Տիգրան Քեյան

Ինչպես թեթևացնել Երևանի կենտրոնի երթևեկությունը. Քեյանը` կարմիր գծերի և կայանատեղերի մասին

257
(Թարմացված է 23:29 09.02.2021)
«Վարորդի ընկեր» ՀԿ նախագահ Տիգրան Քեյանը Sputnik Արմենիայի եթերում անդրադարձել է հունվարի 20-ից ուժի մեջ մտած օրինագծին, որի համաձայն` Երևանում այսուհետ կարմիր գծեր կլինեն միայն Կենտրոն վարչական շրջանում և Արաբկիր վարչական շրջանի որոշ հատվածներում։
Քեյան. Կարմիր գծերի նախագիծն ու կայանատեղերի առաջարկը երթևեկության թեթևացմանը չեն նպաստի

Տիգրան Քեյանի դիտարկմամբ` երկու նախագծերն էլ, որպես այդպիսիք, երթևեկության թեթևացմանը չեն նպաստի։ Ըստ նրա` խնդիրն առնչվում է կենտրոնին և դրան հարող շրջանների ծանրաբեռնվածությանը, իսկ ծայրամասերում կարմիր գծերի կամ կայանատեղերի հարց այսպես թե այնպես չկար։

«Ըստ օրենքի` կայանատեղիների համար չվճարող քաղաքացիներին վարչական պատասխանատվության ենթարկելիս արդեն լուսանկարների վրա չեն հիմնվելու, այլ 15 րոպեանոց տեսանյութի, իսկ նման տեսանյութ կարող են տրամադրել միայն Կենտրոն և Արաբկիր շրջանների փողոցներից, որովհետև միայն դրանցում տեղադրված կարմի գծերն են կահավորված համապատասխան տեսանկարահանող սարքերով»,– նշեց «Վարորդի ընկեր» ՀԿ նախագահը։

Քեյանի կարծիքով` ծառայողական կայանատեղիների պարագայում դրական է այն, որ անկանոն կայանված մեքենաների հարցը կլուծվի, ինչը դարձել է բեռ մայրաքաղաքի համար։ Հիմա վարձակալությամբ տրվող կամ վաճառքի հանված մեքենաները կտարհանվեն այն տարածքներից, որտեղ կայանելն արդեն չի թույլատրվում։ Ըստ նրա` սա որոշ չափով կնպաստի նաև երթևեկության կանոնակարգմանը։

«Վարորդի ընկեր» ՀԿ նախագահի փոխանցմամբ` ծառայողական կայանատեղերը հատկացվելու են նպատակային, այսինքն` տրվելու են օրինակ հյուրանոցներին, ժամանցային վայրերին, առևտրի կենտրոններին, որտեղ կա  մարդկանց մեծ հոսք։ Իսկ ինչ վերաբերում է այն հարցին, որ մեքենաների թվաքանակը սրընթաց ավելանում է, և կարող են լինել ուրբանիզացիոն բնույթի խնդիրներ, ապա Քեյանն ընդգծեց, որ քաղաքային իշխանությունը շատ անելիքներ ունի, ինչպես նաև կարևորեց մայրաքաղաքում շրջանցիկ ճանապարհներ կառուցելու խնդիրը, ինչի շնորհիվ կենտրոնը զգալիորեն կթեթևանա։ 

Հիշեցնենք, որ օրենքով նախատեսվում է Երևանի 12 վարչական շրջաններից 10-ում վերացնել կարմիր գծերը: Դրանից բացի Երևանի քաղաքապետարանն այլևս երկու լուսանկարի միջոցով չի կարողանա տուգանել քաղաքացիներին: Oրենքի նախագիծը հունվարի 20-ին ընդունվեց 84 «կողմ» և 7 «դեմ» ձայներով: Այն  առաջարկել են «Իմ քայլը» խմբակցության պատգամավորներ Սիսակ Գաբրիելյանը և Արուսյակ Ջուլհակյանը։

Կարմիր գծերն իրենց սպառել են. փորձագետը` Երևանի վճարովի կայանատեղիներից հրաժարվելու մասին

Իսկ  Երևանի քաղաքապետարանի աշխատակազմի տրանսպորտի վարչության պետ էդգար Գալստյանն ավագանու նիստում ներկայացրեց 2013-ից 2020 թվականի ընթացքում կազմակերպված ծառայողական ավտոկայանատեղերի շահագործումը շարունակելու իրավունք տալու մասին ավագանու որոշման նախագիծը, որն ընդունվեց:

257
թեգերը:
Ավտոկայանատեղի, կարմիր գծեր, երթևեկություն, Երևան
Արման Աբովյան

«Արդյունավետ էր». Արման Աբովյանը նախագահի հետ հանդիպումից մանրամասներ է հայտնել

30
(Թարմացված է 19:21 26.02.2021)
«Բարգավաճ Հայաստան» խմբակցության քարտուղար Արման Աբովյանը Sputnik Արմենիայի եթերում ներկայացրել է, թե ինչ են քննարկել ՀՀ նախագահի հետ։
«Արդյունավետ էր». Արման Աբովյանը նախագահի հետ հանդիպումից մանրամասներ է հայտնել

«Բարգավաճ Հայաստան» խմբակցության քարտուղար Արման Աբովյանը նախագահ Արմեն Սարգսյանի հետ հանդիպումն ընդհանուր առմամբ արդյունավետ է գնահատում։ Ասում է` քննարկել են վերջին զարգացումների ֆոնին ՀՀ-ում ստեղծված իրավիճակը, ԲՀԿ-ն էլ վերահաստատել է իր դիրքորոշումը` վարչապետը պետք է հեռանա։

«Քննարկվել են բոլոր այն իրադարձությունները, որոնք տեղի են ունենում, ընդ որում թիրախավորված չեն քննարկվել, ընդհանուր կոնտեքստի մեջ»,- Sputnik Արմենիայի հետ զրույցում ասաց պատգամավորը։

Նրա խոսքով` հանրապետության նախագահը փորձում էր հասկանալ խորհրդարանական ֆրակցիաների դիրքորոշումը, պարզել` տարբեր քաղաքական ուժերի տեսակետները փոխվել են, թե ոչ և առհասարակ ինչ է կատարվում։ 

«Քաղաքական ուժերի հետ հանդիպումներն առանձին են եղել և ես տեղյակ չեմ մյուս հանդիպումների մանրամասներից ։ Լուծումների մասին առայժմ խոսք չի եղել»,- նշեց նա։

Մեկնաբանելով ԱԺ նախագահ Արարատ Միրզոյանի` ԱԺ խորհրդի նիստին չներկայանալու, հետևաբար այն տապալելու իրողությանը` Աբովյանը նշեց, որ այդպիսով ԱԺ նախագահը սաբոտաժի է ենթարկում ՀՀ կարևորագույն ինստիտուտը։ 

Հիշեցնենք` ավելի վաղ ՀՀ նախագահ Արմեն Սարգսյանի պաշտոնական կայքը հայտնել էր, որ  Սարգսյանը, իր կողմից նախաձեռնած քննարկումների շրջանակում հանդիպումներ է ունեցել Ազգային ժողովի «Իմ քայլը» խմբակցության ղեկավար Լիլիթ Մակունցի, «Լուսավոր Հայաստան» խմբակցության ղեկավար էդմոն Մարուքյանի և «Բարգավաճ Հայաստան» խմբակցության քարտուղար Արման Աբովյանի հետ:

30
թեգերը:
Հայաստան, Արմեն Սարգսյան, Բարգավաճ Հայաստան կուսակցություն (ԲՀԿ), Արման Աբովյան
թեմա:
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո
Ըստ թեմայի
Նախագահը ԳՇ պետի ազատման մասին վարչապետին առարկություն չի ուղարկել
Հայտնի է, թե ինչ են քննարկել Հայրենիքի փրկության շարժման անդամները ՀՀ նախագահի հետ
Հայաստանյան ժողովրդավարությունը պետք է դիմակայի. Ֆրանսիայի ԱԳՆ–ն երկխոսության կոչ է արել
Արխիվային լուսանկար

Ադրբեջանը փորձում է գերիների հարցը սակարկել. ՀՀ փոխվարչապետի խոսնակ

44
(Թարմացված է 18:54 26.02.2021)
Նժդեհ Հովսեփյանի խոսքով` Ալիևի հայտարարություններն ու գործողությունները հակասում են 2020 թվականի նոյեմբերի 9-ի եռակողմ հայտարարության ոգուն, տրամաբանությանը և մասնավորապես 8-րդ կետին։
Ադրբեջանը փորձում է գերիների հարցը սակարկել. ՀՀ փոխվարչապետի խոսնակ

Ադրբեջանի նախագահի հայտարարությունը խաթարում է Կարմիր Խաչի և Ռուսաստանի Դաշնության կողմից իրականացվող գերիների փոխանակման միջնորդական գործընթացը։ Sputnik Արմենիայի հետ զրույցում նման կարծիք հայտնեց ՀՀ փոխվարչապետ Տիգրան Ավինյանի մամուլի խոսնակ Նժդեհ Հովսեփյանը` մեկնաբանելով Ադրբեջանի նախագահ Իլհամ Ալիևի այն հայտարարությունը, թե Բաքուն բոլոր ռազմագերիներին հանձնել է Երևանին, և որ Ադրբեջանում հիմա միայն հայ դիվերսանտներ են մնացել:

«Հայաստանը որևէ տեղ դիվերսանտներ և ահաբեկիչներ չունի և նման ձևակերպումները հերթական անգամ փաստում են, որ Ադրբեջանը փորձում է գերիների հարցը դարձնել սակարկությունների առարկա»,- ասաց նա։

Հովսեփյանի խոսքով` այդօրինակ հայտարարություններն ու գործողությունները հակասում են 2020 թվականի նոյեմբերի 9-ի եռակողմ հայտարարության ոգուն, տրամաբանությանը, մասնավորապես հայտարարության 8-րդ կետին, որտեղ նշված է, որ կողմերը պարտավորվում են փոխանակել ռազմագերիներին և ձերբակալված անձանց, ինչպես նաև զոհվածների մարմինները։

Անդրադառնալով ԱԱԾ նախկին տնօրեն, «Հայրենիք» կուսակցության նախագահ Արթուր Վանեցյանի հայտարարությանը, թե իր իշխանության գալու պարագայում գերիների վերադարձի հարցն ընդամենը օրերի խնդիր է, Հովսեփյանը նշեց, որ նման հայտարարություններ կարող է անել յուրաքանչյուր ոք, բայց, ըստ նրա, դրանք լուրջ չեն։

Ի՞նչ է նշանակում գերիներ չկան. Վանեցյանը խոստանում է մի քանի օրում վերադարձնել գերիներին

 

44
թեգերը:
հայտարարություն, Իլհամ Ալիև, գերի
Ըստ թեմայի
Արցախի կարգավիճակ, գերիների վերադարձ. էլ ինչ են քննարկել Հայաստանի և Արցախի ԱԳ նախարարները
ՀՀ նախագահն ու Մուրադովը հանդիպում են. քննարկվում է գերիների հարցը
Ադրբեջանը շարունակում է որպես գործիք օգտագործել գերիների վերադարձի հարցը. Այվազյան
Մայր աթոռ Սուրբ Էջմիածին

Մայր աթոռն իշխանություններին կոչ է անում բանակի որդեգրած մտահոգ կեցվածքից հետևություն անել

2
(Թարմացված է 19:35 26.02.2021)
Հոգևորականները Մայր Աթոռում ժողով են գումարել` անդրադառնալով երկրում ստեղծված իրավիճակին և մտահոգությունն է հայտնելով իրավիճակի հաղթահարման ուղղությամբ ՀՀ իշխանությունների կատարած քայլերի անարդյունավետության առնչությամբ։

ԵՐԵՎԱՆ, 26 փետրվարի - Sputnik. Գերագույն հոգևոր խորհուրդը հորդորում է զգուշավորություն դրսևորել հայոց բանակի և զորականների առնչությամբ գնահատականների հարցում։ Մայր աթոռի տեղեկատվական կենտրոնի ղեկավար տեր Վահրամ քահանա Մելիքյանը ֆեյսբուքյան իր էջում տարածել է Մայր Աթոռ Սուրբ Էջմիածնում գումարված Գերագույն հոգևոր խորհրդի հայտարարությունը։

Դեռ նախորդ տարվա դեկտեմբերի 8-ին Ամենայն Հայոց կաթողիկոս Գարեգին երկրորդը հորդորել էր վարչապետ Նիկոլ Փաշինյանին հանձնառություն ստանձնել և վայր դնել վարչապետի լիազորությունները։ Գերագույն հոգևոր խորհուրդն այժմ էլ վերահաստատում է առկա կացության հանգուցալուծման շուրջ Մայր Աթոռի արտահայտած դիրքորոշումները։

«Օրհասական վիճակի լրջագույն ցուցիչ դիտարկելով հայրենիքի անվտանգության երաշխավոր հանդիսացող հայոց բանակի որդեգրած մտահոգ կեցվածքը՝ կոչ ենք անում ԱԺ-ին և իշխանության մյուս կառույցներին՝ անհրաժեշտ հետևություններն անել և պատասխանատվության բարձր գիտակցությամբ գործել ի սեր հայրենիքի»,–նշված է խորհրդի հաղորդագրության մեջ։

Միաժամանակ, հորդորում են ժողովրդին պահպանել հանդարտություն, վարվել խոհեմությամբ, օրինահարգությամբ և ամենայն պատասխանատվությամբ՝ չդադարելով լինել նախանձախնդիր և հետևողական հայրենիքի շահերի պաշտպանության գործում։ Հորդորում են իրավապահներին` զերծ մնալ խաղաղ ցույցերի և հավաքների ժամանակ բռնություններից և անհամաչափ ուժի կիրառությունից։

Խորհուրդն արձանագրել է նաև, որ պատերազմի հետևանքով հայրենիքում տիրում է քաղաքական ծանր իրադրություն, որն օրեցօր խորացնում է տնտեսական, սոցիալական և հասարակական խնդիրները։ Բացի այդ, խորհուրդն իր մտահոգությունն է հայտնում  իրավիճակի հաղթահարման ուղղությամբ ՀՀ իշխանությունների կատարած քայլերի անարդյունավետության, հասարակական-քաղաքական կարևորագույն հարցերի վերաբերյալ խնդրահարույց դիրքորոշումների առնչությամբ։

ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։

Նույն օրը Երևանում զուգահեռ հանրահավաքներ ու բողոքի երթեր անցկացվեցին։ Նիկոլ Փաշինյանն ու իր կողմնակիցները հավաքվել էին Հանրապետության հրապարակում, իսկ ընդդիմադիրները` Հայրենիքի փրկության շարժման նախաձեռնությամբ Ազատության հրապարակում պահանջում էին Նիկոլ Փաշինյանի հրաժարականը։

Նրանք հայտարարել են, որ Բաղրամյան պողոտայում` ԱԺ-ի դիմաց, անժամկետ նստացույց են իրականացնելու։

2
թեգերը:
Ամենայն Հայոց կաթողիկոս Գարեգին Բ, Հրաժարական, Նիկոլ Փաշինյան, Բանակ, Վարչապետ, Հայաստան, Մայր Աթոռ Սուրբ Էջմիածին
Ըստ թեմայի
Անհապաղ ազատ արձակել Ադրբեջանում գերության մեջ պահվող հայ գերիներին. Ժոզեֆ Սիգելե
«Անհետաձգելի գործեր ունեի».ԿԳՄՍ նախարարը` վարչապետի հանրահավաքին չմասնակցելու մասին
«Արդյունավետ էր». Արման Աբովյանը նախագահի հետ հանդիպումից մանրամասներ է հայտնել