Արմեն Բաղդասարյան

Որ դեպքում ընտրությունները կարող են չեղարկվել, կամ Փաշինյանի սյունիքյան այցի արդյունքները

273
Քաղաքագետ Արմեն Բաղդասարյանը Sputnik Արմենիայի եթերում անդրադարձել է ՀՀ վարչապետ Նիկոլ Փաշինյանի Սյունիք կատարած այցին և դրան հաջորդած գործընթացներին։
Բաղդասարյան. «Ընտրություններից առաջ Փաշինյանը դեպի մարզեր կատարում է հետախուզական այցեր»

Արմեն Բաղդասարյանի դիտարկմամբ` տեղի ունեցածը պատահականություն չէ, պարզապես մարդկանց ակտիվությունը պետք է կապել ոչ միայն Փաշինյանի սյունիքյան այցի, այլև վերջին օրերին հնչած տեսակետների և Ալիևի հայտարարության հետ։ Ըստ այդմ` Փաշինյանի այցը Սյունիք նշված գործոններից մեկն էր։

«Փաշինյանը գիտեր, որ բնականաբար խնդիրներ են առաջանալու, բայց նա նպատակ ուներ ցույց տալ, թե իրականում որտեղ ցանկանա, կարող է գնալ: Հակառակ դեպքում, եթե մտածի, որ իրեն վատ են դիմավորելու և այդ պատճառով որևէ տեղ չգնա, ապա ընդհանրապես պետք է իր նստավայրից դուրս չգա։ Նույնիսկ նման հեռանկարն աչքի առջև ունենալու պարագայում, Փաշինյանը ստիպված է լինելու կատարել մարզային այցեր` նաև ուժայինների ուղեկցությամբ, որպեսզի բացահայտի իր դեմ բացասաբար տրամադրված օջախները»,– նշեց քաղաքագետը։ 

Բաղդասարյանի կարծիքով` ընտրություններից և քարոզարշավից առաջ կատարվում են հետախուզական այցեր, որպեսզի տեղերում պարզվի իրական վիճակն ու նախապես միջոցառումներ ձեռնարկվեն։ Ըստ նրա` տեղի ունեցածը կարելի է որակել որպես ռեպրեսիաներ, թեև բողոքի ակցիաների կազմակերպման համատեքստում վարչապետին ուղղված հայհոյանքները շատ տհաճ էին։

«Կարծում եմ` իշխանությունները նպատակ ունեն նաև վախեցնել մարդկանց, որպեսզի մյուս մարզերում նման բաներ տեղի չունենան, թեև հակված չեմ այն մտքին, որ դա կհաջողվի։ Սովորաբար հակառակն է լինում, այսինքն` որքան ճնշումներն ավելանում են, այնքան մեծանում է հակազդեցությունը, և ժողովրդի մի զգալի հատվածի ընդվզման ալիքը բռնությունների պարագայում ուժեղանում է»,– նշեց քաղաքագետը։

Բաղդասարյանի գնահատմամբ` սյունիքյան իրադարձություններից հետո կա հավանականություն, որ ընտրությունները կարող են չեղարկվել, թեև նման հակվածություն գոյություն կար անկախ վերջին զարգացումներից։ Փաշինյանն, ըստ քաղաքագետի, նման քայլի գնալու համար կարող է ցանկացած պատրվակ նշել, առավել ևս, եթե տեսնի, որ ընտրությունների միջոցով վերարտադրվելու հնարավորություն չունի։        

Հիշեցնենք` ՀՀ վարչապետ Նիկոլ Փաշինյանին երեկ` ապրիլի 21–ին, վիրավորական արտահայտություններով ու բողոքի ակցիաներով էին դիմավորել Ագարակում, Մեղրիում ու Կապանում: Իսկ Քաջարան մուտք գործել նրան ընդհանրապես չհաջողվեց, որովհետև բնակիչները փակել էին քաղաքի մուտքը, զոհերի հարազատները` գնացել գերեզման, որ երկրի ղեկավարը չկարողանա մտնել այնտեղ։

Ապրիլի 20-ի գիշերը վարչապետն այցելել էր Շուռնուխ համայնք, որտեղ նույնպես բնակիչները նրան ընդունել էին վրդովված և սառը։

«Տաքություն ունեի, մեռնում էի». Փաշինյանի այցից հետո շուռնուխցուն բերման են ենթարկել

«Ագարակում և Մեղրիում տեղի ունեցածը հայտնի շրջանակների կողմից կազմակերպված գործողություններ են և որևէ կապ չունեն բուն ագարակցիների ու մեղրեցիների հետ»,–ավելի ուշ Facebook-ում գրեց վարչապետի խոսնակ Մանե Գևորգյանը։

