Արամ Վարդևանյան

Այս գործի ավարտը լինելու է Ռոբերտ Քոչարյանի դեմ քրեական հետապնդման դադարեցումը. Վարդևանյան

189
(Թարմացված է 18:11 23.03.2021)
ՀՀ երկրորդ նախագահ Ռոբերտ Քոչարյանի փաստաբանական խմբի անդամ Արամ Վարդևանյանը Sputnik Արմենիայի եթերում անդրադարձել է Մարտի մեկի գործի քննության ընթացքին և իրենց խմբի կողմից դատարանի դահլիճը լքելու քայլին։ 
Վարդևանյան. «Այս գործի ավարտը լինելու է Ռոբերտ Քոչարյանի դեմ քրեական հետապնդման դադարեցումը»

Արամ Վարդևանյանի խոսքով` դատարանի գործողություններն առնվազն անաչառ դիտորդի համար հասկանալի և ընկալելի չեն, դատարանը կարծես որոշակի ցուցում է ստացել, ինչ–որ միջամտություն է եղել, ու նման պայմաններում դատական ատյանը դատավոր Աննա Դանիբեկյանի գլխավորությամբ նոր, անհասկանալի վարքագիծ էր դրսևորում` գրավելով նորանոր բարձունքներ։ 

«Դա հասավ իր վերջնակետին, այսինքն` արդեն պարզ դարձավ, թե ինչ է կատարվում այն պայմաններում, երբ կային այնպիսի միջնորդություններ, որոնք պարտադիր էր քննության առարկա դարձնել այս փուլում։ Չկար որևէ հիմք կամ խնդիր դրանք չլսելու։ Եթե այդ միջնորդությունները լսեին, մենք մեծ սիրով կմասնակցեինք մեղադրական եզրակացության այդ հատվածի հրապարակմանը, առավել ևս, որ բազմաթիվ հանգամանքներ ունենք ներկայացնելու։ Բայց քանի որ դատարանի այսօրվա գործողությունները իրավունքի հետ առհասարակ առնչություն չունեին, ուստի չկարողացանք դրան մասնակից լինել և այդ պատճառով էլ լքեցինք նիստերի դահլիճը»,– նշեց փաստաբանը։

Անդրադառնալով այն հարցին, որ դատարանը կքննի Ռոբերտ Քոչարյանի փաստաբանների վարքագիծը և հնարավոր է՝ սանկցիաներ կիրառի նրանց նկատմամբ, Վարդևանյանն ընդգծեց, որ նման դեպքերում դատարանի գործողություններում տրամաբանություն առհասարակ չի տեսնում, հետևաբար ամեն ինչ էլ հնարավոր է, բայց փաստաբաններն էլ չեն կարող լուռ հետևել, երբ տեղի է ունենում նման ապօրինություն։ 

«Երբ դատարանն այդ աստիճան շեղվում է օրենքից, ապա դրան պետք է լինի արձագանք։ Դատարանը թույլ չէր տալիս նաև, որ մենք հանդես գայինք հայտարարություններով։ Եթե գոնե դա թույլ տար, կշարունակեինք հայտարարություններով արձանագրել մեր դիրքորոշումն ու վերաբերմունքը գործընթացի հանդեպ։ Քանի որ այլ միջոց չէր մնում՝ փաստաբանները պետք է միայն լքեին նիստերի դահլիճը, ինչն ի դեպ լայնորեն կիրառվում է նաև միջազգային պրակտիկայում»,– նշեց փաստաբանը։

Վարդևանյանի կարծիքով` դատական ողջ պրոցեսի ընթացքում եղել են խայտառակ ապօրինություններ և այն, որ դրանք շարունակվում են մինչ օրս, նույնպես փաստ է։ Նրա համոզմամբ` սա իրականում քրեական գործ չէ, իրավաբանության հետ որևէ առնչություն չունի, քաղաքական գործ է, քաղաքական հետապնդում է և քաղաքական պատվիրատուներն էլ շատ հստակ, երբ առիթ են ունենում, հանրահավաքների ժամանակ խոսում են գործի մասին։ 

