Վիգեն Հակոբյան

Պուտինը փորձում է հասկանալ Փաշինյանի ու Քոչարյանի դիրքորոշումն Արցախի հարցում. Հակոբյան

120
(Թարմացված է 21:36 08.04.2021)
Քաղտեխնոլոգ Վիգեն Հակոբյանը Sputnik Արմենիայի եթերում անդրադարձել է ապրիլի 7–ին Մոսկվայում կայացած Փաշինյան-Պուտին հանդիպմանը։
«Պուտինը փորձում է հասկանալ Փաշինյանի ու Քոչարյանի դիրքորոշումն Արցախի հարցում». Հակոբյան

Նիկոլ Փաշինյանի այցը Մոսկվա ՀՀ վարչապետի համար նախընտրական, Կրեմլի համար աշխատանքային բնույթ էր կրում։ Sputnik Արմենիայի հետ զրույցում նման կարծիք հայտնեց քաղտեխնոլոգ Վիգեն Հակոբյանը` մեկնաբանելով ՀՀ վարչապետի մոսկովյան այցը։

«Հարցերը, որոնք Փաշինյանը բարձրացնում էր Պուտինի առջև, ուղղակիորեն շաղկապվում են նախընտրական օրակարգին. գերիների վերադարձի հարցը շատ կարևոր է ՀՀ վարչապետի համար, քանի որ նախընտրական շրջանում այս խնդրի չլուծած լինելը զգալիորեն թուլացնում է նրա դիրքերը»,- ասաց նա։

Հակոբյանի խոսքով` նույն համատեքստում Փաշինյանն առաջ քաշեց նաև Sputnik V-ի, նոր ատոմակայանի կառուցման մասին հարցերը։ Պարզ է, որ Ռուսաստանն էլ փորձեց առաջ մղել սեփական նկրտումները, իսկ Ռուսաստանի նկրտումները, ըստ Հակոբյանի,  վերաբերում են տարածաշրջանային անվտանգությանն ու ճանապարհների ապաշրջափակմանը։

Քաղտեխնոլոգի գնահատմամբ` ՌԴ նախագահի շփումները Նիկոլ Փաշինյանի և ՀՀ երկրորդ նախագահ, Փաշինյանի հիմնական մրցակից Ռոբերտ Քոչարյանի հետ խոսում են այն մասին, որ Հայաստանի ռազմավարական դաշնակիցը ընտրություններին ընդառաջ փորձում է հասկանալ` Արցախի հարցի կարգավորման գործընթացում քաղաքական գործիչներից յուրաքանչյուրի համար ո՞րն է այն կարմիր գիծը, որն իրենք չեն կարող անցնել։

«Թե՛ Քոչարյանը` Պոզների հետ հաղորդման ընթացքում, թե՛ Փաշինյանը` այցին նախորդող ժամանակաշրջանում ռուսաստանյան լրատվամիջոցներին տված հարցազրույցներում հավաստիացրին, որ տեսանելի ժամանակաշրջանում խոսել Ադրբեջանի հետ ռևանշի մասին ռեալ չէ»,- նշեց Հակոբյանը։

Պուտինի հետ փաստաթուղթ չենք ստորագրել, քննարկել ենք․ Փաշինյանը` Մոսկվայի հայ իրավաբաններին

Հիշեցնենք` երեկ` ապրիլի 7–ին, ՀՀ վարչապետ Նիկոլ Փաշինյանն աշխատանքային այցով Ռուսաստանի Դաշնությունում էր և Կրեմլում հանդիպում ունեցավ ՌԴ նախագահ Վլադիմիր Պուտինի հետ: Հանդիպման ժամանակ քննարկվել են տարածաշրջանին,  հայ-ռուսական հարաբերություններին վերաբերող մի շարք հարցեր։

120
թեգերը:
Ընտրություններ, Վլադիմիր Պուտին, Նիկոլ Փաշինյան, Ռոբերտ Քոչարյան, Արցախ, Հայաստան
թեմա:
ԱԺ արտահերթ ընտրություններ 2021 (24)
Ըստ թեմայի
«Քննարկելու շատ հարցեր կան». Պուտինը Փաշինյանին ասել է` որն է ամենահրատապ խնդիրը
Փաշինյանը Պուտինին առաջարկել է քննարկել միացյալ զորախմբի ու համատեղ ՀՕՊ համակարգի հարցերը
Հայ–ռուսական բանակցությունների ֆոնին. Պուտինն ու Ալիևը որոշել են ակտիվացնել շփումները
Արմեն Բադալյան

