Տարոն Հովհաննիսյան

Արցախի ճանաչման հավանական տարբերակներն ու սահմանները. վերլուծաբանի դիտարկումը

115
(Թարմացված է 19:32 29.03.2021)
«Օրբելի» կենտրոնի վերլուծաբան Տարոն Հովհաննիսյանը Sputnik Արմենիայի եթերում անդրադարձել է վերջին շրջանում քննարկվող հարցին, թե ինչ տարածքներով է լինելու Արցախի ինքնորոշումը` անկախության հռչակագրում ամրագրված սահմաններո՞վ, թե՞ նախկինում ինքնորոշված ԼՂԻՄ–ի սահմաններով։
Հովհաննիսյան. «Արցախի ճանաչումը առավել հավանական է կրկին հանրաքվեի տարբերակի դիտարկմամբ»

Տարոն Հովհաննիսյանի դիտարկմամբ` հարցը պետք է դիտարկվի երկու բաղադրիչով։ Ըստ նրա` մեր ցանկությունն այն է, որ լինի հնարավորինս մեծ և ապահով սահմաններով Արցախի անկախության ճանաչում, այսինքն` բնականոն կյանքն ապահովելու համար անհրաժեշտ տարածքների սահմաններում։ Բայց պետք է հասկանալ, որ եթե խոսքն առնչվում է միջազգային ձևաչափերով բանակցային գործընթացների միջոցով հարցը լուծելուն, եթե անգամ համարենք, որ նման ճանապարհով լուծումը հավանական է, հետպատերազմյան իրողություններից ելնելով, միջազգային խաղացնողների կողմից դիտարկվող լավագույն տարբերակը, որ կարող է դիտարկվել նախկին ԼՂԻՄ–ի սահմաններով անկախության ճանաչումը։

«Եթե անգամ հավանական կարելի է համարել այն տարբերակը, որ կդիտարկվի Արցախի անկախության հռչակագրի սահմաններով միջազգային ճանաչումը, որովհետև 1991 թվականի հռչակագիրն ընդունվել էր ոչ միայն նախկին ԼՂԻՄ–ի կողմից, այլև նախկին Խորհրդային Ադրբեջանի կազմում հայտնված Շահումյանի շրջանի կողմից, որը 1992 թվականից բռնազավթված է Ադրբեջանի կողմից։ Այն ամբողջությամբ հայաթափվել է, այնտեղ վերացրել են հայկական մշակութային հետքերը, այնտեղ ապրում է ադրբեջանական բնակչություն։ Հետևաբար, ես զրոյական եմ համարում հավանականությունը, որ Ադրբեջանը կհամաձայնի այդ շրջանը վերադարձնել Արցախին»,– նշեց վերլուծաբանը։

Հովհաննիսյանի կարծիքով` մյուս տարբերակը թեև զրոյական չէ, բայցևայնպես քիչ հավանական է ներկա իրողությունների պայմաններում, որ հնարավոր կլինի Ադրբեջանին ստիպել հեռանալ բռնազավթված Հադրութից, Շուշիից և այլ շրջաններից, առավել ևս, որ նախկին ԼՂԻՄ–ին պատկանող բոլոր շրջաններից կան բռնազավթված տարածքներ։   

«Եթե ուզում ենք իրատեսական մոտեցում, եթե այս պահին բացառում ենք Ադրբեջանին ուժային ճանապարհով ինչ–որ բան պարտադրելու տարբերակը, ապա բանակցային ճանապարհով լուծման դեպքում լավագույն ակնկալելի արդյունքը նախկին ԼՂԻՄ–ի սահմաններով Արցախի վերականգնումն է ու անկախության ճանաչումը»,– նշեց վերլուծաբանը։

Հովհաննիսյանի համոզմամբ` Արցախի ճանաչումը առավել հավանական է կրկին հանրաքվեի տարբերակի դիտարկմամբ։ Ըստ նրա` խոսքն այն տարբերակի մասին է, որը թելադրելու են հետպատերազմյան իրողությունները։        

Հանդիպումը խորհրդանշական է. ի՞նչն է մեկտեղել Հայաստանի և Արցախի նախագահներին

Տեղեկացնենք, որ ՀՀ արտաքին գործերի նախարար Արա Այվազյանի կարծիքով` տարածքի վերաբերյալ սահմանումը պետք է փոխադարձաբար հստակեցվի Արցախի գործընկերների հետ։