Ռոբերտ Քոչարյանի փաստաբանական խմբի ներկայացուցչի համոզմամբ` ՀՀ երկրորդ նախագահի գործով դատավարության ընթացքում դատարանի անկախ գործելակերպ չի դրսևորվել, որովհետև հակառակ դեպքում փաստաբաններն այդքան բացարկներ հայտարարելու հիմքեր չէին ունենա։ Այդուհանդերձ Վարդևանյանը շեշտեց, որ իրենց հետևողական աշխատանքի արդյունքում գործի տրամաբանական ավարտը լինելու է Ռոբերտ Քոչարյանի դեմ քրեական հետապնդման դադարեցումը և այս խայտառակ էջի փակումը։ 

Ռոբերտ Քոչարյանի` ՍԴ ներկայացրած դիմումը հրապարակային չի քննարկվի. որոշում կայացվեց

Տեղեկացնենք, որ ՀՀ երկրորդ նախագահ Ռոբերտ Քոչարյանի և մյուսների գործով դատական նիստը, որն անցնում էր Երևանի ընդհանուր իրավասության դատարանում, կրկին հետաձգվեց և կկայանա մարտի 30-ին։ Քոչարյանի փաստաբանները լքեցին դատարանի դահլիճը` հայտարարելով, որ չեն մասնակցի կրկեսի։ Դատարանը կքննի փաստաբանների վարքագիծը։

Հիշեցնենք, որ ՀՀ երկրորդ նախագահը մասնակցում է 2008 թվականի մարտի 1-ի դեպքերի վերաբերյալ քրեական գործի դատաքննությանը: Նրա դեմ քրեական հետապնդումը սկսվել է 2018-ին Հայաստանում տեղի ունեցած իշխանափոխությունից հետո։ Այդ ժամանակ էլ Ռոբերտ Քոչարյանը հայտարարել էր քաղաքականություն վերադառնալու մասին։ ՀՀ երկրորդ նախագահին երեք անգամ կալանավորել են։ Կալանավայրում նա ընդհանուր առմամբ 500 օր է անցկացրել։

2020 թվականի հունիսին Վերաքննիչ դատարանը նրան գրավի դիմաց ազատ արձակելու որոշում է կայացրել։

Քոչարյանը բազմիցս հայտարարել է, որ իր դեմ հարուցված քրեական գործն ամբողջությամբ շինծու է և ոչ այլ ինչ է, քան քաղաքական հետապնդում։

189
թեգերը:
դատ, Մարտի 1, Արամ Վարդևանյան, Ռոբերտ Քոչարյան
Ըստ թեմայի
Ռոբերտ Քոչարյանի աջակիցները կարճ ժամանակով փակեցին Երևանի Արշակունյաց պողոտան
Ռոբերտ Քոչարյանի և մյուսների գործով նիստը հետաձգվեց. Սեյրան Օհանյանը հիվանդանոցում է
Միասին կարող ենք բուժել վերքերը և նորից վերականգնել երկիրը. Ռոբերտ Քոչարյանի գրառումը
Աշոտ Մելքոնյան

Դա պատիվ կբերի հենց ամերիկացիներին. Բայդենը կասի՞ «ցեղասպանություն» բառը

35
(Թարմացված է 13:26 21.04.2021)
ԳԱԱ պատմության ինստիտուտի տնօրեն Աշոտ Մելքոնյանը Sputnik Արմենիայի եթերում անդրադարձել է հայ պատմաբանների նամակի`ԱՄՆ–ի նախագահ Ջո Բայդենի գրասենյակի արձագանքին։ 
Մելքոնյան. «ԱՄՆ–ի կողմից ցեղասպանության ճանաչումը պատիվ կբերի հենց ամերիկացիներին»

