«Ամբերդ» հետազոտական կենտրոնի ավագ հետազոտող Ալբերտ Հայրապետյան

Ի՞նչ կլինի, եթե Հայաստանը ճանաչի Արցախի անկախությունը. Հայրապետյանը պարզաբանում է

332
(Թարմացված է 19:24 15.02.2021)
«Ամբերդ» հետազոտական կենտրոնի ավագ հետազոտող Ալբերտ Հայրապետյանը Sputnik Արմենիայի եթերում անդրադարձել է Արցախի միջազգային ճանաչմանն ու կարգավիճակի հետագա կարգավորման հեռանկարին։  
«Եթե Հայաստանը ճանաչի Արցախի անկախությունը, դա կարող է ունենալ դոմինոյի էֆեկտ». Հայրապետյան

Ալբերտ Հայրապետյանի դիտարկմամբ` տարբեր երկրների խորհրդարաններում ընդունված բանաձևերը դեռ չեն նշանակում այդ երկրների կողմից Արցախի անկախության ճանաչում, և որպես հիմնական փաստարկ մեր գործընկեր, բարեկամ երկրները մատնանշում են մեր կողմից դեռևս Արցախի անկախությունը չճանաչելու հանգամանքը։ Ըստ նրա` Արցախի միջազգային ճանաչումը մեզ կտա երկու բան։

«Առաջին` եթե մենք այնտեղ տեղակայելու լինենք զինված ուժեր, ապա կարող ենք հղում անել մեր կողմից ճանաչված կառավարության որոշմանը, և երկրորդ` մեր գործընկերներն այլևս չեն ունենա այն փաստարկը, որ մենք պետք է նախ ճանաչենք, հետո ուրիշներից ակնկալենք Արցախի ճանաչումը։ Խնդրի թույլ կողմը կլինի այն փաստարկը, թե ինչու հենց այս պահին պետք է ճանաչենք Արցախի անկախությունը, այսինքն` ի՞նչ հանգամանք է փոխվել այս պահին, որ չի եղել մի քանի տարի առաջ, մեկ տարի առաջ կամ մեկ ամիս առաջ»,– նշեց հետազոտողը։

Հայրապետյանի կարծիքով` այս հարցը չէր առաջանա, եթե ճանաչումը տեղի ունենար պատերազմի ընթացքում։ Ըստ նրա` կարող է ստեղծվել դոմինոյի էֆեկտ, և մի շարք բարեկամական երկրներ հետևեն մեր քայլին, ինչպես, օրինակ, ՌԴ պարագայում, երբ այդ երկիրը ճանաչեց Աբխազիայի և Հվ. Օսիայի անկախությունը, դրանից հետո Ռուսաստանին բարեկամաբար տրամադրված երկրները նույնպես դիմեցին նման քայլի։ 

«Այս պահին Արցախի անկախության ճանաչումը կարող է ունենալ նաև որոշակի ռիսկեր, այսինքն` մեզ գուցև մեղադրեն ոչ կառուցողական լինելու մեջ և հերթական անգամ հայկական կողմին մեղադրեն էսկալացիայի, խաղաղությանը չմիտված գործողություններ կատարելու համար։ Բայց իմ համոզմունքն է, որ քանի դեռ մենք չճանաչենք, չենք կարող ակնկալել, որ միջազգային իրավունքի սուբյեկտները կճանաչեն Արցախի անկախությունը։ Այդ պարագայում ճանաչման գործընթացը կսափմանափակվի առանձին քաղաքների, վարչական ռեգիոնների կամ ԱՄՆ նահանգների մակարդակով»,– նշեց հետազոտողը։ 

Մենք չենք ճանաչում Արցախի անկախությունը, սպասում ենք, որ ուրիշները ճանաչեն

Անդրադառնալով Արցախի կարգավիճակի խնդրին` Հայրապետյանն ընդգծեց, որպեսզի կարգավիճակը նորից դառնա բանակցությունների առարկա, մենք պետք է դրական ազդակներ ստանանք գործընկեր երկրներից, հատկապես Մինսկի խմբի համանախագահողներից, գործադրենք լուրջ դիվանագիտական քայլեր` այդ ազդակները ստանալու համար և փորձենք այնպես անել, որ նրանց հետ խոսենք միևնույն լեզվով, ունենանք առավելագույնս մոտիվացված դիրքորոշումներ, և նրանց միջնորդությամբ կրկին բանակցությունների առարկա դարձնել կարգավիճակի հետ կապված խնդիրը։   

Ըստ նրա` եթե պատերազմից առաջ հայկական կողմն ուներ սակարկելու ինչ–որ բան, այսինքն`կարող էր իր վերահսկողության տակ եղած որոշ տարածքներ հանձնելու դիմաց լուծել Արցախի կարգավիճակի հարցը, ապա այժմ հայկական կողմը չունի այնպիսի առաջարկ, որը կարող է գայթակղիչ հանդիսանալ Ադրբեջանի համար։ 

332
թեգերը:
Հայաստան, անկախություն, Արցախ
Ըստ թեմայի
Կանադայի Լավալ քաղաքը ճանաչել է Արցախի անկախությունը
Ադրբեջանի պահվածքը վերահաստատում է Արցախի անկախության ճանաչման անհրաժեշտությունը. Մայիլյան
ԼՂ անկախության միակողմանի ճանաչումն օգուտ չի բերի ոչ մեկին. Ֆրանսիայի ԱԳՆ–ի արձագանքը
Կարեն Վրթանեսյան

Ինչո՞ւ է Փաշինյանը 180 աստիճանով փոխում իր որոշումները. Կարեն Վրթանեսյան

8
Կարեն Վրթանեսյանը մեր եթերում նշել է, որ իշխանությունը պահելու փաշինյանական նկրտումներն այնքան մեծ են, որ նա առաջնորդվում է պահի թելադրանքով`մեկ կասկածի տակ է դնում ռուսական «Իսկանդերի» արդյունավետությունը, մեկ հայտարարում Ռուսաստանի հետ համագործակցության մասին։ 
Ինչո՞ւ է Փաշինյանը 180 աստիճանով փոխում իր որոշումները. Վրթանեսյանը` ՌԴ հետ համագործակցության մասին

ԶՈւ բարեփոխումների և Ռուսաստանի հետ համագործակցության մասին Նիկոլ Փաշինյանի հայտարարությունները ոչ այլ ինչ են, քան դատարկախոսություն։ Sputnik Արմենիայի հետ զրույցում նման կարծիք հայտնեց  ռազմական փորձագետ Կարեն Վրթանեսյանը։

«Նիկոլ Փաշինյանը շատ կարճ ժամանակում 180 աստիճանով փոխում է իր դիրքորոշումները։ Իր նպատակն այս պահին իշխանությունը պահելն է»,- ասաց նա։

Նրա կարծիքով` իշխանությունը պահելու փաշինյանական նկրտումներն այնքան մեծ են, որ նա որևէ հայտարարություն անելիս առաջնորդվում է պահի թելադրանքով`մեկ կասկածի տակ է դնում ռուսական «Իսկանդերի» արդյունավետությունը, մեկ հայտարարություն տարածում Ռուսաստանի հետ համագործակցության մասին։ 

«Եթե այդ պահին, այդ վայրկյանին իրեն թվում է, որ սա է պետք իշխանությունը պահպանելու համար, ապա ինքը դա է անելու, միայն թե մեկ օր կամ մեկ շաբաթ ավել կառավարական աթոռին նստի»,- նշեց Վրթանեսյանը։

Հիշեցնենք, որ փետրվարի 23-ին, Նիկոլ Փաշինյանը 1in.am-ին տված հարցազրույցում, անդրադառնալով նախկին նախագահ Սերժ Սարգսյանի` 44-օրյա պատերազմի ընթացքում «Իսկանդերի» ժամանակին չօգտագործելու վերաբերյալ մեղադրանքներին, ասել է, որ Սարգսյանն «ինքը գիտի իր հարցերի պատասխանը». «Թող հարց տա՝ ինչո՞ւ « Իսկանդերը»  չի պայթել: Կամ ինչու՞ է այն պայթել, օրինակ, 10% -ով»։

Իսկ նախօրեին` փետրվարի 25-ին, կառավարության նիստում վարչապետ Փաշինյանը` խոսելով ԶՈւ բարեփոխումների մասին, ասել է, որ այդ բարեփոխումների շրջանակում ՀՀ-ն նախատեսում է էլ ավելի սերտորեն համագործակցել ՌԴ-ի հետ։

8
Արմեն Բաղդասարյան

Կստորագրի՞ արդյոք նախագահը Օնիկ Գասպարյանի ազատման որոշումը

195
(Թարմացված է 20:14 25.02.2021)
Քաղաքագետ Արմեն Բաղդասարյանը Sputnik Արմենիայի եթերում նշել է, որ այժմ, երբ ներքաղաքական զարգացումներն ավելի են սրվել, հանրապետության նախագահը կարող է կարևոր դերակատարում ունենալ այդ լարվածության հանգուցալուծման գործում։
Կստորագրի արդյոք նախագահը Օնիկ Գասպարյանի ազատման որոշումը, և ինչ դեր կարող է ստանձնել Սարգսյանը

Ֆորսմաժորային իրավիճակներում, ինչպիսին այժմ Հայաստանի ներքաղաքական դաշտում է, հանրապետության նախագահն ունի շատ լուրջ լծակներ և գործառույթներ և դրանք հանգիստ կարող է կիրառել։ Sputnik Արմենիայի հետ զրույցում նման կարծիք հայտնեց քաղաքագետ Արմեն Բաղդասարյանը` մեկնաբանելով ներքաղաքական վերջին զարգացումները։

Ինչ վերաբերում է առավոտյան ՀՀ ԶՈւ ԳՇ` Նիկոլ Փաշինյանի հրաժարականի պահանջով հայտարարությանը, ապա, ըստ քաղաքագետի, այն խոսում է ոչ թե Նիկոլ Փաշինյանի և ԳՇ պետի` Օնիկ Գասպարյանի միչև առճակատման, այլ վարչապետի և բանակի միջև եղած խորքային խնդիրների մասին։

Նրա խոսքով` Արմեն Սարգսյանը դեռևս չի շտապի ստորագրել Օնիկ Գասպարյանի ազատման մասին որոշումը։ 

«Կարծում եմ` հանրապետության նախագահը կսպասի ևս մեկ-երկու օր` հասկանալու համար, թե ինչ է կատարվում, որովհետև հանգուցալուծման հնարավոր սցենարների առանցքում էլ հենց ինքն է»,- ասաց նա։

Բաղդասարյանի համոզմամբ, Արմեն Սարգսյանը կարող է կարճաժամկետ անցումային փուլում ստանձնել պետության ղեկավարի դերը և դառնալ արտահերթ ժողովրդավարական ընտրությունների անցկացման երաշխավորը։ 

ՀՀ ԶՈւ Գլխավոր շտաբն այսօր` փետրվարի 25-ին, պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության Հրապարակում՝ «հեղափոխությունը պաշտպանելու» համար։

ԶՈւ-ն հնարավորություն ունի Նիկոլ Փաշինյանին հանձնելու իրավապահներին. սահմանադրագետ

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։

195
թեգերը:
Արմեն Սարգսյան, Օնիկ Գասպարյան, Արմեն Բաղդասարյան (քաղաքական մեկնաբան)
թեմա:
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո
Ըստ թեմայի
Ընդդիմադիրները պատվիրակություն են ուղարկում նախագահ Արմեն Սարգսյանի մոտ
Երևանի Բաղրամյան փողոցում վրաններ են տեղադրում. լուսանկարներ, տեսանյութ
Վաղարշակ Հարությունյանն ու Սերգեյ Շոյգուն քննարկել են Հայաստանում ստեղծված իրավիճակը