Վահե Էնֆիաջյան

«Հույսեր են կապում Գագիկ Ծառուկյանի հետ». ինչո՞ւ է ԲՀԿ–ն մարզային այցեր անցկացնում

79
(Թարմացված է 16:07 31.03.2021)
ԱԺ փոխնախագահ Վահե Էնֆիաջյանը վստահեցնում է, որ իրենց մարզային այցերը նախընտրական չեն, դրանք միշտ են եղել։
Էնֆիաջյան. «Այս օրերին մեր մարզային այցերը նախընտրական չեն, դրանք եղել են միշտ»

«Բարգավաճ Հայաստան» կուսակցությունը հանդիպումներ է անցկացնում մարզերի բնակիչների հետ, բայց ԱԺ փոխնախագահ, «Բարգավաճ Հայաստան» խմբակցության պատգամավոր Վահե Էնֆիաջյանը Sputnik Արմենիայի հետ զրույցում խնդրեց այդ այցերը չկապել ընտրությունների հետ։

«Հրապարակ» թերթն այսօրվա համարում գրել էր, որ Գագիկ Ծառուկյանի ցուցումով այսօրվանից ԲՀԿ–ականները, խմբերի բաժանված, մարզային այցելություններ են իրականացնելու։ Ըստ պարբերականի` գրաֆիկը հագեցած է, քանի որ ամեն օր այց է նախատեսված և դրանց արդյունքում ամփոփ տեղեկատվություն է փոխանցվելու ԲՀԿ նախագահ Գագիկ Ծառուկյանին։

Էնֆիաջյանի խոսքով` եթե խոսքը ԲՀԿ տարածքային կառույցների, իրենց կուսակից ընկերների հետ հանդիպումների մասին է, ապա դա եղել է բոլոր ժամանակահատվածներում, ինչը կարելի է տեսնել լրահոսում և սոցիալական ցանցերում։ Ըստ նրա`«Բարգավաճ Հայաստան» խորհրդարանական խմբակցության քաղխորհրդի ներկայացուցիչները մշտապես են կապի մեջ եղել տարածքային և սկզբնական կազմակերպության ներկայացուցիչների հետ։

«Այս պահի դրությամբ Հայաստանում նախընտրական ժամանակահատված չէ, և մենք քաջ հասկանում ենք, որ առաջիկայում սպասվելիք խորհրդարանական ընտրությունների հետ կապված նմանատիպ վերլուծություններ են հնչում, բայց կրկնում եմ, որ ԲՀԿ–ի մասով հանդիպումներն ու այցերը եղել են մշտապես»,– ասաց ԱԺ փոխնախագահը։

Ըստ Էնֆիաջյանի` հանդիպումների ժամանակ իրենք ամփոփում են կուսակցության կատարած աշխատանքները և ծրագրերը, իրականացնում են այցեր գրաֆիկի համաձայն, որոնց շրջանակներում մարդկանց հետ քննարկում են ներկա և հետագա անելիքները։

«Այն հիասթափությունը, որ կա Հայաստանի հանրապետության ողջ տարածքում, ակնառու է։ Գաղտնիք չէ, որ նաև տնտեսական ճգնաժամային հետևանքներն ենք ամփոփում, ճգնաժամ, որն անմիջականորեն ազդում է շարքային քաղաքացու վրա։ Օրինակ` ձեթն այսօր թանկացել է 46,5 տոկոսով, շաքարավազը 36,7 տոկոսով, միրգը, բանջարեղենը, ալյուրը, դեղորայքը, ամեն ինչ թանկացել է, հետևաբար համատարած դժգոհություն է նաև այդ հարցերի հետ կապված»,– ասաց ԱԺ փոխնախագահը։

Էնֆիաջյանի դիտարկմամբ` առաջնային է երկրում ստեղծված իրավիճակը, Հայաստանի անվտանգության հարցը, մտահոգիչ է անիշխանության մթնոլորտը, անգործունակների ու միջակության համատարած իրականությունը, մարդիկ ակնկալում են, որ իսկապես լինեն բեկումնային փոփոխություններ, և ոչ միայն կուսակից ընկերներն ու համակիրները, այլև մյուս քաղաքացիները բավականին մեծ հույսեր են կապում «Բարգավաճ Հայաստան» կուսակցության ու նրա նախագահ Գագիկ Ծառուկյանի հետ, ուստի փոփոխությունները, ըստ նրա, իսկապես պետք է տեղի ունենան օր առաջ, որ ստեղծված իրավիճակում հնարավոր լինի բեկում մտցնել։

