Սամվել Ճզմաչյան

Որոնք են դրամի արժեզրկման պատճառները, և ինչպես կանխել հետագա անկումը. Ճզմաչյանի դիտարկումը

182
Եվրասիական համագործակցության ֆինանսաբանկային ասոցիացիայի փոխնախագահ Սամվել Ճզմաչյանը Sputnik Արմենիայի եթերում անդրադարձել է դրամի նկատմամբ արտարժույթի արժեքի աճին և ԿԲ–ի կողմից իրականացվող զսպիչ գործառություններին։
Ճզմաչյան. Եթե արտահանումը չկարգավորենք, ապա ԿԲ–ի գործիքակազմով աշխատանքները կլինեն ապարդյուն

Սամվել Ճզմաչյանի դիտարկմամբ` դրամի արժեզրկման արհեստական պատճառները շատ մեծ չեն, թեև դրանք նույնպես առկա են։ Ըստ նրա` հիմնական պատճառն այն է, որ կտրուկ պակասել են արտասահմանից արտարժույթի մուտքերը հայկական շուկա, որն իր հերթին արտահանման ծավալների կրճատման հետևանք է։

«Դա ունի օբյեկտիվ պատճառներ, որոնց մեջ կարելի է առանձնացնել նախ համավարակը, այնուհետև պատերազմը, իսկ սուբյեկտիվ պատճառների մեջ, ինձ հասած տեղեկություններով, առանձնանում է այն, որ շատ դժվար պայմաններ են ստեղծվել  հիմնական արտահանողների համար։ Օրինակ` Զանգեզուրի պղնձամոլիբդենային կոմբինատն այդ առումով շատ վատ է աշխատում և կան բազմաթիվ բողոքներ, Սոթքը նույնպես ամբողջ ծավալով չի աշխատում, որովհետև հանքավայրից մեզ պրակտիկորեն մնացել է փոքր տոկոսը։ Նման վիճակում են հայտնվել նաև այլ ձեռնարկություններ»,– նշեց Եվրասիական համագործակցության ֆինանսաբանկային ասոցիացիայի փոխնախագահը։

Ճզմաչյանի կարծիքով` վերոհիշյալ խնդիրների պատճառով դոլարային ներմուծում չկա, հետևաբար դրամի քանակն ավելանում է ու արտարժույթի նկատմամբ գրանցում կտրուկ արժեզրկում։ Ըստ նրա` Կենտրոնական բանկն իրոք ունի գործիքակազմ, որը կարող է ազդեցություն գործել, սակայն այդ ազդեցությունը կլինի ժամանակավոր, որովհետև եթե արտահանման գործընթացները չկարգավորենք, ապա համապատասխան գործիքակազմով տարվող աշխատանքները կլինեն ապարդյուն։ 

«ԿԲ–ն բնականաբար բանկերին կազմակերպել է արտարժույթի վաճառք և այս պահի դրությամբ արդեն մոտ 38 միլիոն 300 հազար դոլարի չափով գումար է վաճառել 537,36 միջին փոխարժեքով, ինչն իսկապես կարող է ժամանակավորապես թուլացնել դրամի արժեզրկումը։ Դա անկասկած քայլ է, բայց կրում է ժամանակավոր բնույթ»,– նշեց Ճզմաչյանը։

Անդրադառնալով ԿԲ–ի գործիքակազմում առկա այլ միջոցներին` Ճզմաչյանը խոսեց այսպես կոչված «ՌԵՊՈ» գործարքների մասին, որոնց համաձայն` ԿԲ–ն և կառավարությունը կարող են արժեթղթեր արտադրել և վաճառել բանկերին, ինչի արդյունքում, ինչպես ասում են մասնագետները, շուկայից դրամը կպակասի դոլարի նույն քանակի մնալու պարագայում, ինչն էլ կբերի մեր ազգային տարադրամի փոքր–ինչ արժևորման։ 

Պատերազմում զոհված անձանց և նրանց հարազատների գրեթե 3 մլրդ դրամի վարկեր են ներվել. նախարար

Մյուս մեթոդն, ըստ Ճզմաչյանի, դրամային պահուսատվորման նորմատիվի խստացումն է, որն այժմ կազմում է 2 տոկոս, բայց եթե ցուցանիշը բարձրացվի մի քանի տոկոսով, ապա դա բավականին լուրջ գումար կարող է շուկայից դուրս քաշել` պակասեցնելով դրամի քանակը, սակայն տվյալ մեթոդը բավականին խիստ է ու կարող է իր հերթին հանգեցնել որոշակի դժվարությունների հենց շուկայում շրջանառության առումով։ Ըստ Ճզմաչյանի` կարող է կիրառվել նաև դոլարային պահուստավորման նորմատիվի մեղմացում, որն այժմ կազմում է 18 տոկոս և եթե այն ասենք նվազի երեք կետով, ապա շուկայում կավելանա դոլարի քանակը, ինչի շնորհիվ կարժևորվի դրամը։   