Նա ընդգծել է, որ պետք է հստակ նշել` Արցախի հարցի կարգավորումը պետք է լինի այն տարածքների շրջանակում, որտեղ Արցախի ժողովուրդն ինքնորոշվել է։

115
թեգերը:
անկախություն, Սահման, Լեռնային Ղարաբաղ, Արցախ
Ըստ թեմայի
«Մեր գերիների թիվը 188 չէ». ԱԳ նախարար
Եվս մեկ աճյուն է հայտնաբերվել, նախնական տվյալներով` ժամկետային զինծառայողի
Մեքենան վնասվելուց հետո անգամ չի կանգնել. մանրամասներ` դեպի Գորիս ճանապարհի միջադեպից
Թաթուլ Մանասերյան

Հայաստանը պետք է օգտագործի վետոյի իրավունքը. ԵԱՏՄ–ին Ադրբեջանի անդամակցելը մեզ ոչինչ չի տա

69
(Թարմացված է 23:56 15.04.2021)
Տնտեսագետ Թաթուլ Մանասերյանը Sputnik Արմենիայի եթերում անդրադարձել է Ադրբեջանի ԵԱՏՄ անդամակցության հեռանկարի մասին տարբեր հարթակներում քննարկվող հարցին։
Մանասերյան. «Իրականում Ադրբեջանի անդամակցումը ԵԱՏՄ–ին մեզ ոչինչ չի տալու»

Թաթուլ Մանասերյանի դիտարկմամբ`  ԵԱՏՄ–ն չի թաքցնում, որ իր առջև նպատակ է դրել կիրառել Եվրամիության մոդելը, և իրականում եթե նույնիսկ այնտեղ չհայտարարվի այդ մասին, միևնույնն է, տնտեսական միությունը համագործակցության չորրորդ` բարձրագույն ձևն է։ Սկզբում ազատ առևտուր, հետո մաքսային միություն, այնուհետև ընդհանուր շուկա և վերջում տնտեսական միություն։  

«Եթե խոսում ենք տնտեսական միության մասին, ապա պետք է նայել, թե ինչպես են եվրոպացիները դրան հասել, ինչի համար պահանջվել է առնվազն կես դար։ Համագործակցությունն ի սկզբանե սկսվել է Ֆրանսիայի ու Գերմանիայի միջև` կնքելով հայտնի պողպատի և ածխի դաշինքը։ Դրանից հետո արդեն ատոմային էներգետիկայի ոլորտում ձեռք բերվեց պայմանավորվածություն։ Ինչպես հայտնի է, Ֆրանսիան ու Գերմանիան պատերազմի ժամանակ հակամարտող կողմեր էին և ռևանշը բացառելու համար եկան համաձայնության` որոշելով ապրել ավելի քաղաքակիրթ պայմաններում»,– նշեց տնտեսագետը։

Մանասերյանի կարծիքով` այն, ինչ այսօր տեսնում ենք, անգամ թույլ չի տալիս մտածել, որ կարելի է տեսանելի ապագայում նման երկրների հետ, ինչպիսին Ադրբեջանն է, ունենալ քիչ թե շատ համարժեք, ադեկվատ հարաբերություններ։ Ըստ նրա` ադրբեջանցիներն անթաքույց արտահայտում են իրենց հայատյացությունը և ներկա պայմաններում, երբ Բաքվում բացվում է պատերազմի ավարի պուրակ, հետևաբար այդ ամենը բացարձակապես չի նպաստում հարաբերությունների կարգավորմանը։ 

Տնտեսագետի համոզմամբ`  նման պայմաններում Հայաստանը ճիշտ կանի, եթե օգտագործի վետոյի իր իրավունքը, որովհետև  իրականում Ադրբեջանի անդամակցումը ԵԱՏՄ–ին մեզ ոչինչ չի տալու, ո՛չ ճանապարհներն են ապաշրջափակվել, ինչը նախաձեռնել էին Ադրբեջանն ու Թուրքիան, ո՛չ էլ խաղաղության ու անվտանգության հաստատման ուղղությամբ քայլ է կատարվել Ադրբեջանի կողմից։ Եվ նման պայմաններում խոսել տնտեսության մասին, ըստ Մանասերյանի, կարող են միայն հոգեկան հիվանդները։  

Որո՞նք են ԵԱՏՄ երկրների զարգացման առաջնահերթ ուղղությունները

Նշենք, որ ռուսական РБК–ի տեղեկատվության համաձայն` ԵԱՏՄ երկրները քննարկում են միության ղեկավար մարմնի նիստին Ադրբեջանի պատվիրակության հնարավոր մասնակցության հարցը: 

Նույն աղբյուրի տեղեկացմամբ` մինչ այժմ դրան խոչընդոտում էին Բաքվի և Երևանի միջև առկա տարաձայնությունները, որոնք դժվար թե վերացվեն մինչև Կազանում կայանալիք հանդիպումը: 

69
թեգերը:
Ռուսաստան, տնտեսություն, Ադրբեջան, Եվրասիական տնտեսական միություն (ԵԱՏՄ), Հայաստան
Ըստ թեմայի
Թուրքիայի և ԵԱՏՄ–ի միջև առևտուրը չի խանգարի Հայաստանին ու Ղրղզստանին. Գլազև
Վահան Քերոբյանը մեկնում է Տաշքենդ՝ ԵԱՏՄ նիստին մասնակցելու համար
ԵԱՏՄ երկրներում հնարավոր է` սպիտակ շաքարի ներմուծման մաքսատուրքը մի քանի ամսով վերացվի
Կարեն Վրթանեսյան

Որպես հերքում հրապարակել են մի բան, որը ոչինչ չի հերքում. Վրթանեսյանը`ԱԽ փաստաթղթերի մասին

99
(Թարմացված է 21:21 15.04.2021)
Ռազմական փորձագետ Կարեն Վրթանեսյանը Sputnik Արմենիայի եթերում անդրադարձել է ԱԽ հրապարակած փաստաթղթերին, որոնցում ներկայացված են 2 նիստի ժամանակ ՀՀ զինված ուժերի գլխավոր շտաբի նախկին պետ Օնիկ Գասպարյանի ելույթները։
«Եթե Նիկոլ Փաշինյանը համաձայն չէր Օնիկ Գասպարյանի հայտարարության հետ, ինչո՞ւ էր 5 ամիս լռում». Վրթանեսյան

ԱԽ գրասենյակի «գաղտնազերծած» փաստաթղթերը Նիկոլ Փաշինյանի կողմից մատուցվող հերթական մանիպուլյացիան է։ Sputnik Արմենիայի հետ զրույցում նման կարծիք հայտնեց ռազմական փորձագետ Կարեն Վրթանեսյանը` անդրադառնալով ՀՀ զինված ուժերի գլխավոր շտաբի նախկին պետ Օնիկ Գասպարյանի՝ 2020 թվականի նոյեմբերի 17-ի  հայտարարության, այսպես կոչված, գաղտնազերծված փաստաթղթերին:

«Եթե Օնիկ Գասպարյանի նոյեմբերի 17-ի հայտարարության հետ Փաշինյանը համաձայն չլիներ, այդ մասին 5 ամիս չէր լռի»,- ասաց նա։

Նրա խոսքով` պատահական չէ, որ 2 նիստերի մասնակի սղագրությունների հրապարակումը հաջորդեց Փաշինյան-Գասպարյան կոնֆլիկտին։ Մինչ այդ Գասպարյանի հայտարարության իսկությունը նաև պաշտպանության նախկին նախարար Դավիթ Տոնոյանն էր հաստատել, մինչդեռ, ըստ փորձագետի, սրանով Անվտանգության խորհուրդը` գործող վարչապետի իմացությամբ, փորձում է հերքել Գասպարյանի` պատերազմն ավելի վաղ կանգնեցնելու մասին հայտարարությունը։

«Ուշադրություն շեղելու համար բերված են փաստաթղթեր, որոնք մինչպատերազմյան շրջանի են։ Օնիկ Գասպարյանի` սեպտեմբերի 30-ի փաստաթուղթը գրեթե ամբողջությամբ ջնջված է։ Առանձին, կոնտեքստից կտրված և որևէ բան չասող հատվածներ են, որոնցով հնարավոր չէ որևէ կերպ պնդել, որ Օնիկ Գասպարյանի ասածը կեղծիք է։ Այսինքն` փորձում են որպես հերքում ներկայացնել մի բան, որը ոչ մի բան չի հերքում»,- նշեց Վրթանեսյանը։

Մի նիստի պատմություն․ ինչպես է Փաշինյանը «գրաքննում» ԳՇ նախկին պետի խոսքերը

Եթե հայտարարությունը կեղծ է և Օնիկ Գասպարյանն իսկապես ստում է` ինչու դրան իրավական ընթացք չի հաղորդվում. փորձագետը դժվարանում է պատասխանել, փոխարենը հորդորում է հարցը Փաշինյանին ուղղել։

Նշենք, որ այսօր ԱԽ գրասենյակը մեջբերումներ էր ներկայացրել Օնիկ Գասպարյանի` ԱԽ 2 տարբեր նիստերի արձանագրություններից` 21.08.2020 թ , 30.09.2021 թ։ Հրապարակված փաստաթղթերից միայն մեկում է երևում ամսաթիվը` առաջինում` 30.09.2021 թ։ (Ամսաթվերը ներկայացրել ենք ինչպես ուղարկված հաղորդագրության մեջ է)

99
թեգերը:
Անվտանգության խորհուրդ, Արցախյան պատերազմ, Նիկոլ Փաշինյան, Օնիկ Գասպարյան, Հայաստան
Ըստ թեմայի
Ռոբերտ Քոչարյանի ու Լևոն Տեր–Պետրոսյանի գրասենյակներից պատասխանել են Նիկոլ Փաշինյանին
Նիկոլ Փաշինյանը խոստանում է հրապարակել Օնիկ Գասպարյանի ասածը
Նիկոլ Փաշինյանը «իկրայի գործով» պետք է հարցաքննվի. իրավապաշտպան
Президент Армении Армен Саркисян и Католикос-патриарх Грузии Илья II во время официального ужина президента Грузии (16 декабря 2018). Твилиси

Արմեն Սարգսյանն այցելել է Համայն Վրաստանի պատրիարք Իլյա Երկրորդին

0
(Թարմացված է 11:21 16.04.2021)
Նախագահի պաշտոնական այցը Վրաստան շարունակվում է։ Նախատեսված է նաև հանդիպում խորհրդարանի խոսնակ Արչիլ Տալակվաձեի հետ։

 

ԵՐԵՎԱՆ, 16 ապրիլի — Sputnik. ՀՀ նախագահ Արմեն Սարգսյանը Վրաստան կատարած այցի շրջանակում այցելել է Համայն Վրաստանի պատրիարք Իլյա 2-րդին:

Ինչպես հաղորդում Է Sputnik Արմենիայի թղթակիցը, նախագահը ժամանել է պատրիարքի նստավայր՝ տիկնոջ ՝ Նունե Սարգսյանի ուղեկցությամբ։ Պաշտոնական արարողությունից հետո Արմեն Սարգսյանը զրուցել է Իլյա Երկրորդի հետ։ Նրանք մտքեր են փոխանակել երկու երկրներին հետաքրքրող մի շարք կարևոր հարցերի շուրջ։

Նախատեսված է նաև նախագահի հանդիպումը Վրաստանի խորհրդարանի խոսնակ Արչիլ Տալակվաձեի հետ:

Նշենք, որ Հայաստանի նախագահը Վրաստան է մեկնել ապրիլի 15-ին։ Այցի շրջանակներում նա արդեն հանդիպել է վրացի իր գործընկեր Սալոմե Զուրաբիշվիլիի հետ։ Նրանք քննարկել են տարածաշրջանի անվտանգության հարցերը՝ հաշվի առնելով Թուրքիայի աջակցությամբ և մասնակցությամբ Ադրբեջանի կողմից Արցախի դեմ սանձազերծած ռազմական ագրեսիայի հետևանքները։

Վրաստանի նախագահի նստավայրում Արմեն Սարգսյանի և նրան ուղեկցող Նունե Սարգսյանի պատվին տրվել է հանդիսավոր ճաշ: Սարգսյանը և Զուրաբիշվիլին բաժակաճառերի ընթացքում խոսել են հայ և վրացի ժողովուրդների դարավոր բարեկամության մասին, ինչպես նաև հարգանքի և փոխադարձ վստահության վրա հիմնված միջպետական հարաբերությունների, երկկողմ կապերի ամրապնդման հեռանկարների մասին:

 

0
թեգերը:
Հայաստան, Նախագահ, Արմեն Սարգսյան, Վրաստանի Հանրապետություն, Վրաստանի Պատրիարք Իլյա Երկրորդ