ԱԺ փոխնախագահի խոսքով`վերջին շրջանում հատկապես Սյունիքի մարզի բնակիչները ցանկացել են հանդիպել հենց «Բարգավաճ Հայաստան» կուսակցության ներկայացուցիչների հետ, որպեսզի հանդիպումներին ներկա լինեն ԲՀԿ քաղաքական թիմի անդամները։

Հիշեցնենք` ՀՀ վարչապետ Նիկոլ Փաշինյանը մարտի 18-ին հայտարարեց, որ Հայաստանի Հանրապետությունում խորհրդարանական արտահերթ ընտրություններ կանցկացվեն հունիսի 20-ին։ 

79
թեգերը:
Վահե Էնֆիաջյան, Գագիկ Ծառուկյան, Բարգավաճ Հայաստան կուսակցություն (ԲՀԿ), Հայաստան
Ըստ թեմայի
Հայտնի է` ով կղեկավարի «Իմ քայլի» նախընտրական շտաբը. Արսեն Թորոսյանը որոշ փակագծեր բացեց
«Դեռ պետք է ստորագրեմ». Արմեն Սարգսյանը` ընտրությունների լինել–չլինելու մասին
Քոչարյանը չէ. Սերժ Սարգսյանն ասել է` ում է աջակցելու առաջիկա ընտրություններում
Արմեն Բաղդասարյան

Որ դեպքում ընտրությունները կարող են չեղարկվել, կամ Փաշինյանի սյունիքյան այցի արդյունքները

182
Քաղաքագետ Արմեն Բաղդասարյանը Sputnik Արմենիայի եթերում անդրադարձել է ՀՀ վարչապետ Նիկոլ Փաշինյանի Սյունիք կատարած այցին և դրան հաջորդած գործընթացներին։
Բաղդասարյան. «Ընտրություններից առաջ Փաշինյանը դեպի մարզեր կատարում է հետախուզական այցեր»

Արմեն Բաղդասարյանի դիտարկմամբ` տեղի ունեցածը պատահականություն չէ, պարզապես մարդկանց ակտիվությունը պետք է կապել ոչ միայն Փաշինյանի սյունիքյան այցի, այլև վերջին օրերին հնչած տեսակետների և Ալիևի հայտարարության հետ։ Ըստ այդմ` Փաշինյանի այցը Սյունիք նշված գործոններից մեկն էր։

«Փաշինյանը գիտեր, որ բնականաբար խնդիրներ են առաջանալու, բայց նա նպատակ ուներ ցույց տալ, թե իրականում որտեղ ցանկանա, կարող է գնալ: Հակառակ դեպքում, եթե մտածի, որ իրեն վատ են դիմավորելու և այդ պատճառով որևէ տեղ չգնա, ապա ընդհանրապես պետք է իր նստավայրից դուրս չգա։ Նույնիսկ նման հեռանկարն աչքի առջև ունենալու պարագայում, Փաշինյանը ստիպված է լինելու կատարել մարզային այցեր` նաև ուժայինների ուղեկցությամբ, որպեսզի բացահայտի իր դեմ բացասաբար տրամադրված օջախները»,– նշեց քաղաքագետը։ 

Բաղդասարյանի կարծիքով` ընտրություններից և քարոզարշավից առաջ կատարվում են հետախուզական այցեր, որպեսզի տեղերում պարզվի իրական վիճակն ու նախապես միջոցառումներ ձեռնարկվեն։ Ըստ նրա` տեղի ունեցածը կարելի է որակել որպես ռեպրեսիաներ, թեև բողոքի ակցիաների կազմակերպման համատեքստում վարչապետին ուղղված հայհոյանքները շատ տհաճ էին։

