ՀՀ Հանրային ծառայությունները կարգավորող հանձնաժողովի սակագնային քաղաքականության վարչության պետ Աշոտ Ուլիխանյան

Գազալցակայաններում գազը թանկացել է ու պարզ չէ՝ հետո ինչ կլինի

229
(Թարմացված է 13:47 15.01.2021)
ՀՀ Հանրային ծառայությունները կարգավորող հանձնաժողովի սակագնային քաղաքականության վարչության պետ Աշոտ Ուլիխանյանը Sputnik Արմենիայի եթերում անդրադարձել է գազալցակայաններում գազի սակագնի բարձրացման խնդրին։  
Ուլիխանյան. «Գազալցակայաններում գազի գնի թանկացման պատճառը դոլարի փոխարժեքի տատանումն է»

Աշոտ Ուլիխանյանի պնդմամբ` գազալցակայանների գործունեության կարգավորումը  դուրս է իրենց հանձնաժողովի իրավասության տիրույթից։ Նրա տեղեկացմամբ` «Գազպրոմ–Արմենիա» ընկերությունը գազը վաճառում է գազալցակայաններին, որոնք համարվում են խոշոր սպառողներ, այսինքն` 10 000խ/մ չափաքանակը գերազանցողների պարագայում բնական գազի սակագինը սահմանվում է հաշվարկային բանաձևով` կախված դոլարի փոխարժեքի մեծությունից։ 

«Այժմ ըստ էության փոխարժեքի փոփոխությունն է ազդել գազալցակայանների կողմից ձեռք բերվող գազի գնի վրա, այսինքն` դրամական արտահայտությամբ փոխարժեքի մեծությունն է ազդել, որ ավելանում է գինը»,– նշեց ՀԾԿՀ սակագնային քաղաքականության վարչության պետը։

Ուլիխանյանի ենթադրությամբ` տվյալ ոլորտի տնտեսվարողների գործունեության դաշտում պետք է որ լինեն ազատ շուկայական պայմաններ, սակայն այդտեղ էլ հանձնաժողովը որևէ առնչություն չունի նրանց հետ։ Ըստ նրա` գազի սակագնի մեջ գերակշիռ մասը`շուրջ 75 տոկոսը, կազմում է գազի ձեռքբերման գինը, որն ըստ պայմանագրում ամրագրված դրույթի` հաշվարկվում է դոլարային մեծությամբ։  

«Այս դեպքում տրամաբանական է, որ սակագինը սահմանելիս` օրենքը թույլ է տալիս, որ դա արվի հաշվարկային բանաձևով` կախված ինչ–ինչ գործոններից, և քանի որ սակագնի մեջ ավելի քան 70 տոկոսը գազի ձեռքբերման գինն է, ապա տրամաբանական է, որ սպառողի գինն էլ լինի հաշվարկային բանաձևով` կախված փոխարժեքի մեծությունից, բայց որպեսզի փոքր սպառողները, այդ թվում բնակիչները, ամեն ամիս այդ տատանումների ռիսկը չկրեն, նրանց համար գազի սակագինը սահմանվել է դրամական մեծությամբ»,– նշեց ՀԾԿՀ սակագնային քաղաքականության վարչության պետը։ 

Գազամատակարարումը դադարեցվել է. Հայաստանում տրանսպորտի հետ կապված խնդիրներ կառաջանա՞ն

Ուլիխանյանի խոսքով` այս պահին դեռ ոչ մի հստակություն չկա, թե հետագայում ինչ կլինի, որովհետև հիմնական գործոնը, որն ազդում է սպառողին վաճառվող գազի գնի վրա, դա ձեռք բերվող, ներկրվող բնական գազի գինն է, այսինքն` երբ բանակցությունները տեղի կունենան ռուսական «Գազպրոմի» հետ, կավարտվեն ու վերջնական արդյունքում պարզ կլինի հետագա ժամանակահատվածների համար ինչ գնով պետք է ձեռք բերվի գազը, ըստ դրա էլ պարզ կլինի՝ սակագնի վերանայման անհրաժեշտություն կառաջանա, թե ոչ։ 

