Արման Խոջոյան

Բեռլինում հայկական գինու պահեստ է բացվել. փոխնախարարը ներկայացնում է ծրագրի մանրամասները

205
ՀՀ էկոնոմիկայի փոխնախարար Արման Խոջոյանը Sputnik Արմենիայի հետ զրույցում նշել է, որ փորձնական նոր ծրագիրը կնպաստի հայկական գինու հանրահռչակմանը եվրոպական երկրներում և այն կդարձնի ավելի մատչելի ու մրցունակ։
Բեռլինում հայկական գինու պահեստ է բացվել. փոխնախարարը նոր ծրագրից մանրամասներ է հայտնել

Հայաստանը Բեռլինում բացել է հայկական գինիների պահեստ և գործարկել առցանց հարթակ, որի միջոցով հնարավոր կլինի իրականացնել ապրանքի վաճառքը ու դրանք առաքել ամբողջ Եվրոպայի տարածքում: ՀՀ էկոնոմիկայի փոխնախարար Արման Խոջոյանը Sputnik Արմենիայի հետ զրույցում ասաց, որ գինիների առաջին խմբաքանակը Գերմանիա կհասնի այս տարվա մայիսին։

«Բեռլինում մենք հավաքական պահեստ ենք վարձել, ստեղծել ենք առցանց հարթակ` GIZ-ի  (Գերմանական միջազգային համագործակցության կազմակերպության) հետ համատեղ, որի միջոցով հնարավոր կլինի մեկ գինիների առաքում իրականացնել ամբողջ Եվրոպայով»,- նշեց նա։

Փոխնախարարի խոսքով՝ թե՛ առցանց հարթակը, թե՛ պահեստը կառավարվելու է Հայաստանից, և հայ արտադրողները իրենց ապրանքն անձամբ վաճառելու հնարավորություն են ունենալու` ուղիղ կապ հաստատելով գնորդի հետ։

Փորձնական ծրագրի մասին տեղեկությունը հասանելի կլինի նաև Հայաստան այցելող զբոսաշրջիկների համար։ Փոխնախարարի դիտարկմամբ`շատերը Հայաստան են ժամանում առանց ուղեբեռի տոմսերով կամ սահմանափակ ուղեբեռ տեղափոխելու հնարավորությամբ: Բացի այդ, սահմանափակումներ են գործում ալկոհոլային խմիչքների արտահանման համար։ Հիմա արդեն գինու և ալկոհոլային խմիչքների գործարան այցելած զբոսաշրջիկներն առցանց հարթակի միջոցով կարող են իրենց դուր եկած խմիչքից պատվիրել ցանկացած քանակի: Համակարգը կարգավորում է նաև խմիչքների փոխադրման հետ կապված խնդիրները:

Առաջիկայում նույն ծրագրով հնարավոր կլինի նաև հայկական թարմ միրգ ու բանջարեղեն արտահանել, ինչը, ըստ փոխնախարարի, թույլ կտա նաև խուսափել մատակարարումների ձգձգումներից և կայուն մատակարարում ապահովել։

Հայկական կոնյակի դեմ մեծ աշխատանք է տարվում, իսկ գինին կարող է համաշխարհային բրենդ դառնալ

205
թեգերը:
Գինի, Գերմանիա, Հայաստան, Արման Խոջոյան
Ըստ թեմայի
Կենտրոնական բանկը միջամտեց, դրամը փոքր–ինչ արժևորվեց. իսկ ի՞նչ սպասել ապագայում
Տնտեսության վերականգնման հերթական ազդակն ենք ստացել. Փաշինյան
Պարտքն անցել է 63 %-ից, դեֆիցիտը`կրկնակի ավելացել. գործադիրը հաստատեց բյուջեի կատարողականը
Արա Քառյան

«Ազգային արժույթի փոխարժեքն արհեստականորեն պահելն իմաստ չունի». Քառյանը` ասիմետրիայի մասին

34
«Լոգիկա» գործարար, ֆինանսական և տնտեսական անկախ հետազոտությունների կենտրոն» ՀԿ-ի նախագահ Արա Քառյանը Sputnik Արմենիայի եթերում անդրադարձել է ազգային արժույթի տատանումների խնդրին։
Քառյան. «Ազգային արժույթի կուրսն արհեստականորեն պահելն իմաստ չունի, կընկնենք ասիմետրիայի մեջ»

