Դավիթ Ջամալյան

ՀՀ-ում մի իշխանություն է, որն ընդհանուր որևէ բան չունի հայկական շահերի հետ. Ջամալյան

89
(Թարմացված է 17:16 17.03.2021)
Ռազմական փորձագետ Դավիթ Ջամալյանը Sputnik Արմենիայի եթերում անդրադարձել է Թուրքիայում ու հետխորհրդային որոշ պետություններում հնչող համաթուրքական «Թուրանի բանակ» ստեղծելու հայտարարություններին։ 
Ջամալյան. «Հայաստանում բերվել է մի իշխանություն, որն ընդհանուր որևէ բան չունի հայկական շահերի հետ»

Դավիթ Ջամալյանի դիտարկմամբ` թուրքալեզու երկրների միջպետական հարաբերությունների արտաքին կողմը քաղաքական այդ գործընթացի երևացող մի փոքր մասն է միայն, մինչդեռ պետք է խնդիրն ընկալել խորությամբ։ Ըստ նրա` Ռուսաստանը և Թուրքիան ավանդաբար եղել են աշխարհաքաղաքական մրցակիցներ, և այստեղ Հայաստանն իբրև գործոն իր շահերը միշտ տեսել է ռուսական պետականության շահերի հետ համահունչ, որոնք համընկնում են նաև հեռանկարային կտրվածքով։ 

«Մինդեռ «Մեծ Թուրանի» գաղափարը ենթադրում է, որ մենք այստեղ չենք լինելու, որ այդ ամբողջ ագրեսիվ ներուժը նաև գալու- բախվելու է Ռուսաստանին։ Այդ բախումը շատ խելամտորեն ուղղորդվում է մեկ այլ աշխարհաքաղաքական մրցակցի` Մեծ Բրիտանիայի կողմից, ընդ որում` շատ գեղեցիկ քողարկված։ Անհնար է, որ ռուսական քաղաքական վերնախավը չտեսնի «Մեծ Թուրանի» ամբողջ կոնտեքստը»,– նշեց ռազմական փորձագետը։

Ջամալյանի խոսքով` այսօր Ռուսաստանում պետականակենտրոն իշխանություն է, որն իր շահերը շատ հստակ ձևակերպում է ու հետևողականորեն պաշտպանում է, տեսնում է այն սպառնալիքները, որոնք կարող են գալ «Մեծ Թուրան» կոչվող ծրագրից։ Ըստ նրա` Հայաստանում, ցավոք սրտի, բերվել է այնպիսի իշխանություն, որն ընդհանուր որևէ բան չունի հայկական շահերի հետ, և ուղղակի ստեղծված իրավիճակում արվում են հայտարարություններ, որոնք ըստ էության ամբողջ գործընթացի խորքը չեն արտահայտում, այլ միտված են մի ընդհանուր ֆոն ստեղծելուն, կայուն հարաբերությունների ինչ–որ ընթացք ապահովելուն։

Ջամալյանի հավաստմամբ` շատ հստակ է, որ կա ագրեսիվ թուրքական գործոն, որը խրախուսվում է անգլոսաքսոնական աշխարհի կողմից` ուղղված Ռուսաստանի դեմ, և այդ ճանապարհին կանգնած ենք մենք, սակայն Հայաստանի ներկա իշխանությունը սպասարկում է բրիտանաթուրքական սցենարը։ Փորձագետի համոզմամբ` Հայաստանն աշխարհաքաղաքական մարտահրավերներին կկարողանա դիմակայել միայն Ռուսաստանի հետ ձեռք-ձեռքի տված։ 

Թուրքիան մտադրություն չունի «Մեծ Թուրան» ստեղծել. Լավրով

89
թեգերը:
Ռուսաստան, Թուրքիա, Հայաստան, Դավիթ Ջամալյան
Ըստ թեմայի
Իրանի հետ հարաբերությունների ամենահետաքրքիր շրջափուլն ու Թուրքիայի խորամանկ քայլը
«Թուրանական միջանցք» Հայաստանով. ռիսկեր ու վտանգներ Երևանի ու Թեհրանի համար
«Ապաշրջափակման» անվան տակ Թուրքիան իրագործում է Թուրանի գաղափարը. Բոստանջյան
Արմեն Բաղդասարյան

Ինչո՞ւ են Հայաստանի սահմանային հարցերը քննարկում ՀԱՊԿ-ը և Ադրբեջանը

40
(Թարմացված է 23:45 17.05.2021)
Քաղաքագետ Արմեն Բսղդասարյանը Sputnik Արմենիայի եթերում անդրադարձել է հայ-ադրբեջանական սահմանային լարվածությանն ու այդ լարվածության թուլացման գործում ՌԴ ներգրավվածությանը։
«Հայաստանի իշխանությունները վախենում են պատերազմի վտանգից». Արմեն Բաղդասարյան

Հայաստանի իշխանություններն այնպիսի իրավիճակում են, որ հայ-ադրբեջանական սահմանային լարվածությունը թուլացնելու գործում որևէ բան չեն կարող անել։ Sputnik Արմենիայի հետ զրույցում նման կարծիք հայտնեց  քաղաքագետ Արմեն Բաղդասարյանը։

«Հայաստանի իշխանությունները վախենում են պատերազմի վտանգից, բացի այդ`իրենք ոչինչ չեն կարող անել, իրենց վիճակն այնպիսին է, որ որևէ քայլ չեն կարող անել»,- ասաց նա։

Նրա խոսքով`այս ամբողջ պատմության մեջ ամենավատն այն է, որ հայ-ադրբեջանական սահմանային հարցերը որոշում են ոչ թե Հայաստանն ու Ադրբեջանը, այլ ՀԱՊԿ-ը և Ադրբեջանը։ Պատճառը Հայաստանում տիրող անիշխանությունն է։

«Այսօր Հայաստանը չունի իշխանություն, դրա համար էլ Ռուսաստանը` ի դեմս Լավրովի, կգա և կառաջարկի իր ծառայությունները, Ադրբեջանը մեծ հաճույքով կգնա Ռուսաստանի հետ կբանակցի։ Խնդիրն այն է, որ մենք էլ պետք է լինենք այդտեղ, և մենք չկանք, իսկ եթե մենք այդտեղ չկանք` բոլոր պայմանավորվածությունները ձեռք են բերվելու ի հաշիվ մեզ»,- նշեց Բաղդասարյանը։

Նշենք, որ Ռուսաստանի արտաքին գործերի նախարար Սերգեյ Լավրովը հայտարարել է, որ Սյունիքի մարզի իրավիճակի վերաբերյալ պայմանավորվածություն է ձեռք բերվել: Նա նշել է, որ Մոսկվան պատրաստ է քարտեզագրական նյութեր տրամադրել և խորհրդատվական ծառայություններ մատուցել սահմանազատման ու սահմանագծման համար։

Հիշեցնենք` մայիսի 12-ի առավոտյան ադրբեջանական զինուժը «սահմանների ճշգրտման» հիմնավորմամբ փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

Ինչ ախորժակ են գրգռում Սև լճի քաղցր ջրերը. լճից բաժին էր պահանջում նաև Հեյդար Ալիևը

Նույն օրը ՀՀ վարչապետի պաշտոնակատար Նիկոլ Փաշինյանն անվտանգության խորհրդի նիստում հայտարարեց, որ սա Ադրբեջանի կողմից դիվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

Մայիսի 14–ին  Փաշինյանը հայտարարեց, որ կեսօրին պաշտոնապես դիմել են ՀԱՊԿ և ռազմական աջակցության հարցով դիմել ՌԴ նախագահ Վլադիմիր Պուտինին։

Մայիսի 13-ից ադրբեջանցիների հետ բանակցությունները են անցկացվում։

40
թեգերը:
Սահման, Ադրբեջան, Հայաստան, Արմեն Բաղդասարյան (քաղաքական մեկնաբան)
Ըստ թեմայի
Այսօր որոշ ադրբեջանցիներ հետ են գնացել. ՀԱՊԿ–ում կքննարկվի Սյունիքում ստեղծված իրավիճակը
ԱԳՆ-ն դեսպաններին ներկայացրել է սահմանային իրավիճակը
Ադրբեջանի պահանջները հիմնավորվածություն չունեն․ Գրիգորյանն ու Զասը մտքեր են փոխանակել
Հակոբ Ավետյան

Կութի ուղղությամբ ադրբեջանցիները ևս 200-300 մետր առաջ են եկել. համայնքապետ

300
(Թարմացված է 21:17 17.05.2021)
Գեղամասար խոշորացված համայնքի ղեկավար Հակոբ Ավետյանի հետ Sputnik Արմենիայի եթերում զրուցել ենք Կութի հատվածում ադրբեջանցիների առաջխաղացման մասին։
Սրա դեմը պետք է առնել. Կութում ադրբեջանցիները ևս 300 մետր առաջ են եկել. Ավետյան

Գեղարքունիքի մարզի Կութ գյուղի ուղղությամբ ադրբեջանական զորամիավորումները ևս 200-300 մետր առաջ են եկել, դիրքավորվում են։ Sputnik Արմենիայի հետ զրույցում տեղեկությունը հայտնեց Գեղամասար խոշորացված համայնքի ղեկավար Հակոբ Ավետյանը։

«Հետ չեն գնում, նույնիսկ ինչ-որ տեղեր էլ իրենց դիրքերն ավելի են հարմարեցնում։ Կութում մի 200-300 մետր էլի առաջացել են։ Եթե այսպես թողնենք, ուրեմն կգան ամեն տեղ էլ կհասնեն, սրա դեմը պետք է առնել»,- ասաց նա։