Հիշեցնենք` ՀՀ կենտրոնական բանկը հայտարարել է, որ ՀՀ ֆինանսական շուկաների բնականոն գործունեության ապահովման նպատակով ՀՀ կենտրոնական բանկը ՀՀ արտարժութային շուկայում կիրականացնի գործառնություններ։

ԿԲ հասարակայնության հետ կապերի ծառայության հաղորդագրության համաձայն` ՀՀ կենտրոնական բանկը շարունակում է իրականացնել ֆինանսական շուկաների մշտադիտարկում և անհրաժեշտության դեպքում կկիրառի իր գործիքակազմում առկա բոլոր գործիքները՝ երաշխավորելով գների և ֆինանսական կայունությունը։

182
թեգերը:
Կենտրոնական բանկ (ԿԲ), Սամվել Ճզմաչյան, Հայաստան, դոլար, դրամ
Ըստ թեմայի
Գազի հնարավոր թանկացումը Կենտրոնական բանկի կանխատեսումներում դեռ չի հաշվարկվել
Տնտեսական իրողությունները վերանայելու` Կենտրոնական բանկի մոտեցումը տեղին է. Մանասերյան
Կենտրոնական բանկում կստեղծվի ՀՀ բոլոր բանկային հաշիվների կենտրոնացված ռեեստր
Տիգրան Աբրահամյան

Ինչո՞ւ հենց Արշակ Կարապետյանը. Աբրահամյանը խոսել է ԳՇ պետի առաջին տեղակալի նշանակման մասին

53
«Հենակետ» վերլուծական կենտրոնի ղեկավար, Արցախի նախագահի անվտանգության հարցերով նախկին խորհրդական Տիգրան Աբրահամյանը Sputnik Արմենիայի եթերում խոսել է Արշակ Կարապետյանի` իրավունքի ուժով ՀՀ ԶՈւ գլխավոր շտաբի պետի առաջին տեղակալ դառնալու մասին։
Աբրահամյան. «Արշակ Կարապետյանի նշանակումն ունի զուտ քաղաքական նշանակություն»

Տիգրան Աբրահամյանի դիտարկմամբ` դա ըստ էության պարգևատրում էր Արշակ Կարապետյանին այս ողջ ընթացքում գործող իշխանություններին աջակցելու, «Մարտի 1»-ի հայտնի գործով անհրաժեշտ ցուցմունքներ տալու համար, չնայած արդեն իսկ երևաց, որ այդ իրավական գործընթացը մտավ փակուղի։ Ըստ նրա` ամենախնդրահարույցն այն է, որ հատկապես պատերազմական գործողություններից հետո ԶՈւ առջև դրված են շատ ավելի բարդ խնդիրներ, սակայն այս պարագայում իշխանությունը համապատասխան տեղերում` ՊՆ–ում, ԳՇ–ում նշանակում է անձանց, որոնց համար նույնիսկ ամենամեծ ցանկության դեպքում դժվար է բանակն այս վիճակից հանել, իրականացնել անհրաժեշտ ռեֆորմներ և պատրաստել հնարավոր այլ զարգացումների։ 

«Ցանկացած ոլորտում էլ նման դրդապատճառներով նշանակումներն անթույլատրելի են։ Իսկ հատկապես զինված ուժերն այսպիսի բարոյական վիճակի հասցնելը, նման մարդկանց պատասխանատու պաշտոններում նշանակելը ոչ այլ ինչ է, քան բանակի վերջնական կազմաքանդում։ Բանակը մեծ ընտանիք է, որտեղ բոլորը բոլորին ճանաչում են, հետևաբար բնական է, որ այսպիսի նշանակումները միայն վատ ձևով կարող են ազդեցություն ունենալ բանակի բարոյահոգեբանական վիճակի և հետագա զարգացումների վրա»,– նշեց Աբրահամյանը։      

Նրա կարծիքով` ԶՈւ Գլխավոր շտաբում նշանակման կարևոր հիմքերը պետք է լինեն մասնագիտական բարձր որակները, անցած մարտական փառավոր ուղին, իսկ սա միանշանակ քաղաքական նշանակում էր։ ՀՀ վարչապետն, ըստ Աբրահամյանի, խնդիր ունի հայտնի իրադարձություններից հետո ուժեղացնել իր դիրքերը ԳՇ–ում և այդ ճանապարհին նրա համար կարևորը ոչ թե մարդկային որակներն են, հմտությունները, այլ քաղաքական հարց լուծելը, վերահսկողությունն ամբողջությամբ իր ձեռքը վերցնելը։    

Արցախի նախագահի անվտանգության հարցերով նախկին խորհրդականի համոզմամբ` և՛ Արցախի ՊԲ–ի հրամկազմում, և՛ ՀՀ–ում կան զինվորականներ, որոնք իրականում համապատասխանում են նման նշանակման, հետևաբար այնպես չէ, որ ընտրության հնարավորություն չկար կամ էլ կադրային սով էր։ 

Տեղեկացնենք, որ ՀՀ նախագահ Արմեն Սարգսյանը չէր ստորագրել վարչապետի կողմից ներկայացված նախագիծը և այն առարկություններով չէր վերադարձրել վարչապետին։

Այսօր ՀՀ կառավարությունից տեղեկացրին, որ Արշակ Կարապետյանն իրավունքի ուժով դարձավ ՀՀ ԶՈւ գլխավոր շտաբի պետի առաջին տեղակալ։

ՀՔԾ-ում Օնիկ Գասպարյանի դիմումի հիման վրա նյութեր են նախապատրաստվում

Նշենք, որ ԳՇ նախկին պետ Օնիկ Գասպարյանը մարտին ստորագրել էր գլխավոր շտաբի պետի առաջին տեղակալ Տիրան Խաչատրյանի արձակուրդի հրամանը, և երբ ՊՆ ղեկավար Վաղարշակ Հարությունյանն աշխատանքից ազատել է Խաչատրյանին, վերջինս արձակուրդում էր։

Տիրան Խաչատրյանին աշխատանքից ազատ ազատելու պատճառը գեներալ-լեյտենանտի արձագանքն էր Փաշինյանի այն հայտարարությանը, թե «Իսկանդերի» հրթիռը մարտական գործողությունների ժամանակ պայթել է 10 տոկոսով:

ՀՀ ԶՈւ ԳՇ պետի նախկին առաջին տեղակալ, ՀՀ ազգային հերոս Տիրան Խաչատրյանը նոր հայցադիմում է ներկայացրել ՀՀ վարչական դատարան՝ ընդդեմ ՀՀ ՊՆ նախարար Վաղարշակ Հարությունյանի և ՀՀ ԶՈւ գլխավոր շտաբի։

53
թեգերը:
Նիկոլ Փաշինյան, Հայաստան, Բանակ, ՀՀ ԶՈւ գլխավոր շտաբ, Տիգրան Աբրահամյան, Արշակ Կարապետյան
Ըստ թեմայի
Որոշումը գրավոր կներկայացվի կողմերին. դատարան քննեց ԳՇ նախկին պետ Օնիկ Գասպարյանի հայցը
«Կա բավարար նյութ, որ ԳՇ պետ Արտակ Դավթյանի դեմ քրգործ հարուցվի». Գևորգ Գորգիսյան
«ԳՇ պետն ասաց` իրավասու չէ լուծում տալ». անհետ կորածների ծնողների հետ հանդիպումն ավարտվեց
Թաթուլ Խուդատյան

ՍԴ ուղարկված օրենքի հետքերով. Խուդատյանը պատմում է ՀՀ նախագահի հետ հանդիպման մասին

39
(Թարմացված է 20:49 12.04.2021)
Փաստաբան Թաթուլ Խուդատյանը Sputnik Արմենիայի եթերում անդրադարձել է ՀՀ նախագահի և մի խումբ իրավաբանների հանդիպմանը, որի ընթացքում կողմերն անդրադարձել են դատական օրենսգրքում և հարակից օրենքներում լրացումներ և փոփոխություններ կատարելու մասին օրենսդրական նախաձեռնությանը։
Խուդատյան. Դատական օրենսգրքի փոփոխություններն իրավիճակային են, այլ ոչ թե հայեցակարգային

Թաթուլ Խուդատյանի դիտարկմամբ` ՀՀ նախագահ Արմեն Սարգսյանի և մի խումբ իրավաբանների ու փաստաբանների հանդիպման ձևաչափն այնպիսին էր, որ նախագահն ըստ էության լսեց հանդիպմանը ներկա իրավաբանների և մասնագետների կարծիքը, և այդ հանդիպման ընթացքում նա որևէ կանխակալ կարծիք նախապես չհայտնեց, պարզապես ցանկանում էր քննարկվող հարցերի շրջանակներում պարզել մասնագետների դիրքորոշումները տվյալ օրենսդրական փոփոխությունների վերաբերյալ։

«Հանդիպմանը ներկա բոլոր մասնագետներն էլ հիմնականում բացասական վերաբերմունք և կարծիքներ ունեին այդ օրենսդրական փոփոխությունների վերաբերյալ։ Մի մասը նշում էր, որ դրանք ինստիտուցիոնալ ու հայեցակարգային չեն, իսկ մյուս մասն էլ նշում էր, որ այդ փոփոխությունները իրավիճակային են, այսինքն` կոնկրետ իրավիճակից բխող։ Այդուհանդերձ հակասահմանադրականության առումով գրեթե բոլոր իրավաբանների կարծիքները համընկնում էին, այն է` այդ օրենքները որոշակիության սկզբունքից ելնելով` կարող են համարվել հակասահմանադրական»,– Sputnik Արմենիային ասաց փաստաբանը, որը նույնպես ներկա է եղել ՀՀ նախագահի հետ հանդիպմանը։

Անդրադառնալով այն հարցին, թե ինքն ինչ է ակնկալում Սահմանադրական դատարանից, Խուդատյանն ընդգծեց, որ կոնկրետ դատավարության մասնակիցների իրավունքների սահմանափակումների առթիվ Սահմանադրությանը հակասելու տեսանկյունից ՍԴ–ն կարող է դիտարկել խնդիրը, և այդ մասով ՍԴ–ն կարող է հաստատել, որ այդ դրույթները, սահմանափակումները հակասում են Սահմանադրությանը

Փաստաբանի կարծիքով` Դատական օրենսգրքի մյուս բոլոր փոփոխությունների առթիվ դժվար է որևէ կանխատեսում անել, թե ՍԴ–ն ինչ եզրակացության կհանգի, և հնարավոր է, որ դատական այդ ատյանը հանդես գա այլ մեկնաբանություններով, բայցևայնպես Խուդատյանը կանխատեսեց, որ Դատական օրենսգրքի փոփոխությունների օրենքը մի մասով ՍԴ–ի կողմից կարող է ճանաչվել հակասահմանադրական։

Տեղեկացնենք, որ ՀՀ նախագահ Արմեն Սարգսյանը դիմել է Սահմանադրական դատարան Դատական օրենսգրքում լրացումներ և փոփոխություններ կատարելու մասին օրենքի և հարակից օրենքների` Սահմանադրության համապատասխանության հարցը որոշելու խնդրանքով։

Սահմանադրական դատարանն ապրիլի 12-ին մուտքագրել է Դատական օրենսգրքում լրացումների և փոփոխությունների օրենքի հարցով ՀՀ նախագահի դիմումը։ Դիմումի նախնական ուսումնասիրման համար 20-օրյա ժամկետ է սահմանված։

Սարգսյանը մի խումբ իրավաբանների և փաստաբանների հետ հանդիպում էր ունեցել ապրիլի 6–ին։

39
թեգերը:
Թաթուլ Խուդատյան, Արմեն Սարգսյան, Օրենք, Սիրանույշ Սահակյան
Ըստ թեմայի
ՀՀ նախագահն ու ԲԴԽ նախագահը քննարկել են սահմանադրական օրենքի փոփոխությունները
Արմեն Սարգսյանն ընդունել է Գագիկ Ջհանգիրյանին

Ռուսաստանի ԱԴԾ–ն Իվանովոյում ծայրահեղականի է ձերբակալել. տեսանյութ

0
Տղամարդը մասնակցել է միջազգային կրոնական միավորման արարողություններին, քարոզել արգելված կազմակերպության գաղափարախոսությունը:

Իվանովոյում «Թաբլիգի Ջամաաթ» ծայրահեղական միավորման անդամ է ձերբակալվել։ Տեղեկությունը հայտնում է ՌԻԱ Նովոստին` հղում անելով Դաշնային անվտանգության ծառայությունը:

Նշվում է, որ 1985 թվականին ծնված տղամարդն անցնում է ՌԴ ՔՕ 282.2 հոդվածի 2-րդ մասով (ծայրահեղական կազմակերպության գործունեության կազմակերպում) հարուցված քրեական գործով։

Պարզվել է, որ նա մասնակցել է «Թաբլիգի Ջամաաթ» միջազգային կրոնական միավորման արարողություններին, քարոզել այդ կազմակերպության գաղափարախոսությունը:

Այս կազմակերպությունը Ռուսաստանում արգելված է 2009 թվականից։ Գերագույն դատարանը վճռել է, որ կրոնական միավորման գործունեությունն ուղղված է ՌԴ տարածքային ամբողջականության խախտմանը և Ռուսաստանի քաղաքացիների կրոնական խտրականությանը, ինչպես նաև միջազգային ահաբեկչական կազմակերպություններին աջակցություն ցուցաբերելուն։

0