Հովհաննես Մանուկյան

Հայաստանը, որպես պարտված կողմ, իր բանակցային ռեսուրսը լիարժեք չի օգտագործում

188
(Թարմացված է 17:14 14.01.2021)
Վրաստանում ՀՀ նախկին դեսպան, ՀՀ արդարադատության նախկին նախարար Հովհաննես Մանուկյանը Sputnik Արմենիայի եթերում անդրադարձել է ԵԱՀԿ Մինսկի խմբի ռուսաստանյան համանախագահ Իգոր Պոպովի հերքմանը, որը կապված է ՀՀ վարչապետ Նիկոլ Փաշինյանի հայտարարության հետ։
Մանուկյան. «Փաշինյանի դեպքում բացառում եմ բանակցային գործընթացի նրբություններին տեղյակ չլինելը»

Վրաստանում ՀՀ նախկին դեսպան, ՀՀ արդարադատության նախկին նախարար Հովհաննես Մանուկյանի դիտարկմամբ` նման բարձր մակարդակում անհամաձայնություններ արտահայտելը պատահական երևույթ չէ և դրա տակ կան հավանաբար խորքային հակասություններ։

Ըստ նրա` առաջին հայացքից այն իդիլիայի տակ, որ մինչ օրս կա եռակողմ հայտարարության ստորագրումից հետո, նույնպես կան խորքային հակասություններ ոչ միայն Հայաստանի և Ադրբեջանի շահերի, այլ նաև տարբեր հարթություններում Հայաստանի և Ռուսաստանի, Ադրբեջանի և Ռուսաստանի շահերի հետ կապված և պետք է չէ մոռանալ, որ մեր տարածաշրջանում արդեն գործ ունենք նաև Թուրքիայի շահերի հետ։ 

ԵԱՀԿ Մինսկի խմբի ռուսաստանյան համանախագահ Իգոր Պոպովը հայտարարել էր, որ Ղարաբաղյան հակամարտությունը կարգավորելու վերաբերյալ ռուսական առաջարկները չեն շոշափել Լեռնային Ղարաբաղի կարգավիճակը ու վերաբերել են միայն 7 շրջաններն Ադրբեջանին վերադարձնելուն։  

«Նիկոլ Փաշինյանի պարագայում բացառում եմ բանակցային գործընթացի նրբություններին տեղյակ չլինելու հնարավորությունը։ Սա խոսում է այն մասին, որ կան տարակարծություններ և տարամեկնաբանություններ առանձին խնդիրների վերաբերյալ, ինչը խոսում է այն մասին, որ համենայնդեպս հայ–ռուսական հարաբերություններում ամեն ինչ չէ, որ միանշանակ տեղի է ունենում փոխըմբռնման միջավայրում»,– նշեց ՀՀ արդարադատության նախկին նախարարը։

Մանուկյանի կարծիքով` բանակցային գործընթացը, ցավոք սրտի, իդեալական չէ, որովհետև ունենք մի իրավիճակ, երբ կան պարտված և հաղթանակած կողմեր, ու ըստ էության հետպատերազմական հետևանքների տաք իրավիճակը դեռ չմարսած, չհաղթահարած Հայաստանը, որպես պարտված կողմ, այս պահի դրությամբ բանակցային իր ռեսուրսը լիարժեք չի օգտագործում։ 

«Ես բանակցային գործընթացի ռեստարտը հնարավոր համարում եմ։ Համենայն դեպս, որևէ անելանելի իրավիճակից նվազագույնը երկու լավ լուծում կա, սակայն պետք է փոխվեն մեկնարկային պայմանները, այսինքն` Հայաստանի կողմից բանակցողի պահով լավ պայմաններ ապահովելու համար պետք է լինի նոր բանագնաց։ Դժվար է կանխատեսել, թե ինչպես կզարգանան ներքաղաքական գործընթացները, բայց նոր բանակցողը կարող է լինել ինչպես ժամանակավոր կառավարության ներկայացուցիչ, այնպես էլ արտահերթ ընտրությունների արդյունքում ձևավորվող նոր քաղաքական իշխանության ներկայացուցիչը»,– նշեց ՀՀ արդարադատության նախկին նախարարը։

Մանուկյանը ճիշտ համարեց, որ հետպատերազմյան նոր ճարտարապետությունը գծագրվի նոր քաղաքական իշխանության ներկայությամբ և մասնակցությամբ։   

Նիկոլ Փաշինյանը խոստովանել է, թե որ հարցում է ինքը ձախողվել

188
թեգերը:
Ադրբեջան, Ռուսաստան, Հայաստան, Իգոր Պոպով, բանակցություն, Նիկոլ Փաշինյան
Ըստ թեմայի
Եռակողմ բանակցություններ են ընթանում, թե որտեղ պետք է կանգնեն սահմանապահները
Ալիևը գերիների հարցը դարձնում է խաղաքարտ և փորձում շահարկել բանակցություններում
Պուտինը Կրեմլում Ալիևի և Փաշինյանի հետ եռակողմ բանակցություններ է սկսել
Շուշիի արդեն նախկին քաղաքապետ Արծվիկ Սարգսյան

Ինչո՞ւ Փաշինյանն այդքան չի սիրում Շուշին. Սարգսյանը` վարչապետի աղմկոտ հայտարարության մասին

34
Շուշիի արդեն նախկին քաղաքապետ Արծվիկ Սարգսյանի հետ Sputnik Արմենիայի եթերում զրուցել ենք նախօրեին ՀՀ վարչապետ Նիկոլ Փաշինյանի՝ Շուշիի հայկական լինել-չլինելու վերաբերյալ դիրքորոշման շուրջ։ 
Ինչո՞ւ Փաշինյանն այդքան չի սիրում Շուշին. Շուշիի արդեն նախկին քաղաքապետը` վարչապետի աղմկոտ հայտարարության մասին

ԱԺ բարձր ամբիոնից Շուշիի մասին հայտարարությունը բարկացրել է հայոց հինավուրց բերդաքաղաքի նախկին քաղաքապետ Արծվիկ Սարգսյանին։ Թշնամու ջրաղացին ջուր լցնելը նա առնվազն մեծագույն սխալ է համարում։ Ո՞վ չգիտի, որ սովետական տարիներին Շուշիում շատ ադրբեջանցիներ են բնակվել։ 

«Եթե Շուշին ադրբեջանցիներով բնակեցված է եղել, ապա Քարին Տակում, Հադրութում, Ավետարանոցում, Սղնախում ադրբեջանցի չի եղել։ Ինչո՞ւ այդ հարցերը չեն բարձրաձայնում, ինչո՞ւ չեն ասում, որ դրանք հայկական են եղել, իսկ հիմա ադրբեջանցիներն են այնտեղ»,- Sputnik Արմենիայի հետ զրույցում ասաց նա։

Նախկին քաղաքապետն ասում է` պետք չի Ալիևին հաճոյանալու համար նոր դեպրեսիայի մեջ գցել առանց այն էլ ճնշված ու ընկճված հայ ժողովրդին։ Փոխարենն առաջարկում է նույն ոգևորությամբ ու պատրաստակամությամբ հիշել ու հիշեցնել հայկական Նախիջևանի, Գետաշենի, Շահումյանի ու Արծվաշենի մասին։

«Չէ՞ որ 1920 թ-ի կոտորածից հետո սկսել են Շուշին հայաթափել։ Ինչու՞ վարչապետը չի խոսում Նախիջևանի, Գետաշենի, Շահումյանի մասին, թող դրանց մասին էլ բարձրաձայնի, որ Ալիևն իմանա, որ դա էլ մերն է, մենք էլ պահանջատեր ենք դրանց համար»,- նշեց Սարգսյանը։

Նրա խոսքով` թե՛ ադրբեջանցիներով բնակեցված, թե՛ դժբախտ ու դժգույն քաղաք լինելու Փաշինյանի հայտարարությունները նպատակաուղղված են և չեն կարող պատմության չիմացության հետևանք լինել։ Իսկ այդ հայտարարություններից հետո նախկին համայնքապետին այլ բան չի մնում, քան մտածել, որ Շուշիի անկումն էլ մտացածին է եղել։

«Կարծում եմ, որ Շուշին հանձնել են։ Երբ կռվում էինք, չէի մտածում, որ այդպիսի բան կարող է լինել, չնայած մարդիկ ասում էին, որ Շուշին հանձնված է, բայց ես չէի ընդունում դա, բայց այսօր արդեն փաստ է դառնում, որ այն պլանավորված է եղել»,- հավելեց նախկին քաղաքապետը։

Հիշեցնենք` հունվարի 20-ին վարչապետ ՀՀ Նիկոլ Փաշինյանը ԱԺ-ում կառավարության անդամների հետ հարցուպատասխանի ժամանակ, պատասխանելով ԲՀԿ–ական պատգամավոր Նաիրա Զոհրաբյանին, հայտարարեց, որ Շուշին հակամարտությունից և ազատագրումից առաջ ունեցել է 90 և ավելի տոկոս ադրբեջանական բնակչություն, ապա հռետորական հարց հնչեցրեց`ուզում եք ասել, որ 90 և ավելի տոկոս ադրբեջանական բնակչություն ունեցող Շուշին հայկակա՞ն է իր այդ կարգավիճակով։ 

34
թեգերը:
Արցախյան պատերազմ, Նիկոլ Փաշինյան, Շուշի
Ըստ թեմայի
Արցախի Ասկերանի, Մարտունու, Մարտակերտի և Շուշիի շրջաններում բնակելի տներ կտրամադրվեն
«Շուշին ծախածն ընդդեմ Շուշին ազատագրածների». բողոքի ակցիա` Քոչարյանի դատական նիստից առաջ
Ալիևը կնոջ հետ Շուշի է այցելել. նա սկիզբ է դրել Ֆիզուլիի օդանավակայանի շինարարությանը
Ամատունի Վիրաբյան

Վիճելի տարածքների, Սոթքի հետ կապված քարտեզները սկանավորել են և ուղարկել նախարարություններ

106
(Թարմացված է 16:00 21.01.2021)
Ազգային արխիվի նախկին տնօրեն Ամատունի Վիրաբյանը Sputnik Արմենիայի եթերում անդրադարձել է այն հարցին, թե պահվե՞լ է արդյոք արխիվում փաստագրական բազա, որն առնչվում է ՀՀ–ի և Ադրբեջանի սահմանազատման աշխատանքներին և կարող է լույս սփռել հետպատերազմական իրողությունների վրա։
Ամատունի Վիրաբյան. «Հայաստանի և Ադրբեջանի համար պետք է ստեղծվի մոտ 1000 էջանոց տարբեր քարտեզների ժողովածու»

Ազգային արխիվում պահպանվել են այն հատվածների քարտեզները, որոնք եղել են վիճելի և քննարկվել են 1980–ական թվականներին Վլադիմիր Մովսիսյանի գլխավորած հանձնաժողովի կողմից։ Տեղեկությունը Sputnik Արմենիային հայտնեց Ազգային արխիվի նախկին տնօրեն Ամատունի Վիրաբյանը։

«Ես ծանոթ եմ 1944–46 թվականների քարտեզներին, ենթադրում եմ, որ դրանք վերջերս ստացել են Մոսկվայից։ Գիտեք` իրականում Ադրբեջանի հետ սահմանազատում երբևէ չի եղել։ Սահմանազատումն առհասարակ գործընթաց է, երբ երկկողմանի հանձնաժողովն անցնում է կոնկրետ վայրերով և որոշում` այս քարը ձեր տարածքում է, այս քարը` մեր տարածքում, և սյուներ են տնկում։ Այդպիսի բան երբեք չի կատարվել։ Ուղղակի խնդիրն այն է, որ դա եղել է վարչական սահման` այս լեռան կատարից մինչև մյուս լեռան կատարը։ Սահմանազատումը շատ բարդ ու երկար ժամանակ պահանջող աշխատանք է»,– ասաց նա։

Վիրաբյանը նշեց այն հանգամանքը, որ թեև 1991 թվականից Վրաստանն ու Հայաստանն անկախ պետություններ են, սակայն սահմանազատման գործընթացը մինչ օրս չի ավարտվել, իսկ Ադրբեջանի հետ որևէ հատվածում երբեք սահմանազատում չի կատարվել, ուղղակի եղել են վիճելի տարածքներ, և հարցերը լուծվել են պարիտետի սկզբունքը պահպանելով։

«Հայաստանի և Ադրբեջանի համար պետք է ստեղծվի մոտ 1000 էջանոց տարբեր քարտեզների ժողովածու, յուրաքանչյուր 5 կիլոմետրի համար առանձին քարտեզ։ Դե, պատկերացրեք, թե քանի քարտեզ պետք է պատրաստվի, այնպես որ քարտեզը հիմք ընդունելը ճիշտ չէ, առավել ևս, որ ոչ մի քարտեզում մանրամասն սահմանազատում չկա»,– նշեց ազգային արխիվի տնօրենը։

Վիրաբյանին հայտնի չէ, թե «Գեոդեզիայի ու քարտեզագրության» ՊՈԱԿ–ի լուծարումից հետո ինչ է եղել է այդ կառույցի փաստագրական բազան, սակայն շեշտեց, որ այնտեղից որևէ քարտեզ կամ նախագիծ արխիվ չի փոխանցվել։ Նրա տեղեկացմամբ` 2020 թվականի նոյեմբեր–դեկտեմբերին ազգային արխիվում եղած փաստական նյութերի հազարավոր էջեր, այդ թվում` վիճելի տարածքների, Սոթքի հետ կապված քարտեզներ սկանավորվել են և սկավառակով փոխանցվել շահագրգիռ գերատեսչություններին` ՊՆ–ին, ԱԳՆ–ին, տարածքային կառավարման և արդարադատության նախարարություններին, և այդ գործն իրականացնելու համար մի քանի օր սկան անող բազմաթիվ մեքենաներ են աշխատել։

106
թեգերը:
Ամատունի Վիրաբյան, քարտեզ, Հայաստան
Ըստ թեմայի
Ադրբեջանցիներին կարելի է, մեզ` չէ՞. արցախցիների բողոքի ակցիայի հետքերով
Տևական ժամանակ է` Google-ը ջնջել է Ղարաբաղի սահմանները. Պապյանը` քարտեզների մասին
Արման Թաթոյանը հրապարակել է ադրբեջանցիների մոտ առկա քարտեզները
Վահան Քերոբյան

ՀՀ էկոնոմիկայի նախարարն ու ես երկու պաշտոնյա կգործուղվեն Իրան

15
(Թարմացված է 19:08 21.01.2021)
Վահան Քերոբյանը գործուղումից վերադառնալուց հետո եռօրյա ժամկետում ՀՀ վարչապետի աշխատակազմին և ՀՀ արտաքին գործերի նախարարությանը պետք է գործուղման արդյունքների մասին հաշվետվություն ներկայացնի։

ԵՐԵՎԱՆ, 21 հունվարի - Sputnik. ՀՀ էկոնոմիկայի նախարար Վահան Քերոբյանը, էկոնոմիկայի նախարարության արտաքին կապերի վարչության պետ Արմեն Այվազյանն ու արտաքին գործերի նախարարության սահմանակից երկրների վարչության երրորդ քարտուղար Գարիկ Գրիգորյանը կգործուղվեն Իրան։ ՀՀ վարչապետ Նիկոլ Փաշինյանը ստորագրել է նրանց գործուղելու մասին որոշումը, որը հրապարակվել է կառավարության կայքում։

Որոշման համաձայն` պաշտոնյանները Թեհրան կմեկնեն հունվարի 22-ին և կվերադառնան ամսի 26-ին։ Գործուղման նպատակը Իրանի Իսլամական Հանրապետության հետ երկկողմ առևտրատնտեսական համագործակցության զարգացման հեռանկարները քննարկելն է։

Քերոբյանը գործուղումից վերադառնալուց հետո եռօրյա ժամկետում գործուղման արդյունքների մասին հաշվետվություն կներկայացնի ՀՀ վարչապետի աշխատակազմին և ՀՀ արտաքին գործերի նախարարությանը պետք է ներկայացնի Իրանի Իսլամական Հանրապետություն:

Էկոնոմիկայի նախարարը հանդիպել է Սյունիքի մարզպետի ու գործարարների հետ

15
թեգերը:
Իրանի Իսլամական Հանրապետություն, Վահան Քերոբյան, Հայաստան
Ըստ թեմայի
Նախարարն ասել է` որ դեպքում չի երկարաձգվի թուրքական ապրանքների ներմուծման արգելքը
Գնաճը մինչև ո՞ւր կհասնի. էկոնոմիկայի նախարարը վստահեցնում է` մենք դեռ լավ վիճակում ենք
Վահան Քերոբյանը մտադիր է զարգացնել ադամանդագործության ու ոսկերչության ոլորտները
Ազատ տնտեսական գոտին վերջապես կգործակվի՞․ էկոնոմիկայի նախարարն այցելել է Մեղրի