Դավիթ Հարությունով

Լռեցնո՞ւմ են, թե՞ սիրաշահում. ռազմական փորձագետը` Ջալալ Հարությունյանի նշանակման մասին

203
(Թարմացված է 12:35 05.02.2021)
Ռազմական փորձագետը չի բացառել, որ ՊԲ նախկին հրամանատարի նշանակումը պայմանավորված է նաև նրա վիրավորումով և այն քրեական գործով, որի շրջանակում Հարությունյանը հարցաքննվել է։
Փորձում են լռեցնե՞լ, թե՞ սիրաշահել. ռազմական մեկնաբանը` Ջալալ Հարությունյանի նշանակման մասին

Գործող իշխանությունը ինչպես կառավարման մյուս օղակներում՝ ՊՆ-ում ևս բարձրաստիճան սպայական կազմի կադրերի համալրման խնդիր ունի։ Sputnik Արմենիայի հետ զրույցում նման կարծիք հայտնեց ռազմական փորձագետ Դավիթ Հարությունովը` մեկնաբանելով Արցախի պաշտպանության բանակի նախկին հրամանատար, գեներալ-լեյտենանտ Ջալալ Հարությունյանին ՀՀ պաշտպանության նախարարության ռազմական վերահսկողական ծառայության պետի պաշտոնում նշանակման լուրը։

Հարությունովը, սակայն, չի բացառում, որ ՊԲ նախկին հրամանատարի նշանակումը պայմանավորված է նաև նրա վիրավորումով։

«Դրանից ելնելով էլ որոշել են, որ բուն հրամանատարական գործունեությամբ չզբաղվի, բայց ժամանակակից մարտական գործողությունների  փորձառությունը վերահսկողական իմաստով կարող է օգտակար լինել»,- ասաց ռազմական մեկնաբանը։ 

Իսկ կարո՞ղ է արդյոք այս նշանակումը դիտարկվել Հարությունյանին լռեցնելու կամ սիրաշահելու փորձ, այն դեպքում, երբ արդեն հայտնի է, որ վերջինս հարցաքննվել է իր դեմ մահափորձ կատարելու վերաբերյալ հարուցված քրեական գործի շրջանակում. ռազմական մեկնաբանը դժվարանում է պատասխանել, ասում է `տեսակետը հաստատող օբյեկտիվ փաստերի չի հանդիպել։ 

ՊԲ հրամանատարներին ՀՀ ԶՈւ-ում բարձր պաշտոններում նշանակելու փորձը նոր երևույթ չէ Հայաստանի երրորդ հանրապետության պատմության մեջ, սակայն Ջալալ Հարությունյանին համեմատաբար «ցածր» պաշտոնում նշանակելու որոշումը Հարությունովը կապում է նաև մարտական գործողությունների ձախողված ընթացքի, ինչպես նաև առողջական խնդիրների հետ։

Նշենք, որ Sputnik Արմենիայի հետ զրույցում ՀՀ ՊՆ տեղեկատվության և հասարակայնության հետ կապերի վարչության պետ Գևորգ Ալթունյանը հաստատել էր, որ Արցախի պաշտպանության բանակի նախկին հրամանատար, գեներալ-լեյտենանտ Ջալալ Հարությունյանը նշանակվել է ՀՀ պաշտպանության նախարարության ռազմական վերահսկողական ծառայության պետ:

Ջալալ Հարությունյանը դուրս է գրվել հիվանդանոցից

203
թեգերը:
Ջալալ Հարությունյան, Դավիթ Հարությունով (ռազմական փորձագետ)
Ըստ թեմայի
Արցախի նախագահը զանգել է Ջալալ Հարությունյանին
Վարչապետն այցելել է Ջալալ Հարությունյանին ու պաշտոն առաջարկել նրան. «Հրապարակ»
Ջալալ Հարությունյանը բուժումը կշարունակի տանը
Թաթուլ Խուդատյան

ՍԴ ուղարկված օրենքի հետքերով. Խուդատյանը պատմում է ՀՀ նախագահի հետ հանդիպման մասին

