Գրիգոր Սաղյան

Վրացական կողմի պնդմամբ` տարածաշրջանային ինտերնետ կապուղու գործարքն ապօրինի է. Սաղյան

98
(Թարմացված է 22:31 26.03.2021)
«Ինտերնետ հանրություն» ՀԿ փոխնախագահ Գրիգոր Սաղյանը Sputnik Արմենիայի եթերում անդրադարձել է վրաց–ադրբեջանական գործարքին, ըստ որի` ադրբեջանական ընկերությունը դարձել է վրացական Caucasus Online տարածաշրջանային հիմնական ինտերնետ մալուխի 100 տոկոսի բաժնետերը։ 
Սաղյան. «Վրացական կողմի պնդմամբ` տարածաշրջանային ինտերնետ կապուղու գործարքն ապօրինի է»

Անդրադառնալով Հայաստանի համար հիշյալ գործարքի հետ կապված մատակարարման ու անվտանգային խնդիրներին` Գրիգոր Սաղյանը նախ նշեց, որ ինտերնետ կապի մատակարարման առումով խնդիրներ չեն առաջանա, որովհետև նոր բաժնետերը շահագրգռված է, որպեսզի իր համակարգը եկամուտ բերի։ Ըստ նրա` հազիվ թե ադրբեջանական ընկերությունը սկսի արգելակումներ իրականացնել այն մարդկանց կամ կազմակերպությունների նկատմամբ, որոնց հաշվին եկամուտ է ստանում։ 

«Իսկ եթե հանկարծ լինեն արգելափակումներ, այդ դեպքում կան այլընտրանքային ճանապարհներ։ Առաջինը` Փոթի–Վառնա գիծն է, որը պատկանում է Caucasus Online–ին։ Կա նաև Փոթի–Նովոռոսիյսկ կապուղին։ Կառուցվել է ևս մեկ գիծ, որն անցնում է Կովկասյան լեռնանցքով։ Ի վերջո կան Թուրքիայի և Իրանի միջոցով հաղորդակցության ուղիները, հետևաբար մի գծի կտրվելը չի նշանակում ամբողջական արգելափակում։ Պարզապես ավելի երկար կապուղիների շահագործումը կազդի գնի վրա։ Բացի դրանից, կրիտիկական կարևորություն ունեցող ենթակառուցվածքները կարող են օգտվել նաև Իլոն Մասկի «Սթարլինգ» արբանյակային կապից»,– նշեց «Ինտերնետ հանրություն» ՀԿ փոխնախագահը։

Սաղյանը վկայակոչեց հենց վրացական կողմի վերաբերմունքը կայացած գործարքի նկատմամբ ու հիշեցրեց Վրաստանի հեռահաղորդակցության ոլորտը կարգավորող մարմնի կարծիքը, ըստ որի` տարածաշրջանային ինտերնետ կապուղու գործարքը 100 տոկոսով ապօրինի է, ինչպես ապօրինի էր նաև 2019 թվականին ադերբեջանական ընկերության կողմից Caucasus Online–ի բաժնետոմսերի 49 տոկոսի ձեռքբերման գործարքը։ 

Զգուշացե՛ք, համացանցում նոր խաբեություն է տարածվում

Անդրադառնալով կապուղու շահագործման հետ կապված անվտանգային գործոններին`Սաղյանն ընդգծեց, որ Երևանը Թբիլիսիին ու Փոթիին միացնող մալուխն անցնում է ադրբեջանաբնակ տարածքով և ոչ մի երաշխիք չկա, որ փոս չեն փորել ու չեն միացել մալուխին կամ չեն գաղտնալսում ադրբեջանաբնակ տարածքով անցնող ինտերնետ մալուխը, հետևաբար հայկական կողմը պետք է մտածի այլընտրանքային տարբերակների մասին։ 

«Մեր բոլոր տեղեկատվական աղբյուրները տեղակայված են ոչ թե Հայաստանում, այլ Եվրոպայում, որովհետև այնտեղ հուսալիությունն ավելի բարձր է։ Բոլոր աղբյուրներն այնտեղ ունեն անվտանգային միացում, այսինքն կայքի և օգտվողի միջև տեղեկատվությունը գաղտնագրված է։ Այսօր կիբերանվտանգության բանալին այնքան երկար է, որ խելամիտ ժամկետում հնարավոր չէ վերծանել, թե դուք ինչ եք հաղորդել։ Բացի դրանից, կարելի է օգտագործել էլեկտրոնային ստորագրություն, որպեսզի նամակները կոդավորվեն, նոր ուղարկվեն»,– ասաց «Ինտերնետ հանրություն» ՀԿ փոխնախագահը։ 

