Մեխակ Ապրեսյան

Շատ երկրների համար ՀՀ–ն այցելության համար դեռ ոչ բարենպաստ է. ինչ է առաջարկում Ապրեսյանը

44
(Թարմացված է 23:35 30.03.2021)
Տուրիզմի հայկական ֆեդերացիայի նախագահ Մեխակ Ապրեսյանը Sputnik Արմենիայի եթերում անդրադարձել է զբոսաշրջության ոլորտում առկա իրավիճակին, ակնկալիքներին և իրականացվելիք ծրագրերին։
Ապրեսյան. «Առանց նախարարության աջակցության հնարավոր չէ իրականացնել տուրիզմի ծրագրերը»

Մեխակ Ապրեսյանի տեղեկացմամբ` 2020 թվականին ունեցել ենք 375 հազար ներգնա զբոսաշրջային այցելություն և հավանականությունը մեծ է, որ այս տարի կունենանք մեկ միլիոնից ավելի ներգնա զբոսաշրջության ցուցանիշ։ Ըստ նրա` մենք այդուհանդերձ դեռ չենք հասնում 2019 թվականի ցուցանիշին, երբ արձանագրվել է 1 միլիոն 894 հազար ներգնա այցելություն։

«Եթե աշխատենք, ապա 2021 թվականին ակնկալվող ցուցանիշը կլինի իրատեսական։ Նույնիսկ կձգտենք ավելի մեծ ցուցանիշի։ Մենք ներկայացրել ենք առաջարկներ, նախարարությունն էլ իր կողմից ցուցաբերել է պատրաստակամություն` իրականացնելու առաջարկների հետ կապված միջոցառումները, որովհետև հակառակ պարագայում չեմ կարծում, որ հնարավոր կլինի ծրագրերն իրականացնել»,–  նշեց Տուրիզմի հայկական ֆեդերացիայի նախագահը։  

Ապրեսյանի խոսքով` բացի նրանից, որ կան միջոցառումներ, որոնք ունեն համալիր ու երկարատև բնույթ, կան նաև կարճաժամկետ և արագ իրականացման կարիք ունեցող միջոցառումներ։ Օրինակ` շատ արագ պետք է աշխատել այն երկրներում, որոնք մեզ համար նպատակային շուկա են, սակայն դրանցում ցավոք Հայաստանը դեռ գտնվում է այցելության համար ոչ բարենպաստ երկրների ցանկում։ Դա հիմնականում պայմանավորված է կորոնավիրուսով, այնինչ շատ երկրների հետ համեմատած մենք, ըստ Ապրեսյանի, ավելի բարվոք վիճակում ենք։ 

«Մեր առողջապահության նախարարությունն իր խողովակներով պետք է ներկայացնի աշխարհին, որ մեզ մոտ իրավիճակը վերահսկելի է, պետք է ներկայացնի իրականացվող հակահամաճարակային միջոցառումները, ցուցանիշները։ Դրան զուգահեռ անհրաժեշտ է դիվանագիտական ճանապարհով աշխատել այդ երկրների արտաքին քաղաքական գերատեսչությունների հետ, որովհետև հիմնականում նրանց կայքերում է հրապարակվում այն երկրների ցանկը, որտեղ խորհուրդ չեն տալիս այցելել»,– նշեց Ապրեսյանը։

Նրա կարծիքով` հայկական սփյուռքի բոլոր գաղթօջախների կապերն ու ներուժը նույնպես պետք է օգտագործել, դրան  գումարած զբոսաշրջության կոմիտեի ու մասնավոր հատվածի ջանքերը։ Ապրեսյանը հիշեցնում է, որ այսօր մեզ մոտ սահմանային անցման դյուրին ռեժիմ է գործում, մարդիկ 72 ժամ վաղեմության թեստով կարող են մուտք գործել Հայաստան, ինչը բավականին հարմարավետ պայմաններ է ստեղծում զբոսաշրջիկների համար։

