Արման Աբովյան

ԲՀԿ-ն գնալու է ընտրություններին միայնակ, վարչապետի թեկնածուն միանշանակ Գագիկ Ծառուկյանն է

90
(Թարմացված է 16:46 19.04.2021)
«Բարգավաճ Հայաստան» խմբակցության քարտուղար Արման Աբովյանի հետ Sputnik Արմենիայի եթերում զրուցել ենք համամասնական ընտրակարգի ռիսկայնության և հունիսի 20-ին նախատեսված ընտրություններում իշխանության պատասխանատվության մասին։ 
«Համամասնական ընտրակարգը որոշ ռիսկեր է պարունակում». Արման Աբովյան

Համամասնական ընտրակարգով ընտրությունների անցկացումը որոշ ռիսկեր է պարունակում. այստեղ կարևորն այն է, որ ամբողջ գործընթացի պատասխանատվությունը կրում է գործող իշխանությունը։ Sputnik Արմենիայի հետ զրույցում նման կարծիք հայտնեց ԱԺ «Բարգավաճ Հայաստան» խմբակցության քարտուղար Արման Աբովյանը։

Թե ինչ ռիսկերի մասին է խոսքը, խմբակցության քարտուղարը փակագծեր չի բացում։ Հարցին` ինչպե՞ս է կազմվելու ԲՀԿ-ի համամասնական ցուցակը և ովքեր են զբաղեցնելու առաջին հորիզոնականները, խմբակցության պատգամավորը դարձյալ չի շտապում պատասխանել։ Միայն ասում է, որ ընտրություններին մասնակցելու իրենց դիրքորոշումը հստակ է։ 

«Իրականում վաղ է խոսել ցուցակների մասին, որովհետև դեռևս հայտարարված չէ ընտրական գործընթացների մասին, սակայն կարող եմ վերահաստատել երկու հիմնական թեզ` առաջինը` ԲՀԿ-ն գնալու է ընտրություններին միայնակ և երկրորդը` ԲՀԿ վարչապետի թեկնածուն միանշանակ Գագիկ Ծառուկյանն է»,- ասաց նա։

Հունիսի 20-ը, որպես արտահերթ ընտրությունների օր, մեզ համար ընդունելի է. Մարուքյան

Թե որքանով նոր ընտրակարգը հնարավորություն կստեղծի արդար ընտրություններ անցկացնել, ԲՀԿ քարտուղարը հորդորում է այդ մասին ընտրություններից հետո խոսել, երբ ավելի ակնառու կլինեն համամասնականի բոլոր թերություններն ու առավելությունները։

Հիշեցնենք՝ մարտի 18-ին վարչապետ Նիկոլ Փաշինյանը հայտարարեց, որ հունիսի 20-ին Հայաստանում ԱԺ արտահերթ ընտրություններ կկայանան:

Ավելի ուշ Ազգային ժողովը հաստատեց Ընտրական օրենսգրքի փոփոխությունների նախագիծը, ըստ որի՝ խորհրդարանական ընտրությունները տեղի կունենան համամասնական ընտրակարգով։

90
թեգերը:
Պատգամավոր, Արման Աբովյան, Ընտրություններ
Ըստ թեմայի
«Արդյունավետ էր». Արման Աբովյանը նախագահի հետ հանդիպումից մանրամասներ է հայտնել
Պաշտոնական խողովակով որևէ հրավերք չենք ստացել. Աբովյանը հերքո՞ւմ է Լիլիթ Մակունցի ասածները
Դանակը հասել է ոսկորին. ԲՀԿ-ն առաջարկում է Հայաստանում վերացնել ռազմական դրությունը
Աշոտ Գասպարյան

Լենինի երբեմնի արձանի տեղում պետք է կանգնեցվի Հաղթական կամար. Գասպարյան

48
«Հաղթական կամար» պատմամշակութային հիմնադրամի նախագահ Աշոտ Գասպարյանը Sputnik Արմենիայի եթերում անդրադարձել է Երևանի Հանրապետության հրապարակում Լենինի արձանից հետո թափուր մնացած տեղը նոր կոթողով համալրելու խնդրին։ 
«Լենինի արձանի երբեմնի տեղում պետք է կանգնեցվի Հաղթական կամար». Գասպարյան

Աշոտ Գասպարյանի դիտարկմամբ`տևական ժամանակ կար այդ գաղափարը, որի իրագործման նպատակով էլ ստեղծվել է նշված հիմնադրամը, ուստի ֆինանսական միջոցների առկայության դեպքում կլինի համապատասխան պատվեր հայ քանդակագործներին ու նկարիչներին, իսկ վերջում, երբ արդեն հիմնադրամը կունենա պատրաստի արտադրանք` ի դեմս կոթողի կամ հուշարձանի, քաղաքապետարանին կարվի համապատասխան մրցույթ կազմակերպելու առաջարկ։

«Եթե ուշադրություն դարձրել եք, Հանրապետության հրապարակի բոլոր շենքերը կամարաձև են, դրա համար նույնիսկ Թամանյանին ճարտարապետների նոր դպրոցի ներկայացուցիչները մեղադրում էին, որ զբաղվում է եկեղեցաշինությամբ, սակայն այդ ոճն ընդհանուր առմամբ բնորոշ է հայկական ճարտարապետությանը։ Որպեսզի այսօր հրապարակի պատկերը դառնա ամբողջական, ապա Լենինի երբեմնի արձանի տեղում պետք է կանգնեցվի Հաղթական կամար»,– նշեց պատմամշակութային հիմնադրամի նախագահը։ 

Գասպարյանի կարծիքով` Հանրապետության հրապարակը քաղաքի խորհրդանիշն ու այցեքարտն է, այն կառուցվել է Փարիզի տարբերակով, այսինքն` սիրտը հրապարակն է, որից սկսվում և աստղի թևերի պես տարածվում են փողոցները։ Ըստ նրա` հաղթական կամարը պետք է խորհրդանշի մեր պատմական հաղթանակները` սկսած վաղնջագույն ժամանակներից, և իր մեջ կամփոփի ոչ միայն հաղթական անցյալը, այլև միտված կլինի հաղթական ապագային։ 

Հշեցնենք, որ Լենինի հուշարձանը հանելու մասին որոշում Երևանի քաղաքային խորհրդի նիստում կայացվել է 1991 թվականի մարտի 28-ին, իսկ պատվանդանն ապամոնտաժվել է 1996 թվականին։

Մահաթմա Գանդիի արձանը պղծած տղամարդը հայտնաբերվել է

Արձանի մարմինը գտնվում է Հայաստանի ազգային պատկերասրահի բակում, գլուխը` պահեստում։ Պատվանդանի մնացորդները պահվում են Երևանի քաղաքապետարանի պահեստում` Չարբախում։ 

48
թեգերը:
արձան, Հանրապետության հրապարակ, հաղթանակ
Ըստ թեմայի
Երևանում գողացել են նավակով տղայի բրոնզե արձանը
Ոստիկանները հայտնաբերել են Լրագրողի արձանը գողացողներին
Մոսկվայում բացվեց Կարո Հալաբյանի արձանը. տեսանյութ
Արմեն Բաղդասարյան

Ո՞ր դեպքում Ռոբերտ Քոչարյանը չէր մտածի քաղաքականություն վերադառնալու մասին

109
(Թարմացված է 21:44 08.05.2021)
Քաղաքագետ Արմեն Բաղդասարյանը Sputnik Արմենիայի հետ զրույցում անդրադարձել է մայիսի 9-ին Ռոբերտ Քոչարյանի նախաձեռնած հանրահավաքին և քաղաքական պայքարի դուրս գալու որոշմանը։
Արմեն Բաղդասարյան. Ո՞ր դեպքում Քոչարյանը չէր մտածի քաղաքականություն վերադառնալու մասին

Մայիսի 9-ին նախատեսված հանրահավաքի ժամանակ Ռոբերտ Քոչարյանի ելույթից պարզ կդառնա, թե ինչպիսի ճանապարհային քարտեզ է առաջարկում ՀՀ երկրորդ նախագահը գալիք ընտրություններում։ Sputnik Արմենիայի հետ զրույցում նման կարծիք հայտնեց քաղաքագետ Արմեն Բաղդասարյանը։

«Ես ավելի շատ ակնկալում եմ ծրագրային ելույթ և հստակ ճանապարհային քարտեզ։ Կարծում եմ, որ այդ հանրահավաքի մասնակիցները, անկախ նրանից, թե որքան կլինի նրանց թիվը, շատ ուշադիր կլսեն այդ ծրագիրը և կփորձեն հասկանալ` դա իրատեսական է, թե ընդամենը կենացների, ցանկությունների շարք»,- ասաց նա։

Նրա խոսքով` Հայաստանում այնպիսի իրավիճակ է ստեղծվել, որ ցանկացած գործիչ կարող է քաղաքականություն վերադառնալ, ինչու ոչ` նաև հաղթել։

«Նիկոլ Փաշինյանի փոխարեն ցանկացած այլ իշխանություն լիներ` Ռոբերտ Քոչարյանը չէր էլ կարող մտածել, որ կարող է վերադառնալու փորձ անել, բայց այս իշխանություններն այնքան ձախողումներ են ունեցել, այնքան կործանարար քաղաքականություն են վարել, որ նույնիսկ Քոչարյանն իր այդ բացասական ընկալմամբ գտնում է, որ շանս ունի հաղթելու և մասնակցում է ընտրություններին»,- նշեց քաղաքագետը։

Նշենք, որ վաղը` մայիսի 9-ին, ժամը 16։00-ին Երևանի Ազատության հրապարակում նախատեսված հանրահավաքում Ռոբերտ Քոչարյանը հանդես կգա ելույթով։

Ավելի վաղ ՀՀ երկրորդ նախագահը հայտնել էր, որ մասնակցելու է արտահերթ խորհրդարանական ընտրություններին։

Առաջիկա ընտրությունները հեշտ չեն լինելու. Ռոբերտ Քոչարյանը` փողոցային պայքարի մասին

Մարտի 18-ին վարչապետ Նիկոլ Փաշինյանը հայտարարեց, որ հունիսի 20-ին Հայաստանում ԱԺ արտահերթ ընտրություններ կկայանան: Ավելի ուշ Ազգային ժողովը հաստատեց Ընտրական օրենսգրքի փոփոխությունների նախագիծը, ըստ որի՝ խորհրդարանական ընտրությունները տեղի կունենան միայն համամասնական ընտրակարգով։

Ապրիլի 25-ին Նիկոլ Փաշինյանը հայտարարեց հրաժարական տալու մասին։ ՀՀ նախագահը ընդունեց վարչապետի և կառավարության հրաժարականը։

Նիկոլ Փաշինյանը հայտնեց` ինչ կարգախոսով է «Իմ քայլը» մասնակցելու ընտրություններին

109
թեգերը:
Արմեն Բաղդասարյան (քաղաքական մեկնաբան), Նիկոլ Փաշինյան, Ռոբերտ Քոչարյան, Հայաստան
Ըստ թեմայի
Սերժ Սարգսյանը ասել է, թե ինչու է մերժել Լևոն Տեր–Պետրոսյանին
Չենք գնդակահարի. Շարմազանովը խոսել է Վանեցյանի հետ դաշինքի և երկրում տիրող իրավիճակի մասին
«Անտինիկոլ». Միքայել Մինասյանը նոր «ազատագրական շարժում» է սկսում
Քիմ Քարդաշյան

Նման է հայի, հիշեցնում է պապիկիս. Քարդաշյանը հրապարակել է 2 տարեկան որդու լուսանկարը

369
(Թարմացված է 00:09 10.05.2021)
Քիմ Քարդաշյանի խոսքով ՝ երկու տարեկան Փսալմը ընտանիքի սիրելին է, որն իրենց կյանքում խաղաղություն է բերել:

ԵՐԵՎԱՆ, 9 մայիսի - Sputnik. Աշխարհահռչակ հեռուստաաստղ Քիմ Քարդաշյանն Instagram-ում շնորհավորել է իր կրտսեր որդու ծննդյան օրը, ով մայիսի 9-ին դարձել է 2 տարեկան։

Посмотреть эту публикацию в Instagram

Публикация от Kim Kardashian West (@kimkardashian)

«Իմ փոքրիկին ես ամենաշատը հայի եմ նմանեցնում։ Նա ինձ չափից շատ հայ է թվում` պապիս պես, և հիշեցնում է հայրիկիս: Նա ամենաքաղցրիկ բալիկն է: Ես նույնիսկ չեմ կարող նկարագրել նրա ժպիտն ու քաղցրությունը»,– գրում է Քարդաշյանը։

Նա նաև նշում է, որ փոքրիկն իրենց ընտանիքին ու իրենց կյանքին հանգստություն և խաղաղություն է բերել:

«Քո բոլոր զարմիկները և եղբայրները շատ են սիրում քեզ: Դու իսկապես մեր ուրախությունն ես: Մայրիկը քեզ շատ է սիրում »,– գրում է նա։ 

«Ուզում եմ անձամբ ձեզ ասել». Քիմ Քարդաշյանն արտասվել է իր շոուի նկարահանման ժամանակ

Հայտնի ռեփեր Քանյե Ուեսթի հետ ամուսնությունից Քիմը 4 երեխա ունի։

Աստղային զույգը պաշտոնապես ամուսնալուծվել է այս տարվա սկզբին:

369
թեգերը:
երեխա, Քիմ Քարդաշյան
Ըստ թեմայի
Քիմ Քարդաշյանը սկսել է հանդիպել CNN-ի լրագրողի հետ. լուսանկար
Քիմ Քարդաշյանը պատասխանել է ՀՀ նախագահի նամակին
Քիմ Քարդաշյանը, Թանկյանը` հանուն հայ երեխաների կրթական հնարավորությունների ընդլայնման