Արմեն Քթոյան

Մթերքի անկանխատեսելի կամ գերգնաճային դրսևորումներ կլինե՞ն. փորձագետը`թանկացումների մասին

99
(Թարմացված է 18:12 07.02.2021)
Հանրային քաղաքականության հետազոտությունների ազգային կենտրոնի փորձագետ, տնտեսագետ Արմեն Քթոյանը Sputnik Արմենիայի եթերում անդրադարձել է առաջին անհրաժեշտության մթերքների գնաճին և դրանով պայմանավորված տնտեսական իրողություններին։
Քթոյան. «Գները մեզ մոտ ազատ լողացող են»

Արմեն Քթոյանի դիտարկմամբ` անհրաժեշտ է խնդրին նայել գնաճի բաղադրիչներից ելնելով։ Եթե, օրինակ, նայում ենք տարեկան գնաճի կտրվածքով, ապա դրանում զգալի մասնաբաժին ունի միրգ–բանջարեղենի գների ավելացումը, իսկ եթե ընդհանուր առմամբ դիտարկենք խնդիրը, ապա ճգնաժամային իրավիճակում գտնվող տնտեսության համար գների վրա ճնշումների ուժեղացման տարբեր գործոններ, լծակներ կան, որոնք ըստ էության սկսել են աշխատել, ինչն էլ բերել է գնաճի։

«Գնաճը կշարունակվի իր կանխատեսվող միջակայքում, և մենք չենք ունենա անկանխատեսելի կամ գերգնաճային դրսևորումներ։ Քանի որ գներն, այսպես ասած, ազատ լողացող են և պարենամթերքի պարագայում կարգավորվող գներ չեն կիրառվում, հետևաբար կառավարությունը ֆորմալ դրանց վրա ներգործելու հնարավորություն չունի։ Գների վրա ազդելու լծակներ և իրավասություն ունի Կենտրոնական բանկը, որն իր գործիքակազմով փորձում է լուծել խնդիրները»,– նշեց տնտեսագետը։ 

Քթոյանի կարծիքով` ամենևին այնպես չէ, որ առանձին ամիսներին առանձին ապրանքների գները տատանումներ չեն կարող արձանագրել։ Այդ առումով առաջին անհրաժեշտության ապրանքների պարագայում մեծ կախվածություն ունենք, օրինակ, արտաքին շուկաներից, որտեղ կարող են լինել սեզոնային տատանումներ։ Ըստ նրա` առանձին մթերքների պարագայում կարող են էական նշանակություն ունենալ նաև բերքատվության ծավալներն ու լոգիստիկ խնդիրները, կամ էլ համաշխարհային պարենի շուկայում կարող է այդ ապրանքատեսակների գնաճ տեղի ունենալ։    

2020-ի դեկտեմբերին արձանագրվել է 3.4 տոկոս գնաճ. թանկացումներ էլի են սպասվում

«Գնաճի վրա անշուշտ որոշակի ազդեցություն ունի դրամի արժեզրկումը և ի սկզբանե էլ հայտնի էր, որ դրամի արժեզրկման հնարավոր հետևանքներից մեկն էլ կլինի ներմուծվող ապրանքատեսակների գների բարձրացումը։ Ներմուծումն այս դեպքում թանկանում է, ինչը ևս ազդեցություն է ունենում գների վրա»,– նշեց տնտեսագետը։

Քթոյանի գնահատմամբ`գների վրա ազդելու կառավարության գործիքակազմը մրցակցային միջավայրն առողջ պահելն է և հակամրցակցային դրսևորումները խափանելը։ Ըստ նրա` տարբեր գնահատականների համաձայն` մրցակցային միջավայրն ավելի ակտիվ է, քան նախկինում էր, բայցևայնպես կան նաև օբյեկտիվ սահմանափակումներ, որոնք հնարավորություն չեն տալիս, որպեսզի մրցակցային միջավայրը միանգամից ինստիտուցիոնալ առումով զարգանա։      

99
թեգերը:
մթերք, Հայաստան, թանկացում, գին
Ըստ թեմայի
Պատերազմ, կորոնավիրուսի նոր ալիք ու գնաճ. ԿԲ–ն դրական զարգացումներ չի կանխատեսում
Գնաճը մինչև ո՞ւր կհասնի. էկոնոմիկայի նախարարը վստահեցնում է` մենք դեռ լավ վիճակում ենք
ՀՀ Կենտրոնական բանկն ուզում է կանխել գնաճը․ ինչո՞վ է վտանգավոր «դոլարային» իրարանցումը
Արարատ Մկրտչյան

Առողջապահության նախկին նախարարը կորոնավիրուսի 3-րդ ալիք չի կանխատեսում

25
(Թարմացված է 21:45 01.03.2021)
Առողջապահության նախկին նախարար Արարատ Մկրտչյանը Sputnik  Արմենիայի հետ զրույցում նշել է, որ վերջին մեկ ամսվա ցուցանիշները վկայում են այն մասին, որ  Հայաստանում կորոնավիրուսի վարակվածության տեմպերը աստիճանաբվար նվազում են։
Վերջին օրերին թագավարակն ինտենսիվ տարածում չունի. նախկին նախարարը` կորոնավիրուսի 3-րդ ալիքի մասին

ՀՀ բնակչության 60-70 տոկոսն արդեն վարակվել է կորոնավիրուսով, հետևաբար թագավարակի 3-րդ ալիքի մասին անհանգստություններն այնքան էլ տեղին չեն։ Sputnik Արմենիայի հետ զրույցում նման կարծիք հայտնեց առողջապահության նախկին նախարար Արարատ Մկրտչյանը։

«Իմ կարծիքով` մենք բնակչության բնականոն իմունացված մեծ շերտ ունենք, դրա համար էլ վարակն ինտենսիվ տարածում չունի»,- ասաց նա։

Նրա խոսքով` կորոնավիրուսի տարածվածության ամենամեծ ցուցանիշը Հայաստանում  գրանցվել է արցախա-ադրբեջանական պատերազմի օրերին։ Իսկ հիմա արդեն վարակվածության կայուն նվազման միտում ունենք։

«Արդեն մեկ ամիս է՝ կայուն նվազման միտում ունենք, վարակվածների թիվը չի գերազանցել օրական հետազոտվածների 7-8 տոկոսը, իսկ վերջին օրերին ունեցել ենք 3-4 տոկոս դրական ցուցանիշ։ Բնական ճանապարհով հիվանդացության տարածման տեմպերը հետզհետե նվազում են»,- նշեց Մկրտչյանը։

Հիշեցնենք, որ 2020 թվականի մարտի մեկին Հայաստանում գրանցվեց կորոնավիրուսի առաջին հաստատված դեպքը։ Անցած տարվա մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

COVID-ին նույնպիսի էվոլյուցիա է սպասում․ բժիշկը խոսել է կորոնավիրուսի ապագայի մասին

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։

25
թեգերը:
Նախարար, Հայաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Հայաստանում հնարավոր է կորոնավիրուսի երրորդ ալիքը. Ռոմելա Աբովյան
ԱՀԿ-ն հայտնել է կորոնավիրուսի համավարակի ավարտի ժամկետները
Հավատա՞լ Հայաստանի կորոնավիրուսի պաշտոնական վիճակագրությանը, և ինչ կապ ունի ԱՄՆ–ի ՊՆ–ն
Արմեն Բադալյան

Վարչապետն Անվտանգության խորհուրդն օգտագործում է որպես ՀՀ նախագահին ճնշելու գործիք

35
(Թարմացված է 18:46 01.03.2021)
Քաղտեխնոլոգ Արմեն Բադալյանը Sputnik Արմենիայի եթերում անդրադարձել է ՀՀ ԱԽ խմբագրված հայտարարությանը, որով կառույցը ՀՀ նախագահին առաջարկում է բավարարել վարչապետի` ՀՀ ԶՈւ ԳՇ պետին պաշտոնից ազատելու միջնորդությունը և ստորագրել համապատասխան հրամանագիր։
Բադալյան. «ԱԽ–ն վարչապետի ձեռքին գործիք է դարձել` ՀՀ նախագահի վրա ճնշում գործարելու համար»

Անդրադառնալով մասնավորապես այն փաստին, որ ԱԽ–ն որոշ ժամանակ անց խմբագրել է իր հայտարարության նախնական տեքստը` դա պատճառաբանելով տեխնիկական խոտանի առկայությամբ, քաղաքագետ Արմեն Բադալյանն ընդգծեց, որ իհարկե փաստաթղթերում լինում է տեխնիկական խոտան, երբ հրապարակվող տեքստում պակասում են բառեր կամ տառեր, չի դրվում ստորակետ կամ այլ կետադրական նշան, իսկ այն, ինչ կապված է Անվտանգության խորհրդի հայտարարության հետ, նրա համոզմամբ, ուղղակի անփույթ աշխատանքի արդյունք է, որովհետև նման հայտարարություն հրապարակելուց առաջ նախ պետք է իմանալ` արդյո՞ք կոնկերտ կառույցն այդ բնույթի փաստաթուղթ հրապարակելու լիազորություն ունի, թե ոչ։

«Անհրաժեշտ էր նախապես ճշտել, թե հրապարակվող հայտարարությունը որքանով է համապատասխանում Սահմանադրությանը, հետո միայն  իրականացնել որոշակի գործողություններ։ Այն, ինչ տեղի ունեցավ Անվտանգության խորհրդի հետ, ցույց է տալիս, թե որքան փնթի է աշխատում պետական կարևորագույն ինստիտուտներից մեկը։ Դա ցույց է տալիս նաև, թե ինչպիսի տրամադրություններ կան իշխանության ներսում, որովհետև գաղտնիք չէ, որ վարչապետը մեծ ցանկություն ունի աշխատանքից ազատելու ԳՇ պետին, որը համարձակվել է իրեն չենթարկվել, ուստի իր նպատակին հասնելու համար օգտագործում է ցանկացած լծակ»,– նշեց քաղտեխնոլոգը։ 

Բադալյանի կարծիքով` ԱԽ–ն փոխանակ զբաղվի իր համար կարևոր գործառույթներով, պատերազմից հետո վերամշակի ու կյանքի կոչի քաղաքագիտական լուրջ, կենսական նշանակություն ունեցող ՀՀ անվտանգության հայեցակարգը, ընդամենը հանդիսանում է գործիք վարչապետի ձեռքին` ներքաղաքական գործընթացներում հարցեր պարզաբանելու և նախագահի վրա որոշակի ճնշում գործադրելու համար։ 

Քաղտեխնոլոգի գնահատմամբ` ԱԽ–ն երբեք պատրաստ չի եղել ներհայաստանյան մարտահրավերներին։ Ըստ նրա` այդ կառույցը պետք է մշակեր ոչ միայն իր, այլև առանձին ոլորտների անվտանգային հայեցակարգերը, իսկ արցախյան պատերազմի ընթացքում, որպես մարմին, ընդհանրապես գոյություն չուներ։ Բադալյանի խոսքով` Անվտանգության խորհուրդը վարչապետի ձեռքին միշտ էլ եղել է գործիք, իսկ հիմա ավելի բռի կերպով է օգտագործվում։ 

Հիշեցնենք, որ այսօր տարածած հայտարարության նախնական տարբերակում ԱԽ–ն ՀՀ նախագահին կոչ էր անում բավարարել վարչապետի` Գլխավոր շտաբի պետին պաշտոնից ազատելու միջնորդությունը և ստորագրել համապատասխան հրամանագիր, մինչդեռ ՀՀ Սահմանադրության մեջ չկա որևէ դրույթ այն մասին, որ Անվտանգության խորհուրդը մասնակցում է ԳՇ պետի նշանակմանը կամ կարող է կոչով հանդես գալ, որոնք սահմանափակում են ՀՀ նախագահի իրավունքը։  

Հայտարարության խմբագրված տեքստում ԱԽ–ն ՀՀ նախագահին կոչով դիմելու փոխարեն հանդես է եկել առաջարկություն անելու տարբերակով։

Անվտանգության խորհուրդն Արմեն Սարգսյանին հորդորում է բավարարել վարչապետի միջնորդությունը

35
թեգերը:
Նախագահ, Հայաստան, Անվտանգության խորհուրդ, Արմեն Բադալյան
Ըստ թեմայի
Հայկական սահմանամերձ տարածք. Ներքին Խնձորեսկում չգիտեն` որն է այժմ սահմանը. տեսանյութ
Ընդդիմությունը գերագնահատեց փետրվարի 20-ի հանրահավաքի դերը. քաղտեխնոլոգ
Հայտնի է` Հայաստանից ովքեր են ընդգրկված փոխվարչապետների պատվիրակության կազմում
ԳՇ պետ Օնիկ Գասպարյան

Զինված ուժերի ղեկավար կազմը վերահաստատում է իրավիճակի վերաբերյալ իր գնահատականները

404
(Թարմացված է 23:44 01.03.2021)
Հայտարարությունում շեշտվում է, որ Զինված ուժերը առաջնորդվում է բացառապես պետական շահով և ծառայում է միայն ու միայն իր ժողովրդին։

ԵՐԵՎԱՆ, 1 մարտի - Sputnik. Զինված ուժերի ղեկավար կազմը կրկին հաստատում է ստեղծված իրավիճակի վերաբերյալ իր գնահատականները և շեշտում, որ, անկախ Զինված ուժերը քաղաքական գործընթացների մեջ ներքաշելու փորձերից, մնում Է անդրդվելի, կշռադատված և հաստատակամ։ Այս մասին հայտարարություն է տարածել ՀՀ ԶՈւ Գլխավոր շտաբի տեղեկատվության բաժնի պետ Սամվել Ասատրյանը։

«Զինված ուժերը, կազմված լինելով մեր ժողովրդի զավակներից և կանխազգալով ազգային անվտանգության սպառնալիքները, անթույլատրելի է համարում և հորդորում է դադարեցնել Զինված ուժերին և առանձին պաշտոնատար անձանց ուղղված անհիմն մեղադրանքները։

Առկա իրավիճակը փաստում է, որ Զինված ուժերը առաջնորդվում է բացառապես պետական շահով և ծառայում է միայն ու միայն իր ժողովրդին՝ ղեկավարվելով Հայաստանի Հանրապետության Սահմադրության և իրավունքի նորմերով»,-նշված է հայտարարության մեջ։

Ներքաղաքական իրավիճակը Հայաստանում սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Օնիկ Գասպարյանը պետք է հեռանա. ըստ Փաշինյանի` ո՞րն է ԳՇ պետի դավաճանությունը

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։

404
թեգերը:
հայտարարություն, Բանակ, շտաբ, Օնիկ Գասպարյան
Ըստ թեմայի
Գլխավոր շտաբի հայտարարությունը հաստատում է` իրավիճակը շատ լուրջ է. տեր Եսայի քահանա
Արմեն Սարգսյանն այցելել է ՀՀ Զինված ուժերի գլխավոր շտաբ
Գլխավոր դատախազությունն ուսումնասիրում է գլխավոր շտաբի հայտարարությունը