Հայկ Կարապետյան

Ինչպե՞ս են ձևավորվում ավիատոմսերի գները. Կարապետյանը վստահեցնում է` մարդկային գործոն չկա

100
(Թարմացված է 14:41 11.02.2021)
Տնտեսական մրցակցության պաշտպանության պետական հանձնաժողովի (ՏՄՊՊՀ) անդամ Հայկ Կարապետյանը Sputnik Արմենիայի եթերում անդրադարձել է վերջին շրջանում պարենային ապրանքների ու ավիատոմսերի աննախադեպ թանկացման խնդրին։
Կարապետյան. «Ավիատոմսերի գները ձևավորվում են ավտոմատ ծրագրերի միջոցով, մարդկային գործոն չկա»

Հայկ Կարապետյանի դիտարկմամբ`պարենային ապրանքների պարագայում, որտեղ առկա է կենտրոնացվածություն, հանձնաժողովը գերիշխող դիրքի չարաշահման կամ հակամրցակցային համաձայնության երևույթներին անդրադառնում է հնարավոր նախադրյալներ կամ նախապայմաններ տեսնելու առումով։ Ըստ նրա`հանձնաժողովն արդեն հրապարակել է նախնական ուսումնասիրության արդյունքները` փորձելով հասկանալ, թե ինչով են պայմանավորված առկա միտումները։

«Ինչ վերաբերում է ավիատոմսերի շուկային, ապա այդ կապակցությամբ նույնպես մոտ օրերս կլինի հրապարակում։ Նախնական տվյալներով նշեմ, որ այստեղ իրավական տեսանկյունից առկա է նաև ԵԱՏՄ օրենսդրության կիրառման խնդիր, գործ ունենք անդրսահմանային շուկայի հետ, և մեր հանձնաժողովը նախկինում անդրսահմանային շուկայում գների թանկացման, հենց ավիատոմսերի թանկացման մասով դիմել է ԵԱՏՄ հանձնաժողովին` ստանալով պատասխան, որը նույնպես կհրապարակենք»,– Sputnik Արմենիայի հետ զրույցում ասաց ՏՄՊՊՀ հանձնաժողովի անդամը։

Կարապետյանի կարծիքով` խնդիրն այն է, որ ավիատոմսերի գները ձևավորվում են ավտոմատ ծրագրերի միջոցով, և տնտեսվարող սուբյեկտները գրեթե առնչություն չունեն գների փոփոխության հետ, այսինքն` դա կատարվում է ոչ մարդկային գործոնով պայմանավորված, եկամտաբերության մասը նույնպես փոփոխության չի ենթարկվում մարդու կողմից, հետևաբար ըստ հանձնաժողովին ներկայացված տեղեկատվության` այդտեղ գործում է պահանջարկի ու առաջարկի օրենքը։

Կարապետյանի փոխանցմամբ` հանձնաժողովը խոսել է նաև հայկական օպերատորի հետ, և վերջինս նույնպես նույն հիմնավորումներ է տվել, որ էժան տոմսերը սպառվել են, մնացել են միայն թանկ տոմսերը, ու այնպիսի տպավորություն է ստեղծվել, որ տեղի է ունեցել գների բարձրացում։

Հիշեցնենք` ԱԺ «Լուսավոր Հայաստան» խմբակցության ղեկավար Էդմոն Մարուքյանը փետրվարի 1-ին Facebook–ի իր էջում գրել էր, որ բազմաթիվ քաղաքացիներից են տեղեկություններ ու դժգոհություններ ստանում, որ դեպի ռուսական տարբեր քաղաքներ ավիատոմսերի գները բազմապատիկ աճել են։ Նա նշել էր, որ այդ խնդրով դիմել է Տնտեսական մրցակցության պաշտպանության պետական հանձնաժողովի նախագահ Գեղամ Գևորգյանին։ 

Հայրենիքի «քաղցր օդի» դառը հեգնանքը. ինչու է թանկացել Երևան–Մոսկվա ավիատոմսերի գինը

100
թեգերը:
ավիատոմսեր, Տնտեսական մրցակցության պաշտպանության պետական հանձնաժողով (ՏՄՊՊՀ), Հայաստան
Արմեն Բադալյան

Վարչապետն Անվտանգության խորհուրդն օգտագործում է որպես ՀՀ նախագահին ճնշելու գործիք

26
(Թարմացված է 18:46 01.03.2021)
Քաղտեխնոլոգ Արմեն Բադալյանը Sputnik Արմենիայի եթերում անդրադարձել է ՀՀ ԱԽ խմբագրված հայտարարությանը, որով կառույցը ՀՀ նախագահին առաջարկում է բավարարել վարչապետի` ՀՀ ԶՈւ ԳՇ պետին պաշտոնից ազատելու միջնորդությունը և ստորագրել համապատասխան հրամանագիր։
Բադալյան. «ԱԽ–ն վարչապետի ձեռքին գործիք է դարձել` ՀՀ նախագահի վրա ճնշում գործարելու համար»

Անդրադառնալով մասնավորապես այն փաստին, որ ԱԽ–ն որոշ ժամանակ անց խմբագրել է իր հայտարարության նախնական տեքստը` դա պատճառաբանելով տեխնիկական խոտանի առկայությամբ, քաղաքագետ Արմեն Բադալյանն ընդգծեց, որ իհարկե փաստաթղթերում լինում է տեխնիկական խոտան, երբ հրապարակվող տեքստում պակասում են բառեր կամ տառեր, չի դրվում ստորակետ կամ այլ կետադրական նշան, իսկ այն, ինչ կապված է Անվտանգության խորհրդի հայտարարության հետ, նրա համոզմամբ, ուղղակի անփույթ աշխատանքի արդյունք է, որովհետև նման հայտարարություն հրապարակելուց առաջ նախ պետք է իմանալ` արդյո՞ք կոնկերտ կառույցն այդ բնույթի փաստաթուղթ հրապարակելու լիազորություն ունի, թե ոչ։

«Անհրաժեշտ էր նախապես ճշտել, թե հրապարակվող հայտարարությունը որքանով է համապատասխանում Սահմանադրությանը, հետո միայն  իրականացնել որոշակի գործողություններ։ Այն, ինչ տեղի ունեցավ Անվտանգության խորհրդի հետ, ցույց է տալիս, թե որքան փնթի է աշխատում պետական կարևորագույն ինստիտուտներից մեկը։ Դա ցույց է տալիս նաև, թե ինչպիսի տրամադրություններ կան իշխանության ներսում, որովհետև գաղտնիք չէ, որ վարչապետը մեծ ցանկություն ունի աշխատանքից ազատելու ԳՇ պետին, որը համարձակվել է իրեն չենթարկվել, ուստի իր նպատակին հասնելու համար օգտագործում է ցանկացած լծակ»,– նշեց քաղտեխնոլոգը։ 

Բադալյանի կարծիքով` ԱԽ–ն փոխանակ զբաղվի իր համար կարևոր գործառույթներով, պատերազմից հետո վերամշակի ու կյանքի կոչի քաղաքագիտական լուրջ, կենսական նշանակություն ունեցող ՀՀ անվտանգության հայեցակարգը, ընդամենը հանդիսանում է գործիք վարչապետի ձեռքին` ներքաղաքական գործընթացներում հարցեր պարզաբանելու և նախագահի վրա որոշակի ճնշում գործադրելու համար։ 

Քաղտեխնոլոգի գնահատմամբ` ԱԽ–ն երբեք պատրաստ չի եղել ներհայաստանյան մարտահրավերներին։ Ըստ նրա` այդ կառույցը պետք է մշակեր ոչ միայն իր, այլև առանձին ոլորտների անվտանգային հայեցակարգերը, իսկ արցախյան պատերազմի ընթացքում, որպես մարմին, ընդհանրապես գոյություն չուներ։ Բադալյանի խոսքով` Անվտանգության խորհուրդը վարչապետի ձեռքին միշտ էլ եղել է գործիք, իսկ հիմա ավելի բռի կերպով է օգտագործվում։ 

Հիշեցնենք, որ այսօր տարածած հայտարարության նախնական տարբերակում ԱԽ–ն ՀՀ նախագահին կոչ էր անում բավարարել վարչապետի` Գլխավոր շտաբի պետին պաշտոնից ազատելու միջնորդությունը և ստորագրել համապատասխան հրամանագիր, մինչդեռ ՀՀ Սահմանադրության մեջ չկա որևէ դրույթ այն մասին, որ Անվտանգության խորհուրդը մասնակցում է ԳՇ պետի նշանակմանը կամ կարող է կոչով հանդես գալ, որոնք սահմանափակում են ՀՀ նախագահի իրավունքը։  

Հայտարարության խմբագրված տեքստում ԱԽ–ն ՀՀ նախագահին կոչով դիմելու փոխարեն հանդես է եկել առաջարկություն անելու տարբերակով։

Անվտանգության խորհուրդն Արմեն Սարգսյանին հորդորում է բավարարել վարչապետի միջնորդությունը

26
թեգերը:
Նախագահ, Հայաստան, Անվտանգության խորհուրդ, Արմեն Բադալյան
Ըստ թեմայի
Հայկական սահմանամերձ տարածք. Ներքին Խնձորեսկում չգիտեն` որն է այժմ սահմանը. տեսանյութ
Ընդդիմությունը գերագնահատեց փետրվարի 20-ի հանրահավաքի դերը. քաղտեխնոլոգ
Հայտնի է` Հայաստանից ովքեր են ընդգրկված փոխվարչապետների պատվիրակության կազմում
Թևան Պողոսյան

Հուսամ, որ տասը զոհերի հիշատակն իշխանությանը կստիպի այսօր սրացումների չգնալ. Թևան Պողոսյան

33
(Թարմացված է 15:36 01.03.2021)
Մարդկային զարգացման միջազգային կենտրոնի ղեկավար Թևան Պողոսյանը Sputnik Արմենիայի եթերում անդրադարձել է Մարտի 1-ի գործի քաղաքական հետևանքներին և այն հարցին, թե դրանք ինչ ազդեցություն կունենան ներհայաստանյան հետագա զարգացումների վրա։ 
Պողոսյան. «Հուսամ, որ տասը զոհերի հիշատակն իշխանությանը կստիպի այսօր սրացումների չգնալ»

Թևան Պողոսյանի դիտարկմամբ` դատավարությունների ընթացքում ցավոք չի քննվում այն հարցը, թե ովքեր են սպանել տասը զոհերին, այլ գործը քննվում է հիմնականում քաղաքական առումով։ Ըստ նրա` այսքան ժամանակ փաստորեն ամեն ինչ ընթանում է այնպիսի հունով, որ մարդկանց մոտ կասկածներ են առաջացնում։

«Այդուհանդերձ այսօր ունենք տասը զոհերի հիշատակը հարգելու պարտավորություն, հուսամ` դա կստիպի, որ որևէ միջադեպ չգրանցվի, իշխանությունները սրացումների չեն գնա ու չենք ունենա բախումնային իրավիճակ, ավելի շատ կգիտակցեն, որ լարելով իրավիճակն ու բախումների տանելով` ոչ մի դրական բան ապագայի համար չեն կառուցի»,– նշեց Մարդկային զարգացման միջազգային կենտրոնի ղեկավարը։  

Պողոսյանի կարծիքով` երբ Մարտի 1-ի գործը քննվում էր նախորդ իշխանությունների ժամանակ, ընդդիմադիրները ասում էին, որ մինչև իշխանափոխություն չլինի, գործը չի բացահայտվի, հիմա գործն արդեն երեք տարի է, ինչ քննվում է իշխանափոխությունից հետո, սակայն դեռ չի բացահայտվել, և հենց սրա մեջ, ըստ նրա, պետք է գտնել բոլոր պատասխանները։ 

«Նախկինում նույնպես կար պառակտվածություն, երբ միջոցառումներին հանրության մի մասը չէր մասնակցում, բայց և կային դեպքեր, երբ հանրությունը հանդես էր գալիս միասնական դիրքերից։ Ցավոք սրտի, այսօր պառակտվածություն է նկատվում նաև հիշատակման օրերին, որովհետև խոսքը միայն այսօրվա երկու տարբեր ցույցերի մասին չէ, քանզի կան խմբեր, որոնք չեն մասնակցում կողմերից ոչ մեկի միջոցառումներին։ Ուրախ կլինեմ, եթե իշխանությունները մտածեն նաև ապագա սերունդների, այլ ոչ թե միայն իրենց իշխանությունը պահելու մասին»,– նշեց Մարդկային զարգացման միջազգային կենտրոնի ղեկավարը։

Մարտի 1-ին իշխանության ու ընդդիմության հանրահավաքները գրեթե միաժամանակ կմեկնարկեն

33
թեգերը:
Մարտի 1, Թևան Պողոսյան
Ըստ թեմայի
Մարտի 1-ին ԱԺ խորհրդի նիստ կգումարվի
«Վաղը նոր «Մարտի 1» չի լինելու»․ Փաշինյանն ի ցույց կդնի նախագահի որոշման անհիմն լինելը
Մարտի 1-ին որտե՞ղ էր Քերոբյանը, կամ ի՞նչ վիճակում է նախկինում «քերթվող» բիզնեսմենն այսօր
Եվրամիության դրոշներ

Թույլ կտա՞ն Եվրոպա մեկնել «քաղաքականապես սխալ պատվաստանյութով»

0
Աշխարհում հիմա շատ պատվաստանյութեր կան ու հավանաբար ավելի շատ կլինեն, բայց առայժմ հայտնի չէ, թե որ դեղերով պատվաստումներն են ԵՄ-ական վկայագիր ստանալու իրավունք տալու մարդկանց:

Մաքսիմ Սոկոլով, ՌԻԱ Նովոստի

Կանցլեր Անգելա Մերկելը ելույթ է ունեցել ԵՄ դիվանագիտական գերատեսչությունների ղեկավարների խորհրդակցության արդյունքների ամփոփման ժամանակ և ասել, որ համաձայնության են եկել պատվաստման վկայական սահմանելու անհրաժեշտության շուրջ. առանց վկայականի չի թույլատրվի ԵՄ մուտք գործել: Համաձայնությունն առայժմ սկզբունքային է, նախագիծը մանրամասն կներկայացվի երեք ամսից։

Ռուսական ասացվածք կա՝ «Սատանան մանրուքների մեջ է»: Այս դեպքում դա վերաբերում է նաև պատվաստում ստացածի անձնագրին։

Անհասկանալի է, թե ինչպես պետք է վարվեն մարդիկ, որոնք պատվաստումների հակացուցումներ ունեն։ Քիչ թե շատ հասկանալի է ժամանակավոր հակացուցումների դեպքերը, օրինակ` եթե մարդը նոր է ապաքինվել կորոնավիրուսից: Ինչպես այլ վարակիչ հիվանդություններից հետո, այս դեպքում նույնպես բավական է սպասել ու հետո հանգիստ պատվաստվել: Բայց չէ՞ որ կան նաև մշտական, խրոնիկ հիվանդություններ: Ու ինչպե՞ս պետք է վարվեն այդպիսի հիվանդություններ ունեցողները։ Խրոնիկ հիվանդությունները ծանր են, և հիվանդները շուտով կմեռնեն: Ստացվում է` չկա մարդ, չկա խնդիր։ Եվ ընդհանրապես ծանր խրոնիկ հիվանդություններ ունեցող մարդիկ ի՞նչ գործ ունեն Եվրոպայում։

Սակայն դրանով ամեն ինչ չի սահմանափակվում։

Աշխարհում հիմա շատ պատվաստանյութեր կան ու հավանաբար ավելի շատ կլինեն, և ո՞ր դեղերով պատվաստումներն են ԵՄ-ական վկայագիր ստանալու իրավունք տալու:

Ռուսաստանում գրանցվել է կորոնավիրուսի դեմ երրորդ`«ԿովիՎակ»  պատվաստանյութը

Եվրատլանտյան եռյակի հետ (Pfizer / BioNTech, Moderna, AstraZeneca) բյուրոկրատական խոչընդոտներ երևի չեն լինի:

Սակայն ռուսական («Սպուտնիկ-V» և «ԷպիՎակԿորոնա) ու չինական (Sinovac Biotech, CanSino Biologics, CNBG – Sinopharm) պատվաստանյութերի դեպքում հարցը կարող է բարդանալ։ Դրանք որքան ասես բուժիչ կարող են լինել, բայց քանի դեռ Բրյուսելի վերահսկիչ մարմինները պաշտոնապես չեն հաստատել, դրանցով պատվաստված քաղաքացիները, ամենայն հավանականությամբ, սահմանն անցնելու համար անհրաժեշտ հավաստագիր չեն ստանա։ Քանի որ ոչ ժողովրդավարական ծագման պատվաստանյութի կազդուրիչ հատկությունների կամ վնասակարության հարցը ոչ միայն բժշկական է, այլև քաղաքական:

Իսկ թե ինչ է ստացվում, երբ գործին խառնվում է քաղաքականությունը, այսինքն ՝ «ժողովրդավարության առաջխաղացումը vs տոտալիտարիզմի հարձակումը», մենք տեսնում ենք «Հյուսիսային հոսք–2»-ի օրինակով, երբ ռուսական ածխաջրածինն ավելի վտանգավոր է դառնում, քան «Ցիկլոն-Բ»-ն։ Ինչպես ասում են, եթե երկրաչափական տեսությունները կապ ունենային մարդկանց շահերի հետ, դրանց պատճառով պատերազմներ կլինեին։ Իսկ եթե ոչ ժողովրդավարական ծագման պատվաստանյութը չճանաչելով հնարավոր է օտարերկրյա տերությանը տհաճություն անել, ինչո՞ւ չանել։

Հատկանշական է Եվրահանձնաժողովի ղեկավար Ուրսուլա ֆոն դեր Լյայենի վերջին (փետրվարի 17) հայտարարությունը. «Ինչո՞ւ է Ռուսաստանը տեսականորեն այլ երկրներին առաջարկում միլիոնավոր դեղաչափեր, բայց դրա հետ մեկտեղ բավարար առաջընթաց չի գրանցել սեփական բնակչության պատվաստման գործում: Սա այն հարցն է, որը պետք է պատասխան ունենա»։

Պատվաստանյութերի դեֆիցիտը ստիպել է ԵՄ–ին ուշադրություն դարձնել «Սպուտնիկ V»–ին

Դժվար է ասել, թե ինչ է բավարար առաջընթացը։ Եվ տեղի՞ն է արդյոք, որ եվրոպացի պաշտոնյաները բարձրացնեն այդ թեման, երբ Եվրոպայում առաջընթացն ակնհայտորեն բավարար չէ։ Այլապես Հունգարիան «Սպուտնիկ» չէր գնի, և Չեխիան, Ավստրիան, Իտալիան չէին մտածի նույնը անելու մասին։ «Ի՞նչ են անում «Սպուտնիկը», երբ ամեն քայլափոխի «Պֆայզերի» պատվաստման կետեր կան։

Հնարավոր է, որ ֆրաու Ուրսուլան վրդովված է 19-րդ դարի վերջին հացի արտահանման պրակտիկայի վերարտադրումից՝ «թերսնված կմնանք, բայց կարտահանենք»։ Դժվար է ասել` այսօրվա առողջապահության նախարարությունը ճշգրտորեն հետևում է այն ժամանակվա ֆինանսների նախարար Վիշնեգրադսկու սկզբունքներին, թե ոչ: Իսկ ավելի դժվար է հասկանալ, թե դա ինչ կապ ունի ռուսական պատվաստանյութի արդյունավետության հետ։ Կա՛մ արդյունավետ է, կա՛մ ոչ։ Մինչդեռ Ռուսաստանի կողմից սեփական բնակչության պատվաստման հարցում բավարար առաջընթացի հասնելը դժվար թե Բրյուսելի գլխավոր հոգսը լինի։

Այլ բան է, երբ պետք է ռուսական պատվաստանյութն ամեն գնով անտեսել։ Մասնավորապես վիզայի տրամադրման համար դրանով պատվաստումը հիմք չհամարել։

Իհարկե, ամեն ինչ չէ, որ կախված է Ուրսուլայից ու նրա համախոհներից։ Բացի այն մարդկանցից, որոնք ցանկանում են խուսափել Ռուսաստանից՝ դրա համար օգտագործելով ցանկացած առիթ, ինչպես նաև պատրվակ։ Կան նաև այլ շահեր ունեցող խմբեր։

Օրինակ`թեև ռուսաստանցիների եկամուտները խիստ նվազել են, բայց ոչ այնքան, որ արտագնա զբոսաշրջությունն անհնար դառնա։ Իսկ եվրոպական շատ երկրներ (Իտալիա, Ֆրանսիա, Հունաստան.), որտեղ վարակի տարածումից առաջ զբոսաշրջությունն ապահովել է ՀՆԱ-ի 10-15 տոկոսն ու բնակչության զգալի մասի զբաղվածությունը, քնում ու տեսնում են, թե ինչպես են վերադառնում նախավարակային ժամանակներն ու ռուս զբոսաշրջիկների փողերը:

Կարելի է, իհարկե, եվրոպացիներին ոգևորել ընկեր Մ․Ա․Սուսլովի խոսքով՝ «Գաղափարախոսության հարցում չենք տնտեսում», այդ թվում ՝ վիզային սերտիֆիկացման առումով, բայց նման երկարաժամկետ քաղաքականությունը հղի է տարբեր անակնկալներով։

Այնպես որ այն հարցը, թե որ պատվաստանյութը երեք ամիս անց կհաստատի հայցողի հուսալիությունը՝ մուտքի արտոնագրի ստանալու համար, սուր վեճերի առարկա կդառնա ֆրաու ֆոն դեր Սուսլովի ու «ինչ ուզում է լինի, միայն թե աշխատի» մանր բուրժուական սկզբունքի կողմնակիցների միջև։

Սա առանձնացնում է պատվաստանյութը մյուսներից. մասնագետը նշել է Սպուտնիկ V–ի առավելությունը

0
թեգերը:
պատվաստանյութ, համավարակ, կորոնավիրուս, Եվրոպա
թեմա:
Կորոնավիրուսը աշխարհում
Ըստ թեմայի
Ի՞նչ վտանգ է ներկայացնում կորոնավիրուսն ատամների համար. գիտնականների նոր բացահայտումը
Ճառագայթումն ընդդեմ կորոնավիրուսի․ գիտնականները բուժման նոր մեթոդ են մշակում
Գիտնականներն ասել են, թե մարդկությունը քանի տարի է կորցրել կորոնավիրուսի պատճառով