Թնդանոթով մրջյուն խփելուն է նման. Պարսյանը` գյուղոլորտի գումարների ու աճի ցուցանիշի մասին
(Թարմացված է 19:52 15.02.2021)
ՀՅԴ Բյուրոյի տնտեսական հետազոտությունների գրասենյակի պատասխանատու Սուրեն Պարսյանը Sputnik Արմենիայի եթերում անդրադարձել է գյուղատնտեսության ոլորտի աճին նպաստող հանգամանքներին և այդ ոլորտում կատարված ծախսերի համաչափությանը։ Պարսյան. «Վարկը վարկի միջոցով փակելով գյուղատնտեություն չենք կարող զարգացնել»
Սուրեն Պարսյանի դիտարկմամբ` գյուղատնտեսության ոլորտը մեզ համար ունի բավականին լուրջ ռազմավարական նշանակություն, որում ներգրավված է մեր աշխատուժի մոտ 1/3–ը։ Ըստ նրա` տվյալ ոլորտն ունի ոչ միայն սոցիալ–տնտեսական, այլև կարևոր ազգային, մշակութային նշանակություն և պատերազմական գործողություններից հատկապես տուժում է գյուղատնտեսությունը`պայմանավորված այն հանգամանքով, որ դադարում է բերքահավաքը, աշնանացանը, պատերազմական թատերաբեմին մոտ գտնվող հողերը դառնում են ոչ պիտանի, ուստի այս վիճակում մենք պետք է վերանայենք գյուղատնտեսական ծրագրերը` վերահասցեագրելով դրանք ոչ թե բանկերին, այլ գյուղացիական տնտեսություններին։
«Կառավարությունն իր բոլոր ծրագրերն իրականացնում է բանկերի միջոցով, այսինքն` սուբսիդավորում է վարկերն այն դեպքում, երբ այդ գումարների խիստ կարիքն ունի հենց գյուղացին։ Վարկը վարկի միջոցով փակելով գյուղատնտեսություն չենք կարող զարգացնել։ Վերջին տարվա ընթացքում հատկապես այդ գործելակերպն է մեծ տարածում ունեցել»,– Sputnik Արմենիային ասաց տնտեսագետը։
Բյուջեի աճ կամ աղետ. ինչի կարող է հանգեցնել բուժծառայությունների համար ԱԱՀ սահմանելը
Պարսյանի կարծիքով` կառավարությունը գյուղատնտեսական ծրագրերով մեծ արդյունք չի արձանագրել, ինչը նման է թնդանոթով մրջյուն խփելուն։ Ըստ նրա`հարց է ծագում` մի՞թե ընդամենը 1,4 տոկոսի չափով աճ արձանագրելն է եղել կառավարության հիմնական նպատակը, որովհետև գյուղատնտեսության աճի ցուցանիշը համարժեք չէ ոլորտին հատկացված գումարներին։
Տնտեսագետի համոզմամբ` պետական միջոցները պետք է ուղղվեն գյուղացիական տնտեսությունների զարգացմանը, անասնապահության ոլորտում անհրաժեշտ է իրականացնել առանձին ծրագրեր`հաշվի առնելով առկա խնդիրները, նույնը վերաբերում է նաև բուսաբուծության ոլորտին։
©
Sputnik / Andranik Ghazaryan
«Արդյունավետ ծրագրերի թիվը կարող է շատ ավելի մեծ լինել, եթե կառավարությունում փոխվի ընդհանուր փիլիսոփայությունն ու մտածելակերպը, այսինքն` եթե կառավարությունը որոշի ստանձնել պատասխանատվություն իր գործողությունների համար, սակայն վերջին տասնամյակների ընթացքում կառավարությունը խուսափել է այդ պատասխանատվությունից»,– նշեց տնտեսագետը։
Պարսյանի համոզմամբ` բանկի միջոցով միջնորդավորված վարկ տալով գյուղացուն` նման պայմաններում նրան չես աջակցի։
