Տիգրան Աբրահամյան

Ինչո՞ւ հենց Արշակ Կարապետյանը. Աբրահամյանը խոսել է ԳՇ պետի առաջին տեղակալի նշանակման մասին

137
«Հենակետ» վերլուծական կենտրոնի ղեկավար, Արցախի նախագահի անվտանգության հարցերով նախկին խորհրդական Տիգրան Աբրահամյանը Sputnik Արմենիայի եթերում խոսել է Արշակ Կարապետյանի` իրավունքի ուժով ՀՀ ԶՈւ գլխավոր շտաբի պետի առաջին տեղակալ դառնալու մասին։
Աբրահամյան. «Արշակ Կարապետյանի նշանակումն ունի զուտ քաղաքական նշանակություն»

Տիգրան Աբրահամյանի դիտարկմամբ` դա ըստ էության պարգևատրում էր Արշակ Կարապետյանին այս ողջ ընթացքում գործող իշխանություններին աջակցելու, «Մարտի 1»-ի հայտնի գործով անհրաժեշտ ցուցմունքներ տալու համար, չնայած արդեն իսկ երևաց, որ այդ իրավական գործընթացը մտավ փակուղի։ Ըստ նրա` ամենախնդրահարույցն այն է, որ հատկապես պատերազմական գործողություններից հետո ԶՈւ առջև դրված են շատ ավելի բարդ խնդիրներ, սակայն այս պարագայում իշխանությունը համապատասխան տեղերում` ՊՆ–ում, ԳՇ–ում նշանակում է անձանց, որոնց համար նույնիսկ ամենամեծ ցանկության դեպքում դժվար է բանակն այս վիճակից հանել, իրականացնել անհրաժեշտ ռեֆորմներ և պատրաստել հնարավոր այլ զարգացումների։ 

«Ցանկացած ոլորտում էլ նման դրդապատճառներով նշանակումներն անթույլատրելի են։ Իսկ հատկապես զինված ուժերն այսպիսի բարոյական վիճակի հասցնելը, նման մարդկանց պատասխանատու պաշտոններում նշանակելը ոչ այլ ինչ է, քան բանակի վերջնական կազմաքանդում։ Բանակը մեծ ընտանիք է, որտեղ բոլորը բոլորին ճանաչում են, հետևաբար բնական է, որ այսպիսի նշանակումները միայն վատ ձևով կարող են ազդեցություն ունենալ բանակի բարոյահոգեբանական վիճակի և հետագա զարգացումների վրա»,– նշեց Աբրահամյանը։      

Նրա կարծիքով` ԶՈւ Գլխավոր շտաբում նշանակման կարևոր հիմքերը պետք է լինեն մասնագիտական բարձր որակները, անցած մարտական փառավոր ուղին, իսկ սա միանշանակ քաղաքական նշանակում էր։ ՀՀ վարչապետն, ըստ Աբրահամյանի, խնդիր ունի հայտնի իրադարձություններից հետո ուժեղացնել իր դիրքերը ԳՇ–ում և այդ ճանապարհին նրա համար կարևորը ոչ թե մարդկային որակներն են, հմտությունները, այլ քաղաքական հարց լուծելը, վերահսկողությունն ամբողջությամբ իր ձեռքը վերցնելը։    

Արցախի նախագահի անվտանգության հարցերով նախկին խորհրդականի համոզմամբ` և՛ Արցախի ՊԲ–ի հրամկազմում, և՛ ՀՀ–ում կան զինվորականներ, որոնք իրականում համապատասխանում են նման նշանակման, հետևաբար այնպես չէ, որ ընտրության հնարավորություն չկար կամ էլ կադրային սով էր։ 

Տեղեկացնենք, որ ՀՀ նախագահ Արմեն Սարգսյանը չէր ստորագրել վարչապետի կողմից ներկայացված նախագիծը և այն առարկություններով չէր վերադարձրել վարչապետին։