29
(Թարմացված է 20:49 12.04.2021)
Փաստաբան Թաթուլ Խուդատյանը Sputnik Արմենիայի եթերում անդրադարձել է ՀՀ նախագահի և մի խումբ իրավաբանների հանդիպմանը, որի ընթացքում կողմերն անդրադարձել են դատական օրենսգրքում և հարակից օրենքներում լրացումներ և փոփոխություններ կատարելու մասին օրենսդրական նախաձեռնությանը։
Խուդատյան. Դատական օրենսգրքի փոփոխություններն իրավիճակային են, այլ ոչ թե հայեցակարգային

Թաթուլ Խուդատյանի դիտարկմամբ` ՀՀ նախագահ Արմեն Սարգսյանի և մի խումբ իրավաբանների ու փաստաբանների հանդիպման ձևաչափն այնպիսին էր, որ նախագահն ըստ էության լսեց հանդիպմանը ներկա իրավաբանների և մասնագետների կարծիքը, և այդ հանդիպման ընթացքում նա որևէ կանխակալ կարծիք նախապես չհայտնեց, պարզապես ցանկանում էր քննարկվող հարցերի շրջանակներում պարզել մասնագետների դիրքորոշումները տվյալ օրենսդրական փոփոխությունների վերաբերյալ։

«Հանդիպմանը ներկա բոլոր մասնագետներն էլ հիմնականում բացասական վերաբերմունք և կարծիքներ ունեին այդ օրենսդրական փոփոխությունների վերաբերյալ։ Մի մասը նշում էր, որ դրանք ինստիտուցիոնալ ու հայեցակարգային չեն, իսկ մյուս մասն էլ նշում էր, որ այդ փոփոխությունները իրավիճակային են, այսինքն` կոնկրետ իրավիճակից բխող։ Այդուհանդերձ հակասահմանադրականության առումով գրեթե բոլոր իրավաբանների կարծիքները համընկնում էին, այն է` այդ օրենքները որոշակիության սկզբունքից ելնելով` կարող են համարվել հակասահմանադրական»,– Sputnik Արմենիային ասաց փաստաբանը, որը նույնպես ներկա է եղել ՀՀ նախագահի հետ հանդիպմանը։

Անդրադառնալով այն հարցին, թե ինքն ինչ է ակնկալում Սահմանադրական դատարանից, Խուդատյանն ընդգծեց, որ կոնկրետ դատավարության մասնակիցների իրավունքների սահմանափակումների առթիվ Սահմանադրությանը հակասելու տեսանկյունից ՍԴ–ն կարող է դիտարկել խնդիրը, և այդ մասով ՍԴ–ն կարող է հաստատել, որ այդ դրույթները, սահմանափակումները հակասում են Սահմանադրությանը

Փաստաբանի կարծիքով` Դատական օրենսգրքի մյուս բոլոր փոփոխությունների առթիվ դժվար է որևէ կանխատեսում անել, թե ՍԴ–ն ինչ եզրակացության կհանգի, և հնարավոր է, որ դատական այդ ատյանը հանդես գա այլ մեկնաբանություններով, բայցևայնպես Խուդատյանը կանխատեսեց, որ Դատական օրենսգրքի փոփոխությունների օրենքը մի մասով ՍԴ–ի կողմից կարող է ճանաչվել հակասահմանադրական։

Տեղեկացնենք, որ ՀՀ նախագահ Արմեն Սարգսյանը դիմել է Սահմանադրական դատարան Դատական օրենսգրքում լրացումներ և փոփոխություններ կատարելու մասին օրենքի և հարակից օրենքների` Սահմանադրության համապատասխանության հարցը որոշելու խնդրանքով։

Սահմանադրական դատարանն ապրիլի 12-ին մուտքագրել է Դատական օրենսգրքում լրացումների և փոփոխությունների օրենքի հարցով ՀՀ նախագահի դիմումը։ Դիմումի նախնական ուսումնասիրման համար 20-օրյա ժամկետ է սահմանված։

Սարգսյանը մի խումբ իրավաբանների և փաստաբանների հետ հանդիպում էր ունեցել ապրիլի 6–ին։

29
թեգերը:
Թաթուլ Խուդատյան, Արմեն Սարգսյան, Օրենք, Սիրանույշ Սահակյան
Ըստ թեմայի
ՀՀ նախագահն ու ԲԴԽ նախագահը քննարկել են սահմանադրական օրենքի փոփոխությունները
Արմեն Սարգսյանն ընդունել է Գագիկ Ջհանգիրյանին
Էդուարդ Ապրիյան