«Կարծում եմ` իշխանությունները նպատակ ունեն նաև վախեցնել մարդկանց, որպեսզի մյուս մարզերում նման բաներ տեղի չունենան, թեև հակված չեմ այն մտքին, որ դա կհաջողվի։ Սովորաբար հակառակն է լինում, այսինքն` որքան ճնշումներն ավելանում են, այնքան մեծանում է հակազդեցությունը, և ժողովրդի մի զգալի հատվածի ընդվզման ալիքը բռնությունների պարագայում ուժեղանում է»,– նշեց քաղաքագետը։

Բաղդասարյանի գնահատմամբ` սյունիքյան իրադարձություններից հետո կա հավանականություն, որ ընտրությունները կարող են չեղարկվել, թեև նման հակվածություն գոյություն կար անկախ վերջին զարգացումներից։ Փաշինյանն, ըստ քաղաքագետի, նման քայլի գնալու համար կարող է ցանկացած պատրվակ նշել, առավել ևս, եթե տեսնի, որ ընտրությունների միջոցով վերարտադրվելու հնարավորություն չունի։        

Հիշեցնենք` ՀՀ վարչապետ Նիկոլ Փաշինյանին երեկ` ապրիլի 21–ին, վիրավորական արտահայտություններով ու բողոքի ակցիաներով էին դիմավորել Ագարակում, Մեղրիում ու Կապանում: Իսկ Քաջարան մուտք գործել նրան ընդհանրապես չհաջողվեց, որովհետև բնակիչները փակել էին քաղաքի մուտքը, զոհերի հարազատները` գնացել գերեզման, որ երկրի ղեկավարը չկարողանա մտնել այնտեղ։

Ապրիլի 20-ի գիշերը վարչապետն այցելել էր Շուռնուխ համայնք, որտեղ նույնպես բնակիչները նրան ընդունել էին վրդովված և սառը։

«Տաքություն ունեի, մեռնում էի». Փաշինյանի այցից հետո շուռնուխցուն բերման են ենթարկել

«Ագարակում և Մեղրիում տեղի ունեցածը հայտնի շրջանակների կողմից կազմակերպված գործողություններ են և որևէ կապ չունեն բուն ագարակցիների ու մեղրեցիների հետ»,–ավելի ուշ Facebook-ում գրեց վարչապետի խոսնակ Մանե Գևորգյանը։

Նույնաբովանդակ մեկնաբանություն լրագրողների հետ զրույցում տվեց նաև ԱԺ «Իմ քայլը» խմբակցության անդամ Արման Եղոյանը։

182
թեգերը:
Ազգային ժողովի ընտրություններ, Հայաստան, Նիկոլ Փաշինյան, Սյունիք
Ըստ թեմայի
«Փաշինյանին քաղցր խոսք է ասել». Շուռնուխի գյուղապետի եղբորը բերման ենթարկելու մանրամասները
Ադրբեջանը հուսահատ փորձում է կրակոցների պատասխանատվությունը բարդել հայկական կողմի վրա. ՊՆ
Խուլիգանական արարքների պարագայում ռեպրեսիաների մասին խոսելը ծիծաղելի է. Մադոյան
Իշխան Սաղաթելյան

«Ակտիվ քննարկումների մեջ ենք, այդ թվում՝ Ռոբերտ Քոչարյանի հետ». Իշխան Սաղաթելյան

96
(Թարմացված է 20:50 22.04.2021)
ՀՅԴ Հայաստանի ԳՄ ներկայացուցիչ Իշխան Սաղաթելյանը Sputnik Արմենիայի եթերում նշել է, որ տարբեր քաղաքական ուժերի հետ ակտիվ հանդիպումներն ու քննարկումները շարունակվում են։ 
«Ռոբերտ Քոչարյանի հետ ևս շատ ակտիվ քննարկումների մեջ ենք». Սաղաթելյան

ՀՅԴ-ն դաշինքով, թե առանձին կմասնակցի հունիսի 20-ին նախատեսված արտահերթ ընտրություններին. հարցի պատասխանը կուսակցության գերագույն ժողովից հետո էլ դաշնակցական գործիչները չեն շտապում հստակեցնել։ ՀՅԴ ԳՄ ներկայացուցիչ Իշխան Սաղաթելյանն ասում է` երբ փաստացի ընտրությունների մասին հայտարարություն լինի` կլինի նաև հստակ դիրքորոշում։

«Երբ կհայտարարվի այդ ընտրությունների մասին`Գերագույն ժողովը լիազորել է ԳՄ-ին այդ իմաստով որոշում կայացնելու, հետևաբար այս պահին խոսել հավանական դաշինքների մասին՝ անիմաստ է»,- ասաց նա։ 

Սաղաթելյանը չի բացառում, որ Փաշինյանի կառավարությանը հեռացնելու համար կուսակցությունը որոշի դաշինքով ընտրապայքարի դուրս գալ։ Այժմ էլ տարբեր քաղաքական ուժերի հետ ակտիվ հանդիպումներ ու քննարկումներ ունենում են, բայց ոչ թե նախընտրական, այլ իշխանություններից ազատվելու տրամաբանության մեջ։

«Հատկապես Հայրենիքի փրկության շարժման մաս կազմող տարբեր ուժերի հետ պարբերաբար ունենում ենք խորհրդակցություններ, քննարկումներ։ Նաև Ռոբերտ Քոչարյանի հետ շատ ակտիվ քննարկումների մեջ ենք»,- նշեց Սաղաթելյանը։

Դիտարկմանը`  արդյոք Հայրենիքի փրկության շարժման հիմնական նպատակին չհասնելը չի հիասթափեցրել իրեն, Սաղաթելյանը պատասխանեց, որ շարժման մաս կազմող քաղաքական գործիչները, այդ թվում և ինքը,  պայքարն ավարտված չեն համարում, հետևաբար` հիասթափությունների մասին խոսակցություններն անհիմն է որակում։

Նշենք, որ  օրերս տեղի է ունեցել ՀՅԴ 24-րդ Գերագույն ժողովը, որի ժամանակ կուսակցությունը որոշում է կայացրել մասնակցել հունիսի 20-ին հայտարարված ընտրություններին։ Մամուլը գրում է, որ ՀՅԴ-ն ամենայն հավանականությամբ ընտրություններին կմասնակցի ՀՀ երկրորդ նախագահ Ռոբերտ Քոչարյանի թիմի հետ միասին`դաշինքով։

Հիշեցնենք՝ մարտի 18-ին վարչապետ Նիկոլ Փաշինյանը հայտարարեց, որ հունիսի 20-ին Հայաստանում ԱԺ արտահերթ ընտրություններ կկայանան:

Դուք իրավասու չեք կոնկրետ գործերով գնահատական տալ. ՄԻՊ–ի կոշտ արձագանքը Սյունիքի դեպքերին

Ավելի ուշ Ազգային ժողովը հաստատեց Ընտրական օրենսգրքի փոփոխությունների նախագիծը, ըստ որի՝ խորհրդարանական ընտրությունները տեղի կունենան համամասնական ընտրակարգով։

96
թեգերը:
Ընտրություններ, Իշխան Սաղաթելյան, Հայ Յեղափոխական Դաշնակցություն (ՀՅԴ)
Ըստ թեմայի
«Ում չկարողացանք դատել, ընտրություններին դուք ձեր քվեարկությամբ դատեք». Նիկոլ Փաշինյան
ԲՀԿ-ն գնալու է ընտրություններին միայնակ, վարչապետի թեկնածուն միանշանակ Գագիկ Ծառուկյանն է
Նախկինների մասնակցությունն ընտրություններին ուժեղացնում է Փաշինյանին. ԼՀԿ
Վալերի Պլոտնիկով

Ժպիտը կարո՞ղ է փոխել աշխարհը. լեգենդար հայերը Վալերի Պլոտնիկովի ֆոտոտարեգրություններում

0
(Թարմացված է 14:20 22.04.2021)
Սերգեյ Փարաջանովի, Միքայել Թարիվերդիևի, Սերգեյ Դովլաթովի և շատ այլ հայտնի հայերի ժպտացող դեմքերը Պլոտնիկովի ստեղծած ժպտացող մարդկանց ֆոտոտարեգրության մի փոքր մասն են։

Լեգենդար լուսանկարիչ Վալերի Պլոտնիկովը, որը բազմաթիվ անգամ է եղել Երևանում, մի խորհուրդ է տալիս, որը չի վերաբերում լուսանկարչությանը, բայց անմիջականորեն կապված է մեզ հետ։

«Ես չեմ կարող համոզել աշխարհին, տրամվային, տրոլեյբուսին, որ ժպիտով սկսելով առավոտը, չհայհոյելով, չչարանալով կարելի է փոխել աշխարհը։ Դա հեշտ է։ Օրը սկսեք ժպիտով», – առաջարկում է Պլոտնիկովը։

Նա լուսանկարել է հազարավոր աշխարհահռչակ դեմքերի, որոնք հաճախ ժպտում են, բայց չեմ համարձակվի ասել, թե դա ինչ–որ կերպ ազդել է աշխարհակարգի փոփոխության վրա։ Լուսանկարչի ալբոմում հայկական դեմքեր շատ կան` Սերգեյ Փարաջանով, Սերգեյ Դովլաթով, Միքայել Թարիվերդիև, Ֆրունզիկ Մկրտչյան, Ալեքսեյ Հեքիմյան։ Ինչպես տեսնում եք, բոլորն արվեստի մարդիկ են, բոլորի դեմքին ժպիտ է։ Մի քանի տարի առաջ Պլոտնիկովը ներկա էր իր երևանյան ցուցահանդեսի բացմանը։

– Ինչո՞վ հիշվեցին հայերը, –հարցնում եմ ես։

– Աչքերի տխրությամբ, – պատասխանում է Պլոտնիկովը։

Ժպիտի օգնությամբ աշխարհը փոխելու հեռանկարը հակասում է կյանքի իրողություններին ու ևս մեկ անգամ հաստատվում Սերգեյ Փարաջանովի խոսքերով։ «Կենսագրություն... Ես այդքան լավ չեմ հիշում իմ կենսագրությունը։ Իմ կենսագրությունն ի՞նչ է։ Դարդ, ահա սա է նրա հավերժ բանաձևը»:

Պլոտնիկովը լավ է հիշում իր կենսագրությունը, իսկ ավելի լավ` այն մարդկանց, որոնց նկարել է։ Նրանցից շատերը` դերասաններ, ռեժիսորներ, բալետի արտիստներ, հայտնվել են «Խորհրդային էկրանի» շապիկին, ինչն այն տարիներին ճանաչման բարձրագույն աստիճան էր համարվում։

Զրուցակցիս դիտարկումներից, որոնք կարող են հաշվի առնել մեր լուսանկարիչները։

- Դերասաններ կան, որոնք այնքան էլ լավ չեն լուսանկարվում։

- Ինչո՞ւ է այդպես, - հարցնում եմ։

- Որովհետև լուսանկարահանման և կինոնկարահանման միջև մեծ տարբերություն կա։ Կինոյում կա գործընկեր, շարժում, տեքստ։

Լուսանկարում այդ ամենը չկա։ Ընդհանրապես, եթե մարդն ինձ հետաքրքիր չէ, ես նույնիսկ չեմ փորձում լուսանկարել նրան, որովհետև գիտեմ՝ ինձ մոտ ոչինչ չի ստացվի։ Ո՛չ երևակայություն, ո՛չ զգացմունքներ, ո՛չ ինտուիցիա, ոչինչ չի աշխատի։

- Իսկ կարո՞ղ է անհետաքրքիր լինել Ալլա Պուգաչովան։
- Չի կարող։ Մինչև հիմա ափսոսում եմ, որ հրաժարվել եմ լուսանկարել նրա ու Կիրկորովի ամուսնությունը։ Ինչ-որ անհասկանալի բան կատարվեց և․․․

Թերթում եմ ֆոտոալբոմները։ Շատ են հայտնի անձանց հետ խմբային լուսանկարները՝ Յուրի Լյուբիմով, Վլադիմիր Վիսոցկի, Ալեքսեյ Բատալով, Մարինա Վլադի, Ռոստրոպովիչ, Վոզնեսենսկի, Բոյարսկի․․․

Ինչպե՞ս է ստացվել, որ մի ակնթարթում բոլորին դեմքերին ուրախ զարմանք է հայտնվել։
- Ինչպես Եսենինի մոտ․ «Մատները բերանը և ուրախ սուլոցով․․․»։

«Պետք լինի՝ շնչելն էլ կարգելենք», կամ երբ ցավից երգեր են ծնվում

Պլոտնիկովի հետ զրուցելը մեծագույն հաճույք է․ անհայտ բաներ ես իմանում հայտնիների մասին։ Օրինակ` Մարինա Վլադին ելույթ է ունեցել Խորհրդային Միության Կոմկուսում, որպեսզի ավելի հեշտ լինի ԽՍՀՄ գալը և Վլադիմիր Վիսոցկու հետ հանդիպելը։ Կամ ֆիլմի ցուցադրությունից հետո Մարինա Վլադին ԽՍՀՄ-ում դարձել է ժողովրդի սիրելին, և նրա շուրջ հավաքվել են ԽՍՀՄ բոլոր ժողովրդական արտիստներն ու դափնեկիրները, իսկ նրանց մեջքի հետևում թռչկոտել է Վիսոցկին, որը հասակով ցածր է եղել․ «Է՜յ, տղերք, այդ կինն իմն է»։

Իսկ նրանք ուշադրություն չեն դարձնում, աքլորանում են Մարինայի շուրջը։

Սիգարները` Երևանից, թառափը՝ Բաքվից. ինչպես էին հայերը զարգացնում փոստային բիզնեսը

Դովլաթովին նկարել է Ամերիկայում, իսկ նա լուսանկարվել չէր սիրում, բայց Պլոտնիկովը համոզել է նրան։ Լույսն ու լուսանկարչական ապարատը դրել է․ «Արդեն ամեն ինչ պատրաստ է, դու պետք է միայն նստես»։ Եվ նա նստել է մի քանի կադրի համար։ «Կյանքումս մի քանի անգամ եմ տեսել, թե ինչպես է մարդը «մթագնում» հեռանալուց առաջ․․․ Այդ լուսանկարը վերջինն էր, մեկուկես ամիս անց Սերգեյ Դովլաթովը հեռացավ կյանքից»։

Մենք տոլմա ենք ուտում, խոսում Հայաստանի, Դիլիջանի, Ֆրունզիկ Մկրտչյանի մասին, հիշում ենք նրա անմոռանալի խոսքերը. «Դու տոլմա սիրո՞ւմ ես․․․»։

- Սիրում եմ ժապավենով լուսանկարել, սիրում եմ ձեռակերտ ամեն ինչ, - ասում է վարպետը և շարունակում։ - Այո, հիմա լուսանկարչության հանդեպ վերաբերմունքը բոլորովին այլ է։ Իհարկե, հիմա ավելի հեշտ է նկարել ժամանակակից տեխնիկայով։ Երբ ուզում եմ արագ հոնորար ստանալ, նկարում եմ թվային խցիկով, բայց հաճույքի համար մինչև հիմա աշխատում եմ միայն ժապավենով։ Թվայինը արագ է, հարմար, բայց փչացնում է։

Պլոտնիկովը կարծում է, որ ավելի լավ է լինել տաղանդավոր ու առողջ, քան հանճարեղ, բայց հիվանդ։ Այսօր նա գոհ է, որ ոչ մեկին ոչինչ պարտք չէ և ինչ կարող է անել, արել է։ Նա երջանիկ մարդ է, ունի հինգ դուստր և մեկ որդի, նրանցից ոչ ոք չի ընտրել հոր ուղին, բայց բոլորն էլ հիանալի մարդիկ են։ Նրանք բոլորը իմ ընկերներն են։ Կյանքը շարունակվում է։

Հավատարիմ մնալով սեփական ժողովրդին, կամ թե ինչ կնկարեր Այվազովսկին հայկական գինու շշի վրա

0
թեգերը:
Ալլա Պուգաչովա, Սերգեյ Դովլաթով, Մհեր Մկրտչյան (Ֆրունզիկ), Լուսանկար, Վալերի Պլոտնիկով, հայեր
Ըստ թեմայի
Ում պատճառով «ջնջեցին» Ֆրունզիկին, կամ ինչ «առակ» է պտտվում Լևոն Տեր–Պետրոսյանի մասին
«Ժամանակին սարերում էինք ապրում». ինչու են հայերը նեղացել Դովլաթովից
«Սովորական ռուս մեծ գրողը». ով ստիպեց Դովլաթովին իր երակներում զգալ հայկական արյունը
Ֆրունզիկի հետ ապրել նույն շենքում. ինչպիսին էր դերասանն իրական կյանքում