Վահագն Խաչատրյան

Այդ մարդկանց օգնելու կարիք կա. Խաչատրյանը` մեքենաների առքուվաճառքից տուժած անձանց մասին

46
Տնտեսագետ Վահագն Խաչատրյանը Sputnik Արմենիայի եթերում անդրադարձել է մեքենաների առքուվաճառքով զբաղվող մարդկանց խնդիրներին, առավել ևս, որ Հայաստանից ավտոմեքենաների ներկրումը Ռուսաստան գործնականում դադարել է:
Խաչատրյան. «Եթե որոշումը հակասում է ԵԱՏՄ գաղափարին, ապա այդ հարցը պետք է բարձրացնել և լուծել»

Վահագն Խաչատրյանի դիտարկմամբ` փաստորեն արվում է ևս մեկ խստացում, և այն մարդիկ, ովքեր նախկինում մեքենաներ էին ներկրել, սպասումների մեջ էին` պայմանավորված կորոնավիրուսով, հույս ունեին, որ սահմանները կբացվեն, իրենք ազատ երթևեկելու իրավունք կունենան ու կգտնեն նոր գնորդներ, սակայն այժմ դրա հետ կապված նույնպես կիրառվում է սահմանափակում։ 

«Սա անկասկած հարուցելու է խնդիրներ։ Այդ մարդկանց օգնելու անհրաժեշտություն կա։ Իհարկե ինձ կարող են հակադարձել` ասելով, որ յուրաքանչուրն իր անձնական ռիսկի հաշվին է այդ գործն արել, հետևաբար պետությունն այդտեղ որևէ պարտավորություն չունի, ու թեև ես կիսում եմ այդ տեսակետը, բայց այն, ինչ տեղի ունեցավ անցյալ տարի, այդ մարդկանց` ներկրողների ու գործարարների մեղքով չէր։ Պարզապես համավարակով պայմանավորված ֆորսմաժորային իրավիճակ է եղել»,– նշեց տնտեսագետը։

Խաչատրյանը վկայակոչեց այն հանգամանքը, որ ստեղծված իրավիճակում պետությունը որոշեց առանձին տնտեսական բնագավառներին օգնել և իրականացրեց սոցիալական աջակցության հակաճգնաժամային 23 ծրագիր։ Առանձին ծրագրերն անցյալ տարվա մայիսից մինչ օրս շարունակվում են, ինչն, ըստ Խաչատրյանի, ողջունելի է։ Հաշվի առնելով, որ մեքենաների առքուվաճառքով զբաղվողները ՀՀ քաղաքացիներ են` այդ ամենում ընդգրկված են բազմաթիվ մարդիկ ու այլ կառույցներ, հետևաբար կարիք կա քննարկել խնդիրը։

«Եթե վերոհիշյալ որոշումը որևէ կերպ հակասում է Եվրասիական տնտեսական միության գաղափարին, ապա այդ հարցը պետք է բարձրացնել և լուծել։ Ըստ նրա` եթե նույնիսկ որոշումը սպասարկում է ՌԴ–ի կամ մեկ այլ երկրի շահերին, բայց չի բավարարում ընդհանուր տրամաբանությանը, ապա պետք է դրվի ընդհանուր օրակարգում և լուծվի»,– ասաց տնտեսագետը։   

Խաչատրյանի կարծիքով` ներկրված մեծ թվով մեքենաները վերջին երկու տարում զգալիորեն կորցրել են իրենց արժեքը, և մարդիկ ֆինանսական կորուստների պատճառով ուղղակի պատրաստ են ինչ–ինչ գնով վաճառել, միայն թե կարողանան իրենց ֆինանսական պարտավորությունները փակել։ Հետևաբար, հաշվի առնելով այս հանգամանքը` խնդիրը պետք է դառնա քննարկման առարկա, որպեսզի հնարավոր լինի այդ մարդկանց ինչ–որ կերպ օգնել։     

Հիշեցնենք, որ «Ռոսիա -24» հեռուստաալիքի եթերում Ռուսաստանի երթևեկության անվտանգության պետական տեսչության պետ Միխայիլ Չերնիկովը հայտարարել էր, որ ՌԴ–ում մշակվել է տրանսպորտային միջոցների սեփականատերերի գրանցման համակարգ տեղեկատվական մեկ միասնական բազայում և այժմ հեշտությամբ կարելի է հետևել այն վարորդներին, ովքեր ցածր գնով մեքենա են գնել և այն ԱՊՀ երկրներից ներկրել Ռուսաստան:

Նրա խոսքով՝ բոլոր կանգառներից նման ավտոմեքենաների վարորդների  տվյալները փոխանցվում են միասնական տեղեկատվական բազա: Բացի այդ, այդ տրանսպորտային միջոցներին կարելի է հետևել՝ ֆոտո և տեսախցիկների միջոցով:

46
թեգերը:
կորոնավիրուս, Վահագն Խաչատրյան, Ռուսաստան, Հայաստան, ավտոներկրող, ավտոմեքենա
Տիգրան Աբրահամյան

Ինչո՞ւ հենց Արշակ Կարապետյանը. Աբրահամյանը խոսել է ԳՇ պետի առաջին տեղակալի նշանակման մասին

48
«Հենակետ» վերլուծական կենտրոնի ղեկավար, Արցախի նախագահի անվտանգության հարցերով նախկին խորհրդական Տիգրան Աբրահամյանը Sputnik Արմենիայի եթերում խոսել է Արշակ Կարապետյանի` իրավունքի ուժով ՀՀ ԶՈւ գլխավոր շտաբի պետի առաջին տեղակալ դառնալու մասին։
Աբրահամյան. «Արշակ Կարապետյանի նշանակումն ունի զուտ քաղաքական նշանակություն»

Տիգրան Աբրահամյանի դիտարկմամբ` դա ըստ էության պարգևատրում էր Արշակ Կարապետյանին այս ողջ ընթացքում գործող իշխանություններին աջակցելու, «Մարտի 1»-ի հայտնի գործով անհրաժեշտ ցուցմունքներ տալու համար, չնայած արդեն իսկ երևաց, որ այդ իրավական գործընթացը մտավ փակուղի։ Ըստ նրա` ամենախնդրահարույցն այն է, որ հատկապես պատերազմական գործողություններից հետո ԶՈւ առջև դրված են շատ ավելի բարդ խնդիրներ, սակայն այս պարագայում իշխանությունը համապատասխան տեղերում` ՊՆ–ում, ԳՇ–ում նշանակում է անձանց, որոնց համար նույնիսկ ամենամեծ ցանկության դեպքում դժվար է բանակն այս վիճակից հանել, իրականացնել անհրաժեշտ ռեֆորմներ և պատրաստել հնարավոր այլ զարգացումների։ 

«Ցանկացած ոլորտում էլ նման դրդապատճառներով նշանակումներն անթույլատրելի են։ Իսկ հատկապես զինված ուժերն այսպիսի բարոյական վիճակի հասցնելը, նման մարդկանց պատասխանատու պաշտոններում նշանակելը ոչ այլ ինչ է, քան բանակի վերջնական կազմաքանդում։ Բանակը մեծ ընտանիք է, որտեղ բոլորը բոլորին ճանաչում են, հետևաբար բնական է, որ այսպիսի նշանակումները միայն վատ ձևով կարող են ազդեցություն ունենալ բանակի բարոյահոգեբանական վիճակի և հետագա զարգացումների վրա»,– նշեց Աբրահամյանը։      

Նրա կարծիքով` ԶՈւ Գլխավոր շտաբում նշանակման կարևոր հիմքերը պետք է լինեն մասնագիտական բարձր որակները, անցած մարտական փառավոր ուղին, իսկ սա միանշանակ քաղաքական նշանակում էր։ ՀՀ վարչապետն, ըստ Աբրահամյանի, խնդիր ունի հայտնի իրադարձություններից հետո ուժեղացնել իր դիրքերը ԳՇ–ում և այդ ճանապարհին նրա համար կարևորը ոչ թե մարդկային որակներն են, հմտությունները, այլ քաղաքական հարց լուծելը, վերահսկողությունն ամբողջությամբ իր ձեռքը վերցնելը։    

Արցախի նախագահի անվտանգության հարցերով նախկին խորհրդականի համոզմամբ` և՛ Արցախի ՊԲ–ի հրամկազմում, և՛ ՀՀ–ում կան զինվորականներ, որոնք իրականում համապատասխանում են նման նշանակման, հետևաբար այնպես չէ, որ ընտրության հնարավորություն չկար կամ էլ կադրային սով էր։ 

Տեղեկացնենք, որ ՀՀ նախագահ Արմեն Սարգսյանը չէր ստորագրել վարչապետի կողմից ներկայացված նախագիծը և այն առարկություններով չէր վերադարձրել վարչապետին։

Այսօր ՀՀ կառավարությունից տեղեկացրին, որ Արշակ Կարապետյանն իրավունքի ուժով դարձավ ՀՀ ԶՈւ գլխավոր շտաբի պետի առաջին տեղակալ։

ՀՔԾ-ում Օնիկ Գասպարյանի դիմումի հիման վրա նյութեր են նախապատրաստվում

Նշենք, որ ԳՇ նախկին պետ Օնիկ Գասպարյանը մարտին ստորագրել էր գլխավոր շտաբի պետի առաջին տեղակալ Տիրան Խաչատրյանի արձակուրդի հրամանը, և երբ ՊՆ ղեկավար Վաղարշակ Հարությունյանն աշխատանքից ազատել է Խաչատրյանին, վերջինս արձակուրդում էր։