«Փաշինյանը չի կարող վարչական ռեսուրսն օգտագործելով հաղթանակ ապահովել». քաղտեխնոլոգ

51
Քաղտեխնոլոգ Արմեն Բադալյանի հետ Sputnik Արմենիայի եթերում անդրադարձել ենք նախանշված ընտրությունների արդյունքներին։
«Վարչապետը չի կարող վարչական ռեսուրսն օգտագործելով հաղթանակ ապահովել». Բադալյան

Այս պահի դրությամբ Նիկոլ Փաշինյանը չունի այն վարչական ռեսուրսը, որ կարողանա «նկարչությամբ» իր հաղթանակն ապահովել, ավելին՝ վարչական ռեսուրսով Հայաստանում հաղթանակ երբեք չի ապահովվել։ Sputnik Արմենիայի հետ զրույցում նման կարծիք հայտնեց քաղտեխնոլոգ Արմեն Բադալյանը։

«Որոշակի տոկոս հնարավոր է ապահովել, բայց ոչ երբեք հաղթանակ։ Ծեծելով, բռնությամբ թվեր նկարել են, ինչպես 90-ականներին, կամ փող բաժանելով հաջողության հասել են` ինչպես 2000-ականներին և դրանից հետո ընկած ժամանակաշրջանում»,- ասաց նա։

Նրա դիտարկմամբ` առաջիկա ընտրություններում հիմնական պայքարը լինելու է ՔՊ կուսակցության և նրա ղեկավար Նիկոլ Փաշինյանի և Քոչարյանի շուրջ ձևավորվող դաշինքի և նրա ղեկավարի միջև, իսկ այդ պայքարի արդյունքը մեծապես կախված է նրանից, թե որքան գրագետ կկազմակերպվեն ընտրությունները։

Բադալյանի խոսքով` հիմնական մրցակիցներից բացի` ձայների որոշակի քանակ կհավաքեն նաև ԲՀԿ-ն, «Հայրենիք» կուսակցության առաջնորդը, որոշ արևմտամետ ուժեր, կլինեն նաև զուտ գաղափարական ուժերին կողմ քվեարկողներ։

Ինչ վերաբերում է մարդ-կուսակցություններին, ապա նրանք, ըստ քաղտեխնոլոգի, ընտրապայքարում լուրջ դերակատարում չեն ունենա։

Հիշեցնենք՝ մարտի 18-ին վարչապետ Նիկոլ Փաշինյանը հայտարարեց, որ հունիսի 20-ին Հայաստանում ԱԺ արտահերթ ընտրություններ կկայանան: Ավելի ուշ Ազգային ժողովը հաստատեց Ընտրական օրենսգրքի փոփոխությունների նախագիծը, ըստ որի՝ խորհրդարանական ընտրությունները տեղի կունենան միայն համամասնական ընտրակարգով։

Արտահերթ ընտրությունները երկիրը ճգնաժամից դուրս չեն բերի. Արմեն Սարգսյան

51
Ըստ թեմայի
ԼՀԿ–ն ընտրությունների ցուցակ չի կազմում. Անի Սամսոնյանն ասաց` ինչին են սպասում
Ո՞ր դեպքում Լևոն Տեր-Պետրոսյանի կուսակցությունը կմասնակցի ընտրություններին
Արա Զոհրաբյանն էլ կմասնակցի ընտրություններին. ո՞ւմ հետ կհամագործակցի նա
Արմեն Մանվելյան

Նոր ատոմակայանի կառուցումն իրատեսական չէ. Արմեն Մանվելյան

77
(Թարմացված է 15:25 11.04.2021)
Իրանագետ-էներգետիկ Արմեն Մանվելյանը Sputnik Արմենիայի եթերում անդրադարձել է ՀՀ վարչապետ Նիկոլ Փաշինյանի` նոր ատոմակայան կառուցելու մասին հայտարարությանը։
«Նոր ատոմակայանի կառուցման հարցն իրատեսական չէ». Մանվելյան