Աշոտ Մելքոնյանի փոխանցմամբ` Սպիտակ տան նամակագրության բաժինն արդեն իսկ ծանուցել է, որ հայ պատմաբանների նամակը հասել է իրենց, ինչի համար շնորհակալություն են հայտնում և ուրախ են, որ կապվելով իրենց հետ` հայ պատմաբանները շոշափում են կարևոր խնդիր, որն իրենց համար էլ է հետաքրքրություն ներկայացնում։ Ըստ այդմ` Սպիտակ տնից պատասխանել են, որ սիրով կքննարկեն խնդիրը և կփորձեն տալ լուծում։

«Նամակի առթիվ անհանգստացած են թուրք պատմաբաններն ու քաղաքական շրջանակները. թուրքական մամուլում եղել են բազմաթիվ հրապարակումներ։ Իսկ մենք հենվում ենք մեր ունեցած աղբյուրների վրա, որոնց համաձայն` Բայդենը կարտասանի «ցեղասպանություն» բառը և կատարի իր խոստումը՝ ի տարբերություն նախորդ նախագահների»,– նշեց ԳԱԱ պատմության ինստիտուտի տնօրենը։

Մելքոնյանի դիտարկմամբ` եթե դա նույնիսկ տեղի չունենա, ամենևին չի նշանակում, որ հայ պատմաբանները դրա հետ մեծ հույսեր էին կապում, պարզապես ԱՄՆ–ի նման երկրի կողմից Ցեղասպանության պաշտոնական, վերջնական ճանաչումը պատիվ կբերեր հենց ամերիկացիներին` որպես ժողովրդավար պետության քաղաքացիների։ 

Անդրադառնալով այն հարցին, թե կարո՞ղ են արդյոք Երևանից Թուրքիային հղված բարեկամության և հարաբերությունների կարգավորման կոչերն ու մեսիջները խանգարել ամերիկյան կողմին ցեղասպանությունը ճանաչելու առումով, Մելքոնյանն ընդգծեց, որ Միացյալ Նահանգներում այդքան միամիտ չեն, որ այդ ամբողջ գործընթացը չպատկերացնեն, նրանք գիտեն, որ հայ հասարակության կարծիքը մի բան է, իսկ այսօրվա աշխարհաքաղաքական իրողություններով պայմանավորված տարածաշրջանում Հայաստանի տեղի ու դերի փոփոխության հանգամանքը՝ մեկ այլ բան։ 

«Նոյեմբերի 9-ի հայտարարությունից հետո ՀՀ գործող իշխանությունները թերևս պետք է փորձեին արդարացման նման մի բան գտնել. ինչպես ասում են, «չկա չարիք առանց բարիքի» տարբերակով։ Թուրքական կողմն էլ այսօր պնդում է, թե պաշտոնական Երևանը փոխել է իր մոտեցումները հայ–թուրքական հարաբերությունների հեռանկարի առումով և հակված է ապագային նայել` գոնե առժամանակ մոռացության տալով պատմական խնդիրները»,– ասաց ԳԱԱ պատմության ինստիտուտի տնօրենը։

Թուրքերն իրենց գիտաժողովից հետո ցեղասպանության վերաբերյալ կոչ կուղղեն Բայդենին. Մելքոնյան

Մելքոնյանի կարծիքով` եթե ԱՄՆ–ն ճանաչի Հայոց ցեղասպանությունը, դրան կհաջորդեն բոլոր այն երկրները, որոնք մինչ այս պահը կամուկացի մեջ են եղել, իսկ հետո կհաջորդի հատուցման խնդիրը և ԱՄՆ–ի կողմից Ցեղասպանության ճանաչումից հետո պահանջատիրության խնդիրը տարբեր հարթակներում հնչեցնելու հարցն արդեն ավելի դյուրին կլինի։ Ըստ Մելքոնյանի` ցեղասպանության ճանաչումն ուղղակիորեն կկապվի նաև իրավարար վճռի հետ, որը 1920 թվականի նոյեմբերին ներկայացրեց նախագահ Վուդրո Վիլսոնը, և ամենևին էլ պատահական չէ, որ Թուրքիային այսօր սարսափեցնող Սևրի պայմանագրի սինդրոմն ուրվագծայինից կարող է դառնալ որոշակի։ 