Հիշեցնենք, որ պաշտոնական վիճակագրության համաձայն` 2020 թվականին գյուղատնտեսության ոլորտը (առանց ձկնորսության) ընթացիկ գներով 1,4 տոկոս աճ է ապահովել, մասնավորապես բուսաբուծությունը նախորդ տարվա համեմատ աճել է 2,3 տոկոսով, իսկ անասնապահությունը` 0,6 տոկոսով։
Շատ գործարարներ են դիմել. կանեփ աճեցնելու հեռանկարը Հայաստանում ոգևորություն է առաջացրել
Տեխնիկան հեռացվել է. Որոտանի համայնքապետը` ադրբեջանական կողմում խրամատներ փորելու մասին
«Տեխնիկան հեռացվել է». Որոտանի համայնքապետը` ադրբեջանական կողմում խրամատներ փորելու մասին
Համայնքապետարանի ահազանգից հետո աշխատանքները դադարել են, տեխնիկան էլ հեռացվել է։ Sputnik Արմենիայի հետ զրույցում հայտնեց Որոտան համայնքի ղեկավար Սուրեն Օհանջանյանը։
Թե ով կամ ովքեր են միջամտել, որ ադրբեջանական կողմում աշխատանքները դադարեցվեն, համայնքի ղեկավարը դժվարանում է պատասխանել, բայց ռուսական կողմի միջամտությունը չի բացառում։
©
Sputnik / Aram Nersesyan
«Ես ոչ մի բան չեմ բացառում, պարզ է, եթե մեր Հայաստանում մեկը մի գործ է անում՝ մեր բարեկամ երկիրն է միջամտում»,- ասաց նա։
Հիշեցնենք, որ մարտի 3-ին Գորիսի փոխքաղաքապետ Իրինա Յոլյանը ֆեյսբուքյան իր էջում գրառում էր արել ու հայտնել` թշնամին ինժեներական աշխատանքներ է սկսել Որոտանում։ Նա ահազանգել էր, որ խաթարված ու վտանգված է գյուղացու անդորրն ու խաղաղ կյանքը։
Փոխքաղաքապետի գրառումից մեկ օր անց`168.am-ի հարցին ի պատասխան ԱԱԾ–ից հայտնել էին, որ ադրբեջանական կողմն իրենց վերակարգերի տեղակայման վայրերում իրականացնում է անվտանգության ապահովմանն ուղղված աշխատանքներ և անհանգստանալու առիթ չկա:
թեգերը:
Պատային իրավիճակը իշխանության համար կարող է նույնիսկ կործանարար լինել. Հակոբյան
(Թարմացված է 21:50 05.03.2021)
Քաղտեխնոլոգ Վիգեն Հակոբյանը Sputnik Արմենիայի եթերում անդրադարձել է հայաստանյան ներքաղաքական զարգացումներին և դրանց հանգուցալուծման հնարավոր տարբերակներին։ Հակոբյան. «Պատային իրավիճակը կարող է իշխանության համար նույնիսկ կործանարար լինել»
Վիգեն Հակոբյանի դիտարկմամբ` խոսքը միակ տարբերակի մասին չէ, կան բազմաթիվ ճանապարհներ, որոնցից մեկը ներկա ընդդիմության առաջադրած պլան «ա»–ն է, որը նախատեսում է զանգվածային ճնշման միջոցով Նիկոլ Փաշինյանի չորս հենարանների թուլացում, որոնց մասին խոսել է Վազգեն Մանուկյանը։ Քաղտեխնոլոգը հիշատակեց նաև պլան «բ»–ն, որն ըստ էության ապստամբություն է քաղաքացիական հասարակության միջոցով և որն անհնազանդության դրսևորման տարբեր դրվագներ է պարունակում, բայց կարող է իրականացվել նաև առանց բռնության։
©
Photo : official site of the MoD of RA
«Ու քանի որ բանակն այս կամ այն ձևով ներգրավված է գործընթացներում, հետևաբար ընդհանուր առմամբ, ինչպես նշում է Ռոբերտ Քոչարյանը, չի բացառվում նաև ռազմական հեղաշրջման տարբերակը, որն, ի դեպ, լայնորեն կիրառվում է միջազգային պրակտիկայում։ Քանի որ թեման վերջերս ակտուալ էր, մամուլում կար հրապարակում առ այն, որ նախորդ երեք տարիների ընթացքում ամբողջ աշխարհում եղել է շուրջ 1500 ռազմական հեղաշրջում»,– նշում է քաղտեխնոլոգը։
