Փաստաբան Արա Ղազարյան

Ուղղակի պետք է թողնել, որ դատական համակարգը շարունակի ինքնազարգանալ. փաստաբան

33
(Թարմացված է 16:55 26.01.2021)
Փաստաբան Արա Ղազարյանը Sputnik Արմենիայի եթերում անդրադարձել է վարչապետ Նիկոլ Փաշինյանի տեսակետին, ըստ որի` վերջին շրջանում ականատես ենք եղել դատական համակարգի քաղաքականացման փորձերի, որն անթույլատրելի է և խարխլում է դատական համակարգի գաղափարը։
Ղազարյան. «Ուղղակի պետք է թողնել, որ դատական համակարգը շարունակի ինքնազարգանալ»

Արա Ղազարյանի դիտարկմամբ` նման երևույթ միանշանակ չկա, վերջին քսան տարվա ընթացքում այնքան շատ բարեփոխումներ են իրականացվել, այնքան շատ առաջընթաց է արձանագրվել, որ ուղղակի պետք է թողնել, որ դատական համակարգը շարունակի ինքնազարգանալ էվոլյուցիոն ճանապարհով, որովհետև բոլոր անհրաժեշտ կառուցակարգերը կան, մշակված են, սահմանված ու տեղադրված, դրանք աշխատում են, իսկ մնացածն արդեն ժամանակի հարց է, և ըստ նրա` քաղաքական որևէ լուծման կարիք չկա։

Ականատես ենք լինում դատական համակարգի քաղաքականացման փորձերի, անթույլատրելի է. Փաշինյան

«Ժամանակին Վենետիկի հանձնաժողովը դրական կարծիք է տվել Բարձրագույն դատական խորհրդի ձևավորման ընթացակարգին, ինչը բխում է իշխանության տարբեր թևերի փոխհավասարակշռման ընդհանուր գաղափարից։ Նման կերպ նաև Վճռաբեկ դատարանի դատավորներին նշանակում է Ազգային ժողովը քվեարկության որակյալ չափանիշներով, և նման ընթացակարգերն ընդունված են ամբողջ աշխարհում։ Եվրոպայի խորհուրդը դրան վերաբերում է նորմալ։ Կարևորն այն է, որ հակակշիռներն աշխատեն»,– նշեց փաստաբանը։

Ղազարյանի կարծիքով` եթե երկրում ընդհանուր քաղաքական բալանս լինի իշխանության բոլոր ճյուղերի միջև, ապա ընթացակարգերը չեն չարաշահվի։ Նրան զարմացրել է դատարանների վարքագիծը`վերջին մեկ տարում կայացված որոշումների առումով, որ նրանք ձգտում են չենթարկվել գործադիր իշխանության ճնշումներին ու կարողանում են հաջողել այդ գործում, և դա պայմանավորված չէ միայն դատավորների անձով, այլև կառուցակարգային, օրենսդրական փոփոխություններով։ 

«Վերջին 15 տարվա մեջ բարեփոխումներ են արվել դատական համակարգում, դրանք մեկնարկել են 2005 թվականից, երբ ընդունվեց Սահմանադրությունը, և դատական իշխանությունն առաջին անգամ պոկվեց գործադիր իշխանությունից, իսկ հետագայում արդեն օրենքի ուժով ինքնակարգավորման մեխանիզմները սկսեցին ստեղծվել և ավելի ու ավելի կազմավորվել, ուժեղանալ, կայանալ ու դրանով հակակշռել գործադիրի ճնշումներին։ Ի վերջո այդ 15 տարիների զարգացումներով հասանք այս օրվան, երբ տեսնում ենք, որ դատավորները հաջողությամբ կարողանում են դիմագրավել, ինչն ի դեպ ինստիտուցիոնալ դիմագրավում է, այլ ոչ թե անձնական»,– նշեց փաստաբանը։

Ղազարյանի գնահատմամբ`դատական համակարգում կոռուպցիան էապես նվազել է։ Ըստ նրա` թեև դատարաններն այսօր էլ կայացնում են տարակուսանք հարուցող որոշումներ, բայց դա ամենևին չի նշանակում, որ այդ որոշումների ետևում կան կոռուպցիոն երևույթներ։ Ըստ այդմ` դրա ետևում կարող է լինել դատավորի ներքին համոզմունքը կամ աշխարհայացքը, որը կարող է չհամընկնել մարդկանց համոզմունքներին։