Ապրեսյանի պնդմամբ` մենք պետք է նաև հիմք ընդունենք շատերի պարագայում պատվաստված լինելու հանգամանքը հավաստող փաստաթուղթը, ինչը մարդկանց զերծ կպահի հավելյալ թեստավորումից։         

Զբոսաշրջային սեզոնը մոտենում է․ ո՞ր երկրներ կարող են մեկնել հայաստանցիները

Նշենք, որ Էկոնոմիկայի նախարարության տվյալներով՝ 2020 թ․-ի հունվար-սեպտեմբերին 2019 թ․-ի նույն ժամանակահատվածի համեմատ զբոսաշրջիկների թիվը կրճատվել է 75,5 տոկոսով: Այս տարի Հայաստան է այցելել 327 735 մարդ։ Ընդ որում՝ 2020թ.- համար մասնագետները զբոսաշրջային հոսքի 14-15% աճ էին կանխատեսում։ Զբոսաշրջության համաշխարհային կազմակերպության տվյալների համաձայն՝ 2020 թ․-ի հունվար-հոկտեմբեր ամիսներին զբոսաշրջության ոլորտում անկումը կազմել է 72 տոկոս, ճամփորդել է 900 միլիոնով պակաս մարդ, քան անցյալ տարվա նույն ժամանակահատվածում:

44
թեգերը:
կորոնավիրուս, զբոսաշրջություն, Զբոսաշրջիկ, Հայաստան, Մեխակ Ապրեսյան
Ըստ թեմայի
Մեկի փոխարեն երկու անձնագիր՝ հանուն զբոսաշրջության ու ընդդեմ կորոնավիրուսի
Դահուկներ, ճոպանուղի, ձյուն. ինչ արդյունքներ է տվել ձմեռային զբոսաշրջությունը Ծաղկաձորում
Գորիսում զբոսաշրջությունը ծանր վիճակում է. ի՞նչ է առաջարկում իմքայլական պատգամավորը
Արմեն Բաղդասարյան

Որ դեպքում ընտրությունները կարող են չեղարկվել, կամ Փաշինյանի սյունիքյան այցի արդյունքները

193
Քաղաքագետ Արմեն Բաղդասարյանը Sputnik Արմենիայի եթերում անդրադարձել է ՀՀ վարչապետ Նիկոլ Փաշինյանի Սյունիք կատարած այցին և դրան հաջորդած գործընթացներին։
Բաղդասարյան. «Ընտրություններից առաջ Փաշինյանը դեպի մարզեր կատարում է հետախուզական այցեր»

Արմեն Բաղդասարյանի դիտարկմամբ` տեղի ունեցածը պատահականություն չէ, պարզապես մարդկանց ակտիվությունը պետք է կապել ոչ միայն Փաշինյանի սյունիքյան այցի, այլև վերջին օրերին հնչած տեսակետների և Ալիևի հայտարարության հետ։ Ըստ այդմ` Փաշինյանի այցը Սյունիք նշված գործոններից մեկն էր։

«Փաշինյանը գիտեր, որ բնականաբար խնդիրներ են առաջանալու, բայց նա նպատակ ուներ ցույց տալ, թե իրականում որտեղ ցանկանա, կարող է գնալ: Հակառակ դեպքում, եթե մտածի, որ իրեն վատ են դիմավորելու և այդ պատճառով որևէ տեղ չգնա, ապա ընդհանրապես պետք է իր նստավայրից դուրս չգա։ Նույնիսկ նման հեռանկարն աչքի առջև ունենալու պարագայում, Փաշինյանը ստիպված է լինելու կատարել մարզային այցեր` նաև ուժայինների ուղեկցությամբ, որպեսզի բացահայտի իր դեմ բացասաբար տրամադրված օջախները»,– նշեց քաղաքագետը։ 

Բաղդասարյանի կարծիքով` ընտրություններից և քարոզարշավից առաջ կատարվում են հետախուզական այցեր, որպեսզի տեղերում պարզվի իրական վիճակն ու նախապես միջոցառումներ ձեռնարկվեն։ Ըստ նրա` տեղի ունեցածը կարելի է որակել որպես ռեպրեսիաներ, թեև բողոքի ակցիաների կազմակերպման համատեքստում վարչապետին ուղղված հայհոյանքները շատ տհաճ էին։

«Կարծում եմ` իշխանությունները նպատակ ունեն նաև վախեցնել մարդկանց, որպեսզի մյուս մարզերում նման բաներ տեղի չունենան, թեև հակված չեմ այն մտքին, որ դա կհաջողվի։ Սովորաբար հակառակն է լինում, այսինքն` որքան ճնշումներն ավելանում են, այնքան մեծանում է հակազդեցությունը, և ժողովրդի մի զգալի հատվածի ընդվզման ալիքը բռնությունների պարագայում ուժեղանում է»,– նշեց քաղաքագետը։

Բաղդասարյանի գնահատմամբ` սյունիքյան իրադարձություններից հետո կա հավանականություն, որ ընտրությունները կարող են չեղարկվել, թեև նման հակվածություն գոյություն կար անկախ վերջին զարգացումներից։ Փաշինյանն, ըստ քաղաքագետի, նման քայլի գնալու համար կարող է ցանկացած պատրվակ նշել, առավել ևս, եթե տեսնի, որ ընտրությունների միջոցով վերարտադրվելու հնարավորություն չունի։        

Հիշեցնենք` ՀՀ վարչապետ Նիկոլ Փաշինյանին երեկ` ապրիլի 21–ին, վիրավորական արտահայտություններով ու բողոքի ակցիաներով էին դիմավորել Ագարակում, Մեղրիում ու Կապանում: Իսկ Քաջարան մուտք գործել նրան ընդհանրապես չհաջողվեց, որովհետև բնակիչները փակել էին քաղաքի մուտքը, զոհերի հարազատները` գնացել գերեզման, որ երկրի ղեկավարը չկարողանա մտնել այնտեղ։

Ապրիլի 20-ի գիշերը վարչապետն այցելել էր Շուռնուխ համայնք, որտեղ նույնպես բնակիչները նրան ընդունել էին վրդովված և սառը։

«Տաքություն ունեի, մեռնում էի». Փաշինյանի այցից հետո շուռնուխցուն բերման են ենթարկել

«Ագարակում և Մեղրիում տեղի ունեցածը հայտնի շրջանակների կողմից կազմակերպված գործողություններ են և որևէ կապ չունեն բուն ագարակցիների ու մեղրեցիների հետ»,–ավելի ուշ Facebook-ում գրեց վարչապետի խոսնակ Մանե Գևորգյանը։

Նույնաբովանդակ մեկնաբանություն լրագրողների հետ զրույցում տվեց նաև ԱԺ «Իմ քայլը» խմբակցության անդամ Արման Եղոյանը։

193
թեգերը:
Ազգային ժողովի ընտրություններ, Հայաստան, Նիկոլ Փաշինյան, Սյունիք
Ըստ թեմայի
«Փաշինյանին քաղցր խոսք է ասել». Շուռնուխի գյուղապետի եղբորը բերման ենթարկելու մանրամասները
Ադրբեջանը հուսահատ փորձում է կրակոցների պատասխանատվությունը բարդել հայկական կողմի վրա. ՊՆ
Խուլիգանական արարքների պարագայում ռեպրեսիաների մասին խոսելը ծիծաղելի է. Մադոյան
Իշխան Սաղաթելյան