Սաղյանի խոսքով` նոյեմբերի 9-ին ստորագրված հրադադարի եռակողմ հայտարարությամբ նախատեսված է ենթակառուցվածքների ապաշրջափակում, հետևաբար կապուղիների բացումն այդ համատեքստում հանդիսանում է Հայաստանի ու Ադրբեջանի համատեղ հայտարարության հետևանքը։  

98
թեգերը:
Ադրբեջան, Վրաստանի Հանրապետություն, Հայաստան, ինտերնետ
Ըստ թեմայի
«Էդ ինտերնետի դեմ պայքարի, փակի դրանք». գավառցիները դիմեցին Փաշինյանին
Facebook-ում, Instagram-ում և WhatsApp-ում գլոբալ խափանում է տեղի ունեցել
Հայաստանի ու Ռուսաստանի գիտնականները կկատարելագործեն դրոնների «խելացի տեսողությունը»
Արմեն Բաղդասարյան

Որ դեպքում ընտրությունները կարող են չեղարկվել, կամ Փաշինյանի սյունիքյան այցի արդյունքները

191
Քաղաքագետ Արմեն Բաղդասարյանը Sputnik Արմենիայի եթերում անդրադարձել է ՀՀ վարչապետ Նիկոլ Փաշինյանի Սյունիք կատարած այցին և դրան հաջորդած գործընթացներին։
Բաղդասարյան. «Ընտրություններից առաջ Փաշինյանը դեպի մարզեր կատարում է հետախուզական այցեր»

Արմեն Բաղդասարյանի դիտարկմամբ` տեղի ունեցածը պատահականություն չէ, պարզապես մարդկանց ակտիվությունը պետք է կապել ոչ միայն Փաշինյանի սյունիքյան այցի, այլև վերջին օրերին հնչած տեսակետների և Ալիևի հայտարարության հետ։ Ըստ այդմ` Փաշինյանի այցը Սյունիք նշված գործոններից մեկն էր։

«Փաշինյանը գիտեր, որ բնականաբար խնդիրներ են առաջանալու, բայց նա նպատակ ուներ ցույց տալ, թե իրականում որտեղ ցանկանա, կարող է գնալ: Հակառակ դեպքում, եթե մտածի, որ իրեն վատ են դիմավորելու և այդ պատճառով որևէ տեղ չգնա, ապա ընդհանրապես պետք է իր նստավայրից դուրս չգա։ Նույնիսկ նման հեռանկարն աչքի առջև ունենալու պարագայում, Փաշինյանը ստիպված է լինելու կատարել մարզային այցեր` նաև ուժայինների ուղեկցությամբ, որպեսզի բացահայտի իր դեմ բացասաբար տրամադրված օջախները»,– նշեց քաղաքագետը։ 

Բաղդասարյանի կարծիքով` ընտրություններից և քարոզարշավից առաջ կատարվում են հետախուզական այցեր, որպեսզի տեղերում պարզվի իրական վիճակն ու նախապես միջոցառումներ ձեռնարկվեն։ Ըստ նրա` տեղի ունեցածը կարելի է որակել որպես ռեպրեսիաներ, թեև բողոքի ակցիաների կազմակերպման համատեքստում վարչապետին ուղղված հայհոյանքները շատ տհաճ էին։

«Կարծում եմ` իշխանությունները նպատակ ունեն նաև վախեցնել մարդկանց, որպեսզի մյուս մարզերում նման բաներ տեղի չունենան, թեև հակված չեմ այն մտքին, որ դա կհաջողվի։ Սովորաբար հակառակն է լինում, այսինքն` որքան ճնշումներն ավելանում են, այնքան մեծանում է հակազդեցությունը, և ժողովրդի մի զգալի հատվածի ընդվզման ալիքը բռնությունների պարագայում ուժեղանում է»,– նշեց քաղաքագետը։

Բաղդասարյանի գնահատմամբ` սյունիքյան իրադարձություններից հետո կա հավանականություն, որ ընտրությունները կարող են չեղարկվել, թեև նման հակվածություն գոյություն կար անկախ վերջին զարգացումներից։ Փաշինյանն, ըստ քաղաքագետի, նման քայլի գնալու համար կարող է ցանկացած պատրվակ նշել, առավել ևս, եթե տեսնի, որ ընտրությունների միջոցով վերարտադրվելու հնարավորություն չունի։        

