Սուրեն Սուրենյանց

Ռոբերտ Քոչարյանի միակ հաղթաթուղթը Նիկոլ Փաշինյանն է. քաղաքագետ

449
Քաղաքագետ Սուրեն Սուրենյանցը Sputnik Արմենիայի եթերում անդրադարձել է Ռոբերտ Քոչարյանի` մեծ քաղաքականություն վերադառնալու մասին հայտարարությանը։
Սուրենյանց. «Ռոբերտ Քոչարյանի միակ հաղթաթուղթը Նիկոլ Փաշինյանն է»

Քաղաքագետ Սուրեն Սուրենյանցի դիտարկմամբ`Ռոբերտ Քոչարյանը երբեք քաղաքականությունից դուրս չի եղել, և այլ խնդիր է, որ վերջին երկու հարցազրույցներում նա ազդարարեց արտահերթ ընտրություններին մասնակցելու իր մտադրության մասին, ինչը էական և կարևոր շեշտադրում է։ Դա նրան առանձնացրեց Հայրենիքի փրկության շարժման անդամ այլ կուսակցությունների լիդերներից, որոնք ընտրությունների վերաբերյալ շատ հոռետեսական գնահատականներ են հնչեցնում։

«Նույնիսկ Սերժ Սարգսյանի պաշտոնավարման տարիներին Քոչարյանը տարեկան առնվազն մի քանի անգամ հանդես էր գալիս հայտարարություններով, հարցազրույցներով, հիմնականում քննադատում էր տնտեսական քաղաքականությունը, այսինքն` Ռոբերտ Քոչարյանի քաղաքական էջը փակված չէր։ Նա այսպես թե այնպես` փորձելու է ուժեղ ձեռքի տեխնոլոգիան կիրառել, ինչը շատ բնական է Նիկոլ Փաշինյանի իշխանության ֆիասկոյի ֆոնին։ Այլ խնդիր է, որ առաջ նայող հասարակությունը և Քոչարյանը մի քիչ այլ պատկերացումներ ունեն ուժեղ ձեռքի մասին»,– նշեց քաղաքագետը։

Սուրենյանցի կարծիքով` ուժեղ ձեռքը պետք է ասոցացվի ուժեղ լեգիտիմություն ունեցող դեմոկրատական առաջնորդի հետ, և եթե Քոչարյանն ուժեղ ձեռք ասելով նկատի ունի իր 10 տարիների կառավարումը, ապա դա ուղղակի ավտորիտարիզմ էր առանց ուժեղ ձեռքի հիշատակման։ 

«Ռոբերտ Քոչարյանի միակ հաղթաթուղթը Նիկոլ Փաշինյանն է։ Եթե ուշադիր եք եղել հարցազրույցի շեշտադրումներին, ապա պարզ է, որ նա հենց այդպես էլ ասում է, այսինքն` այն քաղաքական տեխնոլոգիան, որը 2018 թվականին կիրառեց Փաշինյանը, և դա բացարձակ առավելություն բերեց նրան, հիմա փորձելու է կիրառել Ռոբերտ Քոչարյանը, որը Sputnik Արմենիային տված հարցազրույցում խոսել է երկբևեռ պայքարի մասին»,– նշեց քաղաքագետը։   

Սուրենյանցի համոզմամբ` ընտրության հարստությունը հենց այն է, որ հասարակությունն իրապես բովանդակային առումով այլընտրանքային ընտրությունների հնարավորություն ունենա, որտեղ քաղաքական բազմաթիվ ծրագրերի միջև կկատարի իր ընտրությունը։

Քաղաքագետը մտահոգություն հայտնեց, որ այժմ նույնպես առկա է ռեսուրսային պայքարի տրամաբանությունը, այսինքն` սև–սպիտակը երկու տարի առաջ գռեհիկ մատուցմամբ օգտագործեց Նիկոլ Փաշինյանը, իսկ հիմա Քոչարյանը փորձելու է դա օգտագործել նրա դեմ։

Նավալնուն և Փաշինյանին միավորում են հատկապես տեխնոլոգիաներն ու անցյալը. Քոչարյան

449
թեգերը:
Սուրեն Սուրենյանց, Հայաստան, Նիկոլ Փաշինյան, քաղաքականություն, Ռոբերտ Քոչարյան
Ըստ թեմայի
Ներկա իշխանությունը պաշտոնավարում է իներցիայով. Սուրենյանց
Պատերազմը ոչինչ չի՞ փոխել․ Սուրենյանցը՝ մեր դիվանագիտության արդյունքների մասին
Իշխանությունը չի գիտակցում այն ազգային աղետը, որի առաջ կանգնեցրել է երկիրը. Սուրենյանց
Արմեն Բաղդասարյան

Կստորագրի՞ արդյոք նախագահը Օնիկ Գասպարյանի ազատման որոշումը

195
(Թարմացված է 20:14 25.02.2021)
Քաղաքագետ Արմեն Բաղդասարյանը Sputnik Արմենիայի եթերում նշել է, որ այժմ, երբ ներքաղաքական զարգացումներն ավելի են սրվել, հանրապետության նախագահը կարող է կարևոր դերակատարում ունենալ այդ լարվածության հանգուցալուծման գործում։
Կստորագրի արդյոք նախագահը Օնիկ Գասպարյանի ազատման որոշումը, և ինչ դեր կարող է ստանձնել Սարգսյանը

Ֆորսմաժորային իրավիճակներում, ինչպիսին այժմ Հայաստանի ներքաղաքական դաշտում է, հանրապետության նախագահն ունի շատ լուրջ լծակներ և գործառույթներ և դրանք հանգիստ կարող է կիրառել։ Sputnik Արմենիայի հետ զրույցում նման կարծիք հայտնեց քաղաքագետ Արմեն Բաղդասարյանը` մեկնաբանելով ներքաղաքական վերջին զարգացումները։

Ինչ վերաբերում է առավոտյան ՀՀ ԶՈւ ԳՇ` Նիկոլ Փաշինյանի հրաժարականի պահանջով հայտարարությանը, ապա, ըստ քաղաքագետի, այն խոսում է ոչ թե Նիկոլ Փաշինյանի և ԳՇ պետի` Օնիկ Գասպարյանի միչև առճակատման, այլ վարչապետի և բանակի միջև եղած խորքային խնդիրների մասին։

Նրա խոսքով` Արմեն Սարգսյանը դեռևս չի շտապի ստորագրել Օնիկ Գասպարյանի ազատման մասին որոշումը։ 

«Կարծում եմ` հանրապետության նախագահը կսպասի ևս մեկ-երկու օր` հասկանալու համար, թե ինչ է կատարվում, որովհետև հանգուցալուծման հնարավոր սցենարների առանցքում էլ հենց ինքն է»,- ասաց նա։

Բաղդասարյանի համոզմամբ, Արմեն Սարգսյանը կարող է կարճաժամկետ անցումային փուլում ստանձնել պետության ղեկավարի դերը և դառնալ արտահերթ ժողովրդավարական ընտրությունների անցկացման երաշխավորը։ 

ՀՀ ԶՈւ Գլխավոր շտաբն այսօր` փետրվարի 25-ին, պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության Հրապարակում՝ «հեղափոխությունը պաշտպանելու» համար։

ԶՈւ-ն հնարավորություն ունի Նիկոլ Փաշինյանին հանձնելու իրավապահներին. սահմանադրագետ

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։

195
թեգերը:
Արմեն Սարգսյան, Օնիկ Գասպարյան, Արմեն Բաղդասարյան (քաղաքական մեկնաբան)
թեմա:
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո
Ըստ թեմայի
Ընդդիմադիրները պատվիրակություն են ուղարկում նախագահ Արմեն Սարգսյանի մոտ
Երևանի Բաղրամյան փողոցում վրաններ են տեղադրում. լուսանկարներ, տեսանյութ
Վաղարշակ Հարությունյանն ու Սերգեյ Շոյգուն քննարկել են Հայաստանում ստեղծված իրավիճակը
Ռուբեն Մելքոնյան

Թուրքիայի արտգործնախարարի կոչը և մոտեցումները չեն կարող լինել ի նպաստ Հայաստանի. թուրքագետ

102
(Թարմացված է 17:25 25.02.2021)
ԵՊՀ արևելագիտության ֆակուլտետի դեկան, թուրքագետ Ռուբեն Մելքոնյանը Sputnik Արմենիայի եթերում անդրադարձել է Թուրքիայի արտգործնախարար Մեվլութ Չավուշօղլուի հայտարարությանը, ըստ որի` Թուրքիան խստորեն դատապարտում է Հայաստանում հեղաշրջման փորձը:
«Չավուշօղլուի հայտարարության պարագայում կարելի է տեսնել նաև ՀՀ–ի ներքին գործերին միջամտելու էլեմենտներ». Մելքոնյան

Ռուբեն Մելքոնյանի դիտարկմամբ` թշնամական երկրի` Թուրքիայի արտգործնախարարի կոչը և մոտեցումները բնականաբար չեն կարող լինել ի նպաստ Հայաստանի։ Ըստ նրա` հայտարարությունը կարելի է բաժանել երկու մասի։   

«Մեկն այն է, որ թշնամական երկրի արտգործնախարարի գնահատականը ևս մեկ ցուցիչ է, որ այն, ինչ տեղի է ունենում Հայաստանում, դա համապատասխանում է Հայաստանի շահերին և չի համապատասխանում Թուրքիայի ու թուրքական շահերին, իսկ երկրորդն այն է, որ Չավուշօղլուն մի թիմի ներկայացուցիչ է, ով կոմպլեքսավորված է և որոշակի բարդույթներ ունի հեղաշրջում տերմինից, որովհետև այդ երկրում չորս անգամ տեղի է ունեցել հեղաշրջում, որը մի մասով ուղղված է եղել իրենց քաղաքական ուժի դեմ»,– նշեց թուրքագետը։

Մելքոնյանի համոզմամբ` այն, ինչ հեղաշրջումների հետ կապված տեղի է ունենում Հայաստանում և այն, ինչ տեղի է ունեցել Թուրքիայում, իրար հետ լիովին համեմատելի չեն, Հայաստանում բոլորովին այլ իրավիճակ է, և ըստ նրա` ուղղակի պետք էլ չէ շատ մեկնաբանել, բավական է նշել, որ Չավուշօղլուն ինչ թշնամական, ինչ բացասական գործունեություն է ծավալել հայերի ու Հայաստանի հանդեպ և ուղղակի հասկանալ` այդ թշնամին կարո՞ղ է Հայաստանի շահերից բխող հայտարարություն անել։ 

«Այդ հայտարարությունը ևս մեկ ապացույց է արտաքին թուրքերի և Հայաստանում ներքին թուրքերի շահերի համապատասխանության»,– շեշտեց թուրքագետը։

Մելքոնյանի կարծիքով` Չավուշօղլուի հայտարարության պարագայում կարելի է տեսնել նաև Հայաստանի ներքին գործերին միջամտելու էլեմենտներ, բայց դա ավելի շատ մեր երկրի հանդեպ նրանց պլանների վերաբերյալ վախի դրսևորում է, որովհետև այն, ինչ տեղի է ունենում Հայաստանում, գուցե խոչընդոտում է նրանց պլանների իրականացմանը։ Ըստ նրա` բավական է նշել, թե Հայաստանի ներկայիս կառավարությունում որքան թուրքանպաստ գործիչներ և թուրքանպաստ հայտարարություն արած անձինք կան, և այդ դեպքում զուգահեռներն ու համընկնումները շատ ակնհայտորեն կդրսևորվեն։

Թուրքագետի գնահատմամբ` Թուրքիայի արագ արձագանքն ու անհանգստությունը խոսում է շատ–շատ փակագծերի մասին, որ այս ընթացքում անընդհատ քննարկվել է, և Չավուշօղլուն իր հայտարարությամբ բացում է փակագծերը կամ օգնում չկողմնորոշվածներին տեսնել այն շահերը, որոնք կան Հայաստանի այսօրվա իշխանության և Թուրքիայի միջև։    

Հիշեցնենք, որ Anadolu գործակալության տարածած տեղեկատվության համաձայն` այսօր` փետրվարի 25-ին, Բուդապեշտում Հունգարիայի արտաքին առևտրի նախարար Պետեր Սիյարտոյի հետ համատեղ ասուլիսում Թուրքիայի արտգործնախարար Մեվլութ Չավուշօղլուն հայտարարել է, որ Թուրքիան խստորեն դատապարտում է Հայաստանում հեղաշրջման փորձը:

Հանրապետության հրապարակում Նիկոլ Փաշինյանի կողմնակիցներն են. տեսանյութ

Թուրքական ԱԳ գերատեսչության ղեկավարը շեշտել է, որ Անկարան դեմ է աշխարհի ցանկացած երկրում իշխանությունը բռնի բռնազավթելու փորձերին:

102
թեգերը:
Թուրքիա, Հայաստան, Ռուբեն Մելքոնյան (թուրքագետ)
թեմա:
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո
Ըստ թեմայի
Չտրվել սադրանքներին. ՀՀ ոստիկանությունը և դատախազությունը հայտարարություններ են տարածել
Նախագահը միանում է հեղաշրջմա՞նը. վարչապետն Արմեն Սարգսյանին ընտրության առաջ է կանգնեցնում
«Անընդհատ ասում ենք` վերջ թավիշին ու չենք անում». Փաշինյանը խոստացավ այսօրվանից սկսել
Ընդդիմության ակցիան Բաղրամյան պողոտայում. 26 փետրվարի, 2021

Նիկոլ Փաշինյանը փորձում է համբերությունից հանել Օնիկ Գասպարյանին. Վազգեն Մանուկյան

21
(Թարմացված է 13:35 26.02.2021)
Հարցին՝ ինչ է ծրագրում այս իրավիճակում ընդդիմությունը, վարչապետի միասնական թեկնածուն պատասխանեց, որ «պլան Բ»–ի կարիք չկա և որ «պլան Ա»–ն առայժմ իրեն լիովին արդարացնում է։

ԵՐԵՎԱՆ, 26 փետրվարի, Sputnik. Հայրենիքի փրկության շարժման վարչապետի թեկնածու Վազգեն Մանուկյանը ՀՀ ԳՇ պետ Օնիկ Գասպարյանի հետ այս օրերին չի հանդիպել։ Այս մասին Մանուկյանը հայտնեց լրագրողներին այսօր Բաղրամյան պողոտայում կազմակերպված ընդդիմության ճամբարում։

Խոսելով իշխանության հայտարարած ռազմական հեղաշրջման փորձի մասին` Վազգեն Մանուկյանն ասաց. «Հեղաշրջում նշանակում է, երբ զորքը մտնում է մայրաքաղաք, և կա՛մ վերցնում է իշխանությունը, կա՛մ իշխանությունը փոխում է, տալիս ընդդիմության ձեռքը։ Այդպիսի բան Հայաստանում տեղի չի ունեցել»։

Իշխանության նման որակումները Մանուկյանը համարում է ԳՇ պետին համբերությունից հանելու փորձ։

«Նիկոլ Փաշինյանը կարող է ցանկացած մարդու համբերությունից հանել։ Հիմա ինքը փորձում է անօրինական ձևով համբերությունից հանել Գասպարյանին, ինչը հակասում է Սահմանադրությանն ու օրենքներին։ Թե դա ինչ սրացում կառաջացնի նրանց միջև, ես չեմ կարող կանխագուշակել։ Բայց իրավիճակ սրողը Հայաստանում Նիկոլ Փաշինյանն է»,– ասաց Մանուկյանը։

Ինչ է ծրագրում այս իրավիճակում ընդդիմությունը հարցին ընդդիմության միասնական թեկնածուն պատասխանեց, որ «պլան Բ»–ի կարիք չկա և որ «պլան Ա»–ն առայժ իրեն լիովին արդարացնում է։

«Գրեթե չի մնացել Հայաստանում ինստիտուտ, որը չի պահանջում Նիկոլ Փաշինյանի հրաժարականը։ Այսինքն` ինքը կորցնում է իր հենարանները, և որևիցե «պլան–Բ»–ի անհրաժեշտություն կարող է չառաջանալ։ Ասեմ նաև, որ «պլան–Բ»–ն ոչ թե դու ես իրականացնում, այլ ժողովուրդն ինքը։ Բախում է տեղի ունենում, ինչ–որ անհամաձայնություն է տեղի ունենում, ինքն իրեն բռնկվում է»,– ասաց Մանուկյանը։

Հիշեցնենք՝ փետրվարի 20–ին Ազատության հրապարակում ունեցած իր ելույթում Վազգեն Մանուկյանը նշել էր, որ Փաշինյանն ինքնակամ չի հեռանալու, ուստի պետք է կոտրել այն հենարանները, որը նա ունի, և դա իրենց պլան Ա–ն է։ Մակայն միշտ ունեն պլան Բ–ն.

«Իսկանդերի» մասին խոսելով՝ Նիկոլն ավելի նվազեցրեց ՀՀ-ի անվտանգության մակարդակը. Մանուկյան

«Մենք պետք է պատրաստ լինենք ապստամբելով, կայծակնային արագությամբ վերցնել իշխանությունը։ Մենք այժմ իրականացնելու ենք պլան Ա–ն` միշտ պատրաստ լինելով պլան Բ–ին»,-ասել էր նա։

Երեկ` փետրվարի 25-ին, ԶՈւ Գլխավոր շտաբը պահանջեց Փաշինյանի հրաժարականը։ Դա տեղի ունեցավ այն բանից հետո, երբ վարչապետը պաշտոնից հեռացրեց ԳՇ պետի առաջին տեղակալ Տիրան Խաչատրյանին։

Ի պատասխան Փաշինյանը հայտարարեց ռազմական հեղաշրջման փորձի մասին և Հանրապետության հրապարակում հավաքվելու կոչ արեց իր համակիրներին։ Նա հայտնեց նաև, ստորագրել է ԳՇ պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել նախագահ Արմեն Սարգսյանը։

21
թեգերը:
Նիկոլ Փաշինյան, Օնիկ Գասպարյան, Վազգեն Մանուկյան
Ըստ թեմայի
Աշխատանքից ազատել եմ Օնիկ Գասպարյանին. Նիկոլ Փաշինյան
Արցախի նախագահ Արայիկ Հարությունյանը Օնիկ Գասպարյանի հրաժարականը չի պահանջում
Արմեն Սարգսյանը կհանդիպի Օնիկ Գասպարյանի հետ