Նույնաբովանդակ մեկնաբանություն լրագրողների հետ զրույցում տվեց նաև ԱԺ «Իմ քայլը» խմբակցության անդամ Արման Եղոյանը։

273
թեգերը:
Ազգային ժողովի ընտրություններ, Հայաստան, Նիկոլ Փաշինյան, Սյունիք
Ըստ թեմայի
«Փաշինյանին քաղցր խոսք է ասել». Շուռնուխի գյուղապետի եղբորը բերման ենթարկելու մանրամասները
Ադրբեջանը հուսահատ փորձում է կրակոցների պատասխանատվությունը բարդել հայկական կողմի վրա. ՊՆ
Խուլիգանական արարքների պարագայում ռեպրեսիաների մասին խոսելը ծիծաղելի է. Մադոյան
Արա Քառյան

«Ազգային արժույթի փոխարժեքն արհեստականորեն պահելն իմաստ չունի». Քառյանը` ասիմետրիայի մասին

28
«Լոգիկա» գործարար, ֆինանսական և տնտեսական անկախ հետազոտությունների կենտրոն» ՀԿ-ի նախագահ Արա Քառյանը Sputnik Արմենիայի եթերում անդրադարձել է ազգային արժույթի տատանումների խնդրին։
Քառյան. «Ազգային արժույթի կուրսն արհեստականորեն պահելն իմաստ չունի, կընկնենք ասիմետրիայի մեջ»

Արա Քառյանի դիտարկմամբ` ՀՀ կենտրոնական բանկը վաղուց է որդեգրել դրամի լողացող փոխարժեքի քաղաքականությունը, իսկ թե կհաջողվի փոխարժեքը կայուն պահել, թե ոչ, կախված է բազմաթիվ գործոններից։

«Կարծում եմ, որ ազգային արժույթի տատանվող փոխարժեքը կլինի կառավարելի միջակայքում։ Մենք այս դժվար ժամանակահատվածում, պայմանավորված կորոնավիրուսով ու պատերազմով, իհարկե ունեցանք գնաճ և փոխարժեքի բարձրացում, բայցևայնպես դրանք տարբեր երևույթներ են, որովհետև փոխարժեքը համարժեք չէ գնաճին»,– Sputnik Արմենիայի հետ զրույցում ասաց տնտեսագետը։

Քառյանի գնահատմամբ`այն, ինչ աստիճանաբար իրականացրեց ԿԲ–ն, իրատեսական էր, սակայն արհեստականորեն դրամի փոխարժեքը պահելն էլ իմաստ չունի, այլապես նորից կընկնենք ասիմետրիայի մեջ, որը բոլոր դեպքերում խախտում է համամասնությունները, և քանի որ մենք ներկրող երկիր ենք, ուստի տնտեսագետի համոզմամբ` արտահանողներին խթանելու համար պետք չէ թույլ տալ որևէ ասիմետրիա։

Հիշեցնենք, որ վերջին 4-5 տարիներին՝ մինչև 2020 թ-ի ճգնաժամային իրադարձությունները, Հայաստանում դոլարի փոխարժեքը հիմնականում է կազմում էր 480-485 դրամ։ 2020 թ-ի նոյեմբերին այն աճեց մինչև 520 դրամ և կայունացավ, բայց ապրիլի սկզբին ավելացավ մինչև 530 դրամ և ավելի։ ԿԲ ինտերվենցիայից հետո հայկական դրամի փոխարժեքը նվազեց մինչև 520 դրամ:

Հավելենք, որ դրամի կտրուկ անկումը զսպելու համար Հայաստանի ԿԲ–ն արժույթ է «ներարկել» շուկա, այլ կերպ ասած՝ ինտերվենցիա է կատարել։ ԿԲ-ն արդեն հնարավորություն է տվել առևտրային բանկերին շահավետ պայմաններով համալրելու արժույթի պաշարները։

28
թեգերը:
տնտեսագետ, դոլար, դրամ, Հայաստան
Ըստ թեմայի
Կառավարությունը փորձում է փրկել «Հրազդանցեմենտը», ԱԺ–ն առաջարկում է չխանգարել մյուսներին
Ինչով է պայմանավորված սննադամթերքի գնաճը. պարզաբանում է տնտեսագետը
Հայաստանի բանկերը պետք է հավելյալ հարկ վճարեն հակաճգնաժամային վարկերի համար. տնտեսագետ
Ավետիք Իշխանյան

Եթե բանտերում քիչ մարդ կա, նշանակում է, որ հանցագործությունների դեմ պայքար չկա. Իշխանյան

22
(Թարմացված է 18:01 11.05.2021)
Իրավապաշտպան Ավետիք Իշխանյանը Sputnik Արմենիայի եթերում մեկնաբանել է ՀՀ վարչապետի պաշտոնակատար Նիկոլ Փաշինյանի` դատաիրավական համակարգի բարեփոխումների վերաբերյալ հնչեցրած գնահատականները։
«Իրավական համակարգը դե յուրե և դե ֆակտո գտնվում է վարչապետի հսկողության տակ է». Իշխանյան

Եթե բանտերում քիչ մարդ կա` նշանակում է, որ քրեական հանցագործությունների դեմ պայքար գոյություն չունի։ Sputnik Արմենիայի հետ զրույցում ասաց Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանը։

«Այստեղ խաբկանք կա. չեն բացահայտում քրեական հանցագործությունները, և դա է պատճառը, որ բանտերը ծանրաբեռնված չեն»,- ասաց նա։

Ավելին, Իշխանյանը կարծում է, որ վերջերս սահմանադրական կարգի տապալման վերաբերյալ ՍԴ կայացրած որոշումը համաձայնեցված է եղել օրվա իշխանությունների հետ, քանի որ իրավապաշտպանը քիչ հավանական է համարում դատավորների` իրենց մասնագիտությանը հարիր որոշում կայացնելու վարկածը։

«Եթե լիներ առաջին վարկածը, ապա համոզված եմ, որ վարչապետը և նրա թիմը կատաղած կհարձակվեին ՍԴ վրա և հատկապես նոր ընտրված անձինք հայհոյանքների կարժանային»,- նշեց Իշխանյանը։

Նրա խոսքով`3 տարվա ընթացքում իշխանությունը վարչապետի գլխավորությամբ ամեն ջանք գործադրեց դատական համակարգը իրեն ենթարկեցնելու և իշխանությանը ծառայեցնելու համար։

«Իրավական համակարգը դե յուրե և դե ֆակտո գտնվում է վարչապետի անձնական հսկողության տակ։ ԱԱԾ-ն, ոստիկանությունը, դատախազությունը գործում են վարչապետի պատվերով»,- հավելեց իրավապաշտպանը։

ԲԴԽ նախագահ Ռուբեն Վարդազարյանի դեմ քրեական գործն էլ, ըստ Իշխանյանի, հենց Փաշինյանի ցուցումով է հարուցվել։ Ասում է`եթե հլու-հնազանդ ծառայեր և կատարեր վարչապետի հրահանգները, ապա նրա դեմ ոչ թե քրեական գործ կհարուցվեր, այլ,  ամենայն հավանականությամբ, պարգևների կարժանանար։ 

«Ես որևէ կասկած չունեմ, որ դա արվել է վարչապետի ցուցումով, ինչպես ժամանակին Դավիթ Գրիգորյանի դեմ քրեական գործ հարուցվեց։ Դատավորների նկատմամբ կարգապահական վարույթի դիմումները, որոնք ներկայացրել է արդարադատության նախարարը, ևս եղել են վարչապետի ցուցումով»,- եզրափակեց Իշխանյանը։

Հայաստանում հանցավորության աճի համար բոլոր նախադրյալներն առկա են. նախկին փոխոստիկանապետ

Հիշեցնենք` երեկ ԱԺ-ում իր ելույթի ժամանակ ՀՀ վարչապետի պաշտոնակատար Նիկոլ Փաշինյանը նշեց, որ ըստ էության իրենց կառավարման տարիներին դատարանները դարձել են ավելի անկախ, իսկ ՔԿՀ-ում հերթով քնող դատապարտյալներ չկան։

22
թեգերը:
հանցագործություն, Բանտ, Ավետիք Իշխանյան
Ըստ թեմայի
Թալանել են «Վան» ակումբի ֆուտբոլիստներին
Նոր Նորքում սպանվածը 37 տարեկան էր, վիրավորը հարազատ եղբայրն է․ նոր մանրամասներ
«Երբևէ ինքդ քեզ փորձե՞լ ես հանցագործության մեջ մեղադրել». դատախազը` իր առանձնատան մասին

Կրակոցներ ու զոհեր՝ Կազանի թիվ 175 դպրոցում. լուսանկարներ

0
  • Փրկարարներն ու բուժաշխատողները Կազանի թիվ 175 դպրոցի մոտ
  • Կազանի թիվ 175 դպրոցը կրակոցներից հետո
  • Իրավապահներն աշխատում են Կազանի թիվ 175 դպրոցի մոտ
  • Իրավապահները Կազանի թիվ 175 դպրոցի մոտ
  • Հարազատները Կազանի թիվ 175 դպրոցի մոտ
  • Կինը գրկում է թիվ 175 դպրոցից կրակոցներից հետո դուրս եկած աշակերտուհուն
  • Հարազատները Կազանի թիվ 175 դպրոցի մոտ
  • Հարազատները Կազանի թիվ 175 դպրոցի մոտ
  • Հարազատները Կազանի թիվ 175 դպրոցի մոտ
  • Տղամարդը ծաղիկներ է դնում Կազանի թիվ 175 դպրոցի մոտ
  • Խաղալիքներ ու ծաղիկներ՝ Մոսկվայում Թաթարստանի ներկայացուցչության առջև
ՌԴ նախագահին ցավակցություններ են հայտնել ՀՀ նախագահ Արմեն Սարգսյանն ու ՀՀ վարչապետի պաշտոնակատար Նիկոլ Փաշինյանը։

Այսօր՝ մայիսի 11-ին, Կազանի (ՌԴ) թիվ 175 դպրոցում կրակոցներ են հնչել, երեխաներ են մահացել, տասնյակ վիրավորներ կան։ Թաթարստանի իշխանությունների տվյալներով` մահացածներից յոթը երեխաներ են, մեկը` ուսուցչուհի, վիրավորվել է 21 մարդ։

Թաթարստանի նախագահ Ռուստամ Միննիխանովը հայտարարել է, որ հրաձգությունը կազմակերպել է 19-ամյա մի երիտասարդ, որի անունով զենք կա գրանցված: ՌԴ ՔԿ-ն քրեական գործ է հարուցել ՌԴ ՔՕ 105-րդ հոդվածի 2-րդ մասով (երկու և ավելի անձանց սպանություն):

Ռուսաստանի նախագահ Վլադիմիր Պուտինը ցավակցություն է հայտնել զոհված երեխաների ծնողներին և շուտափույթ ապաքինում մաղթել տուժածներին:

Իրենց հերթին՝ ՌԴ նախագահին ցավակցություններ են հայտնել ՀՀ նախագահ Արմեն Սարգսյանն ու ՀՀ վարչապետի պաշտոնակատար Նիկոլ Փաշինյանը։

Մայիսի 12-ը Թաթարստանում սգո օր է հայտարարվել։

0
  • Փրկարարներն ու բուժաշխատողները Կազանի թիվ 175 դպրոցի մոտ
    © Sputnik / Максим Богодвид

    Փրկարարներն ու բուժաշխատողները Կազանի թիվ 175 դպրոցի մոտ

  • Կազանի թիվ 175 դպրոցը կրակոցներից հետո
    © AFP 2020 / ROMAN KRUCHININ

    Կազանի թիվ 175 դպրոցը կրակոցներից հետո

  • Իրավապահներն աշխատում են Կազանի թիվ 175 դպրոցի մոտ
    © REUTERS / PRESS OFFICE OF TATARSTAN PRESIDENT

    Իրավապահներն աշխատում են Կազանի թիվ 175 դպրոցի մոտ

  • Իրավապահները Կազանի թիվ 175 դպրոցի մոտ
    © Sputnik / Максим Богодвид

    Իրավապահները Կազանի թիվ 175 դպրոցի մոտ

  • Հարազատները Կազանի թիվ 175 դպրոցի մոտ
    © Sputnik / Максим Богодвид

    Հարազատները Կազանի թիվ 175 դպրոցի մոտ

  • Կինը գրկում է թիվ 175 դպրոցից կրակոցներից հետո դուրս եկած աշակերտուհուն
    © REUTERS / Courtesy of Max Zareckiy via REUTERS

    Կինը գրկում է թիվ 175 դպրոցից կրակոցներից հետո դուրս եկած աշակերտուհուն

  • Հարազատները Կազանի թիվ 175 դպրոցի մոտ
    © Sputnik / Максим Богодвид

    Հարազատները Կազանի թիվ 175 դպրոցի մոտ

  • Հարազատները Կազանի թիվ 175 դպրոցի մոտ
    © Sputnik / Максим Богодвид

    Հարազատները Կազանի թիվ 175 դպրոցի մոտ

  • Հարազատները Կազանի թիվ 175 դպրոցի մոտ
    © Sputnik / Максим Богодвид

    Հարազատները Կազանի թիվ 175 դպրոցի մոտ

  • Տղամարդը ծաղիկներ է դնում Կազանի թիվ 175 դպրոցի մոտ
    © Sputnik / Максим Богодвид

    Տղամարդը ծաղիկներ է դնում Կազանի թիվ 175 դպրոցի մոտ

  • Խաղալիքներ ու ծաղիկներ՝ Մոսկվայում Թաթարստանի ներկայացուցչության առջև
    © REUTERS / EVGENIA NOVOZHENINA

    Խաղալիքներ ու ծաղիկներ՝ Մոսկվայում Թաթարստանի ներկայացուցչության առջև

թեգերը:
Սպանություն, դպրոց, կրակոց, Կազան