Անշարժ գույքի շուկայում սպասողական իրավիճակ է. Ապրիյան 

40
(Թարմացված է 17:58 12.04.2021)
Անշարժ գույքի գնահատմամբ ու վաճառքով զբաղվող «Ռեդ գրուպ» ընկերության բիզնեսի զարգացման գծով տնօրեն Էդուարդ Ապրիյանի հետ Sputnik Արմենիայի եթերում զրուցել ենք անշարժ գույքի շուկայում տիրող վիճակի և եկամտահարկի վերադարձի օրենքի վերաբերյալ կառավարության դիրքորոշման մասին։

 

«Անշարժ գույքի շուկայում սպասողական իրավիճակ է». Ապրիյան

Անշարժ գույքի շուկայում եղած պասիվությունը պայմանավորված է արտարժույթի տատանումներով և գալիք ընտրություններով։ Sputnik Արմենիայի հետ զրույցում նման տեսակետ հայտնեց անշարժ գույքի գնահատմամբ ու վաճառքով զբաղվող «Ռեդ գրուպ» ընկերության բիզնեսի զարգացման գծով տնօրեն Էդուարդ Ապրիյանը։

 

«Ասել, թե շուկան բոլորովին կանգնած է, միանշանակ այդպես չէ։ Առաջնային շուկայի նկատմամբ պահանջարկը համեմատաբար բարձր է երկրորդայինից։ Եկամտային հարկի վերադարձի օրենքով պայմանավորված` առաջնային շուկայում ունենք համեմատաբար ակտիվացում ի տարբերություն երկրորդային շուկայի»,- ասաց նա։

Նրա գնահատմամբ` պասիվության հիմնական գործոններից մեկն էլ քաղաքական անկայունությունն է, որը և՛ գնորդներին, և՛ վաճառողներին ստիպում է ոտքը կախ գցել, սպասել։ Ինչ վերաբերում է եկամտային հարկի վերադարձման մասին օրենքի վերաբերյալ ՀՀ կառավարության դիրքորոշմանը, ապա այն բացասական ազդեցություն կունենա ընդհանուր շուկայի վրա։

«Մենք բազմիցս քննարկումներ ենք ունեցել տարբեր ոլորտների ներկայացուցիչների հետ։ Բոլորը հասկանում են այդ օրենքի և դրա շարժիչ ուժի մուլտիպլիկատիվ էֆեկտը, հետևաբար դա փոխելը կամ իսպառ վերացնելը իրոք կկանգնեցնի անշարժ գույքի շուկան և բոլոր պրոցեսները, որոնք առայսօր կան ՀՀ-ում»,- նշեց Ապրիյանը։

Հիշեցնենք` ապրիլի 7-ին  ֆինանսների փոխնախարար Արման Պողոսյանը  հայտնել էր, որ ՀՀ կառավարությունը հակված է վերանայել հիփոթեքային վարկի սպասարկման նպատակով եկամտահարկի վերադարձման համակարգը` չբացառելով գործող կարգի դադարեցման հնարավորությունը։ Նա նշել էր, որ այս ծախսը բնույթով սոցիալական չէ: Եվ այսօր՝ հատկապես հետպատերազմյան և համավարակային այս ժամանակաշրջանում, կան շատ ավելի կարևոր առաջնահերթություններ:

Ի՞նչն է մարդկանց գյուղ տանում, կամ ինչո՞ւ է անշարժ գույքի շուկայում գնանկումն ուշանում

Ֆինանսների փոխնախարարը հայտնել էր, որ համակարգի վերանայման դեպքում այն քաղաքացիները, ովքեր արդեն օգտվում են եկամտահարկի վերադարձման գործող կարգից, կշարունակեն օգտվել դրանից մինչև իրենց հիփոթեկային պայմանագրերի ավարտը։

Նշենք, որ եկամտահարկի վերադարձի որոշումը հիփոթեքային վարկավորման պարագայում ընդունվել է 2015թ–ին և տարածվել 2014թ–ի նոյեմբերի 1-ից հետո ծագած իրավահարաբերությունների վրա։

