Կառլեն Խաչատրյան

Կարո՞ղ է արդյոք տնտեսությունը երկնիշ թվով աճել, եթե առաջին եռամսյակում ունենք էական անկում

48
(Թարմացված է 13:00 08.04.2021)
Տնտեսագետ Կառլեն Խաչատրյանը Sputnik Արմենիայի եթերում անդրադարձել է ընթացիկ տարում Հայաստանի տնտեսական աճի ցուցանիշին՝ Համաշխարհային բանկի և ՀՀ Կենտրոնական բանկի ու էկոնոմիկայի նախարարության ներկայացրած թվերի համադրությամբ։  
Խաչատրյան. «Չի կարող տնտեսությունը երկնիշ տեմպով աճել, եթե առաջին եռամսյակում ունենք էական անկում»

Կառլեն Խաչատրյանի դիտարկմամբ` Համաշխարհային բանկը մշտապես փորձում է կանխատեսել աշխարհում առաջիկա տարիների կտրվածքով տեղի ունեցող տնտեսական զարգացումները։ Ըստ նրա`այդ կանխատեսումներն, ըստ էության, հիմնված են Համաշխարհային բանկի փորձագետների ենթադրությունների վրա։

«Հայաստանի համար, այո, կանխատեսվում է, որ 2021 թվականին կունենանք 3,4 տոկոս տնտեսական աճ, բայց այնտեղ ենթադրվում է նաև, որ հնարավորինս շուտ հնարավոր կլինի հաստատել քաղաքական կայունություն, և երկրում համավարակի դեմ պայքարն էլ արդյունավետ կլինի։ Այսինքն` կան որոշակի ենթադրություններ, որոնցից էլ բխում է վերոհիշյալ ցուցանիշը, իսկ եթե քաղաքական գործընթացների կամ համավարակի առթիվ ՀԲ–ի փորձագետների կանխատեսումները չիրականանան, ապա նույնիսկ 3,4 տոկոս տնտեսական աճը հասանելի չի լինի»,– նշեց տնտեսագետը։

Խաչատրյանն անդրադարձավ նաև Հայաստանի ԿԲ–ի և էկոնոմիկայի նախարարության կողմից ներկայացված կանխատեսումներին ու ցուցանիշներին և շեշտեց, որ Կենտրոնական բանկը մեր երկրի տնտեսական քաղաքականություն իրականացնող ինստիտուտներից դեռևս ամենապրոֆեսիոնալ մնացած կառույցն է ու հենց դրանով պետք է պայմանավորել այն հանգամանքը, որ ԿԲ–ի թե՛ հրապարակումները, թե՛ կանխատեսումները շատ ավելի կշռադատված են, ավելի պրոֆեսիոնալ են ու զերծ քաղաքական ոչ պատասխանատու հայտարարություններից` ի տարբերություն էկոնոմիկայի նախարարության։ 

«Նաև դրանով պետք է պայմանավորել, որ օրինակ ԿԲ–ի կանխատեսումը 2021 թվականի տնտեսական աճի մասով շատ մոտ է Համաշխարհային բանկի կանխատեսումներին։ Մեր երկրի ներսում էլ անկախ փորձագետների զգալի մասը մինչև 3 տոկոսանոց տնտեսական աճ է կանխատեսում 2021 թվականի համար, և այս ֆոնին միակ երկնիշ տնտեսական աճ խոստացող կառույցը փաստացի մնում է էկոնոմիկայի նախարարությունը»,– ասաց տնտեսագետը։

Խաչատրյանի համոզմամբ`էկոնոմիկայի նախարար Վահան Քերոբյանի հայտարարություններն ավելի շատ պետք է դիտարկել քաղաքական, հանրային լայն զանգվածների մոտ որոշակի ականջահաճո մոտեցումներ արթնացնելու մոտիվացիոն տեսանկյունից։ Ըստ տնտեսագետի` չի կարող 2021 թվականին երկրի տնտեսությունը երկնիշ տեմպով աճել, եթե առաջին եռամսյակում մենք ունենք էական անկում, հսկայական անորոշություն և բացասական սպասումներ բիզնես աշխարհի կողմից։ 