Ղազարյանի պնդմամբ`մեր երկրում կոռուպցիայի այնպիսի մասշտաբներ չկան, որ ստեղծվեր հակակոռուպցիոն դատարան, եղած ռեսուրսները բավարար են այդ երևույթի դեմ պայքարելու համար, ուստի առանձին մասնագիտացված դատարանի ստեղծումն ըստ էություն ավելորդություն էր, որովհետև փաստաբանի համոզմամբ`այն ավելի է ծանրաբեռնելու դատական համակարգը։

«Չի կարելի այդպես». Ջհանգիրյանը դեմ է Գերագույն և կոռուպցիոն դատարանների ստեղծմանը

33
թեգերը:
դատական համակարգ, Արա Ղազարյան
Ըստ թեմայի
Հակակոռուպցիոն դատարանի ստեղծումն ուղղակի ժամավաճառություն է. Նորայր Նորիկյան
Դատարանը մերժեց Քոչարյանի և մյուսների գործով դատախազներին բացարկ հայտնելու միջնորդությունը
«Վճռաբեկի և ՍԴ-ի միավորումը լեգիտիմ է». Խաչատուրյանը կողմ է Գերագույն դատարանի ստեղծմանը
Ռուբեն Մելքոնյան

Թուրքերն իրենց գիտաժողովից հետո ցեղասպանության վերաբերյալ կոչ կուղղեն Բայդենին. Մելքոնյան

0
ԵՊՀ արևելագիտության ֆակուլտետի դեկան, թուրքագետ Ռուբեն Մելքոնյանը Sputnik Արմենիայի եթերում անդրադարձել է Թուրքիայում կայանալիք միջազգային գիտաժողովին, որի նպատակը Հայոց ցեղասպանության ժխտումն է։
Մելքոնյան. «Այդ գիտաժողովն առնչվում է ոչ թե գիտությանը, այլ ժխտողական քաղաքականությանը»

Ռուբեն Մելքոնյանի դիտարկմամբ`Թուրքիայի նման գործելակերպը նորություն չէ, քանզի այդ պետությունը շարունակում է մնալ իր ավանդական ժխտողականության ճիրաններում, շարունակում է հեռու մնալ համամարդկային արժեքներից ու չգիտակցել, համարձակություն չունենալ առերեսվելու սեփական պատմության հետ։ Ըստ նրա` Թուրքիայում նախատեսված գիտաժողովի համատեքստում գիտական որևէ տարր գտնել հնարավոր չէ, քանի որ ամբողջ նյութը հենված է կեղծիքի վրա, վստահաբար կրկնվելու են նույն թուրքական թեզերը, և այդ գիտաժողովն ունենալու է նաև քարոզչական նշանակություն, որի անունից վերջում կոչ կուղղվի ԱՄՆ–ի նախագահ Ջո Բայդենին, որպեսզի նա ապրիլի 24-ի ուղերձում չարտաբերի «ցեղասպանություն» բառը։

«Դա սպասելի է մի երկրից, որտեղ պետականորեն խրախուսվում է ցեղասպան մտածողությունը, և, բնականաբար, պետականորեն իրականացվում է ժխտման քաղաքականություն։ Վերջին շրջանի իրադարձություններն ավելի են ազատել Թուրքիայի ձեռքերը, և քաղաքակիրթ աշխարհի աչքերի առջև այդ երկիրն իրականացրել է տարաբնույթ հանցագործություններ, ցեղասպանական արարքներ, ուստի անպատժելիության այս մթնոլորտում ոչ միայն շարունակում է իր գործելակերպը, այլև առաջ է տանում իր արարքների ժխտման քաղաքականությունը։ Այն փաստը, որ գիտաժողովի աշխատանքները համակարգելու է նախագահականը, դժվար չէ պատկերացնել, որ խոսքն առնչվում է ոչ թե գիտությանը, այլ քաղաքականությանը, որն իր հերթին հենված է ցեղասպան մտածողության վրա»,– Sputnik Արմենիային ասաց թուրքագետը։

Մելքոնյանի կարծիքով` Հայոց ցեղասպանության խնդրի բաղկացուցիչ մաս են կազմում նաև իրավական հետևանքները, ինչից Թուրքիան վախենում է և դրա համար էլ ներդրել է ու շարունակելու է ներդնել բոլոր միջոցները իրավական դաշտում պահանջատիրության գործընթացները կասեցնելու նկատառությամբ։ Թուրքագետը ցավով նշեց այն հանգամանքը, որ այսպես կոչված ժողովրդավար երկրների որոշ ներկայացուցիչ–իրավաբաններ հանուն գումարի մաս են դառնում հակամարդկային քայլերի, մարդկության դեմ ուղղված հանցագործությունների արդարացման` նպաստելով դրանց շարունակմանը։

