Գևորգ Կոստանյան

Իշխանությունը քաղաքականացնում է ոստիկանության համակարգը. Կոստանյանը` ՆԳՆ ստեղծելու մասին

131
(Թարմացված է 23:17 08.02.2021)
ՀՀ նախկին գլխավոր դատախազ Գևորգ Կոստանյանի հետ Sputnik Արմենիայի եթերում զրուցել ենք ոստիկանության համակարգում նախատեսվող բարեփոխումների և ներքին գործերի նախարարություն ստեղծելու նախագծի մասին։
«Ներքին գործերի նախարարության ստեղծումը կքաղաքականացնի համակարգը». Կոստանյան

Ներքին գործերի նախարարության ստեղծումն ու պարեկային ոստիկանության համակարգի ներդրումը հասարակության ուշադրությունը շեղելու նպատակ են հետապնդում։ Sputnik Արմենիայի հետ զրույցում նման կարծիք հայտնեց ՀՀ նախկին գլխավոր դատախազ Գևորգ Կոստանյանը` անդրադառնալով ոստիկանության համակարգում նախատեսվող փոփոխություններին։ 

Կոստանյանն այստեղ նաև լրջագույն վտանգներ է տեսնում։

«Խոսքը վերաբերում է ոչ միայն համակարգի աշխատանքի դժվարությանը, այլ երկրի հասարակական անվտանգության պահպանության և ոստիկանության ապաքաղաքականացվածության երաշխավորմանը»,- ասաց նա։ 

Նախկին գլխավոր դատախազն ասում է` առաջ էլ, երբ կառույցը նախարարության կարգավիճակ ուներ, շատ լավ աշխատում էր, բայց քաղաքականացված լինելու վտանգեր էր պարունակում։ Դա է պատճառը, որ որոշում կայացվեց ոստիկանությանը «զրկել» նախարարության կարգավիճակից։

«Հանցավորության դեմ պայքարը և հասարակական կարգի պաշտպանությունը չպետք է որևէ կերպ քաղաքականացված լինեն, քաղաքականացված լինելը խանգարելու է և՛ ոստիկանությանը, և՛ հասարակական կարգի պաշտպանությանը»,- ընդգծեց Կոստանյանը։

Նրա խոսքով` ոչ թե պետք է վերցնել ու ձևական ներդնել այս կամ այն երկրում կիրառվող ինստիտուտները, այլ մանրակրկիտ ծանրութեթև անել դրա արդյունավետությունը։ Կոստանյանը համոզված է` բարեփոխումների արդյունքում նախատեսվող մասնավոր դեդեկտիվի ինստիտուտը ևս դատապարտված է ձախողման։ 

«Մեր հասարակության պայմաններում դա անընդունելի է, ասեմ` ինչու, որովհետև մեր պետությունը շատ փոքր է և հասարակությունը շատ միատարր է, բոլորը բոլորին ճանաչում են։ Այստեղ մասնավոր դեդեկտիվի ինստիտուտը չի աշխատելու»,- Կոստանյանը։ 

Նշանակվել են Արցախի ոստիկանության ու ԱԻՊԾ ղեկավարներ

Հիշեցնենք` ՀՀ դատական և իրավական բարեփոխումների 2019-2023 թվականների ռազմավարությունը և դրանից բխող գործողությունների ծրագրերը կառավարությունը հաստատել էր 2019թ–ի հոկտեմբերի 10-ին։

Ռազմավարությունից բխող բոլոր գործողությունների ծրագրերը միասին գնահատվել են 20 մլրդ 282 մլն 44 հազար դրամ:

131
թեգերը:
Իշխանություն, Նիկոլ Փաշինյան, Հայաստան, նախարարություն, Գևորգ Կոստանյան, ՀՀ Ոստիկանություն
Նիկոլ Փաշինյան. արխիվային լուսանկար

Ժողովրդի կամքը, Սահմանադրությունն ու իրականությունը. ինչպե՞ս ազատվել այս իշխանությունից

197
(Թարմացված է 21:24 06.03.2021)
Քաղաքագետ Ստեփան Դանիելյանը Sputnik Արմենիայի եթերում անդրադարձել է այսօրվա հանրահավաքում Վազգեն Մանուկյանի հնչեցրած կոչերին, որոնք առնչվում են ցանցային պայքարի մարտավարությանն ու համաժողովրդական անհնազանդությանը։ 
Դանիելյան. «Իմքայլականներն» այժմ ստանում են այն, ինչ ժամանակին իրենք են արել

Ստեփան Դանիելյանի դիտարկմամբ`Վազգեն Մանուկյանը նկատի ունի այն, որ թեև կան մեծ դժգոհություններ գործող իշխանությունից և մեծամասնությունը համարում է, որ այն պետք է հրաժարական տա, սակայն կա նաև տարբեր վերաբերմունք հարթակում գտնվող ուժերի նկատմամբ և այդ առումով` գերնպատակը պետության փրկությունն է, գործող իշխանության հեռացումը։ Պայքար չի գնում իշխանության համար, հետևաբար, պետք է միավորվել գաղափարի, այլ ոչ թե միայն հարթակում կանգնած ուժերի ձևաչափի շուրջ։

«Պետք է միավորվել գերխնդիրը լուծելու համար, իսկ թե հետագայում ով կգա իշխանության, կորոշվի ընտրությունների ժամանակ։ Այսպես թե այնպես, լինելու է ժամանակավոր կառավարություն, ուստի անհրաժեշտ է այս փուլում միավորվել նպատակի շուրջ, այլ ոչ թե քննարկել, թե ովքեր կարող են լինել ընդդիմության շարքերում, ինչը բոլորովին այլ հարց է»,– նշեց քաղաքագետը։

Դանիելյանի կարծիքով` պայքարի տարբեր մարտավարությունները կարելի է համադրել, այսինքն` պայքար մղել և՛ միասնաբար, և՛ ցանցային տարբերակով, տարբեր բևեռների միջոցով, որովհետև բոլորի ցանկությունն այսպես թե այնպես նույնն է` հեռացնել գործող իշխանությանը, հասնել նրա հրաժարականին։  

«Տարբեր երկրների ու նաև Հայաստանի Սահմանադրության մեջ գրված է, որ իշխանությունը պատկանում է ժողովրդին ու պետք է արտահայտի նրա կամքը։ Այդ կետն ամրագրված է ժողովրդավարական երկրներում։ Եթե իշխանությունը դուրս է գալիս ժողովրդի կամքի դեմ, ժողովուրդն ապստամբելու, ուժ կիրառելու իրավունք ունի։ Ի դեպ, նման հռետորաբանություն օգտագործում էր այն ուժը, որը 2018 թվականին եկավ իշխանության, բայց հիմա նույն ուժն անընդհատ շահարկելով ժողովրդի անունը` իրականացնում է հակասահմանադրական գործողություններ»,– նշեց քաղաքագետը։

Դանիելյանի խոսքով` եթե վերընթերցենք իմքայլական պատգամավորների այն ժամանակվա ելույթները, ակնհայտ է, որ նրանք նույնպես իրենց քայլերը բացատրում էին ժողովրդի կամարտահայտությամբ, որ ժողովրդի կամքը բարձր է Սահմանադրությունից, բայց այժմ նրանք ստանում են այն, ինչ արել են ժամանակին։

Արմեն Սարգսյանը Հայրենիքի փրկության շարժման ղեկավարների հետ հանդիպում է խնդրել

Ինչպես իրենք էին ժողովրդին կոչ արել ուժ կիրառել Ազգային ժողովի նկատմամբ, շրջափակել օրենսդիր մարմնի շենքը, հիմա նույնն, ըստ Դանիելյանի, կարելի է կատարել նրանց նկատմամբ։  

Եթե նախագահը ՍԴ չդիմի, Շուշիի անկումն իր խղճի վրա է. Վազգեն Մանուկյան

197
թեգերը:
Նիկոլ Փաշինյան, Իշխանություն, Վազգեն Մանուկյան, ընդդիմություն, Ստեփան Դանիելյան
Ըստ թեմայի
Գուցե Ադրբեջանը մեր իշխանության վրա ճնշման այլ լծակներ ունի, որոնց մասին տեղյակ չենք
ԱԺ երկու ֆրակցիաները կարծես խաղի մեջ են և՛ ընդդիմության, և՛ իշխանության հետ. Դանիելյան
«Սխալ կլինի թողնել, որ Փաշինյանն իր թիմով մասնակցի ընտրություններին ու վերարտադրվի»
Սուրեն Սարգսյան

ՀՀ վարչապետի հետ խոսում է ոչ թե ԱՄՆ–ի նախագահը, այլ պետքարտուղարը. ի՞նչ է դա նշանակում

155
(Թարմացված է 19:37 06.03.2021)
Ամերիկյան հետազոտությունների հայկական կենտրոնի տնօրեն Սուրեն Սարգսյանը Sputnik Արմենիայի եթերում անդրադարձել է ՀՀ վարչապետի ու ԱՄՆ պետքարտուղարի միջև կայացած հեռախոսազրույցին և դրանով պայմանավորված որոշ իրողությունների։
Սարգսյան. «ՀՀ վարչապետի հետ խոսել է ԱՄՆ–ի պետքարտուղարը, ինչը մակարդակի որոշակի իջեցում է»

Սուրեն Սարգսյանի փոխանցմամբ` թեև պաշտոնական հաղորդագրության համաձայն քննարկվել են երկկողմ օրակարգային հարցեր, բայցևայնպես, մանրամասներ նշված չեն, թե կոնկրետ ինչ հարցեր են քննարկվել և ինչ խնդիրներ են միմյանց առջև դրել գործընկերները։ 

«Հեռախոսազրույցն ինքնին հետաքրքիր էր այն առումով, որ նախ ԱՄՆ–ի նախագահն ու փոխնախագահը վերջին օրերին շատ ակտիվ հեռախոսազրույցներ են ունենում տարբեր երկրների գործընկերների հետ, տարբեր պետությունների ղեկավարների հետ, բայց կոնկրետ Հայաստանի պարագայում վարչապետի հետ խոսում է ոչ թե ԱՄՆ–ի նախագահը կամ փոխնախագահը, այլ պետքարտուղարը, ինչը նշանակում է, որ մեր հարաբերություններում որոշակի մակարդակի իջեցում կա, մինչդեռ մյուսների հետ ամերիկյան կողմը խոսում է հավասարը հավասարի հետ»,– նշեց Ամերիկյան հետազոտությունների հայկական կենտրոնի տնօրենը։

Սարգսյանը հիշեցրեց, որ մի քանր օր առաջ էլ տեղի էր ունեցել հեռախոսազրույց ՀՀ արտգործնախարարի ու ԱՄՆ–ի պետքարտուղարի տեղակալի միջև, ինչը նույնպես վկայում է այն մասին, որ կայացել է երկխոսություն ավելի ցածր մակարդակով։ 

Նույնիսկ իմպիչմենտի ֆոնին Թրամփի վարկանիշը չի ընկել. Սուրեն Սարգսյան

«Չեմ կարծում, որ սա պատահականություն է, որովհետև նման մակարդակներում պատահականություններ չեն լինում, պարզապես խնդիրն այն է, որ մենք ներկա պահին Միացյալ Նահանգների հետ չունենք օրակարգային լուրջ հարցեր, որոնք պետք է քննարկվեն պետությունների ղեկավարների մակարդակով։ Դրա համար էլ ունենք այսպիսի իրավիճակ, երբ վերնախավերի միջև տեղի են ունենում զուտ ճանաչողական հեռախոսազանգեր, բայց միմյանց ճանաչում են ոչ թե վարչապետն ու նախագահը կամ փոխնախագահը, այլ վարչապետն ու պետքարտուղարը»,– նշեց Ամերիկյան հետազոտությունների հայկական կենտրոնի տնօրենը։

Սարգսյանի դիտարկմամբ` որպեսզի հայ–ամերիկյան հարաբերությունները շտկվեն և գոնե գան նախկին մակարդակին, անհրաժեշտ է, որ հայկական կողմը նախաձեռնողականություն ցուցաբերի, առաջարկի կոնկրետ գաղափարներ, որովհետև փոխգործակցության հիմքում երկուստեք շահերն են, սակայն Հայաստանն այդ հարցում առայժմ պասիվ է։

Ըստ նրա` եթե խոսքն առնչվում է երկկողմ հարաբերություններին, ապա այստեղ առաջին հերթին պետք է խոսել հայկական պետության դիվանագիտության, մեր արտաքին քաղաքականության մասին և որքան էլ Միացյալ Նահանգների հայկական համայնքը լինի ազդեցիկ, նրա անդամներն ԱՄՆ–ի քաղաքացիներ են, թեև անկախ այդ հանգամանքից` վերջին շրջանում հայ համայնքն իր վրա է վերցրել հայկական պետության պարտավորություններից մի քանիսը։ 

Եթե Հայաստանի իշխանությունը չխանգարի, ԱՄՆ–ի նախագահը չի շեղվի իր խոստումից. Սարգսյան

Սարգսյանը վկայակոչեց այն իրողությունը, որ ԱՄՆ–ի հայկական հանձնախումբը հանդես է եկել օրենսդրական նախաձեռնությամբ, ինչի արդյունքում Կոնգրեսի ներկայացուցիչների պալատում հավանաբար կընդունվի բանաձև, որով կոչ կարվի անհապաղ ազատ արձակել Ադրբեջանում գտնվող հայ գերիներին, այսինքն` այն, ինչ չի անում մեր պետությունը, անում է ԱՄՆ–ի հայ համայնքը` օգտագործելով այդ երկրում իր հնարավորություններն ու կարողությունները։

Այդուհանդերձ, եթե մեր պետությունը, ըստ Սարգսյանի, չի ցանկանում խորացնել երկկողմ հարաբերությունները, ապա ԱՄՆ–ի հայկական համայնքն ինքնուրույնաբար դա չի կարող անել։ 

155
թեգերը:
Մայք Պոմպեո, Նիկոլ Փաշինյան, Հայաստան, ԱՄՆ
Ըստ թեմայի
ԱՄՆ 100 կոնգրեսականներ Բայդենի վարչակազմին կոչ են անում կանգնել Արցախի և Հայաստանի կողքին
Հայաստանի Զինված ուժերը չպետք է միջամտեն քաղաքականությանը. ԱՄՆ պետդեպ
ԱՄՆ դեսպանությունն ուշադրությամբ հետևում է հայաստանյան ընթացիկ զարգացումներին
Հովհաննես Մկրտչյան

«Փորի, ախպեր ջան, փորի». ինչպես համշենահայ երիտասարդը հայտնվեց Թաղավարդում ու ողջ մնաց

0
(Թարմացված է 18:13 04.03.2021)
2020 թվականի 44–օրյա պատերազմը ինքնությունը պահելու պայքար էր ոչ միայն Արցախի ու ՀՀ հայերի, այլև Արևմտյան Հայաստանի մեր հայրենակիցների համար։ Հովհաննեսը համշենցի երիտասարդ է, որը պատերազմի ընթացքում Արցախի Թաղավարդում էր։

Հովհաննես Մկրտչյանը Հայաստան է եկել 2020-ին՝ ֆիլմ նկարահանելու, բայց դա զուգադիպել է նախ կորոնավիրուսի, ապա արցախյան 44–օրյա պատերազմի հետ, ինչի հետևանքով համշենահայ երիտասարդը մնացել է մայր հայրենիքում։ Պատմում է, որ պատերազմի ժամանակ ձգտում էր մեկնել Արցախ, բայց մշտապես ստանում էր մերժումներ։ Չլինելով Հայաստանի քաղաքացի` հնարավորություն չի ունեցել կռվել թշնամու դեմ, առաջարկել է թիկունքային աշխատանքներ, կրկին մերժվել է։

Ованнес Мкртчян
© Photo : provided by Hovhannes Mkrtchyan
Հովհաննես Մկրտչյան

«Ընկերս եկավ, ես նրան ասացի, որ պետք չի սպասել, թե հնարավորություն կունենանք առաջնագիծ գնալու։ Չեն թողնի։ Բայց նա հաջորդ օրը կազմակերպեց, որ կարողանանք մեկնել Արցախ։ Գնեցինք համազգեստ, ժամը 7-ին մեկնեցինք։ Սկզբում շատ դժվարություններ կային։ Մեզ տարան Կարմիր Շուկայի մոտ, հետո Թաղավարդ։ Շատ ամուր տղաներ կային ջոկատում։ Տարբեր երկրներից եկել էին կամավորներ, որոնք իրենց հնարավորության սահմաններում օգնում էին Արցախի պաշտպանության գործին։ Ամենակարևորը՝ մենք ունեինք կարգապահություն։ Որևէ մեկը չէր փորձում ինքնահաստատվել մյուսի հաշվին։ Մենք բոլորս դարձանք մեկ մարդ»,-պատմում է Հովհաննեսը։    

Ованнес Мкртчян
© Photo : provided by Hovhannes Mkrtchyan
Հովհաննես Մկրտչյան

Նրանց ջոկատում հիմնականում եղել են տարբեր ոլորտների մասնագետներ։ Հովհաննեսն ասում է՝ մարդիկ մեկը մյուսի նկատմամբ շատ հոգատար էին, քանի որ համարում էին՝ իրենց գործունեությունը պակաս կարևոր չէ։ 

«Մենք երկու օր չէինք քնել։ Ամբողջ գիշեր փորում էինք։ Ծանր օրեր էին, կռիվները չէին դադարում։ Մեր հրամանատարն ուժեղ, թիկնեղ տղա էր։ Գիշերն ասում էր` փորի, ախպեր ջան, փորի։ Ինքն ամբողջ գիշեր փորում էր։ Մեր հրամանատարն ասում էր` Հովհաննես, փորո՞ւմ ես, տեսնո՞ւմ ես, թե մեր դիմաց ովքեր են, դե փորի։ Նա լավ օրինակ էր, թե ինչպես է հնարավոր մեկ մարդ դառնալ, մեկ մարմին»։

Համշենահայերը Թուրքիայում էլ համարվում են մարտաշունչ էթնիկ խումբ։ Նախնիներից պահպանված բարբառով Հովհաննեսը ներկայացնում է Արցախի, Հայաստանի ու հայրենակիցների մասին իր վերաբերմունքը։

«Հայրս սովորեցրել է, որ երբ խոսում ես հայերեն, պետք է հայերեն մտածել։ Մեր մշակութային արժեքները, մեր պատմությունը պետք է միավորող գործոն լինեն։ Ես այդպես եմ դաստիարակվել»,–ասում է նա։

Համշենցի Հովհաննեսը պատրաստ է հաստատվել Հայաստանում և այստեղ ներդրում ունենալ պաշտպանության ոլորտում, զարգանալ իր մասնագիտության մեջ։

Հիշեցնենք` Արևմտյան Հայաստանի Համշենի տարածաշրջանում տարբեր հաշվարկներով ապրում է 700-800 հազար հայ։

Ցեղասպանության ժամանակ համշենահայերը համեմատաբար խուսափել են կոտորածից, սակայն հետո նրանցից շատերը հեռացել են Թուրքիայից՝ տեղափոխվելով Ռուսաստան կամ Հայաստան։

Վերջին անգամ Շուշիում՝ մահվան հետ դեմ հանդիման, կամ ինչպես ընկավ թշնամու ինքնաթիռը

0
թեգերը:
Թաղավարդ, Պատերազմ, հայ, համշենահայերեն
Ըստ թեմայի
Թե ինչպես մշեցի հայն իր որդուն ուղարկեց հայկական բանակ
Իմ տեսած պատերազմը․ ինչպես հայ կամավորներն օդային հարձակման ենթարկվեցին Շուշիում
Թուրքը նահանջում է, երբ տեսնում է կռվող հայի. Սասունում ապրող հայի պատգամը