Արմեն Բադալյան

Ընդդիմությունը գերագնահատեց փետրվարի 20-ի հանրահավաքի դերը. քաղտեխնոլոգ

314
(Թարմացված է 23:31 20.02.2021)
Քաղտեխնոլոգ Արմեն Բադալյանը Sputnik Արմենիայի եթերում անդրադարձել է Հայրենիքի փրկության շարժման կողմից փաստրվարի 20–ին կազմակերպված հանրահավաքին, մասնավորապես միացյալ վարչապետի թեկնածու Վազգեն Մանուկյանի առաջադրած իշխանափոխության երկու տարբերակներին։
Բադալյան. «Եթե սկսում են նոր պայքար, ուրեմն պետք է կարևորվեր պայքարի սկիզբը, ոչ թե հերթական հանրահավաքը»

Անդրադառնալով Վազգեն Մանուկյանի կողմից առաջադրված թեզին, ըստ որի` նախ պետք է կոտրել Նիկոլ Փաշինյանի չորս հենարանները`Բադալյանը միանգամից բացառեց դրանցից երկուսը, որոնց վրա ժամանակ ու ռեսուրս վատնելն, ըստ նրա, ուղղակի անիմաստ է։

Մանուկյանն այդ ճանապարհը տեսել էր ժողովրդական զանգվածային ճնշում գործադրելով ուժային կառույցների և «Իմ Քայլի» պատգամավորների վրա, ինչպես նաև բացատրական աշխատանքներ տանելով իներտ ընտրազանգվածի շրջանում ու դիմակայելով դրսից ֆինանսավորվող կառույցներին ու գործակալական ցանցին։ 

«Հասարակության այն հատվածը, որի համար գործող վարչապետը հանդիսանում է կուռք և մշտապես նրան աջակցում է հնարավոր ցանկացած միջոցներով ու պայմաններում, ապա նրանց այս պահի դրությամբ ուղղակի հնարավոր չէ ոչինչ բացատրել։ Տարիներ անց, եթե լինեն համապատասխան լրատվամիջոցներ և մարդկանց հետևողականորեն բացատրեն ու ներկայացնեն իրական իրավիճակը, գուցե ինչ–որ չափով հնարավոր լինի այդ ընտրազանգվածի գիտակցության մեջ որոշակի փոփոխություններ մտցնել։ Իսկ ինչ վերաբերում է արևմտյան դրամաշնորհներով սնվող կազմակերպություններին ու անհատներին, ապա նրանց նույնպես չի հաջողվի կոտրել այն պատճառով, որ դա հնարավոր է անել միայն իշխանության ղեկին լինելու պարագայում` իրականացնելով օրենսդրական փոփոխություններ»,– նշեց քաղտեխնոլոգը։

Բադալյանի կարծիքով` վարչապետի թիվ մեկ հենարանը «Իմ քայլը» խմբակցությունն է, և քանի դեռ Փաշինյանին հավատարիմ պատգամավորները չեն հակառակվել կամ դեմ քվերակել նրան, բանական է, որ վարչապետը կշարունակի պաշտոնավարել, իսկ ուժայինները թեև հենարան են, սակայն ունեն երկրորդական նշանակություն։ Ըստ քաղտեխնոլոգի`եթե «Իմ քայլի» պատգամավորների թվաքանակը նվազի, ապա այդ դեպքում վարչապետն իրոք ստիպված կլինի հեռանալ։ 

Իշխանությունն օգտագործում է իրավապահ համակարգը, որպեսզի լռեցնի ընդդիմադիրներին. Վանեցյան

Անդրադառնալով Վազգեն Մանուկյանի կողմից առաջադրված երկրորդ տարբերակին, որն ըստ էության ենթադրում է կայծակնային ապստամբության սցենար, Բադալյանն ընդգծեց, որ դա նույնպես տարբերակ է, սակայն պետք է տրվեն լրացուցիչ բացատրություններ, թե ինչպես պետք է իրականացվի` շենքերի, կարևոր օբյեկտների, ոստիկանական տեղամասերի գրավմա՞մբ, թե՞ այլ եղանակներով։

