Մհեր Սահակյան

Ո՞ր դեպքում Հայաստանը միջազգային «Հյուսիս-հարավ» տրանսպորտային միջանցքի մաս կկազմի

303
(Թարմացված է 10:39 28.03.2021)
Քաղաքական գիտությունների թեկնածու, չինագետ Մհեր Սահակյանը Sputnik Արմենիայի եթերում անդրադարձել է Չինաստանի վրա ճնշում գործադրելու քայլերին և Իրանում Հնդկաստանի դեսպանի այն հայտարարությանը, թե Հնդկաստանը ծրագրում է Հնդկական օվկիանոսը Եվրասիային կապել Հայաստանի տարածքով:
Ո՞ր դեպքում Հայաստանը միջազգային «Հյուսիս-հարավ» տրանսպորտային միջանցքի մաս կկազմի

Հայաստանի`միջազգային «Հյուսիս-հարավ» տրանսպորտային միջանցքին միանալու բոլոր խոսակցությունները փուչ են, քանի դեռ Հայաստանը չի կառուցել  իր սեփական «Հյուսիս-հարավ» ճանապարհային միջանցքը կամ Իրան-Հայաստան երկաթգիծը։ Sputnik Արմենիայի հետ զրույցում նման կարծիք հայտնեց  չինագետ Մհեր Սահակյանը` անդրադառնալով օրերս Իրանում Հնդկաստանի դեսպանի այն հայտարարությանը, թե իրենք ծրագրում են Հայաստանի տարածքով նոր միջանցք կառուցել։

«Եթե մենք ուզում ենք այստեղ ռեալ դերակատարում ունենալ, առաջինը պետք է կառուցենք մեր «Հյուսիս-հարավ» ճանապարհային միջանցքը` ճանապարհ, որը կգնա դեպի Իրանի տարածք, քանի դեռ մենք սա չենք կառուցել, Հնդկաստանի դեսպանն ասի, թե մեկ այլ երկրի դեսպան, սա մեծ նշանակություն չունի»,- ասաց նա։

Տարածաշրջանում Թուրքիայի ակտիվությունը Սահակյանը բացատրում է Միացյալ Նահանգների գործոնով։ Պաշտոնական Վաշինգտոնը ձգտում է Թուրքիայի միջոցով ուժեղացնել իր դերակատարությունը Կենտրոնական Ասիայում, որպեսզի ճնշի Չինաստանին։

Նրա խոսքով` ԱՄՆ 46–րդ նախագահ Ջո Բայդենը շարունակում է իր նախորդների, մասնավորապես Դոնալդ Թրամփի ու Բարաք Օբամայի որդեգրած հակաչինական քաղաքականությունը, որի հիմքերը դրվել են դեռևս 2011 թվականին։

«Գործընթացը սկսվել է հենց Օբամայի օրոք, 2011-ին հենց Օբամայի թիմը հայտարարեց շրջադարձ դեպի Ասիա-խաղաղօվիանոսյան տարածաշրջան, քանի որ ԱՄՆ-ում ու Վաշինգտոնում շատ լավ հասկանում էին, որ աշխարհի տնտեսական, քաղաքական կենտրոնը Եվրոպայից փոխվում է դեպի ասիական տարածաշրջան. նրանք տեղափոխվում էին այստեղ, որ կարողանան զսպել հզորացող Չինաստանին»,- նշեց չինագետը։

Հիշեցնենք` Իրանում Հնդկաստանի դեսպան Հադդամ Ջարմենդրանը Իրանում հայտարարել էր, որ իրենք ծրագրում են միացնել Չաբահարի արևմտյան մասը և Հնդկական օվկիանոսը Եվրասիայի wu Հելսինկիի հետ Հայաստանի տարածքով՝ ստեղծելով «Հյուսիս-հարավ» միջանցքը: Նա հավելել էր, որ Նյու Դելին ծրագրում է Չաբահարը դարձնել տարածաշրջանի ամենակարևոր նավահանգիստը:

303
թեգերը:
«Հյուսիս–հարավ» ավտոճանապարհ, ԱՄՆ, Չինաստան, Հայաստան
Արմեն Մանվելյան

Նոր ատոմակայանի կառուցումն իրատեսական չէ. Արմեն Մանվելյան

55
(Թարմացված է 15:25 11.04.2021)
Իրանագետ-էներգետիկ Արմեն Մանվելյանը Sputnik Արմենիայի եթերում անդրադարձել է ՀՀ վարչապետ Նիկոլ Փաշինյանի` նոր ատոմակայան կառուցելու մասին հայտարարությանը։
«Նոր ատոմակայանի կառուցման հարցն իրատեսական չէ». Մանվելյան

Հայաստանում երկրորդ ատոմակայանի կառուցումն իրատեսական չէ։ Sputnik Արմենիայի հետ զրույցում նման կարծիք հայտնեց իրանագետ-էներգետիկ Արմեն Մանվելյանը։

«Ատոմակայանը բավականին թանկ արժե, օրինակ` մեկ ռեակտորի գինը մոտավոր 5.5 միլիարդ դոլար է, չեմ կարծում, որ Հայաստանն այդքան գումար ունի կամ էլ ինչ-որ մեկը Հայաստանին 5.5 միլիարդի վարկ կտա»,- ասաց նա։

Ատոմակայանի կառուցման հարցը հարցականի տակ դնող երկրորդ հիմնական պատճառը, ըստ Մանվելյանի, արտադրվող էներգիայի սպառման շուկայի բացակայությունն է։

«Հայաստանի տարեկան պահանջարկը 1300 մեգաբայթ է։ Գոնե այս պահին մնացած արտադրանքը սպառելու տեղ չունենք։ Հիմա ավելի իրատեսական և խելամիտ է գործող ատոմակայանը վերանորոգել և շահագործել, մանավանդ, որ օրինակներ կան, որ այդ կարգի ատոմակայանների գործունեության ժամկետը մինչև 50 տարով (5 անգամ 10 տարի) երկարաձգվել է»,- նշեց Մանվելյանը։

Նրա կարծիքով` նոր ատոմակայանի կառուցման մասին հայտարարություններն արվում են հայաստանյան լսարանի համար` ընտրություններին ընդառաջ։ 

Նշենք, որ ՀՀ վարչապետ Նիկոլ Փաշինյանը ապրիլի 7-ին կատարած մոսկովյան այցի ժամանակ ՌԴ նախագահ Վլադիմիր Պուտինի հետ զրույցում խոսել էր նաև նոր ատոմակայան կառուցելու մասին։

55
թեգերը:
Հայաստան, ատոմակայան
Ըստ թեմայի
Մեծամորի էներգետիկները կուսումնասիրեն ռուսական ատոմակայանների փորձը
Մոսկվայում կքննարկվի Հայաստանում նոր ատոմակայան կառուցելու հնարավորությունը
Հայաստանն ավելի արդյունավետ ատոմակայան կունենա
Ահարոն Վարդանյան

Ի՞նչն է թևեր տալիս Իրանին. Վարդանյանը` մեր հարևանի կոշտ հռետորաբանության մասին

126
(Թարմացված է 17:49 10.04.2021)
Իրանագետ Ահարոն Վարդանյանը Sputnik Արմենիայի եթերում խոսել է միջուկային համաձայնագրի հարցում Իրանի և Միացյալ Նահանգների առաջ քաշած տարբերակների, ինչպես նաև Իրանի դիրքորոշման վրա Իրան-Չինաստան ռազմավարական համաձայնագրի նշանակության մասին։
«Չինաստանի հետ կնքած համաձայնագիրն Իրանին թևեր է տալիս». Վարդանյան

Միջուկային համաձայնագրի հարցում ԱՄՆ-ն հիմա հետաքրքիր քաղաքականություն է որդեգրել, փորձում է առաջ տանել փուլային տարբերակը, մինչդեռ Իրանում փաթեթային տարբերակի կողմնակից են։ Sputnik Արմենիայի հետ զրույցում ասաց իրանագետ Ահարոն Վարդանյանը։

Փուլային տարբերակը ենթադրում է, որ ԱՄՆ-ն միջուկային համաձայնագրին վերադառնալուն ուղղված մեկ քայլ կանի կամ պատժամիջոցներից մեկը կհանի, ինչին ի պատասխան Իրանը պետք է իր պարտականությունները կատարի։
«Բազմաթիվ պարտականություններ կան, որոնք Իրանը սկսել է չկատարել և հետքայլ է անում համաձայնագրով ստանձնած իր պարտականություններից, ընդ որում` այդ բոլորը տեղի է ունենում օրենքի տառին համապատասխան, դրանց մասին գրված է համաձայնագրի դրույթներում` երբ կողմերից մեկը խախտում է դրանք, մյուսն իրավունք ունի լքելու համաձայնագիրը»,- նշեց փորձագետը։

Նրա խոսքով` եթե Իրանն այդ տարբերակին համաձայնի, կստացվի`համաձայնագրում եղած բուն կետերի վերաբերյալ բանակցություններ են տեղի ունենում, մինչդեռ իրանական կողմը բազմիցս նշել է, որ դա իր կարմիր գիծն է, և համաձայնագրի կետերի շուրջ որևէ բանակցություն տեղի չի ունենա։

Վարդանյանի կարծիքով` Իրանի նման կտրուկ արձագանքին կարող է նպաստել նաև Չինաստանի հետ կնքված ռազմավարական համաձայնագիրը, որովհետև դա Իրանին թևեր է տալիս և Իրանի թիկունքը բավականին ամրացնում է։

Հիշեցնենք` մարտի 27-ին հայտնի դարձավ, որ Չինաստանի արտգործնախարար Վան Ին իր իրանցի պաշտոնակից Մոհամմադ Ջավադ Զարիֆի հետ Թեհրանում ստորագրել է շուրջ հինգ տարվա բանակցությունների միջով անցած և մինչ օրս ամբողջությամբ չգաղտնազերծված «Ռազմավարական համագործակցության մասին» համաձայնագիրը։

25 տարի ժամկետով կնքված այս պայմանագիրը Չինաստանի և Իրանի հարաբերությունների աննախադեպ սերտացում է ազդարարում գրեթե բոլոր ոլորտներում՝ թե՛ տնտեսական, թե՛ ռազմական, թե՛ քաղաքական։

ԱՄՆ-ն սթափվել է, Իրանը պատրաստ է վերադառնալ միջուկային գործարքի պարտավորություններին

«The New York Times»-ի տեղեկություններով՝ պայմանագրի համաձայն` Չինաստանը պարտավորվում է առաջիկա 25 տարիների Իրանում շուրջ 400 միլիարդ դոլարի ներդրում կատարել, այդ թվում` բանկային և հեռահաղորդակցության ոլորտներում, իրանական նավահանգիստներում և երկաթուղիներում։

Իրանի դեմ կիրառված պատժամիջոցները չծառայեցին իրենց գերնպատակին. Տոնոյան

126
թեգերը:
Չինաստան, ԱՄՆ, Ահարոն Վարդանյան, Իրանի Իսլամական Հանրապետություն
Ըստ թեմայի
Թուրքիայի մեծ խաղադրույքը, կամ ինչո՞ւ պատերազմի ժամանակ Իրանը լռեց
«Հյուսիս-հարավ» նոր միջանցքի կառուցումը կհարվածի Իսրայելի տնտեսությանը. Բալասանյան
Իրանը հարձակվել է իսրայելական ընկերությանը պատկանող բեռնանավի վրա․ ԶԼՄ
Ծանրամարտ

Ծանրամարտիկ Գոռ Մինասյանը՝ Եվրոպայի փոխչեմպիոն, Վարազդատ Լալայանը՝ բրոնզե մեդալակիր

0
(Թարմացված է 19:11 11.04.2021)
Ծանրամարտի Եվրոպայի առաջնություն ավարտվեց։ Հայաստանի հավաքականի կազմում հանդես եկած գերծանր քաշայիններ Գոռ Մինասյանն ու Վարազդատ Լալայանը մեր հավաքականի մեդալների հավաքածուն վերջնական տեսքի բերեցին՝  5 ոսկե, 9 արծաթե և 9 բրոնզե մեդալ։

ԵՐԵՎԱՆ, 11 ապրիլի – Sputni, Խաչիկ Չախոյան. Գերծանր քաշայինների պայքարում Գոռ Մինասյանը երկամարտի  464 կգ  արդյունքով երկրորդն էր, իսկ Վարազադատ Լալայանը 445 կգ արդյունքով՝ երրորդը։

Գերծանր քաշային կարգի մրցումներից առաջ պարզ էր, որ վրացի Լաշա Տալախաձեի հետ հավասար պայքար մղել համարյա հնարավոր չէ։ Աշխարհի, Եվրոպայի և օլիմպիական խաղերի չեմպիոնը իր քաշային կարգում ուղղակի բացառիկություն է։ Բայց այն, որ նրան որոշակի պայքար կարող են պարտադրել հայ ծանրորդները, դա էլ պարզ էր։ Ու վրացի ծանրամարտիկի արդյունքին մոտ էին միայն հայ ծանրորդները։

Պոկում վարժությունում Գոռ Մինասյանը 216 կգ արդյունքով նվաճեց արծաթե փոքր մեդալը, իսկ Վարազդատ Լալայանը 205 կգ արդյունքով վաստակեց բրոնզե փոքր մեդալը։ Լաշա Տալախաձեն սահմանելով համաշխարհային նոր ռեկորդ՝ 222կգ, նվաճեց ոսկե մեդալը։ Պոկում վարժության ավարտից հետո, հաշվի առնելով ծանրորդների նախնական պատվերները հրում վարժության համար, պարզ էր, որ մրցանակային եռյակը երկամարտում ինչ-որ տեղ ուրվագծվել էր։

Ու ամեն ինչ այդպես էլ եղավ։ Իրենց առաջին մոտեցումներով (240 կգ) Մինասյանն ու Լալայանը հաստատեցին իրենց մեդալը երկամարտում։ Մնում էր հասկանալ թե ով ինչ մեդալ է վաստակելու։ Գոռ Մինասյանը երկրորդ մոտեցումով գլխավերևում պահեց 248 կգ-ը և քանի, որ Լալայանը երկու անգամ չիրացրեց մոտեցումները 250կգ բարձրացնելիս՝ Գոռը ապահովեց արծաթը, իսկ Վարազդատը՝ բրոնզը։

Եվրոպայի առաջնությունում Արփինե Դալալյանը 4-րդն է

Եվրոպայի առաջնության վերջին օրը մրցահարթակ դուրս եկավ նաև Արփինե Դալայանը որը երկամարտի 221կգ արդյունքով զբաղեցրեց չորրորդ տեղը։ Ընդ որում Արփինեն հրում վարժությունում կարող էր և ավելի բարձր արդյունքի հասնել, ու բարելավել երկամարտի արդյունքը։ Բայց առաջին մոտեցման ժամանակ բարձրացնելով 126 կգ կշռող ծանրաձողը՝ հայ մարզուհին հետո հրաժարվեց մյուս մոտեցումներից վնասվածքի պատճառով։

Այսպիսով Եվրոպայի առաջնությունում Հայաստանի հավաքականը ընդհանուր առմամբ  նվաճել է 5 ոսկե, 9 արծաթե և 9 բրոնզե մեդալ։ Առջևում օլիմպիական խաղերն են, որտեղ այս պահի դրությամբ Հայաստանը ունենալու է երկու ծանրորդ՝ մեկական տղամարդկանց և կանանց մրցումներում։

0
Ըստ թեմայի
Հակոբ Մկրտչյանը դարձավ Եվրոպայի առաջնության բրոնզե մեդալակիր
Սամվել Գասպարյանը դարձավ Եվրոպայի չեմպիոն, Արսեն Մարտիրոսյանը` փոխչեմպիոն
Տաթև Հակոբյանին մեդալ նվաճել չհաջողվեց