Արա Քառյանի դիտարկմամբ` ՀՀ կենտրոնական բանկը վաղուց է որդեգրել դրամի լողացող փոխարժեքի քաղաքականությունը, իսկ թե կհաջողվի փոխարժեքը կայուն պահել, թե ոչ, կախված է բազմաթիվ գործոններից։

«Կարծում եմ, որ ազգային արժույթի տատանվող փոխարժեքը կլինի կառավարելի միջակայքում։ Մենք այս դժվար ժամանակահատվածում, պայմանավորված կորոնավիրուսով ու պատերազմով, իհարկե ունեցանք գնաճ և փոխարժեքի բարձրացում, բայցևայնպես դրանք տարբեր երևույթներ են, որովհետև փոխարժեքը համարժեք չէ գնաճին»,– Sputnik Արմենիայի հետ զրույցում ասաց տնտեսագետը։

Քառյանի գնահատմամբ`այն, ինչ աստիճանաբար իրականացրեց ԿԲ–ն, իրատեսական էր, սակայն արհեստականորեն դրամի փոխարժեքը պահելն էլ իմաստ չունի, այլապես նորից կընկնենք ասիմետրիայի մեջ, որը բոլոր դեպքերում խախտում է համամասնությունները, և քանի որ մենք ներկրող երկիր ենք, ուստի տնտեսագետի համոզմամբ` արտահանողներին խթանելու համար պետք չէ թույլ տալ որևէ ասիմետրիա։

Հիշեցնենք, որ վերջին 4-5 տարիներին՝ մինչև 2020 թ-ի ճգնաժամային իրադարձությունները, Հայաստանում դոլարի փոխարժեքը հիմնականում է կազմում էր 480-485 դրամ։ 2020 թ-ի նոյեմբերին այն աճեց մինչև 520 դրամ և կայունացավ, բայց ապրիլի սկզբին ավելացավ մինչև 530 դրամ և ավելի։ ԿԲ ինտերվենցիայից հետո հայկական դրամի փոխարժեքը նվազեց մինչև 520 դրամ:

Հավելենք, որ դրամի կտրուկ անկումը զսպելու համար Հայաստանի ԿԲ–ն արժույթ է «ներարկել» շուկա, այլ կերպ ասած՝ ինտերվենցիա է կատարել։ ԿԲ-ն արդեն հնարավորություն է տվել առևտրային բանկերին շահավետ պայմաններով համալրելու արժույթի պաշարները։

34
թեգերը:
տնտեսագետ, դոլար, դրամ, Հայաստան
Ըստ թեմայի
Կառավարությունը փորձում է փրկել «Հրազդանցեմենտը», ԱԺ–ն առաջարկում է չխանգարել մյուսներին
Ինչով է պայմանավորված սննադամթերքի գնաճը. պարզաբանում է տնտեսագետը
Հայաստանի բանկերը պետք է հավելյալ հարկ վճարեն հակաճգնաժամային վարկերի համար. տնտեսագետ
Ավետիք Իշխանյան

Եթե բանտերում քիչ մարդ կա, նշանակում է, որ հանցագործությունների դեմ պայքար չկա. Իշխանյան

22
(Թարմացված է 18:01 11.05.2021)
Իրավապաշտպան Ավետիք Իշխանյանը Sputnik Արմենիայի եթերում մեկնաբանել է ՀՀ վարչապետի պաշտոնակատար Նիկոլ Փաշինյանի` դատաիրավական համակարգի բարեփոխումների վերաբերյալ հնչեցրած գնահատականները։
«Իրավական համակարգը դե յուրե և դե ֆակտո գտնվում է վարչապետի հսկողության տակ է». Իշխանյան

Եթե բանտերում քիչ մարդ կա` նշանակում է, որ քրեական հանցագործությունների դեմ պայքար գոյություն չունի։ Sputnik Արմենիայի հետ զրույցում ասաց Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանը։

«Այստեղ խաբկանք կա. չեն բացահայտում քրեական հանցագործությունները, և դա է պատճառը, որ բանտերը ծանրաբեռնված չեն»,- ասաց նա։

Ավելին, Իշխանյանը կարծում է, որ վերջերս սահմանադրական կարգի տապալման վերաբերյալ ՍԴ կայացրած որոշումը համաձայնեցված է եղել օրվա իշխանությունների հետ, քանի որ իրավապաշտպանը քիչ հավանական է համարում դատավորների` իրենց մասնագիտությանը հարիր որոշում կայացնելու վարկածը։