Նրա խոսքով`իշխանությունն ամեն ինչ պետք է անի խնդրի ռազմական լուծումը բացառելու համար։ Մյուս կողմից` պետք է արձանագրել, որ մինչև այս պահը բանակցությունները որևէ արդյունք չեն տվել։ 

«Մեր կողմից բոլոր զինվորները կանգնած են, բայց ամեն դեպքում պետք է շարունակել բանակցել։ Այսպես լարվածությունը մեծանում է, ինչը կարող է պայթունավտանգ լինել։ Կարծում եմ` կառավարությունը համապատասխան միջոցներ կձեռնարկի, բայց մինչև հիմա ոչ մի շարժ չկա, թե ով ինչքանով է մեղավոր` չեմ կարող ասել»,- նշեց Ավետյանը։

Գեղամասար համայնքի ղեկավարն ասում է` մի քանի օր է, ինչ Կութում գյուղացիներն անասուններին արոտավայրեր չեն տանում, սպասում են՝ տեսնեն՝ ինչ է լինելու։

«Նրանք մտածում են` սա ժամանակավոր բնույթ է կրում, հարցը կլուծվի։ Մի քանի օրը չի խանգարի անասնապահներին, բայց եթե հարցը չլուծվեց, կարող եմ ասել, որ այդ գյուղերում անասնապահությունը վերանալու է, որովհետև բացարձակ արոտավայր չեն ունենալու»,- հավելեց համայնքապետը։

Հայաստանի և Ռուսաստանի ԱԽ քարտուղարները քննարկել են սահմանին ստեղծված իրավիճակը

Հիշեցնենք` մայիսի 12-ի առավոտյան ադրբեջանական զինուժը «սահմանների ճշգրտման» հիմնավորմամբ փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

Նույն օրը ՀՀ վարչապետի պաշտոնակատար Նիկոլ Փաշինյանն անվտանգության խորհրդի նիստում հայտարարեց, որ սա Ադրբեջանի կողմից դիվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

Մայիսի 14–ին  Փաշինյանը հայտարարեց, որ կեսօրին պաշտոնապես դիմել են ՀԱՊԿ և ռազմական աջակցության հարցով դիմել ՌԴ նախագահ Վլադիմիր Պուտինին։

Ֆրանսիայի ԱԳՆ-ն Բաքվին կոչ է արել անհապաղ դուրս բերել իր զորքերը հայկական տարածքից

Մայիսի 13-ից ադրբեջանցիների հետ բանակցությունները են անցկացվում։

300
թեգերը:
ադրբեջանցի, Սյունիք, Կութ
Ըստ թեմայի
Վաղարշակ Հարությունյանը խոսել է Ռուսաստանի ԱԴԾ Սահմանապահ վարչության տնօրենի հետ
Այսօր որոշ ադրբեջանցիներ հետ են գնացել. ՀԱՊԿ–ում կքննարկվի Սյունիքում ստեղծված իրավիճակը
Սերգեյ Շոյգուն Վաղարշակ Հարությունյանի հետ քննարկել է արցախյան խնդիրը
Երուսաղեմ

Հրթիռի առաջ բոլորը հավասար են. Իսրայելի հայերը` ռմբակոծության տակ կյանքի մասին

77
(Թարմացված է 00:00 18.05.2021)
Պաղեստինա-իսրայելական հակամարտության սրումը չէր կարող չանդրադառնալ Իսրայելի հայ համայնքի վրա։ Թե ինչով և ինչպես են ապրում հայերն այս օրերին, պարզել է Sputnik Արմենիան։

ԵՐԵՎԱՆ, 17 մայիսի – Sputnik. Իսրայելի հայ համայնքը փորձում է որքան հնարավոր է` սովորական ռեժիմով ապրել, զբաղվել առօրյա հոգսերով։ Բնակչությունը, չնայած ռմբակոծություններին և ավերածություններին, խուճապահար չէ, և այս հարցում Իսրայելի իշխանությունների հսկայական վաստակը կա, որոնք, մեր հայրենակիցների կարծիքով, պատրաստ էին ստեղծված իրավիճակին։

Հայկական թաղամասը

Երուսաղեմի հայոց թեմի գրասենյակի ղեկավար Հովնան Բաղդասարյանը Sputnik Արմենիայի թղթակցի հետ զրույցում նշեց, որ հայկական թաղամասը Երուսաղեմի ուղղությամբ հրթիռային հարվածից չի տուժել: Ընդհանուր առմամբ, հոգևոր և աշխարհիկ կյանքն այստեղ սովորական հունով է ընթանում։

«Այստեղ ամեն ինչ հանգիստ է, ավերածություններ, տուժածներ, տարհանվածներ չկան։ Սակայն հրթիռային հարվածները շարունակվում են Իսրայելի հարավում, որտեղ նույնպես կան մեր հայրենակիցներից»,-ասաց Բաղդասարյանը` ավելացնելով, որ հայրապետության տվյալներով՝ այնտեղ ևս տուժած հայեր չկան։

Հոգևորականը պատմեց, որ պետությունը հոգ է տարել իր քաղաքացիների մասին և բոլոր բնակելի շենքերը հագեցած են ռմբապաստարաններով։ Ազդանշանը լսելուն պես բնակիչներն անմիջապես իջնում են այնտեղ։

Արյունախեղդ Պաղեստինը. Գազայի հատվածին հասցված հարվածների զոհերը` լուսանկարներում

Բաղդասարյանը նշեց, որ արաբների և հրեաների միջև բախումներն Իսրայելի ներսում տեղի են ունեցել «խառը» քաղաքներում (այդպես են անվանում քաղաքները, որտեղ կողք-կողքի հրեաներ և արաբներ են ապրում)։ Ընդհանուր առմամբ` նա նշեց, որ հայ համայնքում սրացման առաջին օրվանից խուճապ չի եղել, հայկական վարժարանները շարունակում են գործել, եկեղեցիներն ու գրասենյակներն աշխատում են։

«Մեզ մոտ խուճապ ու վախ չկա»,-ասաց Բաղդասարյանը։

Հրթիռի առաջ բոլորը հավասար են

Հրթիռի առաջ բոլորը հավասար են, և դա հստակ գիտակցում են Իսրայելի իշխանությունները, որոնք միանման հոգածությամբ են վերաբերում բոլոր քաղաքացիներին՝ անկախ նրանց էթնիկ պատկանելությունից։ Sputnik Արմենիայի հետ զրույցում նման կարծիք հայտնեց տեղի հայ համայնքի ներկայացուցիչ Տիգրան Մամաջանյանը։

Թուրքիան կաջակցի պաղեստինցիներին այնպես, ինչպես Ղարաբաղում սատարեց Բաքվին. Էրդողան

Նրա խոսքով` հիանալի են աշխատում նաև փրկարար ծառայությունները, որոնք շատ արագ արձագանքում են արտակարգ իրավիճակներին։ Օրինակ՝ հրթիռը որոշակի վայր ընկնելու դեպքում փրկարարներն անմիջապես գալիս են դեպքի վայր, մարում հրդեհը, անհրաժեշտության դեպքում ՝ տարհանում մարդկանց։

«Մենք փորձում ենք սովորական ռեժիմով ապրել։ Ովքեր աշխատում են` շարունակում են աշխատանքի գնալ, շատերը ստիպված են տանը մնալ և երեխաներին հետևել, քանի որ որոշ քաղաքներում դպրոցներն ու մանկապարտեզները փակ են»,-ասաց Մամաջանյանը։

Իսրայելի բոլոր սփյուռքահայկական կազմակերպությունները սերտ կապ են պահպանում։ Ճշտված տվյալներով՝ մինչ այժմ էթնիկ հայերի շրջանում հրթիռային հարձակումների հետևանքով տուժածներ չկան: Մամաջյանը նաև ընդգծեց, որ չեն տուժել նաև հայկական ճարտարապետական հուշարձանները:

Ընդհանուր առմամբ, ըստ նրա, կարելի է հանգել այն եզրակացության, որ պետությունը պատրաստ է այս տեսակի պատերազմին։ Միակ բանը, որ մեր հայրենակիցներին անհանգստացնում է այս օրերին, այն է, որ Իսրայելի տարբեր քաղաքներում արաբ բնակչությունը ջարդեր է կազմակերպում ի աջակցություն պաղեստինցիների։

Ըստ հայկական աղբյուրների՝ հայկական արքայական տոհմերի ներկայացուցիչները Երուսաղեմ են ժամանել դեռևս 4-րդ դարում։ Նրանք այստեղ տներ են կառուցել, որոնց նմանությամբ էլ հետագայում կառուցվել է ամբողջ հայկական թաղամասը։

Պաղեստինը չի ուզում, որ Անկարան պաղեստինյան սրացումը համեմատի Ղարաբաղի իրավիճակի հետ

77
թեգերը:
հայեր, ռմբակոծություն, Պաղեստին, Իսրայել
Ըստ թեմայի
Որո՞նք են իսրայելա-պաղեստինյան առճակատման պատճառները
3 երկիր ՄԱԿ-ի ԱԽ-ի նիստ անցկացնելու առաջարկ է արել իսրայելա-պաղեստինյան հարցի առնչությամբ
«Ուժեղ ու զսպող դաս տալ Իսրայելին». Պուտինն ու Էրդողանը քննարկել են իրավիճակը Պաղեստինում