Էդուարդ Անտինյան

«ՀՀ նախագահի երկրորդ առարկությունն առաջ կբերի մեծ դժվարություններ». Անտինյան

384
(Թարմացված է 12:19 28.02.2021)
«Շրջադարձ հանուն զարգացման» հասարակական կազմակերպության նախագահ, քաղաքագետ Էդուարդ Անտինյանը Sputnik Արմենիայի եթերում անդրադարձել է Արմեն Սարգսյանի որոշմանը, որին երեք օր սպասում էր ամբողջ երկիրը։
Անտինյան. «Նախագահի որոշումը սպասելի էր, բայց մյուս առարկությունն առաջ կբերի մեծ դժվարություններ»

Էդուարդ Անտինյանը կարծում է, որ ՀՀ նախագահ Արմեն Սարգսյանի երեկվա որոշումից ու ՀՀ վարչապետ Նիկոլ Փաշինյանի պատասխանից հետո ավելի մեծ դժվարություններ են առաջ գալու, որովհետև նախագահը ՍԴ–ում պետք է վիճարկի ոչ թե վարչապետի առաջարկությունը կամ որոշումը, այլ դրա սահմանադրականությունը։

«Բայց եթե վարչապետն իսկապես հիմնավոր ձևով գրի նամակը, ապա առարկությունները ՍԴ ուղարկելը մի քիչ կդժվարանա։ Ամեն դեպքում այս օրերին շրջանառվող իրավական հարցը, թե բանակը ոչ մի պարագայում չի կարելի ներքաշել քաղաքական գործընթացների մեջ, ըստ էության կունենա քաղաքական հանգուցալուծում, և պարզ կդառնա, թե որ կողմը պետք է զիջի»,– Sputnik Արմենիայի հետ զրույցում ասաց քաղաքագետը։

Անտինյանի դիտարկմամբ` վարչապետի հրաժարականին հանգեցնող շատ–շատ պատճառներ կարող են լինել, բայց այս հարցում պետք չէ շտապել և դա կապել նախագահի որոշման հետ։ Ըստ նրա` ընդդիմությունը չպետք է ոգևորվի և հայտարարելով, թե կանգնած է բանակի կողքին` տպավորություն ստեղծի, թե բանակը ներքաշված է քաղաքական գործընթացների մեջ, ինչը ոչ մի պարագայում ձեռնտու չէ մեր պետությանը, քանի որ այդ դեպքում դրսից կստանանք շատ տհաճ կարծիքներ, եզրակացություններ, իսկ մեր երկիրն այնպիսի վիճակում չէ, որ հաշվի չնստի դրսի արձագանքների հետ։

Քաղաքագետի կարծիքով` ՀՀ նախագահը ստորագրել–չստորագրելու երկընտրանքի առաջ է հայտնվել ոչ թե այսօր, այլ այն ժամանակ, երբ խոցելի կարգավիճակով համաձայնվեց դառնալ նախագահ և հիմա ստիպված է կատարել այնպիսի քայլեր, որոնք ավելի շատ համապատասխանելու են քաղաքական կոնյուկտուրային, մտածելու է, թե ում ժեստ անի, որ ավելի քիչ վնաս կրի։ Ըստ այդմ` Սարգսյանի երեկվա որոշումը թեև դրական էր և սպասելի, բայցևայնպես քաղաքագետն այդ քայլով վերջնական հաղթանակ տոնելու լավատեսություն չունի։

Հիշեցնենք՝ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը` ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։ Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։ Փետրվարի 27-ի երեկոյան ՀՀ նախագահի աշխատակազմը հայտարարեց, որ Արմեն Սարգսյանը ՀՀ ԳՇ պետ Օնիկ Գասպարյանի պաշտոնանկության հրամանագրի նախագիծն իր առարկություններով վերադարձրել է ՀՀ վարչապետին:

Դրան հետևեց վարչապետ Փաշինյանի հայտարարությունը, որ ՀՀ նախագահի որոշումն ամենևին չի նպաստում ստեղծված իրավիճակի հանգուցալուծմանը։ Վարչապետը տեղեկացրեց, որ ԳՇ պետին պաշտոնանկ անելու միջնորդությունը կրկին ուղարկում է ՀՀ նախագահին՝ ակնկալելով, որ այն սահմանված կարգով կստորագրվի։

384
թեգերը:
Օնիկ Գասպարյան, Նիկոլ Փաշինյան, Արմեն Սարգսյան, Էդուարդ Անտինյան, Հայաստան
Ահարոն Վարդանյան

Ի՞նչն է թևեր տալիս Իրանին. Վարդանյանը` մեր հարևանի կոշտ հռետորաբանության մասին

76
(Թարմացված է 17:49 10.04.2021)
Իրանագետ Ահարոն Վարդանյանը Sputnik Արմենիայի եթերում խոսել է միջուկային համաձայնագրի հարցում Իրանի և Միացյալ Նահանգների առաջ քաշած տարբերակների, ինչպես նաև Իրանի դիրքորոշման վրա Իրան-Չինաստան ռազմավարական համաձայնագրի նշանակության մասին։
«Չինաստանի հետ կնքած համաձայնագիրն Իրանին թևեր է տալիս». Վարդանյան

Միջուկային համաձայնագրի հարցում ԱՄՆ-ն հիմա հետաքրքիր քաղաքականություն է որդեգրել, փորձում է առաջ տանել փուլային տարբերակը, մինչդեռ Իրանում փաթեթային տարբերակի կողմնակից են։ Sputnik Արմենիայի հետ զրույցում ասաց իրանագետ Ահարոն Վարդանյանը։

Փուլային տարբերակը ենթադրում է, որ ԱՄՆ-ն միջուկային համաձայնագրին վերադառնալուն ուղղված մեկ քայլ կանի կամ պատժամիջոցներից մեկը կհանի, ինչին ի պատասխան Իրանը պետք է իր պարտականությունները կատարի։
«Բազմաթիվ պարտականություններ կան, որոնք Իրանը սկսել է չկատարել և հետքայլ է անում համաձայնագրով ստանձնած իր պարտականություններից, ընդ որում` այդ բոլորը տեղի է ունենում օրենքի տառին համապատասխան, դրանց մասին գրված է համաձայնագրի դրույթներում` երբ կողմերից մեկը խախտում է դրանք, մյուսն իրավունք ունի լքելու համաձայնագիրը»,- նշեց փորձագետը։

Նրա խոսքով` եթե Իրանն այդ տարբերակին համաձայնի, կստացվի`համաձայնագրում եղած բուն կետերի վերաբերյալ բանակցություններ են տեղի ունենում, մինչդեռ իրանական կողմը բազմիցս նշել է, որ դա իր կարմիր գիծն է, և համաձայնագրի կետերի շուրջ որևէ բանակցություն տեղի չի ունենա։

Վարդանյանի կարծիքով` Իրանի նման կտրուկ արձագանքին կարող է նպաստել նաև Չինաստանի հետ կնքված ռազմավարական համաձայնագիրը, որովհետև դա Իրանին թևեր է տալիս և Իրանի թիկունքը բավականին ամրացնում է։

Հիշեցնենք` մարտի 27-ին հայտնի դարձավ, որ Չինաստանի արտգործնախարար Վան Ին իր իրանցի պաշտոնակից Մոհամմադ Ջավադ Զարիֆի հետ Թեհրանում ստորագրել է շուրջ հինգ տարվա բանակցությունների միջով անցած և մինչ օրս ամբողջությամբ չգաղտնազերծված «Ռազմավարական համագործակցության մասին» համաձայնագիրը։

25 տարի ժամկետով կնքված այս պայմանագիրը Չինաստանի և Իրանի հարաբերությունների աննախադեպ սերտացում է ազդարարում գրեթե բոլոր ոլորտներում՝ թե՛ տնտեսական, թե՛ ռազմական, թե՛ քաղաքական։

ԱՄՆ-ն սթափվել է, Իրանը պատրաստ է վերադառնալ միջուկային գործարքի պարտավորություններին

«The New York Times»-ի տեղեկություններով՝ պայմանագրի համաձայն` Չինաստանը պարտավորվում է առաջիկա 25 տարիների Իրանում շուրջ 400 միլիարդ դոլարի ներդրում կատարել, այդ թվում` բանկային և հեռահաղորդակցության ոլորտներում, իրանական նավահանգիստներում և երկաթուղիներում։

Իրանի դեմ կիրառված պատժամիջոցները չծառայեցին իրենց գերնպատակին. Տոնոյան

76
թեգերը:
Չինաստան, ԱՄՆ, Ահարոն Վարդանյան, Իրանի Իսլամական Հանրապետություն
Ըստ թեմայի
Թուրքիայի մեծ խաղադրույքը, կամ ինչո՞ւ պատերազմի ժամանակ Իրանը լռեց
«Հյուսիս-հարավ» նոր միջանցքի կառուցումը կհարվածի Իսրայելի տնտեսությանը. Բալասանյան
Իրանը հարձակվել է իսրայելական ընկերությանը պատկանող բեռնանավի վրա․ ԶԼՄ
Գրիգոր Բալասանյան

«Հյուսիս-հարավ» նոր միջանցքի կառուցումը կհարվածի Իսրայելի տնտեսությանը. Բալասանյան

90
ԵՊՀ միջազգային հարաբերությունների և դիվանագիտության ամբիոնի դոցենտ Գրիգոր Բալասանյանը Sputnik Արմենիայի եթերում խոսել է Պարսից ծոցով, Իրանով և Ռուսաստանով դեպի Եվրոպա դուրս գալու այլընտրանքային ուղու մասին։
«Հյուսիս-հարավ» նոր տնտեսական միջանցքի կառուցումը կհարվածի Իսրայելի տնտեսությանը. Բալասանյան

«Հյուսիս-հարավ» տնտեսական նոր միջանցքը, որի կառուցման մասին մոտ մեկ ամիս առաջ հայտարարեց Իրանում Հնդկաստանի դեսպանը, կարող է Սուեզի ջրանցքի այլընտրանքային ուղին դառնալ։ Sputnik Արմենիայի հետ զրույցում նման կարծիք հայտնեց փորձագետ, ԵՊՀ Միջազգային հարաբերությունների և դիվանագիտության ամբիոնի դոցենտ Գրիգոր Բալասանյանը` նշելով, որ այդ այլընտրանքը ձեռնտու կլինի թե՛ տնտեսական, թե՛ ֆինանսական առումով։

«Մոտ մեկ ամիս առաջ Հնդկաստանը հայտարարեց, որ «Հյուսիս-հարավ» նոր տնտեսական միջանցք է ուզում կառուցել, և այդտեղ Հայաստանը հատկանշական դեր է ունենալու»,- ասաց նա։

Բալասանյանի խոսքով` նոր «Հյուսիս-հարավը» հնարավորություն կտա Պարսից ծոցով, Իրանով, նաև Ռուսաստանով դուրս գալ դեպի Եվրոպա։ Եթե այն իսկապես կառուցվի, նաև Սուեզի ջրանցքի ծանրաբեռնվածությունը որոշ չափով կթեթևանա։

«Հնարավոր է`պայմանավորվածությունների արդյունքում Սուեզի ջրանցքի ծանրաբեռնվածությունը նաև միտումնավոր թեթևանա, որովհետև Սուեզը միայն Եգիպտոսը չէ, Սուեզով նաև մերձավորարևելյան և Աֆրիկայի հյուսիսի մյուս երկրներն են օգտվում, նաև Իսրայելն է այնտեղից բավականին օգուտ ստանում»,- նշեց փորձագետը։

Ըստ Բալասանյանի` նոր ճանապարհի կառուցման հարցում Իրանի շահագրգռվածությունը չի կարելի կասկածի տակ դնել, քանի որ այն լուրջ հարված կհասցնի Իսրայելի տնտեսությանը։

Հիշեցնենք` մարտի 23-ին ճապոնական ընկերություններից մեկին պատկանող և Պանամայի դրոշի ներքո նավարկող Ever Given-ը վթարի էր ենթարկվել արգելափակելով Եվրոպան Ասիային կապող գլխավոր տրանսպորտային ուղու՝ Սուեզի ջրանցքի ամենանեղ հատվածը։

90
թեգերը:
Սուեզի ջրանցք, Իսրայել, Իրանի Իսլամական Հանրապետություն, Գրիգոր Բալասանյան
Ըստ թեմայի
Եվրոպացիները փորձելու են միջուկային գործարքի ծրագրում Իրանի ու ԱՄՆ-ի դիրքերը համաձայնեցնել
ԱՄՆ-ն սթափվել է, Իրանը պատրաստ է վերադառնալ միջուկային գործարքի պարտավորություններին
Իրանի դեմ կիրառված պատժամիջոցները չծառայեցին իրենց գերնպատակին. Տոնոյան
Երևան, արխիվային լուսանկար

Քաղաքական բում, թե ձայների փոշիացում. ՀՀ–ում շուրջ 2 տասնյակ նոր կուսակցություն կստեղծվի

4
(Թարմացված է 23:00 10.04.2021)
2,5 մլն ընտրող ունեցող Հայաստանում, մոտավոր հաշվարկով, յուրաքանչյուր կուսակցությանը բաժին կընկնի 100 000 ընտրող։ Իսկ դա, ըստ էության, ձայների փոշիացում է։

Հայաստանում հայտարարված ԱԺ արտահերթ ընտրություններին ընդառաջ 2.9 մլն–անոց Հայաստանում շուրջ 2 տասնյակ նոր կուսակցություններ են ստեղծվում։ Առերևույթ այս դատողությունը հաստատում են պաշտոնական հայտարարությունների azdarar.am հարթակում  հրապարակված կուսակցությունների հիմնադիր համագումարների անցկացման մասին հայտարարությունները։

Դրանց համաձայն` միայն ապրիլի ընթացքում նորաստեղծ 13 կուսակցության համագումար է նախանշված, ևս մեկինը`«Սոցիալ–իրավական հավասարություն» կուսակցության համագումարը տեղի կունենա արդեն մայիսի 3 –ին։

Կուսակցության հիմնադիրներից Արմենուհի Գասպարյանը Sputnik Արմենիայի հետ զրույցում հայտնեց, որ նորաստեղծ քաղաքական ուժի հիմնադիրը մեկ հոգի չէ, հիմնադիրների շարքում էլ ճանաչված քաղաքական ու հասարակական դեմքեր չկան։

«Մարդիկ ոնց որ արդեն սովոր են, որ օլիգարխ լինի կամ նման մի բան։ Իսկ պարտադի՞ր է, որ լինի։ Մեզ մոտ այդպիսի գործիչ չկա, մենք կարծում ենք` ժամանակն է, որ չլինեն իրենք, որովհետև հներն ու նորերն արդեն բոլորին հոգնեցրել են։ Մենք էլ պասիվ նստում ենք ու նայում, թե հներն ու նորերն ինչ թատրոն են խաղում։ Մենք էլ մեր երկիրը տալիս ենք իրենց ձեռքը ու ոչինչ չենք կարողանում անել։ Այս անգամ որոշել ենք ինքներս փորձել մեր երկրի համար ինչ–որ բան անել»,– ասաց մեր զրուցակիցը` հավելելով, որ նորաստեղծ կուսակցության հիմնադիրն ու ղեկավար մարմինը լինելու է խորհուրդը, որում հանրային տարբեր խավի ներկայացուցիչներ են, այդ թվում` ազատամարտիկներ։

Ապրիլի 30–ին համագումարի պատրաստվող «Անկախության սերունդ» կուսակցության հիմնադիրները մինչ այս հանրությանն արդեն հայտնի են իրենց հասարակական գործունեությամբ ու բողոքի ակցիաներով։ Կուսակցության հիմնադիր անդամ Վանիկ Չալոյանը Sputnik Արմենիային հայտնեց, որ կուսակցության ղեկավարությունը կձևավորվի միայն համագումարից հետո։ Առայժմ կուսակցության կորիզը իր հետ միասին կազմում են նախաձեռնության անդամներ Արտակ Մելիքյանը, Արայիկ Մկրտումյանը, Էդմոն Վարդանյանը, Մարիամ Ռևազյանը, Մանե Սարիբեկյանը, Գառնիկ Ռուշանյանը և այլք։

«Կուսակցություն ստեղծելու գաղափարը արդի քաղաքական գործընթացներում ներգրավվելն է եղել, որևէ փոփոխություն իրականացնելը»,– ասաց Չալոյանը։

Կուսակցությունը լինելու է սոցիալիստական, նպատակը` երկիրը ճգնաժամային իրավիճակից դուրս բերելը։

Ապագա կուսակիցներն արդեն որոշել են` մասնակցելու են առաջիկա խորհրդարանական ընտրություններին, ինչ ձևաչափով` դեռ հայտնի չէ։

«Վան ազգային-պահպանողական կուսակցության» հիմնադիրները ևս առայժմ գերադասում են լռել` բոլոր պատասխանները թողնելով 2021 թվականի ապրիլի 25-ին Երևանում կայանալիք կուսակցության հիմնադիր համագումարին։

«Ազգ– բանակ–հայրենիք» կուսակցության հիմնադիրներն ընդհանրապես մեր հեռախոսազանգերին չպատասխանեցին։ Մամուլի հրապարակումների համաձայն` այս կուսակցության հիմնադիրն ու նաև ապագա նախագահը ԵԿՄ վարչության նախկին անդամ, ԱԺ նախկին պատգամավոր Ռուբեն Գևորգյանն է: Կուսակցության համագումարը կկայանա 2021թ. ապրիլի 17-ին։

Նույն օրը նախանշված է նաև «Ինտելեկտուալ Հայաստան» կուսակցության համագումարը։

Рубен Геворгян
© Sputnik / Asatur Yesayants
Ռուբեն Գևորգյան

Որպես կուսակցության հիմնադիր մամուլում ներկայացվում է «Առաքելություն» կուսակցության նախկին անդամ, Երևանյան հայտնի փաբերից մեկի սեփականատեր Մանուկ Սուքիասյանը։ Մեզ հետ զրույցում, սակայն, նա ներկայացավ որպես նախաձեռնող խմբի ներկայացուցիչ։ Սուքիասյանը հայտնեց, որ կուսակցության անդամների շարքում կան մասնագիտական իրենց ասպարեզում հաջողությունների հասած, իրենց մասնագիտական շրջանակներում հայտնի անձինք, որոնց անունները չցանկացավ բացահայտել։

Ընտրություններին մասնակցելու, քաղաքական այլ ուժերի հետ համագործակցության հարցերի պատասխանները ևս Սուքիասյանը գերադասեց թողնել համագումարին։

Իսկ ինչո՞ւ «Ինտելեկտուալ Հայաստան» հարցին Սուքիասյանը պատասխանեց. «Մենք գտնում ենք, որ բոլոր արատների բալասանը, լուծումը մարդկային ինտելեկտի մեջ է` բիզնեսից սկսած մինչև պետության կառավարում»։

Նորաստեղծ կուսակցությունների աշխարհագրությունը միայն մայրաքաղաքով չի սահմանափակվում։ Քաղաքական նոր նախաձեռնություններ կան նաև մարզերում։

Օրինակ`«Հայաստանի քրիստոնեական միություն» կուսակցության նախաձեռնող խմբի անդամները սյունեցիներ են։ Հիմնադիրներից Արմեն Ղազարյանը Sputnik Արմենիայի հետ զրույցում նույնպես չթաքցրեց, որ կուսակցություն ստեղծելու իրենց մտադրության համար խթան են հանդիսացել առաջիկա խորհրդարանական ընտրությունները։ «Փորձում ենք մինչև հիմնադիր համագումարը բավարար քանակով համախոհներ գտնել»,– ասաց նա։

Այս կուսակցության հիմնադիր համագումարը նախանշված է 2021թ. ապրիլի 26-ին Կապանում։ Եթե անգամ մինչև համագումարի օրը չհասցնեն անհրաժեշտ թվով անդամներ հավաքել, Արմեն Ղազարյանը վստահեցնում է, որ իրենց նպատակից չեն հրաժարվելու, այլ որոշ ժամանակով հետաձգելու են համագումարը։

Քաղաքական այլ ուժերի հետ միավորվելու մասին հարցին Արմեն Ղազարյանն այսպես պատասխանեց. «Լիբերալ այն ուժերի մեջ, որոնք ինչ–որ առումով հակաքրիստոնեություն, սորոսականություն են քարոզում, հաստատ չենք համագործակցի։ Այլ ծայրահեղություն էլ կա։ Օրինակ` մի հատ «Քրիստոնյա Հայաստան» նախաձեռնություն կա։ Բայց երբ տեսանք, որ դրա գլխին Վահե Հակոբյանն է կանգնած Քաջարանի կոմբինատի դրոշի տակ, հասկացանք, որ սրանք էլ մերոնք չեն։ Ես Վահե Հակոբյանի անունը պատահական չտվեցի։ Ինքն ինձ համար վտանգավոր մարդ է, որը «կանտրոլի» տակ է պահում Սյունքը և ավելի շատ հայաթափ անում, քան թուրքերը»,– ասաց Ղազարյանը` հավելելով, որ քաղաքական դաշտում առկա ուժերից համագործակցության եզրեր են տեսնում միայն «մաքուր» քրիստոնեական արժեքներ դավանող ուժերի հետ։

Մարզային քաղաքական նորաստեղծ ուժերից է նաև «ԱՐԵՎ Սոցիալիստական» կուսակցությունը` Կոտայքի մարզում։

Կուսակցության հիմնադիր Գևորգ Մաջարյանը Sputnik Արմենիային հայտնեց, որ նախկինում զբաղվել է հասարակական գործունեությամբ։ Իսկ թե ինչու է որոշել մտնել քաղաքական ասպարեզ, մեր զրուցակիցը չցանկացավ մանրամասնել` խոստանալով մամուլին հուզող բոլոր հարցերի պատասխանները տալ 2021 թվականի ապրիլի 30-ին Կոտայքի մարզի Ձորաղբյուրում գյուղում կայանալիք կուսակցության հիմնադիր համագումարում։

Կուսակցություն ստեղծելու մասին նախապես հայտարարել էր նաև երգիչ Մհեր Մեսրոպյանը։ Նրա` «Ազգի ձայն» կուսակցության հիմնադիր համագումարը կկայանա ապրիլի 21-ին։

Мгер в гостях у радио Sputnik Армения
© Sputnik / Aram Nerisiyan
Мгер в гостях у радио Sputnik Армения

Մինչ այդ, սակայն, երգչի խոսքով, նախատեսվում է կուսակցության առաջին գրասենյակի բացումը Սյունիքի Սիսիան քաղաքում ապրիլի 13-ին։

«Սյունիքը վտանգված է այսօր, և մենք դա գիտակցում ենք։ Բացի այդ, իմ հայրական կողմը սյունեցիներ են։ Դա խորհրդանշական է ինձ համար, մեզ համար, որ մենք այնտեղից սկսենք մեր գործունեությունը»,– ասաց նա։

Մհեր Մեսրոպյանի խոսքով` կուսակցությունում իրենից բացի, այլ հանրային դեմքեր էլ կան, նրանց անունները քաղաքական նոր ուժի ղեկավարը չի ցանկանում բացահայտել ժամանակից շուտ։

«Հիմա չեմ կարող ասել, համեցեք համագումարին, կտեսնեք»,– ասաց նա։

«Ազգի ձայնը» մտադիր է մասնակցել առաջիկա ընտրություններին, հնարավոր է` նաև դաշինքով։

«Մենք այս պահին արդեն ներգրավված ենք Հայկ Բաբուխանյանի գլխավորած «Դեպի Ռուսաստան» միության մեջ։ Թե հետագայում ինչ ձևաչափով կներկայանանք, արդեն կբացահայտենք։ Բայց չենք բացառում դաշինքի տարբերակը»,– ասաց նա։

Նշենք, որ կուսակցություն ստեղծելու մասին արդեն հայտարարել է նաև ՀՀ Փաստաբանների պալատի նախագահ Արա Զոհրաբյանը։ Նրա ստեղծած «Զարթոնք» ազգային-քրիստոնեական նախաձեռնությունն առաջիկայում վերածվելու է կուսակցության։ Քաղաքական նոր ուժի հիմնադիր համագումարը նախանշված է ապրիլի 29-ին։ Մինչ այդ Զոհրաբյանն արդեն բացահայտել է` ընտրություններին մասնակցելու են, չի բացառվում նաև այլ ուժերի հետ դաշինքով։

Քաղաքական հայտ ներկայացրած «Արարատ սննդի կոմբինատի» գլխավոր տնօրեն Երվանդ Թարվերդյանի հիմնադրած «Միացյալ Հայաստան» կուսակցության համագումարն արդեն կայացել է այսօր` ապրիլի 10-ին։ Նորաստեղծ կուսակցության նախագահ է ընտրվել Թարվերդյանը:

Sputnik Արմենիայի հետ զրույցում նա հայտնեց, որ իր ղեկավարած քաղաքական ուժը պատրաստվում է մասնակցել արտահերթ ընտրություններին, բայց մասնակցության ձևաչափն առայժմ գերադասեց չբացահայտել։

Նշենք, որ քաղաքական կուսակցություններ ստեղծելու մասին հայտարարել են նաև ԼՂՀ Պաշտպանության բանակի նախկին հրամանատար Սամվել Բաբայանը։ Նրա «Միասնական հայրենիք» կուսակցության հիմնադիր համագումարը կկայանա 2021թ. ապրիլի 23-ին։

«Ինքնիշխան Հայաստան» անունով կուսակցություն է ստեղծել Վերահսկողական ծառայության նախկին պետ, «Ինքնիշխան Հայաստան» նախաձեռնության անդամ Դավիթ Սանասարյանը։ Այդ կուսակցության համագումարը կկայանա ապրիլի 23-ին։

«Սասնա ծռեր» խմբի անդամների ստեղծած «Ազգային-ժողովրդավարական բևեռ» կուսակցության համագումարն էլ նախանշված է ապրիլի 22-ին։

Կուսակցություն հիմնելու մասին հայտարարել է նաև ԵԿՄ նախկին նախագահ, հանգուցյալ Մանվել Գրիգորյանի կինը՝ Նազիկ Ամիրյանը։ Ամուսնու ղեկավարած զորամիավորման`«5-րդ բրիգադ» անունը կրող հասարակական կազմակերպությունը, որի հիմնադիր համագումարը կկայանա ապրիլի 17-ին, առաջիկայում վերածվելու է կուսակցության։

Назик Амирян и адвокат Арсен Мкртчян выходят из зала суда во время перерыва судебного заседания (4 июня 2019). Еревaн
© Sputnik / Asatur Yesayants
Նազիկ Ամիրյան

«Վերածնվող Հայաստան» անվանումով կուսակցություն ստեղծելու մասին էլ հայտարարել է Սյունիքի նախկին մարզպետ Վահե Հակոբյանը։ Այս քաղաքական ուժի համագումարի օրը դեռ հայտնի չէ։

Այսպիսով, եթե քաղաքական հայտ ներկայացրած բոլոր այս քաղաքական ուժերին հաջողվի մասնակցել առաջիկա ընտրություններին, ապա 2,5 մլն ընտրող ունեցող Հայաստանում, մոտավոր հաշվարկով, յուրաքանչյուր կուսակցությանը բաժին կընկնի 100 000 ընտրող։ Իսկ դա, ըստ էության, ձայների փոշիացում է։ Իսկ թե այդ խաղից ով հաղթող դուրս կգա, պարզ կդառնա հունիսի 20-ից հետո։

4
թեգերը:
Ընտրություններ, կուսակցություն, Հայաստան