Գարիկ Քեռյան

Այդ ամենը նման էր աջ ոտքով ձախ ականջը քորելուն. Քեռյանը՝ ռեյտինգային ընտրակարգի մասին

33
(Թարմացված է 15:53 16.02.2021)
ԵՊՀ Միջազգային հարաբերությունների ֆակուլտետի Քաղաքական ինստիտուտների և գործընթացների ամբիոնի վարիչ, քաղաքական գիտությունների դոկտոր, պրոֆեսոր Գարիկ Քեռյանը Sputnik Արմենիայի եթերում անդրադարձել է ընտրական օրենսգրքում փոփոխությունների թեմային։ 
Քեռյան. «Ռեյտինգային համակարգը չնպաստեց բազմակուսակցականությանը և ժողովրդավարության զարգացմանը»

Գարիկ Քեռյանի դիտարկմամբ`ՀՀԿ–ն իր իշխանության ժամանակ բերեց և անցկացրեց մի ընտրակարգ, որը կոչվում էր վարկանիշային կամ ռեյտինգային, որից, ըստ նրա, ո՛չ իրենք որևէ բան հասկացան, ո՛չ ժողովուրդը, ո՛չ էլ փորձագիտական շրջանակները, և այդ ռեյտինգային համակարգը ոչ էլ նպաստեց բազմակուսակցականությանը և ժողովրդավարության զարգացմանը։

«Վերջին ընտրություններում ռեյտինգային համակարգի կիրառման ժամանակ երկու միլիոն ընտրող ունեցող հանրապետությունում կուսակցությունները ներկայացրել էին մոտ 2500 պատգամավորության թեկնածու։ Ամեն տեղ մարդիկ քվեարկում էին և՛ կուսակցությունների, և՛ ինչ–որ մարդկանց օգտին, չէին էլ հասկանում, թե որն է մեծամասնական, որը համամասնական ընտրակարգը։ Իսկ հետո, երբ սկսեցին հաշվել, թե կուսակցությունները որքան պատգամավորական տեղ են զբաղեցրել խորհրդարանում, ինչ–որ հաշվարկներ արեցին, անհասկանալի բանաձևեր կիրառեցին, որի արդյունքում, անկեղծ ասած, այդպես էլ չհասկացանք ռեյտինգայինի հետ կապված այդ ամբողջ խառնաշփոթի իմաստը»,– նշեց քաղաքագետը։

Քեռյանի կարծիքով` այդ ամենը նման էր աջ ոտքով ձախ ականջը քորելու օպերացիայի, այնինչ կարելի էր ընդամենը ձախ ձեռքով քորել ձախ ականջը, մարդիկ կգնային ու կքվեարկեին X կուսակցության օգտին, այդ քաղաքական ուժն էլ ձայների պարզ հաշվարկից հետո կամ կանցներ, կամ չէր անցնի ԱԺ։ 

Արտահերթ ընտրություններ չեն լինի. Փաշինյան

«Բոլոր զարգացած երկրներում կիրառվում է համամասնական հասկանալի մեթոդը, հետաքրքիր է, թե այդ ռեյտինգային ապուշությունը որտեղից գտան ու բերեցին։ Դա մի այնպիսի տեխնոլոգիա էր տվյալ պահին իշխող քաղաքական ուժի վերարտադրության համար, որի նպատակն էր ստեղծել խառնաշփոթ, անել այնպես, որ տեղերում ինչ–որ հեղինակություններ, բիզնես կապիտալի տերեր, քրեական աշխարհի հետ կապված անձինք, լծակներ ունեցող մարդիկ կարողանային տվյալ վայրի ռեյտինգային ընտրացուցակով ձայներ բերել կոնկրետ քաղաքական ուժի համար»,– նշեց քաղաքագետը։

Քեռյանի գնահատմամբ` փոխանակ մենք անցնեինք 100 տոկոսանոց համամասնական, առավել ժողովրդավարական ընտրակարգի, ստացանք ավելի վատ բան, քան նախկինում փողի ու ընտրակեղծիքների միջոցով ընտրվող մեծամասնական պատգամավորների դեպքում։ Ըստ նրա` փաստացիորեն ուռճացվեց խորհրդարանը, կայուն մեծամասնությունը նպաստեց ավելի ավտորիտար տարրերի ներդրմանը երկրում, և իշխանության երեք թևերի հավասարակշռության փոխարեն ունեցանք մի իրավիճակ, երբ 2015 թվականի սահմանադրական փոփոխություններն ավելի կոպիտ և բռի ավտորիտար վարչակարգի տարրեր մտցրեցին քաղաքական համակարգ։  

Հիշեցնենք, որ մամուլում շրջանառվող տեղեկատվության համաձայն` ՀՀ վարչապետ Նիկոլ Փաշինյանը փետրվարի 13-ին Ազգային ժողովում հանդիպել է «Իմ քայլը» խմբակցության պատգամավորների հետ, ցանկացել է տեղեկանալ նրանցից, թե ինչ փուլում է Ընտրական օրենսգրքի փոփոխության գործընթացը: 

Մասնավորապես «կայուն մեծամասնություն» ասվածը հրահանգվել է հանել օրենքից ու Սահմանադրությունում փոփոխություններ կատարել: Բացի այդ, մամուլում շրջանառվող տեղեկատվության համաձայն` իշխանությունը հստակ որոշել է, որ ռեյտինգային ընտրակարգը չի լինելու, պետք է ընտրությունների գնալ միայն համամասնական ընտրակարգով:

33
թեգերը:
Ընտրություններ, Գարիկ Քեռյան
Ըստ թեմայի
Մեզ ընտրություններ պե՞տք են, կամ ինչո՞ւ Նիկոլ Փաշինյանը մտափոխվեց
Փաշինյանի և իշխանությունների հեռանալուց հետո միայն կլինեն արտահերթ ընտրություններ. Աբովյան
Վարչապետը որոշ մարդկանց ելույթից վախեցավ և խուսափեց ընտրություններից. Գևորգ Պետրոսյան
Արամ Սարգսյան

Փաշինյանը սխալ հաշվարկ արեց. Սարգսյանը` «Իսկանդերի» և վտանգված հարաբերությունների մասին

108
(Թարմացված է 13:20 28.02.2021)
Ի՞նչ վիճակում են հայ-ռուսական հարաբերությունները, որքանո՞վ են դրանք վտանգված, և ինչո՞վ են պայմանավորված Նիկոլ Փաշինյանի` մեր դաշնակից պետությանը «վարկաբեկող» հայտարարությունները. Sputnik Արմենիան զրուցել է Հայաստանի դեմոկրատական կուսակցության նախագահ Արամ Սարգսյանի հետ։
Փաշինյանը դարձյալ սխալ հաշվարկ արեց. Սարգսյանը` «Իսկանդերի» և հայ-ռուսական վտանգված հարաբերությունների մասին

Տեսակետը, թե Հայաստանի ներքաղաքական զարգացումների և «Իսկանդերի» մասին ՀՀ վարչապետի աղմկահարույց հայտարարությունների վերաբերյալ ռուսական արձագանքները բավականին զուսպ են, այդքան էլ չեն համապատասխանում իրականությանը։ Sputnik Արմենիայի հետ զրույցում նման կարծիք հայտնեց Հայաստանի դեմոկրատական կուսակցության նախագահ Արամ Սարգսյանը։

«Պեսկովի և ՊՆ–ի հայտարարությունները շատ հստակ են, և պարտադիր չէ, որ նրանք վիրավորական արտահայտություններով հանդես գան կամ նկատողություն անեն, որ մենք հասկանանք, թե իրենց դիրքորոշումը որն է»,- ասաց նա։

Նրա դիտարկմամբ` նախ` Վլադիմիր Պուտինի խոսնակ Դմիտրի Պեսկովը հստակ պարզաբանեց, որ Պուտին-Փաշինյան զրույցի ընթացքում չի նշվել, որ ՌԴ նախագահն աջակցում է օրվա իշխանություններին, ընդամենն ասվել է, որ ներքաղաքական ճգնաժամի հանգուցալուծումը պետք է իրականացվի օրենքի շրջանակում, իսկ մինչ այդ ՌԴ ՊՆ–ն հստակ հայտարարեց, որ մեր պետության ղեկավար չի էլ իմացել, որ «Իսկանդերը» ընդհանրապես չի օգտագործվել արցախա-ադրբեջանական պատերազմի ժամանակ, էլ ուր մնաց` 10 տոկոսով պայթեր կամ չպայթեր։

Փաշինյանի` «Իսկանդերի» վերաբերյալ հայտարարությունը Սարգսյանը սադրանք է որակում Ռուսաստանի նկատմամբ, որի համար կարևորագույն նշանակություն ունի զենքի շուկան։