Հայաստանում երկրորդ ատոմակայանի կառուցումն իրատեսական չէ։ Sputnik Արմենիայի հետ զրույցում նման կարծիք հայտնեց իրանագետ-էներգետիկ Արմեն Մանվելյանը։

«Ատոմակայանը բավականին թանկ արժե, օրինակ` մեկ ռեակտորի գինը մոտավոր 5.5 միլիարդ դոլար է, չեմ կարծում, որ Հայաստանն այդքան գումար ունի կամ էլ ինչ-որ մեկը Հայաստանին 5.5 միլիարդի վարկ կտա»,- ասաց նա։

Ատոմակայանի կառուցման հարցը հարցականի տակ դնող երկրորդ հիմնական պատճառը, ըստ Մանվելյանի, արտադրվող էներգիայի սպառման շուկայի բացակայությունն է։

«Հայաստանի տարեկան պահանջարկը 1300 մեգաբայթ է։ Գոնե այս պահին մնացած արտադրանքը սպառելու տեղ չունենք։ Հիմա ավելի իրատեսական և խելամիտ է գործող ատոմակայանը վերանորոգել և շահագործել, մանավանդ, որ օրինակներ կան, որ այդ կարգի ատոմակայանների գործունեության ժամկետը մինչև 50 տարով (5 անգամ 10 տարի) երկարաձգվել է»,- նշեց Մանվելյանը։

Նրա կարծիքով` նոր ատոմակայանի կառուցման մասին հայտարարություններն արվում են հայաստանյան լսարանի համար` ընտրություններին ընդառաջ։ 

Նշենք, որ ՀՀ վարչապետ Նիկոլ Փաշինյանը ապրիլի 7-ին կատարած մոսկովյան այցի ժամանակ ՌԴ նախագահ Վլադիմիր Պուտինի հետ զրույցում խոսել էր նաև նոր ատոմակայան կառուցելու մասին։

77
թեգերը:
Հայաստան, ատոմակայան
Ըստ թեմայի
Մեծամորի էներգետիկները կուսումնասիրեն ռուսական ատոմակայանների փորձը
Մոսկվայում կքննարկվի Հայաստանում նոր ատոմակայան կառուցելու հնարավորությունը
Հայաստանն ավելի արդյունավետ ատոմակայան կունենա
Անձրևային օր

Անձրև կգա, բայց ոչ Երևանում. եղանակի տեսություն

0
(Թարմացված է 15:29 11.04.2021)
Օդերևութաբանների կանխատեսումների համաձայն՝ տեղումները կդադարեն ապրիլի 15-ին:

ԵՐԵՎԱՆ, 12 ապրիլի - Sputnik. Հայաստանի Հանրապետության մեծ մասում ապրիլի 12-14-ի գիշերը և կեսօրից հետո առանձին շրջաններում սպասվում է անձրև և ամպրոպ։ Տեղեկությունը հայտնում են ՀՀ արտակարգ իրավիճակների նախարարությունից։

Տեղումները կդադարեն ապրիլի 15-ին:

Եղանակի կանխատեսում

Քամին՝ հյուսիս-արևմտյան՝ 5-10 մ/վ, ապրիլի 11-ին առանձին վայրերում սպասվում է քամու ուժգնացում՝ 20-25 մ/վ:

Օդի ջերմաստիճանն էապես չի փոխվի:

Երևանում ապրիլի 12-ին սպասվում է հիմնականում ամպամած, բայց առանց տեղումների եղանակ:

Օդի ջերմաստիճանը մայրաքաղաքում այսօր ցերեկը կլինի +19-ից +21, երեկոյան՝ +12-ից +14 աստիճան։

Հայաստանում եղանակային անոմալիա է գրանցվել. Գագիկ Սուրենյանը մանրամասներ է ներկայացնում

0
թեգերը:
եղանակ, Երևան, Հայաստան, Անձրև
թեմա:
Եղանակը Հայաստանում
Ըստ թեմայի
Մալթան պատրաստ է մինչև 200 եվրո վճարել յուրաքանչյուր զբոսաշրջիկի
Ծանրորդ Սիմոն Մարտիրոսյանը վնասվածք է ստացել Քարվաճառում՝ խաչքարերը դուրս բերելիս
«Սուրենյան ջան, ինչի՞ եք այդպես բարկացել». օգտատերերը միացել են օդերևութաբանի չելենջին