Հիշեցնենք` ՀՀ վարչապետ Նիկոլ Փաշինյանին երեկ` ապրիլի 21–ին, վիրավորական արտահայտություններով ու բողոքի ակցիաներով էին դիմավորել Ագարակում, Մեղրիում ու Կապանում: Իսկ Քաջարան մուտք գործել նրան ընդհանրապես չհաջողվեց, որովհետև բնակիչները փակել էին քաղաքի մուտքը, զոհերի հարազատները` գնացել գերեզման, որ երկրի ղեկավարը չկարողանա մտնել այնտեղ։

Ապրիլի 20-ի գիշերը վարչապետն այցելել էր Շուռնուխ համայնք, որտեղ նույնպես բնակիչները նրան ընդունել էին վրդովված և սառը։

«Տաքություն ունեի, մեռնում էի». Փաշինյանի այցից հետո շուռնուխցուն բերման են ենթարկել

«Ագարակում և Մեղրիում տեղի ունեցածը հայտնի շրջանակների կողմից կազմակերպված գործողություններ են և որևէ կապ չունեն բուն ագարակցիների ու մեղրեցիների հետ»,–ավելի ուշ Facebook-ում գրեց վարչապետի խոսնակ Մանե Գևորգյանը։

Նույնաբովանդակ մեկնաբանություն լրագրողների հետ զրույցում տվեց նաև ԱԺ «Իմ քայլը» խմբակցության անդամ Արման Եղոյանը։

191
թեգերը:
Ազգային ժողովի ընտրություններ, Հայաստան, Նիկոլ Փաշինյան, Սյունիք
Ըստ թեմայի
«Փաշինյանին քաղցր խոսք է ասել». Շուռնուխի գյուղապետի եղբորը բերման ենթարկելու մանրամասները
Ադրբեջանը հուսահատ փորձում է կրակոցների պատասխանատվությունը բարդել հայկական կողմի վրա. ՊՆ
Խուլիգանական արարքների պարագայում ռեպրեսիաների մասին խոսելը ծիծաղելի է. Մադոյան
Իշխան Սաղաթելյան

«Ակտիվ քննարկումների մեջ ենք, այդ թվում՝ Ռոբերտ Քոչարյանի հետ». Իշխան Սաղաթելյան

96
(Թարմացված է 20:50 22.04.2021)
ՀՅԴ Հայաստանի ԳՄ ներկայացուցիչ Իշխան Սաղաթելյանը Sputnik Արմենիայի եթերում նշել է, որ տարբեր քաղաքական ուժերի հետ ակտիվ հանդիպումներն ու քննարկումները շարունակվում են։ 
«Ռոբերտ Քոչարյանի հետ ևս շատ ակտիվ քննարկումների մեջ ենք». Սաղաթելյան

ՀՅԴ-ն դաշինքով, թե առանձին կմասնակցի հունիսի 20-ին նախատեսված արտահերթ ընտրություններին. հարցի պատասխանը կուսակցության գերագույն ժողովից հետո էլ դաշնակցական գործիչները չեն շտապում հստակեցնել։ ՀՅԴ ԳՄ ներկայացուցիչ Իշխան Սաղաթելյանն ասում է` երբ փաստացի ընտրությունների մասին հայտարարություն լինի` կլինի նաև հստակ դիրքորոշում։

«Երբ կհայտարարվի այդ ընտրությունների մասին`Գերագույն ժողովը լիազորել է ԳՄ-ին այդ իմաստով որոշում կայացնելու, հետևաբար այս պահին խոսել հավանական դաշինքների մասին՝ անիմաստ է»,- ասաց նա։ 

Սաղաթելյանը չի բացառում, որ Փաշինյանի կառավարությանը հեռացնելու համար կուսակցությունը որոշի դաշինքով ընտրապայքարի դուրս գալ։ Այժմ էլ տարբեր քաղաքական ուժերի հետ ակտիվ հանդիպումներ ու քննարկումներ ունենում են, բայց ոչ թե նախընտրական, այլ իշխանություններից ազատվելու տրամաբանության մեջ։

«Հատկապես Հայրենիքի փրկության շարժման մաս կազմող տարբեր ուժերի հետ պարբերաբար ունենում ենք խորհրդակցություններ, քննարկումներ։ Նաև Ռոբերտ Քոչարյանի հետ շատ ակտիվ քննարկումների մեջ ենք»,- նշեց Սաղաթելյանը։