Այսօր ՀՀ կառավարությունից տեղեկացրին, որ Արշակ Կարապետյանն իրավունքի ուժով դարձավ ՀՀ ԶՈւ գլխավոր շտաբի պետի առաջին տեղակալ։

ՀՔԾ-ում Օնիկ Գասպարյանի դիմումի հիման վրա նյութեր են նախապատրաստվում

Նշենք, որ ԳՇ նախկին պետ Օնիկ Գասպարյանը մարտին ստորագրել էր գլխավոր շտաբի պետի առաջին տեղակալ Տիրան Խաչատրյանի արձակուրդի հրամանը, և երբ ՊՆ ղեկավար Վաղարշակ Հարությունյանն աշխատանքից ազատել է Խաչատրյանին, վերջինս արձակուրդում էր։

Տիրան Խաչատրյանին աշխատանքից ազատ ազատելու պատճառը գեներալ-լեյտենանտի արձագանքն էր Փաշինյանի այն հայտարարությանը, թե «Իսկանդերի» հրթիռը մարտական գործողությունների ժամանակ պայթել է 10 տոկոսով:

ՀՀ ԶՈւ ԳՇ պետի նախկին առաջին տեղակալ, ՀՀ ազգային հերոս Տիրան Խաչատրյանը նոր հայցադիմում է ներկայացրել ՀՀ վարչական դատարան՝ ընդդեմ ՀՀ ՊՆ նախարար Վաղարշակ Հարությունյանի և ՀՀ ԶՈւ գլխավոր շտաբի։

137
թեգերը:
Արշակ Կարապետյան, Տիգրան Աբրահամյան, ՀՀ ԶՈւ գլխավոր շտաբ, Բանակ, Հայաստան, Նիկոլ Փաշինյան
Ըստ թեմայի
Որոշումը գրավոր կներկայացվի կողմերին. դատարան քննեց ԳՇ նախկին պետ Օնիկ Գասպարյանի հայցը
«Կա բավարար նյութ, որ ԳՇ պետ Արտակ Դավթյանի դեմ քրգործ հարուցվի». Գևորգ Գորգիսյան
«ԳՇ պետն ասաց` իրավասու չէ լուծում տալ». անհետ կորածների ծնողների հետ հանդիպումն ավարտվեց
Սերոբ Խաչատրյան

ԵՊՀ ճգնաժամը չի հանգուցալուծվում. Խաչատրյանը լուծման հնարավոր ուղիներ է մատնանշում

12
(Թարմացված է 23:49 03.08.2021)
Կրթության փորձագետ Սերոբ Խաչատրյանը Sputnik Արմենիայի եթերում անդրադարձել է սահմանադրական դատարանի կողմից Բարձրագույն կրթության մասին օրենքը հակասահմանադրական ճանաչելու որոշմանը։
ԵՊՀ ճգնաժամը չի հանգուցալուծվում. Սերոբ Խաչատրյանը լուծման հնարավոր ուղիներ է մատնանշում

Սահմանադրական դատարանի` Բարձրագույն կրթության մասին օրենքի 2 կետերը հակասահմանադրական ճանաչելով ԵՊՀ-ում ստեղծված ճգնաժամը չի լուծվում։ Sputnik Արմենիայի հետ զրույցում նման կարծիք հայտնեց կրթության փորձագետ Սերոբ Խաչատրյանը։

Սա նշանակում է, որ ԵՊՀ-ն կա՛մ պետք է նախորդ օրենքի դրույթներով 32 հոգանոց հոգաբարձուների խորհուրդ ձևավորի, կա՛մ առաջնորդվելով կառավարության վերջին որոշմամբ` ԵՊՀ ռեկտոր ընտրի։ 

«Խորհրդի անդամներից 16-ը կլինեն կառավարությունից, 16-ը` բուհից, կամ 3 հոգանոց խորհուրդը կընտրի ռեկտոր, որովհետև այս պահին պաշտոնակատարի լիազորություններն ավարտված են, ռեկտորի պաշտոնակատարն էլ հրաժարական է տվել։ Շատ անորոշ իրավիճակ է»,- ասաց նա։

Իսկ 3 հոգանոց խորհրդի մասին հայտնի դարձավ անցած ամիս։ Արդարադատության նախարարությունը, օգտվելով օրենքով սահմանված իր լիազորություններից, ձևավորեց հոգաբարձուների խորհուրդ։ Խորհրդի կազմում ընդգրկվեցին ԿԳՄՍ նախարար Վահրամ Դումանյանը, փոխվարչապետ Մհեր Գրիգորյանն ու Եղիշե Կիրակոսյանը, սակայն դրանից հետո էլ ԵՊՀ ռեկտոր չընտրվեց։ 

Սերոբյանը, սակայն, ուշադրություն է հրավիրում մեկ այլ հանգամանքի վրա։ Ասում է` այս օրենքով իշխանությունը փորձեց մի այնպիսի քայլ անել, որի դեմ ընդդիմություն եղած ժամանակ համառորեն պայքարում էր։

«Ամբողջ պարադոքսը կայանում է նրանում, որ երբ այս կառավարությունն ընդդիմություն էր, նախորդ իշխանություններին ասում էր` ինչու պետք է վարչապետը հաստատի հոգաբարձուների խորհրդի կազմը, դա ոտնձգություն է բուհերի ինքնավարության դեմ, եթե դու այդպիսի արժեհամակարգով ես պայքարել ու եկել իշխանության, դու չես կարող փոխել քո արժեհամակարգը»,- նշեց Խաչատրյանը։

ԵՊՀ-ում հոգաբարձուների ժամանակավոր խորհուրդ է ստեղծվում. բուհը 6 ամիս ժամանակ ունի

Նշենք, որ երեկ ՍԴ-ն հակասահմանադրական ճանաչեց Բարձրագույն կրթության մասին օրենքի 3-րդ և 4-րդ կետերը, որոնցից առաջինով սահմանվում էր, որ բուհերի կառավարման խորհրդի անդամներից չորսին առաջադրում է բուհի ակադեմիական խորհուրդը, իսկ հինգին նշանակում է համապատասխան լիազոր մարմնի ղեկավարը։

Կառավարման խորհրդի բուհի չորս անդամներին սահմանված ժամկետում չառաջադրելու կամ չորսից պակաս առաջադրելու դեպքում չառաջադրված անդամների համալրումն իրականացնում է համապատասխան լիազոր մարմնի ղեկավարը։

Երկու տարի առանց ռեկտորի մնացած մայր բուհը. ի՞նչ ճակատագիր է սպասվում ԵՊՀ–ին

12
թեգերը:
Երևանի պետական համալսարան (ԵՊՀ), Ճգնաժամ, Սերոբ Խաչատրյան, կրթություն
Ըստ թեմայի
ԵՊՀ-ն այս պահին շատ ավելի վատ վիճակում է, քան մինչև հեղափոխությունը. Սերոբ Խաչատրյան
Կենտրոնացված քննությամբ աշակերտների գիտելիքի իրական պատկերը չենք ունենա. Սերոբ Խաչատրյան
«Մեր կրթական համակարգը նման է այն բնակարանին, որտեղ պատերը փլվում են». Սերոբ Խաչատրյան
Դավիթ Հարությունյան

Սարգսյանն ու Զաքարյանն արդեն պետք է կալանքից ազատված լինեին. Հարությունյանն ասել է` ինչու

61
ՀՀ արդարադատության նախկին նախարար Դավիթ Հարությունյանը Sputnik Արմենիայի եթերում անդրադարձել է ԱԺ ընդդիմադիր երկու խմբակցությունների կողմից Ալեն Սիմոնյանի՝ ԱԺ նախագահ ընտրվելու հարցը Սահմանադրական դատարանում վիճարկելու մտադրությանը։ 
Հարությունյան. «Արթուր Սարգսյանն ու Մխիթար Զաքարյանը պետք է ազատ լինեին Աժ նիստի բացման պահին»

Ակնհայտորեն խախտվել են Ազգային ժողովի կանոնակարգ սահմանադրական օրենքի դրույթները, խախտվել են նաև Սահմանադրության դրույթները, իսկ Սահմանադրությունը նախատեսում է, որ նման դեպքերում խնդիրը հարող է դիտարկվել որպես սահմանադրական մարմինների միջև առկա վեճ, և այդ դեպքում հնարավորություն է ընձեռվում դիմել Սահմանադրական դատարան։ Sputnik Արմենիայի հետ զրույցում նման կարծիք հայտնեց Դավիթ Հարությունյանը`անդրադառնալով ընդդիմադիր պատգամավորներ Արթուր Սարգսյանին և Մխիթար Զաքարյանին կալանքի տակ պահելուն։

Հարցն այն է, երեկ ԱԺ 8-րդ նստաշրջանի առաջին նիստում «Հայաստան» դաշինքի ներկայացուցիչները պահանջում էին, որ դատախազը ներկայանա ԱԺ և ազատ արձակի իրենց երկու պատգամավորներին` Արթուր Սարգսյանին և Մխիթար Զաքարյանին, որոնց թեկնածություններն ընդդիմադիր երկու խմբակցություններն առաջադրել էին ԱԺ նախագահի պաշտոնում։

«Դիմելու ենք ՍԴ՝ պատգամավորների անձեռնմխելիության պայմաններում ապօրինի ազատությունից զրկելու փաստը հաստատելու ու նաև մի շարք իրավական հիմքեր ստեղծելու ուղղությամբ։ Այս հայտարարությունն արեցի, որ արձանագրվի, ու առաջիկայում մենք իրականացնելու ենք այս գործընթացը»,-ասել էր Արծվիկ Մինասյանը։

Սյունիքի համայնքապետների բողոքների քննության հարցում կիրառվում է ընտրովի արդարադատություն

Դավիթ Հարությունյանի դիտարկմամբ`նշված պատգամավորները հենց այն պահից, երբ ստանձնել են պատգամավորի լիազորությունները, պետք է անմիջապես ազատ արձակվեն, քանի որ նրանք այլևս պատգամավորի թեկնածու չեն, շարքային քաղաքացի չեն, այլ պատգամավոր, այսինքն` իրականացնում են ժողովրդի իշխանությունը, և նրանց դա թույլ չտալ կարող է միայն ժողովրդի մեկ այլ ներկայացուցիչ` Ազգային ժողովը։ 

«Կրկնում եմ` Արթուր Սարգսյանին և Մխիթար Զաքարյանին պետք է անմիջապես ազատ արձակեին, նրանց տանել–բերելու խնդիր չկա։ Նիստի բացման պահին նրանց ոչ ոք չպետք է բերեր, նրանք այդ պահին պետք է ազատ լինեին և ինքնուրույն գային Ազգային ժողով»,– ասաց ՀՀ արդարադատության նախկին նախարարը։

Անդրադառնալով այն հարցին, թե ինչ է ակնկալում ՍԴ–ից` Դավիթ Հարությունյանն ասաց, որ այդ հարցի առթիվ մեկնաբանություն չի տա։   

Նշենք, որ «Պատիվ ունեմ» ու «Հայաստան» խմբակցություններն Ալեն Սիմոնյանի՝ ԱԺ նախագահ ընտրվելու հարցը կվիճարկեն Սահմանադրական դատարանում։ 

«Հայաստան» խմբակցության քարտուղար Արծվիկ Մինասյանն Ազգային ժողովի այսօրվա նիստում հայտարարեց, որ իրենք ԱԺ նախագահի ընտրությունը ապօրինի են համարում։

Հիշեցնենք` «Քաղաքացիական պայմանագիր» խմբակցության առաջադրած թեկնածու Ալեն Սիմոնյանը երեկ ընտրվեց Ազգային ժողովի նախագահ։ Նրա թեկնածությանը կողմ էր քվեարկել 71 պատգամավոր: Ընդդիմությունը չէր մասնակցել քվեարկությանը:

Վերաքննիչ դատարանը օգոստոսի 2-ին կքննի Գորիսի համայնքապետին կալանավորելու դեմ բողոքը

61
թեգերը:
Դավիթ Հարությունյան, ԱԺ, Պատգամավոր, Մխիթար Զաքարյան, կալանավորել
Ըստ թեմայի
Ովքեր կլինեն Ալեն Սիմոնյանի տեղակալները. խմբակցություններն առաջադրեցին իրենց թեկնածուներին
Ալեն Սիմոնյանը 2–րդ փորձից ընտրվեց Ազգային ժողովի նախագահ
Ընդդիմադիր խմբակցություններն Ալեն Սիմոնյանի՝ ԱԺ նախագահ ընտրվելու հարցը կվիճարկեն ՍԴ-ում
Սյունիք

Ադրբեջանցի զինծառայողները Ճակատեն և Դավիթ Բեկ գյուղերից գողացել են 8 կով և 1 ցուլ. ՄԻՊ

50
(Թարմացված է 00:17 04.08.2021)
ՀՀ ՄԻՊ–ը ևս մեկ անգամ վերահաստատել է, որ ՀՀ բնակչության պաշտպանության, իրավունքների երաշխավորման համար Սյունիքի և Գեղարքունիքի շուրջ անհրաժեշտ է ստեղծել անվտանգության գոտի:

ԵՐԵՎԱՆ, 4 օգոստոսի – Sputnik. Հայաստանի մարդու իրավունքների պաշտպան Արման Թաթոյանը ֆեյսբուքյան իր էջում ներկայացրել է, թե վերջին օրերին ինչ ահազանգեր է ստացել ադրբեջանական զինծառայողների` Սյունիքի հատվածից անասուններ գողանալու վերաբերյալ։

«Ադրբեջանական զինծառայողները գողացել են ՀՀ Սյունիքի մարզի Կապանի Ճակատեն և Դավիթ Բեկ գյուղերի 3 ընտանիքի պատկանող 8 կով և 1 ցուլ»,–գրել է նա:

Մասնավորապես, ՀՀ մարդու իրավունքների պաշտպանի աշխատակազմը 2021 թվականի օգոստոսի 3-ի ահազանգերով պարզել է, որ Սյունիքի մարզի Կապան համայնքի Ճակատեն գյուղի վարչական տարածքում՝ անմիջապես գյուղից մոտ 1 կմ հեռավորության վրա գտնվող արոտավայրում 2021 թվականի հուլիսի 26-ին արածացնելու են տարել գյուղի երկու ընտանիքին պատկանող 4 կովեր:

Կենդանիներն, արածելով, հասել են գյուղի վարչական տարածքում գտնվող «Յուրդեր» անվամբ արոտավայրը և մոտեցել ադրբեջանական զինված ուժերի վերահսկողության տակ գտնվող տարածքին: Ըստ ահազանգերի՝ դրանից հետո ադրբեջանական զինծառայողները կենդանիներին կապել են իրենց հատվածում, թույլ չեն տվել վերադառնալ և, բնակիչները շուրջ 5 օր իրենց բնակելի տան դիմացի սարից հեռադիտակով տեսել են, որ կենդանիները գտնվում են «Ջամբար» կոչվող տարածքում, իսկ օգոստոսի 1-ի դրությամբ կենդանիներն արդեն անհետացել են:

Նշված դեպքից բացի, 2021 թվականի օգոստոսի 2-ին Մարդու իրավունքների պաշտպանի աշխատակազմը ևս մեկ ահազանգ է ստացել այն մասին, որ ՀՀ Սյունիքի մարզի Կապան համայնքի Դավիթ Բեկ գյուղի բնակիչը գյուղի 3 ընտանիքի պատկանող 6 խոշոր եղջերավոր կենդանիների (1 ցուլ, 5 կով) 2021 թվականի հուլիսի 14-ին արածացնելու է տարել գյուղին պատկանող՝ շուրջ 1.5 կմ հեռավորության վրա գտնվող արոտավայր:

Վերին Շորժայում մարդիկ ադրբեջանական նշանառության տակ են. Թաթոյանը լուսանկար է հրապարակել

Գյուղի բնակիչը, կարճ ժամանակ հեռացել է արոտավայրից և վերադառնալուն պես հայտնաբերել, որ կենդանիներից 5-ը չկան, իսկ կովերից մեկը ադրբեջանական զինված ուժերի վերահսկողության տակ գտնվող կողմից վերադառնում է՝ պարանը գլխին կապած (ինքը կենդանիներին առանց պարան է արածացնելու տարել):

Հեռվում նկատել է, թե ինչպես են ադրբեջանական զինծառայողները դեպի իրենց խորքը քշում կենդանիներին:

Նշված երկու դեպքերում էլ տեղի ունեցածի մասին բնակիչները տեղեկացրել են գյուղերի վարչական շրջանների ղեկավարներին:

Դեպքերի մասին տեղյակ են պահվել նաև ՀՀ Զինված ուժերի ներկայացուցիչները և ՌԴ սահմանապահները: Կենդանիների վերադարձման ուղղությամբ տարվող բանակցությունները օգոստոսի 3-ի դրությամբ արդյունք չեն տվել:

Ադրբեջանական զինծառայողները հրաժարվում են վերադարձնել կենդանիներին՝ պատճառաբանելով, թե նրանք իրենց մոտ չեն:

Այս տվյալները Մարդու իրավունքների պաշտպանի աշխատակազմը հաստատել է Ճակատեն և Դավիթ Բեկ գյուղերի նշված բնակիչների, նրանց համագյուղացիների հետ առանձնազրույցներով, ինչպես նաև դա հաստատել են համայնքային մարմինները:

«Ադրբեջանական զինծառայողների կողմից ՀՀ սահմանային բնակիչների պատկանող կենդանիների գողությունները, նրանց վնաս պատճառելն ունի պարբերական բնույթ: Նրանց անօրինական արարքները խախտում են ՀՀ բնակիչների սեփականության իրավունքը, այդ արարքներն ուղղված են անասնապահությամբ զբաղվելու և ընտանիքի եկամուտը վաստակելու հնարավորությունից զրկելուն»,– նշել է Թաթոյանը:

Նա ընդգծել է, որ այս ամենն իր հերթին անվտանգությունից բացի, առաջացնում է սոցիալական բնույթի խնդիրներ, այդ թվում` լուրջ վնասներ է հասցնում ՀՀ սահմանային բնակչությանը:

ՌԴ սահմանապահները մասնակիորեն տեղակայվել են Սյունիքում. Կոպիրկին

ՀՀ ՄԻՊ–ը ևս մեկ անգամ վերահաստատել է, որ ՀՀ բնակչության պաշտպանության, իրավունքների երաշխավորման համար Սյունիքի և Գեղարքունիքի շուրջ անհրաժեշտ է ստեղծել անվտանգության գոտի:

Դա պահանջում է նրանց հեռացում ՀՀ սահմանային գյուղերի հարևանությունից և Սյունիքի համայնքների միջև ճանապարհներից:

50
թեգերը:
ՀՀ ՄԻՊ, Արման Թաթոյան, Հայաստան, Սյունիք, կով, ադրբեջանցի, զինծառայող
Ըստ թեմայի
«Խաղաղությունը, ցավոք, միայն մեզնից չի կախված». Փաշինյանը` նախընտրական խոստման մասին
Փաշինյանն ասել է` ինչու ՀՀ–ն սահմանային իրադրությունը լուծելու միջոցներ չի ձեռնարկում
Ռուսաստանի աջակցությամբ Հայաստան է վերադարձել 81 գերի. ՀՀ–ում ՌԴ դեսպան