2021 թ.–ի առաջին ամիսների տնտեսական ցուցանիշները լավատեսություն չեն ներշնչում. տնտեսագետ

Հիշեցնենք, որ Համաշխարհային բանկի կանխատեսումների համաձայն` Հայատանում տնտեսական աճը 2021 թվականին կհասնի 3,4 տոկոսի, մինչդեռ էկոնոմիկայի նախարար Վահան Քերոբյանի խոսքով` եթե ներկայիս աճի տեմպը պահպանվի, ապա 2021 թվականի վերջին ավելի քան 10 տոկոս տնտեսական աճ կգրանցվի` 2020 թվականի համեմատ։ 

Տեղեկացնենք, որ ՀՀ Կենտրոնական բանկն իր հերթին 1,4 տոկոս կանխատեսում է արել, իսկ բյուջեում պլանավորված է 3,2 տոկոս։

48
թեգերը:
Հայաստան, տնտեսագետ, Կառլեն Խաչատրյան
Ըստ թեմայի
ՀՀ տնտեսությունը պահում են հանքերն ու առողջապահությունը. 2020թ–ի տնտեսական ցուցանիշները
Տնտեսական իրողությունները վերանայելու` Կենտրոնական բանկի մոտեցումը տեղին է. Մանասերյան
2021-ի վերջում կունենանք ավելի քան 10 տոկոս տնտեսական աճ. Վահան Քերոբյանի նոր կանխատեսումը
Արմեն Բադալյան

«Փաշինյանը չի կարող վարչական ռեսուրսն օգտագործելով հաղթանակ ապահովել». քաղտեխնոլոգ

148
Քաղտեխնոլոգ Արմեն Բադալյանի հետ Sputnik Արմենիայի եթերում անդրադարձել ենք նախանշված ընտրությունների արդյունքներին։
«Վարչապետը չի կարող վարչական ռեսուրսն օգտագործելով հաղթանակ ապահովել». Բադալյան

Այս պահի դրությամբ Նիկոլ Փաշինյանը չունի այն վարչական ռեսուրսը, որ կարողանա «նկարչությամբ» իր հաղթանակն ապահովել, ավելին՝ վարչական ռեսուրսով Հայաստանում հաղթանակ երբեք չի ապահովվել։ Sputnik Արմենիայի հետ զրույցում նման կարծիք հայտնեց քաղտեխնոլոգ Արմեն Բադալյանը։

«Որոշակի տոկոս հնարավոր է ապահովել, բայց ոչ երբեք հաղթանակ։ Ծեծելով, բռնությամբ թվեր նկարել են, ինչպես 90-ականներին, կամ փող բաժանելով հաջողության հասել են` ինչպես 2000-ականներին և դրանից հետո ընկած ժամանակաշրջանում»,- ասաց նա։

Նրա դիտարկմամբ` առաջիկա ընտրություններում հիմնական պայքարը լինելու է ՔՊ կուսակցության և նրա ղեկավար Նիկոլ Փաշինյանի և Քոչարյանի շուրջ ձևավորվող դաշինքի և նրա ղեկավարի միջև, իսկ այդ պայքարի արդյունքը մեծապես կախված է նրանից, թե որքան գրագետ կկազմակերպվեն ընտրությունները։

Բադալյանի խոսքով` հիմնական մրցակիցներից բացի` ձայների որոշակի քանակ կհավաքեն նաև ԲՀԿ-ն, «Հայրենիք» կուսակցության առաջնորդը, որոշ արևմտամետ ուժեր, կլինեն նաև զուտ գաղափարական ուժերին կողմ քվեարկողներ։

Ինչ վերաբերում է մարդ-կուսակցություններին, ապա նրանք, ըստ քաղտեխնոլոգի, ընտրապայքարում լուրջ դերակատարում չեն ունենա։

Հիշեցնենք՝ մարտի 18-ին վարչապետ Նիկոլ Փաշինյանը հայտարարեց, որ հունիսի 20-ին Հայաստանում ԱԺ արտահերթ ընտրություններ կկայանան: Ավելի ուշ Ազգային ժողովը հաստատեց Ընտրական օրենսգրքի փոփոխությունների նախագիծը, ըստ որի՝ խորհրդարանական ընտրությունները տեղի կունենան միայն համամասնական ընտրակարգով։

Արտահերթ ընտրությունները երկիրը ճգնաժամից դուրս չեն բերի. Արմեն Սարգսյան

148
Ըստ թեմայի
ԼՀԿ–ն ընտրությունների ցուցակ չի կազմում. Անի Սամսոնյանն ասաց` ինչին են սպասում
Ո՞ր դեպքում Լևոն Տեր-Պետրոսյանի կուսակցությունը կմասնակցի ընտրություններին
Արա Զոհրաբյանն էլ կմասնակցի ընտրություններին. ո՞ւմ հետ կհամագործակցի նա
Արմեն Մանվելյան

Նոր ատոմակայանի կառուցումն իրատեսական չէ. Արմեն Մանվելյան

84
(Թարմացված է 15:25 11.04.2021)
Իրանագետ-էներգետիկ Արմեն Մանվելյանը Sputnik Արմենիայի եթերում անդրադարձել է ՀՀ վարչապետ Նիկոլ Փաշինյանի` նոր ատոմակայան կառուցելու մասին հայտարարությանը։
«Նոր ատոմակայանի կառուցման հարցն իրատեսական չէ». Մանվելյան

Հայաստանում երկրորդ ատոմակայանի կառուցումն իրատեսական չէ։ Sputnik Արմենիայի հետ զրույցում նման կարծիք հայտնեց իրանագետ-էներգետիկ Արմեն Մանվելյանը։

«Ատոմակայանը բավականին թանկ արժե, օրինակ` մեկ ռեակտորի գինը մոտավոր 5.5 միլիարդ դոլար է, չեմ կարծում, որ Հայաստանն այդքան գումար ունի կամ էլ ինչ-որ մեկը Հայաստանին 5.5 միլիարդի վարկ կտա»,- ասաց նա։

Ատոմակայանի կառուցման հարցը հարցականի տակ դնող երկրորդ հիմնական պատճառը, ըստ Մանվելյանի, արտադրվող էներգիայի սպառման շուկայի բացակայությունն է։

«Հայաստանի տարեկան պահանջարկը 1300 մեգաբայթ է։ Գոնե այս պահին մնացած արտադրանքը սպառելու տեղ չունենք։ Հիմա ավելի իրատեսական և խելամիտ է գործող ատոմակայանը վերանորոգել և շահագործել, մանավանդ, որ օրինակներ կան, որ այդ կարգի ատոմակայանների գործունեության ժամկետը մինչև 50 տարով (5 անգամ 10 տարի) երկարաձգվել է»,- նշեց Մանվելյանը։

Նրա կարծիքով` նոր ատոմակայանի կառուցման մասին հայտարարություններն արվում են հայաստանյան լսարանի համար` ընտրություններին ընդառաջ։ 

Նշենք, որ ՀՀ վարչապետ Նիկոլ Փաշինյանը ապրիլի 7-ին կատարած մոսկովյան այցի ժամանակ ՌԴ նախագահ Վլադիմիր Պուտինի հետ զրույցում խոսել էր նաև նոր ատոմակայան կառուցելու մասին։

84
թեգերը:
Հայաստան, ատոմակայան
Ըստ թեմայի
Մեծամորի էներգետիկները կուսումնասիրեն ռուսական ատոմակայանների փորձը
Մոսկվայում կքննարկվի Հայաստանում նոր ատոմակայան կառուցելու հնարավորությունը
Հայաստանն ավելի արդյունավետ ատոմակայան կունենա
Президент Армен Саркисян посетил музей фонда Галуста Гюльбенкяна (9 апреля 2019). Лиссабон

