնցումներ լինեն։

ԵՊՀ ռեկտորի ժամանակավոր պաշտոնակատար Գեղամ Գևորգյանը հրաժարվել է պաշտոնից

Նշենք, որ ապրիլի 23-ին ԵՊՀ ԳԽ-ն Հոգաբարձուների խորհրդի 15 անդամների` խորհրդից դուրս գալու որոշը դատապարող հայտարարություն տարածեց։ Հայտարարության մեջ նշվում է, որ  նրանք ընդամենը մի քանի ամիս առաջ էին նշանակվել կառավարության և լիազոր մարմնի կողմից և իրենց որոշմամբ բացահայտ արհամարհական և անհարգալից վերաբերմունք են ցուցաբերել Մայր բուհի նկատմամբ՝ ըստ ամենայնի ղեկավարվելով մեկ կենտրոնից: 

65
թեգերը:
Սերոբ Խաչատրյան, Երևանի պետական համալսարան (ԵՊՀ)
Ըստ թեմայի
Երկու տարի է` ԵՊՀ–ն ռեկտոր չունի. Վահրամ Դումանյանը հայտնեց, թե երբ ընտրություն կանցկացնեն
ԳԱԱ–ն և ԵՊՀ–ն կոչ են անում նախագահին չստորագրել կրթության մասին «հակասահմանադրական» օրենքը
Պարզ ստախոսություն. Էմին–Տերյանը` ԵՊՀ հոգաբարձուների խորհրդի անդամների գործելաոճի մասին
Նիկոլ Փաշինյան, Արցախ

ՀՀ դիվանագիտությունը պատրաստ չէ երկխոսության. Արցախի կարգավիճակի հարցն անորոշ է

60
(Թարմացված է 17:52 11.05.2021)
«Իրականում» հաղորդաշարի հեղինակ Արման Վանեսքեհյանն անդրադարձել է Արցախի կարգավիճակի բանակցային գործընթացին։ Ծրագրի հեղինակի ու քաղաքագետների կարծիքով` ՀՀ ղեկավարությունը պատրաստ չէ և խուսափում է Արցախի կարգավիճակի համար կռիվ տալ։
«Իրականում». Արցախի կարգավիճակով զբաղվելու ժամանակն է, իսկ Հայաստանի իշխանությունները պատրաստ չեն

Իրականում Հայաստանի ներքաղաքական հարթակներում ընթացող եռուզեռի պատճառով արցախյան հիմնահարցը հանրության ուշադրությունից դուրս է մղվել:

Արցախի կարգավիճակը կարգավորելու ժամանակն է. Բաքուն սադրանքներով է պատասխանում

Մարդիկ մտահոգ են ապագա ընտրություններով, վիճում են, բանավիճում, թե ով ում է ձայն տալու, որ քաղաքական գործչին կամ կուսակցությանը: Ու ամենակարևորը` արցախյան բանակցային գործընթացը, և դրա հետ փոխկապակցված Հայաստանի ապագան կարծես թե երկրորդ պլան են մղվում։

Արցախի ԱԺ նախագահը պատասխանել է Սահիդովի` «Ստեփանակերտն անցնելու է Ադրբեջանին» գրառմանը

60
թեգերը:
կարգավիճակ, Դիվանագետ, Հայաստան, Արցախ
թեմա:
Իրականում / Օրացույց
Ըստ թեմայի
Արցախի նախագահականում քննարկվել է բռնազավթված համայնքների իրավական կարգավիճակի հարցը
Արցախի խորհրդարանն առաջարկում է Ադրբեջանին անցած տարածքներին տալ «օկուպացվածի» կարգավիճակ
Նիկոլ Փաշինյանը Մոսկվայում խոսել է Արցախի կարգավիճակի մասին 
Արցախի կարգավիճակ, գերիների վերադարձ. էլ ինչ են քննարկել Հայաստանի և Արցախի ԱԳ նախարարները
Արա Քառյան

«Ազգային արժույթի փոխարժեքն արհեստականորեն պահելն իմաստ չունի». Քառյանը` ասիմետրիայի մասին

54
«Լոգիկա» գործարար, ֆինանսական և տնտեսական անկախ հետազոտությունների կենտրոն» ՀԿ-ի նախագահ Արա Քառյանը Sputnik Արմենիայի եթերում անդրադարձել է ազգային արժույթի տատանումների խնդրին։
Քառյան. «Ազգային արժույթի կուրսն արհեստականորեն պահելն իմաստ չունի, կընկնենք ասիմետրիայի մեջ»

Արա Քառյանի դիտարկմամբ` ՀՀ կենտրոնական բանկը վաղուց է որդեգրել դրամի լողացող փոխարժեքի քաղաքականությունը, իսկ թե կհաջողվի փոխարժեքը կայուն պահել, թե ոչ, կախված է բազմաթիվ գործոններից։

«Կարծում եմ, որ ազգային արժույթի տատանվող փոխարժեքը կլինի կառավարելի միջակայքում։ Մենք այս դժվար ժամանակահատվածում, պայմանավորված կորոնավիրուսով ու պատերազմով, իհարկե ունեցանք գնաճ և փոխարժեքի բարձրացում, բայցևայնպես դրանք տարբեր երևույթներ են, որովհետև փոխարժեքը համարժեք չէ գնաճին»,– Sputnik Արմենիայի հետ զրույցում ասաց տնտեսագետը։

