Այս պահին Հայաստանը չունի ԱԺ նախագահ. Մարուքյան
(Թարմացված է 21:11 26.02.2021)
ԱԺ «Լուսավոր Հայաստան» խմբակցության ղեկավար Էդմոն Մարուքյանը Sputnik Արմենիայի եթերում անդրադարձել է իր և ՀՀ նախագահ Արմեն Սարգսյանի միջև կայացած հանդիպման ընթացքում քննարկված հարցերին։Մարուքյան. «Նախագահն ունի անկախ արբիտրի դեր, բայց սեղանի շուրջ պետք է լինի կոնսենսուս»
Էդմոն Մարուքյանի տեղեկացմամբ` նախագահի հետ քննարկել են ստեղծված իրավիճակից դուրս գալու ուղիները, բնականաբար Սահմանադրության շրջանակներում և սահմանադրական հունի մեջ, և քննարկման ընթացքում փոխանակվել են գաղափարներ։
Ըստ նրա`ՀՀ նախագահն այս պահին ունի անկախ արբիտրի դեր և փորձում է այդ դերը կատարել բոլորին մի սեղանի շուրջ հավաքելու նպատակով և այլ բան է, որ մասնակիցները պետք է ունենան որոշակի կոնսենսուս սեղանի շուրջ հավաքվելու իմաստով։
Մարուքյանի պնդմամբ` եթե լինի նման քննարկում, «Լուսավոր Հայաստանը» բնականաբար կմասնակցի քննարկմանը, քանզի երկիրն օր առաջ պետք է այս վիճակից հանել։
«Նախագահը դեռ որոշում չունի` ստորագրելու կամ չստորագրելու հրամանագիրը։ Քիչ առաջ հայտարարվել է, որ նախագահը հանդիպելու է կամ արդեն հանդիպում է ՀՀ ԶՈւ գլխավոր շտաբի պետի հետ։ Դրանից հետո միայն կլինի որոշակիություն, բայց միանշանակ է, որ մենք վերահաստատել ենք մեր մոտեցումներն առ այն, որ բոլոր պրոցեսները պետք է ընթանան Սահմանադրության շրջանակներում, և ճգնաժամը պետք է հանգուցալուծվի քաղաքական միջոցներով։ Մենք միշտ փորձել ենք ցանկացած իրավիճակի պրոբլեմային ճգնաժամը բերել քաղաքական ինստիտուտներ, օրինակ` խորհրդարան, բայց այստեղ «Իմ քայլը» դաշինքը միշտ տապալում է քննարկումները»,– նշեց ԱԺ «Լուսավոր Հայաստան» խմբակցության ղեկավարը։
Մարուքյանն ընգծեց, որ այսօր առավոտյան իշխող մեծամասնությունը տապալեց ԱԺ խորհրդի նիստը և դրա հիման վրա նաև ԱԺ արտահերթ նիստը, որը գումարել էին Ազգային ժողովի պատգամավորների 1/5–ը` ընդդիմադիր երկու խմբակցությունները։
Ըստ նրա` ստացվում է այնպես, որ հրապարակում վարչապետը հայտարարում է ընդդիմության հետ հարցերը քննարկելու, խորհրդակցություններ անցկացնելու մասին, սակայն հենց հաջորդ առավոտյան «Իմ քայլը» տապալում է քննարկման ենթակա առաջին իսկ հնարավորությունը։
«Ընդհանրապես դիսոնանս է առաջանում արված հայտարարությունների ու կատարված քայլերի իմաստով։ Իշխող ուժը պնդում է, որ ամեն ինչ պետք է արվի Սահմանադրությամբ, խորհրդարանում, բայց երբ հարցը մտցնում ենք խորհրդարան` քննարկելու, իրենք փախչում են խորհրդարանից։ Անգամ ԱԺ նախագահը, ով ի պաշտոնե պարտավոր է մասնակցել այդ քննարկումներին, չի կարող բոյկոտել նիստերը։ Նա ԱԺ նախագահ լինելու շնորհիվ է ապրում կառավարական ամառանոցներում, շրջում զրահապատ մեքենայով, միլիոնի չափով աշխատավարձ ստանում, ԱԺ նախագահ լինելու պարագայում ապրում է ժողովրդի հաշվին, բայց եթե այդ պաշտոնում չի ուզում կատարել իր պարտականությունները, ուրեմն չպետք է լինի ԱԺ նախագահ։ Այս պահին Հայաստանն, ըստ էության, չունի ԱԺ նախագահ»,– նշեց ԱԺ «Լուսավոր Հայաստան» խմբակցության ղեկավարը։
Կստորագրի՞ արդյոք նախագահը Օնիկ Գասպարյանի ազատման որոշումը
Մարուքյանի պնդմամբ`նման պայմաններում խորհրդակցությունների վերաբերյալ իշխող ուժի փաստարկներն այլևս գրոշի արժեք չունեն, և այդ ուժն իր գործողություններով նպաստում է, որպեսզի գործընթացները խորհրդարանից գնան դեպի փողոց։
Հիշեցնենք` ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։
Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։
Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։
Նույն օրը Երևանում զուգահեռ հանրահավաքներ ու բողոքի երթեր անցկացվեցին։ Նիկոլ Փաշինյանն ու իր կողմնակիցները հավաքվել էին Հանրապետության հրապարակում, իսկ ընդդիմադիրները` Հայրենիքի փրկության շարժման նախաձեռնությամբ Ազատության հրապարակում պահանջում էին Նիկոլ Փաշինյանի հրաժարականը։
Նրանք հայտարարել են, որ Բաղրամյան պողոտայում` ԱԺ-ի դիմաց, անժամկետ նստացույց են իրականացնելու։
Հակամարտությունը նոր թափ է ստանում, կամ ինչու են սրվել ԱՄՆ-Չինաստան հարաբերությունները
(Թարմացված է 19:00 13.03.2021)
Հայ–ռուսական սլավոնական համալսարանի համաշխարհային քաղաքականության և միջազգային հարաբերությունների ամբիոնի վարիչ Ռուբեն Էլամիրյանը Sputnik Արմենիայի եթերում անդրադարձել է ԱՄՆ-Չինաստան հարաբերություններին, որոնք վերջին շրջանում բավականին սրվել են։Ամերիկա-չինական հակամարտությունը նոր թափ է ստանում. Ռուբեն Էլամիրյանը` ԱՄՆ-Չինաստան հարաբերություննեի մասին
Չինաստանի արտգործնախարարի Վան Ինի ելույթը պատասխանն էր Ջո Բայդենի այն հայտարարությանը, թե Չինաստանը և Ռուսաստանը սպառնալիք են ազատ աշխարհի ժողովրդավարական և լիբերալ աշխարհակարգի համար։ Sputnik Արմենիայի հետ զրույցում այսպիսի կարծիք հայտնեց Հայ–ռուսական սլավոնական համալսարանի համաշխարհային քաղաքականության և միջազգային հարաբերությունների ամբիոնի վարիչ Ռուբեն Էլամիրյանը։
©
Sputnik / provided by E.Chuldjian
Չինաստանի արտգործնախարարը Պեկինում կայացած ամենամյա մեծ մամուլի ասուլիսի ժամանակ ասել էր, որ Ռուսաստանն ու Չինաստանը կարող են աշխարհի համար խաղաղության և կայունության հիմք հանդիսանալ։ Վան Ինը միաժամանակ անդրադարձել էր ՄԱԿ-ի դերին, բազմակողմանի դիվանագիտությանը, ինչպես նաև արդի աշխարհակարգի հիմքերի պահպանման խնդրին, իսկ ԱՄՆ նախագահ Ջո Բայդենը փետրվարի 19-ի առցանց ելույթում նշել էր, որ ավտորիտար Չինաստանը և Ռուսաստանը սպառնալիք են ազատ աշխարհի համար։
Եվրոպան գտել է իր խնդիրների մեղավորին
«Չինաստանի արտգործնախարարի խոսքերն ավելի շուտ պատասխան էին, որ իրենք չեն պատրաստվում աշխարհակարգ փոխել, նրանց համար ՄԱԿ-ը և ՄԱԿ-ի գործող միջազգային նորմերը կարևորագույն հիմք են, և նրանք պատրաստվում են աշխատել այդ ֆորմատով` նաև հանդիսանալով խաղաղության և կայունության երաշխավորներ»,- ասաց նա։
Մասնագետի խոսքով`Չինաստան ու Ռուսաստանը տրամադրված են համագործակցային հարաբերություններ հաստատել Արևմուտքի և ԱՄՆ-ի հետ, սակայն այս հարցում կարևոր է նաև, թե ինչ քաղաքականություն կորդեգրի ԱՄՆ-ն և ինչպես կկարողանա հարաբերություններ կառուցել դաշնակիցների հետ Եվրոպայում։
Ռուսաստանը աստիճանաբար հաղթահարում է դոլարային կախվածությունը. Պետդումայի նախագահ
թեգերը:
ԱՄՆ–ն կկարողանա՞ լռեցնել Ալիևին. Հայ դատի հանձնախումբը նոր բանաձև է պատրաստել
(Թարմացված է 20:21 13.03.2021)
Ամերիկայի Հայ դատի հանձնախմբի մամուլի քարտուղար Եղիսաբեթ Չուլջյանը Sputnik Արմենիայի եթերում անդրադարձել է Ադրբեջանի նախագահ Իլհամ Ալիևի` նախորդ շաբաթվա ընթացքում հնչեցրած սպառնալիքներին և հանձնախմբի աշխատանքներին։«Ժամանակն է, որ ԱՄՆ-ն հստակ մեսիջներ ուղղի Ադրբեջանին և Թուրքիային». Չուլջյան
Ամերիկայի Հայ դատի հանձնախումբը դիմել է ԱՄՆ նախագահին, արտգործնախարարին, որ ավելի ակտիվ հետևեն թշնամական Ադրբեջանի ղեկավարի հայտարարություններին և գոնե այս անգամ լռեցնեն նրա` Սյունիքը գրավելու մասին հոխորտանքները։ Այս մասին Sputnik Արմենիայի հետ զրույցում ասաց Ամերիկայի Հայ դատի հանձնախմբի մամուլի քարտուղար Եղիսաբեթ Չուլջյանը։
«Ի տարբերություն սեպտեմբերի, երբ ամերիկյան կառավարությունն ընդհանրապես բացակա էր դիվանագիտական աշխատանքներում, երբ Թուրքիան և Ադրբեջանը հարձակվեցին Հայաստանի վրա, այս անգամ անհրաժեշտ է նախազգուշական աշխատանք տանել և հստակ ազդանշան ուղարկել Ադրբեջանի կառավարությանը, որ ռազմական գործողությունների մասին խոսք անգամ չի կարող լինել»,- ասաց նա։
Նրա խոսքով` ամերիկյան վարչախումբը` որպես Մինսկի խմբի համանախագահող երկիր, պետք է ակտիվություն ցուցաբերի հարցում. լռել են պատերազմի ժամանակ, լռեցին նոյեմբերի 9-ի հայտարարությունը ստորագրելու ժամանակ, հիմա արդեն ժամանակն է, որ պաշտպանեն Արցախի ժողովրդի իրավունքները և մասնակից լինեն Արցախի վերականգման ու փախստականների վերադարձի աշխատանքներում։ Իսկ Հայ դատի հանձնախումբն էլ փորձում է ամեն ինչ անել, որ առկա մտահոգությունները հասնեն տեղ։
©
Sputnik / Asatur Yesayants
«Կարևոր է, որ ԱՄՆ կառավարությունը հստակ քայլեր անի Ադրբեջանի նկատմամբ ոչ միայն այս սպառնալիքների վերաբերյալ, այլ նաև պատերազմի ընթացքում կատարված ոճրագործությունների համար»,- նշեց Չուլջյանը։
Նա ընդգծեց, որ Ամերիկայի Հայ դատի հանձնախումբն առաջիկա շաբաթվա ընթացքում պատրաստվում է հայ գերիների վերաբերյալ նոր բանաձև ներկայացնել Ներկայացուցիչների պալատ, որպեսզի ԱՄՆ կառավարությունն ավելի ակտիվ դերակատարում ունենա նրանց վերադարձի հարցում։
Հիշեցնենք` Ամերիկայի Հայ դատի գրասենյակը Twitter-ի միկրոբլոգում տեղեկացրել էր, որ դիմել է ԱՄՆ նախագահ Ջո Բայդենին և պետքարտուղար Էնթոնի Բլինկենին` զգուշացնելով Ադրբեջանի և Թուրքիայի կողմից Սյունիքի մարզի վրա սպասվող հարձակման մասին:
Ադրբեջանի նախագահը, ելույթ ունենալով Տնտեսական համագործակցության կազմակերպությունների համաժողովում, ասել էր, որ տրանսպորտային նոր միջանցքն անցնելու է Ադրբեջանի պատմական տարածքով՝ Զանգեզուրով, և միացնելու է Ադրբեջանի հիմնական մասը երկրի անբաժան մաս հանդիսացող Նախիջևանի Ինքնավար Հանրապետության և Թուրքիայի հետ։
Պակիստանն Արցախի հարցում հիասթափեցրեց Իլհամ Ալիևին
Մահացել է Դաշնության խորհրդի տնտեսական քաղաքականության կոմիտեի փոխնախագահը
(Թարմացված է 23:57 13.03.2021)
Միխայիլ Պոնոմարյովի մահվան պատճառը սրտի կանգն է եղել։ Քաղաքական գործիչը կյանքից հեռացել է 67 տարեկանում։ ԵՐԵՎԱՆ, 13 մարտի – Sputnik. Մահացել է Դաշնության խորհրդում Տյումենի մարզի ներկայացուցիչ Միխայիլ Պոնոմարյովը։ Տեղեկությունը հայտնում է ՌԻԱ Նովոստին` հղում անելով խորհրդարանի վերին պալատի իր աղբյուրին։
©
Sputnik / Aram Nersesyan
Գործակալության զրուցակցի խոսքով ՝ մահվան պատճառը սրտի կանգն է եղել։ Սենատորը 67 տարեկան էր։
Պոնոմարյովը Դաշնության խորհրդի տնտեսական քաղաքականության կոմիտեի փոխնախագահն էր։ Նա պարգևատրվել է Բարեկամության և Պատվո շքանշաններով:
Պոնոմարյովի հարազատներին և մերձավորներին ցավակցություն է հայտնել Դաշնության խորհրդի խոսնակ Վալենտինա Մատվիենկոն:
ՀՀ ոստիկանության փոխգնդապետը մահացել է խոշոր ավտովթարի հետևանքով
թեգերը: