Դավիթ Բաբայան

Ադրբեջանը շարունակում է պատերազմել Արցախի մշակութային ժառանգության դեմ. Դավիթ Բաբայան

131
(Թարմացված է 15:02 26.03.2021)
Արցախի արտաքին գործերի նախարար Դավիթ Բաբայանի հետ Sputnik Արմենիայի եթերում զրուցել ենք Ադրբեջանի կողմից զավթված տարածքներում իրականացվող սպիտակ եղեռնի մասին։
Բաբայան. «Միջազգային հեղինակավոր կառույցների ականջներն ու բերանը Բաքվի բռնապետը փակում է նավթադոլարներ ու խավիար շաղ տալով»

Թշնամու վերահսկողության տակ անցած Մեխակավանի եկեղեցու ոչնչացումն իրականացվել է ադրբեջանական իշխանությունների և անձամբ այդ երկրի նախագահի ու փոխնախագահի հրահանգավորմամբ։ Sputnik Արմենիայի հետ զրույցում նման կարծիք հայտնեց Արցախի արտաքին գործերի նախարար Դավիթ Բաբայանը` անդրադառնալով հայկական Զորավոր սուրբ Մարիամ Աստվածածին եկեղեցու ավերմանը։

«Սա ոչ այլ ինչ է, եթե ոչ մշակութային ցեղասպանություն. ոչնչացվում են հայկական մշակույթի բոլոր հետքերը` ոչնչացվում են մեր գերեզմանները, ոչնչացվում է ամեն ինչ, և այդ ամենը կատարվում է պետության բարձր հովանու ներքո»,- ասաց նա։

Նախարարի խոսքով` Բաքվի բռնապետի որդեգրած քաղաքականությունը դեմ է անգամ իր իսկ դավանած Ղուրանի կանոններին։ 

«Այն, ինչ անում է Ալիևը, ոչ այլ ինչ է, քան հավատքի, Ղուրանի, իսլամի բոլոր կանոնների ոտնահարում, որովհետև Ղուրանում չկա գեթ մեկ տեղ, որտեղ գրված լինի, թե պետք է ոչնչացնել քրիստոնեական կառույցները»,- ընդգծեց նա։

Սուրբ Աստվածածինը կառուցվել է 4 տարի առաջ` 2017-ին. զինծառայողներն են քարը քարին դրել և աղոթատեղի կառուցել։ Եկեղեցու տարածքն էլ պատահական չի ընտրվել։ Ըստ ավանդույթի` հարյուրամյակներ առաջ Գաբրիել հրեշտակապետն այստեղ է հայտնվել, նրա անունով էլ տեղանքը Գաբրիել են անվանել։

«Մահմեդական կրոնում Գաբրիելը Ջաբրայիլն է։ Ժամանակին այդտեղ բնակավայր է եղել։ Եկեղեցու տեղում 4-5-րդ դարերում Գաբրիել հրեշտակապետի տեսիլքն է երևացել»,-ասաց Բաբայանը։

Եկեղեցու ոչնչացման մասին հայտնի դարձավ, երբ BBC-ի տեսանյութը հայտնվեց համացանցում։ Ադրբեջանցի սպան փորձում է լրագրողին համոզել, որ Զորավոր սուրբ Աստվածածինը դեռևս մարտական գործողությունների ժամանակ է հողին հավասարեցվել։

Բաբայանը նկատում է` ոստիկանը ենթագիտակցաբար ճշմարտությունն է խոստովանել. Ադրբեջանը երբեք չի դադարել պատերազմել արցախահայության ստեղծած մշակութային արժեքների դեմ։

Հերթական վանդալիզմն Ադրբեջանի կողմից. պղծվել է Շուշիի Կանաչ ժամը

«Իրենք մինչև հիմա Արցախի հայկական ժառանգությունը ոչնչացնելը համարում են պատերազմ, նրանք սրանով ևս մեկ անգամ ապացուցում են, որ շարունակում են մեր դեմ պատերազմել և ցեղասպան քաղաքականություն իրականացնել, փաստորեն` ենթագիտակցորեն այդ մարդն արտահայտում է իրականությունը»,- ասաց նա։

Բաբայանն ասում է` պետք է չվհատվենք, շարունակենք պայքարել ներսում մատաղ սերնդին հայրենասիրություն ու հայրենատիրություն սերմանելով, արտաքին աշխարհում` ադրբեջանական վայրագությունների մասին անվերջ բարձրաձայնելով, այնքան ժամանակ, քանի դեռ համամարդկային ու Աստծո օրենքները խախտողը չի պատժվել։

Հիշեցնենք՝ ՅՈւՆԵՍԿՕ-ի Հայաստանի ազգային հանձնաժողովը մարտի 25-ին տեղեկացրեց, որ Ադրբեջանը ԻՍԻՍ-ի «ձեռագրով» գետնին է հավասարեցրել իր ենթակայության տակ անցած տարածքում գտնվող եկեղեցիներից մեկը` 2017 թվականին Արցախի Մեխակավան բնակավայրում օծված Զորավոր սուրբ Աստվածածին եկեղեցին։

131
թեգերը:
Արցախ, Եկեղեցի, Ջաբրայիլ, Դավիթ Բաբայան
Ըստ թեմայի
Հայկական ժառանգության ինքնության խեղաթյուրումը «մշակութային թալանի» փորձ է. ՀՀ ԱԳՆ
«Պետք է սպանենք հայերին». Թաթոյանը ներկայացրել է Ադրբեջանի մշակութային գործիչների խոսքերը
Պատերազմի օրերին Արցախից մշակութային արժեքները չտարհանելու համար հարուցվել է քրգործ
Աշոտ Մելքոնյան

Դա պատիվ կբերի հենց ամերիկացիներին. Բայդենը կասի՞ «ցեղասպանություն» բառը

38
(Թարմացված է 13:26 21.04.2021)
ԳԱԱ պատմության ինստիտուտի տնօրեն Աշոտ Մելքոնյանը Sputnik Արմենիայի եթերում անդրադարձել է հայ պատմաբանների նամակի`ԱՄՆ–ի նախագահ Ջո Բայդենի գրասենյակի արձագանքին։ 
Մելքոնյան. «ԱՄՆ–ի կողմից ցեղասպանության ճանաչումը պատիվ կբերի հենց ամերիկացիներին»

Աշոտ Մելքոնյանի փոխանցմամբ` Սպիտակ տան նամակագրության բաժինն արդեն իսկ ծանուցել է, որ հայ պատմաբանների նամակը հասել է իրենց, ինչի համար շնորհակալություն են հայտնում և ուրախ են, որ կապվելով իրենց հետ` հայ պատմաբանները շոշափում են կարևոր խնդիր, որն իրենց համար էլ է հետաքրքրություն ներկայացնում։ Ըստ այդմ` Սպիտակ տնից պատասխանել են, որ սիրով կքննարկեն խնդիրը և կփորձեն տալ լուծում։

«Նամակի առթիվ անհանգստացած են թուրք պատմաբաններն ու քաղաքական շրջանակները. թուրքական մամուլում եղել են բազմաթիվ հրապարակումներ։ Իսկ մենք հենվում ենք մեր ունեցած աղբյուրների վրա, որոնց համաձայն` Բայդենը կարտասանի «ցեղասպանություն» բառը և կատարի իր խոստումը՝ ի տարբերություն նախորդ նախագահների»,– նշեց ԳԱԱ պատմության ինստիտուտի տնօրենը։

Մելքոնյանի դիտարկմամբ` եթե դա նույնիսկ տեղի չունենա, ամենևին չի նշանակում, որ հայ պատմաբանները դրա հետ մեծ հույսեր էին կապում, պարզապես ԱՄՆ–ի նման երկրի կողմից Ցեղասպանության պաշտոնական, վերջնական ճանաչումը պատիվ կբերեր հենց ամերիկացիներին` որպես ժողովրդավար պետության քաղաքացիների։ 