Քառյանի գնահատմամբ`այն, ինչ աստիճանաբար իրականացրեց ԿԲ–ն, իրատեսական էր, սակայն արհեստականորեն դրամի փոխարժեքը պահելն էլ իմաստ չունի, այլապես նորից կընկնենք ասիմետրիայի մեջ, որը բոլոր դեպքերում խախտում է համամասնությունները, և քանի որ մենք ներկրող երկիր ենք, ուստի տնտեսագետի համոզմամբ` արտահանողներին խթանելու համար պետք չէ թույլ տալ որևէ ասիմետրիա։

Հիշեցնենք, որ վերջին 4-5 տարիներին՝ մինչև 2020 թ-ի ճգնաժամային իրադարձությունները, Հայաստանում դոլարի փոխարժեքը հիմնականում է կազմում էր 480-485 դրամ։ 2020 թ-ի նոյեմբերին այն աճեց մինչև 520 դրամ և կայունացավ, բայց ապրիլի սկզբին ավելացավ մինչև 530 դրամ և ավելի։ ԿԲ ինտերվենցիայից հետո հայկական դրամի փոխարժեքը նվազեց մինչև 520 դրամ:

Հավելենք, որ դրամի կտրուկ անկումը զսպելու համար Հայաստանի ԿԲ–ն արժույթ է «ներարկել» շուկա, այլ կերպ ասած՝ ինտերվենցիա է կատարել։ ԿԲ-ն արդեն հնարավորություն է տվել առևտրային բանկերին շահավետ պայմաններով համալրելու արժույթի պաշարները։

54
թեգերը:
տնտեսագետ, դոլար, դրամ, Հայաստան
Ըստ թեմայի
Կառավարությունը փորձում է փրկել «Հրազդանցեմենտը», ԱԺ–ն առաջարկում է չխանգարել մյուսներին
Ինչով է պայմանավորված սննադամթերքի գնաճը. պարզաբանում է տնտեսագետը
Հայաստանի բանկերը պետք է հավելյալ հարկ վճարեն հակաճգնաժամային վարկերի համար. տնտեսագետ
Վրաստանի վարչապետը ժամանեց Հայաստան

Վրաստանի վարչապետը ժամանեց Հայաստան

0
(Թարմացված է 14:52 12.05.2021)
Վրաստանի վարչապետ Իրակլի Ղարիբաշվիլին մի շարք հանդիպումներ կունենա Հայաստանում։

ԵՐԵՎԱՆ, 12 մայիսի - Sputnik. Վրաստանի վարչապետ Իրակլի Ղարիբաշվիլին պաշտոնական այցով ժամանեց Հայաստան:

Премьер-министр Грузии Ираклий Гарибашвили прибыл в Армению с официальным визитом (12 мая 2021). Еревaн
© Sputnik / Asatur Yesayants
Վրաստանի վարչապետը ժամանեց Հայաստան

«Զվարթնոց» միջազգային օդանավակայանում վրացական պատվիրակությանը դիմավորեց Հայաստանի փոխվարչապետի պաշտոնակատար Տիգրան Ավինյանը:

Премьер-министр Грузии Ираклий Гарибашвили прибыл в Армению с официальным визитом (12 мая 2021). Еревaн
© Sputnik / Asatur Yesayants
Վրաստանի վարչապետը ժամանեց Հայաստան

Վրաստանի վարչապետ Իրակլի Ղարիբաշվիլին հայաստանյան այցի շրջանակում հանդիպումներ են նախատեսված ՀՀ վարչապետի պաշտոնակատար Նիկոլ Փաշինյանի, ՀՀ արտաքին գործերի նախարարի պաշտոնակատար Արա Այվազյանի հետ: Տեղեկությունը հայտնում է ՀՀ կառավարության մամուլի ծառայությունը։

Ծիծեռնակաբերդի հուշահամալիրում Վրաստանի վարչապետը հարգանքի տուրք կմատուցի Հայոց ցեղասպանության զոհերի հիշատակին:

Վարչապետի պաշտոնակատար Նիկոլ Փաշինյանի անունից ի պատիվ Վրաստանի վարչապետ Իրակլի Ղարիբաշվիլիի կտրվի պաշտոնական ընթրիք:

Ղարիբաշվիլին նախկինում Հայաստան է այցելել ինչպես Վրաստանի վարչապետի կարգավիճակով` 2014-ին և 2019-ին, այնպես էլ 2020–ին` որպես պաշտպանության նախարար:

0
թեգերը:
Իրակլի Ղարիբաշվիլի, Երևան, Հայաստան
Ըստ թեմայի
Այց համավարակի պայմաններում, կամ թե ինչպես դիմավորեցին Արմեն Սարգսյանին Վրաստանում
Ողջույնից մինչև հրաժեշտ․ Արմեն Սարգսյանի՝ Վրաստան կատարած այցի ֆոտոհաշվետվությունը
Արմեն Սարգսյանը շնորհակալական նամակ է հղել Վրաստանի նախագահ Սալոմե Զուրաբիշվիլիին