«Թուրքիան այդ գիտաժողովում փորձելու է ոչ միայն ի մի բերել թուրք պատմաբանների տեսակետները, այլև մեկտեղել իր հին գործիքակազմի բոլոր տարրերը իր ժխտողականությանը միջազգային համոզիչ տեսք տալու նպատակով, բայց դրանք անօգուտ քայլեր են, որովհետև աշխարհը, որքան էլ գումարի դիմաց կամ ինչ–ինչ շահերից ելնելով լռում է, այդուհանդերձ վաղուց արդեն տեղյակ է իրական պատկերին»,– նշեց թուրքագետը։

Մելքոնյանի համոզմամբ` մենք վաղուց առերեսվել ենք այն իրականության հետ, որ Հայոց ցեղասպանության խնդիրը համաշխարհային ասպարեզում քաղաքական առևտրի գործիքակազմի մաս է կազմում և պետություններն առավելապես առաջնորդվում են քաղաքական շահերով, այլ ոչ թե հումանիստական, պատմական արդարությանն առնչվող սկզբունքներով։ Ըստ նրա` ճանաչման ու լռության բախման տիրույթում գերակայում է սառը քաղաքական հաշվարկը, որը շատ հաճախ ուղիղ հակոտնյա է համամարդկային և հումանիստական սկզբունքներին

Ավելի վաղ տեղեկացրել էինք, որ Թուրքիայի նախագահական նստավայրի համակարգմամբ` ապրիլի 20–ին Հայոց ցեղասպանությունը ժխտող միջազգային գիտաժողով կանցկացվի։ Ըստ Թուրքիայի նախագահականի հանրային կապերի վարչության տարածած հայտարարության` գիտաժողովը կանցկացվի երեք տարբեր պանելային քննարկումներով, որոնք կունենան իրենց ղեկավարներն ու առանձին խորագրերը։

Բացի Թուրքիայից, գիտաժողովին մասնակցելու են ներկայացուցիչներ ԱՄՆ–ից, Գերմանիայից, Ֆրանսիայից և Իռլանդիայից։

0
թեգերը:
Ռուբեն Մելքոնյան (թուրքագետ), Ցեղասպանություն, Թուրքիա
Ըստ թեմայի
Էրդողանի մահակը, կամ նա Բայդենին ակնարկում է`Ցեղասպանության ճանաչումը թանկ կնստի ԱՄՆ–ի վրա
Բրիտանական «Young Turks»–ը փոխել է անվանումը` հաշվի առնելով Հայոց ցեղասպանությունը
Ցեղասպանության օրվա միջոցառումների շրջանակում կներկայացվի նաև Արցախի մշակութային եղեռնը
Ցեղասպանության հերթական տարելիցի նախաշեմին Երևանից ռևերանսներ են արվում դեպի Թուրքիա
Էդմոն Մարուքյան

Ամենակարևորը եվրոպացիների ելույթներն են. ի՞նչ կփոխի ԵԽԽՎ նիստում գերիների հարցի քննարկումը

39
(Թարմացված է 17:36 19.04.2021)
ԵԽԽՎ-ում հայկական պատվիրակության ներկայացուցիչ, ԱԺ «Լուսավոր Հայաստան» խմբակցության պատգամավոր Էդմոն Մարուքյանը Sputnik Արմենիայի եթերում խոսել է հայ գերիների վերադարձի հարցով Ստրասբուրգում սպասվող ելույթի և Ադրբեջանի ու Թուրքիայի պատվիրակների արձագանքի մասին։

 

«Ռազմագերիների վերադարձի հարցը հումանիտար խնդիր է և առաջադեմ երկրների ճնշումը շատ կարևոր է». Մարուքյան

Քննադատությունների ճնշման արդյունքում այս անգամ հայկական պատվիրակությանը հաջողվեց հայ ռազմագերիների հարցը ԵԽԽՎ լիագումար նիստում բարձրաձայնելու հնարավորություն ստանալ։ Sputnik Արմենիայի հետ զրույցում այս մասին ասաց Ստրասբուրգում հայկական պատվիրակության ներկայացուցիչ, ԱԺ «Լուսավոր Հայաստան» խմբակցության պատգամավոր Էդմոն Մարուքյանը։

«Թշնամական Թուրքիայի ու Ադրբեջանի պատվիրակներն, ինչ խոսք, ջանք չխնայեցին վերաբերյալ իրենց թեզն առաջ տանելու և հայկական պատվիրակության փաստարկներին «երանգներ» հաղորդելու հարցում. երկու երկրների պատվիրակներն էլ դեմ քվեարկեցին, սակայն հայկական լոբբինգն ի վերջո արդյունք տվեց»,–նշեց Մարուքյանը։ 

Նրա խոսքով` սա լավ հնարավորություն է եվրոպական բարձր ամբիոնից միջազգային հանրության ուշադրությունը հրավիրելու Ադրբեջանում պահվող հայ ռազմագերիներին Հայաստան վերադարձնելու խնդրին, և նաև Ադրբեջանի վրա ճնշումն ուժեղացնելու համար։

«Սա է ճանապարհը, ուրիշ ճանապարհ չկա, որովհետև ռազմագերիների վերադարձի հարցը հումանիտար խնդիր է, և առաջադեմ երկրների ճնշումն այստեղ շատ անհրաժեշտ է»,- ասաց նա։

Ելույթները նախատեսված են վաղը. հայկական պատվիրակության ամբողջ կազմը գրանցված է և պատրաստ ԵԽԽՎ ամբիոնից հնչեցնելու Բաքվի բանտերում ապօրինի պահվող մեր հայրենակիցների վերադարձի հարցը։ Թե ում կամ քանի ներկայացուցչի կհաջողվի խնդիրը բարձր անբիոնից հնչեցնել, հայտնի չէ, պարզ կլինի նիստի մեկնարկից հետո։

Մարուքյանը նշեց, որ հայկական պատվիրակության ելույթներից պակաս կարևոր չեն նաև եվրոպացի գործընկերների խոսքը։

«Վաղվա դեբատում ամենակարևորը եվրոպացի մեր գործընկերների ելույթներն են լինելու, որովհետև մենք այստեղ աշխատանք ենք տանում, որ իրենք խոսեն ու նորից չվերածվի հայ-ադրբեջանական կռվի, որ եվրոպական մեր գործընկերները, միջազգային հանրությունն այս թեմայով իր ասելիքն ասի»,- նշեց Մարուքյանը։

Ազատություն հայ ռազմագերիներին․ ԵԽԽՎ նիստից առաջ Մարուքյանը բողոքի ակցիա է անցկացրել

Իսկ մինչ այդ այսօր ԵԽԽՎ ամբիոնից Մարուքյանը կխոսի վերջերս Ադրբեջանում բացված «պուրակի» մասին`Եվրոպայի առաջ բացահայտելու Ադրբեջանի կողմից իրականացվող հայատյաց քաղաքականության արյունոտ դեմքը։

Հիշեցնենք` այսօր Եվրոպայի խորհրդի խորհրդարանական վեհաժողովի (ԵԽԽՎ) օրակարգում կքննարկվի Ադրբեջանում պահվող հայ ռազմագերիների հարցը։

Քվեարկությանը մասնակցած պատվիրակներից 93-ը կողմ են քվեարկել, 21-ը` դեմ, 18-ը` ձեռնպահ։

Նախորդ նստաշրջանին չհաջողվեց բանավեճ ունենալ այդ թեմայով, քանի որ այլ հարցեր ավելի էին կարևորվել եվրոպական այլ երկրների պատվիրակների համար։

Հիշեցնենք, որ ոչ պաշտոնական տվյալներով` մոտ 200 ռազմագերի կա Ադրբեջանում, բայց Ադրբեջանը հայտարարում է, որ իրենց մոտ ոչ մի ռազմագերի այլևս չկա, կան միայն «հայ ահաբեկիչներ»։

Մինչ օրս Ադրբեջանից Հայաստան է վերադարձվել 69 գերի, այդ թվում՝ քաղաքացիական անձինք։ Իսկ Հայաստանն Ադրբեջանին է փոխանցել 15 անձի, նրանց թվում ոչ միայն ռազմագերիներն են, այլև Արցախում երեխայի սպանության ու այլ հանցագործությունների համար դատապարտված ադրբեջանցիներ Շահբազ Գուլիևն ու Դիլհամ Ասկերովը։

Ադրբեջանի ներկայացուցիչը ԵԽԽՎ-ին կոչ է արել «չեզոքացնել» Նաիրա Զոհրաբյանին

39
թեգերը:
Եվրախորհրդի խորհրդարանական վեհաժողով (ԵԽԽՎ), Էդմոն Մարուքյան, Եվրոպա, գերի
Ըստ թեմայի
Ադրբեջանը հայ գերիների հարցում մեկ հիմնական թեզ ունի. Միքայել Մելքումյան
ՄԻՊ–ը գերիների հարցով դիմել է ԵԱՀԿ նախագահին, ՄԽ համանախագահներին և այլ մարմինների
«Որովհետև չէին գնացել գերիների հետևից». Ավագյանը` դատարկ ինքնաթիռի ու շահարկումների մասին
Արման Անդրեասյան

Արման Անդրեասյանը Եվրոպայի առաջնությունում կգոտեմարտի բրոնզե մեդալի համար

0
(Թարմացված է 21:32 19.04.2021)
Լեհաստանի մայրաքաղաք Վարշավայում մեկնարկել է ըմբաշամարտի Եվրոպայի առաջնությունը։ Մրցաշարը բացել են ազատ ոճի ըմբիշները։ Մրցումային առաջին օրը հայ երեք ըմբիշներից միայն Արման Անդրեասյանին հաջողվեց հասնել մինչև կիսաեզրափակիչ։

ԵՐԵՎԱՆ, 19 ապրիլի – Sputnik. Եվրոպայի չեմպիոնի կոչման համար այսօր պայքարի մեջ մտած ազատ ոճային երեք ըմբիշներից միայն Արման Անդրեասյանն էր հավակնում ոսկե մեդալի։ Բայց մեր ըմբիշը կիսաեզրափակիչում 3։4 հաշվով զիջեց ռուսաստանցի Իսրայիլ Կասիմովին ու կպայքարի բրոնզե մեդալի համար։

70 կգ քաշային կարգում Արման Անդրեասյանը 1/8 եզրափակիչում բացահայտ առավելությամբ՝ 10։0 հաշվով հաղթեց Լիտվայի ներկայացուցիչ Արտյոմ Աուգային, իսկ քառորդ եզրափակիչում հայ ըմբիշը 10։5 հաշվով պարտության մատնեց լեհ Պատրիկ Օլենչինին։ Եզրափակիչ մտնելու համար Արմանը գոտեմարտեց Ռուսաստանի ներկայացուցիչ Իսրայիլ Կասումովի հետ։

Արմանը գոտեմարտի վերջին վարկյաններին հնարավորություն ուներ հաղթանակ կորզելու, բայց, ցավոք, չկարողացավ գլորել մրցակցին ու զիջեց նրան մեկ միավորի տարբերությամբ՝ 3։4 հաշվով։

Հայ ըմբիշներին մեկ քայլ է մնացել օլիմպիական ուղեգիր նվաճելու համար. ովքե՞ր են նրանք

79 կգ քաշային կարգում Արման Ավագյանը 1/8 եզրափակիչում 10։0 հաշվով հաղթել էր Գերմանիան ներկայացնող Էդուարդ Տատարինովին։ Իսկ քառորդ եզրափակիչում մեր ըմբիշը պարտվեց Սլովակիան ներկայացնող Ախսարբեկ Գուլաևին։ 65 կգ քաշային Գևորգ Թադևոսյանը 1/8 եզրափակիչում 1:2 հաշվով պարտվեց ադրբեջանցի Ալի Ռահիմզադեին:

Հայաստանի հավաքականի ըմբիշներից վաղը մրցագորգ է դուրս գալու Հրայր Ալիխանյանը։ 74 կգ քաշային կարգում հայ ըմբիշի մրցակիցը առաջին գոտեմարտում լինելու է Ռուսաստանի ներկայացուցիչ Ռազամբեկ Ժամալովը։

Հոգեբանորեն մեզ համար շատ դժվար էր. ըմբիշ Մալխաս Ամոյանը` նվաճած մեդալի և պատերազմի մասին

0
թեգերը:
ըմբիշ, Արման Անդրեասյան
Ըստ թեմայի
Հայ մարմնամարզիկները Վորոնինի գավաթի խաղարկությունից 4 ոսկե և 3 բրոնզե մեդալ են բերել
Վազգեն Թևանյանը դարձավ աշխարհի գավաթակիր
Ըմբշամարտի միջազգային մրցաշար Կիևում. Մալխաս Ամոյանն ու Կարապետ Չալյանը եզրափակիչում են