Դիտարկմանը`  արդյոք Հայրենիքի փրկության շարժման հիմնական նպատակին չհասնելը չի հիասթափեցրել իրեն, Սաղաթելյանը պատասխանեց, որ շարժման մաս կազմող քաղաքական գործիչները, այդ թվում և ինքը,  պայքարն ավարտված չեն համարում, հետևաբար` հիասթափությունների մասին խոսակցություններն անհիմն է որակում։

Նշենք, որ  օրերս տեղի է ունեցել ՀՅԴ 24-րդ Գերագույն ժողովը, որի ժամանակ կուսակցությունը որոշում է կայացրել մասնակցել հունիսի 20-ին հայտարարված ընտրություններին։ Մամուլը գրում է, որ ՀՅԴ-ն ամենայն հավանականությամբ ընտրություններին կմասնակցի ՀՀ երկրորդ նախագահ Ռոբերտ Քոչարյանի թիմի հետ միասին`դաշինքով։

Հիշեցնենք՝ մարտի 18-ին վարչապետ Նիկոլ Փաշինյանը հայտարարեց, որ հունիսի 20-ին Հայաստանում ԱԺ արտահերթ ընտրություններ կկայանան:

Դուք իրավասու չեք կոնկրետ գործերով գնահատական տալ. ՄԻՊ–ի կոշտ արձագանքը Սյունիքի դեպքերին

Ավելի ուշ Ազգային ժողովը հաստատեց Ընտրական օրենսգրքի փոփոխությունների նախագիծը, ըստ որի՝ խորհրդարանական ընտրությունները տեղի կունենան համամասնական ընտրակարգով։

96
թեգերը:
Ընտրություններ, Իշխան Սաղաթելյան, Հայ Յեղափոխական Դաշնակցություն (ՀՅԴ)
Ըստ թեմայի
«Ում չկարողացանք դատել, ընտրություններին դուք ձեր քվեարկությամբ դատեք». Նիկոլ Փաշինյան
ԲՀԿ-ն գնալու է ընտրություններին միայնակ, վարչապետի թեկնածուն միանշանակ Գագիկ Ծառուկյանն է
Նախկինների մասնակցությունն ընտրություններին ուժեղացնում է Փաշինյանին. ԼՀԿ
Արխիվային լուսանկար

Երևանում և մարզերից 5–ում ժամեր շարունակ էլեկտրական հոսանք չի լինելու

0
(Թարմացված է 09:18 23.04.2021)
ՀԷՑ–ից հիշեցնում են, որ սպառած էլեկտրաէներգիայի, անջատումների, ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել շուրջօրյա գործող հեռախոսահամարներով:

ԵՐԵՎԱՆ, 23 ապրիլի – Sputnik. «Հայաստանի էլեկտրական ցանցեր» ընկերությունը տեղեկացնում է, որ ապրիլի 12-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը.

Երևան քաղաքում՝

10:00-16:00 Նոր Նորք 3-րդ զանգ.՝ Գյուրջյան փ. 5, 11/3, 11/4, 15/1, 17, 17/3 շենքեր, Քոչարյան փ. 4 շենք, Քոչարյան նրբ. 5 շենք, Գայի պող. 26, 28, 32 շենքեր և հարակից ոչ բնակիչ-բաժանորդներ, Սարի Թաղի 2-10 շարքեր մասնակի, Մյասնիկյան պող. 12-35 սեփական տներ և հարակից ոչ բնակիչ-բաժանորդներ, Աէրացիա թաղ. 6 շենք, Աէրացիա թաղ. 1/1 շենք և հարակից ոչ բնակիչ-բաժանորդներ,

11:00-17:00 Կիևյան փ. 10 շենք, Վաղարշյան փ. 15 շենք, Արաբկիր 49 փողոցի սեփական տները և հարակից ոչ բնակիչ-բաժանորդները, Կոմիտասի պող. 12/1 շենք, Դումանի փողոցի սեփական տներ և հարակից ոչ բնակիչ-բաժանորդներ, Մանուշյան փողոցի սեփական տներ և հարակից ոչ բնակիչ-բաժանորդներ, Արաբկիր 29 փողոցի սեփական տներ և հարակից ոչ բնակիչ-բաժանորդներ, Վ.Դավթյան փ. 1/4 շենք և հարակից ոչ բնակիչ-բաժանորդներ, Սունդուկյան փ.13, 15, 15/4 շենքեր, սեփական տները և հարակից ոչ բնակիչ-բաժանորդներ, Հր.Քոչարի փ. 14, 14/1, 14/2 շենքեր և հարակից ոչ բնակիչ-բաժանորդներ, Ռուբինյանց փ. 47/1 շենք, Շարուրի փ․ 17, 19, 21, 23, 25, 27, 29, 31, 33, 35 շենքեր, Շարուրի փողոցի օժանդակ տնտեսություն, Շևչենկո փ․ 1, 4, 6 շենքեր, Եղբայրության փ․ 4, 6, 8 շենքեր, Պապովի, Տիմիրյազևի փողոցներ սեփական տներ, Աէրացիա թաղ. 1, 2, 1/1ա, 3, 3/1, 21/ա շենքեր և հարակից ոչ բնակիչ-բաժանորդներ,

Կոտայքի մարզում՝

10։00-16։30 Եղվարդ համայնք՝ Արա Գեղեցիկի, Սաֆարյան, Նոր Թաղ, Նար-Դոսի, Պարույր Սևակի 1, 2, 3 փողոցներ և հարակից ոչ բնակիչ-բաժանորդներ, Քանաքեռավան համայնք՝ 9, 10, 11 փողոցներ և հարակից ոչ բնակիչ-բաժանորդներ,

11։00-16։30 Բյուրեղավան համայնք՝ 12, 13, 14, 15, 16 շենքեր, 49 շենք և հարակից ոչ բնակիչ-բաժանորդներ,

11։00-17։00 Ձորաղբյուր, Գեղաշեն և Նոր-Գյուղ գյուղեր մասնակի,

Արարատի մարզում՝

10:00-12:00 Դարակերտ գյուղ, Խաչփառ և Ղուկասավան գյուղեր մասնակի,

10:00-14:00 Հովտաշատ գյուղ մասնակի,

10:30-16:00 Մրգավան գյուղ մասնակի,

13:30-14:30 Շահումյան գյուղ մասնակի,

13:00-15:00 Նոր Խարբերդ և Նոր Կյուրին գյուղեր մասնակի,

Վայոց Ձորի մարզում՝

10:00-15:00 Եղեգնաձոր քաղաք՝ Իսրայել Օրի, Նալբանդյան, Կոմիտասի, Գագարինի , Սևակի, 26 Կոմիսարների, Աթարբեկյան, Ավագյան, Արսենյան, Թամանցիների, Թումանյան, Իսակովի, Իսահակյան, Լևոնյան, Խանջյան, Խաչատրյան, Միկոյան, Մյասնիկյան, Մոմիկի, Նալբանդյան, Նարեկացու, Շահումյան, Սպանդարյան, Օրբելու, Բաղդասարյան, Բաղրամյան փողոցներ մասնակի, Գետափ գյուղ մասնակի,

10:00-16:00 Վայք քաղաք՝ Ջերմուկի խճուղու 51, 53 և Սարավանի 23 շենքեր,

Տավուշի մարզում՝

11:00-13:00 Դիլիջան քաղաք՝ Կամո փողոց,

Լոռու մարզում՝

11:00-17:00 Արջուտ գյուղ, Արջուտ կայարան և Սավաշի Զինավան,

Սյունիքի մարզում՝

10:00-11:30 Սիսիան քաղաք` Շահումյան, Սպանդարյան, Րաֆֆի փողոցներ մասնակի, Խրիմյան, Մայիսյան, Հովնան Որոտնեցի փողոցներ,

12:00-13:30 Սիսիան քաղաք՝ Բակունցի, Տիգրան Մեծի, Առուստամյան, Աղայան, Րաֆֆի փողոցներ մասնակի և Սայաթ-Նովա փողոց,

14:00-15:00 Սիսիան քաղաք՝ Տերյան, Թումանյան, Րաֆֆի փողոցներ մասնակի և Կամո փողոց:

ՀԷՑ–ից հիշեցնում են, որ սպառած էլեկտրաէներգիայի, անջատումների, ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:

Էներգետիկ առումով ծանր տարի է սպասվում. ատոմակայանը 140 օր կկանգնի

0
թեգերը:
Մարզ, Երևան, Լույս, Հայաստանի էլեկտրական ցանցեր (ՀԷՑ)
Ըստ թեմայի
Նոր ատոմակայանի, նոր պղնձաձուլարանի ու երկաթուղու բացումը մեկ շղթայի օղակներ են. Փաշինյան
Նոր ատոմակայանի կառուցումն իրատեսական չէ. Արմեն Մանվելյան
Մոսկվայում կքննարկվի Հայաստանում նոր ատոմակայան կառուցելու հնարավորությունը