«Փաշինյանը բացահայտ արտահայտեց իր հակառուսականությունը, որը նրա մեջ արմատացած է տարիներ շարունակ, և դա չի կարող փոխվել։ Եվ կարծում եմ, որ սխալ հաշվարկ արեց, ինչպես միշտ»,- նշեց Սարգսյանը։

Նրա խոսքով`Փաշինյանը կարծեց, թե ժամանակն է խզել Ռուսաստանի հետ տարիների դաշնակցային կապերն ու թռչել դեպի Արևմուտք, սակայն պատասխանը չուշացավ, մյուս կողմից` պետք է շատ հստակ գիտակցել` եթե գործող իշխանությունը երկար շարունակի պաշտոնավարել, ապա հայ-ռուսական հարաբերություններն ինչ-որ պահից կարող են և խաթարվել։

Հիշեցնենք` փետրվարի 23-ին Նիկոլ Փաշինյանը 1in.am-ին տված հարցազրույցում, անդրադառնալով նախկին նախագահ Սերժ Սարգսյանի` 44-օրյա պատերազմի ընթացքում «Իսկանդերը» ժամանակին չօգտագործելու վերաբերյալ մեղադրանքներին, ասել է, որ Սարգսյանն ինքը գիտի իր հարցերի պատասխանը. «Թող հարց տա՝ ինչո՞ւ « Իսկանդերը»  չի պայթել: Կամ ինչու՞ է այն պայթել, օրինակ, 10%-ով»։

Փետրվարի 25-ին ՌԴ ՊՆ–ն հայտարարեց, որ Ղարաբաղում «Իսկանդեր» ընդհանրապես չի կիրառվել։

Թյուրիմացության մեջ են գցել, կամ հայկական «կիքս» ռուսական բարձր ճշգրտության հրթիռների հետ

108
թեգերը:
Նիկոլ Փաշինյան, Իսկանդեր, Արամ Սարգսյան, Հայաստան
Էդուարդ Անտինյան

«ՀՀ նախագահի երկրորդ առարկությունն առաջ կբերի մեծ դժվարություններ». Անտինյան

194
(Թարմացված է 12:19 28.02.2021)
«Շրջադարձ հանուն զարգացման» հասարակական կազմակերպության նախագահ, քաղաքագետ Էդուարդ Անտինյանը Sputnik Արմենիայի եթերում անդրադարձել է Արմեն Սարգսյանի որոշմանը, որին երեք օր սպասում էր ամբողջ երկիրը։
Անտինյան. «Նախագահի որոշումը սպասելի էր, բայց մյուս առարկությունն առաջ կբերի մեծ դժվարություններ»

Էդուարդ Անտինյանը կարծում է, որ ՀՀ նախագահ Արմեն Սարգսյանի երեկվա որոշումից ու ՀՀ վարչապետ Նիկոլ Փաշինյանի պատասխանից հետո ավելի մեծ դժվարություններ են առաջ գալու, որովհետև նախագահը ՍԴ–ում պետք է վիճարկի ոչ թե վարչապետի առաջարկությունը կամ որոշումը, այլ դրա սահմանադրականությունը։

«Բայց եթե վարչապետն իսկապես հիմնավոր ձևով գրի նամակը, ապա առարկությունները ՍԴ ուղարկելը մի քիչ կդժվարանա։ Ամեն դեպքում այս օրերին շրջանառվող իրավական հարցը, թե բանակը ոչ մի պարագայում չի կարելի ներքաշել քաղաքական գործընթացների մեջ, ըստ էության կունենա քաղաքական հանգուցալուծում, և պարզ կդառնա, թե որ կողմը պետք է զիջի»,– Sputnik Արմենիայի հետ զրույցում ասաց քաղաքագետը։

Անտինյանի դիտարկմամբ` վարչապետի հրաժարականին հանգեցնող շատ–շատ պատճառներ կարող են լինել, բայց այս հարցում պետք չէ շտապել և դա կապել նախագահի որոշման հետ։ Ըստ նրա` ընդդիմությունը չպետք է ոգևորվի և հայտարարելով, թե կանգնած է բանակի կողքին` տպավորություն ստեղծի, թե բանակը ներքաշված է քաղաքական գործընթացների մեջ, ինչը ոչ մի պարագայում ձեռնտու չէ մեր պետությանը, քանի որ այդ դեպքում դրսից կստանանք շատ տհաճ կարծիքներ, եզրակացություններ, իսկ մեր երկիրն այնպիսի վիճակում չէ, որ հաշվի չնստի դրսի արձագանքների հետ։