«Եթե լիներ առաջին վարկածը, ապա համոզված եմ, որ վարչապետը և նրա թիմը կատաղած կհարձակվեին ՍԴ վրա և հատկապես նոր ընտրված անձինք հայհոյանքների կարժանային»,- նշեց Իշխանյանը։

Նրա խոսքով`3 տարվա ընթացքում իշխանությունը վարչապետի գլխավորությամբ ամեն ջանք գործադրեց դատական համակարգը իրեն ենթարկեցնելու և իշխանությանը ծառայեցնելու համար։

«Իրավական համակարգը դե յուրե և դե ֆակտո գտնվում է վարչապետի անձնական հսկողության տակ։ ԱԱԾ-ն, ոստիկանությունը, դատախազությունը գործում են վարչապետի պատվերով»,- հավելեց իրավապաշտպանը։

ԲԴԽ նախագահ Ռուբեն Վարդազարյանի դեմ քրեական գործն էլ, ըստ Իշխանյանի, հենց Փաշինյանի ցուցումով է հարուցվել։ Ասում է`եթե հլու-հնազանդ ծառայեր և կատարեր վարչապետի հրահանգները, ապա նրա դեմ ոչ թե քրեական գործ կհարուցվեր, այլ,  ամենայն հավանականությամբ, պարգևների կարժանանար։ 

«Ես որևէ կասկած չունեմ, որ դա արվել է վարչապետի ցուցումով, ինչպես ժամանակին Դավիթ Գրիգորյանի դեմ քրեական գործ հարուցվեց։ Դատավորների նկատմամբ կարգապահական վարույթի դիմումները, որոնք ներկայացրել է արդարադատության նախարարը, ևս եղել են վարչապետի ցուցումով»,- եզրափակեց Իշխանյանը։

Հայաստանում հանցավորության աճի համար բոլոր նախադրյալներն առկա են. նախկին փոխոստիկանապետ

Հիշեցնենք` երեկ ԱԺ-ում իր ելույթի ժամանակ ՀՀ վարչապետի պաշտոնակատար Նիկոլ Փաշինյանը նշեց, որ ըստ էության իրենց կառավարման տարիներին դատարանները դարձել են ավելի անկախ, իսկ ՔԿՀ-ում հերթով քնող դատապարտյալներ չկան։

22
թեգերը:
հանցագործություն, Բանտ, Ավետիք Իշխանյան
Ըստ թեմայի
Թալանել են «Վան» ակումբի ֆուտբոլիստներին
Նոր Նորքում սպանվածը 37 տարեկան էր, վիրավորը հարազատ եղբայրն է․ նոր մանրամասներ
«Երբևէ ինքդ քեզ փորձե՞լ ես հանցագործության մեջ մեղադրել». դատախազը` իր առանձնատան մասին
Շտապօգնության մեքենա. արխիվային լուսանկար

Շղթայական ավտովթար Վանաձորում. վարորդներից մեկը կին է

0
(Թարմացված է 21:44 11.05.2021)
Վթարի հետևանքով տուժածներ կան։ Նրանց տեղափոխել են Վանաձորի բժշկական կենտրոն։

ԵՐԵՎԱՆ, 11 մայիսի – Sputnik. Այսօր՝ մայիսի 11-ին, շղթայական ավտովթար է տեղի ունեցել Լոռու մարզում: Կան տուժածներ։ Տեղեկությունը հայտնում է shamshyan.com–ը։

«Ժամը 11:45-ի սահմաններում Վանաձոր քաղաքի Զորավար Անդրանիկի փողոցի  45 հասցեի դիմաց բախվել են Վանաձորի բնակիչներ, 25-ամյա Կարեն Գալստյանի վարած Opel Astra մակնիշի, 34-ամյա Անժելա Գրիգորյանի վարած Hyundai Sonata մակնիշի և 42-ամյա Դավիթ Ավետիքյանի վարած Audi մակնիշի  ավտոմեքենաները»,–գրում է կայքը:

Վթարի հետևանքով Կ. Գալստյանի ուղևոր, Վանաձորի բնակիչ, 67-ամյա Գյուլիզար Մուրադյանը և Դ. Ավետիքյանը մարմնական վնասվածքներով տեղափոխվել են  Վանաձորի բժշկական կենտրոն:

Վթարի է ենթարկվել Էջմիածին-Երևան երթուղու ավտոբուսը. վիրավորների մեջ երեխաներ կան

0