Վան Համբարձումյան

Հայաստանը ռուսական սպառազինություն ձեռք բերելու հարցում այլընտրանք չունի. փորձագետ

370
(Թարմացված է 22:54 28.01.2021)
Ռազմական փորձագետ Վան Համբարձումյանը Sputnik Արմենիայի եթերում անդրադարձել է Հայաստանի առջև ծառացած մարտահրավերներին, պատերազմ վարելու մարտավարական խնդիրներին և ռազմական հայեցակարգին։ 
Համբարձումյան. «Հայաստանը ռուսական սպառազինություն ձեռք բերելու հարցում այլընտրանք չունի»

Վան Համբարձումյանի դիտարկմամբ` պատերազմն անխուսափելի է լինելու, քանզի բոլորը հասկանում են, որ Ղարաբաղյան հակամարտությունը դեռ չի կարգավորվել։

Ըստ նրա` Հայաստանը պետք է փոխի իր ռազմական հայեցակարգը, որն արդեն չի համապատասխանում հինգերորդ կամ վեցերորդ սերնդի պատերազմի չափանիշներին, մինչդեռ նախապես արդեն հայտնի էր, թե ինչպիսի պատերազմ է մղելու Ադրբեջանը մեր դեմ։ 

«Ադրբեջանն իրականացրեց ոչ կոնտակտային պատերազմի կոնցեպցիան, որի իրագործմանը նախապատրաստվել էր նախորդ տարիներին, մինչդեռ Հայաստանի ռազմական գեներալիտետը մնացել է 1990-ականներում և պատրաստ չէր նոր թվային մարտադաշտին։ Դա առաջին պատերազմի սինդրոմն է, նրանք ինչ տեսել են մարտի դաշտում, մտածում էին, որ նույն մարտավարությունն է, մինչդեռ դա կատաստրոֆիկ սխալ էր Հայաստանի համար»,– նշեց ռազմական փորձագետը։

Համբարձումյանի կարծիքով` վերջին պատերազմի հայեցակարգը մշակվել է ՆԱՏՕ–ում և հենց դա էլ պետք է դրվի մեր ռազմավարական–պաշտպանական համակարգի հիմքում։ Ըստ նրա` նախ պետք է հասկանալ, թե ինչ է ոչ կոնտակտային պատերազմը և հետո քայլ առ քայլ պատրաստվել դրան, ինչի համար անհրաժեշտ են համապատասխան միջոցներ։ 

«Սպառազինություն ձեռք բերելու առումով Հայաստանը 90 տոկոս դեպքերում համագործակցում է Ռուսաստանի հետ, որովհետև վերջինս Հայաստանին մատակարարում է այնպիսի սպառազինություն, որը շատ երկրների չի մատակարարում` ներառյալ օպերատիվ մարտավարական, հրթիռային համակարգերը։ Կարևոր է նաև այն հանգամանքը, որ սպառազինությունը մեզ մատակարարվում է ինքնարժեքով, իսկ կադրերին պատրաստում են անվճար։ Հայաստանն այսօր նյութատեխնիկական առումով այլընտրանք չունի, առավել ևս, որ ՌԴ–ն Հայաստանին նաև վարկ է տրամադրում, որպեսզի իրենից գնի սպառազինություն»,– նշեց ռազմական փորձագետը։

Համբարձումյանի գնահատմամբ` Հայաստանն ու Իսրայելն ունեն նույնատիպ խնդիր. փոքր երկրներ են, ունեն սուղ ռեսուրսներ, հետևաբար հարցն առնչվում է հայեցակարգին։

Ըստ նրա` հետաքրքիր է, օրինակ, թե ինչպես է Իսրայելում դրսևորվում հասարակություն–ԶՈւ հարաբերակցությունը, ինչպես է պետությունը հոգ տանում զինծառայողի մասին, ինչպես է կարճ ժամկետներում իրականացնում առավելագույն մոբիլիզացիա, և հենց այդ հայեցակարգն էլ պետք է որդեգրի Հայաստանը։     

Հայաստանը ռուսական նոր զենք ունի. լուսանկարներ

370
թեգերը:
Հայաստան, սպառազինություն, Զենք, Ռուսաստան
Ըստ թեմայի
Մենք զիջում էինք Ադրբեջանին. փորձագետը` պատերազմի ժամանակ ունեցած սպառազինության մասին
Արժե՞ անհանգստանալ Կարսի զորավարժություններից. ռուս փորձագետի դիտարկումները
Ռուսական C-400-ը «գրավում է» չորրորդ երկիրը. իսկ հետո՞
Լարիսա Ալավերդյան

ՀՀ–ն և Արցախը փախստականների հարցով չեն դիմել միջազգային կառույցներին. Ալավերդյան

29
Հայաստանի առաջին օմբուդսման, «Ընդդեմ իրավական կամայականության» ՀԿ գործադիր տնօրեն Լարիսա Ալավերդյանը Sputnik Արմենիայի եթերում անդրադարձել է Արցախյան 44-օրյա պատերազմի արդյունքում փախստական դարձած մարդկանց խնդիրներին։
Ալավերդյան. «Արցախից բռնի տեղահանվածները չունեն փախստականի պաշտոնապես ամրագրված կարգավիճակ»

Լարիսա Ալավերդյանի դիտարկմամբ` մինչ օրս Արցախից բռնի տեղահանվածները չունեն փախստականի պաշտոնապես ամրագրված կարգավիճակ, ընդ որում` այդ կարգավիճակի մասին կամ միջազգային կոնվենցիա, որն ընդունվել է դեռ 1951 թվականին։ Ըստ նրա` կոնվենցիային կից արձանագրության ներքո պետք է դիտարկվեն վերոհիշյալ անձինք։

«Որքան ինձ հայտնի է, նրանց ոչ մի կարգավիճակ դեռ տրված չէ։ Նման դեպքերում մենք պետք է հստակեցնենք, թե փախստականներն ինչ են հայցում և ինչ է տվյալ դեպքում նախաձեռնում Հայաստանի հանրապետությունը` որպես այդ անձանց ընդունող կողմ։ Դրա մասին նույնպես չկա պաշտոնապես հայտարարված մոտեցում, ինչն էլ հիշյալ անձանց վիճակը դարձնում է այդքան անորոշ, մինչդեռ նրանք օգտվում են Հայաստանի և Արցախի հանրապետությունների կողմից հատկացվող օգնությունից»,– նշեց Ալավերդյանը։

Նրա կարծիքով` իրական վիճակն այն է, որ փախստականները մնում են անորոշության մեջ, և արդյո՞ք Հայաստանն ու Արցախը նախաձեռնելու են ինչ-որ քայլեր կամ դիտարկելու՞ են արդյոք իրենց մշտական բնակության վայրերից բռնի կերպով տեղահանված անձանց հարցը որպես ժամանակավոր խնդիր, թե՞ այդ մարդիկ, չստանալով իրենց հուզող հարցերի պատասխանները, բռնելու են արտագաղթի ճամփան։   

Հայաստանի առաջին ՄԻՊ–ի խոսքով` միջազգային հանրությունը նման խնդրի արձագանքում է միայն այն ժամանակ, երբ իրենց դիմում են, բայց Ալավերդյանի տեղեկացմամբ` ո՛չ Հայաստանը, ո՛չ էլ Արցախը նման հարցով պաշտոնապես չեն դիմել համապատասխան կառույցներին, մասնավորապես ՄԱԿ–ի փախստականների հարցերով զբաղվող հանձնակատարին։ Ըստ նրա` ստեղծված իրավիճակը էապես տարբերվում է նրանից, ինչ ունեցել ենք արցախյան առաջին պատերազմից հետո և մինչև անգամ դրանից առաջ։ 

Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։

Ռուս խաղաղապահներն Արցախում մարդասիրական օգնություն են հասցրել բազմազավակ ընտանիքներին

 Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։ 

44-օրյա պատերազմի արդյունքում Արցախի հանրապետության հազարավոր քաղաքացիներ դարձան անօթևան ու փախստական։

29
թեգերը:
Լարիսա Ալավերդյան, Փախստական, Պատերազմ, Լեռնային Ղարաբաղ, Արցախ
Գարիկ Միսակյան

Իրանը կարող է զսպել Սյունիքում ադրբեջանա-թուրքական ակտիվության ճիգերը. Միսակյան

88
(Թարմացված է 17:20 19.06.2021)
Իրանագետ Գարիկ Միսակյանը Sputnik Արմենիայի եթերում անդրադարձել է Իրանում տեղի ունեցած նախագահական ընտրություններին և հայ-իրանական հարաբերություններին։
«Իրանը կարող է զսպել Սյունիքում ադրբեջանա-թուրքական ակտիվության ճիգերը». Միսակյան

Պահպանողական էբրահիմ Ռաիսին կարող է ավելի կոշտ դիրքորոշում որդեգրել Ադրբեջանի նկատմամբ և Հայաստան-Իրան հարաբերությունները նոր հարթություն տեղափոխել։ Sputnik Արմենիայի հետ զրույցում նման կարծիք հայտնեց իրանագետ Գարիկ Միսակյանը։

«Իրանում մինչ Ռայիսիի ընտրվելը և նախագահական ընտրությունները թե՛ խորհրդարանի, թե՛ փորձագիտական մակարդակում եղել են հայտարարություններ, Իրանի խորհրդարանի գիտական ուսումնասիրությունների կենտրոնը նաև զեկույց է հրապարակել, որտեղ նշվել է, որ Իրանի առաջնահերթություններից է լինելու տնտեսական հարաբերությունների բարելավումը Հայաստանի և Ադրբեջանի հետ»,- ասաց նա։

Նրա խոսքով` Իրանը տնտեսական ակտիվությամբ կփորձի կանխել թուրքական աննախադեպ ազդեցության աճն Ադրբեջանի Հանրապետության տարածքում, իսկ Հայաստանում` տարանցիկ ենթակառուցվածքներ ստեղծել և մեծացնել իր տնտեսական ազդեցությունը Սյունիքում։

«Սյունիքում իրանական ներկայության մեծացումը իրանական փորձագիտական շրջանակների կողմից կարևորվում է նրանով, որ Իրանը, տնտեսապես ակտիվանալով Սյունիքում, կարող է նաև որոշ չափով միջամտել Սյունիքի հետ կապված ադրբեջանա-թուրքական ձգտումներին»,- ընդգծեց Միսակյանը։

Նշենք, որ Իրանում նախագահական ընտրություններն անցկացվել են երեկ` հունիսի 18–ին։ Հաղթել է դատական իշխանության ղեկավար Իբրահիմ Ռայիսին։

Իրանի գործող նախագահ Հասան Ռոհանին չէր առաջադրվել, քանի որ լրանում էր նրա պաշտոնավարման երկրորդ ժամկետը:

88
թեգերը:
Գարիկ Միսակյան, Իրանի Իսլամական Հանրապետություն, Սյունիքի մարզ, Հայաստան
ԿԸՀ

Քվեարկության արդյունքները 6։00-ի դրությամբ․ ովքե՞ր են առաջատարները

634
(Թարմացված է 06:23 21.06.2021)
Կուսակցությունների համար անցողիկ շեմը 5 տոկոս է, դաշինքների համար՝ 7 տոկոս։ Դաշինքներից առայժմ մեկն է հաղթահարել այդ շեմը։

ԵՐԵՎԱՆ, 21 հունիսի - Sputnik. Հայաստանի Ազգային ժողովի արտահերթ ընտրության քվեարկությունից հետո ամփոփվել են 2008 ընտրատեղամասերից 1809-ի արդյունքները։

Ըստ այդմ՝  «Քաղաքացիական պայմանագիր» կուսակցությունը ստացել է 605 741 քվե (55,02%),

«Հայաստան» դաշինքը՝ 224 678 (20,41%),

«Պատիվ ունեմ» դաշինքը՝ 57 610 (5,23%),

«Բարգավաճ Հայաստան» կուսակցությունը՝  45 118 (4.1),

«Հանրապետություն» կուսակցությունը՝ 33 130 (3,01),

«Հայ ազգային կոնգրես» կուսակցությունը՝ 16 038 (1.46)։

Հիշեցնենք` հունիսի 20–ին, ժ. 08։00–20։00–ը Հայաստանում քվեարկություն անցկացվեց 2008 ընտրատեղամասերում։ Ընտրողների ցուցակներում ընդգրկված 2 593 572 քաղաքացուց ընտրությանը մասնակցել են 1 281 174–ը կամ 49.4 տոկոսը։

Արտահերթ խորհրդարանական ընտրություններին մասնակցում են 21 կուսակցություն և 4 դաշինք։

Կուսակցությունների համար անցողիկ շեմը 5 տոկոս է, դաշինքների համար՝ 7 տոկոս։ 

Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է

634
թեգերը:
քվեարկություն, Ընտրություններ, Հայաստան
թեմա:
ԱԺ արտահերթ ընտրություններ 2021
Ըստ թեմայի
Ռոբերտ Քոչարյանի գլխավորած «Հայաստան» դաշինքը հայտարարություն է տարածել
Փաշինյանը քաղաքական խորհրդակցություններ կսկսի
Ինչպես են կենտրոնական շտաբի մոտ Փաշինյանին դիմավորում նրա կողմնակիցները. տեսանյութ