«Անհրաժեշտ է հստակ գիտակցել, որ ցանկացած ապստամբության դեմ, ցանկացած ուժի դեմ կա մեկ այլ ուժ` ի դեմս ոստիկանության և ԱԱԾ ստորաբաժանումների։ Եթե դու ունենաս 100 հազար զինված աջակից, բնականաբար այդ ուժին չի կարողանա դիմակայել որևէ կառույց, բայց խնդիրն այն է` կա՞ այդքան մարդ։ Քանի դեռ պարզ չէ, թե ինչպես է իրականացվելու կայծակնային արագությամբ ապաստամբությունը, դժվար է գնահատել դրա արդյունավետության աստիճանը»,– նշեց քաղտեխնոլոգը։ 

Բադալյանի խոսքով` փետրվարի 20-ի հանրահավաքը զուր տեղը նախապես ֆետիշացվել էր, այնինչ պետք չէր այն դարձնել ինքնանպատակ, որովհետև հարց է առաջանում` եթե 20 հազարի փոխարեն գար 50 հազար, ի՞նչ էր փոխվելու։ Ինչպես տեսանք, մարդիկ լսեցին այն տեքստերը, որոնք լսել էին նախորդ հանրահավաքներում։

Սա, ըստ քաղտեխնոլոգի, ընդդիմության բացթողումն էր, որը գերագնահատեց հանրահավաքի դերը և եթե հայտարարվեց, որ սկսում են նոր պայքար, ուրեմն պետք է կարևորվեր պայքարի սկիզբը, այլ ոչ թե հերթական հանրահավաքը։     

Ընդդիմությունը վերադառնում է փողոցային պայքարին. Ազատության հրապարակում հանրահավաք սկսվեց

314
թեգերը:
հանրահավաք, ընդդիմություն, Արմեն Բադալյան, քաղտեխնոլոգ
Ըստ թեմայի
Ընդդիմության անհնազանդությունն առանց սադրանքների չանցավ. ծեծկռտուք Բաղրամյան պողոտայում
«Այսօրվանից սկսում ենք նոն–ստոպ բողոքի ակցիաներ». Սաղաթելյանը նշեց ուղղությունները
Բանակը պետք է մերժի նրանց, ովքեր չեն ծառայել, բայց կառավարության կազմում են. Օհանյան
Ինչպես անցան ընդդիմության հանրահավաքն ու անհնազանդության ակցիան Երևանում. տեսանյութ
Լարիսա Ալավերդյան

Միջազգային հանրությանը մեղադրելը տեղին չէ. Ալավերդյանը` Սումգայիթյան ջարդերի մասին 

62
Հայաստանի առաջին օմբուդսման, «Ընդդեմ իրավական կամայականության» ՀԿ նախագահ Լարիսա Ալավերդյանի հետ Sputnik Արմենիայի եթերում զրուցել ենք Սումգայիթյան ջարդերի, ՀՀ իշխանությունների անելիքների և միջազգային հանրության անտարբերության մասին։
Եթե պետությունը ոչինչ չի անում, ինչ պետք է անի միջազգային հանրությունը. Ալավերդյանը` Սումգայիթյան ջարդերի մասին

Վերջին 33 տարիներին նորանկախ Հայաստանի բոլոր ղեկավարները որևէ որոշում չեն ընդունել, որով Սումգայիթում իրականացրած գործողությունները որակվեն որպես ցեղասպանություն, և դա է պատճառը, որ հայերին զուտ հայ լինելու համար սպանում ու խոշտանգում են նաև մեր օրերում։

«Եթե այդ զրկանքները, այդ ողբերգությունը կրող պետությունը չի ընդունում այդպիսի որոշումներ, որոշումները չի տարածում և չի աշխատում հասցեական թե՛ առանձին պետությունների, թե՛ միջազգային կազմակերպությունների հետ, ո՞վ պետք է դրան արձագանքի»,- ասաց նա։

Ալավերդյանի խոսքով` թշնամական Ադրբեջանում ճիշտ հակառակն է արվում` ադրբեջանական կողմը հետևողականորեն շարունակում է իր իսկ նախաձեռնած ցեղասպանությունը քողարկել և դրանք հերքող «փաստեր» հավաքագրել։ Իսկ նման իրավիճակում մեղադրանքի սլաքները միջազգային հանրության ուղղությամբ թեքելը, մեղմ ասած, տեղին չէ։ 

«Ադրբեջանը միջազգային բոլոր հարթակներում, բոլոր պետություններում այն լեզվով է տարածում սուտն ու կեղծիքը, որով խոսում են այդ պետություններում, բոլոր միջազգային կոնֆերանսներին Ադրբեջանը գալիս է մի տրցակ նյութերով, ու ոչ միայն տպագիր, այլև տեսանյութերով, ու տարածում դրանք ամենուր»,- նշեց Ալավերդյանը։ 

Նրա խոսքով` հայկական կողմը ոչ թե մեկ, այլ հարյուր-հազարավոր այդպիսի տրցակներ, բազմաթիվ ապացույցներ կարող է ներկայացնել ոչ միայն տեսանյութերի, հեռուստառեպորտաժների, այլև դատավճիռների տեսքով, որոնք ընդամենը պետք է հավաքագրել և միջազգային հարթակներում ներկայացնել։ Սակայն մեր երկրում չգիտես ինչու՝ իշխանությունները ոչ միայն  փաստահավաք խումբ չեն ստեղծում, այլև ամեն տարի, երբ խնդրով մտահոգ քաղաքացիները դիմում են պատկան մարմիններին Սումգաիթյան ջարդերը դատապարտելու  և դրանց իրավական որակում տալու  հարցով, նրանց դիմումներն անարձագանք են մնում։ 

Հիշեցնենք, որ 1988թ. փետրվարի 26-ից Բաքվից 20 կիլոմետր հեռավորության վրա գտնվող Սումգայիթ քաղաքում ադրբեջանական իշխանություններն սկսեցին տեղի հայ բնակչության բնաջնջումը, որն ուղեկցվում էր հայերի ունեցվածքի զանգվածային թալանով և ոչնչացմամբ:

Մեր իշխանությունները սումգայիթյան ցեղասպանությունից այդպես էլ դասեր չեն քաղել. Ուլուբաբյան

Պաշտոնական տվյալներով՝ զոհվել է 26 հայ, ոչ պաշտոնական տվյալներով՝ զոհերի թիվը մի քանի հարյուր է։

62
թեգերը:
Լարիսա Ալավերդյան, Սումգայիթ
Ըստ թեմայի
Արցախի վերածնունդն ու Ադրբեջանի բացեիբաց հայտարարությունները. ՀՀ ԱԳՆ–ն ուղերձ է հղել
Վարչապետը հարգանքի տուրք է մատուցել Սումգայիթի ոճրագործության զոհերի հիշատակին
Սումգայիթում մարդասպանների հերոսացումն իր արտացոլումը ստացավ Արցախյան պատերազմում. ԱԳՆ
Հրայր Ուլուբաբյան

Մեր իշխանությունները սումգայիթյան ցեղասպանությունից այդպես էլ դասեր չեն քաղել. Ուլուբաբյան

50
(Թարմացված է 21:33 27.02.2021)
Սումգայիթի հայերի իրավունքների պաշտպանության նախաձեռնող խմբի ղեկավար Հրայր Ուլուբաբյանը Sputnik Արմենիայի եթերում անդրադարձել է Սումգայիթում իրականացված հայկական ջարդերի 33–ամյա տարելիցին, ոճրագործության միջազգային դատապարտման ու ճանաչման խնդրին։ 
Ուլուբաբյան. «Սումգայիթյան ջարդերի հայցով միջազգային դատարան դիմելու համար իշխանությունները ոչինչ չեն արվել»

Հրայր Ուլուբաբյանի դիտարկմամբ` մեր իշխանությունները կոնկրետ Սումգայիթի ջարդերից, ցեղասպանական գործողություններից հետո դասեր չեն քաղել և այդ ուղղությամբ որևէ բան չեն արել, թեև անցել է ավելի քան երեսուն տարի։ Ըստ նրա`ցեղասպանության վերաբերյալ կա միջազգայնորեն ընդունված կոնվենցիա, որը դատապարտում է կատարողներին և միտված է նման ոճրագործությունները կանխելուն։ 

«Այդ կոնվենցիայի տասնյակ հոդվածներից կոնկրետ երկուսի համաձայն` տուժած կողմը կարող է դիմել միջազգային դատարան։

Մենք փաստերն ունենք, որ Սումգայիթում և Բաքվում իրականացվել է ցեղասպանություն, որովհետև կա դատարանի, դատախազության որոշումը, այդ մասին է վկայում նաև քննչական խմբի հսկայածավալ աշխատանքը, սակայն մեր ղեկավարները ընդհանրապես որևէ բան չեն արել այդ ուղղությամբ միջազգային դատարան դիմելու համար, իսկ վերջին թավշյա հեղափոխությունից հետո թե՛ նախագահը, թե՛ վարչապետն իրենց ելույթներում նշում են, որ նպատակը միջազգային հանրությանը տեղեկացնելն է, որ տեղի են ունեցել նման դեպքեր, և սպասում են միջազգային հանրության գնահատականներին»,– նշեց Սումգայիթի հայերի իրավունքների պաշտպանության նախաձեռնող խմբի ղեկավարը։   

Ուլուբաբյանի կարծիքով` միջազգային հանրության գնահատականներն այդ հարցում մեզ որևէ բան չեն կարող տալ, Հայոց ցեղասպանության 100–ամյակն էլ նշեցինք և շարունակ սպասում ենք միջազգային գնահատականներին։

Ըստ նրա`եթե կա կոնվենցիան և մեր երկիրը ստորագրել է այն, ուրեմն Հայաստանի ղեկավարները պարտավոր են դիմել միջազգային դատարան։

Վարչապետը հարգանքի տուրք է մատուցել Սումգայիթի ոճրագործության զոհերի հիշատակին

Ուլուբաբյանի խոսքով` ամեն տարի խոսվում է սումգայիթյան ջարդերի մասին, կազմակերպվում են տարաբնույթ գիտաժողովներ, մինչդեռ անհրաժեշտ է ստեղծել իրավագետների միջազգային խումբ, որին Ուլուբաբյանը պատրաստ է տրամադրել անհրաժեշտ բոլոր փաստաթղթերն ու ապացույցները և որն էլ պետք է ձևակերպի համապատասխան հայցն ու դիմի միջազգային դատարան։ 

50
թեգերը:
Հայաստան, Սումգայիթ
Ըստ թեմայի
​Ղարաբաղյան շարժում, 1-ին նախագահի կանխատեսում, Արցախի «առևտուր». հայերի բուռն փետրվարները
«Չնայած արհավիրքներին, Արցախը կանգուն է»․ Արցախի ԱԳՆ-ի ուղերձը
Արցախի վերածնունդն ու Ադրբեջանի բացեիբաց հայտարարությունները. ՀՀ ԱԳՆ–ն ուղերձ է հղել
Հիվանդանոց

265 նոր դեպք, 2 մահ` մեկ օրում. կորոնավիրուսային հիվանդության ընթացքը Հայաստանում

42
(Թարմացված է 11:03 28.02.2021)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները:

ԵՐԵՎԱՆ, 28 փետրվարի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 265–ով և դարձել 172058։ Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 4657 (+176) մարդ, կատարվել է 729267 թեստավորում (+4661), առողջացել են վարակվածներից 163394-ը (+85)։ Գրանցվել է մահվան 3192 դեպք (+2)։ Կորոնավիրուսով վարակված, բայց այլ պատճառով մահացածների թիվը վերջին մեկ օրում ավելացել է 2-ով և հասել 815-ի։

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

Գիտնականներն ասել են, թե մարդկությունը քանի տարի է կորցրել կորոնավիրուսի պատճառով

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։

42
թեգերը:
վարակ, հիվանդ, Մահ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Հայաստանում հնարավոր է կորոնավիրուսի երրորդ ալիքը. Ռոմելա Աբովյան
ԱՀԿ-ն հայտնել է կորոնավիրուսի համավարակի ավարտի ժամկետները
Հավատա՞լ Հայաստանի կորոնավիրուսի պաշտոնական վիճակագրությանը, և ինչ կապ ունի ԱՄՆ–ի ՊՆ–ն