Քաղաքագետի կարծիքով` ՀՀ նախագահը ստորագրել–չստորագրելու երկընտրանքի առաջ է հայտնվել ոչ թե այսօր, այլ այն ժամանակ, երբ խոցելի կարգավիճակով համաձայնվեց դառնալ նախագահ և հիմա ստիպված է կատարել այնպիսի քայլեր, որոնք ավելի շատ համապատասխանելու են քաղաքական կոնյուկտուրային, մտածելու է, թե ում ժեստ անի, որ ավելի քիչ վնաս կրի։ Ըստ այդմ` Սարգսյանի երեկվա որոշումը թեև դրական էր և սպասելի, բայցևայնպես քաղաքագետն այդ քայլով վերջնական հաղթանակ տոնելու լավատեսություն չունի։

Հիշեցնենք՝ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը` ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։ Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։ Փետրվարի 27-ի երեկոյան ՀՀ նախագահի աշխատակազմը հայտարարեց, որ Արմեն Սարգսյանը ՀՀ ԳՇ պետ Օնիկ Գասպարյանի պաշտոնանկության հրամանագրի նախագիծն իր առարկություններով վերադարձրել է ՀՀ վարչապետին:

Դրան հետևեց վարչապետ Փաշինյանի հայտարարությունը, որ ՀՀ նախագահի որոշումն ամենևին չի նպաստում ստեղծված իրավիճակի հանգուցալուծմանը։ Վարչապետը տեղեկացրեց, որ ԳՇ պետին պաշտոնանկ անելու միջնորդությունը կրկին ուղարկում է ՀՀ նախագահին՝ ակնկալելով, որ այն սահմանված կարգով կստորագրվի։

194
թեգերը:
Օնիկ Գասպարյան, Նիկոլ Փաշինյան, Արմեն Սարգսյան, Էդուարդ Անտինյան, Հայաստան
Ավտոբուս

Գարնան առաջին օրվանից 99 համարի երթուղին Երևանում կսկսի գործել նոր ավտոբուսներով

6
(Թարմացված է 16:19 28.02.2021)
Վարորդները լինելու են հատուկ համազգեստով, ղեկին չեն ծխելու և հեռախոսով չեն խոսելու։

ԵՐԵՎԱՆ, 28 փետրվարի – Sputnik․ Մարտի 1-ից մայրաքաղաքային 99 համարի երթուղին կգործի 13 նոր ավտոբուսներով։ Տեղեկությունը Facebook-ի իր էջում հայտնում է քաղաքապետի մամուլի խոսնակ Հակոբ Կարապետյանը։

Երթուղին սկսվելու է ՀԱԹ Բաբաջանյան փողոցից, անցնելու է քաղաքի կենտրոնով դեպի Քանաքեռ-Զեյթուն։ Երթուղու վերջնակետը Ուռուցքաբանության կենտրոնի մոտ է։ Ավտոբուսներն աշխատելու են առավոտյան 07.15-ից մինչև 23.00։

Քաղաքապետի մամուլի խոսնակը նաև մի քանի «կանոններ» է հիշեցրել, որոնք կարևոր են երթուղու նոր ավտոբուսներից օգտվելու համար։

«Պետք է վճարել նստելիս։ Մետաղադրամ ընդունող սարքը «վերցնում է» միայն 100 դրամանոցներ։ Եթե չունեք 100 դրամանոց, վարորդը սկզբնական շրջանում կարող է մանրել, բայց խիստ ցանկալի է ունենալ 100-դրամանոցը։ Շուտով կունենանք նաև էլեկտրոնային վճարման համակարգ»,- նշում է Կարապետյանը։
Նրա խոսքով՝ ավտոբուսի սրահը տեսահսկվում է՝ ուղևորների և առհասարակ երթևեկության անվտանգության նկատառումներով։

Հատուկ կանոններ են սահմանված նաև վարորդների համար․ նրանք լինելու են համապատասխան համազգեստով, հրահանգավորված են երևեկության ընթացքում չծխելու և հեռախոսով չխոսելու պահանջի մասին։

6
թեգերը:
ավտոբուս, Երևան, Հայաստան