Տիրան Խաչատրյանին աշխատանքից ազատ ազատելու պատճառը գեներալ-լեյտենանտի արձագանքն էր Փաշինյանի այն հայտարարությանը, թե «Իսկանդերի» հրթիռը մարտական գործողությունների ժամանակ պայթել է 10 տոկոսով:

ՀՀ ԶՈւ ԳՇ պետի նախկին առաջին տեղակալ, ՀՀ ազգային հերոս Տիրան Խաչատրյանը նոր հայցադիմում է ներկայացրել ՀՀ վարչական դատարան՝ ընդդեմ ՀՀ ՊՆ նախարար Վաղարշակ Հարությունյանի և ՀՀ ԶՈւ գլխավոր շտաբի։

48
թեգերը:
Նիկոլ Փաշինյան, Հայաստան, Բանակ, ՀՀ ԶՈւ գլխավոր շտաբ, Տիգրան Աբրահամյան, Արշակ Կարապետյան
Ըստ թեմայի
Որոշումը գրավոր կներկայացվի կողմերին. դատարան քննեց ԳՇ նախկին պետ Օնիկ Գասպարյանի հայցը
«Կա բավարար նյութ, որ ԳՇ պետ Արտակ Դավթյանի դեմ քրգործ հարուցվի». Գևորգ Գորգիսյան
«ԳՇ պետն ասաց` իրավասու չէ լուծում տալ». անհետ կորածների ծնողների հետ հանդիպումն ավարտվեց
Թաթուլ Խուդատյան

ՍԴ ուղարկված օրենքի հետքերով. Խուդատյանը պատմում է ՀՀ նախագահի հետ հանդիպման մասին

38
(Թարմացված է 20:49 12.04.2021)
Փաստաբան Թաթուլ Խուդատյանը Sputnik Արմենիայի եթերում անդրադարձել է ՀՀ նախագահի և մի խումբ իրավաբանների հանդիպմանը, որի ընթացքում կողմերն անդրադարձել են դատական օրենսգրքում և հարակից օրենքներում լրացումներ և փոփոխություններ կատարելու մասին օրենսդրական նախաձեռնությանը։
Խուդատյան. Դատական օրենսգրքի փոփոխություններն իրավիճակային են, այլ ոչ թե հայեցակարգային

Թաթուլ Խուդատյանի դիտարկմամբ` ՀՀ նախագահ Արմեն Սարգսյանի և մի խումբ իրավաբանների ու փաստաբանների հանդիպման ձևաչափն այնպիսին էր, որ նախագահն ըստ էության լսեց հանդիպմանը ներկա իրավաբանների և մասնագետների կարծիքը, և այդ հանդիպման ընթացքում նա որևէ կանխակալ կարծիք նախապես չհայտնեց, պարզապես ցանկանում էր քննարկվող հարցերի շրջանակներում պարզել մասնագետների դիրքորոշումները տվյալ օրենսդրական փոփոխությունների վերաբերյալ։

«Հանդիպմանը ներկա բոլոր մասնագետներն էլ հիմնականում բացասական վերաբերմունք և կարծիքներ ունեին այդ օրենսդրական փոփոխությունների վերաբերյալ։ Մի մասը նշում էր, որ դրանք ինստիտուցիոնալ ու հայեցակարգային չեն, իսկ մյուս մասն էլ նշում էր, որ այդ փոփոխությունները իրավիճակային են, այսինքն` կոնկրետ իրավիճակից բխող։ Այդուհանդերձ հակասահմանադրականության առումով գրեթե բոլոր իրավաբանների կարծիքները համընկնում էին, այն է` այդ օրենքները որոշակիության սկզբունքից ելնելով` կարող են համարվել հակասահմանադրական»,– Sputnik Արմենիային ասաց փաստաբանը, որը նույնպես ներկա է եղել ՀՀ նախագահի հետ հանդիպմանը։

Անդրադառնալով այն հարցին, թե ինքն ինչ է ակնկալում Սահմանադրական դատարանից, Խուդատյանն ընդգծեց, որ կոնկրետ դատավարության մասնակիցների իրավունքների սահմանափակումների առթիվ Սահմանադրությանը հակասելու տեսանկյունից ՍԴ–ն կարող է դիտարկել խնդիրը, և այդ մասով ՍԴ–ն կարող է հաստատել, որ այդ դրույթները, սահմանափակումները հակասում են Սահմանադրությանը

Փաստաբանի կարծիքով` Դատական օրենսգրքի մյուս բոլոր փոփոխությունների առթիվ դժվար է որևէ կանխատեսում անել, թե ՍԴ–ն ինչ եզրակացության կհանգի, և հնարավոր է, որ դատական այդ ատյանը հանդես գա այլ մեկնաբանություններով, բայցևայնպես Խուդատյանը կանխատեսեց, որ Դատական օրենսգրքի փոփոխությունների օրենքը մի մասով ՍԴ–ի կողմից կարող է ճանաչվել հակասահմանադրական։

Տեղեկացնենք, որ ՀՀ նախագահ Արմեն Սարգսյանը դիմել է Սահմանադրական դատարան Դատական օրենսգրքում լրացումներ և փոփոխություններ կատարելու մասին օրենքի և հարակից օրենքների` Սահմանադրության համապատասխանության հարցը որոշելու խնդրանքով։

Սահմանադրական դատարանն ապրիլի 12-ին մուտքագրել է Դատական օրենսգրքում լրացումների և փոփոխությունների օրենքի հարցով ՀՀ նախագահի դիմումը։ Դիմումի նախնական ուսումնասիրման համար 20-օրյա ժամկետ է սահմանված։

Սարգսյանը մի խումբ իրավաբանների և փաստաբանների հետ հանդիպում էր ունեցել ապրիլի 6–ին։

38
թեգերը:
Թաթուլ Խուդատյան, Արմեն Սարգսյան, Օրենք, Սիրանույշ Սահակյան
Ըստ թեմայի
ՀՀ նախագահն ու ԲԴԽ նախագահը քննարկել են սահմանադրական օրենքի փոփոխությունները
Արմեն Սարգսյանն ընդունել է Գագիկ Ջհանգիրյանին
Первый заместитель министра транспорта, связи и инормационных технологий РА Акоп Аршакян

Լրագրողին հարվածելն իրավական ընթացք չի ստանա. ՀՔԾ-ն քրեական գործ չի հարուցել Արշակյանի դեմ

0
(Թարմացված է 16:20 13.04.2021)
Երևանի սրճարաններից մեկում լագրողը մոտեցել էր Հակոբ Արշակյանին և հարցրել, թե ինչու է աշխատանքային ժամին սրճարանում։ Րոպեներ անց մոտեցել էր լրագրողին և հարվածել նրան, և կոտրել գույքը:

ԵՐԵՎԱՆ, 13 ապրիլի – Sputnik. Լրագրող Փայլակ Ֆահրդյանին հարվածելու համար ԲՏԱ նախկին նախարար Հակոբ Արշակյանի դեմ քրեական գործ չի հարուցվի։ Տեղեկությունը Sputnik Արմենիայի հետ զրույցում հայտնեցին ՀՀ հատուկ քննչական ծառայությունից։

«Նախապատրաստված նյութերի հիման վրա որոշում է կայացվել քրեական գործ հարուցելը մերժելու մասին՝ հանցակազմի բացակայության հիմքով», - ասացին ՀՔԾ-ից։

Հիշեցնենք՝ մարտի 19-ին լրագրող Փայլակ Ֆահրադյանը Facebook-ի իր էջի ուղիղ եթերում հայտարարել էր, որ բարձր տեխնոլոգիաների արդյունաբերության նախարար Հակոբ Արշակյանը բառացիորեն հարձակվել է իր վրա:

Նրա խոսքով` դեպքը տեղի է ունեցել Երևանում գործող սրճարաններից մեկում: Լրագրողը մոտեցել է նախարարին ու հարցրել, թե ինչու է նախարարն աշխատանքային ժամը որոշել անցկացնել սրճարանում:

Արշակյանը նախ ասել է, որ գիշերային ժամերին է աշխատում, իր համար բոլոր ժամերն աշխատանքային են: Դրանից հետո խնդրել է լրագրողին անջատել տեսախցիկը, այնուհետև սկսել է սպառնալ: Լրագրողը բարձրացել է սրճարանի երկրորդ հարկ և սկսել աշխատել։

Հակոբ Արշակյանը լրագրողի հետևից բարձրացել է ու հարվածել նրան, ինչպես նաև կոտրել վերջինիս համակարգիչը։ Համացանցում տարածվեց միջադեպի տեսանյութը, որում երևում է, թե ինչպես է նախարարը քաշքշում լրագրողին, նրա կին գործընկերոջը, ապա հարվածում Փայլակի դեմքին և կոտրում համակարգիչը։

Նույն օրը Արշակյանը Facebook–ի իր էջում անդրադարձավ տեղի ունեցածին, ներողություն խնդրեց և վստահեցրեց, որ պատրաստ է պատասխանատվություն կրել միջադեպի կապակցությամբ։

Օրեր անց՝ մարտի 31-ին, նա հրաժարական ներկայացրեց։

0
թեգերը:
Քրեական գործ, Նախարար, Հակոբ Արշակյան