Թանկ և էժան տներ Հայաստանում. ով որքան է վճարելու անշարժ գույքի համար

40
թեգերը:
Հայաստան, Շուկա, Անշարժ գույք, Էդուարդ Ապրիյան
Ըստ թեմայի
Ի՞նչ ազդեցություն է ունեցել կորոնավիրուսը անշարժ գույքի շուկայի վրա. Ապրիյան
Բարձր է հատկապես նորակառույց շենքերի պահանջարկը. Էդուարդ Ապրիյան
Ապրիյան. «Սփյուռքահայերը հետաքրքրություն են դրսևորում Հայաստանի անշարժ գույքի շուկայում»
Գազատար

Ռուսաստանն ու ԱՄՆ-ն կիսում են եվրոպական շուկան. ո՞վ կլցնի գազի պահեստարանները

0
(Թարմացված է 00:14 13.04.2021)

Ցուրտ ու ձգձգված ձմեռը դատարկեց Եվրոպայի գազային պահեստարանները։ Մնացել է պաշարների մեկ երրորդը։ Ամերիկացիները որոշել են օգտվել դրանից ու մեծ ծավալի հեղուկ գազ առաջարկել։ Սակայն կորոնավիրուսային ճգնաժամը թույլ չի տա, որ Եվրոպան գումար ծախսի անդրօվկիանոսյան թանկ էներգառեսուրսների վրա։ Ստիպված կլինեն ռուսական հումք գնել։ ՌԻԱ Նովոստին պարզել է՝ «Գազպրոմն» ու պետբյուջեն որքան գումար կվաստակեն արտահանումից:

Իրինա Բադմաևա, ՌԻԱ Նովոստի

Եվրոպայի համար անոմալ սառնամանիքներ

Աշնանն ու ձմռանը եվրոպացիներն ավելի քան 65 մլրդ խորանարդ մետր գազ են ծախսել. տասը տարվա կտրվածքով սա ամենաբարձր ցուցանիշն է։ Տեղեկությունը հայտնում է «Գազպրոմը»՝ հղում անելով GasInfrastructureEurope-ին։ Նախորդ «ռեկորդը» եղել էր 2018-ին, երբ փետրվար-մարտին Եվրոպայում անոմալ սառնամանիք էր ու ձյան առատ տեղումներ:

Եղանակը չար կատակ խաղաց նաև ջեռուցման այս սեզոնին։ «Գազպրոմը» ստիպված եղավ հունվարին շտապ մեծացնել սառցակալած Եվրոպայի մատակարարումները։ Գերմանիա ուղարկվեց սովորականից 32,4 տոկոսով շատ գազ, Ֆրանսիա ուղարկված գազի ծավալն ավելացվեց 77,3 տոկոսով, Նիդեռլանդներինը՝ 21,2 տոկոսով, իսկ Իտալիայինը՝ 100 տոկոսով։

Բացի այդ, ավելացվեց Ասիայի ուղղությամբ արտահանումը. այնտեղ նույնպես սառնամանիքներ էին։ Արդյունքում շուկայում պակասուրդ առաջացավ, որը սպոտային գների կտրում աճ հրահրեց (ապրանքները, արժեթղթերը կամ արժույթը սպոտային գներով են վաճառվում անհապաղ առաքման պայմաններով)։

Օրինակ` Ասիայում եղավ մի պահ, երբ գնանշումները գերազանցեցին հազար խորանարդի դիմաց հազար դոլար։ Որոշ գործարքներ կնքվեցին 1400-ով։ Եվրոպայում գները հատեցին 300 դոլարի սահմանը։ Դա այն դեպքում, երբ «Գազպրոմի» 2021 թվականի պահպանողական բյուջեում 170-ն է դրված։

Արդյունքում ռուսական արտահանումը դեպի հեռավոր արտերկիր աճեց մինչև 19,5 մլրդ խորանարդ մետր։ Դա գրեթե 46 տոկոսով շատ է նախորդ տարվա ցուցանիշից։

Փետրվարին եղանակն առանձնապես չլավացավ։ Այդ ամսվա ընթացքում երեք օր շարունակ եվրոպական պահեստարանները տվեցին առավելագույնը՝ օրական ավելի քան մեկ միլիարդ խորանարդ մետր:

Մինչև մարտի 25-ը, երբ ցուրտ սեզոնն ավարտվեց, Հին աշխարհի պահեստարանների միջին զբաղվածությունը նվազեց մինչև 29 տոկոս: Մասնավորապես Գերմանիայում ու Ավստրիայում հասավ 26 տոկոսի, Նիդեռլանդներում՝ 23–ի, Ֆրանսիայում՝ 17–ի։

«Գազպրոմում» արդեն հաշվել են, որ եկող ձմռանը չմրսելու համար եվրոպացիները պետք է 57,3 տոկոսով (գրեթե 24 մլրդ խմ-ով) ավելացնեն պաշարները անցած տարվա համեմատ: Դա համադրելի է 2020 թվականին դեպի Ֆրանսիա ու Նիդեռլանդներ ընդհանուր արտահանման հետ։ Պահեստարանները լցնելու արշավը խոստանում է ամենազանգվածայիններից մեկը դառնալ 2011 թվականից ի վեր։

Ռուսական գազի այլընտրանքը

«Գազպրոմ էքսպորտի» գլխավոր տնօրեն Ելենա Բուրմիստրովան հայտնել է, որ 2020 թվականին գազի եվրոպական շուկայում ռուսական հումքի բաժինը շուրջ 33 տոկոս է կազմել: Նրա խոսքով՝ արդեն երրորդ եռամսյակից արտահանման ծավալները հասել են նախաճգնաժամային ցուցանիշներին, իսկ առանձին դեպքերում նույնիսկ գերազանցել են: Ներկրողների հանդեպ բոլոր պարտավորությունները կատարվել են։

Ռուսաստանից բացի, ԵՄ կապույտ վառելիք է մատակարարվում Նորվեգիայից, Կատարից, Ալժիրից, ԱՄՆ-ից ու Նիգերիայից: Գլխավոր սպառողներն են Գերմանիան, Մեծ Բրիտանիան և Իտալիան։ Ընդ որում` գերմանացիներն ու բրիտանացիները ռուսական գազը ստանում են «Հյուսիսային հոսքով»։ Այլ տարբերակ չկա։ Իհարկե, կարելի է անցնել հեղուկ բնական գազի, բայց այն ավելի թանկ է: Բացի այդ, դրա համար անհրաժեշտ են հատուկ տերմինալներ, որոնք Գերմանիան, օրինակ, չունի։ Հեղուկացված բնական գազն այնտեղ են հասցնում Բելգիայով ու Նիդեռլանդներով:

Իտալիայում և Մեծ Բրիտանիայում տերմինալներ կան, բայց այնտեղ էլ չեն շտապում հրաժարվել խողովակաշարային գազից։ Ուստի ռուսական էներգառեսուրսների գլխավոր գնորդները չեն սատարում «Հյուսիսային հոսք-2»-ի դեմ ամերիկյան պայքարը։ Ավելին` Գերմանիան ամերիկացիներին առաջարկում էր ֆինանսավորել տերմինալների կառուցումը իրենց հեղուկացված բնական գազն ընդունելու համար, միայն թե նրանք հանգիստ թողնեն «Հյուսիսային հոսք-2»-ը: Անցյալ տարվա ամռանը Բեռլինը պատրաստ էր 1 միլիարդ եվրո վճարել դրա համար։ Բայց Վաշինգտոնն իրենն է պնդում։

ԵՄ-ում ռուսական նախագծի հակառակորդների պակաս չկա՝ Չեխիա, Լեհաստան, Հունգարիա, Սլովակիա, Ռումինիա, Խորվաթիա։ Այս տարանցիկ երկրները գազի շնորհիվ լավ գումարներ են վաստակում։

Ռուսաստանը պարզում է, թե որքանով է Արևմուտքը պատրաստ կրկին «հրդեհել» Դոնբասը

Ի դեպ, Վարշավան արդեն հայտարարել է, որ մտադիր է 2022 թվականից հրաժարվել ռուսական գազից։ Լեհերը հույսները դրել են Հյուսիսային ծովի նորվեգական շելֆում կառուցվող Baltic Pipe խողովակաշարի վրա։ Մնացածը կլինի ամերիկյան հեղուկացված բնական գազը։

Ամերիկացիները, իհարկե, ուրախությամբ կլրացնեին եվրոպական պահեստարանները, հատկապես հիմա, երբ Ասիայում մարել է աժիոտաժային պահանջարկը։ Մարտին Հին աշխարհը նրանցից գնել է 11 միլիարդ խորանարդ մետր՝ երկու անգամ ավելի շատ, քան հունվարին ու փետրվարին ։ ԱՄՆ-ն ապահովել է Արևմտյան Եվրոպայի ուղղությամբ մատակարարումների 30 տոկոսը։ Ավելին` այժմ ծովերում և օվկիանոսներում ամերիկյան հեղուկացված բնական գազով 70 լցանավ կա։

Ո՞վ կլցնի եվրոպական պահեստարանները

Ճգնաժամը դեռ չի անցել, իսկ հեղուկացված բնական գազն առաջվա պես թանկ է խողովակաշարային գազից։ Բացի այդ, «Գազպրոմը», ի տարբերություն մրցակիցների, կարող է արագ մեծացնել արդյունահանումն ու օրական մատակարարումները։ Ընկերությունը սեփական պահեստարաններն ունի Եվրոպայում։

Գ.Վ. Պլեխանովի անվան տնտեսագիտական համալսարանի դոցենտ Ալեքսանդր Տիմոֆեևը նշում է, որ արևմտաեվրոպական ուղղությունը գերակա է, քանի որ «Հյուսիսային հոսքի» փոխհատուցելիությունը դեռ հարցականի տակ է։

«Ցուրտ ու ձգձգված ձմեռը լավ պահանջարկ ապահովեց, որը կարող է ավելի արագ աճել, քան պահեստարանների հզորությունները, ինչն էլ իր հերթին արդեն աշնանը գների բարձրացման կհանգեցնի», — ասում է նա։

VYGONConsulting–ի՝ Ռուսաստանի վառելիքային-էներգետիկ համալիրի զարգացման հարցերով անկախ խորհրդատուի կարծիքով՝ «Գազպրոմն» այս տարի կարող է գազի արտահանումը դեպի հեռավոր արտերկիր հասցնել մինչև 210 միլիարդ խորանարդ մետրի: Դա 17 տոկոսով շատ է, քան 2020-ի ցուցանիշը, և գրեթե հինգուկես տոկոսով շատ, քան «մինչկորոնավիրուսային» 2019-ի ցուցանիշը։

Օրինակ` առաջին եռամսյակում «Գազպրոմի» արտահանումն աճել է 30,7 տոկոսով։ «Ընդ որում՝ նախկինում մատակարարն իր տարեկան բյուջեն հաշվարկում էր` ելնելով 170 դոլար/հազ խմ սակագնից։ Բայց հետո ծրագրերը վերանայվեցին։ Հիմա տարեկան 200 դոլար է նախատեսվում։ Բանն այն է, որ երկարաժամկետ պայմանագրերը հիմնականում կապված են եվրոպական սպոտային գների հետ։ Բացի այդ, բարձրացել են նավթային գնանշումները, որոնցից կախված են գազի գները։ Ուստի լիովին իրատեսական է, որ «Գազպրոմը» սպառողներին համոզի իր ծրագրերի հիմնավորված լինելը»,– ասում է TeleTrade տեղեկատվական-վերլուծական կենտրոնի գլխավոր տնտեսագետ Մարկ Գոյխմանը:

ԱՄՆ-ն որոշել է անտեսանելի վրեժ լուծել Ռուսաստանից

Ի դեպ, գազը շարունակում է թանկանալ նաև ջեռուցման սեզոնի ավարտից հետո։ Հիմա TTF–ի (Title Transfer Facility Natural Gas Price Index) նիդեռլանդական հանգույցում սպոտային գինը 252 դոլար է (1000 խմ-ի համար), որը 2018-ից ի վեր առավելագույն ցուցանիշն է։

VYGON Consulting-ում նշում են, որ արդյունքում հեռավոր երկրներ մատակարարվող գազի շնորհիվ «Գազպրոմի» հասույթն այս տարի կավելանա 1,7 անգամ՝ հասնելով 42 մլրդ դոլարի: Ինչը շատ տեղին է պետբյուջեի համար։

0
թեգերը:
Եվրոպա, ԱՄՆ, գազ, Ռուսաստան