«Ակտիվ քննարկումների մեջ ենք, այդ թվում՝ Ռոբերտ Քոչարյանի հետ». Իշխան Սաղաթելյան

96
(Թարմացված է 20:50 22.04.2021)
ՀՅԴ Հայաստանի ԳՄ ներկայացուցիչ Իշխան Սաղաթելյանը Sputnik Արմենիայի եթերում նշել է, որ տարբեր քաղաքական ուժերի հետ ակտիվ հանդիպումներն ու քննարկումները շարունակվում են։ 
«Ռոբերտ Քոչարյանի հետ ևս շատ ակտիվ քննարկումների մեջ ենք». Սաղաթելյան

ՀՅԴ-ն դաշինքով, թե առանձին կմասնակցի հունիսի 20-ին նախատեսված արտահերթ ընտրություններին. հարցի պատասխանը կուսակցության գերագույն ժողովից հետո էլ դաշնակցական գործիչները չեն շտապում հստակեցնել։ ՀՅԴ ԳՄ ներկայացուցիչ Իշխան Սաղաթելյանն ասում է` երբ փաստացի ընտրությունների մասին հայտարարություն լինի` կլինի նաև հստակ դիրքորոշում։

«Երբ կհայտարարվի այդ ընտրությունների մասին`Գերագույն ժողովը լիազորել է ԳՄ-ին այդ իմաստով որոշում կայացնելու, հետևաբար այս պահին խոսել հավանական դաշինքների մասին՝ անիմաստ է»,- ասաց նա։ 

Սաղաթելյանը չի բացառում, որ Փաշինյանի կառավարությանը հեռացնելու համար կուսակցությունը որոշի դաշինքով ընտրապայքարի դուրս գալ։ Այժմ էլ տարբեր քաղաքական ուժերի հետ ակտիվ հանդիպումներ ու քննարկումներ ունենում են, բայց ոչ թե նախընտրական, այլ իշխանություններից ազատվելու տրամաբանության մեջ։

«Հատկապես Հայրենիքի փրկության շարժման մաս կազմող տարբեր ուժերի հետ պարբերաբար ունենում ենք խորհրդակցություններ, քննարկումներ։ Նաև Ռոբերտ Քոչարյանի հետ շատ ակտիվ քննարկումների մեջ ենք»,- նշեց Սաղաթելյանը։

Դիտարկմանը`  արդյոք Հայրենիքի փրկության շարժման հիմնական նպատակին չհասնելը չի հիասթափեցրել իրեն, Սաղաթելյանը պատասխանեց, որ շարժման մաս կազմող քաղաքական գործիչները, այդ թվում և ինքը,  պայքարն ավարտված չեն համարում, հետևաբար` հիասթափությունների մասին խոսակցություններն անհիմն է որակում։

Նշենք, որ  օրերս տեղի է ունեցել ՀՅԴ 24-րդ Գերագույն ժողովը, որի ժամանակ կուսակցությունը որոշում է կայացրել մասնակցել հունիսի 20-ին հայտարարված ընտրություններին։ Մամուլը գրում է, որ ՀՅԴ-ն ամենայն հավանականությամբ ընտրություններին կմասնակցի ՀՀ երկրորդ նախագահ Ռոբերտ Քոչարյանի թիմի հետ միասին`դաշինքով։

Հիշեցնենք՝ մարտի 18-ին վարչապետ Նիկոլ Փաշինյանը հայտարարեց, որ հունիսի 20-ին Հայաստանում ԱԺ արտահերթ ընտրություններ կկայանան:

Դուք իրավասու չեք կոնկրետ գործերով գնահատական տալ. ՄԻՊ–ի կոշտ արձագանքը Սյունիքի դեպքերին

Ավելի ուշ Ազգային ժողովը հաստատեց Ընտրական օրենսգրքի փոփոխությունների նախագիծը, ըստ որի՝ խորհրդարանական ընտրությունները տեղի կունենան համամասնական ընտրակարգով։

96
թեգերը:
Ընտրություններ, Իշխան Սաղաթելյան, Հայ Յեղափոխական Դաշնակցություն (ՀՅԴ)
Ըստ թեմայի
«Ում չկարողացանք դատել, ընտրություններին դուք ձեր քվեարկությամբ դատեք». Նիկոլ Փաշինյան
ԲՀԿ-ն գնալու է ընտրություններին միայնակ, վարչապետի թեկնածուն միանշանակ Գագիկ Ծառուկյանն է
Նախկինների մասնակցությունն ընտրություններին ուժեղացնում է Փաշինյանին. ԼՀԿ
Արխիվային լուսանկար

Ռուս ռազմական բժիշկներն բուժօգնություն են ցուցաբերել Արցախի ավելի քան 1300 բնակչի

0
Արցախի դաշտային հոսպիտալները համալրված են անհրաժեշտ ժամանակակից ախտորոշիչ ու բուժիչ սարքավորումներով:

ԵՐԵՎԱՆ, 23 ապրիլի - Sputnik. Ռուս խաղաղապահ զորախմբի բժշկական մասնագետները Ռուսաստանի պաշտպանության նախարարության դաշտային հոսպիտալներում Լեռնային Ղարաբաղի ավելի քան 1300 բնակիչների օգնություն են ցուցաբերել:

ՌԴ ՊՆ մամուլի ծառայությունը հայտնում է, որ տեղի բնակիչների ընդունելությունն իրականացվում է Ստեփանակերտ ու Մարտակերտ քաղաքներում տեղակայված դաշտային հոսպիտալներում:

Բացի այդ, հումանիտար-բժշկական ակցիաների անցկացման շրջանակում բազմաֆունկցիոնալ արտագնա բժշկական բրիգադները պոլիկլինիկական օգնություն են ցուցաբերում հեռավոր բնակավայրերում:

«Հոսպիտալի աշխատանքի մեկնարկից ի վեր ընդհանուր առմամբ Լեռնային Ղարաբաղի ավելի քան 1300 բնակիչներ որակյալ բուժօգնություն են ստացել, այդ թվում՝ մոտ 200 երեխա։ Բոլոր դիմողները ստացել են խորհրդատվություն ու անհրաժեշտ նշանակումներ՝ տեղակայված շարժական հիվանդանոցներում թերապևտների, վիրաբույժների և այլ մասնագետների կողմից զննում անցնելուց հետո», - նշված է հաղորդագրության մեջ:

Հանգիստ գյուղատնտեսական աշխատանքներ. Արցախում խաղաղապահները ապահովում են անվտանգությունը

Մարտակերտում տեղակայված թիվ 2 հատուկ նշանակության բժշկական ջոկատի պետ, բժշկական ծառայության մայոր Դմիտրի Նաումովը նշել է, որ հիմնական պաթոլոգիաները, որոնց հարցով դիմում են տեղի բնակիչները, սրտանոթային հիվանդություններն են, շնչառական օրգանների հիվանդությունները, ոսկրային ապարատի հիվանդությունները:

«Անհրաժեշտության դեպքում մենք ցուցաբերում ենք խորհրդատվական-ախտորոշիչ օգնություն, կատարում ենք պրոցեդուրաներ՝ ուլտրաձայնային ախտորոշում, ռենտգեն ախտորոշում, լաբորատոր ախտորոշում»,–ավելացրել է նա:

Հատուկ նշանակության բժշկական ջոկատի ստորաբաժանումների կազմում աշխատում են 60-ից ավելի մասնագետներ, որոնց թվում են ռազմական վիրաբույժներ, անեսթեզիոլոգ-ռեանիմատոլոգներ, թերապևտներ, համաճարակաբաններ և այլ մասնագետներ: Դաշտային հիվանդանոցները համալրված են բոլոր անհրաժեշտ ժամանակակից ախտորոշիչ ու բուժիչ սարքավորումներով:

Շուշիի մոտակայքում խաղաղապահների օգնությամբ վերացվել է գազատարի վթարը․ տեսանյութ
Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

0