ՀՀ նախագահը դիմել է Սահմանադրական դատարան. Դատական օրենսգիրքն առերևույթ խնդրահարույց է

0
(Թարմացված է 10:46 12.04.2021)
Մինչ ՍԴ դիմելը նախագահը ներկայացված օրինագծերի փաթեթը քննարկել էր արդարադատության նախարարի, Ազգային ժողովի պետական-իրավական հանձնաժողովի նախագահի, ինչպես նաև ԲԴԽ նախագահի, իրավաբանների նկատառումներն ու մտահոգությունները:

ԵՐԵՎԱՆ, 12 ապրիլի - Sputnik. ՀՀ նախագահ Արմեն Սարգսյանը չի ստորագրել «Հայաստանի Հանրապետության դատական օրենսգիրք» սահմանադրական օրենքում փոփոխություններ և լրացումներ կատարելու մասին» օրենքի և հարակից օրենքների փաթեթը։ Ինչպես հայտնում են ՀՀ նախագահի աշխատակազմից, Արմեն Սարգսյանը փորձագիտական շրջանակների հետ օրենքների փաթեթը քննարկելուց հետո եկել է այն եզրահանգման, որ դրանք առերևույթ հակասում են Սահմանադրությանը, որոշել է դիմել Սահմանադրական դատարան` ԱԺ–ի ընդունած օրինագծերի փաթեթի Սահմանադրության համապատասխանության հարցը որոշելու խնդրանքով:

«Օրենքով առաջարկվող կարգավորումներն իրավիճակային են և առերևույթ խնդրահարույց իրավական որոշակիության, համաչափության, իշխանությունների տարանջատման, ինչպես նաև դատական իշխանության անկախության սահմանադրական սկզբունքներին և պահանջներին համապատասխանելու տեսանկյունից»,– ասվում է նախագահի մամուլի ծառայության հրապարակած հայտարարության մեջ։

Հիշեցնենք` «Հայաստանի Հանրապետության դատական օրենսգիրք» սահմանադրական օրենքում լրացումներ և փոփոխություններ կատարելու մասին» օրենքը և հարակից օրենքները Ազգային ժողովի կողմից Հանրապետության նախագահի ստորագրմանն էին ներկայացվել 2021թ.–ի մարտի 22-ին:

Մինչ ՍԴ դիմելը նախագահը ներկայացված օրինագծերի փաթեթը քննարկել էր արդարադատության նախարարի, Ազգային ժողովի պետական-իրավական հանձնաժողովի նախագահի, ինչպես նաև ԲԴԽ նախագահի, իրավաբան գիտնականների, փորձագետների և փաստաբանների, քաղաքացիական հասարակության ներկայացուցիչների հետ, լսվել են նրանց նկատառումներն ու մտահոգությունները:

Նշենք, որ մասնագետների համոզմամբ, օրենքում տեղ գտած առանձին կարգավորումներ անհամատեղելի են դատական իշխանության անկախության և միսանականության հիմնարար պահանջների հետ։

Օրենքը նախատեսում է դատավորների որոշակի ներքին մասնագիտացում՝ հիմնված գործի, բարդության վրա։ Մեկնաբանեությունների համաձայն, սա կարող է գհանգեցնել դատավորների առանձին էլիտար խմբի ձևավորմանը, ինչը կհանգեցնի պակաս մասնագիտացված դատավորների նկատմամբ հանրային վստահության նվազմանը։

Բացի այդ` նախատեսվում է ֆիզիկական կամ իրավաբանական անձի դիմումի հիման վրա դատավորին կարգապահական պատասխանատվության ենթարկելու, Բարձրագույն դատական խորհրդում քննարկելու խնդիրը՝ առանց իրավասու մարմինների կողմից նախապես կարգապահական վարույթ հարուցելու մասին որոշում կայացնելու։

0