229
թեգերը:
Աշոտ Ուլիխանյան (ՀԿԾՀ սակագնային քաղաքականության վարչության պետ), գազի սակագին, Հանրային ծառայությունները կարգավորող հանձնաժողով (ՀԾԿՀ)
Ըստ թեմայի
«Գազպրոմ Արմենիան» դեռ չի ուզում բռնագանձումներ անել. որքա՞ն են պարտք բնակիչները
Նոր Հաճնում 6–հոգանոց ընտանիք է թունավորվել շմոլ գազից
Ժամանակավորապես կընդհատվի ԱԳԼՃԿ-ների և Երևանի ՋԷԿ-ի գազամատակարարումը
Արմեն Սարգսյանն ու Նիկոլ Փաշինյանը

ՀՀ նախագահը հայտնվել է ծուղակում, նրա համար հեշտ չէ հստակ քաղաքական քայլ անել

55
(Թարմացված է 14:00 08.03.2021)
Քաղաքագետ Նորայր Դունամալյանը Sputnik Արմենիայի եթերում անդրադարձել է ՀՀ նախագահի վարքագծին և գործունեությանը ներքաղաքական զարգացումների համատեքստում, մասնավորապես իշխանության և ընդդիմության հետ նրա հարաբերություններին։
Դունամալյան. «ՀՀ նախագահը հայտնվել է ծուղակում, նրա համար հեշտ չէ հստակ քաղաքաական քայլ անել»

ՀՀ նախագահի լիազորությունները մի կողմից ձևական են ու խիստ սահմանափակ` ըստ Սահմանադրության, իսկ մյուս կողմից ժամանակի ընթացքում ընդունվեցին նոր օրենքներ, որոնք նույնպես սահմանափակեցին նախագահի լիազորությունները։ Քաղաքագետ Նորայր Դունամալյանը Sputnik Արմենիայի հետ զրույցում նշեց`երբ խոսվում է, թե ՀՀ նախագահը պետք է լինի Սահմանադրության երաշխավորը, ապա պետք է ուշադրություն դարձնել այն հանգամանքին, թե այդ հարցում ինչ միջոցներ ունի նախագահը։

«Միջոցներ գրեթե չկան։ Եթե անդրադառնանք կոնկրետ Արմեն Սարգսյանի անձին, ապա նա 2018–ից ի վեր փորձում էր ավելի չեզոք դիրքորոշում ունենալ և չմտնել քաղաքական խաղերի մեջ` վեր մնալով դրանցից։ Այսօր քաղաքական դաշտում նրա մանևրելու միջոցները շատ քիչ են, նա չի կարող ԳՇ պետի հետ կապված հստակ պատասխան տալ։ Եթե ստորագրի նրա հրաժարականի հրամանագիրը, դա կբերի նրան, որ կենթարկվի խիստ քննադատության, իսկ հակառակ դեպքում դա կբերի կոնֆլիկտի վարչապետի հետ»,– ասաց քաղաքագետը։

Դունամալյանի կարծիքով` Արմեն Սարգսյանը ձգտում է իրեն հեռու պահել այդ հարցին առնչվող որոշումներից և պատասխանատվությունը փոխանցել ուրիշ ինստիտուտների։ Ըստ նրա`Սահմանադրությունն այնպիսին է, որ նախագահն արդեն իսկ չի կարող ազդել քաղաքական գործընթացների վրա։ Ստորագրել–չստորագրելով որևէ օրենք կամ ուղարկելով ՍԴ` այն դեպքում, երբ Սահմանադրական դատարանը փաստացի գտնվում է գործադիր իշխանության վերահսկողության ներքո, Արմեն Սարգսյանի համար ամենակարևորն իր դիրքը պահելն է։

Քաղաքագետի գնահատմամբ` Արմեն Սարգսյանը հայտնվել է ծուղակում, նրա համար հեշտ չէ հստակ քաղաքական քայլ անել և նրա դեմ նորից կարող են օգտագործվել կոմպրոմատներ, քանի որ, ըստ Դունամալյանի, հավանաբար արդեն իսկ օգտագործվել են, որովհետև նախագահը համաձայնվեց օրենքն ուղարկել ՍԴ և չստորագրել ԳՇ պետի պաշտոնանկության հրամանագիրը։

Հիշեցնենք` Հայաստանի ներքաղաքական իրադրությունը սրվեց, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը` ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ 

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ հեղափոխությունը պաշտպանելու համար։

Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը  առաջարկությունը կրկին ուղարկեց ՀՀ նախագահին։

ՀՀ նախագահի մամուլի ծառայությունը մարտի 2-ին հայտնեց, որ Արմեն Սարգսյանը որոշել է չստորագրել ՀՀ վարչապետ Նիկոլ Փաշինյանի` ԶՈւ ԳՇ պետ Օնիկ Գասպարյանին պաշտոնից ազատելու հրամանագրի նախագիծը, միաժամանակ առաջնորդվելով Սահմանադրության 169-րդ հոդվածի 1-ին մասի 4-րդ կետով` ՀՀ նախագահն առանձին դիմումով դիմելու է ՍԴ` «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով։

55
թեգերը:
Օնիկ Գասպարյան, Արմեն Սարգսյան, Հայաստան
Ըստ թեմայի
Մարուքյանը գիտի ճգնաժամից դուրս գալու տարբերակը. այդ դեպքում ի՞նչն է նրան նյարդայնացնում
Վերջնաժամկետում կլսենք արձագանքը․ Բաղդասարյանը պատմել է ՀՀ նախագահի հետ հանդիպման մասին
Ինչո՞ւ չի հեռանում ներկայիս իշխանությունը, կամ ո՞վ մեզ պետք է փրկեր, ըստ Նաիրա Զոհրաբյանի
Վարդան Ոսկանյան

Հայաստանը կարող է հանդես գալ շահողի դերում. Ոսկանյանը` Իրանի ԵԱՏՄ–ին անդամակցելու մասին

82
(Թարմացված է 19:54 07.03.2021)
Իրանագետ, ԵՊՀ արևելագիտության ամբիոնի վարիչ Վարդան Ոսկանյանը Sputnik Արմենիայի եթերում անդրադարձել է ԵԱՏՄ–ին Իրանի անդամակցելու հեռանկարին և դրանով պայմանավորված հայ–իրանական հարաբերություններին։

 

 

Ոսկանյան. «ԵԱՏՄ–ին անդամագրումը կլուծի Իրանի առջև ծառացած մի շարք մարտահրավերներ»

Վարդան Ոսկանյանի դիտարկմամբ` ԵԱՏՄ–ին անդամակցելու հայտարարություններն Իրանում արվել են ամենաբարձր մակարդակով, քաղաքական այնպիսի գործիչների կողմից, որոնք ներկայացնում են թե՛ իրանական քաղաքական դաշտի պահպանողական հատվածը, թե՛ բարեփոխականների թևը։ Առաջինում խորհրդարանի նախագահն է, երկրորդում` երկրի նախագահը, ինչը վկայում է, որ ԵԱՏՄ–ին անդամագրվելու ձգտումը բավականին լուրջ է։ 

«Այդ հարցը կլուծի Իրանի առջև ծառացած մի շարք մարտահրավերներ, հատկապես տնտեսական բնույթի, քանի որ ամերիկյան պատժամիջոցները զգալիորեն ազդել են իրանական տնտեսության վրա։ Իրանցիները ձգտում են ավելի լայն ներգրավվածության ձևաչափերում ստանալ այն, ինչը կորցրել են պատժամիջոցների հետևանքով»,– նշեց իրանագետը։

Ոսկանյանի գնահատմամբ` թեև ԵԱՏՄ–ն բացառապես տնտեսական կառույց է, սակայն դիտարկվում է նաև որպես աշխարհաքաղաքական համագործակցության կարևոր հարթակ։ Հետևաբար փորձելով խորացնել հարաբերությունները ԵԱՏՄ–ի հետ նաև անդամակցության ձևաչափով` Իրանը որոշակիորեն ապահովում է իր աշխարհաքաղաքական անվտանգության բաղադրիչների գոնե մի հատվածը։

«Հայաստանն այդ պարագայում կարող է հանդես գալ շահողի դերում, քանզի կարող է նույնպես լուծել իր առջև ծառացած մարտահրավերները։ Նախապես նշվում էր, որ Հայաստանը կարող է դառնալ այն հարթակը, որն Իրանին կկապի ԵԱՏՄ–ի հետ։ Հիմա Իրանի անդամակցությունը կբերի նրան, որ իրանցիներն ուղղակիորեն կառանչվեն կառույցի անդամ պետությունների հետ»,– նշեց Ոսկանյանը։

Իրանի կողմից ատոմային ռումբի ձեռքբերումն Իսրայելի համար համարվում է կարմիր գիծ. Պողոսյան

Նրա կարծիքով` հայկական կողմը պետք է ձգտի ստեղծել այնպիսի մթնոլորտ, որի պայմաններում իրանական բիզնեսի համար ավելի ձեռնտու կլինի Հայաստանի միջնորդությամբ աշխատել Ռուսաստանի հետ և հակառակը։ Պետք է  հաշվի առնել, որ հայերը ծանոթ են ռուսական շուկայի առանձնահատկություններին և Իրանի հետ կունենան փաստացի ցամաքային սահման նաև ԵԱՏՄ–ի շրջանակներում, հետևաբար, ըստ իրանագետի, ստեղծված հնարավորությունների իրացումը կախված է նաև հայկական կողմի ջանքերից։      

82
թեգերը:
Հայաստան, Եվրասիական տնտեսական միություն (ԵԱՏՄ), Իրանի Իսլամական Հանրապետություն
Արմեն Սարգսյան

Արդեն ուրվագծվում էր մեր ապագա համագործակցությունը. Սարգսյանը ցավակցել է Դասոյի ընտանիքին

0
(Թարմացված է 14:35 08.03.2021)
ՀՀ նախագահը հայտնել է, որ ուղղաթիռի կործանման հետևանքով մահացած Օլիվիե Դասոյի հետ բազմաթիվ հանդիպումների ժամանակ հաճախ են զրուցել նաև Հայաստանի հետ համագործակցության, իրականացվելիք հնարավոր նախագծերի մասին։

ԵՐԵՎԱՆ, 8 մարտի - Sputnik. Օլիվիե Դասոյի եռանդուն աջակցությամբ էին «Dassault Group»-ի կազմի մեջ մտնող՝ «Dassault systemes» ընկերության ներկայացուցիչներն այցելել Հայաստան, և արդեն իսկ ուրվագծվում էր ապագա համագործակցությունը: ՀՀ նախագահ Արմեն Սարգսյանը ցավակցել է Օլիվիե Դասոյի ընտանիքին` նշելով, որ խոր ցավ է ապրել՝ տեղեկանալով իր բարեկամ, ֆրանսիացի քաղաքական գործիչ և գործարար, Ֆրանսիայի խորհրդարանի պատգամավոր, հանրահայտ «Dassault Group» ընկերության ռազմավարության և զարգացման գծով նախագահ Օլիվիե Դասոյի անժամանակ մահվան մասին։

«Օլիվիե Դասոն ոչ միայն տեխնոլոգիաների մեծ մասնագետ էր և բիզնեսի հմուտ կազմակերպիչ, այլև արվեստագետ, որի համար լուսանկարչությունը սովորական հոբբի չէր: Օլիվիե Դասոն Հայաստանի և հայ ժողովրդի մեծ բարեկամն էր: Նրա հետ մեր բազմաթիվ հանդիպումների ժամանակ հաճախ էինք զրուցում նաև Հայաստանի հետ համագործակցության, իրականացվելիք հնարավոր նախագծերի մասին: Այդ թեմայով մենք քննարկում ունեցանք նաև նրա հայաստանյան այցի ժամանակ»,–իր ցավակցական ուղերձում գրել է նախագահը։

Սարգսյանի խոսքով` Դասոյի մահը մեծ կորուստ է ոչ միայն Ֆրանսիայի, այլև միջազգային գործարար և քաղաքական շրջանակների համար։ Նա իր անկեղծ ցավակցությունն է հղել բարեկամ Ֆրանսիայի ժողովրդին՝ իր արժանի զավակի մեծ կորստի կապակցությամբ։

Հիշեցնենք` ֆրանսիացի քաղաքական գործիչ և միլիարդատեր Օլիվիե Դասոն մահացել է Նորմանդիայում՝ Ֆրանսիայի հյուսիս-արևմուտքում, մասնավոր ուղղաթիռի կործանման պատճառով։

 

0
թեգերը:
Արմեն Սարգսյան, Հայաստան