Նշենք, որ Հայ պատմաբանների ընկերակցությունն ու գիտական հանրությունը նամակ էին ուղարկել Ջո Բայդենին, որպեսզի ապրիլի 24-ին ընդառաջ համապատասխան հետևություններ արվեին «ցեղասպանություն» բառը գործածելու համար:

35
թեգերը:
Ցեղասպանություն, ԱՄՆ, Աշոտ Մելքոնյան (ԳԱԱ Պատմության ինստիտուտի տնօրեն)
Սերժ Սրապիոնյան

Սփյուռքահայերին առնչվող նման օրենքի ընդունումը վաղաժամ է. Սրապիոնյանը մեծ վտանգ է տեսնում

82
(Թարմացված է 23:21 20.04.2021)
ՀՀ սփյուռքի նախկին փոխնախարար Սերժ Սրապիոնյանը Sputnik Արմենիայի եթերում անդրադարձել է «Լուսավոր Հայաստան» խմբակցության առաջարկին, որն առնչվում է սփյուռքահայերին ՀՀ կառավարման համակարգում ընդգրկելու խնդրին։
Սրապիոնյան. «Սփյուռքահայերին առնչվող նման օրենքի ընդունումը վաղաժամ է»

Սերժ Սրապիոնյանի կարծիքով` թեև «Լուսավոր Հայաստան» խմբակցությունն արտաքուստ շատ գրավիչ առաջարկ է անում, բայց իրականում դրա տակ մեծ վտանգ է թաքնված։ Ըստ նրա`բոլորն էլ անցած երեսուն տարիների ընթացքում տեսել են, թե ինչպես են սփյուռքահայերը Հայաստանում պատասխանատու պաշտոններ զբաղեցնում ու առհասարակ ինչպես են նրանք աշխատել։

Սրապիոնյանը, չթերագնահատելով սփյուռքահայերի ներուժը, այդուհանդերձ ընդգծում է, որ նրանք պետական կառավարման դեռ պատրաստ չեն, լավագույն դեպքում նրանք կառավարել են այս կամ այն հասարակական կառույցը։

«Որպեսզի սփյուռքահայը կարողանա ինտեգրվել Հայաստանին, պետք է խնդիրները պատկերացնի այնպես, ինչպես տեղաբնակները, և իր հատկացրած օժանդակության պարագայում չմտածի, թե իրեն վերաբերվում են որպես «կթու կովի»։ Կարծում եմ, որ նման օրենք ընդունելը վաղաժամ է, որովհետև դա մեր երկրին ոչինչ չի տա»,– Sputnik Արմենիայի հետ զրույցում ասաց նախկին փոխնախարարը։

Սրապիոնյանը հիշեցրեց` ներկայիս իշխանությունները հայտարարել էին, թե մոտ հարյուր երիտասարդ սփյուռքահայի էին ուզում հրավիրել ու ընդգրկել կառավարման համակարգում, բայց հայտնի չէ, թե ովքեր են նրանք և ինչով են զբաղված։

Ըստ նախկին պաշտոնյայի` նախ թող ՀՀ քաղաքացիների ներուժը սպառիչ ու ամբողջովին օգտագործեն, որոնք ծնվել ու մեծացել են այստեղ և իրենց երկրի հոգեբանության կրողն են, հետո նոր հույսը դնեն սփյուռքի վրա։

«Սփյուռքահայն այն երկրում, որտեղ բնակվել է, կամա– ակամա, ուզի–չուզի, գիտակցի– չգիտակցի, կրում է այդ երկրի ժողովրդի գաղափարաբանությունն ու հոգեբանությունը։ Կարծում եմ, որ սփյուռքահայը պետք է աստիճանաբար ինտեգրվի Հայաստանի կյանքին, իրեն լիարժեքորեն զգա Հայաստանի քաղաքացի, ինչպես որ զգում են հրեաներն ու իռլանդացիները, որտեղ էլ ապրեն։ Նախ անհրաժեշտ է հոգեբանորեն պատրաստվել, մինչդեռ այս կառավարությունը մերժում է սփյուռքը և այն ամենը, ինչ արվել էր սփյուռքի համար, Զարեհ Սինանյանի փափուկ ձեռքով հավասարեցվել է զրոյի, հետևաբար նման օրենքի ընդունումը լոկ պոպուլիզմ է»,– ասաց նախկին փոխնախարարը։

Սրապիոնյանի գնահատմամբ` արդեն երեք տարի է, ինչ սփյուռքին առնչվող որևէ լրջմիտ կարծիք, մոտեցում կամ ծրագիր չկա` ի տարբերություն իշխանության կողմից մերժված նախկինների, որոնց պաշտոնավարման օրոք ստեղծվեց սփյուռքի նախարարությունը, որն էլ իր հերթին դոկտրին էր մշակում` քայլեր ձեռնարկելով սփյուռքի հետ մերձեցումն ապահովելու համար։ Ըստ Սրապիոնյանի` պետք է վերաբացվի սփյուռքի նախարարությունը, մշակվի նոր ռազմավարություն, և սփյուռքը որոշ ժամանակ անց բնականոն կերպով կինտեգրվի Հայաստանի կառավարական մարմիններին։

Տեղեկացնենք, որ ԱԺ «Լուսավոր Հայաստան» խմբակցությունն առաջարկում է փոփոխություն կատարել Սահմանադրության 148-րդ հոդվածի 1-ին մասում, որպեսզի կառավարության անդամ (բացառությամբ` վարչապետի) կարողանա լինել 25 տարին լրացած, հայերենին տիրապետող ՀՀ գործունակ քաղաքացին` անկախ այլ պետության քաղաքացի լինելու հանգամանքից, ՀՀ քաղաքացիություն ստանալու ժամկետից և ՀՀ–ում բնակության ժամանակահատվածի տևողությունից։ «Լուսավոր Հայաստան» խմբակցության կարծիքով` սույն սահմանադրական փոփոխությունը հնարավոր է իրականացնել Ազգային ժողովի միջոցով։

Հիշեցնենք, որ գործող օրենսդրության համաձայն` ՀՀ կառավարության անդամ կարող է լինել ՀՀ քաղաքացի, ընդ որում` ոչ պակաս, քան վերջին 4 տարում։ Միաժամանակ նա պետք է նույնքան ժամանակահատվածի չափով բավարարի նստակեցության ցենզը (Սահմանադրության 48-րդ հոդվածի 2-րդ և 148-րդ հոդվածի 1-ին մասերի կարգավորում)։

82
թեգերը:
Սերժ Սրապիոնյան, Սփյուռք, Հայաստան
Ազատության հրապարակ

Ալեքսանդր Սպենդիարյանի հուշարձանին կապույտ ներկ են քսել. տեսանյութ

0
(Թարմացված է 15:08 21.04.2021)
Մայրաքաղաքում հերթական իրավախախտումն է արձանագրվել։ Տեսանյութում երևում է, որ հուշարձանի ստորին հատվածում կապույտ ներկով ինչ–որ բան է գրված։

ԵՐԵՎԱՆ, 21 ապրիլի – Sputnik. Անհայտ անձինք կապույտ են ներկել անվանի կոմպոզիտոր Ալեքսանդր Սպենդիարյանի արձանը։ Տեղեկությունը հայտնում է ՀՀ ԿԳՄՍՆ «Պահպանության ծառայություն» ՊՈԱԿ-ը։

Կազմակերպությունը փաստի առթիվ հաղորդում կներկայացնի ոստիկանություն։

Վանդալիզմ Նոր Երզնկա համայնքում. խաչքարեր են ջարդել. լուսանկարներ

Սպենդիարյանի արձանը հանրապետական նշանակության հուշարձան է։

Գանձագողերը վնասել են «Ամրոցի համալիր Ախթամիր» հուշարձանը. լուսանկարներ

0
թեգերը:
Ալեքսանդր Սպենդիարյան, Հուշարձան, Հայաստան
Ըստ թեմայի
Երևանում գողացել են նավակով տղայի բրոնզե արձանը
Ոստիկանները հայտնաբերել են Լրագրողի արձանը գողացողներին