Անդրադառնալով այն հարցին, թե կարո՞ղ են արդյոք Երևանից Թուրքիային հղված բարեկամության և հարաբերությունների կարգավորման կոչերն ու մեսիջները խանգարել ամերիկյան կողմին ցեղասպանությունը ճանաչելու առումով, Մելքոնյանն ընդգծեց, որ Միացյալ Նահանգներում այդքան միամիտ չեն, որ այդ ամբողջ գործընթացը չպատկերացնեն, նրանք գիտեն, որ հայ հասարակության կարծիքը մի բան է, իսկ այսօրվա աշխարհաքաղաքական իրողություններով պայմանավորված տարածաշրջանում Հայաստանի տեղի ու դերի փոփոխության հանգամանքը՝ մեկ այլ բան։ 

«Նոյեմբերի 9-ի հայտարարությունից հետո ՀՀ գործող իշխանությունները թերևս պետք է փորձեին արդարացման նման մի բան գտնել. ինչպես ասում են, «չկա չարիք առանց բարիքի» տարբերակով։ Թուրքական կողմն էլ այսօր պնդում է, թե պաշտոնական Երևանը փոխել է իր մոտեցումները հայ–թուրքական հարաբերությունների հեռանկարի առումով և հակված է ապագային նայել` գոնե առժամանակ մոռացության տալով պատմական խնդիրները»,– ասաց ԳԱԱ պատմության ինստիտուտի տնօրենը։

Թուրքերն իրենց գիտաժողովից հետո ցեղասպանության վերաբերյալ կոչ կուղղեն Բայդենին. Մելքոնյան

Մելքոնյանի կարծիքով` եթե ԱՄՆ–ն ճանաչի Հայոց ցեղասպանությունը, դրան կհաջորդեն բոլոր այն երկրները, որոնք մինչ այս պահը կամուկացի մեջ են եղել, իսկ հետո կհաջորդի հատուցման խնդիրը և ԱՄՆ–ի կողմից Ցեղասպանության ճանաչումից հետո պահանջատիրության խնդիրը տարբեր հարթակներում հնչեցնելու հարցն արդեն ավելի դյուրին կլինի։ Ըստ Մելքոնյանի` ցեղասպանության ճանաչումն ուղղակիորեն կկապվի նաև իրավարար վճռի հետ, որը 1920 թվականի նոյեմբերին ներկայացրեց նախագահ Վուդրո Վիլսոնը, և ամենևին էլ պատահական չէ, որ Թուրքիային այսօր սարսափեցնող Սևրի պայմանագրի սինդրոմն ուրվագծայինից կարող է դառնալ որոշակի։ 

Նշենք, որ Հայ պատմաբանների ընկերակցությունն ու գիտական հանրությունը նամակ էին ուղարկել Ջո Բայդենին, որպեսզի ապրիլի 24-ին ընդառաջ համապատասխան հետևություններ արվեին «ցեղասպանություն» բառը գործածելու համար:

38
թեգերը:
Ցեղասպանություն, ԱՄՆ, Աշոտ Մելքոնյան (ԳԱԱ Պատմության ինստիտուտի տնօրեն)
Սերժ Սրապիոնյան

Սփյուռքահայերին առնչվող նման օրենքի ընդունումը վաղաժամ է. Սրապիոնյանը մեծ վտանգ է տեսնում

82
(Թարմացված է 23:21 20.04.2021)
ՀՀ սփյուռքի նախկին փոխնախարար Սերժ Սրապիոնյանը Sputnik Արմենիայի եթերում անդրադարձել է «Լուսավոր Հայաստան» խմբակցության առաջարկին, որն առնչվում է սփյուռքահայերին ՀՀ կառավարման համակարգում ընդգրկելու խնդրին։
Սրապիոնյան. «Սփյուռքահայերին առնչվող նման օրենքի ընդունումը վաղաժամ է»

Սերժ Սրապիոնյանի կարծիքով` թեև «Լուսավոր Հայաստան» խմբակցությունն արտաքուստ շատ գրավիչ առաջարկ է անում, բայց իրականում դրա տակ մեծ վտանգ է թաքնված։ Ըստ նրա`բոլորն էլ անցած երեսուն տարիների ընթացքում տեսել են, թե ինչպես են սփյուռքահայերը Հայաստանում պատասխանատու պաշտոններ զբաղեցնում ու առհասարակ ինչպես են նրանք աշխատել։

Սրապիոնյանը, չթերագնահատելով սփյուռքահայերի ներուժը, այդուհանդերձ ընդգծում է, որ նրանք պետական կառավարման դեռ պատրաստ չեն, լավագույն դեպքում նրանք կառավարել են այս կամ այն հասարակական կառույցը։

«Որպեսզի սփյուռքահայը կարողանա ինտեգրվել Հայաստանին, պետք է խնդիրները պատկերացնի այնպես, ինչպես տեղաբնակները, և իր հատկացրած օժանդակության պարագայում չմտածի, թե իրեն վերաբերվում են որպես «կթու կովի»։ Կարծում եմ, որ նման օրենք ընդունելը վաղաժամ է, որովհետև դա մեր երկրին ոչինչ չի տա»,– Sputnik Արմենիայի հետ զրույցում ասաց նախկին փոխնախարարը։

Սրապիոնյանը հիշեցրեց` ներկայիս իշխանությունները հայտարարել էին, թե մոտ հարյուր երիտասարդ սփյուռքահայի էին ուզում հրավիրել ու ընդգրկել կառավարման համակարգում, բայց հայտնի չէ, թե ովքեր են նրանք և ինչով են զբաղված։

Ըստ նախկին պաշտոնյայի` նախ թող ՀՀ քաղաքացիների ներուժը սպառիչ ու ամբողջովին օգտագործեն, որոնք ծնվել ու մեծացել են այստեղ և իրենց երկրի հոգեբանության կրողն են, հետո նոր հույսը դնեն սփյուռքի վրա։

«Սփյուռքահայն այն երկրում, որտեղ բնակվել է, կամա– ակամա, ուզի–չուզի, գիտակցի– չգիտակցի, կրում է այդ երկրի ժողովրդի գաղափարաբանությունն ու հոգեբանությունը։ Կարծում եմ, որ սփյուռքահայը պետք է աստիճանաբար ինտեգրվի Հայաստանի կյանքին, իրեն լիարժեքորեն զգա Հայաստանի քաղաքացի, ինչպես որ զգում են հրեաներն ու իռլանդացիները, որտեղ էլ ապրեն։ Նախ անհրաժեշտ է հոգեբանորեն պատրաստվել, մինչդեռ այս կառավարությունը մերժում է սփյուռքը և այն ամենը, ինչ արվել էր սփյուռքի համար, Զարեհ Սինանյանի փափուկ ձեռքով հավասարեցվել է զրոյի, հետևաբար նման օրենքի ընդունումը լոկ պոպուլիզմ է»,– ասաց նախկին փոխնախարարը։

Սրապիոնյանի գնահատմամբ` արդեն երեք տարի է, ինչ սփյուռքին առնչվող որևէ լրջմիտ կարծիք, մոտեցում կամ ծրագիր չկա` ի տարբերություն իշխանության կողմից մերժված նախկինների, որոնց պաշտոնավարման օրոք ստեղծվեց սփյուռքի նախարարությունը, որն էլ իր հերթին դոկտրին էր մշակում` քայլեր ձեռնարկելով սփյուռքի հետ մերձեցումն ապահովելու համար։ Ըստ Սրապիոնյանի` պետք է վերաբացվի սփյուռքի նախարարությունը, մշակվի նոր ռազմավարություն, և սփյուռքը որոշ ժամանակ անց բնականոն կերպով կինտեգրվի Հայաստանի կառավարական մարմիններին։

Տեղեկացնենք, որ ԱԺ «Լուսավոր Հայաստան» խմբակցությունն առաջարկում է փոփոխություն կատարել Սահմանադրության 148-րդ հոդվածի 1-ին մասում, որպեսզի կառավարության անդամ (բացառությամբ` վարչապետի) կարողանա լինել 25 տարին լրացած, հայերենին տիրապետող ՀՀ գործունակ քաղաքացին` անկախ այլ պետության քաղաքացի լինելու հանգամանքից, ՀՀ քաղաքացիություն ստանալու ժամկետից և ՀՀ–ում բնակության ժամանակահատվածի տևողությունից։ «Լուսավոր Հայաստան» խմբակցության կարծիքով` սույն սահմանադրական փոփոխությունը հնարավոր է իրականացնել Ազգային ժողովի միջոցով։

Հիշեցնենք, որ գործող օրենսդրության համաձայն` ՀՀ կառավարության անդամ կարող է լինել ՀՀ քաղաքացի, ընդ որում` ոչ պակաս, քան վերջին 4 տարում։ Միաժամանակ նա պետք է նույնքան ժամանակահատվածի չափով բավարարի նստակեցության ցենզը (Սահմանադրության 48-րդ հոդվածի 2-րդ և 148-րդ հոդվածի 1-ին մասերի կարգավորում)։

82
թեգերը:
Սերժ Սրապիոնյան, Սփյուռք, Հայաստան
Վլադիմիր Պուտին

Տրանսպորտային-լոգիստիկ միջանցքները եվրասիական գործընկերության կարկաս կդառնան. Պուտին

0
(Թարմացված է 15:37 21.04.2021)
ԵԱՏՄ շրջանակում իրագործվող ընդհանուր նախագծերը պետք է անդամ երկրների քաղաքացիների տնտեսության և բարեկեցության աճ ապահովեն։

ԵՐԵՎԱՆ, 21 ապրիլի – Sputnik. Տրանսպորտային-լոգիստիկ միջանցքների զարգացումը եվրասիական մեծ գործընկերության հուսալի կարկաս կդառնա։ Դաշնային ժողովին ուղղված ամենամյա ուղերձի ընթացքում ասել է Ռուսաստանի նախագահ Վլադիմիր Պուտինը:

«Եվրասիական տնտեսական միության շրջանակում իրագործվող մեր ընդհանուր նախագծերը տնտեսության և քաղաքացիների բարեկեցության աճ ապահովելու նպատակ ունեն։ Ընդ որում` դրանցում նոր ու հետաքրքիր ուղղություններ են հայտնվում, օրինակ` տրանսպորտային-լոգիստիկ միջանցքների զարգացումը», - ասել է Պուտինը։

Այդ միավորման ռուսական գաղափարներն արդեն իրականանում են գործնականում, այդ թվում՝ ինտեգրացիոն այլ նախագծերի հետ զուգակցման հաշվին։

Որո՞նք են ԵԱՏՄ երկրների զարգացման առաջնահերթ ուղղությունները

«Այս ամենը ոչ թե մտացածին աշխարհաքաղաքական տեսություն է, այլ ազգային զարգացման խնդիրները լուծելու կիրառական գործիքներ», - նշել է Պուտինը։

Եվրասիական տնտեսական միությունը միջազգային ինտեգրացիոն տնտեսական միավորում է, որը գործում է 2015 թվականի հունվարի 1-ից: Միության անդամներն են Ռուսաստանը, Հայաստանը, Բելառուսը, Ղազախստանը և Ղրղզստանը:

Կկանխի՞ արդյոք Հայաստանը Ադրբեջանի մուտքը ԵԱՏՄ

0
թեգերը:
Վլադիմիր Պուտին, Եվրասիական տնտեսական միություն (ԵԱՏՄ), Ռուսաստան