Հակոբյանի տեղեկացմամբ` հետխորհրդային տարածքում դեռևս ռազմական հեղաշրջմամբ իշխանափոխություն տեղի չի ունեցել, մինչդեռ պալատական հեղաշրջումներ եղել են, ինչպես նաև տեղի են ունեցել արյունալի կամ թավշյա, գունավոր հեղափոխություններ։ Ըստ նրա` ռազմական հեղաշրջման գործիքակազմը յուրահատուկ բան չէ, որից վախենում են, մինչդեռ Ռոբերտ Քոչարյանն իր հայտնի ասուլիսում, ըստ քաղտեխնոլոգի, հասկացրեց, որ դա քաղաքական գործիքակազմում նույնպես ընկալվող և աշխարհի կողմից ընդունվող տարբերակ է։
«Այնուամենայնիվ ներքաղաքական գործընթացներն Հայաստանում այդքան էլ անհույս չեն։ Նույնիսկ պլան «ա»–ով նախատեսված գործողությունների արդյունքում ընդդիմությունն այդուհանդերձ կարողացավ կայունացնել փողոցում կանգնած իր զանգվածներին, որովհետև առաջին իսկ կոչից հետո մեծ թվով մարդիկ են հավաքվում։ Եթե նույնիսկ իրավիճակը պատային է, ինչպես շատերն են նշում, ապա պատային է նաև իշխանության համար և նույնիսկ կարող է կործանարար լինել, որովհետև իշխանությունը կորցրել է վերահսկողությունը ո՛չ միայն կառավարման համակարգի, այլև բանակի` ամենահզոր ուժային կառույցներից մեկի վրա»,– նշեց քաղտեխնոլոգը։
Պարոն Փաշինյան, ո՞նց եք. ընդդիմադիր պատգամավորը որոշեց խոսեցնել վարչապետին
Հակոբյանի համոզմամբ` պատային իրավիճակի հանգուցալուծման ճանապարհներ փնտրելու մեջ ռեսուրսներ ու ժամանակ չկորցնելու առումով շահագրգռված է նաև իշխանությունը։
«Ի սրտե». Ավետ Բարսեղյանը Ռիտա Սարգսյանի հիշատակին նվիրված երգ է գրել. տեսանյութ
ՀՀ երրորդ նախագահ Սերժ Սարգսյանի կնոջ` Ռիտա Սարգսյանի հիշատակին նվիրված երգ է գրվել, որը թողարկվել է այսօր` նրա ծննդյան օրը։ Ռիտա Սարգսյանն այսօր կդառնար 59 տարեկան։ «Ի սրտե» խորագրով երգի բառերի հեղինակն Ավետ Բարսեղյանն է, իսկ երաժշտությունը Կարեն–Սևակինն է (Կարեն Համբարձումյանն ու Սևակ Մելքոնյանը)։
©
Sputnik / Aram Nersesyan
Երգը կատարում են Ռազմիկ Ամյանը, Նունե Եսայանը, Սարո Թովմասանն ու Շուշան Պետրոսյանը։
Հիշեցնենք, որ Ռիտա Սարգսյանը կյանքից հեռացավ նախորդ տարվա նոյեմբերի 20-ին` կորոնավիրուսի հետևանքով։ Ավելի վաղ հայտնի էր դարձել, որ Ռիտա Սարգսյանը կորոնավիրուսով է վարակվել և գտնվում է «Նաիրի» բժշկական կենտրոնի վերակենդանացման բաժանմունքում:
Sputnik Արմենիայի տեղեկություններով` Ռիտա Սարգսյանին տեղափոխել էին Գերմանիայի բժշկական կենտրոններից մեկը, սակայն նրա կյանքը փրկել չհաջողվեց։
Ռիտա Սարգսյանը ժամանակին բարեգործական մի շարք ծրագրեր էր իրականացնում։ Մասնավորապես, նա 2009 թ. հիմնադրված «Նվիրիր կյանք» հայկական հիմնադրամի հոգաբարձուների խորհրդի պատվավոր նախագահն էր։ Հիմնադրամն աջակցում էր արյան քաղցկեղով հիվանդ երեխաների բուժմանը։
թեգերը: