Ավագ Հարությունյան

Արտահանված սպիրտի պատճառով կորցնում ենք աշխատատեղեր ու հարկեր. Ավագ Հարությունյան

174
Գինու ազգային կենտրոնի նախագահ Ավագ Հարությունյանը Sputnik Արմենիայի եթերում անդրադարձել է ՀՀ էկոնոմիկայի նախարարի դիտարկմանը, ըստ որի` 2021 թվականին նախատեսվում է Հայաստանից արտահանել 9 միլիոն լիտր կոնյակի սպիրտ, ինչը երկու անգամ շատ է նախորդ տարվա ցուցանիշից։ 
Հարությունյան. «Խաղողի սպիրտի արտահանումը հանգեցնում է նաև զեղծարարության մեծացման»

Ավագ Հարությունյանի կարծիքով` խնդիրը բաղկացած է երկու մասից, առաջին` արդյոք կարո՞ղ ենք դա իրականացնել և երկրորդ` արդյո՞ք պետք է դա իրականացնել։ Ըստ նրա` ծրագրի իրականացումն իրատեսական է, քանզի նախորդ տարվանից կուտակվել է մեծ քանակությամբ խաղողի սպիրտ, որովհետև իսկապես ստացվել էր մեծ քանակի բերք, ու կառավարությունն էլ խոստացել է աջակցել սպիրտ արտադրողներին, որպեսզի խաղողը մթերեն և սպիրտը արտահանեն։

«Պետական քաղաքականությունը մինչ այդ ուներ հակառակ տրամաբանություն, այսինքն` ամեն ինչ արվում էր, որ նման բան չլիներ։ Այժմ պետք է հասկանալ, թե որտեղ է վերջանում ճշմարտությունը և որտեղ է սկսվում արտադրողին հաճոյանալը, որովհետև մենք այնքան փոքր ենք, որ իրավունք չունենք սպիրտ արտահանել, քանզի արտահանված սպիրտի պատճառով կորցնում ենք աշխատատեղեր ու հարկեր։ Բացի դրանից, խաղողի սպիրտի արտահանումը հանգեցնում է նաև զեղծարարության մեծացման»,– նշեց Գինու ազգային կենտրոնի նախագահը։

Հարությունյանի տեղեկացմամբ` գործընթացը մեկնարկեց ու թափ հավաքեց մինչև Կարեն Կարապետյանի վարչապետ դառնալը և նույնիսկ Հայաստանի համար հասավ վտանգավոր չափերի, դրան զուգահետ մեր երկիր էր ներկրվում սպիրտ, կեղծվում էր հայկական կոնյակը, և Հայաստանը դառնում էր զեղծարարության աղբյուր` կորցնելով բյուջետային միջոցներ։

«Հեղափոխությունից հետո նույնը բացատրեցինք գործող իշխանություններին, և իրենք հասկացան։ Որպեսզի անցյալ տարի խաղողը չմնա վազերին, կառավարությունը փորձեց մեղմել արտահանման նկատմամբ բացասական հետևանքները` իջեցնելով տուրքերն ու թույլատրելով, որ բերքն արտահանվի։ Դա, որպես մեկանգամյա գործիք, տրամաբանված էր, սակայն որպես պետական քաղաքականություն, շատ վտանգավոր է»,– նշեց Գինու ազգային կենտրոնի նախագահը։

Հարությունյանը բացառեց վերահսկման արդյունավետությունը, որովհետև շուրջ 70 տարի փորձում են գործընթացը վերահսկել, բայց դեռ ցանկալի արդյունք չկա։ Ըստ նրա` անհրաժեշտ է ոչ թե վերահսկել, այլ ֆինանսական մեթոդներով ու նախապայմաններով դարձնել ոչ ձեռնտու, և եթե սկզբում դա հաջողվեց անել, ապա հիմա տեղի է ունենում հակառակ գործընթացը։

ՌԴ–ն գինու ու կոնյակի համար նոր օրենք է մշակել, որը «շշի մեջ է մտցնում» հայ արտահանողներին

Հարությունյանի դիտարկմամբ`փոխանակ արտահանման տուրքի փոխհատուցման գումարները գնան գործարանների վերանորոգմանն ու վերազինմանը, ծախսվեն հարկային ռեսուրսների ու աշխատատեղերի վրա, մենք նպաստում ենք, որպեսզի կորսվեն բյուջետային միջոցներ ու աշխատատեղեր։

Գինու ազգային կենտրոնի նախագահի համոզմամբ` եթե պետք է ծրագիրն իրականացվի ընդամենը մեկ–երկու տարի, ապա միայն այդ դեպքում դա խնդրահարույց չէ. հասկանալի է, որ մեզ մոտ համավարակի ու պատերազմի պատճառով առաջացել է ֆորսմաժորային իրավիճակ։         

Տեղեկացնենք, որ ՀՀ կառավարությունն այս տարի 900 միլիոն դրամ կհատկացնի կոնյակի սպիրտի արտահանման տուրքի փոխհատուցման համար, որը 9 միլիոն լիտր կոնյակի սպիրտի արտահանման խթանմանն ուղղված ծրագիր է։ 

174
թեգերը:
կոնյակ, Խաղող, սպիրտ, Ավագ Հարությունյան (Գինեգործների միության նախագահ)
Ըստ թեմայի
Կառավարությունն արդեն նախապատրաստվում է այս տարվա խաղողի բերքի մթերմանը
Խաղողի մեծ մասը մթերվեց ինքնարժեքից էլ ցածր գնով. գյուղատնտեսության նախկին փոխնախարար
Երկու տարի է` խաղողագործները ճանապարհ չեն փակում, խաղող չեն թափում. Վահան Քերոբյան
Արմեն Բադալյան

Վարչապետն Անվտանգության խորհուրդն օգտագործում է որպես ՀՀ նախագահին ճնշելու գործիք

23
(Թարմացված է 18:46 01.03.2021)
Քաղտեխնոլոգ Արմեն Բադալյանը Sputnik Արմենիայի եթերում անդրադարձել է ՀՀ ԱԽ խմբագրված հայտարարությանը, որով կառույցը ՀՀ նախագահին առաջարկում է բավարարել վարչապետի` ՀՀ ԶՈւ ԳՇ պետին պաշտոնից ազատելու միջնորդությունը և ստորագրել համապատասխան հրամանագիր։
Բադալյան. «ԱԽ–ն վարչապետի ձեռքին գործիք է դարձել` ՀՀ նախագահի վրա ճնշում գործարելու համար»

Անդրադառնալով մասնավորապես այն փաստին, որ ԱԽ–ն որոշ ժամանակ անց խմբագրել է իր հայտարարության նախնական տեքստը` դա պատճառաբանելով տեխնիկական խոտանի առկայությամբ, քաղաքագետ Արմեն Բադալյանն ընդգծեց, որ իհարկե փաստաթղթերում լինում է տեխնիկական խոտան, երբ հրապարակվող տեքստում պակասում են բառեր կամ տառեր, չի դրվում ստորակետ կամ այլ կետադրական նշան, իսկ այն, ինչ կապված է Անվտանգության խորհրդի հայտարարության հետ, նրա համոզմամբ, ուղղակի անփույթ աշխատանքի արդյունք է, որովհետև նման հայտարարություն հրապարակելուց առաջ նախ պետք է իմանալ` արդյո՞ք կոնկերտ կառույցն այդ բնույթի փաստաթուղթ հրապարակելու լիազորություն ունի, թե ոչ։

«Անհրաժեշտ էր նախապես ճշտել, թե հրապարակվող հայտարարությունը որքանով է համապատասխանում Սահմանադրությանը, հետո միայն  իրականացնել որոշակի գործողություններ։ Այն, ինչ տեղի ունեցավ Անվտանգության խորհրդի հետ, ցույց է տալիս, թե որքան փնթի է աշխատում պետական կարևորագույն ինստիտուտներից մեկը։ Դա ցույց է տալիս նաև, թե ինչպիսի տրամադրություններ կան իշխանության ներսում, որովհետև գաղտնիք չէ, որ վարչապետը մեծ ցանկություն ունի աշխատանքից ազատելու ԳՇ պետին, որը համարձակվել է իրեն չենթարկվել, ուստի իր նպատակին հասնելու համար օգտագործում է ցանկացած լծակ»,– նշեց քաղտեխնոլոգը։ 

Բադալյանի կարծիքով` ԱԽ–ն փոխանակ զբաղվի իր համար կարևոր գործառույթներով, պատերազմից հետո վերամշակի ու կյանքի կոչի քաղաքագիտական լուրջ, կենսական նշանակություն ունեցող ՀՀ անվտանգության հայեցակարգը, ընդամենը հանդիսանում է գործիք վարչապետի ձեռքին` ներքաղաքական գործընթացներում հարցեր պարզաբանելու և նախագահի վրա որոշակի ճնշում գործադրելու համար։ 

Քաղտեխնոլոգի գնահատմամբ` ԱԽ–ն երբեք պատրաստ չի եղել ներհայաստանյան մարտահրավերներին։ Ըստ նրա` այդ կառույցը պետք է մշակեր ոչ միայն իր, այլև առանձին ոլորտների անվտանգային հայեցակարգերը, իսկ արցախյան պատերազմի ընթացքում, որպես մարմին, ընդհանրապես գոյություն չուներ։ Բադալյանի խոսքով` Անվտանգության խորհուրդը վարչապետի ձեռքին միշտ էլ եղել է գործիք, իսկ հիմա ավելի բռի կերպով է օգտագործվում։ 

Հիշեցնենք, որ այսօր տարածած հայտարարության նախնական տարբերակում ԱԽ–ն ՀՀ նախագահին կոչ էր անում բավարարել վարչապետի` Գլխավոր շտաբի պետին պաշտոնից ազատելու միջնորդությունը և ստորագրել համապատասխան հրամանագիր, մինչդեռ ՀՀ Սահմանադրության մեջ չկա որևէ դրույթ այն մասին, որ Անվտանգության խորհուրդը մասնակցում է ԳՇ պետի նշանակմանը կամ կարող է կոչով հանդես գալ, որոնք սահմանափակում են ՀՀ նախագահի իրավունքը։  

Հայտարարության խմբագրված տեքստում ԱԽ–ն ՀՀ նախագահին կոչով դիմելու փոխարեն հանդես է եկել առաջարկություն անելու տարբերակով։

Անվտանգության խորհուրդն Արմեն Սարգսյանին հորդորում է բավարարել վարչապետի միջնորդությունը

23
թեգերը:
Նախագահ, Հայաստան, Անվտանգության խորհուրդ, Արմեն Բադալյան
Ըստ թեմայի
Հայկական սահմանամերձ տարածք. Ներքին Խնձորեսկում չգիտեն` որն է այժմ սահմանը. տեսանյութ
Ընդդիմությունը գերագնահատեց փետրվարի 20-ի հանրահավաքի դերը. քաղտեխնոլոգ
Հայտնի է` Հայաստանից ովքեր են ընդգրկված փոխվարչապետների պատվիրակության կազմում
Թևան Պողոսյան

Հուսամ, որ տասը զոհերի հիշատակն իշխանությանը կստիպի այսօր սրացումների չգնալ. Թևան Պողոսյան

33
(Թարմացված է 15:36 01.03.2021)
Մարդկային զարգացման միջազգային կենտրոնի ղեկավար Թևան Պողոսյանը Sputnik Արմենիայի եթերում անդրադարձել է Մարտի 1-ի գործի քաղաքական հետևանքներին և այն հարցին, թե դրանք ինչ ազդեցություն կունենան ներհայաստանյան հետագա զարգացումների վրա։ 
Պողոսյան. «Հուսամ, որ տասը զոհերի հիշատակն իշխանությանը կստիպի այսօր սրացումների չգնալ»

Թևան Պողոսյանի դիտարկմամբ` դատավարությունների ընթացքում ցավոք չի քննվում այն հարցը, թե ովքեր են սպանել տասը զոհերին, այլ գործը քննվում է հիմնականում քաղաքական առումով։ Ըստ նրա` այսքան ժամանակ փաստորեն ամեն ինչ ընթանում է այնպիսի հունով, որ մարդկանց մոտ կասկածներ են առաջացնում։

«Այդուհանդերձ այսօր ունենք տասը զոհերի հիշատակը հարգելու պարտավորություն, հուսամ` դա կստիպի, որ որևէ միջադեպ չգրանցվի, իշխանությունները սրացումների չեն գնա ու չենք ունենա բախումնային իրավիճակ, ավելի շատ կգիտակցեն, որ լարելով իրավիճակն ու բախումների տանելով` ոչ մի դրական բան ապագայի համար չեն կառուցի»,– նշեց Մարդկային զարգացման միջազգային կենտրոնի ղեկավարը։  

Պողոսյանի կարծիքով` երբ Մարտի 1-ի գործը քննվում էր նախորդ իշխանությունների ժամանակ, ընդդիմադիրները ասում էին, որ մինչև իշխանափոխություն չլինի, գործը չի բացահայտվի, հիմա գործն արդեն երեք տարի է, ինչ քննվում է իշխանափոխությունից հետո, սակայն դեռ չի բացահայտվել, և հենց սրա մեջ, ըստ նրա, պետք է գտնել բոլոր պատասխանները։ 

«Նախկինում նույնպես կար պառակտվածություն, երբ միջոցառումներին հանրության մի մասը չէր մասնակցում, բայց և կային դեպքեր, երբ հանրությունը հանդես էր գալիս միասնական դիրքերից։ Ցավոք սրտի, այսօր պառակտվածություն է նկատվում նաև հիշատակման օրերին, որովհետև խոսքը միայն այսօրվա երկու տարբեր ցույցերի մասին չէ, քանզի կան խմբեր, որոնք չեն մասնակցում կողմերից ոչ մեկի միջոցառումներին։ Ուրախ կլինեմ, եթե իշխանությունները մտածեն նաև ապագա սերունդների, այլ ոչ թե միայն իրենց իշխանությունը պահելու մասին»,– նշեց Մարդկային զարգացման միջազգային կենտրոնի ղեկավարը։

Մարտի 1-ին իշխանության ու ընդդիմության հանրահավաքները գրեթե միաժամանակ կմեկնարկեն

33
թեգերը:
Մարտի 1, Թևան Պողոսյան
Ըստ թեմայի
Մարտի 1-ին ԱԺ խորհրդի նիստ կգումարվի
«Վաղը նոր «Մարտի 1» չի լինելու»․ Փաշինյանն ի ցույց կդնի նախագահի որոշման անհիմն լինելը
Մարտի 1-ին որտե՞ղ էր Քերոբյանը, կամ ի՞նչ վիճակում է նախկինում «քերթվող» բիզնեսմենն այսօր
Նիկոլ Փաշինյանի հանրահավաքը

Փաշինյանը գնում է արտահերթ ընտրության. հայտնի է կարգախոսը

0
(Թարմացված է 20:20 01.03.2021)
ՀՀ վարչապետը մարտահրավեր նետեց խորհրդարանական ընդդիմությանը` եկեք գնանք արտահերթ ընտրությունների։

ԵՐԵՎԱՆ, 1 մարտի - Sputnik. ՀՀ վարչապետ Նիկոլ Փաշինյանն այսօր Հանրապետության հրապարակում հրավիրված հանրահավաքի իր ելույթում հայտարարեց, որ ընդունում է ընդդիմության մարտահրավերը` գնալու արտահերթ ընտրությունների։

Հայտնի է անգամ, թե ինչ կարգախոսով իշխող քաղաքական ուժը կմասնակցի ընտրություններին։

«Մենք անգամ կարգախոսներ էինք մտածել, և այդ կարգախոսներից մեկը հետևյալն էր. «Վերջ թավիշին»»,– ասաց Փաշինյանը` իր մարտահրավերը նետելով խորհրդարանական ընդդիմությանը` եկեք գնանք արտահերթ ընտրությունների։

Վարչապետը նաև հայտարարեց, որ ժողովուրդն է իրեն ընտրել վարչապետ, ժողովուրդն էլ կարող է իրեն պաշտոնանկ անել։

Իրադրությունը սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։

0
թեգերը:
ընդդիմություն, Ընտրություններ, Հայաստան, Վարչապետ, Նիկոլ Փաշինյան
Ըստ թեմայի
2021թ.–ի հոկտեմբերին Հայաստանում կանցկացվի սահմանադրական հանրաքվե. Փաշինյան
Մեր թիկունքում հայկական ողջ բանակն է կանգնած. Յուրի Խաչատուրով
Փաշինյանի կազմակերպած հանրահավաքի մասնակիցները երթով անցնում են Ամիրյան փողոցով. տեսանյութ